Ka Nupepa Kuokoa, Volume XVI, Number 45, 10 November 1877 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KE AU OKOA I HUI IA.

 

Grapple with the world, boys.

 

            Crown of Glory. p 99.

1

Paio me ke ao la,

            Hopu no a paa,

E aumeume e,

            Mau ka hakaka,

Hehi i na moo nanahu,

            Hana puhi me ka mahu,

Hana mama me ka uila,

            Loaa no ka lanakila.

Paio me ke ao la,

            Hopu no a paa,

E aumeume e,

            Mau ka hakaka.

2

Paio me ke ao la,

            Paio na pokii;

Mai nana a ninau e,

            Lanakila anei?

Ina paio no ka pono,

            No ka aina hua ono,

Kupaa mau a haua ikaika,

            Lanakila ma o ae la.

Paio me ke ao la, &e..

3

Paio me ke ao la,

            Lau na enemi;

Paio, paio, mai makau;

            Paio na pokii-

Ole me ka pahikaua,

            Ole me ka pu a paulele,

            Me ka olelo me na mele.

Paio me ke ao la, &e-

                                    HAWAII.

 

 

HAAWINA KULA SABATI

HELU 8. - SABATI, NOV. 25.

KUMU HANA - Paul@ iloko o ka ino.

PAUKU BAIBALA - Oih. 27:14-26

 

            14 Aole i emo, pa mai la kekahi makani ino, he Eueokeludo ka inoa.

            15 Punia iho la ka moku, aole hiki ke hooku i ka makani, hooeuu ae la makou a holo.

            16 A holo ae la makou malalo o kekahi aina, ua kapaia o Kelaude, hiki apuepue ia makou ke paa iho i waapa.

            17 A huukia ia iluna, hana iho la lakou i mea e kokua ai, hawele iho la lakou malalo o ka moku, a makau iho la o haule lakou ma ko Sureti, no ia mea, kuu iho la lakou i ka pea, a hooholoia pela.

            18 Kahulihuli loa makou i ka ino, nolaila, ia la ae, hoomama iho la lakou i ka moku.

            19 A i ke kolu o ka la, na ko makou l- ma no i hoolei aku i ka ukana pili i ka moku.

            20 A hala ae la na la he nui, aole hoi i ikea mai ka la a me na hoku, aole hoi okana mai o ka ino i kau ia maluna o makou, alaila pau aku la-ka manaolana e hoolaia`i makou.

            21 A loihi ka ai ole ana, alila ku mai la o Paulo iwaena o lakou, i mai la, E na kanaka, ina oukou i hoolohe mai i ka`u, aole hoi i hemo mai, mai Kerete mai, ina ua pono, alaila aole kakou i loaa i keia ino, a me keia poho.

            22 Ano hoi, ke nonoi aku nei au ia oukou, e olioli oukou, o ka moku wale no.

            23 No ka mea, i ka po nei, ku mai la kekahi anela o ke Akua, nona no wau, a oia hoi ka`u e mala nei.

            24 I mai la ia, Mai makau oe, e Paulo; e pono ia oe ke ku aku imua i ke alo o Kaisara; aia hoi, na haawi mai la ke Akua i ka poe a pau e holo pu ana me oe nau.

            25 Nolaila, e kanaka e, a olioli oukou; no ka mea, ke manaoio aku nei au i ke Akua, e hanaia mai, e like me ka mea i oleloia mai ai ia`u.

            26 Aka hoi, e ili ana kakou ma kekahi mokupuni.

            Pauku Gula. "I ko`u manawa e makau ai, e hilinai aku au ia oe." Hal. 56:3.

            Na mahele 1. Ka ino me ka pilikia i lona ia Paulo ma ke kai p. 14-20.

            Na mahele 2. Ka Paulo ao ana, a me ka hoolana manao ana i na hoa holo ona, p.21-26.

            Mele.-Him. 294, 7. Leo. Opiopio.

1

Iesu i aloha mau;

Holo au iloko ou,

O i kau na mo ao,

 A kaa mai na nalu po,

 Huna ia`u, e Iesu e

 A hala`e na ino nei-

 Kaikai i ke awa mau,

 A hookipa maikai ia`u.

            Pule e hoomalu mai Iesu, &e.

