Ka Nupepa Kuokoa, Volume XIX, Number 8, 21 February 1880 — Page 2
| This text was transcribed by: | Kelly Murray |
| This work is dedicated to: | Joy Hauoli Balmores |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
UA hookohoia i keia la o G.W.C. Jones i Agena haawi Palapala Mare no ka Apana o Kau, Mokupuni o Hawaii. Ua hoomaka kona @ i ka la 15 o Dekemaba 1879.
SAM'L G. WILDER. Kuhina Kalaiaina. Keena Kalaiana, Feb. 13, 1880 951-3t
MALALO o ka mana i waiho ia mai ia'u hoomana @ e ka Makana 30 o na Kanawai o 1878, he kanawai e hooponopono ana i ka Pauku i o ke Kanawa i hoakaka ia. "He Kanawai e hoomana ana i ke Kuhina Kalaiaina e lawe ma kona lima i na aina me ka wai i manao ia no ka pono o ka Oihana Wai o Hooululu, i ap@ ma ka la 18 o Augate @ a hooponopono ia ma kekahi Kanawai i @ ia ma ka la 15 o Iulai 1874.
Ke ho'ke ia aku nei ka lohe i na iaku aina a me na poe mea aina he nui wale o na aina a me na apana aina i hoakakaia ke ano ma keia palapala i kakau ia, he hoike ia aku nei e hookaawale a e lawe ia aku ma kahi e mamua ae o ka pau ana o ka la 31 o Maraki ae nei; na pipi, na lio a me na hooholona e ae a pau e holo ana maluna o na mau aina nei, a e hoomalu ia keia mau aina mai na pipi a me na holoholona e ae pau. O ka wai maluna o keia mau aina i hoakakaia no ka pomaikai ia o ka Oihana Wai o Hooululu.
Na Aina i hoike ia maluna ae:
Oahu-Haumakaawe, Poloke, Maunalaha a me ka aina o Ioane 11.
Pawaa a me Kanaka-Kalawahine malalo aku o Nahuina, Kaiwiokaehu, a me kekahi lihi o Kawelo e waiho ana ma ka aoao mauka o ke alanui Beretania.
Kakau ia ma Honolulu, Feb.16, 1860. SAM'L G. WILDER, Kuhina Kalaiaina. 951 3t
UA hoopau ia aku o T. HOOMAHA i keia la mai ka oihana aku no ka Agena haawi Palapala Mare no ka apana o Hamakualoa, Maui.
SAM'L G. WILDER, Kuhina Kalaiaina. Keena Kalaiaina, Feb.9, 1880. 950-3t
I na Luna o Maui.
E HOOLOHE. -E hele aku ana o SAMUELA KAAIKAULA no ka mokupuni o Maui ma ka pule hope o keia malama o Feberuari nei, no ka ohi ana i na auhau o ka NUPEPA KUOKOA no keia makahiki; e paa pu aku ana oia ma kona lima i ka Makana, i hakalia ole ai ka loa ana ia oukou; e lele mua ana oia ma Lahaina, a mai laila aku nona Waiehu a me na apana e ae.
MAKANA A KA "Nupepa Kuokoa" NO 1880. Ke Kii Hanohano o Ka Makaainana Moi Kalani.
He kii keia i aneane like kona nui me ke kii o ka Moiwahine o Enelani, aka ua oi aku nae kona maikai, a ua kiekie ae kona kumukuai. O ke kulana o ua Alihikaua Kaulana nei iloko o keia Kii, he ihiihi a he ku i ka mahalo ia ma ka nana ana, e kau ana maluna o kona lio kaua. He kahiko waiwai loa keia no na Home Hawaii, a he kokoolua maikai no ke Kii makana i haawi ia iloko o 1879. E loaa ana keia makana waiwai me ka Alemanaka pu i ka poe a pau e lawe ana i ka NUPEPA KUOKOA no 1880 me ka hookaa mua mai i na DALA ELUA o ka uku pepa ma KEIA KEENA mamua ae o ka la 31 o MARAKI 880.
KA NUPEPA Kuokoa me ke Au Okoa I HUIIA. No ka Makahiki, $2. Eono Mahina, $1. Dala Kuike ka Rula.
POAONO, FEBERUARI 21, 1880.
I KE ahiahi o ka Poalua i hala aku nei, ua kau aku ke alii R. Keelikolani a me ka Moiwahine kane make Kaleleonalani maluna o ka mokuahi Likelike no ke kaapuni ia Hawaii, a i ke kakahiaka Sabati nei, huli hoi mai la laua. Ua hauoli makou no ka lohe ana mai i ka maikai o ka laua mau ola kino a me ka oluolu o ka huakai, a me ka lawa o na hoike aloha o ka lehulehu. Nani ka ike ana'ku i ke "Kai malino a Ehu." a me ka "lai pohu o Kona," e hoohaiamu ana i na hoomanao aloha o na la i kunewa kahiko i hope a-aloha wa-le. Ua lohe mai makou e manao ana na mau alli nei e u holo kaapuni ia Kauai i keia pule ae.
MA ke ahiahi o ka la Sabati iho nei i hala i hookomo mai ai o "Hoku Ao" iloko o ke awa o Kou nei. No na mahina ewalu keia huakai o ko kakou moku misionari i na Paeaina o Maikonisia, a ua hele loa aku i ke komohana, i kahi mau aina i komo ole ia e ia mamua. Ua lawe pu ia'ku no hoi kekahi mau kumu a hoonoho ia ma kekahi o na mokupuni hou.
Maluna mai o "Hoku Ao" i hoi mai ai o Rev. D.Kanoho a me Rev. A.A. Sturges. O na lono a laua i lawe mai ai a me na lono o na leta i loaa mai, he maikai wale no. Ua holo mua ka hana o na kumu, a ke kolo aku nei ka malamalama iluna aku o na moku ma ke komohana loa aku o Maikonisia.
Ma na aoao a pau ua makaukau ke kihapai; ua wehe ia ka puka, a ke kali nei ko na aina welelau no na paahana. Ma ka po la Sabati iho nei, ua hai mai o Kanoho i na mea hou o kona mau mokupuni.
