Ka Nupepa Kuokoa, Volume XXI, Number 34, 26 August 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXI. HELU 15@           POAONO, APERILA 15, 1882.           NA HELU A PAUA 1063.

 

KA NUPEPA

Kuokoa me ke Au Okoa

I HUHA.

 

HE MOOLELO KAAO

NO

KEANINIULAOKANI!

KA NANI LUA OLE

O NA

Moku o Kuaihelani

KA MEA NANA I HOONAUEUE

KUKULU O KAHIKI

AOKE PUKONAKONA

O NA LA I AU WALE AKU LA.

 

MAHELE II

            OHAINAKOLO nae e noho nei i keia mau la, e hoho ana n ka pulama ia, no na @ahulu la ekolu, alaila pau; oia i e noho ana o Olopana he 'lii aimoku no Hawaii nei ia mau la, a o Hainakolo no kona kaikuahine, a e noho ana no oia me kona nani loa ole; nolaila no i makemake loa ai e Olapana e hoohiwahiwa i kona kaikuahine; eia kona wahi e noho nei iuka o Neneue, he wahi okoa no kona me koua kapu; o Olopana hoi, aia no i ka heiau o Pakaalana, a o kana hana de dapu heiau.

            Oiai hoi na malihini me Hainakolo, he mea haohao loa ia i ko Hainakolo manao, no ka mea, he m@u kanaka ano hou keia i kona ike ana; nolaila, ninau mai la kelu, Mahea mai olua?

            Hoi aku la no hoi laua nei, Maanei mai nei no maua.

            Hoole mai la no hoi kela, Aohe o'u mau kanak o Hawaii nei i like me olua; ua hele @ e maua me ko'u kaikunane haku a puni o Hawaii nei aohe au i ike i kekahi mau kanaka e like me olua.  Ma ke kai mai paha olua.

            Ae aku la no hoi laua nei; ae, ma ke kai ma maua.

            A heaha ka huakai o ka hele ana mai? w@ a Hainakolo.

            He huakai imi wahine na ka maua keiki, oia ka maua huakai o ka hele ana mai.

            I keia manawa a lakou nei e hoohihi nei i ka nani, ua ike mai la kahi kiai o Hainakolo i keia mau hana a laua nei, o ko ia la manawa no ia i uwe ae ai me ka leo nui, no ko ia nei minamina i ka ia nei alii, a pela no keia i uwe ae ai.  O Hooleipalaoa ke kiai o Hainakolo.

            Ia Lohe ana no hoi o na kini o waho, o ko lakou manawa no ia i wa-hi mai ai i na pe humu o waho loa, a nahaha mai la ia pae humu, pela aku ana a ku ana ko waho poe iloko a ninau ana, Heaha keia i uwe ae nei oe?  Aohe oia la lohe mai i ka lakou nei @inau aku, no ka mea, ua kupuni loa ia kela i ka huhu no na olelo a kela mau kanaka.

            Ia Manawa koke no i hopu ia ai ua mau wahi aumoana nei a paa na lima i ke kupee, a lawe ia ana i kai o Pakaalana.  Lawe ia aku la hoi laua nei a hoe@ ana i kai a ku ana imua o Olopana.  Haiia aku la no hoi, o na pio no keia i holo aku nei a komo iloko o ka pahu kapu o ke 'lii, a hopu ia mai nei e makou.  A pehea kou manao?  e hai mai oe, @ e make, e make no, a pehea oe?

            Ia manawa koke no i hoike mai ai ko Olopana mau hiona huhu a ano e mai la kona mau heiehelena ula o ka ukiuki, a kena koke aku la i na loa e hoihoi iloko o ka heiau, aia a apopo kalua i ka umu; e like no hoi me ka ano mau o ka ke 'lii mau olelo ma@.

