Ka Nupepa Kuokoa, Volume XX, Number 48, 26 November 1881 — Page 1
| This text was transcribed by: | Lauren Mabuni |
| This work is dedicated to: | Peggy Mabuni |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XX. HELU 481 POAONO, NOVEMABA 26, 1881 {NA HELE A PAU 1043.
KA NUPEPA
Kuokoa me ke Au Okoa
NA OLELO HOOLAHA;--O na Olelo Hoolaha he 10 laina kakau lima, he Hookahi Dala no ka puka mua ana; elua puka ana, he $1.50; no hookah mahina, he $2.00.
NA KANIKAU A ME NA MELE: He 10 Keneta ka uku no ka lalani hookah, ua like me $1.00 no 10 lalani.
HOOLAHA MAU: E hoomanao na makamaka a e hookomo mai in a olelo hoolaha mamua ae o ke awakea Poaha, i ole e kaukai ia aku a kekahi pule ae.
E hoomano e na lehulehu, aole e hoopuka kekahi Olelo Hoolaha, Kanikau a me ke Mel eke ole e hookaa mua ia mai ka uku.
E hooana pololei mai i na leta i ka Nupepa Kuokoa.
Na Hoahanau he Umikumamalua.
I kekahi la, oiai keia kaikamahine e noho mehameha ana iluna o ke kumuluau, hiki mai la kekahi Moi me kana ilio hae nui. E hele ana i ke alualu holoholona; a i ka ike ana o ka ilio i ua kaikamahine nei, holoholo ke ne la oia a puni ka laau a ua kaikamahine ueue noho ana, e aoaoa ana.
Alaila, hele mai la ka Moi a ike iho la i keia kaikamahine nani. Me ka hoku gula ma kona lae, a i ka ike ana o ka Moi i ka nani o keia kaikamahine, aloha iho la oia ia@, a nolaila, noi aku la oia iaia e lilo, wahine nana
Aole i pane mai ke kaikamahine no keia noi, aka, ua hooluli iki wale ae no oia i kona poo; alaila pii aku la ka Moi iluna o ka laau a ke kaikamahine e kau ana, a lawe mai la i ke kaikamahine ilalo, a kau aku la iaia iluna o kona lio, a lawe aku la iaia i kona hale.
Alaila, malamaia iho lo kekahi ahaaina ma@e me ka hauoli nui, aka, aole i kamailio iki ke kaikamahine, aole hoi i akaaka iki.
A mahope iho o ke laua noho pu ana no na makahiki elua, no ke ano lapuwale o ka makuahine o ka Moi, hoomaka iho la oia e hoino i ke kaikamahine makilo maopopo maoli keia au i lawe mai nei, a o kaua hana i ike, oia no na hana kohu ole i ka poe hanohano, a o kaua mea hoi ia e hoomaamaa nei ma ka Home nei! Ina he kuli oia a hiki ole ke kamailio, alaila, he hiki no la hoi iaia ke akaaka, aka, o ka poi l@ki ole ke akaaka, he mea maopopo he mau noonoo ino ko lakou.
Aole i hilinai ka Moi i keia mau mea i kinohou, aka, no ka hoomau loa o kona makuahine ma keia mea, me ka hookau ana mai in a mea ino he nui maluna o ka Moiwahine; a mahope loa, @e aku la oia i na hana a kona makuahine, a kauoha a aku la e pepehila ka Moiwahine.
Alaila, hoaia iho la kekahi ahi nui ma ke kinapai e hoopani ana i ka halealii, a malaila hoi i puhiia ai ke kaikamahine. Aka o ka Moi, oiai ka wa e puhiia ana ke kaikamahine, ua pii aku oia ma ka puka aniani e kupono ana i kahi e puhiia ana he kaikamahine, a nana mai la me na waimaka e kahe ana mai kona mau maka mai, no ka mea, ke mau la no kona aloha no ke kaikamahine.