UA hoea mai ka la koho balota Lunamakaainana, a ua koho hela a me keia apana i ko lakou mau wahaolelo. Ua kaumaha makou no ka lono ia ana mai nona hana epa a kahi poe ma kahi mau wahi, a ke lana nei ko makou manao e hooponopono ia me ka loaa ana o ka makemake o ka poe koho ma ke kaulike. O ka makou nae e manao nei e kamailio, oia no keia. He Kau Ahaolelo ano nui keia a he lehulehu wale na kumu hana pili pono i na makaainana-nolaila, aole anei he mea pono i kela a me keia Apana e hoala i mau halawai, a e kukakuka no na mea e ulu mai ana ma ka noonoo ana i manaoia e hoala imua o ka Aha Kau Kanawai? Aole anei he mea pono ka hui pu ana o na makaainana ma kela a me keia Apana, a hooholo iho i kekahi mau mea, a kauoha aku i ko lakou wahaolelo e hooko? Ke manao nei makou, a e komo pu mai ana no paha kahi poe me makou, he mea pono loa keia, a he kumu hoi e ike ia'i ka hooko o na Lunamakaainana e like me na mea e kauoha ia aku ana e ko lakou mau haku.
Ka HAIOLELO A KA MEA HANOHANO, SIMONA KALOA KAAI.
Kuhina Waiwai o ke Aupuni Hawaii- Hoa o ka Hale Alii o ka Aina-a me ka Aha Kukamalu o ka Moi, &c., &c.,-i haawi ia maloko o ka Luakini o Kaumakapili, ahiahi Poalua, Feb. 3, 1880-imua o ke anaina halawai makaainana o Honolulu nei.
E O'U HOA MAKAAINANA:-
Ua akoakoa mai nei kakou maanei no ke kuka ana i na mea e pono ai ka lawelawe ia ana o ka oihana kau kanawai, mamuli o ka kakou mau Luna i makemake ai. Mamua ae o ko kakou hiki io ana aku ilaila, e oluolu mai ia'u e kono aku i ko kakou mau noonoo ana ma o kekahi mau mea i hoopuka ia ae ma ke akea, e kekahi o ko kakou mau hoakanaka e makemake nei e holo Lunamakaainana. Ua hoolaha oia ma ke akea, ma o na pepa liilii la, ua MAKEMAKE O HAWAII NEI I KA AIE UMI MILLION DALA! Nolaila, e o'u hoa makaainana, ke kono aku nei au ia kakou me ka ikaika, e nana me ka makaala, ina he kupono io ia kakou e noho aku malalo o keia auamo kaumaha.
Me ka ninau hou ole aku ia hai, ke hoike aku nei au i ko'u manao oiaio e pili ana ia mea, ma ko'u ano makaainana- "He mea ia e ka@o ana ia kakou iloko o ka poino a me ka pilikia nui!" No ka mea, ua maopopo loa, he mau dala uuku mai ka ke aupuni i aie ai, aka, a hiki mai i keia la, ke waiho nei no kela mau aie, aole loa i hookaa ia. He mau dala uuku kai aie i ano na paipu ha-wai e ka-moe nei maloko o ke kulanakauhale nei, a me ka hoolaula ana ia kai o Ainahou, a ke ninau ae nei u, ua kaa anei ia mau dala uuku mamua o keia mau Miliona Koikoi? Owau ka mea hiki ke hoole aku-aole loa! ole loa no!!
Nolaila, ke kaa ole ka mea uuku e like me ia, he mea pono anei ia kakou e aie aku i ka mea nui kuhewahewa i hiki ole ai ia kakou ke hookaa? He oiaio, i ka manawa e hiki aku ai i ka wa no ka hookaa ana i keia aie, a hiki ole ia kakou, (he mea maopopo no ia) heaha iho la la ka hopena ou e Hawaii? Ke hoike aku nei au me ke kanalua ole, o ko kakou aina aloha, OIA AUANEI KA MOEPUU AKAKA!
O ke Kalaiaina naauao ana, e oi aku na loaa mamua o na lilo. Ua olelo ia e ka mea nona ke Kalaimanao maloko o na pepa liilii a'u kamailio ae nei, e kukulu ia i mau Haukipila ma kela a me keia mokupuni. He puu dala nui ke hoolilo ia no ia mea; a aole i hoike ia mai ia kakou ko lakou mau lilo. Ua manao paha lakou e heluhelu kakou i na olelo, a e koho wale iho no iloko o kakou, i ka nui o na lilo. Ua makemake ia i mau. PAPU ME ONA MAU MANUWA! I hea la e loaa ai na kanaka nana e hoolawa i ka hana i manao ia, a ina e loaa, mai hea mai ke dala e uku ia'i lakou? Ma na wehewehe no na mea e lilo ana i na pu, me he mea la, i na pu no, pau e 500,000,000 dala, koe na papu, koe na manuwa!
Ma ka hoolala ia ana o kahi e ku ai na papu, (wahi a ka mea kakau manao,) ua olelo ia, ma Kawaihoa a me Leahi wale no na papu e ku ai. Ina ua kiai maluhia ia ke awa o Kou nei, pehea la hoi o Waianae a me Waialua ma, kahi e hiki ai i ka enemi ke komo mai mahope o kakou? O Oahu nei wale no anei kai manao ia e koe? a e malama mamuli o ka maluhia o keia mau papu? Pehea hoi o Hawaii, Maui, Molokai, Lanai, a me Kauai? ua ae ia anei ia mau mokupuni e lilo? No ka mea, ua ae ia I Oahu wale nei no na Papu a me na pu, i aha la ka mea e pale aku ai kela mau mokupuni i na enemi? O ko Oahu nei poe wale no kai aloha ia, a aohe aloha ia o na kanaka o ia mau moku. He Kalaiaina noonoo kapakahi ana ia, a he hawawa, i na o ka maluhia o ka aina holookoa ka mea i manao ia-he hihio palaualelo. O keia ko kakou KA HOAHU DALA KIEKIE! I oi aku mamua o na manawa a pau mai ke kukulu ia ana o ko kakou aupuni, a ke manao keia Kau Ahaolelo ae e hookaa ia ka aie aupuni, i ka nana aku, "he hiki loa ke hooko ia ia mea!" A aole anei oia ka hana kupono o keia manawa? O ka hookaa aku i ko kakou mau aie kahiko oiai e noho ana kakou me ka lakou? A i ole ia, he mea pono ia kakou e "houluulu dala me ke akahai." Ina paha e waiho ana he 400,000 dalal iloko o ka waihona waiwai o ke aupuni i keia makahiki, he 600,000 dala i keia makahiki aku, alaila, i kela makahiki helu dala aku, e loaa ana ia kakou ka $1,000,000, ME KA AIE OLE!