            Ua hoihoi@ aku la laua nei iloko o ka heiau e paa pio ai, a paa pio laua nei no hookahi po iloko o ka heiau  O na kiai hoi, ua hoopuni ae la i ka heiau, me ke kau pu aku o Olopana i ke kanawai, ina e lilo na pio, alaila e make na kiai. Ua noho mak@i@ na kiai no ka malam ana i ea pio, no ka mea ua lohe lakou, he make ka hooopai no lakou.

            Ia laua nei e paa pio ana, aole laua i hiamoe iki, no ka mea ua kau aku la ke 'lii i ke a@a a ke maewaewa maluna o laua ma o ke kunikuui ia ana o ko laua mau kino ike ahi. Ia laua nei e noho nei me ia eha a k@koke e kani ka moa, ua meha o waho o ka heiau, nolaila, kahea aku la o Keauka i kona kaikuaona oiai laua e noho ana me ke kaniuhu; kahea aku la ia, Auhea oe?

            Eia no au, wahi a Keamiki.

            Ka pule, wahi hou a Keauka.

            Ka waiho ka kou kena i ka pule a make, pehea e hiki ai ke pule? wahi a Keaumiki.

            Kena hou no o Keauka, Ka, pule paha. Ia manawa hoomaka aku la o Keaumiki e pule penei:

 

Ka popolo a Kane i kanu iluna

I ulu iluna

I hua iluna

I oo iluna

I pala iluna

I puiliia ka popolo a Kane

I helelei @ Hanakamuimui

Hee kaua ka po kinikini

Hee kaua ka po manomano

Kaa i Mukiwaiolena

Puokii puaulala puahehena

Puamai puahole puaakilolo

Hua mea mea kane

E pa nei ma kaulu oe

O ka makani e hele nei

E ka po - e

I ka poino maua - e

I ka ike ole ia oe - e

            Auhea ana oe.

 

            A pau ka pule ana a Keauiniki, ia mananawa, hoomaka aku la o Keauka e pule, penei:

Ka popolo a Kane i kanu ilalo

I ulu ilalo

I hua ilalo

I oo ilalo

I pala ilalo

I puiliia ka popolo a Kane

I helelei i Hanakamuimui

Hee kaua ka po kinikini

Hee kaua ka po manomano

Kaa i Mukiwaiolena

Puokii puaulala puahehena

Puamai puahole puaakilolo

Hua mea mea kane

E pa nei ma kaulu oe

O ka makani e hele nei

E ka po - e

I ka pino maua - e

I ku ike ole ia oe - e

            Auhea ana oe - e.

 

            O keia mau pule no a na makua ana pepeiao o Keaniniulaokalani, oiai oia e noho ana i Kuaihelani, u-hu iho la ua keiki nei me ka olelo iho, I make auanei olua ia'u, i make no paha olua ia olua.  Ua hai aku au ia olua i ko'u mai, a ua hai mai no hoi olua i ke ku@u o ko'u mai, a ua pau ae la no hoi; aole, na olua no ka hele e imi, aole aku no' . .

            Ia manawa, holo aku la o Keaniniulaokalani a ka makuahine, a hai aku la i na mea a pau e hana ia ana no na makuakane.  Ia wa uwe ae la ka makuahine no kona mau kaikunane.  A olelo aku la ke keiki penei:  Mai uwe oe no laua, aole e make.  he kaua kanaka; ina he kaua oa ka po, alaila makou aku kaua, no ka mea, eia i na po o Kane.

            Ia manawa hoi aku la keia a loko o ka heiau a olelo aku la.  Aole olua e make; no olua hoi auanei ka make e hanaia aku ana, a ao ae hoi, no kekahi poe e ae hoi ka make.

            E na hoa hoinainau o ko kakou kaao; e nana hou ae kakou i oa mau pio nei, oiai laua e paa ana.

            Ua lohe aku la kekahi kiai o waho i ka laua mau olelo, holo aku ia hoi ua wahi kiai nei a mua o ka hoku alii, oia hoi o Olopana a hai aku la i na mea a pau aana i lohe ai i na pio; e like me na pule a Keauka ma, pela no hoi ua wahi kanaka nei i hai aku ai ia Olopana.