 

Na ninau a na Kumu.

 

            A pau ka Paulo haiolelo ana nona iho, ua hoihoiia oia i kona wahi paa. A kuka pu Ageripa ma, a ma ko lakou manao, aole o Paulo i hana i kekahi mea i ku i ka make a me ka paa. Hiki hoi ke hookuu ia oia, ina aole oia i hoopii e ia Kaisara.

            Ka hoomakaukau no ia o na lunaaupuni e holo i Italia o Paulo ma, o na paahao. Ilaila o Roma kahi noho o Kaisara, oia hoi o Nero. Ua haawi aku i na paahao no i kekahi lunahaneri o Iulio kona inoa no ka papa koa o Auguseto o Luka kekahi hoa holo o Paulo me Arisetaseko. I ka loaa ana o ka moku, ee lakou maluna a hoomaka e holo mai Kaisareia aku. Holo i ka akau a pae mua i Sidona A ae oluolu Iulio e hele Paulo i uka a launa pu me na makamaka ona malaila. Malaila aku a malalo o Kupero no ka pakuikui ana mai o ka makani. Holo no lakou a hala ke kai o Kilikia me Pamepulia a hiki i Mura ma Lukia ma ke komohana akau ia. Maanei lakou i hoolele i ka moku mua, a ee ma ka moku hou no Alekanederia. Holo lohi no lakou, no ka mea ua kue ka makani Hiki nae i Kenido, e kokoke ana i Mileto. Malaila mai ma ke koohana hema a lalalo ae o Kerete me Salemone, a i Na awa maikai e pili ana ia Saraia ma Kerete. Nui ka pilikia. Ua hala ka wa pono no ka holo ana. aia lakou ma Na awa maikai ma ka hikina ia o Kerete. Ko Paulo manao, a me kana ao ana, e noho lakou ma ia awa, a pau ka wa ino. Aole nae pela ka manao o ka nui. Ka hemo no ia, e holo i Poinike ma ke`komohana hema o Kerete. Maikai ka makani mamua, a manao lakou e hiki ana i Poinike. Aka, he kuhihewa ia 26:30-32. 27:1-13

            P 14-20. Na pilikia i loaa mai ia lakou. 1 Pa mai he makani ino, owai ka inoa? 2 Kue ka makani, a holo ino ka moku malalo ae o ka aina hea? Kelaudo, he mokupuni unku ma ke komohana hema o Kerete. 3 Ane hiki ole ke malama i ka waapa, i ole e nahaha Hukiia ka waapa i hea? A heaha ka lakou hana i ka moku me na kaula? No keaha? Heaha ko lakou makau? Na Sureti he mau puu one ia ma ke kahakai o Aferika Makau lakou o komo lakou iloko o ia mau puu one a nohaha loa ka moku. Nolaila, heaha ka lakou hana? Kuu i na pea, eki paha i na kia, hoomaama i ka moku, hoolei i ka ukana, ka huita, iloko o ke kai. Nui ka ino, pouli loa ka lani, nalo ka la me ua hoku, pau ka manaolana e aha?

            P 21-26. Ka Paulo mau olelo ao, a me ka hoolana manao ana. Owai ka i makau ole iloko o keia pilikia nui? A loihi ka ai ole ana iloko o keia pilikia nui? A loihi ka ai ole ana ku Paulo iwaena o lakou a olelo ao pehea? Heaha kana mau olelo hoolana manao? Nawai i hai mai ia Paulo, aole e lilo ana ke ola o kekahi o lakou? E aha ana nae ka moku? E ili ana ia mahea? Manaoio anei Paulo? Ua hai e mai anei ke Akua ia Paulo ma ka hihio, e hiki ana oia i Roma? He paahao Paulo ma ka moku, aka, me he la, oia ka mea nui malaila. Hai mai. Hal. 107:25-46:1-3.

Mele-Him. 35, 8. Leo.

1

 Ke Akua nona e ola`i,

A lele mai ka ino e.

 Oia ke ku kokoke mai

 Me kana mau haipule nei.

2

E naue ka honua nei,

 Haalulu hoi na mauna a pau,

 A hooleiia`ku i ke kai,

Aole o kakou makau.

