Ka Nupepa Kuokoa, Volume XX, Number 45, 5 November 1881 — Page 4
| This text was transcribed by: | Jan Pappas |
| This work is dedicated to: | Jon Yasuda |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
@ HUHA.
No ka Makahiki, $2. Eono Mahina, $1.
Da@a Kuike ka Rula.
POAONO, NOVEMABA 5, 1881.
Leo Kahea –Ina kula Sabati o Hamakua, mai Keelaa a Waimanu. Aloha.
O ka ia 31 Dekemaba, oia ka la hoike hui o na kula Sabati o kakou ma Waipio nei, nolaila e ala a e huhu@a hoomakaukau, mai hiamoe, e ala e Kaaia, e eu e Mauna hoeno, e ku e Pa@ohau, hele mai e Kapalena, iho mai e Eleio, e eleu mai hoi e Waimanu, aohe hana a Waipio, ke noho pu nei o Kukahoa. Me ka mahalo, ka oukou kauwa haahaa. W A Mio.
Hamakua, Oct 28, 1881.
AUHEA KUU KEIKI I KEIA PO.
Where is my wandering boy to-night?
Gospel Hynms No 279.
1
Auhea kuu keiki i keia po,
Kuu keiki auwana e,
Kuu hiwa e, a kuu lama,
A nona kuu pule nei?
Cho. Auhea kuu keiki e,
Kuu keiki auwana e?
U kuu naau no ke keiki a’u.
Auhea kuu keiki e?
2
Mamua he keiki maemae nei,
Kukuli a pule e.
He maka la@l@ a naau maikai.
Aloha kuu makamae.
Cho. Auhea, &c.
3
Ina e ike hou ae au
Ua keiki aloha nei,
A @ohe i kona leo pu,
Me e kou hauoli e.
Cho. Auhea, &c.
4
E kii ia keiki auwana’e,
E huli io a ia nei.
E kii a e hoihoi mai,
Mau, mau kuu aloha.
Cho- Auhea, &c.
Hawaii.
Haawina Kula Sabati.
HELU 8, SABATI, NOV 20, 1881.
KUMUHANA.
Ka makahiki Iubile. Pauku Baibala
Oihk 25;8—17.
8 A e helu oe i na Sabati makahiki ehiku nou, i ehiku hiku mau makahiki, a o ka wa o na Sabati makahiki ehiku, he kanakakumamaiwa mau makahiki nou.
9 Alaila e hookani ai ou i ka pu Iubile, i ka la umi o ka makama ahiku, i ka la kalahala, e hookani ai oukou i ka pu ma ko oukou aina a puni.
10 A e hoano oukou i ke kanalima o ka makahiki, a e hai aku i ke kuu wale ana a puni ka aina, i ka poe a pau e noho ana ilaila; e lilo ia i Iubile ia oukou., a e hoi oukou kela kanaka keia kanaka i kona aina iho, a e hoi oukou kela kanaka keia kanaka i kona ohana iho.
11 He Iubile auanei ia makahiki kanakima ia oukou. Mai lulu hua oukou, aole hoi e okioki i ka mea ulu wale ia makahiki, aole hoi e ohi i ko ke kumuwaina paipai ole ia.
12 No ka mea, he Iubile ia, e hoano auanei ia oukou; mailoko mai o ka mahinaai, e ai ai oukou i kona hua.
13 i ka makahiki o ua Iubile nei, e hoi ai oukou kela kanaka keia kanaka i kona aina iho.
14 Ina e kuai lilo aku oe i kekahi mea i kou hoalauna, a ina kuai lilo mai oe i kekahi mea mai ka lima mai o kou hoalauna, mai noho oukou a hooluhi hewa kekahi i kekahi.
15 E like me ka helu o na makahiki mahope ae o ka Iubile, e kuai lilo mai me kou hoalauna, a e like me ka helu o na makahiki o na hua, a kuai lilo aku oia ia oe.
16 Mamuli o ka nui o na makahiki e hoonui ai oe i ke kumu kuai oia mea; a mamuli o ka uuku o na makahiki hua, e houuku ai @ kona kumu kuai; no ka mea, ma ka kelu o na makahiki hua, e kuai lilo aku ai oia ia oe.
17 Nolaila, mai hooluhihewa kekahi i kekahi, aka e weliweli oe i kou Akua; owau ao Iehova ko oukou Akua.
Pauku Gula, Hal 89; 15 hoopaa.
