Ka Nupepa Kuokoa, Volume XIX, Number 9, 28 February 1880 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

MEA HANA WATI.

ALANUI KAAHUMANU.

 

938                  Honolulu.                    ly

 

 

PAPA!                        PAPA!

-NO-

ALLEN & ROBINSON

 

UA WE@E AE NEI MAUA 1

PA KUAI PAPA

-MA-

KA UWAPO O PAKAKA

 

Na Papa Ulaula o na ano a pau.

Na Papa Paina o na ano a pau.

            Na Pili Hale Ulaula.

            Na Pili Hale Keokeo.

Na Pepa Hoonani Hale,

Na Pepa Molina.

 

 

Na Pena a me na Aila Pena!

 

NA KUI O NA ANO A PAU.

 

NA PANI PUKA a me

NA PANI PUKA ANIANI.

            NA PANI PUKA a me

            NA OLEPELEPE

 

NA LAKO KUKULU HALE

O NA ANO A PAU!

 

E KUAIIA MA KE

 

KE KUMUKUAI HAAHAA LOA

O keia Makeke.

 

ALLEN & ROBINSON

Honolulu, @@@ 1, 187@     853 tf

 

 

LOLE MAKEPONO

Ke Kuike.

 

E LOAA NO IA MA KAHI O

KAKELA ME KUKE!

-E LAA NA-

Ahinahina, Kalakoa, Keokeo, Leponalo, Pena, Aila, Aniani,

@A MEA PIULA!

KOPA, AILA HONUA, AILA HOOMALOO

 

Kui Kakia, Pakeke,

Tabu, Kaula, Nohe Lio,

Hulu Palaki, ua Pulumi.

 

-A HE-

 

AG@NA NO HOI NO NA MOKUPUNI O HAWAII NEI NO NA

 

Laina@ini-nao,

Lainaki@@ Maoli,

Palule Kalakoa,

Alapia, Kelepa, Kilika,

           

            Na lole kupono i ka wawae,

            Palule Huluhulu,

            Na Lole Huluhulu,

            Na Lole no ka hoohehelo ana

            Lipini, Lihilihi, & c.

 

LIPINE, LIHILIHI, & c.

-A ME @A-

 

Mikini Humuhumu Makepono Loa!

-A HE-

MAU MEA AI KAHI

 

Ka Palaoa, Kopaa,

            Raiki, Pia, Hoo@u,

                        Paakai, Huaala,

                                    Pia Kuina, & c.

 

A he Laau Lapaau Kaulana Loa

A DR. JAYNES.

 

Laau Kunu,

            Laau Hoomaemae Koko,

                        Laau Hoopau Naio,

                                    Penikila, Huaale,

A ME NA LAAU HANO, A PELA’KU!

840 tf

 

 

KAUKA MAINA.

 

KEENA HANA MA KA HALE KAUKA O Hopemana, Alanui Kalepa, e pili la me ka Banako o Bihopa.

            WAHI NOHO, ma Alanui Hotele, makai iho o ka puka komo o ka pa o ka Hotele Hawaii.

no 15 937 6m

 

 

KE AHI-KOE KILAUEA!

 

KE AHI-KOE HAWAII 8 PAPAA,

A ME KE

AHI-KOE HAWAII HUINAHA!

-O-

Ke Ano Maikai Loa.

Ua owili ia iloko o na wa-hi he 36, a he 3600 o ka pahu

hookahi. @ malama mau ia ana o ke kuai ia aku.

E. O. Hall & Son.

 

E loaa no keia ano ahi ma na halekuai a pau maloko o keia Aupuni. no ke kumukuai haahaa loa. E ninau no KE AHI-KOE KILAUEA’

 

 

KO BIHOPA MA BANAKO MALAMA DALA!

 

E MALAMA NO MAUA I KE DALA O na kanaka maloko o ka Banako, penei:

            Ina hoomoe mai ke kanaka hookahi i na dala $?00 a emi mai paha, alaila, e uku maua i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha.  Aole ukupanee e helu ia no ka hakina o ke dala hookahi, aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina manao ke kanaka e ohi i kana dala, e pono ke hoike e mai oia maka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

            Ma ke kikoo wale no a ka mea dala e haawi ai i kana, a o ka Buke kekahi ke laweia mai.

            Ma ka la mua o Sepatemeba i kela makahiki a i keia, e houluulu ai i ke dala, a e huipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoa mamua o $300, alaila, hooholo pu ka olelo.

