Ka Nupepa Kuokoa, Volume XVIII, Number 30, 26 July 1879 — Page 3
| This text was transcribed by: | Melody |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hunt's Laau Ola!
Hunt's Remedy
He Laau Lapaau Hou, Mai Amerika Mai!
He Laau Maikai keia no
No Mai Pehu o ka Opu,
No Mai o ka Puupaa a me ka Opu Mimi.
Mimi Paa, Mimi Eha, Mimi-Helelei,
Ka Leop Gravel iloko o ka Opu Mimi.
Ka Mana Ole Kapalili. Hui, Ono Ole ka Ai.
Na Mai Wahine
Nawaliwali o ke Kino,
Lepo Ula iloko o ka Wai Mimi,
Manoonoa paha ka Wai e like me ke Keokeo o ka Huamoa, like paha me na Kaula Silika Kenkeo, Eleele. Lenalena paha' a i ole ua like paha me ka Lepo i Anaiia i na iwi keokeo, a i ka Mimi ana. us wela noi ka mai, me ka eha nui o ke Kikala a me ka Pahaka.
He Nui Na Hoike e ola nei e ola nei, ka poe i loohia i keia mau mai i haiia maluna ae, ua pau lakou i ke oa maikai, no ka inu ana i ka
Hunt Laau Ola, "Hunt's Remedy"
Kumukuai, he $1.50 no ka Omole
Dillingham & Co.,
Na Agena no ka Pae Aina Hawaii
Hale Pohaku Hou, Alanui Papu, Helu 31 914 3m 925
AiiA Hookolokolo Kaapuni Apaoa Eha ko Hawaii Pae Aina, ma ka hooponopono waiwai. Ma ka Waiwai o Lilia Eha w, o wailua i make, kauoha ole, imua o ka Lunakanawai Kaapuni ma ke keena. Olelo kauoha e hoolaha aku no ke nui a na mai e koho i lunahooponopono waiwai. Ma ka heluhelu a me ka waiho ana mai o ka palapala noi a losua Manoha o Koloa, e hoike mai ana o Lilia Eha w, no Wailua, Kauai, ua make kauoha ole ma Kalihiwaena, Oahu ma ka la 24, o Novemapa 1578, a e noi ana e haawi ia ka palapala hookohu lunahooponopono waiwai ia losua Manoha. Ua kauoha ia o ka Poaono oia ka la 16 o Augake 1879, i ka hora 10 kakahiaka oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hooklokolo o kela Aha, ma Koloa, Kauai, a ma ia manawa a ma ia wahi no e hele mai ai na mea a pau i pili e hoike mai i ke kumu, in a he kumu oiaiu ko lakou, e ae ole la ai ua noi la. A o keia olelo kauoha e hoolaha ia ma ka olelo hawaii i ekolu pule ma ke Kuokoa he nupepa ma Honolulu.
Kakauia ma Koloa, Kauai, ko Hawaii Pae Aina, Julai 7, 1879.
Jacob hardy
919 st Lunakanwai Kaapuni Apana Eha
Papa Kuhikuhi Manawa Holo
O Ka
Mokumahu Hawaii
"Likelike"
Kapena : : : Reynold.
Poalua Iulai 29 hora 5 pm ………………….. Kaapuni ia Haaii2
Poalua Augate 5 hora 5 pm ………………….. liilo
Poalua Augate 12 hora 5 pm ………………….. Kaapuni ia Hawaii
Poalua Augate 19 hora 5 pm ………………….. Hiloi
Poalua Augate 26 hora 5 pm ………………….. Kaapuni ia Hawaii
Poalua Sept 2 hora 5 pm ………………….. Hilo
Poalua Sept 9 hora 5 pm ………………….. Kaapuni ia Nawai
Poalua Sept 16 hora 5 pm ………………….. Hilo
Poalua Sept 23 hora 5 pm ………………….. Kaapuni ia Uawaii
Poalua Sept 30 hora 5 pm ………………….. Hilo
Aole Aie No Na Uku Ohua?
Ke hoole ia aku nei ka aie no na uku ohua, a ke hoike ia aku nei i ke akea, in a he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia me ole e kakau ia ka loaa ana mai.
He Kuike Ka Uku Ukana.
Ma na ukana a pau a na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malama ia no me ka makaala ua ukana, paiki a me na puolo, lio, pipi a me ka hoki.
E hoailona ia me ka moakaka na Pahu
Rama a me Waiua.
O ka põe no lakou na ukana o keia ano e pono e hoailonaia me ka moakaka, a i ole e kakaula me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, ua keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.
No ke ake nui e hoopomaikaila ka lehulehu kaahele, ua hoololi ae nei na on a o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaa'i na Palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukaa a puolo paha, ke ole e kakaula ka loaa ana mai. E hookaaia ka uku ukana ka wa e hoiia aku ai.
Wilder & Co.
"California One Price Bazar."
Waiwai Hou! Waiwai Hou!