Mele, him 498 Puhi i ka pu oukou.
Pule i hiki mai ka Iupile euanelio.
Ka wehewehe a ninau ana.
Aia no na Iseraela ma ka papu o Sinai, e hoolohe ana i na olelo i koe a ke Akua i hai mai ai ia Mose ma Sinai.
Ua pau ke kuhikuhi ana no na ahaaina, makahiki ekolu.
Owai ia mau ahaaina ekolu
Ua pau hoi ke kuhikuhi ana no kekahi manawa hoomaha, oia hoi ka la Sabati.
Heaha ke kanawai no ka Sabati.
Elua manawa hoomaha i koe.
Ka manahiki Sabati
Ka makahiki Iubile.
Ke makahiki Sabati, nana ma ka mok 25 o Oink p 1-7.
Heaha ke ano o ka mak Sabati, he makahiki hoomaha ia no ka aina.
Me he la, ua Iubi ka aina i ka hoohua loihi ana, ua pau kona momona a makemake i manawa hoomaha @ loaa hou ka momona.
Aia a hiki na Iseraela i Kanaana, alaila, e malama ka aina i Sabati no Iehova, hookahi makahiki ka loihi o keia Sabati.
I ehia makahiki e lulu hua ai ma ka mahinaai, a e paipai ai i ka malawaina a e ohi ai i kona hua?
Heaha ka hiku o ka makahiki, mai aha oe ma ia makahiki?
E waiho wale i na mahinaai aole make e mahi e palau a e luiu hua.
Nohea ka ai no ia makahiki?
No na mea ulu wale, e ulu wale ana na mea uiu a e hua mau mai ana no @i na hua.
Ua noa ia mau hua no na mea a pau, no ka poe ilihune a no na malihini, a no na holoholona, na ke Akua ho@ e hoomahuahua i na mea ulu wale ma ia makahiki, Heluhelu mok. 25; 20-22.
Heaha ka hana ma ka mak Sabati?
Nui no na hana na ahaaina makahiki ekolu, na mohai i kela la a i keia la, ka hana hou ana i na hale, ka hoomaemae ana, ka akoakoa ana e heluhelu, e hoolohe i na kanawai a pau ma ka ahaaina kauhale lewa &c, &c.
Ka makahiki Iubile.
Ua lohe pinepine kakou ia huaolelo Iubile makahiki Iubile.
Ua hoike mai kona ano mua ma Oihk mok 25;8-17.
P 8 e helu i ehia Sabati mak?
Ke ano o ke Sabati maanei, he hebedoma okoa ia, oia hoi ehiku la, he hebedoma Sabati, ehiku ia makahiki, ehiku hiku, he 49 ia, e helu ia ehiku hiku makahiki he 49 makahiki ia, a o ka makahiki 50, oia ka makahiki Iubile, ua hoomaka ia ma ka la 1 o Tiseri oia hoi ka malama mua o ka makahiki kivila, ko lakou la hape nuia, ehia mea pili ilaila?
P 9 i ka manawa hea e hookani ai i ka pu iubile? Ka hiku o ka malama o ka makahiki laa, ka malama mua nae ia o ka makahiki kivila, ka pu, he pepeiao hao hipakane paha ia, Iubile ke kani ana paha ia, he kani hauoli, he kani hookuu i ka poe i hooluhi ia, i ka poe pio.
Ka ia 10 oia ka la kalahala, ua wehewehe ia ma ka haawina 6.
Mahea e hookani ia ai ka pu?
Nawai e hookani, na na kahuna paha, na na poo ohana paha.
P 10 e aha i ke kanalima o na makahiki?
E hai aku i ke aha, he makahiki kulaia ia no na paahana, no na kauwa, no ka poe aie, he iubile ia no na Iseraela a pau mai o a o a puni Kanaana.
E hoi kela me keia i hea, i kona aina i lawe ia paha no ka aie, a i kona ohana, na lala i hookaawale ia no kekahi mau kumu, e hoi a hui hou me ka ohana ponoi.
P 11 he aha ia makahiki, he Iubile, he makahiki olioli, hauoli a hoomaha.
Mai aha i na hua, mai okioki i ke aha, mai ohi i ke aha, ane pohihihi keia papa ana, eia paha ke ano.