            E weheia ka Hale Banako i na la hana a pau.

851 tf                          BISHOP & Co.

 

 

ANO NO I LOAA MAI NEI!

Na Kaa Lio Holo Lealea!

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

 

DILINGHAM & Co.,

876 tf                          Na Agena kuai ma Hawaii nei.

 

 

PAPA KIHIKUHI MANAWA HOLO

-O KA-

MOKUMAHU HAWAII

LIKELIKE,

 

KAPANA KING.

 

Poalua, Mar 2, hora 5 pm..............................................................Hilo

Poalua, Mar 9, hora 5 pm..............................................................Kaapuni ia Hawaii

Poalua, Mar 16, hora 5 pm............................................................Hilo

Poalua, Mar 23, hora 5 pm.............................................................Kaapuni ia Hawaii

Poalua, Mar 30, hora 5 pm.............................................................Hilo

 

AOLE A@E NO NA UKU OHUA?

 

Ke hoole ia aku nei ka ale no na uku ohua, a ke hoike ia aku nei i ke akea, i na he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.

 

HE KUIKE KA UKU UKANA.

 

Ma na ukana a pau a na makamaka, e pono e uku mua iaA e hookoia no na kauoha no ka lawe a hiki i kahi i makemakeia.  A e malama ia no me ka makaala no ukana, paiki a me na puolo, lio, pipi a me ka hoki.

 

E hoailona ia me ka moakaka na Pahu Rama ame Waiana.

 

O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na k@@na no na pilikia a me na poho, e pono e hoike koke ia mai iloko o ka malama hookahi.

            Aole e ae ia na hookele kaa, ua keiki a me na mea like, e pilo iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.

            No ke ake nui e hoopomaikaiia ka lehulehu kaahele, ua hoololi ae nei na ona o Likelike i ka Papa Hoike Manawa oia Mokuahi e like me maluna.

 

Ma ka Hale Oihana e loaa’i na Palapala.

 

            Aole keena e hope e lilo, aia wale no a kaa mua mai ka uku moku.  Aole e ili ka hewa no na paiki, ukana a puolo paha, ke ole e kakauia ka loaa ana mai.  E hookaaia ka uku ukana ka wa e aolia aku ai.

 

O ka poe a pau i ale ma ka halekuai White H@@@@ e ku nei ma ke alanui Nuuanu, malalo o ka malama ana a S L L@@ i make iho nei, e oluolu  lakou e hookaa koke mai ma ke keena hana o M Phillipe & Co., ma ke alanui Kaahumano, Helu 11, a o na ale i uku ole ia mai iloko o na la kanakolu, e waiho ia aku no ma ka lima o ko makou loio nana e ohi wai ia mau mea.

 

M Phillips & Co.

@@@ @@@ tf

 

KAKELA a me HAKI.

 

O KAKELA OPIO A ME F.M. HATCH, ua hai laua ma ka lawelawe ana i ka oihana lo@@.  Ua haki la laua ke ku imua o na Aha a pau, mai ka Aka Hoo@@@@ a hele iluna.  A e lawelawe no hoi ma na hana pili i @ hooponopono waiwai. me ka imi ana i na Paiapaia @@@ @@@ ka hana ana i na Paiapaia Kuai, Hoolimalima, a me ka Hale Dala ana.

 

W.E. CASTLE, Luna Hoolaio Kope.

Kuai Hana, m@@@@ ae o ka Halekuai o Dilingham & Co.

@@@@@, Alanui Papa.                   @ @@@

 

 

JNO. LOTA KAULUKOU.

LOIO A HE KOKUA.

 

UA makaukau au e lawelawe i na hihia a pee o @@ia a me kela ano aku o na @@@ Hookolokolo a pau o keia Au@@@@. Ua hiki @ hoi ke @@@@ i na palapala a pau e pili ana i ka Oihana L@@@@ ka @@@@.  E loaa no au ma Heeia Koolaupoko, a ma H@@@@@ no hoi i kekahi manawa.

 

@@@ tf

 

 

OLELO HOOLAHA.

 

OLELO HOOLAHA.

UA kapu na aina oia o Lualualei, Waiamea-uka, Puu@@@@-uka, Ka@@na e me Wai@@@@@@@@. a ie e hele kekahi kanaka, aole @@ hoi na holoholona o na ano a pau.  O keia mau aina aia ma ka apana o Ewa a me Waianae.  Ua haawi @@ i ka @@@@ Hoo@@@@@@@ no keia mau aina ia George @@@@@@@@,

(Keoki) e hoouku ia na holoholona e loaa ana ia aku nei na mea a pau, e kii mai ia Geo Ga@@@@@ i na holoholona, e aka iaia a lawe aku.