Ma ke ku ana mai nei o ka mokuahi auseteralis, ua loaa mai i ka Halekuai
'Caflifornia O.P. Bazar'
Na Lole Hou maikai loa nona ka huioa he
$4543
Na Pulemai Helu 1 no na Wahine a me na Kane, o ke ano maikai loa.
64 Kakini Palule Keokeo, $1.50 no ka palule hookahi i kupono no ka $3.50
52 Kakini Palule maikai eae, $2.00 no ka polule hookahi i kupono no ka $4.00
93 Kakini Palule Lahilahi, $1.00 no ka palule hookahi i kupono no ka $1.75
Na Kakini Keokeo maikai aeae
me na Kakini Kalekoa, $1.50 no ke Doz.
Na palemai Inia Mariao maikai o na Kane
152 kakini Palemai Wahine maikai mai ke dala hookahi, ekolu a ka eha dala
Na Lole Kukimea Marino, Alapaea, a me na mea hoonani no na wahine.
Na Kalakoa Forani mai ka 15 Keneta no ka Ia a maluna aku.
O Ka Makou Olelo Makia:
E hoahu i na Waiwai maikai, a e Kuai Emi Loa,
Ma ka Halokuai
California One Price Bazar.
905 Sun 916 Mellis & Fishel.
Ko
G. WEST
Mau
Hale Hana Kaa Holo Lealea!
Kaa Lawe Ukana,
Kapili Kapuai Hao,
Meka
Hana Hou ana i ua Kaa Nahaha.
E Loaa ao i ka põe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana (a na hana a pau me ka maikai wale no. E hooko ia no hoi na kauoha me ka eleu, a me ka hikiwawe. 917 3m 928
Kuai Emi! Kuai Manuahi!
Ua loaa mai nei ia'u maluna mai o ka mokuahi Kaleponi, na lole nuhou o kela a me keia ano, nolaila, ke kau leo aku nei au i na keonimana a me na lede o ka makani Apaapaa o Kohala, a me ko ka ua Kipuupuu alo hau anu o Waimea, e naue, a e kipa ae ma ko'u halekuai ma
Honopueo, Kohala, Hawaii.
A malaila e loaa ai ia oukou na lole aulii o kela a me keia ano e wehiwehi ai ke kino. E hoomaka ia ana ke kuai hoemi ma ka Poaono Mei 24, 1879. A e hoomau ia aku ana pela ma na Poaono a me na I'oakahi a pau o kela a me keia pule. E hele nui ae i ike pono.
Goo Kim.
911 3m 922
Olelo Hoolaha.
E manao ana o Mr. Claus Sprecles o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli 1 elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i ole ia ma ka heluna o na kauai loa o ka auwai i eliia; ke noi ia 'ku nei lakou e ninau ia H. Schussier ma Haiku, Maui, a i ole ia William G. Irwin & Co., ma Honolulu a e loaa ia lakou na hoakaka kupono.
Clause Spreckles,
885 tf 11. Schussler
Hoolaha a Na Lunahooponopono Waiwai
No ka mea, ua hoonoho ia mai na mea nona na inoa malalo iho, e ka Hon Abr Fornander, Lunakauawai Kaapuni Apana Elua o ko Hawaii Pae Aina, i mau lunahooponopono waiwai ma ka waiwai o J K Kaianui k no waihee, Maui I make aku nei. Nolaila, o ka poe a pau i aie a e paa ana i kekahi mau waiwai o ka mea i make, e hookaa koke mai i ko lakou mau aie, a e hoihoi mai hoi i ua mau waiwai la, a o ka poe a pau a ka mea make i aie aku ai, e waiho mai i ka lakou mau bila koi aie, a hala na malama eono e pale mau loa ia aku.
WM Ena,
Mrs Kaiu, kona kaha X
Waihee, Maui, Iune 25, 1879. 918 1.
Kahikina Nui!
Helu 62 Alanui Papu.
Ua loaa mai ma keia mokuahi iho nei na waiwai hou he nui.
Na lole kane a me na lole Kamalii maikai loa.
Na lole wahine a me na mea he nui wale.
Na huluhulu farani maikai loa.
Na iliwai,
Na kihei uhibela lilina,
Na keokeo Paina maika loa,
Na silika eleele,
Na alapia a me na Kalepa Eleele maikai,
Na kakini o na Kane, Wahine a me na Kamalii
Na hainaka Silika o na ano a pau,
Na kihei huluhulu Paina o na kane a me na Wahine,
Na Lilina Mauu maikai loa, a me na waiwai e he nui i hiki ole ke helu papa.
Na kelakoa Farani, S1 1-2 o ka Holoku.
Na kalakoa Enelani, S1 no ka Holoku.
Na kaalkop Amerika, S7 1-2 keneta no ka Holoku.
Nolaila, e na makamaka ma keia mokukupuni a mai Hawaii a Niihao, e kipa nui mai i o'u nei, a e loaa no ia oukou na mea kuai me ka oluolu loa. O kahi keia e lewa pono ai o kou makemake, aohe e ohumu.