 

 

Na ninau a na Kahu.

 

Na makua. Ua ae no ke kiaaina me ke lii i ko Paulo hoopii ana ia Kaisara. Ua hoomakaukau ia no ka holo ana i Italia. Aia mahea Italia? Ke kulanakauhale aha malaila? Owai ke lii ia wa? Mai hea ka holo ana`e? Nohea ka moku mua? Owai ka lunahaneri nana i malama ia Paulo ma? Owai na hoshele o Paulo? E holo ana Paulo ihea? no keaha? Heaha ka lokomaikai o ka lunahaneri ia Paulo ma Sidnoa? Mahea i haalele ai i ka moku mua, a loaa ka moku hea? Nohea ia moku? Hai mai i na pilikia i loaa ia Paulo mahope o ka haalele ana o ka moku i ke awa mua o Kerete, oia hoi o Na awa maikai. Owai ka i ao, aole make e haalele ia awa a pau ka hooilo o loaa na pilikia he nui wale? Hoolohe anei ka malamamoku ma i ka Paulo? Heaha ka hope o ka hookuli? Heaha ka lakou hana i ili ole ka moku a nahaha?

 Na keiki. Iloko o keia pilikia nui makau anei Paulo? No keaha kona makau ole? Pehea ka la a me na hoku no kekahi mau la a mau po? Pilikia loa ea, aohe la, aohe hoku, aohe panana. Hopohopo loa, pihoihoi ai ole i ka ai, moe ole. Pehea na haumana a Iesu i ka wa i pilikia ai lakou ma ka moku? Mat. 8:24-26. Heluhelu. He moku i pilikia i ka ino nui no ka noho ana o kekati kauia mahuka maluna ona, owai ia kaula? Ua hoolana Paulo i ka manao o ka poe maluna o ka moku, hai mai i kana mau olelo hoolaua, p.21-25. Ia wai oukou e paulele ai ke loaa ka pilikia?

 Kekula a pau. Ma ka makahiki ehia i holo ai Paulo i Roma? He kanaka pono ia, pilikia nae ma ka moana, no keaha ia pilikia? E holo ana na haumana me Iesu pu no ma ka moku, loaa nae ka ino nui ma ka moanawai, no keaha? He kaula maluna o kekahi moku, loaa nae ka ino nui loa i ka moku, no keaha? Pilikia pinepine na moku i keia wa, . he poe haipule paha kekahi maluna iho, pilikia nae, kahuli, ili, nahaha, no keaha? Nui ka hewa maluna o kekahi mau moku, hehi Sabati, lawe i ka ukana, hoolei i ka ukana ma ka la Sabati, no keaha ka poholo ole a ili a nahaha?

            Nui loa ka hewa ma ka honua nei, no keaha ka pau koke ole o ka honua i ke ahi?

            Hai mai i ka pauku gula, me II Pet 3:10.

                       

Mele-Him. 571, 8-7-4. Leo.

Aia i ka la mahope, &e.

Pauku 1, 4, 5.

 

            Pule no ka poe pilikia ma ka moana, &e. Haawina no Dek. 2. Oil. 27:33-44

 

 

Huakai a ka Moiwahine Kapiolani

ma Hawaii, no ke kukulu ana i na halawai Hoola a Hooulu Lahui. Ku makia hoi o ko laua Aupuni.

 

            I ka hiki ana ilalo o Waipio, ua haiana ka wai i ke alanui, na mahuahua ka wai o ke kahawai; o ka imu puaa i kaluaia i mea paina e hoopau ai i ka maka poniuniu a houpo lewalewa, na huea ke a e ka wai, ua hehu a mai la e ka ua, oia hoi keia.

            Ke huea mai la na piha a moe wai o uka

            Ke hehua mai la e ka na na manowai.

            Ilaila komo ka Moiwahine me na ukali, no ohua, i ko lakou mau aahu he pauku ka maloo, ua pulu kahi wahi a he maloo ma kahi wahim aloha no.