 

KIMO PALEKANE.

H@@@@@@, @@@ @@@@.                            @@@ tf

 

 

Amara.

 

O WAC o A kamu pake, ua makaakau ia e hana ma na mea hao a pau loa.  Na Mekini H@m@h@m@, na Laka Paha i poloke, na Pa, na Kepa B@@@ a me na kapuai @@@ me ka aka oi@@ia loa.  He @@ keneta ka uku no na wawae @@@ a @@ $1.50 no na wawae a pau.  E hana no a @ me ka @@@ a me ka mikioi loa, a he o@@@@@ loa no hoi ka uku hana.  E loaa no ko’u hale hana ma alanui Maunakea, heiu 10, makai iho o ka napo a Kawika ma ka aoao ma Ewa.

 

@@@ 6m

 

 

J.W.M POOHEA.

 

He Loio a he Kokua ma ke Kanawai.

 

No na kanaka apau imua o ka Aha Apana a hiki imua o ka Aha Kaapuni make keena no ka Mokupuni o Molokai; a he Agena Hooiaio Palapala Kepa no hoi no ia Apana.  E hookoia na koi-i a ka makemake me ka eleu loa.  E loaa no au ma ko’u home ponoi oia ao “Kalauonaona,” ma Wawaia, a i ole ia, ma ka Halehookolokolo ma Puk’oo.

 

895 ly Jan 25.

 

 

CECIL BROWN.

 

LOIO A HE KOKUA MA KE KANAWAI

 

A HE AGENA no ka Hooiaio ana i na Palapala no ka Mokupuni o Oahu.

 

Helu S. Alanui Kaahumanu.  Honolulu. H.P.A. 3y

 

 

OLELO HOOLAHA.

 

MAI ka la 1 aku o Ianuari, 1880, he-

 

ELUA DALA

a uku o na ohua oneki maluna o ka mokuahi JAMES MAKEE mawaena o na awa o Oahu a me na awa o Kauai.

 

941 tf              T.R. FOSTER & CO. (Poka Ma.)

 

 

ASA KAULIA,

Loio a Kokua ma ke Kanawai.

 

Ua makaukau au e lawelawe i na hana a pau ma keia Oihana i mua o na Aha a pau o ka mokupuni o Oahu.  E loaa no au ma Koolaupoko, Heeia, a ma Honolulu i kekahi wa Hooko ia na kauoha mai na wahi a pau o ka mokupuni me ka eleu a me ka hikiwawe.

 

 

DR. RODGERS,

-OIA O-

KAUKA LOKEKE.

 

UA hoonee ae nei i kona keena oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu.

            Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.

            O kona hale noho, aia no ma ka pa o ka Hotele Hawaii, ma kahi i noho mua ai.

 

881 tf

 

 

Kauka O.S. Cummings, M.D.

HOMEOPATIKA.

 

Oia ke Kauka i kamaaina mua ia oukou e na kanaka Hawaii ma ka inoa,

“KULU WAI LIILII”

Ua hoi mai nei oia, a e pahola hou mai ana oia i kona akamai lapaau ia kakou.  Aia kona Keena Lapaau a me kona wahi noho i keia wa ma kahi o Mr. Wm. G. Irwin, make kihi o na alanui Papu a me Beretania, ma keia aoao aku o ka luakini o Kaukeano.

 

888 tf

 

 

KA BUKE KUHIKUHI

NO KA PAPA HELU

A ME

NA MEA PILI KALEPA

O KE

AUPUNI HAWAII

A HE

ALAKAI NONA HUAKAI KAAHELE.

 

E loaa no maloko o keia BUKE KUHIKUHI e hoolaha ia aku ana na wehewehe ana i kahi, ka oihana a me kahi noho o na kanaka mea oihana e noho ana ma keia mau mokupuni i na he kanaka Hawaii, a kanana o na nina e mai paha.

            E hoike pu ia aku ana no hoi maloko o keia Buke ka papa inoa piha o na mahiko, na mahina ai me na aina hanai holoholona, ko lakou kahua, na agena, na mea lawelawe, na Hale leta, a me ke kaawale mai ke Kulanakauhale Alii mai.

            Ka pupa inoa o na moku malalo o ka Hae Hawaii a me kekahi mau mea waiwai e ae.