Eia nae ka mea kupaianaha, in a alelo ula o ke ahi e holupu ana in a aahu o ke kaikamahine oiai oia ua n@kiikii ia i kekahi laau, oia no ka minute hope loa e pau ai na makahiki ehiku i olelo mua ia. Alaila, he puahiohio ka mea i keia ma ka lewa me na manu he umikumamalua e lele mai ana, n@ iho iho la ilalo i ka honua, a ia lakou i hiki iho ai ma ka ili o ka honua, ua lilo ae la lakou he umikumamalua, ke kumu hoi o kona hoana e ia ana no na makahiki i hala aku.
Ua hookaawale aku la lakou in a huna ahi a pau loa mai kona kino aku, a kinai ake la hoi i kea hi a hookuu ae la i ko lakou kaikuahine, honi aku la ia ia a hoomai kai nui aku la hoi lakou ia ia. Alaila, i ka wehe ia ana o kona wahi e hiki ai e kamailio, hai aku la ola i ka Moi, in a kumu o ka hiki ole ana iaia ke kamailio, akaaka a me kona kuli ana hoi.
A ua oluolu loa i ka Moi i ka lohe ana in a mea a pau e puli ana i kana moiwahine, a nolaila, noho pu iho la laua me ka oluolu a i ka hopena o ko laua mau la.
Ka Hopena.
Ua holapu hele ae kekahi mea kolohe ma @a hale ma ewa iho o ka Haukipila i keia mau po aku nei, a ua hoopuiwaia ua poe e hiolani ana ma kahi moe.
MOOLELO O NA LA
O KA
Haku Visakauna Nelekona,
KE DUKE O BERONETI
KE KAUA ANA O NA AUMOKU KAUA
BERETANIA,--A ME KO ENELANI
MAU PAPU LAAU, &c.
UA LOKAHI KA MANAO,--AKA, HE HOOKAHI WALE IHO NO O ‘NELEKONA.’”
-Earl St. Vincent,
KE KAHUA KAUA KAULANA MA KA LAE TARAFALAGA.
Oiai na aumoku Beritania e nee malie aku nei i na enemi, ma ka hora 7 o ua kakahiaka nei, kakau iho la ka Haku Nelekona i kana leta hope lea i kona hoa’loha Adimarala Kolinawuda, kona kokua Alihikaua elua hoi iloko o keia la hookahe koko. O ke ano nui o keia palapala ana i kakau aku ai, oia hoi kona hoike ana aku i kona hilinai maluna ona no kona koukua ana me ka iaio a me ke aloha i ka hae nani o Enelani, e mau kona welo ana ma na ale hanupanupa o ke Kaiwaenahonua, a penei kana palapala ana aku i kona hoa’loha:
“E like me ka loihi o ka noonoo maikai ana i loaa i ke kanaka,” wahi a ua Nelekona nei. “pela au e hiki ai ke hilinai piha aku maluna ou wale iho no, no ka hooko polelei ia o na kauoha a me na kuhikuhi o ko kakou papa kuhikuhi, pela iho la e hiki ai ke hooauheeia na enemi, a loaa hoi ka maluhia a me ka hauoli o ko kakou aina. Aole paha he kanaka e hilinai ana maluna o kekahi, koe wale iho no au maluna ou; a aole no hoi he kanaka i loaa na hoohanahano ia a nana aku in a hoa’loha iloko o ke kahua kaua, koe wale iho no ka Haku Nelekona a me Beroneti kou hoa’loha oiaio.
“O keia mau Rule malalo iho nei, oia na kuhikuhi o ko kakou papa kuhikuhi a’u i hoomakaukau mua ai no kakou, a ua makemake au ma ko’u ano Alihikaua no keia mau aumoku, e hooko pono na Adimarala, na Kapena, na Aliikoa, a me na Koa in a kuhikuhi, alaila, e heluhelu ia ka Rula @ o ka papa kuhikuhi penei:
“Rula Ekahi—I ka manawa e ikeia ai ka hae hoailona Helu 72 mai ka moku aku o ka Ahikaua Nui, (oia ko Nelekona moku,) ua makemake ia na aumoku e komo pakahi lakou ma ka laina hookahi, a i elua mahele nui o na moku, oia hoi,--ka mahele o ka lulu, malalo o Adimirala Kolinawuda, a me ka mahele o ka makani, malalo o ka Haku Nelekona.