E kuai ia aku ana no keia mau waiwai me ka hakalia ole no ko'u kaawale noa aku no Europa i keia Kupulau ae. No ko'u poho ana iho nei i ka heihei, nolaila, ua makemake nu e kuai hoemi i hoi mai ko'u poho. He nui ka mea kuai, o ka hoi o kuu lilo i ka heihei o ko'u olu ia.
907 if S. Magnin.
Honolulu, Mei 22, 1897
E Lililehua.
Loio a he Kokua ma ke Kanawai!
Imua o na aha apana a Hoomalu o ka mokupuni o Oahu. E hanaia me ka eleu loa. E loaa no au ma Wehekealaola, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu. 898 ly
S. Aukai.
Loio! Loio!!
Ua ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu. 898 ly
OLelo Hoolaha.
E ike na Kanaka a pau, o ko'u aina o Koloakia ma Waipio, Hamakua, Hawaii, ua hookapu ia. Ke papa aku nei au i na kanaka aole e hookau lakou i na holoholona, na pipi, lio, hoki, kekake, puaa, e holo wale maluna o keia aina o'u, aole hoi e kii wale na kanaka i na mea e ulu ana ma ia aina, ke kope, ka lauhala a me ka ulu. Hookahi dala ka uku ke loaa ia'u kekahi holoholona e hole wale ana ma keia aina o'u. Samuela Kahaloa.
Waipio, Hamakua, Hawaii, Iulai 1, 1879. 919 4t
Olelo Hoolaha.
Hoolaha a ka Hooilina a Hooko Kauoha.
Ma ka waiwai o Kapuahiwa k, o Honolulu i make ke kauoha ia aku nei na mea a pau awa i ale ai a hele mai imua o'u, a o ka poe i ale kaka, e hookaa mai ia’u. E loaa no au ma ko'u hale noho ma Haliimaihe, Hooolaka.
Mes@ Waiaha.
@ a Hooko Kauoha o Kap@hiwa. 915 4t
Olelo Hoolaua.
No ka mea, ua n@iia mai ka mea nona ka inoa mahio iho nei, e Chas Cockett k e hooponopono a e hooiaiou na palema o ke Ahupuaa o Mapulehu, Molokai, ko Hawaii Pae Aina. Nolaila, o ka poe a pau no lakou na Ahupuaa, na Ili Aina a mea apana aloa paha e pili pa ana me keia Ahapuaa, o ka Poakahi oia ka la 23 o Iulai 1879, ma ka hora 10 am ma ka hale hookolokolo ma Pekeo, Molokai, kahi e hoolohe ai i ka olelo o kela nonoi ana. L Aholo.
Komialoa o na Paiaea Aina ma Maui, Molokai a me Lanai. Lahaiaa, Maui, Iulai 5 1879. 919 3t
Olelo Hoolaha.
No ka mea, no noo@i ia mai ka mea nona ka inoa malalo iho nei, e Lahela Pai Ehaw w a me Pa: Shaw k e hoomaopopo a e hooi@ioka na pale@ o ka Ahupuaa o Walokama ma Lahaina, Maui, ko Hawaii Pae Aina. Nolaila, o ka poe a pau no lakou na Ahupuaa, na Ili Aina a mau apana aina paha e pili pu ana me keia Ahupuaa, o ka Poaha oia ka la 24 o Iulai 1579, am ka hora 10 am ma ka hale hookolokolo ma Lahaina, Maui, kahi e hoolohe ai i ka oiaio o keia nonoi ana.
L Aholo.
Komiaina o na I'alena Aina ma Maui, Molokai a me Lanai. Lahaina, Maui, Iulai 3, 1879. 919 St.
Hoolaha Kuai Moraki
Mamuli o ke kauoha a W. Mccandies ka mea nona ka Moraki hoike ia iloko o kekahi Palaoala Moraki i kakau ia i Maraki 6. M. H. 1876, i hana ia e Kailiulaula, John Paaniaoi, a me Kealoha, ia W. McCandies i olelo ia, ua kauoha ia au e kuai aku ma ke kudala akea ma ka Poaono la 2, o Augate 1579, ma ka hora 12 awakea, ma ko'u Halekuai ma Honolulu i kela mau apana aina a pau e waiho la ma Manoa, Oahu, a i hoike ia na palena iloko o ka Palapala S.la Nui Helu 2, 594 Kuleana Uelu 5, 579, kona ili Hookahi me $7-100 Eka, a me Palapala Eila Nai Helu 2, 691, Kuleana Hela 1, 923 iloko oia 802 Anana. No na mea i koe e ninau ia.
E.P. Adams.
Luna Kudala.
Cecil Brown, Lolo o ka mea nona ka Moraki.
Honolulu, Iulai 19, 1879 920 St.
Lole Makepono
Ke Kuike.
E Loaa No Ia Ma Kahi O
Kakela Me Kuke!