            O keia BUKE KUHIKUHI e hoowaiwai mai ana ia i ke kanaka mea oihana e like me na hoike ana i loko o ua Buke la ma na mea pili i ko keia aupuni.

            Eia maloko o keia BUKE KUHIKUHI na hoakaka waiwai ana i ke kulana o na kanaka Kalepa, na kanaka paahana hana ike, na kanaka lawelawe waiwai paa, na kanaka lawelawe mahi, na loio, na mea malama Hotele, na poe kaahele, a me he mea la, e pau loa ana i ka hoike ia na kanaka mea oihana ma ko lakou mau kulana pakahi.

            A e komo ana no hoi iloko oia Buke na kanaka mea oihana a pau loa o na mokupuni a pau i hoonohonoho papa ia ma kela taona keia taona, a kauhale paha, a e hoike ana i ka inoa o na malihini i hoonohonoho pololei ia.

            E hoike aku ana i na hoakaka piha ana no na makiho, na mahi raiki, na mahina ai, me na aina hanai holoholona, ka inoa o na ona, na mea lawelawe a agena paha, ke kaawale o na mahiko mai ke Kulanakauhale Alii aku (Honolulu) a mai na kulanakauhale e ae paha, ka inoa o na alanui, a pela aku.

            Kahi kupono i ka noho ia ma kela me keia mokupuni a me na lilo o ke kamahele, a e hoowaiwai nui ana keia Buke i ka malihini kaahele.

            I ka wa e pau pono ai na hemahema o keia Buke, e komo aku ana ma na lima o na poe lawelawe oihana mahi ma na mokupuni a me ka poe i ake nui ia e loaa na hoolaha ana iwaena o lakou.

            He mea hou loa keia Buke, a o na mea i hoakaka ia maloko, he hiki ke hilinai ia.

            He Buke beia no Hawaii nei, a he pono ke lawe nui ia.

            E hookomo pu ana me kekahi mau olelo hoolaha.  Uku no na Olelo Hoolaha: -no

                        ka aoao hookahi, $20.00

                        Hapalua aoao, $13.00

                        Hapaha aoao, $7.50

            Kumu kuai o ka Buke ke paa, $3.00.

 

GEORGE BOWSER,

            MEA HOOLAHA.

            941 6m 967

 

 

Nuhou o ko na Aina

 

No Europa.

 

            Mai maluna o na puali koa Beritania.

            O na puali koa Beritania e hoopuni mai ana ma ke alo o Cabula ua pahola mai la ka mai maluna o lakou a oia ka mea nana i hoonawaliwali nui i ka poe Beritania, a o ka poe koa Afegana, e ku ana ma na laina koa, ua ku mai la me ka eleu a holo pono imua o ko lakou mau enemi.

            Ua loaa mai nae kekahi lono mai Guadamaka mai e olelo ana, ua maluhia no ka noho ana o ke kulanakauhale o Cabula; aka nae, he mau oehuehu no i ike ia ma kahi hoomoana, a ua manao ia e alakai loa aku ana ia mea i ka hoomakaukau ana a na koa Afegana e paa i na mea kaua me kona hoa paio ke hiki aku i na la mua o Aperila ae nei, ma Sirpur.  Ua hoike ae kekahi mea kakau, e hoonee ae ana o Kanela Braita i kona mahele koa ma Cabula mamua o ka hiki ana mai o ua manawa la.

 

Make a ka ai.

 

            Ua loaa mai kekahi lono mai Konakinopala mai e hoike mai ana ua pahola ae kekahi ulia pilikia ma Adrianople e pili ana i ka make a ka ai.  Ua loaa aku he 15 mau kino make i ka nele a ka ai iloko o ka la hookahi.

            Ma kekahi mau lono i hoike ia mai, i ka wa i loaa aku ai na kino make, ua ike ia aku e paa ana na apana laau ma ko lakou mau waha.

 

Ka moku hao holo.

 

            Ma ka la 26 iho nei o Ianuari, ua hoao ia ka moku hao kaua Italia, Duilio, a ua ike ia kona holo he 14 mile i ka hora hookahi; o ka eono hapa hiku nae ia o kona ikaika.  Ua oleloia, oia ka moku holo a ikaika loa ma ke ao nei; aia maluna o na kehani mea paahana kaua ikaika a me kehahi mea hoopahu.

 

Ka hoopai e na Powa.