“Rula Elua—I ka manawa e ikeia aku ai o ka hae hoailona Helu 13 mai ka moku mai o ka Alihikaua Nui, ua makemakeia na aumoku e koomakaukau ia lakou no ke kaua.
“Rula Ekolu—I ka manawa e ikeia aku ai o ka hae hoailona Helu 76 mai ka moku mai o ka Alihikaua Nui, ua makemakeia na moku pakahi o na mahele nui, e hoopii koke aku a wawahi i na laina kaua o na enemi me ka hikiwawe, e like me ke ano ikaika o ka enemi.
“Rula Eha—I ka manawa e hoouka ai na aoao elua, ua makemakeia na aumoku o ka mahele o ka makani, e hoomau i ke kaua me ka holo ana i ke Komohana; a o ka mahele hoi o ka lulu, e holo lakou i ka Hikina; a ina e hanaia ana pela, alaila, e hiki no ke ahewaia kekahi alakai ina aole oia i hahai mahope o kona mahele ponoi, koe wale iho no ka manawa huikau o na aumoku.
“Rula Elima—Mamua o ke manawa e hookua ai o ke kaua, ua makemakeia na aumoku a pau, e kau i ka hae aupuni Pelekane ma na kia ekolu a aole hoi e hiki ke nalowale na aumoku o na aoao elua iloko o ka pouli uwahi.
“Rula Eono—Maluna o keia mau mea a pau, aole e hiki ke hoahewaia kekahi alakai iloko o ka poul uwahi, ina ua lawe mai oia i kona moku a hoopili aku ma ka aoao o na enemi.”
O keia mau kuhikuhi maluna ae la, o na Rula iho la ia a ka Haku Nelekona i hooua aku ai ia Adimarala Kolinwuda, a o ua Rula nei, ua hooko pololei ia ia mea e na alakai pakahi, a loaa ai ia lakou ka hiwahiwa o ka lanakila, ame ke pookela loa o ke kaulana a puni ke ao holooka nei,--“Ka Papa Kuhikuhi a ka Haku Nelekona no ke kahua kaua o Tarafaralaga.”
O keia leta malalo iho nei, e hoike ana o Kauka Biute, oia hoi ko Nelekona Kauka maluna o ka moku, i ke ano o ua Nelekona nei iloko o ua kakahiaka nei no kana mau hano ano e, a penei kana mea i palapala ai maloko o kana Buke Hoomanao:
“Mamua o ka poha ana mai o ka la o ke kakahiaka o ka la 21 o Okatoba,” wahi a Kauka Biute, “ua pii mai ka Haku Nelekona iluna o ka oneki me kona kapa Adimarala piha hapa ana e kono mau ai.a e kau ana hoi ma kano umauma, he eha mau Hoku Alii Hanono, he ekolu Hoku mai kona Aupuni mai o Enelai no kana mau kaua lanakila i hoouka ai ma ka Lae st. Vincent, ke kahua kaua o ka Naile a me Kopenahegena, a he hookahi Hoku na ka Moi Fadineda Bobona mai o Napela. He mea kamahao kona ikeia ana aku e kau ana i kea mau Hoku iloko o keia la hooili kaua, a he meahaohao no hoi, aole kana pahikaua gula ma kona aoao. Ua manao wale ia, no ka huni o kona pihoihoi iloko o keia kakahiaka, ua poina oia i ke kii ana aku i kana pahikaua e kau ana ma ka aoao o kona keena moe, a o ka makamua iho la hoi keia o ka ikeia ana aku o ka Haku Nelekona, e hele ana oia iloko o ke ahi o ke kahua kaua me ka hanohano nui i loaa iaia, a e ku aku hoi imua o na enemi me ka pahikaua ole e like me ke koa a me ka wiwo ole o kona inoa. E olelo pinepine ana oia ma ke ano olelo like, e loaa ana no iaia ka lanakila maluna o na enemi. A ua olelo hoi oia i kekahi manawa ia Kapena Haki i keia mau olelo,--Aole e na ana kona inaina a pio iaia he 20 moku o na enemi. E olelo hou ana no oia i kekahi manawa,--O ka la 21 o Okatoba, oia aku ana ka la lealea loa a me ka hauoli iwaena o kona ohana.”