            Moe malaila a ao ae, he ua no, hele no iloko o ka ua a hiki i Kaholoakuaiwa, pau ka hana malaila, hoi mai a hele ka Moiwahine e nana i ka paepae kapu o Liloa, mai laila aku, hele ka Moiwahine, e nana ia Lonokaiolohia, ia hoi ana mai, loaa hou no i ka ua, me ka ua no a hiki i kauhale, moe malaila ia po a ao ae, pii hou no ma ka pali i kuilima`i a hiki iluna, uana aku o ka wai o Hilawe a me ke kio wai o Haiwahine, huli ke alo i Hamakua, o ka hele aku la no ia me ka maikai wale no, alawa aku ia hope, he

             "Maikai Waipio, he alo lua na pali"

            Hiki aku ma ka hale o kamaaina, moe malaila a ao ae me ka maikai wale no, a o Mana ka iho.

            Uhi mai la Kauhiwai o Mana, nee mai la ke anu, aole o kauamai o ke anu, hoopumehana mai la no wahi ohue o ka Moiwahine i kahi wai hau o Mareka.

             "Kauaikanana kahi hiamoe."

            Moe malaila a ao ae, aole o kauamai o ka hu-i, a o ka wai o ka haole ke Koloka o ke ala ana`e oia kakahiakanui. Haalele ia Mana, o Kohola ka ihu, hiki aku ma ka Home o Keohokii, he maikai wale no ia hele ana a hiki i na pali o Pololu; pii aku o na pali o Honokane a hoomaha iluna o Nahunapalai, ilaila poniuniu ka Moiwahine, a hina ilalo, a ma ka lokomaikai o ka Makua Nui o ua Laui i kokua ia e na lima o kona mau pokii Alii, ua kala ka puka o ke ola.

            Nana aku o Kakaauki o Makaukiu, ike aku o ka pali o Hanunanuna e ku mai ana ke alo o ka pali o Paoakalani maluna, e hao mai ana ka makani he Maino, a pau ka nanea ana malaila, huli hoi hope hou no Pololu.

            Ia po, hiki hou ka Moiwahine ma ka pali o Honokane a hoomaka oia e o i ke ahi kaolele malaila, o ka hoomaka mua ana paha keia o ke ahi kaolele malaila ia po wahi a lakou, iluna hoi o Waiau, o Haiaka a haule i ke kai o Lehia, a ao ae la, huli hoi i Kohala waho, he maikai wale no keia hoi ana a moe ma Puuhue ia po, a ao ae o Mahukona ka ihu. E hoike aku au i na ddala ma na apana i hala, maloko o keia Nupepa e puka nei, oiai, ua ka`uka`ulele loa aku nei ke kakau Moolelo i mua, a pakeo keia i hope,

            Waipio, Hamakua, Sepatemaba, 19.- Kukuluia he halawai malaila e ka Moiwahine, a lulu ia na dala malaila.

             Huina dala, he                       $43,00.

            Paauhau, Hamakua, Sepatemaba, 21.- Kukuluia he halawai malaila e ka Moiwahine, a lulu ia ua dala m laila.

             Huina dala, he                       $70,00. O Paauhaunui keia me pokeokeo.

            Pohoiki, Kohala, Hawaii, Sept.23- Ku-

            Kukuluia he halawai malaila o ka Moiwahine, a lulu ia na dala malaila.

            Huina dala, he $53.00

            Sept. 24- Hale pule, Kohala, Hawaii

            Kukuluia he halawai ma ia halepule e ka Moiwahine, a lula ia na dala malaila.

            Huina dala, he $19.00

            Sept. 27.- Pololu, Kohala, Hawaii.

            Kukuluia he halawai malaila e ka Moiwahine, a lulu ia na dala malaila.

            Huina dala, he $25 00 a oi aku.

            Ma keia kaapuni ana a ka Moiwahine, aole i pau loa kekahi mau wahi ma keia huakai ana i hele aku nei, aka, ma na wahi ana i lawelawe ai i kana oihana, oia ka`u e hoike aku nei.

            Ka nui o na dala i lulu ia mai ma na wahi a pau a ka Moiwahine, i kukulu ai i kana oihana ma ka Mokupuni o Hawaii.

            Huina o na dala a pau, he $545.00 a oi aku; a hookani apana aole i hoike mai i ka lakou mau dala ma keia huina, wahi a ka lakou mau dala ma keia huina, wahi a ka Moiwahine, na lakou no e houluulu a ma hope hoike mai i ka huina e like me ka la kou noi.

