Ka Nupepa Kuokoa, Volume XXI, Number 19, 13 May 1882 — Page 2
| This text was transcribed by: | Marti Steele |
| This work is dedicated to: | R. Dwayne Nakila Steele |
Ka Nupepa KuokoaKE KILOHANA POOKELA NO KA LAHUI HAWAII.
Ma e Kauoha.
Ma keia ke hoolaha ia aku nei, i kulike ai me kekahi kanawai o ka Ahaolelo i apono ai ma ka la 2 o Mei 1882 e hapaiia ana he Koho Balote no ka Lunamakaaia na mai ka apana o Kahakuloa a me Kaanapali, Maui, ma ka la 27 o Mei, 1882. Na ka poe nana koho balota e lawe mai i na palapala koho a ka poe a pau i kupono e koho ma ka hale kula maloko o ka apana i olelo ia ae la.
O ka poe no lakou na inoa malalo iho; ma keia ua hookohu ia lakou i poe Luna Nana Koho Balota:
D Kamaiopili,
S E Kaiue,
R Newton
W N ARMSTRONG.
Kuhina Kalaiaina.
KUAI HOOLIMALIMA O NA AINA AUPUNI.
Ma ka Poakolu ka la 14 o Iune, 1882, ma ka alo o Ahiolani Hale ma ka hora 12 o awakea e kuai ia ai oia ke kudala akea ka hoolimalima o keia apana aina a pau o ke Aupuni e waiho ia ma ka Apana o Ewa, Mokupuni o Oahu a i ike ia ma ka inoa o WAIMANU. Manawa Hoolimalima no 10 makahiki Uko koio 100 dala no ka makahiki, dala kuike ma keia a me eia hapaha.
W N ARMSTRONG,
Kuhina Kalaaina.
Keena Kalaaina Honolulu, Mei 11, 1882. 1068 3t
UA oluolu i ke Alii ka Moi ka hookohu ana ia PAUL PUHIULA KANOA, JUNIUS KAAE, HERMANN A. WIDEMAN, i mau Alii no ka Hale Ahaolelo.
Hale Alii Iolani, Aperila 29 1882. 1066 3t
HE KANAWAI
E KAUOHA ANA E KOHO I LUNAMAKAAINANA NO KA APANA O KAANAPALI, MAUI.
NO KA MEA, malalo o ke Kanawai, he Apana Koho okoa ka Apana o Kaanapali i hookomo pu ia o Kahakuloa, ma ka Mokupuni o Maui, a e loaa no i ua Apana la i ka Lunamakaainana iloko o ka Ahaolelo Kau Kanawai o ke Aupuni;
A NO KA MEA, aole oia he Apana okoa ma ke ano Aha Hookolokolo a Auhau paha, a nolaila aole, he Lunakanawai Apana, Luna Auhau, a Kahu Kula paha ma ia Apana, e hiki ai i ke Kuhina Kalaiaina e wae ae i mau Luna Nana Koho Balota, no ke koho ana ma ka la 1 o Feberuari, 1882, a no ia hemahema aole no i koho na makaainana ma ia Apana, nolaila.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni:
PAUKU 1. E hoomaopopoia i la e koho ia ai ka Lunamakaainana no ka Apana o Kahakuloa a me Kaanapali, ma ka Mokupuni o Maui, ma ka Hale Kula oia Apana kahi e koho ai, e hoolaha mua ia nae no ka la koho, aole e emi malalo o na la he umi, e na Luna Nana Koho.
PAUKU 2. Ma keia ua kauoha ia ke Kuhina Kalaiaina e hookohu i ekolu mau kanaka kupono, i mau Luna e nana a e hooponopono no ia koho ana.
PAUKU 3. O ke koho ana i oleloia ma keia Kanawai, e hooponopono ia no e like me ke Kanawai e pili ana i ke koho Lunamakaainana a o ke koho ana i kauoha ia ma keia, e manaoia ua like loa kona paa a me kona mana, me he mea la ua koho ia ma ke ano a me ka la i kauoha mua ia no ia hana.
PAUKU 4. Ma keia hope aku, ke hiki i na wa e koho ai na Lunamakaainana, ma keia ua kauoha ia a ua hoomana ia ke Kuhina Kalaiaina e hookaawale i wahi e haawi ia ui na balota iloko o ka Apana o Kaanapali a me Kahakuloa, Mokupuni o Maui, a nana no e hoonoho aku i ekolu mau kanaka kupono e noho Luna a e hooponopono ma ia koho ana.
PAUKU 5. E lilo keia i Kanawai ano. Aponoia i keia la 2 o Mei, A. D. 1882 (Kakauinoaia)
KALAKAUA REX.