O ke ano ikaika ole mai o ka makani e pa ana, na ia mea e hookaulua ana i ka holo o na aumoku a me he mea la, e holo ana lakou he 2 wale no mile i ka hora. O ka hai ana mai a Kapena Blackwood i ke ano o na aumoku kaua hui, ua like loa ke pena o na kia me ko lakou, oia hoi ka eleele o ke apo hao o kahi e hookui ana o na kia, nolaila, kauoha koke ae la ka Haku Nelekona i kona mau aumoku, e penaia keia mau apo hao me na kia i ke pena olenalena, a i pena eleeele hoi ko luna loa o na kia liilii, i kumu e huikau ole ai na aoao elua i ka manawa kaua. Ina ua nalowale ke kino o ka moku i ka uwahi a me ka hae, e hiki no ia oe ke ike aku i ka moku o kou aoao, ua pena olenalena ia ke kino o ke kia, a he eleele hoi o luna loa. O keia kauoha i haawiia aku i na aumoku, ua hooko koke ia ia mea iloko o ka manawa pokole loa, a ua paa na kia i ke penaia iloko o ka hapalua hora.
He kanaha minute i hala ae o ka hora 9 o ke kakahiaka, ano kokoke loa aku la na aoao elua e hui, oia hoi he eha wale no mile ke kaawale o na aoao elua, uolaila, haawi koke ae la ka Haku Nelekona i ke kauoha ia Kapena Haki, a kau ae la o Lutanela Pasco i ka hae hoailona Helu 72, a iloko o ia manawa i mahele iho ai na aumoku Beritania ia lakou iho he elua mau mahele nui, oia hoi, o ka mahele o ka lulu, alakai aku la o Adimarala Kolinwuda ma ke poo o kona mahele; a o ka mahele hoi o ka makani malalo o ka Haku Nelekona, hoopii pololei aku la lakou i ka makani, me ke kia ana i ka nuku o ke awa o Kaditam a o na kahaone hoi o Sana Pedero a me ka Lae o Tarafalaga, kau aheahe mai la laua ma ka aoao akua o na aumoku.
I mea e hoomaikeike aku ai i na poe heluhelu i ke ano o ka papa kuhikuhi a ka Haku Nelekona i kona mau aumoku, o keia kii malalo iho nei, e hoike ana ia i ke ano o ka holo ana o na aumoku kaua hui maloko o ko lakou papa kuhikuhi.
O keia papa inoa malalo iho nei, e hoike ana i na moku a me na aliimoku o ka Haku Nelekona i hoouka ai i keia kaua, no na mahele elua.
NA AUMOKU BERITANIA.
Ka Mahele Kaua Makani.
Lanakila—Vice-Adimarala Haku Nelekona, K.B.; Kapena Thomas Mastermann Haki.
Temeraire—Kapena Eliab Harvey.
Neptune—Kapena Thomas Francis Fremantle.
Britannia—Rear-Adimarala ka Earl o Northesk; Kapena Chas. Bulleo.
Leviathan—Kapena Henry Wm. Bayntum.
Conqueror—Kapena Israel Pellew.
Agamemnon—Kapena Sir Edward Berry.
Ajax—Lutanela Jona Pilford.
Orion—Kapena Edward Codrington.
Minotaur—Kapena Charles John Moore Mansfield.
Spartiate—Kapena Sir Francis Laforey Bart.
Africa—Kapena Henry Digby.
Ka Mahele Kaua Lulu.
Royal Sovereign—Vice-Adimarala Cothbert Collingwood; Kapena Edward Rotheram.
Belleisle—Kapena William Hargood.
Mars—Kapena George Duff.
Tonnant—Kapena Charles Tyler.
Bellerophon—Kapena John Cooke.