E Laa Na
Ahinahina, Kalakoa,
Keokeo, Leponalo,
Pena, Aila, Aniani.
Na Mea Piula!
Kopa, Aila Honua,
Aila Hoomaloo
Kui Kakia, Pakeke,
Tabu, Kaula, Noho Lio,
Hulu Palaki, Na Pulumi
A he
Agena no hoi no na Mokupuni o Hawaii nei no na
Lainakininao
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae
Palule Huluhulu,
Na lole huluhulu,
Na lole no ka hoohehelo ana
Lipini, Lihilihi, &c.
Lipine, Lihilihi, &c.
A me na
Mikini Humuhumu MakeponoLoa!
A he
Mau mea ai kahi
Ka palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A he laau Lapaau Kaulana Loa
A Dr. Jaynes.
Laau Kunu,
Lanu Hoomaemae Koko,
Laau Hoopau Naio,
Penikila, Huaale,
A me na Laau Hamo, a pela'ku!
S40 if
Papa! Papa!
No
Allen & Robinson
Ua weue ae nei maua i
Pa kuai papa
ma
ka uwapo o Pakaka
Na papa Ulaula o na ano a pau.
Na papa Paina o na ano a pau.
Na pili hale ulala.
Na pili hale keokeo.
Na pepa hoonani hale,
Na pepa molina.
Na pena a me na Aila Pena!
Na kui o na ano a pau.
Na pani puka a me
Na pani puka aniani.
Na pani puka a me
Na olepelepe.
Na Lako Kulukulu Hale
O na ano a pau!
E Kuaiia Ma ke
ke kumukuai haahaa loa
O keia Makeke
Allen & Robinson
Honolulu, Ian. 1 187g 863 tf
Nu Hou Kuloko
No Kauai: E holo ana ka Lolo W. O. Smith i Kauai e kokua ma na hihia imua o ke Kau Kiu'e i ka pule mua o Augake e niki mai ana, nolaila, ne mea pono i ka poe mea hihia ke hoemakauakau e i o la honua.
Hoopololei. Ua hoolaha aku nei makou i ka pule i hala ae nei o ka nui o na dala mahina hou o ka ekalesia o Kawaiahao no ka mahini o Iulai nei he $76.60, aole oia ka pololei, o ka pololei he $79.60.
Hoopaneeia. No ka piha loa o ka pepa o keia pule, nolaila, ua hoopanee ia ka Moolelo o na hihia o ke Kau Kiure o Iulai nei a keia pule ae, a pela pu no me kekahi mau manao heluhelu e ae a makou i ake nui ai e hoolaha aku.
E alawa ae. He mea pono i ka poe a pau i aie dala ma ke Keena Loio o Kakela a me Haki ma ka moraki ana i ko lakou mau aina ke hele koke mai io laua la e hookaa ai, o lilo auanei: ko oukou mau aina i ke kudala ia, e alawa ae i ka laua olelo hoolaha e puka aku nei ma ka pepa o keia la.
Hookouia. Ma ka Poalua iho nei o keia pule, oia ka ia 22 o keia mhina ua hookohu ia o William G. Needham Esq. o Waikele, Ewa, Oahua, i Lunakanawai Apana no Ewa a me Waianae, ma kahi o J. R. Williams i make.
Kula hanai Kaikamahine o Kawaiahao. E hoomaka hou ia'na keia kula hanai i ka la 13 o Augate oia ka Poakolu. O ka pau ana ia o ka wa hoomaha, e paa maikai ana ka hale kuke houk, a me ka hale-paina, kahi e paina ai na haumana ma ke keena hookahi me na kumu. No keia ano hou o ka noho ana, eia ke kauoha, E lawe mai kela haumana keia haumana i kona mau mea hoolako ponoi no ke pakaukaukau, oia no keia, i 1 Pa, 1 Boln, 1 Puna, 1 Pahi a me ke O. E. K. Binamu, Kumu Kula.
Honolulu, Iulai 24, 1879.
Lio Nalowale.
Ma ka po o kekahi la iloko o na pule i hala ae nei, ma Moanalua, Honolulu, Oahu, ua holo a i ole ua lawe kolohe i apaha kuu lio kane ulaula laekea, ua kapili ia na wawao mua me ke kapuai hao, nona ka haokuni J R, ma kekahi wahi o kona kino, e paa ana no ua lio la me ke kaula. Nolaila, o ka mea a mau mea paha nana e hoihoi mai i ua lio la ia'u ma Moanalua nei, e uku no au i na $@. Liona, (Pake.)
Moanalua, Honolulu, Iulai 24, 1879. 921 4t
Hoolaha a ka Lunahooponopono Waiwai.