Ia'u e ku nei imua o kakou, ke kamailio nei au ma ko'u ano makaainana, aole hoi ma ke kulana o ke Kuhina o ke aupuni; malia paha, i ka la apopo-aole i ike ia-e hapai ia ana wau mai ia noho ae, aka, o ko'u kulana ame ko'u pono makaainana, aole loa ia e hiki ke lawe ia'ku a kaili ia'ku paha mai a'u aku.
Heaha la keia? Heaha na ouli e aui nei imua o ko kakou mau ike a noonoo ana? Ua maopopo no ia kakou a pau, a he mea no hoi i maa mau, aia i ka manawa koho balota Lunakaainana, aole loa e hala ana ka okomo ana mai o ka aoao aupuni i kona mau lima ma na mea e pili ana i ke koho ana. O na kumu, he mea hiki ole ia'u ke hoike aku ia oukou ikeia manawa; aka, e olelo ae no nae au, o keia mau hana, he mau mea hookahaha loa ia'u a i na Hawaii puuwai oiaio a pau. Oiai ke aupuni e hana ana i ka hana pono, e hooikaika ana hoi e hooko ia na kunu hana e hoopomaikai ia'i ko kakou aina a me ko kakou lahui heaha hou aku la ia mea i makemake ia'i ma kona aoao, o ka iho akea ana mai a lawelawe pu ma na hana aole nana.
Oiai ko kakou Haku Alii ua hoahu ia me ka Mana Hooko, na Kuhina e pale ana iloko o ka Hale Ahaolelo nona, na Alii hoi aia nona; a me he mea la, i ko'u hoomaopopo iho, he elua hapakolu o ka popo palaoa ma ka aoao o ke aupuni, a hookahi na kakou na makaainana; aka nae, me he mea la, aole i na ke aupuni i na mahele elua o ka popo palaoa i kaawale iaia, ke kaoo mai nei no na lima e lalau kamoho mai i kahi haawina uuku i koe ia kakou.
Ua manao no hoi au e like me kahi o oukou, e hooponopono hou ia na kanawai pili auhau, a kau like mawaena o ka mea waiwai a me ka mea ilihune. Ma kekahi mau ano, ua like a like ka auhau maluna o ka mea lako nui me ka mea lako ole. He elua o'u mau kaa a he umi a oi mau lio, aole nae i oi aku ko'u auhau mamua o ko'u makamaka e noho kokoke mai ana me kona kaa ole a lio ole. Aole o'u manao he kaulike ia. Aole no hoi o'u manao o ka hoemi ana i na aahau he kumu hoilihune ia i ke aupuni a o ka aie umi miliona ka mea nana e hoopakele.
No keia mau kumu i hoike ia ae la, ko'u ake ana e kukulu aku i mau kanaka e. Ma ko'u noono kaulike ana, ua manao au he mea pono i elua haole, oiai he nui ko lakou mau pono mawaena o Hawaii. he mea pono i elua o lakou e kamailio a e kau kanawai no ko lakou aoao, a i elua hoi o kakou ma ko kakou aoao. Ina e komo ana ka paa balota i kapa ia ka "Balota Alii," me ko lakou mau noonoo hawawa a kupono ole i hoike ia e lakou, e hana auanei lakou ma ke kapakahi no ka aoao hookahi wale no. Aole lakou he mau naauao i lawa no ke kaupaona like ana me ko kahi poe like e ae, a e haule hope ana ko lakou kaumaha ma ka mea kaupaona i ke koikoi o na manao o hai e kalai aku ai. Aole o lakou ke ano e like ai ke kulana paio me ko kahi aoao. Nolaila, ke hai aku nei au, aia au maka aoao kue i ko lakou komo ana iloko o kela hale; a e pono kakou e hoole i ke koho ana i ka balota e kapaia nei ha "Balota Alii."
O ke Keiki Alii Kunuiakea, ua lohe nui au i kona inoa ma ka waha o na kanaka, no kona makemake nui ia e komo iloko o keia Kau Ahaolelo. O ke kumu wale no a'u i hooholo iho iloko o ko'u noonoo nui ana no kona makemake ia e na kanaka no ia kulana, oia no kela ewe kokoia kahiko iwaena o kakaou Hawaii, o ke "Aloha Alii." Aohe kumu e ae. Ua noonoo au no'u iho, no kana mau mea i hana ai a me ke ano o kona noho ana, a aole au i ike i kekahi mea nona a'u e manao iho ai ua lawa a ua kupono oia no kela hale; aka, he ole wale no. He mau kumu kai hoike ia mai ia'u no kono kupono ole; a ke makemake nei au i kekahi mea oloko o keia hale e hoike mai ia'u i kekahi mea nona, nana e hoohuli ae i ko'u noonoo ana; heaha la kana hana nui i hana'i nona iho, a no kahi mea e aku paha, i loaa ai ia kakou ke kuleana o ka manao ana, ua kupono oia i Lunamakaainana. Aole hookahi e aa! Aia i keia la ke noho nei oia malalo o ka malu a me ka malama ana a kekahi Kahu malama iaia; a no keaha? no ka hiki anei iaia ke malama i kona iho? Ua ike no kakou a pau, no ka hiki ole iaia ke malama iaia iho a me kana, ke kumu o ka hookohu ia ana i mana e ae maluna ona, ma ke ano he kahu malama! A o ke kanaka anei i hiki ole ke malama iaia iho a me kana, oia anei ka kakou e hoouna aku no ka malama ana a me ke kiai ana i ka lahui a me ka lakou? Aole! O ke Aloha Alii, he mea okoa loa ia, e o ka oihana o ka Hale Ahaolelo, he okoa loa ia. He mea nui ke Aloha Alii a he mea maikai. He mea na kakou e hiipoi ai me ka makee a me ka lili, a o ko kakou aloha mau ana i ke Aloha Alii ka mea pono; aka, ma ko'u ano makaainana, ke kau leo aku nei au ia kakou, mai hoolilo kakou i ke Aloha Alii i kahua no na hana o keia ano, a ke kue nei au i kona balota, aia au ma kela aoao i manao ua kupono ole oia no ke kulana ana e akenui nei.