Achille—Kapena Richard King.
Colossus—Kapena James Nicoll Morris.
Dreadnought— Kapena John Conn.
Polyphemus—Kapena Robert Redmill
Revenge—Kapena Robert Moorsom.
Swiftsure—Kapena Wm. Geo. Rutherford.
Defiance—Kapena Phillip Chas. Durham.
Thunderer—Lutanela John Stockham.
Defence—Kapena George Hope.
Prince—Kapena Richard Grindall.
Na Moku liilii
Euryalus—Kapena Hon Henry Blackwood
Naiad—“Thomas Dundas.
Phoede—“Hon. Thos. B Capel.
Sirius—“William Prowse.
Kialua.
Pickle—Lutanela John R. Lapenotiere.
Kiakahi
Entreprenaute—Lutanela John Purver.
Ma ka hapalua o ka hora 10, ano kokoke loa aku la na aumoku he elua wale no mile ke kaawale o na aoao, a iloko o ia manawa, hele makaikai aku la ka Haku Nelekona no ka manawa mua loa i na oneki ekolu o ka mokukaua Lanakila, a olelo aku la hoi i na koa o na pukuniahi, aole e ki wale i ka lakou mau pu, nme kou manaoio ole, aole i pololei ka u kau ana i na enemi, Mahop iho o kona huli hoi ana mai mailalo mai o na oneki, iho hou aku la oia ilalo o ke keena nui o kona moku, a he mea hoi ua maopopo iaia, aole he hookahi aliimoku ilao o ia manawa, aia lakou ke ku ala ma ko lakou mau wahi me ka makaukau. He mea hanohano a ana e no hoi keia nalowale hou ana o ua Nelekona nei iloko o ia manawa, no ka mea, ua hooholo mua oia i kona manao; aia a ike mai ke Akua a aloha mai hoi ia lakou, alaila, loaa ka lanakila ma ko lakou aoao, no ka mea, o ka heluna nui o na enemi. Aole o kona mau aumoku na moku e ku aku ai o ka ikaika imua o lakou. Nolaila, kukuli iho la ka Haku Nelekona i kona mau kuli i ka papahele, pua aku la kona lima hema i kekahi peni, a kakau aku la oia i kea mau huapule i ke Akua o na Kaua, penei:
“ E Oluolu i ke Akua Mana Loa o ka Lani, ka mea hoi a’u e Pule aku nei me ka Haahaa, e ae mai i ka’u Noi bo ko’u Aina a no ka Pomaikai o Europa holookoa nei,--I LANAKILA NUI, a i la Hauoli loa hoi keia no ko’u mau Aumoku, a aole hoi e hiki i kekahi Mana nui ke Holoi wale i kona Hanohano e pau ai; a e lilo mai hoi o na Aumoku Beritania ka oi o ke Koa a me ka Wiwo ole a puni ke Ao nei, A no’u ponoi iho, ke Mohai aku nei au i ko’u aina; ma Ou wale la no, ke hilinai nei au no ke Kokua ana mai ia’u, a me ka hoopakele ana hoi i na poe a pau au i aloha ai oiai lakou mahope! Amene!! Amene!!! Amene!!!!”
O Lutanela Pasco, he Lutanela huki nae oia na Nelekona, mamua nae o kona iho ana iliao, ua haawi aku ua Nelekona nei i kekahi kauoha iaia maloko o ka hae hoailona, a na hooko nae oia i ua kauoha la, me ka kaiia ana mai o na haina e Adimarala Kolinwuda, nolaila, o Lutanela Pasco, ma kona ano, he Lutanela elele no na mea kamailio, iho koke aku la oia ilao o ke keena nui, aka, oiai oia e iho malie ana ma ke alapii, a hiki ma ka puka o ke keena nui, aia hoi, ike aku la oia i ka Haku Nelekona e kukuli ana ilalo o ka papahele o ka moku, a e pule ana oia i ke Akua o ka Lani me kka leo malie. Ku malie loa iho la oia me ka neeu ole a hiki i ka manawa i pau ai o kana pole ana, hai aku la oia i na haina o kana hae hoailona, a pii pu aku la laua iluna o ka oneki, a mai ia Lutanela Pasco mai iloko o kana mau hoike no Nelekona, ua olelo oia, oia hookahi ka mea i ike i ka pule ana o ka Haku Nelekona mamua o kona hoouka ana i ke kahua kaua o Tarafalaga.