Ma ka waiwai o Kaupena (k) i make. o na mea a pau he kuleana ko lakou e koi ai i ka waiwai i hoike ia maluna, ke kauoha ia aku nei lakou e waiho mai ia mau mea imua o ka Lunahooponopono Waiwai, ma ke Keena Loio o Kakela & Haki no ka hooponopono ana ia mau mea iloko o na mahina eono, mai keia la uku, a i ole e nele no lakou; a o ka poe a pau i ale i keia waiwai, e hookaa koke mai lakou ia
F.M. Hatch,
Lunahooponopono waiwai o Kaupena (k) i make.
Honolulu, Iulai 24, 1879. 921 4t
Hoolaha A Ka Lunahooponopono Waiwai.
Ma ka waiwai o Mary Kaheiau (w) i make. O na mea a pau he kuleana ko lakou e koi ai i ka waiwai i hoike ia maluna, ke kauoha ia aku nei lakou e waiho mai ia mau mea imua o ka Lunahooponopono Waiwai, ma ke keena Loio o Kakela & Haki, no ka hooponopono ana ia mau mea iloko o na mahina eono mai keia la aku, a i ole e nele no lakou; a o ka poe a pau i aie i keia waiwai e hookaa koke mai lakou ia
F.M. Hatch,
Lunahooponopono o Mary Kaheiau i make.
Honolulu, Iulai 24, 1879. 921 4t
Makemake Ia!
……….i………
Mau Keiki Puhi Ohe Hou!
Ua makemake ka Oihana Puhi O. Aupuni i mau Keiki Opiopio Puhi Ohe Hou, no lakou na ola kino maikai a ikaika, no ka hoopiha pono ana i ka Puali Puhi Ohe Aupuni. He eono ka nui i makemakeia, no lakou na makahiki aole i oi aku i ka 20. E loaa no ke Kumu Puhi Ohe ma kona hale noho ma Emma Kuea a ma Hale Koa.
H Berger, Kumu Puhi Ohe.
Honolulu, Iulai 10, 1879 919 4t
Lio Nalowale.
Ua holo a nalowale kuu lio hulu balaunu wawae keokeo ma ke ahiahi o ka Poakahi iho nei Iulai 14, mai loko aku o ka pa lio o Kimopelepau maluna on a, a o kona hao kuni ma ka uha hope akau K-H, nolaila, o ka mea a mau mea paha nana e hoihoi mai i ka huina o na alanui Nuuanu me Hotele, mao mai o Kanekina.
Chung Wa.
Honolulu Iulai 15, 1879. 920 4t
Aha hookolokolo Kaapuni Apana Eha ko Hawaii Pae Aina, toa ka hooponopono waiwai ma ka waiwai o Kapuni mo ke Keena. Olelo Kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Pahipa w o Kakalae, e hoike mai ana o Kawahine w no Kalaupapa, Molokai, ua make kauoha ole ma Kalaupapa ma ka la 15 o Maraki, 1879, a e noi ana e haawi ia ka palapala hookohu lunahooponopono waiwai ia Opuweuweu! k. Ua kauohala o ka Poaono, oia ka la 16 o Augate, 1879, i ka hora 10 o kakahiaka, oia ka manawa i kohoia no ka hoolohe ana i ua noi la imua o ua Lunakanawai la, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ma he kumu olaio ko lakou, e ae ole ia ai ua uo! la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu.
Kakauia ma Koloa, Kauai, ko Hawaii Pae Aina, Iulai 7, 1879. Jacob hardy,
919 3t Lunakanawai Kaapuni Apana Eha.
Aha Hookoloholo Kaapuni Apana Eha ko Hawaii Pae Aina, ma ka hooponopono waiwai ma ka waiwai o Kuhaimoana k o Hanamaulu, i make kauoha ole, imua o ka Lunakanawai Kaapuni ma ke Keena. Olelo kauoha e hoolaha aku eo ke noi ana mai e koho i lunaooponopono waiwai. Ma ka heluhelu a me ka waiho ana mai o ka palapala noi a Malaia Kualaau w e hoike mai ana o Kuhaimoana k no Hanamaulu ua make kauoha ole ma Hanamaulo, Kauai, ma ka la 7 o Maraki 1862, a e noi ana e haawi ia ka palapala hookohu lunahooponopono waiwai ia Malaia Kualaau w. Ua Kauoha ia o ka Poaono oia ka la 16 o Augake 1879, i ka hora 10 kakahiaka oia ka manawa i koho la no ka hoolohe ana i ua noi la, imua o na Lenakaoawai la, ma ke keena hookolokolo o keia Aha, ma Koloa, a ma ia manawa a ma la wahi no e hele mai ai na mea a pau i pili e hoike mai i ke kumu, ina he kumu ohio ko lakou, e ae ole ia ai ua noi la. A o keia olelo kauoha a e hoolaka ia ma ka olelo Hawaii i ekolu pule ma ke Kuokoa he nupepa ma Honolulu.
Kakauia ma Kolua, Kauai, ko Hawaii Pae Aina, Iulai 7, 1879. Jacob Hardy
919 3t Lunakanawai Kaapuni Apena Eha.