            Pau na hana malaila, kau maluna o Likalike o Makena ka ihu, honi ana i ke ala o ia wao, i lawe ia mai e ke kenau o Ulupalakua; kipa mua aku ;a ma kahi o Kamakele a hui malaila, a hoi mai a moe ma Ulupalakua, ia po, aole he moe iki i ka-u-a mea he anu, a ao ae, hele aku a ke a o Honuaula a hiki i Kaupo.

            Ke hoike aku nei au i na hana i hana ia ma keia mau wahi aka Moiwahine i hele aku ai.

            Huina dala, he $14.00

            Sept. 30.- No Kula, Maui, Hikina. Kukuluia e ka Moiwahine, he halawai malaila, a lulu ia na dala ma ia halawai, he $60 00

            Oct. 3.- Kauiki, Hana, Maui, Hikina. Kukuluia he halawai malaila e ka Moiwahine a lulu ia na dala malaila.

            Ma keia hele ana`ku la a ka Moiwahine, a hiki i Kaupo, moe ma kahi o Manu a ao ae, no Hana ka ihu, ike aku la i na pali kinikini o ia Koolau a hiki ma kahi o Kakani a moe malaila a ao ae, pii ka Moiwahine, iluna`o Kauiki, nana aku la i a Kahalaomapuana, ilaila kahi o Peapea i pau ai i ke ahi, ana aku la o Paliuli ma Hana, maikai no hoi ia whai, a ike aku la ia Hanaualanihaehae, huli hoi hope hou mai la a moe ma kahi o Kekani ma Kipahulu, a ao ae, hele hou mai no Kaupo ka ihu a auau ka Moiwahine, ma Wailuanui, am oe hou ma ka hale o Manu ia po a ao ae, no Ulupalakua ka inu, moe hou malaila a ao ae, no Moe@okolokauahiokula ka ihu, moe ma kahi o Kamakele a ao ae, no Makawao ka ihu a moe ma kahi o Akona (pake.)

            Oct. 4- Kaupo, Maui, Hikina. Kukuluia he halawai malaila e ka Moiwahine a lulu ia na dala malaila.

            Huina dala, he $10.00

            Oct. 5, 6.- Honuaula, Maui, Hikina. Kukluia he halawai malaila e ka Moiwahine a lulu ia na dala malaila.

            Huina o na dala $115 00

            Oct 7.- Makawao, Maui, Hikina. Kukulu a he halawai malaila e ka Moiwahine, a lulu ia na dala malaila.

            Huina o na dala $ 100 00

            Pua ka hana malaila, iho aku la ka Moiwahine i kai o Haiku me kona mau ukali a pau, a lawelawe aku la oia i kaua oihana i hele aku ai.

            Oct. 8.- Haiku, Maui, Hikina. Kukuluia he halawai na ka Moiwahine, malaila, a lulu ia na dala.

            Huina dala $ 20.00

            Pau ka hana malaila, hoi mai a moe hou ma kahi o Akona (pake)ma Makawao, a ao ae, pii iluna o Haleakala ka Moiwahine i ka makaikai a me kona mau ukali, am oe ma ka piko o ka mauna ma Keahuakaoao, ia po o ka moe ana, hoike mai la ka nani o ia mauna i kona kilohana " O kahua anuanu." I ke ahiahi o ia la i hiki aku ai, lalau aku la ka Moiwahine, i ka moa a lakou i lawe pu aku ai, a hukihuki ae la i kona hulu, a ho-a ae la i ke ahi, a pulehu aku la a mo-a, a paina iho la lakou a pau, ia po o ka moe ana, hookahi no o lakou kapa nui i moe ai o ke ahi. Aloha ino. I ke ao ana`e, nana`ku la ka Moiwahine, i ka puka ana`e a ka la, a ike pono aku la i kahi a ka luahine o ka lua i hoehu ai me na mauna la oiai, ia kakahiakanui, aka hi lo a wehea ua kuemaka pali, a maihi ia na kuahiwi, a.

                        "Ua kalae loa ka lani.

                        Ahu wale na kualono."