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1.
Dala Kuike ka Rula.
POAONO, MEI 13, 1882.
ANO KA MANAWA.
AOLE manawa maikai e ae a ka lahui Hawaii e kau aku ai no ka hapai ana i na hana a me na hooikaika ana i ola nona iho. Ano ka wa e hana ai, ma he manao ko ka lahui no kona ola. A eia no na kokua. Ua akoakoa ae nei na wahaolelo o ka aina, a oia no iwaena o lakou kekahi poe e hooikaika ana no na kanawai pono a me na hana pono. Ua hoala nui ia ka manao o kekahi hapa o ka lehulehu mamuli o ke kumuhana e pili ana no na waiona, a ke olelo nei lakou e pale aku a e hookapu loa i keia kumu make o ka lahui. Maluna mai o ke mokuahi o keia Poakahi ae e hiki mai ai o Johnson a me Hallenbeck, he mau kanaka ikaika o ka hoohulihuli ma na aoao e ola'i, a e lawelawe ana laua i ka hana iwaena o kakou. A maluna aku hoi o na mea a pau na lima kokua aloha a me ka lokomaikai piha o ka Haku o ke ola. Ano ka manawa. He makehewa hoi keia mau kokua a pau ke ole e hooikaika ka lahui nona iho. Pehea oe e Hawaii? Ua waiho ia imua ou ka pomaikai a me ka poino, ke ola a me ka make. Aia no i kou mea e koho ai nolaila e koho oe ma ke ola, i ola oe a me kuu hua.
NO KA PILI WAIWAI.
MA keia wa e hele nei, ua hoike maopopo ia mai imua o makou a ma ko makou ike maka ana no hoi, ke lawelawe ia nei keia hana, aole he mea a hoole mai ana. O ka pepa pili kukaepele oia kekahi hana nui e lawelawe ia nei ma kekahi mau wahi o ke kulanakauhale nei. Ua hanaia keia ma ke akea imua o na kanaka eia nae kahi mea apiki loa aole he hooko ia ka mana o ke kanawai maluna o keia poe. Aole i muumuu na lima o ke kanawai maluna o keia ano h@na, aka he mea maopopo ke noonoo pono ia, ua muumuu na lima o kekahi mau luna aupuni. Ua ike no kekahi mau luna aupuni i keia ano hana eia nae aole lakou i hooko i ka mana o ke kanawai i haawiia ina ka pono o ko lakou lima.
E oleloia mai auanei paha, aole i pili ke kanawai maluna o keia ano hana no ka mea he kukaepele ka mea i pili ia aole o ke dala, no ka pili dala oia hoi ka pili waiwai, no ia mea wale a he kanawai i hana ia. He oiaio ole ia. Ma na aha pepa kukaepele a makou i ikemaka ai, ua hui ia ke kukaepele a me ke dala ma ia aha pepa. He aha pepa kukaepele ka olelo ana eia nae o ke dala no kekahi i pihia ma ia aha hookahi. He kukaepele ka mea e pili ia ai ilalo eia nae a loaa kekahi puu pepa maikai alaila, komo mai la ke dala ia wa a ma ke kukaepele, he mau apana dala ke waihoia mai, aole he nana ia iho la o na kakaepele. Malia o i ia mai he mau hakuepa wale no keia a he oiaio ole, ea, ke hoike aku nei makou me ka pololei loa he oiaio loa keia mau wehewehe ana a makou a he mea pono e makaala ia keia hana.
NA LAHUI A ELUA.
ILOKO o 1820 i hookomoia mai ai ka malamalama i keia aina, ma o na kumu haole a mai na aina e mai. Mai ia wa mai a hiki i keia la, he kanaono a keu na makahiki, ua lawelawe pu na haole me na kupa maoli o ka aina no ka pono o ke aupuni, a ua loaa he pono mamuli o ko lakou hooikaika pu ana, aole mamuli o ke kuee ana. Mai loko o ka malamalama a me ka pono i lawe mua ia mai e na haole i ulu mai ai na pomaikai a pau loa o ka aina e ku nei. Ke aupuni Hawaii me na oihana aupuni a pau; na kula a pau me na palapala a me ka oihana hoonaauao o keia oihana; na oihana hoowaiwai i ka aina; ka inoa maikai o ke aupuni ma na wahi a pau o ka honua; he hua keia o ka hana a ka malamalama i lawe mua ia mai e na haole ianei, a i hana pu ia me na kupa kahiko. Pehea la e hoomau ia ai ka ulu ana o keia mau pomaikai o keia aina? Pehea e pii mau ai ka nani o Hawaii a me ka pono o kona lahuikanaka. Ma ka hooulu ana anei i ke ano kuee mawaena o na haole a me na kanaka maoli? Ma ka hilinai ole anei o ke kanaka maoli iluna o ka haole, a me ka hilinai ole o ka haole iluna o ke kanaka maoli? Aole loa pela e pono ai. Ina e wehe ia ka pili mawaena o na haole a me na kanaka maoli a pau ka hilinai ana o kekahi i kekahi, he poino kiekie ia no ka aina, a he mea ia e hoopilikia ana i ko Hawaii nei kuokoa. Nolaila, o ke kanaka a me na kanaka, ka nupepa a me na nupepa e hoao ana e hoala i na manao kuee mawaena o na lahui o kei paemoku, he naaupo loa ia, a i ole he enemi ino loa ia e imi ana e komakaia ia Hawaii iloko o ka poino. Ma ka hui pu ana e ikaika ai keia wahi aupuni uuku; ma ka mokuahana a me ka mahele lua e nawaliwali ai.