A ua hookolokolo Kaapuni Apana Eha ko Hawaii Pae Aina, ma ka hooponopono waiwai ma ka waiwai o @ Namee k o Koloa i make kauoha ole, imua o ka Lunakanawai Kaapuni ma ke Keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Emale Alapai o Koloa, e hoike mai ana o S Namee (k) no Koloa, Kauai, ua make kauoha ole ma Kolua, ma ka la 15 o Mei 1866, a e noi ana e haawi ia ka palapala hookohu hana hooponopono waiwai ia Emale Alapai. Ua kauoha la o ka Poaono, ola ka la 16 o Augate, 1879, i ka hora 10 kakahiaka oia ka manawa i koho ia no ka hoolohe ana i na noi la inoa o ua lunakanawai ia, ma ke keena hookolokolo o kela aha, ma Koloa a ma ia manawa a me ia wahi no e hele mai ai na mea a pau i pili e hoike mai i ke kumu, in a he kumu oiaio ko lakou e ae ole ia ai na noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa, he nupepa poa Hopolala.
Kakau ia ma Koloi, Kauai, o ko Hawaii pae Aina, July 7, 1879. Jacob Hardy.
Lanakapawai Kaapaui A pana Eha.
Na Mea Hou o Kapaa, Kauai
E ka Nupepa Kuokoa: Aloha oe:
Ke hoouna aku nei au i na munahuna mea hou o ka laula o Kapaa nei, a nau hoi ia e telefone aku ma na hale au i kipa ai, a i hookamaaina ai noi, a oia iho keia:
Ke anoe o Kapaa.
He palahalaha maikai ke ano o ka aina, a oluolu maikai na maka ke nana'u, aohe wahi a ka inalihini e kanalua ai. A no keia Kapaa no hoi na lalani mele a ka poe oli e oli mai nei, penei: "O ka laula o Kapaa ka'u minamina. O ka nua o ke kalukalu i ka poakolu." A ma ka huli maluna aku o Kapaa, e ike ku no oe i ka holu nape mai o ka liu o ke ko i ke kula o Mailehuna, kahi hoi i holo ai ma ke mele a ka poe haku mele, penei: "Elua lio koloua i ke kula o Mailehuna." Aohe lio koloua o ua kulanei i keia wa, aka, he paa ia na ke ko mai ka uka a ke kai.
No ke Awa ka Moku.
He nani no kahi e ku ai o ka moku, a ua lawa pono kona mau aoao i n boe, a he like loa no hoi kekahi boe o ua awa nei o Kapaa me ka boe laauhole o ka nuku o Mamale, pela okoa iho la no kekahi boe i ka nuku o ua awa nei o Kapaa.
Na hihia imua o ka L.K., E.K. Lilikalani.
Ma ka Poaono, Iune 7. Ke ’lii kue ia Lew Yun, Haawi waiona i ke kanaka Hawaii, hoopaiia $15 a me na koina.Ke 'lii kue ia Papoko a me Kaikao, hoeha holoholona, hoopau wale ia, a he mau hihia kekahi i na mahina i hala ae nei, ua kapi ia kahi poe, a ua pakele ma ka a pua kahi poe.
No ka Wiliko o Kapaa.
Ua holopono kekahi mau mea, a he mau wahi hemahema liilii koe, aka o ka nau ke komo ke ko a puka ma o ua maloo ka laina, he mau hora e kaulai aku ai i ka laina i ka la, o ke komo aku la no ia i kapuahi, o na mikini hoomaloo ko hoi keia, niniu poahi lakou, a he manawa ole ua maloo ke ko, a ma ke keena ko komo aku la iloko o na eke. A aia aku nei i Honolulu he mau tausani eke kopaa maluna aku o kahi nene aukai o Kauai nei mokolii a me Manuokawai.
No ka Hawai.
O ka lawaia ana mai o ke ko mai kahi e oki ia ana a ka Hale Wiliko, na ka wai ka hana, oia i ua kapili ka hui i kekahi hawai lawe ko nona ka loihi 1 18 mile, a o ka manawa o ke ko e lilo mai ai ma ka hawai a ka papa opiopi he 10 minute a oi iki, holo ka hana. Ina paha he mau koa bipi, a kaa hoku, he hora okoa a oi aku hoohiki i ka wili. Ua olelo nui ko Kauai nei poe, o ka hiki mua keia o na wiliko i hiki i Kauai nei ma ka maikai, a me ka laweia ana mai o ke ko e ka wai.
Na Halekuai o Kapaa.
Eha halekuai ma keia wahi, ekolu no ka pake, a hookahi no Mr. H.L. Haula, ua kamaaina oia me ko Honolulu. A eia oia ke hapai nei i keia hana me ka eleu. Eia ka'u ia oe e kuu makamaka, imua a eo ia oe na hoa o kaua, oini oe e paa ana i na hana a ko na aina e ma kou lima. Ua ku ae nei hoi he hale pakaukau ia, a kamano, no J. Walawala he kamaaina oia no Kapaa nei, aole mnae i makaukau no ke kuai aku, oiai akahi no a kukulu ka hale, elua hoi hale inu ti no ka pake, a ua pau iho nei ke kolu, oia ka hale o ko makou makamaka W. Brown, he kumu no kona waiho ana, oia hoi kona nee aku ma kahi e no kekahi hana.