 

            O ka poe nana i lawe powa iho nei na dala mahuahua o ke aupuni o Rusia mai ka hale oihana mai nona ka heluna 1,500,000 roubles ma Cherod ma Rusia Hema, ua hohu ia iho nei a hookolokolo ia, a ua hooholo ia ka hoopai no lakou penei: He ekolu kane, e hoopaahao ia lakou ma ka hana oolea iloko o na makahiki he 15.  O ka wahine hoi nana i alakai i keia poe i kahi e loaa ai keia puu dala nui, e hoopaahao ia oia ma ka hana oolea no na makahiki a pau o kona ola ana.

 

NO AMERIKA HEMA.

 

            Ka haunaele ma Rio de Janeiro.

 

            Ua loaa mai kekahi lono ma ke ala mai o Lisbon mai Rio de Janeiro mai, e olelo ana , mamuli o ka hoopii ia ana o na auhau o na ohua kaa ahi, ua hui ae kekahi poe lehulehu a hana ino aku la i na kaa a me na mea a pau e pili ana ilaila, ua okioki pu ia aku la na ala hao me ka poino nui, ua hailuku aku la keia poe i na kanaka paahana o na kaa, a ua ki pu aku la kekahi poe.  Iloko o keia haunaele ana, ua make ekolu kanaka, a he kanakolu i hoeha@a he mau koa me na makai no hoi kekahi i hoehaia.

            Na hoomakaukau kaua mawaena o Kili a me Argentine Con. federation.

 

            Ma na lona i hoea mai Lima mai, oia keia malalo iho: E ia he oehuehu kaua e uluaoa mai nei mawaena o ke aupuni Kili a me Argentine Confederation ma Amerika Hema.

            Ua kahea ae nei ke aupuni o Kili he 50,000 kanaka a ua makaukau i keia manawa.

            A ua olelo ia, ua l@l’ae nei ia Argentine Confederation na moku hao kaua Italia “Roma” a me “Venicia” ma ke kuai, a me he mea la o ka ulele wale aku no koe.

 

NO AMERIKA AKAU.

Pau Ahi.

 

            Maluna o kekahi moku mahu ’Charmer’ he 2,100 bela pulupulu, ua holapu ae kekahi ahi, a pau ka moku me ia waiwai pu, oiai ua moku la e holo ana ma kahi he 15 mawaho ae o ka muliwai Ula.

            He ewalu mau ola kino i pono-elua wahine malama keena, elua kuke, elua kapeniboe, hookahi puhiahi a me hookahi kela.  O ka waiwai a pau i poino, ua hiki aku i ka $130,000

 

He hana i pepehi ia.

 

            Ma ka la 4 o Feb. iho nei, ua komo aku la kekahi mau kanaka i huna i ko lakou mau helehelena ma ka halo noho o Donele me kona ohana ma Lukana, Amerika Huna a pepehi aku la i ka makuakane, makuahine a me na keiki elua.

            Hookahi o keia ohana he wahi keiki ua pakele ma kona pee ana malalo o ka moe.  Ua puhi aku la keia poe powa i ka hale i ke ahi. a ua pau pu keia mau kino make i ka @ ia e ke ahi a lilo i lehu.

            Ua huli hou aku la ua poe powa la ma kekahi hale, a ki pu aku la i kekahi keiki no @ ua hale la no, a make.  a ma keia mau hana lokoi@o i ulu ae ma ia wahi, ua pihoihoi nue ae la ko ke kulanakauhale, a ua hoow@la ia ko lakou inaina me ha huhu nui i keia poe.

            Ke olai nui ma San Salvador.

            Ma ka po o ka la ekahi o Ianuari, ua hoon@@eue ia ae ka honua ma Salvador ma Amerika Hema, a he nui weliweli ka poino i hoohia ia maluna o ka aina a me ka lahui kanaka.

            Ma kahi i kapa ia o La Libertas, ua ike ia aku, ua like ka honua me he aha la @ia ka hooleilei ia io ia nei, a o na kanaka ua like lakou me ka poe ona e hilala ana io ia nei, a ua ike ia aku e moe mai ana ma na pipa alanui.  Ua hoopilikia nui ia na hale a me na waiwai e ae.  Ma kekahi mau wahi o San Salvador, ua hoomania pu ia, a ua mahuka aku kekahi poe mai na home aku a haalele i ko lakou wahi.  O na kanaka mea oihana, na makaukau ko lakou mau holoholona me na noho no ka haalele iho i ka aina.  Ma ka loko wai o Hoango, ua like me ka wai i @aila ia, a ua puka ae na uwahi pele punonohu.  O na kanaka paahana hoomak@ul@ imi waiwai, ke kaii mai nei ka iho ana aku o ko lakou mau lima ma na hana.