O ka lua o na hana houa ka Haku Nelekona, oia kona lawe hou ana mai i kekahi palapala ana i hoomakaukau mua ai, a hoike aku hoi imua o kona mau hoa’loha oiaio oia o Kapena Blackwood a me Kapena Haki no ka hooiaio ana, a penei kekahi hapa o ua palapala la:
“OKATOBA 21, 2808—ma ka noao o na aumoku kaua hui o Farani a me Sepenia.
“O na aumoku kaua Beritania malalo o ka’u alakai ana, aole e hiki ia lakou ke holoi Aigupita no ka manawa elua, ina aloe i loaa na manao oluolu ia Ema Hamiletona, e noho ana ma ke aioalii o Napela, i ka makahiki 1798, nana i palapala aku i ke Kiaaiana o Silekusa, e hoolawa mai i ko’u mau aumoku me na lako ai, ina e komo aku i kekahi o na awa o ka mokupuni o Sisilia. O ua kauoha la a Ema Hamiletona iaia, ua hiki aku makou i kr awa o Silekusa, ua hoopiha makoou i na moku a lawa i na lakou ai, holo aku ia makou i Aigupita, a hoouka ia ke kahua kaua o ka Naile.
“Ina au e lawe mai ana i keia mau hana lokomaikai a kela Lede, aole au e kahea aku ana i ko’u aina no ia mea, no ka mea, aole he kauoha i loaa mai ia’u mai ke aupuni mai, aka, he hana na’u e poina ole ai ko’u kamailio ana ae, in anole au e huli hoi ola aku ana, alaila, ke waiho nei au ia Ema Hamiletona, oia kekahi hooilina o ko’u mau waiwai ma ka aina hanau, me ka haawi ana aku o ke aupuni o Enelai in a hooha nohano kiekie o na Lede ma ko’u ina, a e malama aku hoi i kona ola iloko o na wa a pau no kana mau hana lokomaikai.
“A ke waiho pu aku nei no hoi au i ka inoa o Horatia Nelekona Thompson i ko’u aupuni, a ua manao au e kapaia no kona inoa ma keia mua aku, o Horatia Nelekona wale no.
O keia wale iho la no ka’u mau noi i ko’u Alii ka Moi a me ke aupuni o Enelani, e malama i ka poe a’u i aloha ai oiai lakou mahope, mamua o ko’u hele ana aku a hookah i ko’u koko ma ke kahua kaua, no ka maluhia o ka lahuikamaka.
“A e oluolu hoi i ke Akua Mana ka malama a kiai mai i ko’u Moi, ko’u aina, ko’u ohana a me ka poe a’u i aloha ai, no ka mea, o ko’u ohana, aole e hiki ia’u ke hoike ae i ko’u manao hoowahawaha no lakou.
(Kakau Inoaia)
“HAKU NELEKONA,
“Duke o Beroneti.
“Na Hoike:
“Henry Blackwood,
“Kapena Mokukaua Eurelisa.
“T.M. Haki,
“Kapena Mokukaua Lanakila.”
O kiea leta ae la maluna, he hooiaio ana iho la ia, ina e haulehia io ana ka Haku Nelekona. alaila, e malama o Kapena Haki i keia palapala a hoike aku in a mana kaua o Enelai, ua kuleana pu o Ema Hamiletona iloko o kona mai waiwai, mamuli o kana mau hana maikai he nui wale. I ka pau ana o na hana a ua a Nelekona nei pii aku la lakou ilua o ka oneki, oiai ua kokoke loa lakou in a enemi, ma kahi he hookahi me hapalua mile wale no ke kaawale.
Aole i pau.
HOOLAHA A KA LUNA HOOPONOPONO WAIWAI.