            A p@u keia mau olelo a ke kiai, olelo hou mai la o Olopana.  E hoi aku oe e hoolohe, a i lohe hou oe i ka laua mau olelo, hoi hou mai oe e hai ia'u.  Ka hoi aku la no ia o ua wahi kiai nei a mawaho o ku heiau, hoolohe, a liuliu iki lohe hou aku la no ua wahi kiai nei i ka pule ana ae a keaumiki penei:

 

            Moe ana la hoolohe ana e Keaniniulaokalani

            O kohi keekee o Halawalawa

O kua mauna o Keaolewa

He like oe me Kuaihelani

E ka po - e

E ka poino maua - e

E ka ike ole ia oe - e

            Auhea ana oe - e.

 

            Ke hoolohe nei ou ua wahi kiai nei mawaho; ke kali hou aku nei a ke oli hou ae o ke kokoolua o na pio, hoomakak@u no keia o ke oli mai o kekahi, aole hoi he ekemu ike ae, ke kali la no keia.  I keia manawa nae ana e kali nei, ke aka ae la ka mahina, oia no na mahina kakahiaka, oia no ka po o Kane, a lohe ana keia i ke kamailio an@ aku a kekahi kanaka, i ka ninau ana aku.  E Keaumi e,  e nana aku oe i ka mahina.

            Olelo mai la hoi o Keaumiki, Nana aku auanei i ka mahina, ola, no ka mea, o ke ao ae no koe moa kaua i ka umu.

            Ia wa, hoomaka ae la a Keauka e pule penei:

            Pii aku iuka i ka ulu olona

            I ulu i ke olona          

            I hoi aku i kai

            I kahi kua

            I kahi alo

            I pupuu

            I kikoo

            I heia

            I hiloa i ke aho makalii

            I ka lia i ka upena makini

            I holo aku i kai i ke koa loa

            I ke koa poko

            I ke koa'i alo ia i ka makua

            Alo wale ana ka makuahunowai i ka ono i ka ia na'u

            E Ku e Lono e Kane

            Eia mai he pule

            Na oukou e mana

            Na maua e ola

                        Ike wale aku ia Keaniniulaokalani ka'u aloha.

 

            A pau keia pule a Keauka, o ka holo aku la no ia o ua wahi kanak nei a ku ana imua o Olopana, e nohe mai ana no kela me ke kali ana o ka hoea aku o ui wahi kanakanei.  I ua wahi kanaka nei no a hoea ana, pa no ka ninau iaiala, Pehea aku nei kau huakai o ka hele ana aku nei?

            Ka, pehea mai ka hoi kau; hele aku nei no hoi au a mawaho o ka heiau, hoolohe, aole i liulio iho, hoomaka koke mai ana no kekahi kanaka a oli, a eia ka mea kupaianaha, he oli hoi ka'u mea i lohe aku a i ka olelo aku hoi kakahi kanaka e pule.

            A ua lohe aku nei no oe i ka pule ana mai nei?  wahi a Olopana.

            Ae, wahi a ua wahi kanaka nei.

            Olelo hou mai la o Olopana, Ua paanaau no nae paha ka pule ia oe?

            Ae, ua paanaau ia'u mai ka mua a ka hope.

            A pehea, o oe wale no kahi lohe?

            Ae owau wale no kai lohe; o ko makou nui, ke moe la no, i ka wa ahiahi no ko makou ala like ana, a ua aumoe hoi o ko lakou moe no ia, ala hookahi wale aku la no au a hiki i kuu lohe ana i ka pule a ua mau kanaka nei.

            A pehea ka pule ana mai nei o keia hele ana aku nei au i lohe aku nei oe?