            O ka hapa nui o na kanaka, ke pihoihoi nei lakou no ka haalele iho i ka aina a imi aku i ko lakou ola.

            Ke hana nei ke aupuni e hoohana aku i kona mana nui maluna o na makaainana e hoomahelie aku ia lakou, a ke hoolako nei me na makaukau no ke kaahele ana aku; a ke hoomakaukau nei i na mea e hiki ai ke pale aku i na hana hooaunaele a ka poe kue i ke kanawai a me ka poe hao wale.

 

 

NU HOU KULOKO.

 

            MA ke Sabati i hala, ua hoala ia ka lulu kokua i ka poe hune a pilikia o Irelani maloko o Kawaihao.

 

            MA ka hookomo ana mai o ka moku kuna “Waimalu” ma ke awa nei, ua ika ia ae la oia a kau ana ma kaika makai aku o ka hale kukui, a ua pakele no nae.

 

            E HOALA ia ana ma keia mua iho, maloko o ka Lyceum e na wahine o keia kulanakauhale, he mea kuai, no ka hoala ana i ka luakini Bihopa ma Kaneohe, a me Kealakekue.

 

            ULIA POINO.-Ma ka Poaono aku nei i hala, oiai o Mr. Kerr, haole pena maluna o kona kaa ma Alanui Piikoi, ua haule aku la oia i lalo mai ke kaa aku, a ua hai kona wawae.

 

            NA AKOAKOA.-Ma ka Poaono aku nei i hala, uakuni ia aku ma ke kudala e C.S. Bartow na akoakoa, na pupu, na moena a pela aku ma kona hale kudala, he mau waiwai kupono lakou no ka hoonani hale.

 

            AOLE OIAIO-O ka olelo e laha nei mawaena o kahi poe no ka lawe ia ana mai o ka mai pu@puu lepela maluna o ka mokuahi Zealandia i ka Poalua iho nei, aole oiaio.

 

            HE MOKU KUNA. – Ua lohe ia mai, ua lilo ae nei ia Mr. A.F. Cooke ka moku kuna General Siegel ma ke kuai ma pa Poaono o ka pule i hala, a e hoolilo ia aku ana i moku lawe ukana no keia mau kai.

 

            HE HOA PAAHANA. – Ma ke ku ana mai nei a ke Zealandia mai Kapalakiko mai, ua hiki mai nei ma Honolulu nei o Rev. C.L. Hook o No Hamesia, a e lawelawe aku ana oia i ka hana misionari ma neia Pae Aina ma keia mau la aku.

 

            KA WAIEHU. – Ma k@ huli hoi ana mai a ka moku kona “Waiehu,” ua halawai oia me ka ino ma ka mo@ma, a ua kaiehu pu ia aku la kona kaula ihu, aka, ma ka eleu no o kani Kapena Kaluna, ua paa hou ae la no.

 

            KALAKAUA. – O ka moku kiapa “Kalakaua” i hoomalu ia iho nei no ka loaa ana o ka opiuma mai luna mai ona, ua holo aku nei oia me ka pau ole o na hihia e pili ana ia ia, a ua waiho iho nei oia i ka bona no na dala he 2,500.

 

            UA HALA. – Ma ka la 18 iho nei o Feb. ua waiho maila o Kapohaku wahine i kona kino lepo mahope o kona ola ana no na makahiki he 69; he hoahanau oia no ka ekalesia o Kawaiahao.

 

            NO KAUAI. -  Ma ka holo ana aku nei a ke Kimo Maki no na awa o ka mokupuni olalo, ua kau aku nei maluna ona na mea kiekie R. Keelikolani me Likelike Cleghorn, a e hoonanea ana paha laua no kekahi mau la malaila, a hoi hou mai.

 

            ZEALANDIA. – Ma ka po Poalua iho nei, ua ku mai la ka moku mahu Zealandia mai Kapalakiko mai, a maluna mai ona i kau mai ai kekahi mau ohua eepakeke he lehulehu wale no keia awa a ne na awa ma ka Hema, a me na nu hou o na aina e, a ma ke kakahiaka Poakolu ae, ua hala loa aku la no Sidene.