Ua hookohu pono ia mai ka mea nona ka inoa malalo i ho e ka Aha Kiekie, i Luna Hooko Kauoha a Luna Hooponopon o ka Waiwai o THOMAS MEEK o Honolulu, ke hoike aku nei in a kanaka a pau i aia i ka waiwai o ka mea i make, e uku koke mai me ka hakalia ole i ka mea nona ka inoa malalo iho; a o ka poe hoi e paanai he mau waiwai no ka mea i make ma ko lakou lima, e hoike koke ae i ka Luna Hooponopono me ke kali ole. O ka poe hoi he mau koi ka lakou no ka waiwai o ka mea i make, ke hoikeia aku nei e waiho mai in a hooiaio kupono i ka Luna Hooponopono iloko o na malama eono, o hoole maula aku lakou.
HG CRABBE (Papai), Luna Hookoa
Luna Hooponopono o ka Waiwai o Thomas Meek i make
Honolulu, Iulai 13, 1881. 1036 6m
KAUKA EMEKONA.
Ma ka la mua o keia malama ae, ola o Novemaba 1, e nee ana o KAUKA EMEKONA mai kona Keena Hana ma ka Hale Laau i HOPAMANA a i kooa wahi noho ma Kaakopua, huina o ke Alanui Kukui me ke Alanui Papa.
HORA HANA.—9 a 11 o ke kakahiaka; 2 a @ o ke ahiahi. E loaa no ia ke kaheaia ma ka owea telegarapa.
1038 3m
KALE NILEKONA
KAUKA LAPAAU
Keena ma ke kihi o Alanui Papu me H@
HONOLULU.
O na mai o ka Maka,
Pepeiao a me ka Puu,
UA MAKAUKAU OIA MA @ LAWELAWE ANA.
E. Cook Webb. M.D.
HOMEOPATIKA.
(@aka o ka Halemai Homeopatika, ma ua Mokupuni Ward’s. N.Y.)
KEENA OIHANA.—Helu 60, Alanui Papu. Makaukau mau e lawelawe i na pilikia mai o na wahine a me na kamalii.
HORA HANA.—Mai kakahiaka a hora 10 am.—2 a i ka 4 pm. 967 4m
MAIKAI KA HOI KA PAPA
A ME
KA LAAU O KOU HALE!
NO HEA LA?
WAILA MA
Nana akua no hoi ia la
Ohi ka lo o ka Laau o Makawao
I ka ua mea hoi o ka nani
Na PAPA! Na PAPA!
A ME
NA PONO KUKULU HALE
O NA ANO NO A PAU
Aia ma ke kihi o na
ALANUI PAPU me MOIWAHINE
HONOLULU
MALAILA E LOAA AI
E LIKE me ka MAKEMAKE
NO KE
KUMKUWAI MAKEPONO LOA
PAPA, PAPA, PAPA
Na Papa Huluhulu,
Na Papa Manoanoa
Na Papa i kahiia
Na Papa Kepa.
Papa Hole Keokeo,
Papa Hole Ulaula
NA LAAU, NA LAAU
Na Kua,
Na Kaola,
Na Aaho
Na Molina
Na Peapea
Pine Huluhulu
Pine i kahiia
NA Papa a me ua Laau Ulani?
Pili ulaula,
Pili Keokeo
Pili Puka,
Pani Puka Aniani
Ipuka Aniani,
Puka Olepelepe
PENA O NA ANO A PAU
Hulu Pena mai ka Liilii a ke Nui
Aila Pena,
Aila Hoomaioo
Waniti, Pate
NA LAKOOKELA A ME KEIA ANO
Na Ami Puka Hale.
Na Ami Puka PI
ANIANI!
Pepa Hale a me na Lihilihi
E LOAA NO MALAILA
No ke Dala Kuike, e loaa no na mea a pau i hai ia ae la, no ke Kumukuai Emi loa. O na kauoha mai Hawaii a Niihau, a loaa aku no ia lakou e hooko koke ia no ia me ka lawa pono. E kipa @ai ilaila i i ike ka oiaio. 905 tf