            Pule mai nei nei kekahi kanaka penei:

           

            Moe ana lo hoolohe ana e Keaniniulaokalani

            O kohi keekee o Halawalawa

            O kua mauna o Keaolewa

            He like oe me Kuaihelani

            E ka po-e

            E ka pine maua-e

            E ka ike ole ia oe-e

                        Auhea ana oe-e.

 

            Pela ka pule a kekahi kanaka; a o ko'u mea i lohi loa ai, e kali ana au i ka pule a kekahi kanaka, a ua liuliu iki no hoi, lohe aku la au i ka ninau ana aku a kekahi kanaka, e kahea aku ana i kahi o la@

            Pehea?  wahi a Olopana.

            E Keaumiki e.  O mai la no hoi kekahi.  Olelo aku la kekahi.  E nana aku oe i ka mahina.  Olelo mai ana o Keaumiki.  Nana aku anei i ka mahina, ola, no ka mea, o ke ao no ia, moa kaua i ka umu.

                        Aole i pau.

 

KA MOOLELO

-O-

ONILA MAKA!

KA MAKAI KIU KAULANA

-O-

ENELANI!

- A O KA MEA-

POHIHIHI O KA 1868.

 

MOKUNA VII.

 

            Ka wiwo ole o kahi Irelani -- Lele ka hapa Ilikini -- Kela mino aka hoonaukiuki -- He hakaka kamaao -- Elua kiola ia ana maluna ae o ke poo -- Owaka @a Pahi-pelu -- Ke ano o ke oki ana a na kanaka Irelani i ke poo -- He pilikia mamua -- He mau ole oao no ka poino.

 

            He mea makehewa paha ia makou ka hoao ana e huna i ke ano o kahi Irelani malihini mai ko makou poe helukelu.

 

            Oiai ua hoomaopopo iho la na mea a pau o loko o ua hale la, aohe keia he mea a  ae, aka, o Onila Maka no keia, ka Makai Kiu.

            A he hana ano nui hoi keia an e lawelawe nei.

            Iaia maloko o ua keena inu rama la, ua hoao pinepine oia e hana no kekahi kumuhana ano nui.

            A ua ko hoi kona @ini a oi aku mamua o ka mea ana i manao wale ai.

            Aka no na poino a me na pilikia he lehulehu noi, aole oia i ike ia mea, oiai, ua like ia mau @ a pau me ka ole imua o kona manao koa.

            He kanaka kupaianaha no hoi keia o ka ikaika, oiai, ua kokua pu ia kona ikaika me kona ike kuwalawala, a no ia kumu i weli ia ai kei@ kanaka ke halawai he alo a he alo.

            E like hoi me ka mea i hoike mua ia ae nei, aole hookahi kanaka ma ka apana a Keaka @akini e noho ana i ea e hoopaapaa pu me ia.

            No ka mea, ma ka ikaika o kona mau lala a me ka wiwo ole o kona manao i lilo ai oia he mea weliweli.

            Aka, ma kona ano he Ilikini ua makau ia oia; a ma kona lilo ana he hapap negero, ua oi loa kona weli ia.

            Oiai, ma kona ano a pau ua like ia me ke akua lapu a ua pakuikui mai hoi na lono e pili ana @o kana mau hana weliweli a me ka manaonao.

            Ua koho wale aku kekahi poe he olulo oia; he aihue, a he mea kamaaina i ka wawahi hale, a ua kuluma hoi oia mawaena o na kanak o Mokupuni Loihi no ka pili waiwai.  Aka, o ka mea oi loa aku paha o ke kupaianaha, oia no kona ike mau ia me ke dala ma kona mau pakeke, oiai, aole ana hana e hiki ai ke olelo ae, nana ponoi ia mau dala.

            I ka wa a Keaka Ilikini i lele aku ai maluna o ka makai kiu, ua lele aku la kela a me keia ma o a maanei o ka rumi.  No ka mea, ua manao lakou e hana ia ana kekahi hakaka weliweli.