 

            UA HALA. – Mahope iho o ke kaa ana i ka mai no kekahi mau pule loihi, ua haalele mai o MRS. PANIO FRENCH i keia noho ana ma ka po o ka Poalua iho nei, ma ka home o kana kaikamahine ma Kaakopua.  He wahine kamaaina kahiko ia no keia kulanakauhale; he malamalama no na wahi a pau a pau ana i noho ai.

 

            NO KE KUDALA. – Ma ka Poaono e hiki mai ana oia ka la 6 o Maraki, ua makaukau o E P Adams ka Luna kudala e kudala aku imua o ke akea i ka apana aina nui o Keano Eldridge i hoopaa ia malalo o kekahi moraki e waiho la ma Kula, Maui, nono na eka he 10,000, nolaila auhea oukou e na Hawaii kuonoono e hoike i ko oukou aloha aina. ma ka hooikaika ana e koho a lilo mai no oukou.

 

            PAU I KA MANO. – Ma ka Poakolu o Feb. 11, ua naha iho la ka waapa o ka moku kuna Brigg ma ke awa o Paauhau, Hamakua, a make loa kekahi kela; a ma ka Poalima ae, ua lana ae la ua kela make la, a ua makaukauia e kii ia aku, aka, ua hiki mai nae ka waapa o ka moku me na pohaku elua i mea hoopalemo i ke kai; i ka waapa nae i hookokoke mai ai, ai ia ae la ua kanaka make la e ka mano a pau loa. he mau minute paha ko ka mano hoikeike ana mai a nalowale loa aku la.  O na mea ma ka waapa o Kanehoa a me Capt. Cook.

 

            LETA A NA MAKAMAKA. – Ua loaa mai kau e J.K. Kamakini, ua pohihi makou i kau, e hoomoakaka hou mai i ka nui o na pepa ma ke ope a me na wahi pakahi.

            - Ua loaa mai kau e S D W Kawaiulailiahi o Waitee, e hai mai oe i na helu i hiki ole ke aku, a e launa mai oe me ko makou luna ohi dala S. Kaaikaula.

            - O kau e J Poai o Haiku, e hooko aku no makou i keia pule ae.

            - O kau e J B. Kakuamoku o Wailua, Maui, e makaala mai i ko makou luna ia S. Kaaikaula.

 

            PEPEHI. – UA lohe ia mai, aia ma Wahiwa ma Kauai, ua pepehi iho la kekani pake i kona kaikaina a make loa.  I na he oiaio kela, he keu mai nei hoi keia o ka wa pepehi kanaka.

 

AIA no ka hoailona Moi Liliu Loloku i ka moku o lalo kahi i nanea ai, e walea ana i na hana a ka wailele i ka moana, -he hailona no ka wahine aukai.

 

            NO KA AINA MAKUA. – Maluna aku nei o ka mokuahi no Kapalakiko i ka Poaikahi o ka pule i hala, i kau aku ai ke kahu o ka luakini o Polelewa a me kana wahine, no ka laua huakai i Amerika me Europa.

 

            UA hooia ia mai ka hookohu ia o ke Kanikela Amerika Morton e noho nei i Honolulu nei, i Luna Dute awa nui no ke awa o Kapalakiko, e ka Peresidena o Amerika.

 

            KE KII MAKANA. – Ke lawe ia aku nei ka makou kii o Kenela Kalani i kela a me keia la, a he mau haneri i pau aku i ka pule i hala ma ka lima o ka poe lawe pepa a me na luna o na mokupuni, a ke lawe nui ia nei; nolaila, eia ka wa no oukou e ka poe i hookaa hapa mai a me ka poe i @@@@@@ ole mai, e lawelawe ai ke o no ka hookaa ana o p@u e auanei i ka poe hikimua a ku oukou i ke A-u i ka ia lele o kai.

 

            WAIMANALO NO KE KUAI. – Ua ike iho makou e kuai ia aku ana ke kialua mokumaku “Waimanalo” i ka mea a mau mea nana e koho a lilo; nolaila, e ia ka wa no oukou e na Hawaii i hoomakaulii i kahi loaa e hoike ai ia oe iho o kekahi o na ona hooholo laina mokuahi no ko kakou mau awa.

 

            HE UA KOKO. -  Ma ka auina la Sabati iho nei, ua ike ia aku ua uhi pohina paapu mai la ka aina me ka uwahi lepo i puhi ia mai e ka makani mai ka moana loa mai, a ua pioleke ae kekahi poe o ke kulanakauhale nei me na manao like ole no keia uwahi.