KELA A ME KEIA.
He anaina nui kai akoakoa ae ma ka po Poaha ma Kawaiahao mamuli o ke kumu hana e pili ana i na waiona. He waiwai no ko makou poe heluhelu na haiolelo a pau i hoike ia mai iloko o ia halawai, a hoopuka ia no a pau i keia pule ae.
Ua loaa mai na leta o kekahi mau makamaka e hoohalahala ana no ka loaa pono ole aku o ko lakou mau pepa. Ua minamina makou no keia, aka aole o makou mana iloko o ka hale leta. O na pepa a pau i hoouna ia, ua wahi pono ia ma keia keena, a ua kakau moakaka ia ka inoa o ka mea lawe a me kona wahi e noho ai mawaho o ka wahi a ua hookomo ia iloko o ka hale leta ma Honolulu nei, ilaila pau ko makou kuleana. He mau pule paha i hala ae nei ua palapala mai o Keoloewa o Kohala no ka haule o kona ope pepa; ua ninau koke makou ma ka hale leta, a ua hai ia mai ua poina lakou aole i hooili maluna o Likelike, aka ua hoo una ia i ka Poakolu iho maluna o kekahi moku kuna. Ke manao nei makou aia no paha ma na hale leta liilii o na apana kuaaina kahi i nalowale ai kekahi mau pepa me na leta.
Ma ka la akahi o keia ahina ua hoai ia ke kino make o kekahi Pake ma Manoa, a ua hol@i ia na iwi iloko o kekahi auwai, kahi a ko Manoa poe kamaaina e kii nei i ko lakou wa@ e inu. He mea lapuwale loa keia, aole pono ke hana ia iwaena o ka poe mai kai. Auhea na luna i hoonoho ia no ka malama ana i ka maluhia o ko Manoa poe makaainana? Ua hiamoe paha.
HOOLE WAIONA.
HELU 1.
I keia manawa e hele nei, ua hookapuia ka waiona i na kanaka Hawaii, aole lakou i ae ia e inu, a o keia hookapu ana, mamuli no ia o kekahi kanawai i hooholoia.
He nui na manao iwaena o na kanaka Hawaii no keia kanawai, ma ka noonoo ana ua kuhihewa loa kekahi poe, aole lakou i hoomaopopo i ke kumu i hookapu ia'i ka rama. He lili wale no ko lakou, no ka mea u@ ae ia na haole a me na lahuikanaka e ae e inu, o ko lakou manao, ua hoohaahaa ia lakou. Wahi a lakou, e pono ke hoonoaia ka rama i kulike na kanaka Hawaii me na lahui a ae ma keia mea. Alia.
Aole i like ke aloha o keia aupuni Hawaii i na lahuikanaka e,
me kona iho. He poe kahu okoa ko ia mau lahuikanaka, aole lakou i pili iaia, aole oia e pilikia ke hana ino lakou ia lakou iho, i na make lakou ma ka lakou hana ana, maluna o lakou iho no ko lakou poino.
O ka ona rama kekahi o na mea ino loa ma ka honua nei, he hua oia mai ke diabolo mai, na ke diabolo no i kanu kona mau anoano iloko o ka naau o na kanaka.
Ka hookapuia ana o ka rama iwaena o na kanaka Hawaii, he hoike ia no ke aloha o ke Aupuni i kona lahui iho, ma keia mea ke uwao nei ke Aupuni oka lahuikanaka, ua ike oia he mea lawe ola, he mea hoopoino maoli ka rama, nolaila ua papa oia i na kanaka aole e ino, oe hana lokomaikai keia, a mahea la i ulu ae ai ka manao iloko o kekahi poe ua hoohaahaa @ na kanaka Hawaii i ka hookapuia ana o ka rama ia lakou? Ka hoopunahele ana o ke Aupuni i kona lahui iho, he hoohaahaa anei ia?