            Aolekauwahi ao hookahi e kau ana muluna o ia kuahiwi ia kakahiakaui, a me he mea la ka Moiwahine, aia i na aina e kahi i noho ai i ka puka ana a ka la me na mea kupanaha he nui wale, a ua mahalo pina aku la ka Moiwahine, i ka Manu, ka nani, ka Hemolele o ka ke Akua mau hana a pau.

            Hoi mai la ka Moiwahine, mai kona nana ana ia mau mea, a paina kakahiaka iho la lakou, a pau ka paina ana, kau ae la maluna o kona wahi Hoki, a kau ae la no hoi na ukali maluna o ko lakou mau lio. Eia na ukali ma ia hele ana. Kamakele no Moekokoiokanahiokula, Akana pake George no Makawao laua, a me na ohua o ka Moiwahine. Hele aku la ka Moiahine, e nana ia Haleakalapuu a huli hoi mai no Makawao ka ihu, i ka wa i hoi mai ai ka Moiwahine ho a aku la o ia i ke ahi i ke kuahiwi o Haleakala, i hoailona no kona hiki ana iluna o ia mauna.

            Huli hoi loa aku la a moe ana kahi o Kuihelani ma Wailuku, a ao ae la hui ma ka Halepule Kakolika, a hui hou ma ka Halepule Hoole Pope.

            Oct. 11- Wailuku, Maui, Komohana. Kukuluia he halawai e ka Moiwahine malaila, a lulu ia na dala malaila.

            Huina o na dala. $ 79.00

            Pau na hana malaila, moe hou ma kahi o kuihelani a ao ae, hora 4 ahiahi, nui ma Waihee.

            Oct. 12.- Waihee, Maui, Komohana. Kukuluia he halawai malaila e ka Moiwahine a lulu ia na bala malaila.

            Huina o na dala $31.75

            Pau ka halawai malaila, hiki hou ona Waikapu ia po hora 7P. M.

            Oct. 12.- Waikapu, Maui, Komohana. Kukuluia he halawai malaila e ka Moiwahine, a lulu ia na dala malaila.

            Huina o na dala $41.75

Pau na hana malaila moe hou ma kahi o kuihelani a ao ae Poano, la 13 o Oct, hora 10 A. M. haalele ia Wailuku, hele mai a hoomaha ma Kealaakaoio, hele mai a hiki i Kahakuloa, akoakoa mai la na makaninaua, me ka manao paha e kukulu ana ka Moiwahine malaila i ka halawai, aka ua hoopoho wale ia ko lakou mau manaolana a hoihoi pu no me na opihi makaiauli o ia mau paala. "Minamina wale ia mau opihi koele" Hele mai la a hiki ma Hononana, halawai maliala me na makaainana a me kekahi elemakule kahiko, ua hele a kanikoo ke ola; ua haaleleia e kana mau keki, a ua haawi aku ka Moiwahine; i elima mau dala, i mea ola nona." Hana lokomaikai no ka Moiwahine ia ia."

            Pau ka halawai ana me lakou, hele mai a hiki i Honokahua, loohia ka Moiwahine i ka polo i, o ke ko ka ai i ai ai, aole mae no ka nele o ia wahi i ka ai ole, wahi a kamaaina, aka, no ka lono ole e hoea mai ana ka Moiwahine malaila, ioa ka ke kumu o ka pololi ana o ka Moiwahine, a me na ukali; ea.

            He wahi olelo pale wale no paha ia e manaoia`ku ai he oiaio He hoike oiaio ia o ka palaka a me ka nanea. E nana i ka Baibala. Aole i ike ia ka la a ma ka hora e hiki mai ai ke Keiki a ke kanaka me he aihue la i ka po.

            Aole no hoi i ike ka hookele moku a waa paha, e loaa ana ka poino ia ia ma ka moana, aka, i kona noho nanea ana, huli iho la a pau loa i ka make.

             Hele mai la a halawai me na keiki o ka Palihinahina, oia oJ. A Kaukau a me J. A. Nahaku, a me Naiupupaka, e huli mai ana no lakou i ka Moiwahine, halawai hou ka Moiwahine, me kekahi luahine, aole wahi kama, haawi aku la ka Moiwahine elima dala. Oia keia mau elemakule i haalele wale ia. Aloha ino no.