O na mea ulu wale, aole ia no ka ona o kahi e ulu wale ai a hua wale ai, aka no ke la mea, no keia mea, no na mea a pau, no na kanaka, no an holoholona e like ia me ka makahiki Sabati. No Iehova ka aina a pau, na kanaka na paahana o Iehova.
P 12 ma ia makahiki Iubile, no hea ka ai, no na mea e ulu wale ana.
P 13 iloko o na makahiki he 49 ua lilo paha ka aina o kekahi ia hai, ua kuai ia paha no ka pilikia no kekahi mea e.
Pehea ia mau aina ma ka makahiki Iubile?
P 14 heaha ka mea i papa ia ke kuai lilo aku a kuai lilo mai kekahi i kona aina i ka hoalauna?
Aole e paa mau ana keia kuai ana, he kuai alodio hapa keia, a hiki i ka makahiki Iubile pau ke kuai ana, hoi aku, hoi mai na aina i kuai ia.
P 15 mai hea e helu ai i na makahiki ke kuai aku a kuai mai i ka aina, mai kekahi Iubile a i kekahi Iubile, e waiho ana i na makahiki Sabati, na makahiki lulu ole a ohi ole i na hua i mea e waiwai ai
P 16 ma ke aha e hoonui ai a e hoouuku ai i ke kumu kuai no ka aina?
Penei, ina nui na makahiki i koe a hiki i ka Iubile, nui ka waiwai e loaa ana no loko mai oia mau aina kuai, nolaila, e hoonui i ka uku kuai me he uku hoolimalima la, ina uuku na makahiki i koe a hiki i ka Iubile, uuku no ka waiwai e loaa ana.
Nolaila e hoemi i ka uku kuai, e like me ka aina i hoolimalima ia 500 dala no na mak 50, ua pau na mak he 40, makemake au i kuai ia hoolimalima ana, heaha ka’u e uku aku ai.
P 17 hai like mai ia pauku.
Na ninau i o lanei.
Na kane, pehea ka loihi o ka makahiki Sabati?
Heaha he ano nui o ia mak?
Ua malama ia anei ia makahiki mahope iho?
Ua malama ia a hiki i ka hooponopona aupuni ana o Samuela.
Mai laila aku ka waiho ana a lawe pio ia na Iudaio i Babulona, 70 mak i waiho ia, 70 makahiki ka noho pio ana, 2 Oin Lii 26;21.
A hoi na pio i Iudea, hoomaka hoi lakou e malama ia mak.
Na wahine, pehea ka loihi o ka Iubile, he aha ka like ole o ka Iubile me ka makahiki Sabati?
Ke kula a pau, heaha na iubile i keia ma nawa.
Na la kulaia, karisimaka, hape nuia, ia
hanau, makahiki hana he 50, hoike kula, wa huli nui, wa milenio.
Mele, him 499, E oli, e oli, eia’e ka Milenio.
Pule i hiki koke mai ka milenio.
Haawina no Nov 27. Na Helu 21;1—9
MOOLELO O KA AHAHUI EUANELIO O KA MOKUPUNI O OAHU.
Halawai ka ahahui euanelio o ka mokupuni o Oahu ma Waianae, i ka la 11 me 12 o Okatoba 1881, hora 10 am.
Wehe ia na hana me ka haiao a Rev E S Timoteo ma Hal 133;1.
Koho ka aha ia Rev S Waiwaiole i luna hoomalu, S Paaluhi kakauolelo.
Ekalesia Kahu Elele
Kawaiahao Nailipelapela
Kaumakapili S N Kaeha
Waimanalo S Waiwaiole @aholowaa
Kaneohe Meemano
Waikane J N Paikuli
Hauula J W Kaapu Kauwa
Kahuau
Waialua Timoteo Kanakaole
Waianae J Kekahuna Umi
Ewa Puahiki
Kalihi & Moanalua Paaluhi Kunia.
Makua misionari C M Hyde D D.
No Maikonisia W B Kapu,
Na haumana kula kahunapule, Kaeha, Kaili, Maluea, Kaiwiaea.
Koho ka lunahoomalu i na komite mau.
Komite imi hana C M Hyde DD, Kaapu, Kapu.
Komite imi haawina, Paikuli, Timoteo, Kekahuna.
Komite pai moolelo, Waiwaiole a me Paaluhi.
Koho ia o Kaoliko, Maikai i mau hoa kuka no ka aha.