Maanei, ke paipai hou aku nei au koho kakou i mau haole i elua. Eia o S.B.Dole, he haole no ka aina. He ike kanawai a he makaukau ma na hooponopono ana me ka maiau i na ano hana nui pili i na hiona o ka oihana a ka Lunakanawai. Aia o J.O.Carter, (Keo Kaaka) he haole i kaulana no ka hooikaika i ka pono a me ke ola ou e Hawaii i kona kau i komo ai, a i ike ia hoi ma ka hoopono ma kana mau oihana a pau i noho ai. Eia o W.L.Green, he haole i ae ia kona akamai a me ka naauao. Ke hoomanao nei au i kona manawa e noho Kuhina ana i ke kau o 1876, oia hookahi ke Kuhina i ku paio ma ka aoao o ke aupuni a pilipu ko kakou aoao. Aia o Hale L. Sheldon he haole i noho mai kahiko loa mai mawaena o kakou, a ua kupa, ua lilo i io no kakou. Ua kanimoopuna, a o Hawaii nei kona aina. He kanaka naauao oia a ua ike a maa i na oihana kanawai, a he makaukau ma na olelo a i elua. Eia no au me ia, aole i haalele. Aia o J. Keau, ua koho no oukou iaia, a aole a'u mea i ike ai no kona kupono ole. He kanaka oiaio oia a he hooikaika no kakou. Aia hoi he wahi inoa hou, oia o Pahia. Ke manao nei au he kanaka kupono loa keia, he ano maikai na noonoo ana, a he kuonoono ma kona mau ano a pau. Aka, aia no nae ia oukou ia, o ko'u mau manao wale no keia no'u iho ma ko'u ano makaainana. A ano, ke waiho aku nei au i keia mau wahi olelo, a na ka la apopo e hoike mai ko kakou kulana io.
Halawai Makaainana ma Puna, Hawaii.
Ina Makaainana o Puna paia ala, Aloha nui oukou: -"Ua hala ae nei ka ua, ua malie," oia hoi, u ahala aku la ka la hooili kaua nui o ko kaua nui o ko kakou aina, oia no ka la 4 o Feberuari ka la hoi a oukou i kauo ia'i imua me na manao aloha aina oiaio, e like me na huaolelo i palapala ia, "Imua i ka Pahu Balota." A mamuli o ka manao like o ka hapanui o oukou, ua lilo au i kauwa e lawelawe no ka pono o ko kakou apana e me ko kakou aina makuahine hoi; e kiai makaala ana wau me ka nana pono hoi i na ninau nui o ka manawa e ulu mai ana iloko o keia Kau Ahaolelo. A i mea e pono ai, i makaukau hoi au no na kumuhana i ka wa e noho ai ka Ahaolelo, nolaila, ke kahea leo nui aku nei au ia oukou; e waiho na hana mahi, e oki na pono lawaia, e hoopanee aku na hano kalepa, e waiho na ki manu oo ana, a e kapae iki ae na hana liilii a oukou o kela a me keia ano ma na la a'u i makemake nui ai e hui pu kakou no ke kukakuka ana; a e akoakoa nui ae oukou ma na wahi a me ka manawa i hoikeia, e like me ka papa kuhikuhi malalo iho nei, Poakahi, Mar. 1, hora 9 am, mai Waawaa a hiki i Kapoho ma ka luakini o Puula, Poalua, Mar. 2 hora 10 am, mai Pualae a hiki i Keahialaka ma ka hale kula o Pohoiki, Poakolu, Mar. 3 hora 9 am, mai lililoa a Kaueleau ma ka luakini ma Opihikao, Poaha, Mar. 4 hora 9 am, mai Kamaili a Kehena ma Makaaeia, Poalima, Mar. 5 hora 9 am, mai Kaimu a Kupahua ma Kalapana Poaono, Mar. 6 hora 9 am, mai Kekaha a Kapaahu ma Kahaualea, Poalua, Mar. 9 hora 9 am, mai Waipahoehoe a Olaa ma Olaa. A mailaila aku no Hilo, a i ko'u huli hoi ana mai Hilo mai, e kipa ae no au ma Keaau a e kuka pu me ko laila poe, oia ka pau ana o ka'u huakai kaapuni, a nolaila, mai palaka ka lehulehu, e makaala ka pono. Owau ka oukou kauwa oiaio,
S.K. MAHOE. Koae, Puna, Feb. 9, 1880.
Ka Aahu o Lui Napoliona
KA LOAA ANA O KE KAPA I MAKE AI.
Ua loaa ia Konela Vilia ka aahu alii o ke Keiki Alii Imeperiela i make ai i ka poe Zulu ma Aferika Hem@, mao kekahi elele ana i hoouna ai e imi no keia mau mea. Hele aku la kana elele i kauhale hahi i make ai ke Keiki Alii, maanei i loaa ai iaia ma kona ninaninau pono ana, o Tabanago ke kanaka nana i pepehi ke 'lii, a ua make oia ma Ulunadi, oiai oia he loa no ka regimana o ka poe Bonabi. Ua halawai mai no ka elele me na keakea ma ka imi ana i na hoa'loha o Tabanago, ka mea iaia ka aahu alii o ke Keiki Alii; aka, ma ka hoomau ana i ka huli i loaa ai na apana a pau o ka aahu ma na kauhale a pau, ua loaa mai la iaia he lakeke, lole wawae holo lio, kipuka ili. palule, kaei, pu ame ke eke poka, a me kekahi wahi eke uuke he dala ko loko. O na lole a pau ua maluhia pono, koe wale no ka lole wawae, ua houhou ia ke alo a pukapuka, ua naha ka ou. A ua manao ia, ua hoeha mua la oia meka ihe i kiloi ia mai ma kahi he umi iwilei ka mamao. Ua ki aku oia i kana pu i kona poe enemi e lele aluka mai ana, a hoonou aku la i ka pu i ka mea kokoke i ona la, me ka huki pu ana ae i kanu pahi e pale iaia iho. O ka wati wale no a ke Keiki Alii ka mea aole i loaa, ua hoole loa na Zulu aole i ike ia mea. Aole he kanalua ana no ka aahu alii, aka, koe wale no ka palule, me he la, no kekahi o kona mau ukali.