Aole no ka lokoino, aole no ka hoowahawaha i na kanaka Hawaii i ae ole ia'@ lakou e inu i ka rama, @a no ka makemake e ulu ka lahui, ka hooulu lahui, ka maki@ o ke Aupuni e noho nei, he enemi ka rama no ke kanaka. O ka pono, e hoole iaia, a e hoole loa.
HAMAKUA.
NA LETA A NA MAKAMAKA.
Ma ka la 29 o Aperila ma Kipahulu Maui, ua hanau mai na Moses Manu a me kana Ewa Mere Manu, he keikikane; o Nelekona Makalii kona inoa.
Mai na leo kupinai mai Mahukona mai, mai ka peni manawalea mai a Rev. S C Luhiau, ua pomaikai hou ko makou poa heluhelu i keia mau nuhou malalo iho:
Ma ka la 26 o Aperila i holo ai o Kinau [kaamahu] mai Mahukona a i ka pali o Kahua. Ia hiki ana ilaila kuia ae la ke alapii o hope o ke kaa lawe ohua hou i kekahi pohaku oioi e kiei nei i ke alanui, a nahae pu aku la me he pepa la aole nae i poino ke kino o ke kaa. [O keia na kino piha e pili ana no keia mea hookahi i hoolaha ia aku ai i ka pule i hala. L. H.]
Ia Akeahi [kaamahu] e holo ana mai Hawi a i Honopueo i kekahi mau la aku nei, a i kona kii ana mai i na pake i Hawi e hoihoi i Honopueo, a hiki iwaenakonu o ka uapo Kika, hai iho la kekahi hao malalo ae o ke kaa a luli ae la e lele walawala iwaena o ka uwapo a haule aku ilalo loa, e hao ae ana ka wiliki nui i ka mahu kapalulu ana i ka honua, paa; ua hana hou ia iho nei ua kaa nei a ke noke nei i ka halihali i ka papa a me na kua o ke kalepa mai ke awa aku o Mahukona a i kula.
Mai ka Rev. A Pali peni manawalea mai, ua hauoli mau makou i ka hoike ana aku imua o ke makou mau makamaka i na nu hou maikai a makamaka o @ wai nei Lele a penei:
Ua lohe lauahea ia mai, ke hooikaika nui nei na kaikamahine o ka makani kilioopu o Waihee e noho nei ma Olowalu, i ke komo kauhale ana, e noi ai i mau w@hi kenikeni i mea e loaa ai ona laau a loaa ka pa o ka luakini o Olawalu, e ole lakou loaa ka pa o ia heiau. Eo mau no ia Maui.
He mau la hoomaemae keia o na haumana o ke kulanui o Lahainaluna i ko lakou halekula a me na rumi moe.
He mau la molale maikai keia o ua Malu Ulu nei. Ke mau nei no ka pa ikaika ana o ka makani Maaa ke kupueu kamaaina o keia lai.
He ano onawaliwali ke ola kino o ko makou Puuku o ka Ekalesia o Wainee nei i keia mau la, aka ma ka lokomaikai o ke Akua e loaa a i ka maha o kona kino.
He hapa loa ka ona rama ana o na kanaka i keia mau ia. Aole hoi pela na la i hele aku la ka uwouwo hele ma na alanui. Ua neoneo pu no hoi na hale hoohainu bia. Ua oi loa ka pono ke nalo loa na helehele na ino o ua kupueu nei, ka nahesa, ke kamelo kua oohu.
Mai a Jos. Pali Sylva o Kipahulu Maui, ua loaa mai ia makou keia hunahuna mea hou malalo iho:
Ma ke kakahiaka o ka la Sabati Apr. 30 ua make loa iho la ka hua makamae o ke Akua i haawi mai ai i ka puhaka o Mrs. P. Poepoe. Iloko o na la ekolu o ka waiho ana o ka makuahine i ka mai, a ua waiho oia iloko o ka mauleule a pilikia maoli no. Ua nui ko makou hauoli no ka hoomanao ana mai o keia makamaka i na hunahuna mea hou o Kipahulu, a ke noi aku nei e hoomau mai.