Hoike hapa a ke komite imi hana,
1 hapalua hora haipule
2 na hoike kihapai
3 na haawina i hoonoho ia
4 na ekalesia kahu ole
5 na palapala hoopii
6 ka hoike o na komite
7 ke kula kahunapule
8 no na kula hanai kaikamahine, aponoia.
Heluhelu mai o Kaeha, Meemano, Paikuli, Kaapu, Kekahuna, Paaluhi, a na ke kakauolelo i ka hoike o ka Haku, a na lakou i hoike i ko lakou mau kihapai.
Heluhelu mai o S W Waiwaiole, Puahiki, Nailipelapela, i ka hoike o na kihapai.
Heluhelu mai o Hyde i kona haawina. Heaha ka milenio a me kona ano, a hea la ia hiki mai?
Hooholo ka aha e hoolaha ia ia kumuma nao ma ka Nupepa
Heluhelu mai o Meemano i ka haawina o ka ekalesia o Kaneohe. Na ouli o na ekalesia o Oahu nei.
Heluhelu mai o Kaili i kona haawina, Heaha ka oihana a ka uhane, ma 2 Korineto; 3;8.
Heluhelu mai o Timoteo i kona haawina, Heaha la ka anela o ka ekalesia ma Epeso, a heaha hoi kona pili.
Hooholo ka aha e koho i komite e hele ai e kuka me na ekalesia kahu ole, Hyde Waiwaiole, Paaluhi, Timoteo.
Heluhelu mai ke kakauolelo, he palapala noi i keia aha, e ae iku i ke kahu o Kaumakapili e hele e noi i na kokua mai na ekalesia a pau o Hawaii nei no ka luakini o Kaumakapili.
Ua hoololo ka aha, e ae aku ia palapala noi no ka hele ana o ke kahu.
Hoike mai o Kaapu ke komite kukulu hale o na kahunapule a ua hoapono ia kana hoike a e hoomau hou ia aku ia komite ma ia hana, a hiki i ka halawai hou ana o keia aha.
O ke kula kahunapule, ua hoakaka mai ke poo no oia kula.
Ma ka lohe ana o keia aha i ka hoike a ke kahu o Waialua no na mea e pili ana i ke kula o Waialua.
Ua noi ke poo o ke kumu kula kaikamahine o Waialua no kona nawaliwali e hookuu iaia, a ua noi pu @ku no ke kumu o ke kula e hoopau ia ke kula hanai kaikamahine o Waialua, nolaila, hooholoia.
He mea pono i ke kumu ke waiho i ke ku la no kona nawaliwali.
Hooholoia, e hoomau ia aku no ke kula kaikamahine o Waialua, aole e hoopau ia a na ka hope kumu no e malama i ke kula, a hiki i ka loaa ana o ke poo kumu.
Hooholoia, e hoomau aku no ka papa kahu o ke kula kaikamahine i ke kula ana me Waialua, ma ka hoolilo ana i ka hope kumu e malama nei, oia ke poo o ke kula kaikamanine o Waialua.
La hana 2.
Hoike hou mai ke komite imi hana.
9 ke koho ana i na komite ninau i na keiki e imi ana i ka oihana kahunapule.
10 ko Kapu moolelo e pili ana i na hana ma na aina pouli.
11 ka ona
12 ke kula Beritania ma Kaneohe.
13 na hoike komite imi haawina
14 kahi e halawai hou ai keia aha
Heluhelu mai Timoteo i ka hoike o ka ekalesia o Waialua.
Koho ia o Hyde, Waiwaiole i mau komite no ke kula Beritania ma Kaneohe.
Aia ma Kalihi i ka Poalua elua o Aperila 1882 kahi e halawai hou ai keia aha.
Na Haawina.
1 heaha ka Anekristo, ua hiki mai anei, ka wa hea, S Waiwaiole.
2 heaha na anela i hoikeia ma 1 Kor 4;10 J W Kaapu.
3 e wehewehe i ka manao o ka mok 12 o Heik, J Kekahuna.
4 e hai i ka manao o na pauku 22—31 o ka mok 4 o Galatia, ekalesia o Ewa.
5 he mea ola io anei ka ha@olelo Iapuwale a i ole pela, heaha ka manao oia, S K Paaluhi.
6 e wehewehe i ke ano o ka holoholona i hoike ia ma Hoik 13;1. Kalai.