OLELO AO MAIKAI A KEKAHI PAELE.
Ma kekahi halawai hoopae lima hana i malama ia ma Geogia e ka poe paele, ua ku mai la kekahi o lakou a kamilio mai la. Aole he aina e loaa aku ia kakou e kahe ana ka waiu a me ka meli kahi hoi i ulu ai ke ko iluna o na laau, a loaa wale hoi na hila kikoo dala ma ke noi, kahi hoi o na mea ai ua moa a makaukau mua, a o kahi o na hua ulu elike me ka barela ka nunui. Ua kaahele au ma ke komohana, a ua ike, e oi aku ka nui o ka hana malaila mamua o kakou ma Geogia nei. he nui ke anu, a me ka hoomanawanui e hana ai; aole e loaa ia kakou he pomaikai ilaila; i nele kakou i ke dala, aole kakou e ike ia mai, a e loohia ana kakou me ka pilikia a ka ai ole; Me ke dala e hiki ai ilaila a hana, aka, e like me kakou ikeia manawa, ua oi loa ka noho ana ma Geogia nei. E na hoahanau o ka lahui hookahi, e noho me ka oluolu a me ka launa hoa'loha ana: e na paahana, e hooko pono i ka oukou mau olelo aelike a e hana me ka maikai, aole e aea wale ma na huina alanui a me na hale pahupahu.
OLELO HOOLAHA.
E IKE ananei na kanaka a pau, owau o ka mea nona ka inoa malalo nei, ke hai ia aku nei ka lohe, ua lilo loa ia'u ka hui mahi ia iki o C.Y. Aiona e waiho ana ma Waipio, Hamakua, Hawaii, na eka aina, na bipi, ua hoki, na iho ua hale, a me na lako a pae e pili ana, aole kuleana i koe oia hui.
Owau no AKANA UMUHOWAI. Waipio, Hamakua, Hawaii, Feb. 10, 1880.
OLELO HOOLAHA.
KE papa aku nei au i na kanaka a pau o keia a me keia ano, aole lakou o komo maluna o ko'u mau mala awa elua e waiho la ma Waiawa uka, oia ia maka o P@ a me kuu @ iloko o La@, a i na e komo hewa ana kekahi, e hoopii no au e like me na kanawai. MAIALOHA.
Waiawa uka, Feb.17, 1880
OLELO HOOLAHA.
A HA Kaapuni Apana @ ko Hawaii Pae Aina, ma ia hooponopono waiwai Mokupuni o @, Hawaii Pae Aina ss. Ma ka waiwai o NUANUA (k) no Hanapepe, Kauai, i make. Olelo kauoha e koho ana i la e @ ai ka palapala kan@, a no ka @ ana. No @ ma ka la 27 o Dekemaba 1879, ua waiho ia mai imua o ka Aha kekahi palapala, i olelo ia oia no ke kauoha hope @ Nuanua (k), i make aku ia, a me ka Palapala Hoopii e @ ana e hooia@ kela Palapala Kamoha a e hoopaka hoi ka Palapala Luna hooko no @(k) ua waiho ia mai e @ (w). Nolaila, ua kauoha ia o ka @ eia ka la 16 o Maraki 1880, ma ka hora 10 kakahiaka ma ka Rumi Hookolokolo o ka Aha, ma Koloa, ma Kauai, oia ka @ me ka hora e @ ia'i ia palapala kauoha, a e @ hoi no ia @ ana @, a me ka poe a pau i @ e kue ana ia palapala kauoha, a me ka hoopuka ana i ka palapala luna hooko. A ua k@ ia, e hoolaha u o ia mea no na pule ekolu iloko o ke Kuokoa he nupepa i @ a i hoolaha ia ma Hooululu. Ana @ ia, e hoopaka ia, ua palapala kena @ na hoike no ia palapala kauoha, a me na @ o ka mea @ aku, ma Hawaii nei e hele mai a e kue i keia palapala kauoha i ka wa i @ ia.
Kakauia ma Koloa, Kauai, ko Hawaii Pae Aina, Feb. 11. JACOB HARDY, Lunakanawai Kaapuni Apana Eha
A HA Kaapuni Apana Eha ko Hawaii pae Aina, ma ka hooponopono waiwai. Mokupuni o Kaai. Hawaii Pae Aina ss. Ma ka waiwai o Mrs. Lepuka Richmond, no Waimea, Kauai, i make. Olelo kauoha e koho @ i ia e hooiaio ai ka palapala kauoha, a no ka hoolaha ana. No ka mea, ma ka la 8 o Dekemaba 1879, ua waiho ia mai imua o ka Aha, kekahi palapala i olelo ia, oia no ke kauoha hope loa a Lepuka Richmond i make aku la; a me ka palapala hoopii e noi ana e hooiaio ia keia palapala kauoha a e @ hui ka palapala luna hooko no - - ua waihoia @ e Peter Richmond. Nolaila, ua kauoha ia o ka Poalua oia ka la 16 o Maraki 1880, ma ka hora 10 kakahiaka ma ka Rumi Hookolokolo o ia Aha, ma Koloa, ma Kauai, oia ka la me ka hora o hooiaio ia'i ia palapala kauoha, a e hoolohi hoi no ia nei ana mai, a meka poe a pau e pili, e kue ana ia palapala kauoha a me ka hoopuka ana ia palapala luna hooko. A ua kauoha hou ia, e hoolaha no ia mea no na pule @ ke Kuokoa he nupepa i pai ia a i hoolaha ia ma Honolulu. A ua kauoha hou ia, e hoopuka la na palapala kena no na io ke no ia palapala kauoha, a me na hooilina o ka mea make ma Hawaii nei e Lele mai a e kue i kela palapala kauoha i ka wa i olelo ia.
Kakania ma Koloa, Kauai ko Hawaii Pae Aha, Feb 11, 1880.
JACOB HARDY, Lunakanawai Kaapuni Apana Eha. 951-3t
MA ke keena o ka Lunakanawai Kaapuni Apana S o ko Hawaii Pae Aina. Ma ka waiwai o a koho Kaonohi no Keaiwa, Kau, Hawaii i make. Ua heluhelu ia a ua waiho ia ko palapala ani a Nilihoa Kipi, kekahi mea i pili, e noi ana e hoonoho ia o J.Kauhane I @@@@waiwai o J.Kobo Kaonohi no Keaiwa, Kau, Hawaii i make. Nolaila, ke kauoha ia aku nei na kanaka a pau ke pili, o ka Poakolu oia ka la 27 o Maraki. 1880 ma ka hora 10 kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua nei la a me na mea kue ke hoike ia.