Mai a J D B Kuakahela o Honomalina Kona Hema ua hoike mai oia i kona hele ana i ka lawaia ko@ahi a me ka apo ia ana o kona makau e kekahi i-a nui he Au, no keia, ia hoi ka paa, hihia e mai la no kekahi mau ia ma ka umiumi. Ua hoike hou mai oia i ka malama ia ana o kekahi lulu dala no ka luakini ma ko lakou wahi, a ua kaena mai oia, kekahi ia o na lulu dala no ka luakini ma ko lakou wahi, a ua kaena mai oia, kekahi ia o na lulu dala nui loa i ikeia ma @ wahi. He mau mea Ilihune aole he nui o kahi loaa, eia nae ua houluulu lakou i na wahi kenikeni uuku i loaa ia lakou a hiki i ka piha ana o ka 10 dala alaila ua haawi aku lakou i ka hua o ko lakou luhi na ka Makua Lani. He hana maikai keia.
Mai a Rev. W P Kahale o Wailuku Maui, ua hoike mai oia i ka make emoole ana o ka J Haole a me kana wahine, kaikamahine. He pokole loa kona kau ana i ka mai a hala aku la.
Me na makua i hooneleia ko makou manao walohia.
NU HOU KULOKO.
O ka mokuahi i ku iho nei i ko kakou awa mamua iho nei oia o Mary Tatham, ua poholo mai nei mawaho ae o Iapana a ua pakele na mea a pau.
Ua hookaulua iki makou i ka hoopuka'na aku i kekahi mau leta a na makamaka a keia noa ana ae.
Ma ke ahiahi o ka Poaono nei, ua hoohui ia e Rev A Mackintosh ma ka berita mare, o L Ikaka kekahi o na Ulelehua mua iho nei o ko makou Halepai, me Miss Ulualoha Piianaia o Hana, e lokahi ka manao a me ka noho'ne maikai, oia ka makou leo uwalo.
E kala mai e na makamaka, ua kali iki makou i ka hoopuka ana i ka moolelo o Keanini a keia hebedoma ae, a u hoopiha ia kona makalua me ka moolelo o ka Ahaolelo.
Mawaena o na ohua i kau aku maluna o ka mokuahi "Australia" i ka Poakahi nei, ua ike iho makou i ka inoa o W Dimond o ka nui o William Dimond & Co., J D Spreckles, kiaaina Halliday, T R Foster, W C Hopper, J G Tucker.
UA loaa mai ia makou he kumumanao na kekahi mea i kakau ole i hona a i ole hoi o ka ikoa o kahi e noho ana, e pane mai ana no ka pololei ole o ka makou i hoike ai no Halawale. No ia kumu nae no kona kakau ole ana i kona inoa, nolaila makou i kapae loa ai i kona manao.
O ke kani-ke ana o ka bele pauahi i ke kakahiaka o ka Poaono i hala, ua ikeia ua pau i ke ahi ka hale kuke o Mr. Iager ma Pawaa, a mamua o ka hiki ana aku o na kaa wai, ua pio e ke ahi me ka pau loa ana o ka hale i ke ahi a muu ana i ka honua. Aole i ike ia ke kumu i wela ai.
I ka manawa e akoakoa ana kekahi anaina haipule, ma ka halepule o Waianae ae nei, ua haole iho la kekahi o @a hohoi ipu kukui a waiho ana ilalo. Iloko oia manawa, ua holapu koke ae la na alelo manamana o ke ahi, a mamuli o ke kinai koke ana o na kanaka ua pio. Ua pau nae kekahi mau noho i ka a ia e ke ahi. Mai a J K Kaoliko mai keia lono.
I keia mau la iho nei, ua lawe nui ia mai na kopaa mai a mokupuni mai maluna o na mokuahi a me na mokukuna holo pili aina i Honolulu nei. Ua aneane e piha na hale hoahu i keia wa. Ua hoouna ia aku no na makeke o na aina e maluna o ka mokuahi lawe leta i ka Poakahi nei, he 493 tona kopaa a he heluna nui o na tona kopaa e waiho nei ma na hale hoahu no ke kali ana i ka moku nana e lawe aku.
O kekahi lono mai Kohala mai, he wahi ano hoopaapaa mawaena o kekahi kanaka a me kakahi haole kukulu hale inu bia; no ke kumu, ua hoala mai nei ke kanaka i na opio e hele i na halawai i na po a pau, ike iho nei ka haole i ka hele ole o na poe opiopio i na ahiahi i kona hale inu bia, hele aku nei e nuku i ke kanaka. Hilahila ole maoli ka hana a keia haole, e alakai ana i na opio e hele i kona hale lealea e pahupahu ai, a e inu bia ai hoi.