 

            NO MAIKONISIA MAI. – Ma ke kakahiaka a me ke ahiahi Sabati iho nei, ua lawe o Kanoho i ka hana ma ka luakini o Kaumakapili, a ua hoike mai oia i na mea hou a me na mea pili aahu o ka aina ana i hele aku nei.

 

            MINAMINA OLE. – Ua lohe mai makou, ma ka po o ke Sabati iho nei, ua ai iho la kekahi pake ma Honolulu nei i ka laau make, ua lawe ia mai oia ma ka halewai, a mai laila aku, ua lawe loa ia aku i ka Haukapila malalo o ka hooponopono ana a na kauka.

 

            KOPI KA PAAKAI. – Ua loaa mai kekahi lohe mai ia E. Helekunihi mai o Haiku, Maui, e hai mai ana ua hookolokoloia a hoopana he 19 poe hoohaunaele ma Makawao iloko iho nei o ka la koho balota Hoike mai ka hua i ka hopena o na hana ino.

 

            NO PUNA. – Ua wawalo ae na leo hoopuiwa ma na alanui o ko kakou kulanakauhale nei e olelo ana, ua hoopahu ia ae la ka kekahi wahi o Puna ma Hawaii e ka pele, nole nae i maopopo loa mai nei ka oiaio, malia paha, ke hoi mai ka Likelike alaila, e loaa pono mai na lono oiaio.

 

            KA MOKU KUNA HOU. – Ma ka Poalua o ka pule i hala aku nei, ua ku mai ma ko kakou nei awa he moku kuna hou no ka Hui o Allen ma, a e hooholo pili aina mau aku ana oia no ko kakou mau kai nei malalo o ka inoa Kauikeaouli; a ua honu aku nei oia no kona huakai mu no na awa ma Hawaii.

 

            PILIWAIWAI. – Ma ka po Poaha o ka pule i hala, ua hopu ia a lawe ia mai ma ka hale wai he 35 mau pule pili waiwai ma ka Hale Keaka Pake, a ua uku aku lakou me na bela like ole; a ua lohe ia mai, he hookahi wale no o lakou i hele mai i ka hookolokolo, a o ka hapa nui, ua haalele i na bela.

 

            AIA I Kapalakiko ae nei o Miss Montague (Mele Kuke) kahi i himeni ai; a ua piha na mea a pau i ka mahalo no ka olu a me ka lea o kona leo ma ke mele ana.  Ua loheia, e hole mai ana oia, a e hoonanea i kona mau makamaka o ka aina hanau nei, ma ka haawi ana i mau ahamele.

 

            KE pai ia nei ma ke keena pai o ke KUOKOA, ka buke o ke ”Ola Kino“ a makou i hoolaha mau iho nei i kela makahiki i hala, malalo o ka hooponopono ana a Hon. W. M. Kipikona me kona mau hoa komite, me ka mea mahele Hale L. Sheldon; a e makaukau ana paha no ka waiho ana’ku imua o keia kau Ahaolele ae.

 

            MAI FINO. – Ma ka auinala Poakolu o ka pule i hala, ua puiwa ae la kekahi lio ma ke alanui Papu, a puoho aku la oia me ke kauoloko ana i kekahi barela ukana ole mahope, a ma ia mea, ua puiwa aku la na lio kauo kaa o ka Lunakanawai Kiekie Hon. C. C. Harris a holo aku la iuka a huli ae la ma ke alanui Hotele. ua kahuli aku la ke kaa, a haule aku la o Harris ilalo me ka paa no nae o kona lima i ke kaulawaha, a ua ku iho la na lio, i na paha i paa ole kela mau lio, i na ua ae aku ke kaa maluna o kona kino; aka, ua laki loa i ke ku ana, aohe i poino.

 

            NO MAUL. – Ma ke ahiahi o ka Poalua iho nei, i hole aku ai kekahi o ko makou hoa ulelehuakepau no kana huakai ohi dala no ka nupepa KUOKOA, oiai, ua hookohu ia oia i elele ohi dala no ka nupepa KUOKO, e halawai mua aku ana oia me ka makani kaulana o ka Malu Ulu o Lele he Maaa.  A maila aku a i na Waieha, a e hiki loa aku ana paha oia i kahi o ka ua kaulana, oia hoi ka ua Ukikiu o Makawao.  A o ka makou e kau leo anei, e holopono kana hua kai me ka maalahi.