F.S.LYMAN, Lunakanawai Kaapuni Apana 3. Hilo, Hawaii, Feb. 7,1880. 951-3t
OLELO HOOLAHA.
EIA me au kekahi lio(k) ahinahina lae kiko, akahi wawae keokeo mua akau, aole i kuni ia. Nolaila, o ka mea a mau mea nona keia iho, e kii koke mai, me ka hookaa pu i na dala o keia hoolaha ana, a me ka uku aina. Ina aole e kii mai a hala na la he 15 mai kona ia aku e puka ai maka nupepa Kuokoa, e lilo loa ia'u.
J.W.H. ISAAC KIHE. Luna Aina o Kalaoa, N. Kona, Feb 6, 1880. 951-1t*
OLELO HOOLAHA.
E IKE auanei na ano kanaka a pau loa ke nana mai , o mana o namea nona na inoa malalo iho nei na keiki pono a Nahinai me Kahimalani, ke kaikaina ponoi o Nahiona i make mua, nona ke Kuleana Helu 10421 mu ka Palapala sila Nui Helu 7421 e waiho nei me maua, aia ma ka apana o Hamakua, Mokupuni o Hawaii, nona na eka 81 hoike la ma ke kii he aina momona no ke kanu ko, a ke kauoha aku nei maua i ka poe e makemake ana e kuai a hoolimalima paha, e hele mai e hui pu ma maua e kamailio ai, e loaa no maua ma Hohokaupu, Alanui Kalepa, pa helu 42 ma Honolulu, Oahu. A ke papa pu ia aku nei na ano holoholona a pau loa, aole e hele wale maluna o ua aina la, a pela pu no na ano kanaka e komo hewa ana, a ke hoole nei maua i na ua hoolimalima ia e kekahi mea e ae aole mai a maua aku, aole mana oia hoolimalima ana, o maua wale no ke kupono loa.
JOHN KAPU, RUTA KAPEHE. Honolulu, Feb. 19, 1880. 951-2t*
MAKEMAKEIA. UA MAKEMAKE IA NA ILI BIBI MIKO HOU A ME NA ILIKAO E haawiia ke kumukuai kiekie ma ke dala kuike e HUGH MACKAY. Luna o ka Hale Hana Ili ma Kaholaloa, Honolulu. E Kuai ia aku na Huluhipa he nui wale ma ke kumukuai makepono no ke dala kuike. Honolulu, Feb. 16, 1880. 951-tf
MA keena o ka Lunakanawai Kaapuni Apana Elua o ko Hawaii Pae Aina ma ka waiwai o P. Kalawaia no Lahaina, Maui i make. Ua heluhelu ia a ua waiho ia ka palapala noi a M. Makalua, ka Lunahooponopono o ka waiwai o P.Kalawaia, no Lahaina, Maui i make, e noi ana e hoapono ia kona moo-waiwai a e hookuu ia ia mai ka oihana, a e hooholo ia ka waiwa i na hooilina. Nolaila, ke kauoha ia'ku nei na kanaka a pau, ke pili, o ka Poaono, oia ka la 12 o February, 1880, ma ka hora 10 A.M., ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua noi la a me na mea kue ke hoike ia.
ABR. FORNANDER. Lunakanawai Kaapuni Apana Elua H.P.A Lahaina, Ian. 27, 1880. 949-3t
MA ke keena o ka Lunakanawai Kaapuni Apana Elua o ko Hawaii Pae Aina. Ma ka waiwai o W.F.Cooper no Makawao, Maui, i make. Ua heluhelu ia a ua waiho ia ka palapala noi a J.D. Havekost, ka Lunahooponopono o ka waiwai o W.F.Cooper no Makawao, Maui. I make, e noi ana e hoapono ia kona moo-waiwai a e hookuu ia ia mai ka oihana. Nolaila, ke kauoha ia'ku nei na kanaka a pau, ke pili, o ka Poalua oia ka la 2 o Maraki, 1880, ma ka hora 10 A.M., ma ka Hai Hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike
ABR. FORNANDER, Lunakanawai Kaapuni Apana 2 H.P.A. Lahaina, Jan. 23, 1880. 949-3t
MA ke keena o ka Lunakanawai Kaapuni Apana Elua o ko Hawaii Pae Aina. Ma ka waiwai o Ohakee (k) no Wailuku, Maui i make. Ua heluhelu ia a ua waihoia ka palapala noi a G. Kaimina, enoi ana e hooponopono ia ka waiwai o Ohakee (k) no Wailuku, Maui i make, a e hooholo ia i na hooilina. Nolaila, ke kauoha ia'ku nei na kanaka a apu, ke pili, o ka Poaono, oia ka la 28 0 Februari, 1880, ma ka hora 9 A.M, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua noi ia a me na mea kue ke hoike ia.
ABR. FORNANDER, Lunakanawai Kaapuni Apana 2 H.P.A. Lahaina, Ian. 31, 1880. 949-3t
MA ke keena o ka Lunakanawai Kaapuni, Apana Ekolu o ko Hawaii Pae Aina; ma ka waiwai o Ioane Waio (k) no Makaka, Kau, Hawaii i make. Ua heluhelu ia a ua waiho ia ka palapala noi a Kaaihue (k), e noi ana e hoonoho ia i lunahooponopono no ka waiwai o Ioane Waio (k) no Makaka, Kau, Hawaii imake. Nolaila, ke kauoha ia'ku nei na kanaka a pau ke pili, o ka Poaono oia ka la 7 o Maraki, 1880, ma ka hora 9 kakahiaka, ma ka hale hookolokolo ma Waiohinu, Kau, Hawaii oia ka la a me kahi i koho ia no ka hoolohe ana i ua nonoi la a me na mea kue ke hoike ia.