7 e nana i ke Keiki Hipa a ke Akua o ka mea nana, pehea la kai makemake ia, M@lauea.
8 e wehewehe i ke ano o ke keiki ahauha i hoike ia ma Luk 15;11—32, Keaweamahi
9 e wehewehe i kea no o na pauku 9,10 o ka mok 10 o Mat, Kaehu.
10 e wehewehe i ke ano o ka pauku ma Mat 24;15, Waiwaiole.
11 e wehewehe i ka pauku ma 1 Sam 12;25, Kaili.
12 e wehewehe i ka pauku ma Roma 6;4 Kapali.
13 e wehewehe i ka pauku ma ke mele a Solomona 8;5, ekalesia o Kaeeohe.
14 heaha la ka hana e holo pono ai ka oihana kristiano iwaena o na kilibati, Maka.
15 he okoa anei ka ekalesia me kona kula Sabati i kuokoa ai ko iaua mau wahona a kue ia laua iho, Paalahi.
16 o ka babetizo ia ana o Iesu e Ioane Babetizo ma ka muliwai o Ioredane. Ua hooluu ma@li ia anei iloko o ka wai, aole paha, Rev H H Pareka.
17 e hoike mai i ka moolelo ano nui o ka hoonohonoho ana o na buke o ka baibala, oka poe nana i hoonohonoho, na kumu oia hoonohonoho ana a me na manawa oia hoonohonoho anat Bihopa.
18 e wehewehe i ke ano o na pauku ma Eze 47;1—12, Paikuli.
19 e wehewehe i ka pauku ma Halelu 76; 18, M Kuaea.
20 heaha na anela eha e ku ana ma na kihi eha o ka honua i hoike ia ma Hoik 7;1 Hyde.
21 heaha la ke ano o ka k@ Haku i olelo ai, e waiho malie me Ia, e ula pu ka palaoa me ke Zizania, Timoteo.
J N Paikuli
Komite E S Timoteo
J Kekahuna,
Ua ae ia o S Lutera mai Waianae mai, i Kanakanui mai Punaluu mai e komo i ke kula kahunapule.
Ua kamailio mui ka aha, no ka ona, alaila hooholoia, e lilo na kahunapule na luna a me na hoahana o na ekalesia i poe kinai i ka ona maloko o na kihapai o lakou.
Hoololo a, ke haawi nei keia aha i ka mahalo i ka ekalesia o Waianae i ko lakou malama ana i na mea e oluolu ai na lala o keia aha.
Olelo hoololo@ ke mahalo aku nei keia aha i ke konohiki o ka aina no kona hui pu ana mai e kokua i keia aha@ e holo maluna o kona kaa ahi, na lala a pau o keia aha a me na kamaaina me ka piha hauoli nui.
Hookuu ia keia aha, me ka pule a ka lunahoomalu.
S Paaluhi, Kakauolelo.
HOOLAHA A KA LUNA HOOPONOPONO WAIWAI.
MA ka la 10 o Okatoba, 1881, ua hookohu pono ia mai ka mea nona ka inoa malalo iho uei e ka lion. L McCully, Lunakanawai o ka Aha Kiekie, i Lunahooponopono no ka Waiwai o Keliikuewa no Honolulu, Oahu, i make kauoha ole. Nolaila, o ka poe a pau a ka mea i make i ale aku ai, e waih@ koke mai i ko lakou Bila me na hooiaio kupono iloko o na makama eono mai keia la aku, o hoole mau loa ia; a o ka poe a pau i aie i ka mea i make, e hookaa koke mai me ka hakalia ole. A pela me ka poe a pau e paa ana i kekahi mau waiwai o ka mea i make @ ko lakou mau lima, e hoihoi ko@e mai i ka mea nona ka inoa malalo nei * KALAIKOA,
Lunehooponopono o ka Waiwai o Keliikuewa i make
k@u@h@ ole.
Honolulu, Oct. 10, 1881. 1037 3t
OLELO HOOLAHA.
KE papaia aku nei ka poe a pau @ ka hehiku a hele wale ma ka aina a me na pono lawaia i lilo i ka Hui Hanai Holoholona o Wahiawa ma Kauai. O ka poe e kue ana i keia e hoopii ia no e like me ka mana o ke Kanawai.
1037 4t E A McBRYDE.
CHRISTIAN CERTZ.
Mea Hana Buti
--ME--
NA KAMAA MAOLI !
