Ka Nupepa Kuokoa, Volume XIX, Number 3, 17 January 1880 — Na Inoa o ka Lanakila. [ARTICLE]

Na Inoa o ka Lanakila.

O keia poo e kau ae la maluna, oia no ka hopuna olelo kumu o keia manao malalo iho, i waiho ia mai ia makou no ke pai aku, a penei no ia: 11 Ua hauoli nui makou i ka hai ana aku imua o na makamaka o ka apana o Kona, Oahu, mamuli o ke noi ia ana aku, ua ee mai la o Hale L. Sheldon ' Hale Kelekona ' ame John L. Kees, ' Keoni L. Liki, kaha kii' e waiho mai i ko laua mau inoa imua 0 ka poe kupono i ke koho balota o keia apana, ma ke ano he mau inoa kauwa na lakou, ma ka ae ana e hee i ka nalu o ka holo balota Lunamakaainana no keia kau Ahaolelo e nee mai nei. Ua hauoli no hoi makou 1 ko laua ae oluolu ana mai, he hiki 1 kela a me keia ke lawe a hoopaa i ko laua mau inoa me na moa e ae a ka makemake i iini ai—e kuu ana ia laua iho 1 ka loa a me ka laula o ka aina, e hana na makaainana e like me ko lakou makemake. Oiai ua ike ia a ua maopopo ke ano a me ke kulana o keia mau īnoa, ua kau mai ka manaolana, e hookiekie ia a e hooko ia ka pono, ma ka apana alii o ke aupuni Hawaii i keia kau, ke au hoi i olelo īa, na hiona poluluhi. " O ka balota mua loa i loaa mai maloko o keia mau inoa, i kapa ia ka Balota Kuokoa, oia keia—Hale L. Kelekona, John L. Liki, O. K. Kapule, Z. P. Kalokuokamaile. A o na makamaka i makemake e hooko» mo aku i kahi o keia mau inoa ma ko lakou j mau balota, ua ae wale ia no. Imua eka ua kukalahale a lei i ke kalaunu o ka lanakila a me ka hanohano. O makou Na Lala o nā Papa Pai. Honolulu, Jan. 15, 1880. He Līko.—Ma Kikihale, Honolulu, ua opuu ae he liko hou na Mr. Holoua me ko na koolua.