Mr. Panui a me kona Ohana.
Iloko o ka mahina i hala ua ili iho maluna o ka mea nona ka inoa maluna ke kaumaha luuluu, a hiki i ka wa a ka'u peni e kaulele nei, oia keia, ua lawe aku ka make i kana wahine, ka laua bebe hau, a me elua keiki kane ua nunui, a me hookahi moopuna, a ke noho nei no oia me na kaikamahine elua me ka mai no; nole hiki i ka'u peni ke hoike ae e pono ana paha laua, aole paha, aka, ke ume nei ka make. Ea! Heaha keia pilikia? Eia, aohe ka poe Hoola Lahui, aole no hoi he kauka ma keia apano, he loihi loa kahi o ke kauka, aia i Koloa; ke ano o ka mai he fiva no ua kii ia no ka laau i kahi o ke kauka, a hoi mai nae ua hala e ka manawa. Me ke aloha.
David Keaweamahi.
Kapaa, Iune, 1879.
Kuhina o ko na aina e. Ma ke ku ana mai a ka mokuahi "Likelike" i ke kakahiaka Sabati iho nei, ua huli hoi mai ke Kuhina o ko na aina e mai Hawaii mai mahope iho o ka loaa ana ia ia o ka oluolu maikai mai na u@ mai o ka nawaliwali.
Hoopalia. Ma ka Poalua iho nei o keia pule, ua noho ke Kure e hoolohe no ka hihia Hoohiki Wahahee o W.J. Noa no kona hoole ana aole i kuai a haawi i ka waiona i ke kanaka Hawaii, ua hoopuka mai ke Kuiure i ka Olelo Hooholo e hoahewa ana i ka mea i hoopii ia. A ma ka Poakolu ae ua hoopuka mai ka aha i ka hoopai e hoopaahao ia ia ma ka hana oolea no namakahiki eha.
He Puaa Kupanaha. Ma ka Poakahi iho nei o keia pule, ua lawe mai o W.F> Kainoa o uka ae nei o Makiki iloko o ko makou keena hana i kekahi puaa i hanau kupanaha ia, a penei ke ano: He kino puaa, he mau maka no, he mau pepeiao, aohe nae he a lalo, he loihi ka ihu, he pokole na wawae mua, aohe hoi he mau wawahe hope, he ano alualu wale no, a i ka nana iho, he kupanaha maoli io no.
E haohao ana paha. E haohao ana paha ko makou poe heluhelu no ka puka ole aku o ke "kauo o Beriana Ka Wiwo ole a me Mahone Ke Koa," ma ka pepa o keia pule. O ke kumu oia nele ana, no ka loohia ia ana o ka mea nana e unuhi nei ia kaao me keia mai e pahola nei maluna o ka aina iloko o keia mau la, nolaila, e ahonui mai no ko makou poe heluhelu.
Nuhou o ko na Aina e
Paulo Boetoua.
Ka Kanaka Aahu Lama.
Ke haawi aku nei makou i ko makou mau tausani poe heluhelu i ka moolelo o Paulo Boetona, ke kanaka nana i imi mua ke aahu aukai lana kupanaha.
Me keia aahu kapa i au aku ai oia me ka hoe pu ana i ka makahiki i hala, mawaena aku o ke kowa o Enelani, me ke kahaha nui ana o ko ke ao nei nona; a me ia aahu lana no on a, i au hele ia ai e ia na muliwai kaulana o Europa, i ike ia na poino weliweli nui maluna o ka ili hualala moana.
Ua hoe aku oia iloko o kona nahu lana, ma ka muliwai Misispi, e hoomaka ana mai ke kulanakauhale Aila aku. Ua holo mua aku oia ma ka muliwai Ohio a hiki i ka hui pu ana me ka muliwai nui. He mea e ka weliwali o na popilikia, aka, aole oia i hopohopo no kona piholo a holoa ia iloko o ka opu o ka hohonu, oiai, he poino i ke anu a me ka opili; a mamuli paha o kona imi mua ana i keia aahu lana, he mea ia e hoopakele ana i na ope he nui i loohia i na poino ma ka nahaha ana o na moku, ma ke kokua ana ia lakou mai waena ae o na aui ale, a hiki i ka wa e loan ai i kekahi mau waapa a moku paha e maalo mai ana ma ai ala, aka, mamuli wale no o ka ikaika o na olona a me na aakoko a me ka hopo ole, e hiki ai ke hoolilo i na ale o ka moana i home noho, e like me Paulo Boetona.