            Ua hoomaopopo pu iho le no hoi lakou e lilo ana a wahi Irelani malihini la i mea ole imua o ke tiga inu koko o Mokupuni Loihi.

            Aka, ua kahaha nae ka naau o na mea a pau i ko lakou ike ana aku iaia e noho ana me ka makaukau a me ka wiwo ole.

            Mamua o ka hiki ana i ua ilikini la ke hopu aku iaia, aia hoi, ua ku ae la ua makai kiu nei iluna a alo ne la @ ka puupuu a a Keaka @ kui aku ai iaia.

            H@ ni ae lo oia ma ke pakaukau me ka @ la ana a pane aku la ua makai kiu nei @

            E akanele@ e k@ hoa'loha, heaha hoi keiai au e h@eha mai nei ia'u.

            Aole nae i pane mai ua hapa Ilikini la, aka, e like me ka mama o ke tiga, pela oia i lele aku ai ma kela aoao o ke pakaukau me ka eleu nui.

            I ka wa a kona hoa paio i haule aku ai ma kela aoao o ke pakaukau, ua lele pu aku la no hoi ua makai kiu nei a haole ana ma kekeahi aoao.

            Iloko hoi oia wa, pane mai la ka ona nona ka hale me ka leo huhu:

            He makemake au e hoopau olua i ko olua hakaka ana.

            Ua hiki no ia oe ke hoopau i keia hana e like me kou makemake, wahi a Onila Maka.

            He makemake ko'u ia oe e hele iwaho!  wahi hou a ka haku hale i ka makai kiu.

            Iloko no oia wa, lele hou mai la ua Ilikini nei no ke kelu o ka manawa.

            Ma keia lele hope ana a ua hapa Ilikini la ua ! loa oia no kona lanakila.

            A@, ao@  hou ua makai kiu la e hoio mai ke aio aku o kona hoa paio, aka, hopu aku la oia iaia a me ka ikaika loa ole.   kiola aku la oia i ua Ilikini la maluna ae o kona pop, a pa-hu ana ilalo.

            Aole nae i eha ua Ilikini la i kona wa i haole iho ai, aka, ua pa haneri ia nae kona inaina, a uwo ae la me ka leo hiena i like me kona mau kupuna.  kku hou ae la oia iluna, a no ka ha o ka manawa, lele hou aku la no oia malun  o ka makai kiu.

            Aka, ua makaukau mau nae oia iloko o kela a me keia manawa, a e mau ana no hoi na hoailona o ka mino aka ma kona mau papalina, me he mea la, he mea paani wale no.  Hopu hou aku la oia i ua Ilikini nei, a no ka loa hoi o ka manawa, kiola hou aku la oia iaia a pa-hu ana ilalo o ka papahele.

            Ua kau mai l@ ka weli malun o na mea a pau o loko o ka hale i keia wa.

            Akahi no hoi a ike ua Ilikini la, i ka hiki ole ka lanakila maluna o kona hoa paio, oiai, mai ka mua loa mai, ua lana ka manao o ua Ilikini la, he opala walae no kona hoa iaia.   Aka, halawai aku la nae oia me ka mea ana i kau nui ole ai.

            Ala hou mai la ua Ilikini la mai ka papahele ae no ka lua o ka manawa a ku iho la i kahi hookahi me ka manao ole e lele hou aku maluna o kona hoa paio.

            Aole nae ona manao e hoopau i ka hakaka.

            Oiai, ua hoike mai kona mau helehelena hiena e homau aku.

            Nolaila, u nuhi ae la oia i kekahi pahi-pelu mailoko ae o kona pakeke, nona ka loa he ekolu i@ha, a wehe ae la, a hoomakaukau iho la e pale nona iho.