            Hiki ma ka hale o J.A. Nahaku, moe malaila ia po a ao ae, hiki ma kahi o J.A Kaukau a launa me na makaainana, alaila o Lahaina ka ihu, hiki ma kahi o ka Makua`lii ke Alii Kiaaioa o na Honoapiilani, Hon. W. L. Moehonua. Aka, i kona hiki ana`ku, na hoomaka ka paina ma ka hale noho o ka Makua`lii, a pau ka paina malaila, ua naue aku la ma ka luakini o Wainee e lawelawe i kana Oihana.

            Wainee Lahaina Okatoba, 14.- Kukuluia he halawai na ka Moiwahine, malaila, a lulu ia na dala malaila.

                        Huina o na dala                       $150.00.

                        Halepule Kakolika,                 20,00.

            Pau na haua, a moe ma kahi o W. L. Moehonua ia po a ao ae, no Kaanapali ka ihu, ua makaukau na mea ai a na keiki o ka Palihinahina, paina malaila e ka luakini a lawelawe ka Moiwahine i kana Oihana.

            Kaanapali, Maui, Okatoba, 15-Kukuluia he halawai malaila e ka Moiwahine a lulu ia na dala malaila.

                        Huina o na dala                       $113.25.

                        Nui no ke dala o Kauanahua.

            Pau ua hana malaila, paina hou ma kahi o J A. Kaukau a hoi aku no Lahaina ka ihu, moe hou ma kahi o W. L. Moehonua a ao ae, no Olowalu ka ihu, hiki ka Moiwahine me kona mau ukali malaila, a lawelawe i kana oihana.

            Olowalu, Maui, Okatoba, 16-Kukuluia he halawai malaila e ka Moiwahine a lulu ia na dala malaila.

                        Huina o na dala, he                 $47.50.

            Pau na hana ma ka mokupuni o Kama, moe hou ma kahi o W.L Moehonua a ao ae, o Lanai ka ihu, kau maluna o ka Nene aukai (Nettie Nerrill,) hiki aku mawaho o Kahalepalaoa, hookuu ka waapa alii, a pae ka Moiwahine mauka me ka maikai wale no me kona mau ukali pu, eia na ukali W. L. Moehonua,J. A Kaukau,J A.Nahaku J.Abera,J Pamawaho, J.Kamakele, a me ke alii wahine opio Kinoiki, a me na keiki o ka waapa o ka Moiwahine, oia o Nalopi ka hookele. Pae aku la mauka, halawai me ka mea i mahalo ia S. Kahoohalahala, a launa ka Moiwahine me na makaainana i hiki mai a hele aku la e halawai maloko o ka luakini, a hoomaka ka Moiwahine, i kana hana malaila.

            Kahalepalaoa, Lanai, Okatoba, 17-Kukuluia he halawai malaila e ka Moiwahine a lulu ia na d la malaila.

                        Huina o na dala, he                 $30,00.

            Pau ka halawai a hoi mai la a paina ma ka hale o kekua, a pau ka paina ana, kau aku la iluna o ka waapa, o Molokai ka ihu.

                                                                        (Aole i pau.)

 

 

Lole Makepono ke Kuike!

E LOAA NO IA MA KAHI O

KAKELA ME KUKE,

-E LAA NA-

AHINAHINA,

            KALAKOA,

                        KEOKEO,

                                    LEPONALO

Pena, Aila, Aniani,

            Na Mea Piula,

                        Kopa, Aila Honua,

                                    Aila Hoomaloo

Kui Kakia, Pakeke,

            Tabu, Kaula, Noho lio,

                        Hulu-palaki, na Pulumi

A he Agena no hoi no na Mokupuni o Hawaii nei no na

LAINAKINI-NAO,

                        LAINAKINI-MAOLI,

                                    PALULE KALAKOA

ALAPIA, KELEPA, KILISA,

Na Lole kupono i ka wawae,

            Palule Huluhulu,

                        Na Lole Huluhulu,

                                    Na Lole no ka hoohehelo ana

Lipine, lihilihi, a me ia mea`ku

-A HE-

MAU MEA AI KAHI

Ka Palaoa, Kopaa,

            Raiki, Pia, Heohu,

                        Paakai, Huaala,

                                    Pia Kulina &e.