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka Waiwai o MANUWA k o Ewa, i make. Ma ke keena imua o ka Lunakanawai McCully Kauoha e hoolaha i ke noi e apono i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoiko a John L K@ulukou, Lunahooponopono o ka waiwai o Manuwa k. no Ewa, i make, e noi ana e aponoia na hoolilo he $49.50 a e hoike ana o na mea i loaa mai iaia kauohaia e mahele i na waiwai e waiho ana ma kona lima i na mea i kuleana malaila, a e hoo@uu ana iaia a me kona mau hope mai ko lakou noho ana ma ia ana. Ua kauohaia, o ka Poakolu, ka la 14 o Iune, H 1882, ma ka hora 10 o kakahiaka, imua o ua Lunakanawai la ma ke keena, me ka hale hookoloolo ma Honolulu, oia kahi a me ka manawa i kohoia no ka hoolohe ana i ua noi ia, a me na papa hoike i oleloia, a o ka poe a pau i pili malaila e hele mae a e hoike i ke kumu, ina he kumu io ko lakou, e ae ole ia ai ua noi ia, a malaila e hoike mai ai na hoike o na ea i kuleana maloko o ka waiwai i olelo ia. A o kela kauoha ma ka olelo Hawaii, e pai ia maloko o ka Nupepa Kuokoa, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ke Hawaii Pae Aina, i keia la 26 o Mei, M H 1882. L McCULLY,
Ikea: Lunakanawai o ka Aha Kiekie.
A Rosa, Hope Kakauolelo 1067 3t
AHA Hookolokolo Kiekie o ko Hawaii Paeaina, ma ka hooponopono waiwai. Ma ka hana o ka waiwai o MAKAKOA o Waiahole, i make. Ma ke keena, imua o ka Lunakanawai McCully. Kauoha e hoolaha i ke noi e apono i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike o John L. Kaulukou, Lunahooponopono o ka waiwai o MAKAKOA k, no Waiahole, i make, e noi ana e aponoia na hoolilo he $53.20, a e hoike ana o na mea i loaa mai iaia he $33.20, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano Lunahooponopono.
Ua kauohaia, o ka POAKOLU, ka la 9 o IUNE, M H 1882, ma ka hora 10 o kakahiaka, imua o ua Lunakanawai ia, ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi ia, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e palia maloko o ka "Nupepa Kuokoa," he nupepa i pai a hoolahuia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Pae Aina, i keia la 8 o Mei, 1882. L. McCully,
Ikea: Lunakanawai o ka Aha Kiekie.
A Rosa Hope Kakauolelo 1067 3t
Aha Hookolokolo Apana Eha ko Hawaii Paeaina, ma ka hooponopono waiwai. Imua o ka Lunakanawai Kaapuni ma ke keena, ma ka hana. I ka hookohu ana i kahu, no ke kino a me ka waiwai o Charles Titcomb, no Kilauea Kauai, he mea i oleloia, hiki ole ke malama i kona waiwai, no ka nawaliwali o kona naau.
Ma ka heluhelu a me ka waiho ana mai o ka palapala noi a Christian Bertelmann, e hoike mai ana o ka nawaliwali o ka naau o C Titcomb a e noi ana e haawi ia ka palapala hookohu kahu no ke kino a me ka waiwai o Titcomb i oleloia. I ua Bertelmann la, ua kauoha ia o ka Poakolu, oia ka la 31 o Mei 1882 ma ka hora 10 kakahiaka ma ka halehookolokolo ma Lihue, oia ka manawa a me kahi i kohoia no ka hoolohe ana i ua noi ia, a oia manawa a ma ia wahi hoi, a hiki nona mea a pau pili ke hele mai a hoike mai i ke kumu, ina he kumu oiaio ko lakou, e ae ole ia ai ua noi la, a o keia olelo kaunoha e hoolaha ia i ekolu pule, ma ka olelo Beritania ma ka Hawaiian Gazette, a ma ka olelo Hawaii, ma ke Kuokoa he mau nupepa ma Honolulu.
JACOB HARDY,
Lunakanawai Kaapuni Apana Eha
Kakauia ma Koloa, Aperila 29, 1882. 1067 3t
HOOLAHA KUAI A KA ILAMUKU.
Ma ka mana o kekahi palapala hoomalu i hoopuka ia e ka Aha Kiekie no ka pono o Cecil Brown kue ia Kaaumuana k, a me Maile w. no $42.25, na hoomalu au a e kuai aku ana ma ke kudala akea ma ke alo iho o Aliiolani Hale ma ka
POAONO, KA LA 27 O MEI, 1882,
ma ka hora 12 o ke awakea, na pono a me na pomaikai a pau o ua Maile w nei i oleloia maloko o ka hapalua i mahele ole ia iloko o ka aina i hoakakaia ma ka Palapala Sila Nui Helu 2628 e waiho la ina ka aoao ma Ewa o ka hale noho o W C Jones ma ke alanui Liliha, nona na eka he 91-100, ke ole nae e hookaa mua ia mai na hoopai a me na lilo.