            Ike mai la no hoi ua wahi Irelani nei i ke nao ana iho o kona hoe paio ia loko o kona pakeke, a wehe ae la i kana pahi-pelu a hoomaka mai la e anehe e lele mai maluna ona.  Aka, na hookuemi hou ia aku oia ihope iaia i ike mai ai i ka waha o ka pu panapana e hamama pono aku ana imua o kona lae.

            Auhea oe e kuu hoa'loha, wahi a ka Irelani malihioi, Mai lawe mai oe i na hana lapuwale a kou mau ohana imua o'u, o hoouna aku au ia oe me ka uku ole i na kula hahai holoholona o kou mau kupuna.

            He oiaio, ua oi aku ka mana o ka pu panapana mamua o ka pahi.

            No ka nele o ua Ilikini nei i na mea kaua ole, ike iho la ia, aole e hiki iaia ke lanakila maluna o kona hou.

            Aia hoi, kupaa iho la ua makai kiu nei me ke kaulona pono o kana pu imua o ka Ilikini.

            Auhea oe e kuu hoa'loha, wahi a ka makai kiu,  Ua naaupo oe i ka hana ana pela a o ka mea kupono wale no ia oe, o ka waiho iho i kena pahi , a noho iho kaua ilalo e like me ka poe karistiano, a e poopau hoi i na hana lapuwale a ou mau kupuna.  Ina aole ae e hoopau, e maihi aku ana au i ka ili o ko poo, e like me ka paikini o Irelani, oia hoi, ke ki ana a kaawale ke poo mai ke kino aku.

            Aole nae i pane mai o Keaka Ilikini, aka ku iho la no ia me me he liona la ua paa malalo o ke kanaka hahai holoholona wiwo ole.

            @oko o keia manawa a ka makai kiu e kaulona ana i kana pa panapana ua holo aku la kela a me keia i ka paia me ka maka'u, a ku iho la keia me kona hoa paio iwaenakonu o ka rumi.

            No kekahi mau minute pokole, ko laua ku ana ma keia kulana a hiki i ka wa a ka Ilikini i nee planehe hope aku ai me ka pau no i kana pahi ma kona aoao a hiki i ka puka.

            I ua Ilikini nei i hiki aku ai i ka puka, lele aku la oia iwaho a nalowale.

            Pai kole!  wahi a kahi Irelani i puana ae ai, iaia i ike aku ai i ka hohe wale o kona hoa paio.  Aia no iloko o na aa-koko o kela kana opio na koko wela o kona mau kupuna.

            Aole loa nae e hiki i kekahi mea o loko o ka hale ke pane m@, no ka mea, ua ilihia loa ia lakou.

            Ike aku la nae ua wahi Irelani nei i ke ano o kona poe hoa kamailio aole e hiki ia lakou ke pane mai, nolaila, noi aku la oia ia lakou e hele mai e inu pu me ia.

            Aka, i ko lakou kono ia ana mai nae e hele aka e inu akahi no a hiki i kekahi o lakou ke kamailio ne:

            E pono oe e haalele iho ia nei i keia po.

            No ke aha ko'u mea e h@alele ai ia nei?

            No ka mea, aole i oi aku ka waiwai o kou ola mamua o kekahi hua apala nui.

            Nawai e hoopoino ko'u ola?

            Na Keaka Ilikini.

            E pepehi mai ana anei @a ia'u?

            Ae.

            Auhea oukou, ke manao nei au ua kuhihewa ko oukou manao.  No ka mea, he opio wale no oia.  I@ koaa he manao no ka hakaka, aole oia e holo malu.  Aka, no kona ikaika ole, nolaila, holo oia a haalele iho la i ka mea ikaika nana e haaheo ke kahua hoo@li puupau.

            Alaila e pepehiia ana oe e ia iloko o ka wa pouli.

            Aka, m@ aka iho ia @ae kela a pane mai la:

            Aole owau kekahi o ka poe hohe wale, aole no hoi au e holo no na hooweliweli a kela hiena puni koko, aka, e ike no auanei oukou e makaukau mau ana au nona i na wa a p@u e loaa aku ai a e halawai ai paha maua healo a he alo.