O ke kii e waiho nei ma ko makou keena, oia ke kii o kana huakai aukai mai kulanakauhale Aila aku; ke holo nei oia me kona pea i poho pono i ka makani, i kukula ia ke kia iluna o na wawae pio ia, a e moe ana ke kaula mai ka welau luna aku o ke kia a hiki i kona ai, a ma kona lima akau, e paa ana oia he ole a e puhi aku ana oia i kekahi mokuahi e holo ae anu ma kona aoao me ka lehau i na kanaka i makaikai mai iaia; a ma kona lima hema kana hoe, me kekahi kaula i hoopaaaia i on a lima a poa i ka aoao malalo o ka pea, a e paa ana oia he kika ma ke kowa o na manamana, a e pua ana ka uahi; a malalo iho nei ka moolelo o kana huakai.
Nu OLeana, Aperila 27, 1879
Mahope iho o na la he kanawalu o ka pa ikaika ana o ka makani, ua hiki aku la o Kapena Paulo Boetona i ka pahu hopu o kana huakai aumoana, nona na mile i lolii mlia ia iluna o ka hokua o ka ule he 2342 a pae mai la ma keia kulanakauhale he 13 minute i hala o ka hora 6 o ka auina la.
O key huakai hope ana, oia kona manawa loin maluna o ka wai ma keia huakai. Ua hoomaka aku oia e holo mai Baton Rouge aku ma ka hora ewalu o kakahiaka o nehinei, a he anaina nui ka i makaikai aku i kona holo ana. O ka la ana i hoolele ai, he la ino, a ua piha ka muliwai i na waipuilani. NOlaila aole oia i hookuu pau i ka holo, ua holo akahele aku oia, a ma hope iho o kona kaawale ana aku iwaho he mau hora, ua halawai kokeme ia he poio weliweli. Mamuli o ka inoino o ka la, ua makau na waapa kiai ke holo iwaho, aka, i ka wa a ke kapena i hooki ai i kona hoe ana, o ka wa ia o na waipuilani i hoomaka mai ai maluna o ka muliwai, a hookokoke mai la me ka hikiwawe nui. O ka halulu nae o kahi i hoomaka ae, aole e hiki ke hoomaopopoia. Ua hooikaika nui o BOetona ia ia iho e kaawale ae mai ka ume ia ana e ka waipuilani, a ekolu on a manawa i pakele mahunehune ai, mai na ulia poino o keia ano. Aka, o kona wahi waa ukana lawe ai, nona ka inoa, "Ka'u Keiki," ua loaa mai la i ka waipuilani, a ume ia'ku la iloko o ka hohonu e lumilumi ia ai. A mamuli o ke aumeume pu ana, ua pakele mai la kona wahi wau lawe ai. A i ka po ana iho, halii iho la ka ohu ma luna o ka muliwai Misispi, a hiki ole ke ike ia aku na kukui hoailona a ke auouni i kukulu ai ma kela a me keia noao o kona muliwai, a ua nele ka mea aukai i ke panana ole e olakai ai ia ia, koe wale no ka hookolo ana ma kahi e ko ai ke au. He nui wale kona manawa i pae ai iluna o na ahua lepo pohopoho no ke kuhihewa.
Ua pae mai o Paulo Boetona ma ke kumu o ke alanui Canal, iwaena o ke kani kui ke ana o na bele a me ka olehala o na oeoe; a he anaina nui loa malaila, nana i kauo mai na kiai i kapa muliwai e ike i keia mea kupanaha. Ua kau aku o Boetona maluna o ke kaa a lawe ia aku la i ke kulanakauhale Hotele, kahi o na kauka niele i akoakoa ai. mahope iho o ko lakou noii akahele ana, ua hoike mai lakou penei: Ke anu me ka mehana 88, hanu ana 18, pana ana 75. He kanaka kino ikaika o BOetona, no ka mea, he 20 paona wale no o kona ikaika i haule, mai ka hoomaka ana o kana huakai a i ka pau ana. He nui na palapala mahalo i loaa mai ia ia mai kelaa me keia pe mai o ka aina. I ka wa a Paulo Boetona i hooluolu ai ia ia maluna o kahi moe, ua olelo ae na kauka he 20 hora ka loihi o kona wa e moe ai.
E hoolohe mai: Ke pahola aku nei makou i ka lohe i ko makou poe heluhelu i hookaa ole mai i ke ola o ka kakou pepa, he mea pono ia lakou e haawi koke ae ma ka lima o ko makou mau Luna, a i ole e hoouna mai no ia makou ma Honolulu nei, oiai. Ua hala ka hapalua mua o keia makahiki, a o ka poe hoi i hookaa hapa mai he pono ke hoopau loa mai i kahi koena i koe, a i ole e hana ia pela, alaila e hooki koke ana makou me ka hookaulua ole i ka hoouna ana i ka pepa i ka poe hoopanee wale. He pono i ka lehulehu ke hoomanao i keia, o nele auanei i ka ike ana i na kolamu o ke "Kuokoa" A me kona mau kalai manao ana. Eleu nui mai.