F.S. LYMAN, Lanakanawai Kaapuni Apana 3 H.P.A. Hilo, Hawaii, Ian. 27, 1880. 949-3t
MA ke keena o ka Lunakanawai Kaapuni Apana 2 o ko Hawaii Pae Aina, Ma ka waiwai o Keoili, no Waihee, Maui, i make. Ua heluhelu ia a ua waiho ia ka palapala noi a Kanae w, e noi ana e hooponopono ia ka waiwai o Keoili k, no Waihee Maui i make, a e hooholo ia i na hooilina. Nolaila, ke kauoha ia aku nei na kanaka a pau, ke pili o ka Poalima, oia ka la 27 o Februari 1880, ma ka hora 1 pm, ma ka hale hookolokolo ma Wailuku, oia ka la a me kahi i koho ia no kahoolohe ana i ua nonoi ia a me na mea kue ke hoike ia.
ABR. FORNANDER, Lunakanawai Kaapuni Apana 2 H.P.A. Lahaina, Jan. 15, 1880. 947 3t
HOOLAHA HOOKO MORAKI.
MA keia ke hoolaha ia aku nei, mamuli o ka mana kuai i ike a iloko o kekahi Palapala Moraki i kakau ia ma ka la 16 o Februari 1878, i hanaia e 8. Kipi a me Nihoa, kana wahine mo Hilo, Mokupuni o Hawaii ia E. Bood o Kohala Mokupuni o Hawaii, a i kakau kope ia ma ka buke 54 ma na aoao 141,142 a me 143 a i hoo@ ia C.R.Smith ma ka palapala hoolilo i kakau la i ka la 26 o Augate 1879, a no ka uhai ia o na olelo aelike i hoike la ma na Palapala Moraki ia, o na aina a pau a me na waiwai e ae a pau i hoike ia iloko o ua Palapala Moraki la, mahope iho o na la i ae la ma ke kanawai, e kuai ia aku no ma ke kudala akea, no ka @ ia ana o na olelo aelike i hoike mua ia ae la. O na waiwai iloko o ka Palapala Moraki i hookaka ia'e nei, aia no ia ke waiho ia ma ka Mokupuni o Oahu.
C.E. SMITH, R.F. Bickerton, Loio o ka mea nona ka moraki. Hanaia ma Honolulu, Ian.24, 1880. 943-4t
KUAI A KA LUNAHOOPONOPONO WAIWAI.
MA ke kauoha a Hon. C.C. Harris, ka Lunakanawai Kiekie o ka aha Hookolokolo Kiekie i kanaia i ka la 12 o Ianuari, A.D. 1880, o ka mea nona ka moa malalo iho, e kuai aku ana oia ma ke kudala akea, ma ka hale kudala o E.P.Adams ma Honolulu, ma ka Poaono i ka la 10 o Aperila A.D. 1880 ma ka hora 12 oia la, i na apana aina i hoike la malalo iho, oia kekahi hapa o ka waiwai paa o Hon. W.L. Moehouna i make i mea e hooka ia'i ka aie o ka waiwai i hoike mua la ae nei, a penei:
1 O ka mahele aina mauka o ke Ahupuaa o Pulehunui, e waiho la ma ka mokupuni o Maui, L.C. A. @ nona ka ili 11,550 eka: o ke Ahupuaa i olelo ia, aia no ia ke moe la mai ka mauna a hiki i kahakai; a o kona palena ma kahakai, ua ua @1,000 kapuai. O ke kii o ua aina la i olelo ia, e ike ia no ia me ke Keena hana o Kakela me Haki.
2 O na apana aina ma Palolo, Mokupuni o Oahu. O kela apana aina a pau i hoakakaia iloko o ka Palapala Sila Nui, kelu 2539 nona ka ili, i eka me 1 20-100 kauiahao kuea.
O kela mau pa hale a pau i hoakakaia iloko o ka Palapala Sila Nui, helu @ nonaka ili 10 45-100 kaulahao kuea.
O keia mau pa hale i hai ia ae ia maluna, oia no na pa hale i hooilio ia aku ia Moehouna, I olelo ia ma ka palapala hoolilo a Ki@ i kaku kope ia iloko o ka buke 21, aoao 178.
3 O na pa hale ma Manoa Mokupuni o Oahu. Ke Ahupuaa o Pualena, Palapala Sila Nui, helu 7263, nona ka ili 25 4-10 eka.
Kue nae na a @ aina malalo iho i hoolilo ia e Moehonua i olelo ia, oia hoi, @ eka i kuai la aku ia Apeo i kakau kope ia ma ke buke 6, aoao 26.
Ka apana aian i kuai ia la Haui kakau kope ia ma ka buke 21 aoao 266.
Ka apana aina i kuai la ia Kaiwi i kakau kope ia maka buke 21 aoao 334.
Ka apana aina i kuai ia ia Pualole i kakau kope ia ma ka buke 27 aoao @.
CHARLES T. GULICK, Lunahooponopono waiwai o Moahonua i make. 946 2m 967
OLELO HOOLAHA.
MA ke keena o ka Lunakanawai Kaapuni Apana Elua o ko Hawaii Pae Aina. Ma ka waiwai o Hiehie Pahoa (w) no Wailuku, Maui i make. Ua heluhelu ia a na waiho ia ka palapala noi a Nakiowai(w) e noi ana e hooponopono ia ka waiwai o Hiehie Pahoa (w) no Wailuku, Maui i make, a e @ ia i na hooilina. Nolaila, ke kauoha ia'ku nei na kanaka a pau ke pili, o ka Poaono, oia ka la 28 o Februari 1880, ma ka hora 10 A.M., ma ka hale hookolokolo ma Wailuku, Oia ka la a me kahi i koho ia no ka hoolohe ana i ua nonoi la, a me na mea kue ke hoike ia.
ABR. FORNANDER, Lunakanawai Kaapuni Apana 3 H.P.A. Lahaina, Feb. 2,1880 960-3t
OLELO HOOLAHA.
KE papa ia aku nei na mea a pau, aole e hele a hookuu wale i ko lakou mau hoi holona bipi. No hoki a pela aku, maluna o ka aina i kapa ia Pia me Kahoiwai, Manoa, Oahu. O na holoholona a pau e loaa ana maluna o ka aina i hai ia aluna, e @ ia no e like me ke kanawai; ua haawi au i ka mana hooponopono o keia aina ia Puamana, a nana e hoouku i na holoholona e loaa ana, i ka auhau kupono.
CURTIS P. IAUKEA, Honolulu, Feb. 14 1880. 950-4t
HOOKAPU AINA.