Alanui Papu, makai o ke Keena o Lui & Dickson
KE HAI AKU NEI OIA I NA MEA A PAU
Ua hoi mai oia mai Kapalakiko mai,
Ilaila Oia i ohi kino mai nei i na waiwai
nani a paa o kana oihana, a ke
waiho ia aku nei no ke ku-
ai ana no na kumukuai
o ka manawa
HE MAU WAIWAI PIHA O NA BUTI
Na KAMAA HAAHAA a me na ano kamaa
no na Lede. Na Buti, na Kamaa Haa-
haa a me na ano kamaa e ae a pau no na Keonimana.
NA BuTI & KAMAA HAAHAA
A ME NA ANO KAMAA E AE A PAU
NO NA KAMALII!
NA KAMAA O Na ANO HE NUI
O NA KAMAIKI OPIOPIO.
O @eia mau mea a pau ua hanaia me ke akamai loa a me ka paa o na ano hou loa, a ke h@ ia aku nei ia mau mea e like me ka mea i olelo ia
@ lawe ia no na kanoha mai @ Mokupuni me ka mai au me ka eleu. 9423@
E. Cook Webb, M. D.
HOMEOPATIKA.
(@ka o ka Halemai Homeopatika, ma @a Mokupuni Ward’s. N.Y.)
KEENA OIHANA..—Helu 60, Alanui Papu@ Makaukau mau e lawelawe i na pilikia mai o na wahine a me na kamalii.
HORA HANA.—Mai kakahiaka a hora 10 am.—2 a i ka 4 pm. 967 4m
Dr. E. H. THATCHER
KAUKA HUKI NIHO
A@ kona @ hana ma Alanui Papu @ 144 1-2 mala@a
Malaila oia e @ ai @ na poe a pau i hookia ia me @ ai-
@ eha. E loaa no oia mai ka hora 9 am a @ 5pm
Ua @ kekahi mea kuki oi@ a e ka poe e makemake
ana a huki ia ko lakou mau niho eha, e @ hale, no
ka uku kupono.
Honolulu, Dec. 01, 1880. 90@ ly
J. B KAOHI.
LOIO A KOKUA MA KE KANAWAI.
IMUA o na Aha Hookolokolo a pau ma ka Mokupuni o Hawaii a i @ hoi o na Aha Hoo@l@ a Apana a pau o k@ia Aupuni. E loaa no au ma Kohala Akau Hawaii.
963 ly
J. W. M. POOHEA.
He Loio a he Kokua ma ke Kanawai.
NO NA kanaka a pau imua o na Aha Apana a pau, a me na Aha H@ o na Apana Hookolokolo Kaapeni a pau o keia Aupuni, a imua o ka Lanakanawai Kaapuni o ka Apana I I ma ke Kee@a ma Molokai no na makahiki elua, a he Agena Hoo@aio Palapala Kepa no hoi no ia Apana. E hookoia aka no na kou-koi o ko oukou mau makemake me ka eleu. E loaa no au ma “ Kalauonaona Home, “ a I ole la, ma @a wahi e halawai ai.
Ke hoike akea aku nei au i ka lehulehu, ua wehe au i ko’u hoopaa ao@ he Loio no ka II@i Mahik@o Mo@nui. Molokai, a e lawelawe no au i ka’u Oihana no ka pono o ka lehulehu mai o a o. E ike ia’u @ mai e kokua i na pilikia pili Kanawai Mai nonohua a kakou na maka ilalo 1004 @
JAMES M. MONSARRAT.
[MAUNAKEA.]
Laio a he Kokua ma ke Kanawai
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoai@ dala ana.
A HE LUNA HOOIAIO PALAPALA.
Keena hana helu 9 alanui Kaahumanu.
Jan. 3, 1880. 944 lv
UA MAKEMAKE IA
NA ILI BIPI,
NA KIWI BIP.I,
NA IWI BIPI,
E haawi ia no ke kumukua i kiekie o ko kakou makeke nei e
H. Hackfeld & Co.
Honolulu, Mei 22, 1880. 964 ly
ALOHA ! ALOHA ! !