            Aole oe e halawai kino aua me ia he alo a he alo.  Aka, e uka@ ana kela mahope o kou mau kapuai wawae e like me na Ilikini Arapahoe, a ki mai ia oe mahope mai o na opu laau.

            E na hoa'loha, owau ke kanaka kupono loa no ia hana; aka, ua makemake nae au e ninau aku ia oukou i kekahi ninau -- N oke aha la ka mea i eha ai ka manao o kela hapa negero no na mea e pili ana i kela kanaka opio i nalowale a oukou i kamailio iho nei?

            Aole nae hookahi o lakou i pane aku i ka haina o kana ninau, aka, luliluli like ae la ko lakou poo.

            E pane mai oukou, wahi a ka makai kiu, ua maopopo ia oukou keia mea, aka, he makaou nae oukou i ka olelo ae.

            He oiaio keia mau olelo a ua makai kiu la, oiai, mahope iho o ko lakou inu ana ae i ko lakou ma u kiaha. ua haawi mai la lakou imua oia nei i kekahi mau oleloao e makaala iaia, o halawai hou aku oia me Keaka Ilikini, a ili mai paha ka pino ma kona kino.

            Haalele iho la lakou i ke keena inu rama a hoi aku la kela a me keia no kona home iho.

            Aole i pau.

 

OLELO HOOLAHA.

 

            UA pau iho nei ka noho ana o J T Waterhouse ma ka Halekuai Helu 10, ma ke Alanui Papu; a ua hoi ak eia a me kona mau Waiwai a pau, i ka Halekuai iho nei o s Magn@n ma ia alanui hookahi no.  E loaa no i na Makamaka oa Lole kmukuai makepono.  E naue nui mai i ike pono.

            1059 4@

 

MAIKAI K HOI KA PAPA

-A ME-

KA LA AU O KOU HALE!

NO MEA LA!

KAI NO HOI NO KAHI O

WAILA MA!

Nana aku no hoi ia la

Ohi ka lo o ka laau o Makawao

I ka ua mea hoi o ka na@

Na Papa! Na Papa

- A ME-

NA PONO KUKULU HALE

O NA ANO NO A PAU

 

Aia ma ke kihi o na

ALANUI PAU me MOIWAHINE

HONOLULU

MALAILA E LOAA AI

E LIKE me ka MAKEMAKE

- NO KE-

KUMUKUAI MAKEPONO LOA

 

PAPA, PAPA, PAPA,

Na Papa Huluhulu,

Na Papa Manoanoa

Na Papa i kahiia

Na Papa Kepa.

Papa Hole Keokeo.

Papa Hole Ulauia.

 

NA LAAU, NA LAA

Na Kua.

Na Kaola.

Na Aahu.

Ne Molina

Na P@p@

Pine Huluhulu,

Pine i kahua

 

NA Papa a me na Laau @lau a

 

Pili ulaula,

Pili Keokeo,

Pani Puka,

 

Pani Puka Aniani.

Ipuka Aniani,

Puka Olepelepe

 

PENA O NA ANO A PAU

Hulu Pena mai ka Liilii a ke Nui,

Aila Pena,

Aila Hoomaioo,

Waniti, Pate.

 

NA LAKO O KELA A ME KEIA ANO

Na Ami Puka Hale.

Na Ami Puka P@

 

ANIANI!

 

Pepa Hale a me na Lihilihi

E LOAA NO MALAILA.

 

PAAKAI HELU I O KAKAAKO me PUULOA

            No ke Dala Kuike, e loaa no na mea a pau i hai ia ae la, no ke Kumukuai Emi loa.  O na kauoha mai Hawaii a Niihau, e loaa aku no ia lakou, e hooko koke ia ne ia me ka lawa pono.  E kipa nui ilaila ike i ka oiaio.

            905 tf