-A HE-

LAAU LAPAAU KAULANA LOA

A Dr. JAYNES.

Laau Kunu,

            Laau Hoomaemae Koko,

                        Laau hoopau naio,

                                    Penikala, Huaale,

A me na Laau Hamo, a pela`ku

827 3m 839

 

 

Papa! Papa!

-NO-

ALLEN A ME ROBINSON,

Ua wehe ae nei maua i

PA KUAI PAPA!

-MA KA-

UWAPO o PAKAKA.

 

Na Papa Ulaula o na ano a pau.

Na Papa Paina o na ano a pau.

                        Na Pili Hale Ulaula.

                        Na Pili Hale Keokeo.

Na Pepa Hoonani Hale.

Na Pepa Molina.

 Na Pena a me na Aila Pena!

            NA KUI O NA ANO A PAU!

                        Na Pani Puka a me

                        Na Pani Puka Aniani.

Na Pani Puka a me

oa Olepelepe.

 

 

Na lako kukulu Hale

- O NA ANO A PAU-

E kuaiia ma ke

Kumukuai Haahaa Loa!

            o keia Makeke.

ALLEN & ROBINSON.

Honolulu, Aper 13, 1876.                               827 3m 339

 

 

HALE KUAI MANUAHI!

NO KONA,

            NO PUNA,

                        NO KOOLAU,

                                    NO NAPALI,

                                                NO MANA!

Eia ma Koloa nei ka mea Hou auo e kupaianaha, a e nane nui mai oukou e ua mamo a

MANOKALANIPO !

a e ike i ua mea maikai o kela a me keia ano, ma ka

HALEKUAI O PENI!

Ua makaukau e kuai aku!

Na Lole o na ano a pau,

            Na Papa o na ano a pau,

                        Na Lako kukulu hale,

                                    Na mea hana kamana,

                                                Na mea ai, mai na aina

e mai a me na mea a pau i makemakeia o ke Kane, ka Wahine a me ke keiki.

            Ke loaa mau mai nei kela mau mea ma kela moku keia moku, a no ka mea, ua hoopaela mai ma Honolulu,

He au hou o ke Kuikahi!

Nolaila, e hiki ia`u ke haawi i keia mau

pono ia oukou, ma ka kumukuai

haahaaloa, i ike ole ia

mamua aku nei.

E lulumi mai a hoao!

                                                FRANK BINDT.

Koloa, Kauai, Aperila 14, 1877.                     802 1 yr @53

 

 

Eia ma ka Hale Kuai o Wini!

NA EA,

            NA OMAU AI,

                        NA KULA PEPEIAO

NA OMAU HAO BUKALO,

            NA MEA ANO HOU A EMI,

Buke Pakeke Ili a me na Eke Dala

            Na Lei Pilali,

                                    Na Lei Eleele,

a me na mea e ae he nui wale.

E HAAWI MAKANA IA ana i kela a me keia mea i kuai a hiki i ka

ELUA DALA.

E hele mai, e nana i keia mau mea maikai, a eloaa no e like me ka makemake.

Eia ma ka Hale Kuai o

756 2m                                    WINI.

 

 

Kuai Haahaa Loa!

            E KUAIIA aku no ma ke kumukuai haahaa, ma ka Hale Kuai o H. M. WINI,

Na Kula Pepeiao Ea a me na Kula kanikau, a me na kui e ae o kela a me keia ano

Na Lei Kanikau no hoi a me na Lei e ae no e linohau ai o na Lede opiopio, e kinikohu ai ke nana aku i ke kau mai @. Na apo lima kanikau a me na mea e ae a pau no ke kumukuai haahaaloa. E wiki mai!                                  81@

 

 

 

NU HOU! NU HOU!

Kukaepele i Hanaia ma Honolulu nei!

E FREDRICK VEHLING!

He kukaepele maikai loa keia!

Ua like kena ano me ke Kukaepele o ko na Aina a

AOLE E NELE KA AINA WA A PAU

E kokua kakou i na hana mikiala kuloko

o ko kakou aina hanau.

E hele mai e ike, a e kuaia ma ka Hale Kuai o                        A.L KAMIKA,

306 3m 83@                                                   Helu 44, Alanui Pupu.