W C PARKE Hamuku
Honolulu, Mei 1, 1882 1067 3t
ILOKO o ka Aha Hookolokolo Kiekie o ke Aupuni Hawaii, KALAKAUA, ma ka lokomaikai o ke Aina, o ke Hawaii Pae aina, Moi:
Ia Williams C Parke, Esquire, Hamuku o ke Aupuni a i ole i kona Hope. Me ka mahalo:
Ke kauohaia aku nei oe e kii aku ia Foster Conception, ka mea i hoopii ia, ina e waiho mai ana oia i kana pane i kekauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie, ma ke kau o Aperila o ua Aha la e malamaia ana ma ke Keena Hookolokolo o ka Hale Hookolokolo ma Honolulu. Mokupuni o Oahu, ma ka Poakahi la 3 o Aperila e hiki mai ana, ma ka hora 10 A M, e hoike mai no ke aha la e ae ole ia ai ke noi a Fanny Cockett ka mea hoopii e like me ka mea i hoakakaia iloko o ka Palapala Hoopii i pakuiia. A e hoihoi mai oe i keia palapala me ka hoike piha a kau mau hana mamuli o keia palapala.
IKEA ka Mea Hanohano A. Francis Judd.
Lunahanawai Nui o ko Makou Aha Hookolokolo Kiekie ma Honolulu, i keia la 27 o Dekemaba, A. D. 1881
[Sila o ka Aha Kiekie.]
[Inoa] A ROSA,
Hope Kakauolelo
Ua haalele o Foster Conception i oleloia ia Honolulu ma ka la 1 o Aperila 1881, a i kahi paha o ia mau la, ma ka moku "Pacific," a iloko o Okatoba, ua holo aku ua moku la i Panama me na Foster ia, a mai ia manawa mai aole oia i hoi hou mai i keia Aupuni, a ke hoihoi hou ia aku nei ka Palapala Hoopii a me ka Palapala Kii i oleloia me ka hooko ole ia, i keia la 13 o Feberuari, A. D. 1882.
[Inoa] W. C. PARKE, Namuku
Ko Hawaii Pae Aina}
Mokupuni o Oahu } ss
E@e hoike nei au ma keia o ka palapala maluna ae he kope oiaio a pololei ia o ka Palapala Kii i hoopukaia ma ka hihia Oki Mare o Fanny Cockett kue ia Foster Conception, a me ka hoike a ka Hamuku no ia mea; a mamuli o na hoike l@ a ka Hamuku, ua kauoha ka Aha ma ke Kau o Aperila 1882, e hoopneeia ua hihia la a ke Kau o Iulai 1883, a iloko o ia manawa kona e paiia i kope oiaio o na Palapala Kii nei e like me ka mea i hoakakaia ma ke Kanawai, e kahea aku i ka maa hoopii ia e pane mai ma ke Kau o Iulai i oleloia.
I hoike no ia mea, ke kau nei au i ko'u lima i keia la 25 o Aperila, A. D. 1882.
[Sila o ka Aha Kiekie.]
A. ROSA,
1065 6t Hope Kakauolelo Aha Kiekie.
Ma ka hooponopono waiwai. Ma ka hana o ka waiwai o Kapule k, o Anahola i make. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ke keena imua o ka Lunakanawai Kaapuni ma ke Keena.
Ma ka heluhelu a me ka waiho ana mai o ka palapala nui a me ka papa hoike o D Makalia, Luna Hooponopono o ka waiwai o Kapule k, no Anahola i make, e noi ana e aponoia na hoolilo he $2, a e hoike ana o na mea i loaa mai iaia he $____, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia mai kona noho ana ma ia ano.
Ua kauohaia o ka Poahola, ka la 31 o Mei, 1882, ma ka hora 10 o kakahiaka, imua o na Lunakanawai la, ma ke Keena ma ka Hale Hookolokolo ma Lihue, oia kahi a me ka manawa i kohoia no ka hoolohe ana i ua noi la, a me ka papa hoike i oleloia, a o ka poe a pau i pili malaila, e hele mai e hoike i ke kumu ina he kumu io ko lakou e ae ole ia ai ua noi la. A o keia kauoha ma ka olelo Hawaii, e paiia maloko o ka "Nupepa Kuokoa," he nupepa i pai a hoolahaia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Koloa, ko Hawaii Pae Aina, i keia la 23 o Aperila, 1882. JACOB HARDY,
1066 3t Lunakanawai Kaapuni Apana Eha.
AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka waiwai o PAE k. o Honolulu, Oahu, i make kauoha ole. Imua o ka Lunakanawai Lawrence McCully. Olelo Kauoha e hoo aha aku no ke noi ana mai e e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Rebeca, he hooilina o Pae k. e hoike maiana, o Pae k, no Honolulu, Oahu, ua make kauoha ole ma Honolulu, i oleloia, ma ka la --- o Iulai, M H 1880, e noi ana e hoonohoia i Lunahooponopono no ka waiwai, a e noi ana e haawiia ka Palapala Hookohu Lunahooponopono Waiwai ia W R Castle no Honolulu, Oahu, he mea i maa ma ia oihana.
Ua kauohaia o ka Poakolu, ka la 17 o Mi, M H 1882, oia ka manawa i kohoia no ka hooloke ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, ma ka hora 10 A M, a ma ia manawa a ma ia wahi no e hele mai ai na mea a pau i pili, e hoike mai i ke kumu ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii i ekolu pule ma ka "Nupepa Kuokoa," he nupepa ma Honolulu.
Kakauia ma Honolulu, ko Hawaii Pae Aina, Apr. 26 1882.
W R Castle, Loio no ka mea noi.
LAWRENCE McCULLY,
Ikea: Lunakanawai o ka Aha Kiekie,
A Rosa, Hope Kakauolelo 1065 3t
AHA Hookolokolo Kiekie o ka Hawaii Paeaina. Ma ka hooponopono waiwai. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka hana o ka waiwai o KIHEWA w, ai@a@ Kuhihewa & Hoohila o Honolulu i make. Ma ke keena, imua o ka Lunakanawai McCully.
Ma ka heluhelu a me ka waiho ana mai o ka palapala noi a me ka papa hoike a Apiki k, Luna Hooponopono Waiwai o ka Waiwai o Kihewa w. no Honolulu i make, e noi ana e aponoia na hoolilo he $1537.35, a e hoike ana o na mea i loaa mai iaia he $1876.20, e noi ana e nana a aponoia keia mau mea, e hanaia kekahi kauoha a e hookuu ana iaia a me kona mau hope mai ko lakou noho ana ma ia ano.
Ua kauohaia o ka Poakolu, ka la 31 o Mei, 1882, ma ka hora umi o kakahiaka, imua o ua Lunakanawai la, ma ke keena ma ka hale hookolokolo ma Honolulu, oia kahi a me ka manawa i kohola no ka hoolohe ana i ua noi ia a me na papa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la. A o keia kauoha ma ka olelo Hawaii e paiia maloko o ka "Nupepa Kuokoa," he nupepa i pai a i hoolahaia ma Honolulu, i ekolu pule mamua o ka manawa i oleloia no ka hoolohe ana.
Kakauia ma Honolulu, ko Hawaii Pae Aina, i keia la 26 o Aperila, M H 1882. L. McCully
A Rosa, Hope Kakauolelo 1065 3t
PUOLO HAULE.
Ua nalowale he Paiki Ili Eleele maluna o Kilauea Hou i keia pule iho nei. O na waiwai o loko, 1 Holoku Eleele, 1 Lole Ke ki, 1 Hainaka Nau. Ua kau ia mawaho kuu inoa J P Kapihe. O ka mea e loaa ana, e hoihoi mai i ke Keena o ke KUOKOA.
J. P. KAPIHE.
Mei 1, 1882. 1066 2t
OLELO HOOLAHA.
E ike auanei na kanaka a pau ke nana mai, owau o Kailiakaale k, ka Lunahooyonopono o ka Waiwai o Uku w, i make kauoha ole, no Kau, Hawaii. O ka poe a pau i aie ia Uku w. a me ka poe a Uku i aie aku ai, ke kauohaia aku nei lakou e hele mai lakou me ka lakou mau bila iloko o na mahina eono, e hoole ia lakou. KAILIAKAALE.
Lunahooponopono o ka Waiwai o Uka w, i make kauoha ole.
Waiohinu, Kau, Apr. 14, 1882 1665 4t
UA MAKEMAKE IA
NA ILI BIPI,
NA KIWI BIPI,
NA IWI BIPI,
E haawi ia no ke kumukuai kiekie o ko kakou makeke nei e
H. Hackfeld & Co.
Honolulu, Mei 22, 1880 1y 964
HALEPAI HOU.
No ka pai ana i na ano a pau i makema keia e na kanaka, oia hoi:
NA PALAPALA, NA BALOTA,
NA LIPINE I PAHA ME NA HUA,
NA PALAPALA KUHIKUHI HAAWINA.
A ME NA OLELO HOOLAHA.
O na ano Humuhumu Buke o kela a me keia ano, e humu ia me ka eleu a me ka maiau, ke hoounaia mai na kauoha ia
Thos. G. Thrum,
(Kalamu)
1029 8m Ma Alanui Kalepa, Honolulu