I’O’U MAU MAKAMAKA PONOI A ME
na makamaka o ke One Oiwi, e hoomanao i keia maluna ae Oiai, ke hoike aku nei au imua o oukou, ua hoonee ae nei au ko’u wahi hana mai ko’u kahua mua i kamaaina ia oukou, a ka Helu 70 Alanui Moiwahine, e pili pu ala me ko Hackfeld & Co halekuai, malaila au e hoomakaukau nei e hana i na ano hana a pau e pili ana i ke Kaa a me ke kapili ana i na kapuai hao o na lio me ka maikai a me ka maiau. A ke hoolaio aku nei au, o ka poe a pau e lawe mai ana i ka lakou mau hana ma ko’u hale hana, e ike no lakou ua kaulike ko lakou manao me ka’u mea @hana ai, a i oi aku ka emi mai kekahi mau hale hana e ae o ke kulanakauhale nei.
Aole au i lawe mai i na lima hana o ka papa elua, aka, o na lima hana o ka papa ekahi, a o lakou ka poe nana e lawelawe nei i na hana ma na la@a a pau o ka’u oihana.
E hele mai hookahi, e hele mai no a pau. E hookoia no na hana me ka maikai, maiau a me ka holopono. E hele nui mai.
1021 tf G. WEST.
He Nni Anei Kou Makemake i na
MEKINI UMUHUMU LOLE !
Ina pela, alaila, e kipa mai no ma ka Halekuai o
KAKELA & KUKE,
A malaila oukou e ike ai a makaikai i na ano
MEKINI a WHEEELER a me WILSON
Mai ke $40 a hiki i ke $50 ke kumukuai o
ka mea hookahi.
NA MEKINI A SINGER,
Ma ke $50 pakahi, me ke ano
MEKINI a WILCOX me GIBBS,
Ma ke $30 hiki i ke $60 ke kumuk@ai.
I mea e pau ai ko oukou kanalua e na Makamaka no @e k
pono o keia mau Mekini, e naue mai no me ke
kuihe ole, a e ike no oukou iho.
628 tf
PAPA ! PAPA !
--NO—
ALLEN & ROBINSON
UA WEHE AE NEI MAUA I
PA KUAI PAPA
--MA--
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena !
NA KUI O NA ANO A PAU.
NA PANI PUKA a me
N PANI PUKA ANIANI.
NA PANI PUKA a me
NA OLEPELEPE.
----
NA LAKO KUKULU HALE
O NA ANO A PAU !
E KUAIIA MA KE
KE KUMUKUAI HAAHAA LOA
O keia Makeke.
ALLEN & ROBINSON
Honolulu @ 187@ @68 @
LOLE MAKEPONO
Ke Kuike.
E LOAA NO IA MA KAH@O
KAKELA ME KUKE!
--E LAA NA --
Ahinahina, Kalakoa,
Keokeo, Leponalo,
Pena, Aila, Aniani.
NA MEA PIULA !
KOPA, AILA HONUA
AILA HOOMA@
Kui Kakia, Pakeke,
Tabu, Kaula, Noho Lio.
Hulu Palaki, na P@lumi.
- A ME –
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika.
Na lole kupono i ka wawae,
Palule Hulululu,
Na Lole Huluhulu,
Na Lole no ka hooheheio @
Lipini, Lihilihi, &c.
LIPINE, LIHILIHI, &c.
- A ME NA –
Mikini Humuhumu MakeponoLoa !
-- A HE --
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina @
A he Laau Lapaau haulana Loa
A DR. JAYNES.
Laau Kunu,
Laau Hoomaemae Koko.
Laau Hoopau Naio.
Penikila, Huaale.
A ME NA LAAU HAMO. A EPLA ‘K@
840 t@
PAPA,PAPA
AIA MA KAHI @
LEWERS & COOKE !
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
Ana i na Hale !
Na Pani Puka. Na Puka Aniani.
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui loa
NA PILI O KA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai k@ Nui a ka Makalii,
Na Ami Puka, Na Ami Puka Aniani
Na Ami o na ano a pau,
Na Aila Pena, o kela me keia ano
Na Aila Hoomaloo, he lehulehu wale,
Na Aila e ae o na ano a pau.
NA WAIVANIKI
-- A ME NA --
WAI HOOHINUHINU NANI !
o na ano a pau loa.
NA BAKAKI ANO NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
- NO KA –
UKU HAAHAA LOA!
E like me ka mea e olo ana mawaena o
LAUA a me ka MEA KUAI.
E hele mai! E na Makamaka !
A e lawa no hoi ko oukou makemake
me ka oluolu a me ka maikai@
845 tf