O KA mea nona ka inoa malalo iho nei, ke papa loa aku nei au i kuu mau apana elua e waiho la ma @ mokupuni o Oahu, no lakou na inoa i ike ia penei: A@ "Haukulu. @, Luna@, Kahuaiki, a me Naaiu apo Aole e hookuu wale kekahi mea amau mea paha i ko lakou mau holoholona ma ua mau aina la. Bipi, lio, miuka, kekake, e uku no ae i $1 no ke poe. Ke loaa ia'u a me ia'u mau luna aina e hele hewa ana, a ina e hoopaa ana i na mea ulu e uku mai ka mea a mau mea paha no lakou ka holoholona e like me ka nui o ke poho. E ki pu no au i ka puaa, hipa, kao, meoa, pehehu, ke loaa ia'u e hele hewa ana maluna o kuu maa apana aina. A o keia kanaka keia kanaka ua papa loa ia lakou aole e lii wale i na mea e uku a na, e moe ana, a e holo ana maluna o @ mau apana aina me ke kuleana ole. O ka mea @ i na olelo o keia hoolaha ana a'u alaila, e hoopii no ae ia la ma ke kanawai.
F.SILRY, Manoa, Oahu. Feb.10, 1880. 950-4t
Hoolaha Kuai Moraki.
Ma ke kauoha a A.J.Cartwright ka mea nona kekahi moraki i hana ia i ka la 24 o Dekemaba, 1877, e W.P. Lunaheihei a me Kanui kana wahine, a me kekahi ia Thimas Cummings, a mai iaia aku ia A.J.Cartwright. Ua kauoha ia au e kuai aku @ ke kudala akea no ka uhaki ia ana o ka ae@ ma ka moraki, i oleloia e hoomaka ana ma ka Poaono, ka la 13 o Maraki 1880, hora 12 awakea ma ko'u keena kudala @@ keia mau apana aina e waiho la ma Kona, mokupuni o Hawaii, a @ ahupuaa o Maihi a me Kalahiki, ame keia apana aina ma Kona Akau. i hookolokolo ma ke Sila Nui @, nona na eka 6 3-100; a me kela apana e waiho la ma hoeokaa, Hamakua, Hawaii i hookakaia ma ka Palapala Sila Nui @. nona na eke @; am e kela mau apana aina e waiho la ma Honolulu, mokupuni o Oahu; a oia na apana 2 a me 3 o ka Palapala Sila Nui @ a me na apana 4 a me 7 o ka Palapala Sila Nui @. No na mea i koe e ninau ia.
E.P. ADAMS, mea kudala. A i ole ia Cecil Bronw, loio o ka mea nona ka moraki. 950-5t
HOOLAHA A KA LUNAHOOPONOPONO WAIWAI.
O ka mea nona ka inoa malalo iho nei, ua hookohu ponoia mai i lunahooponopono no ka manawa, ma ka waiwai o Charles C Anney o Waiehu, ahupuaa o Wailuku, mokupuni o Maui HPA i make, ano ke kauoha ia aku nei ka poe a pau i aie mai iaia e uku koke mai, a o ka poe a pau he mau koina ko lakou ma ua waiwai la i oleloia ina ma ka moraki a kumu e ae paua, e hoike mai ana me ka oiaio, e hoike mai lakou me na hoike kupono i ka mea nona ka inoa malalo iho, ma Wailuku, Maui, Iloko o na mahina eono mai ka la e puka aku ai o keia hoolaha ma ka nupepa, a i ole, e hoole mau loa ia aku no.
MR W. EVERETT. Lunahooponopono no ka manawa ma ka waiwai o Charles C Anney. 949 4t
OLELO HOOLAHA.
O NA Keena Oihana Loio o ka poe malalo iho, e pani ia ana ma na Poaono a pau ma ka hora 1 P.M. ma keia mua aku, e hoomaka ana ma ka Poaono Feb 7, 1880.
EDWARD PRESTON, CASTLE & HATCH, R.F. BICKERTON, W.C. JONES, CECIL BROWN, J.M.MONSARRATT.
OLELO HOOLAHA.
I NA kanaka a pau e ike ana i keia, aole oukou e hoale mai i ka'u wahine mare ia Elizabeka Cockett me ko'u ae ole aku.
CHARLES COCKETT. Lahaina, Jan 21, 1880. 949 4t
OLELO HOOLAHA.
KE kauoha ia aku nei na mea a pau i loaa na kuleana iloko o ka PA ILINA MA KAWAIAHAO e hele koke mai a e hoomaemae i ko lakou mau pa, malalo o na kuhikuhi ana a D Manuia, ka luna nana e kini nei ia wahi. O ka poe hoolohe ole i keia, mahope o ke kaii ana no ka wa kupono, e manao ia aohe o lakou kuleana a e lawelawe ka poe nona kahi e like me ka lakou i ike ai he pono. 941 tf
AINA KUAI A HOOLIMALIMA.
HE Kanalima Kumamaono eka aina ma Iwilei. (Makai iho o ka Hale paahau) He Loko I@ Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia.
J.H. CONEY, (Koni). Honolulu, 365 tf
OLELO HOOLAHA.
UA papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Pailoa aku a hiki i Waimanalo, ma ka mokupuni o Oahu. apana o Ewa. Ua hookohola o AARONA HATTON i luna malama no na kai lawaia o Honouliuli, aohe mea e ae.
Kakauia ma Honouliuli, Oct. 9, 1879.
JAMES CAMPBELL.
E.O.HALL & SON. (E.O. HOLO MA.)
NA MEA KUAI I NA MEA MAHIAI,
Na Lole, Na Pena, Na Aila, a me Na ano Lako e ae a pau helehulehu wale. 846 Kihi o Alanui Papu me Moi. 1y
JAMES M. MONSARRAT. [MAUNAKEA.] He Loio a he Kokua ma ke Kanawai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
Keena hana maluna ae o ka halekuai buke o Wini me Robikana, Alanui Kalepa, Honolulu. Jan. 3, 1880, 944 1v
He Nui Anei Kou Makemake i na Mekini Hunuhumu Lole? Ina pela, alaila, e kipa mai no ma ka Halekuai.
O: KAKELA A ME KUKE.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER, MA KE $5O pakahi, a me ke ano MEKINI a WILCOX me GIBBS, ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, e nana mai no me ke kuihe ole, a e ike no oukou iho. 862 tf