Ka Nupepa Kuokoa, Volume XXI, Number 46, 18 November 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXI, HELU 46

POAONO NOVEMABA 18, 1882

NA HELU A PAU 1094

 

NA HOOLAHA.

MAIKAI KA HOI

KA PAPA

C A ME C

KA LAAU O KOU HALE

NOHEA LA?

KAI NO HOI NO KAHI O

WAILA MA.

 

Nana aku no hoi ia la ohi ka lo o ka laau o Makawao, i ka ua mea hoi o ka nani

 

NA PAPA!  NA PAPA!

A ME

Na Pono Kukulu Hale

O na Ano no a Pau

AIA MA KE KIHI O NA ALANUI

Papa me Moiwahine,

HONOLULU.

 

Malaila e loaa ai e like me ka makemake no ke

 

KUMUKUAI MAKEPONO LOA.

 

PAPA!  PAPA!  PAPA!

 

NA PAPA HULUHULU,

NA PAPA MANOANOA,

NA PAPA I KAHIIA,

NA PAPA KEPA,

PAPA HOLE KEOKEO,

PAPA HOLE ULAULA.

 

Na Laau, Na Laau,

 

NA KUA,

NA KAOLA,

NA AAHO,

NA MOLINA,

NA PEAPEA,

PINE HULUHULU,

PINE I KAHIIA.

 

NA PAPA A ME NA LAAU ULAULA.

 

PILI ULAULA,

PILI KEOKEO,

PANI PUKA,

PUKA ANIANI,

PANI PUKA ANIANI,

PUKA OLEPELEPE

 

PENA

O NA ANO A PAU,

 

Hulu Pena mai ka liilii a ke nui,

Aila Pena,

Aila Hoomaloo,

Wan@, Pate,

 

Na Lako o kela a me keia Ano.

 

NA AMI PUKA HALE,

NA AMI PUKA PA,

ANIANI

 

PEPA HALE A ME NA LIHILHI,

E loaa no malaila.

 

PAAKAI HELU I

C O C

KAKAAKO ME PUULOA

 

@o ke Dala Kuike, e loaa no na mea a pau i hai ia ae la, no ke Kumukuai Emi Loa.  O na Kauoha mai Hawaii a Niihau, e loaa aku no ia lakou, e hooko koke ia no ia me ka lawa pono.  E kipa nui ilaila i ike i ka oiaio.

 

 

W. O. SMITH,

LOIO!    LOIO!

Helu 36 Alanui Kalepa, Honolulu

 

W. R. KAKELA,

He Loio a he Kokua ma ke Kanawai.

He Luna Hooiaio Palapala.

 

CECIL BROWN

Loio a he Kokua ma ke Kanawai

 

A he Agena no ka Hooiaio ana i na Palapala no ka Mokupuni o Oahu.

Helu 8 Kaahumanu, Honolulu, H.P.A.

 

ASA KAULIA,

LOIO A KOKUA MA KE KANAWAI

 

Ua makaukau au e lawelawe i na hihia a pau ma keia Oihana imua o na Aha a pau o ka mokupuni o Oahu.  E loaa no au ma Koolaupoko, Heeia, a ma Honolulu i kekahiu wa E hooko ia na kauoha mai na wahi a pau o ka mokupuni me ka eleu a me Kahikiwawe.

 

Jno. Lota Kaulu kou,

LOIO A HE KOKUA

 

Ua makaukau oia e lawelawe i na hihia a pau o kela a me keia ano iloko o na Aha Hookolokolo a pau o keia Aupuni.  Ua hiki no hoi ke hana i na palapala a pau e pili i ka Oihana Loio me ka eleu.  E loaa no au ma Heeia Koolaupoko, a ma Honolulu no hoi i Kekahi manawa.

 

C. C. COLEMAN,

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii,

E kokoke la i ke Alanaui Papu.

 

KALE KULIKA,

Luna hooiaio

PALAPALA KUAI MOLAKI,

A ME NA PALAPALA OIA ANO.

Luna Hooiaio Palapala Aelike mawaena o na Haku a me na Kauwa. 

Luna Haawi

Palapala Mare.

 

Ma ke kihi o ke Alanui Moiwahine me Kaahumanu

kulanakaauhale o Honolulu, ko Hawaii Pae Aina.

 

RICHARD F. BICKERTON,

[PEKETONA.]

Loio a he Kokua ma ke Kanawai.

 

Keena hana Helu 13 Alanui Kalepa,

Elua puka ma o aku o ka hale kauka o Kauka Minuteole.

 

E hele ana oia imua o na Ahahookolokolo a pau o keia Aupuni ma na ano hihia a pau, ina paha ma Oahu nei, a ma na mokupuni e ae.

Ua makaukau mau oia i ka hana ana i na Palapala pili kanawai o kela a me keia ano.

Ua hiki no hoi iaia ke hoaie dala aku ma ka morakiana i na aina ma ka ukupanee haahaa loa. 

E hanaia na hana me ka hikiwawe a me ka uku haahaa.

 

George E. Sherman,

MEA HANA NOHO LIO

C A ME C

Na Lako a pau o na Pono Hololio

 

Ua maa kahiko oia iloko o keia hana, a ua kamaaina i ko Hawaii nei noho ana:

he oluolu na auhau ana.  E hele mai i ikemaka.

 

AIA KONA HALE HANA MA ALANUI KULA,

Ma nae iho o ka Uwapo nui.

 

JAMES M. MONSARRAT,

[MAUNAKEA]

Loio o he Kokua ma ke Kanawai.

 

Imua o na aha Hookolokolo a pau o keia

Aupuni.  E lawelawe ana no hoi ma na hana

pili i ka hooponopono waiwai, me ka imi

ana i na palapala Sila Aina, ka hana

ana i na Palapala Kuai.  Hoolimalima

a me ka hoaie dala ana.

 

A HE LUNA HOOIAIO PALAPALA

Keena hana alanui Kalepa.

 

Joseph E. Wiseman,

LUNAHOOPONOPONO O NA WAIWAI PAA

C A ME C

Luna Imi Hana,

Helua 27 Alanui Kalepa, Honolulu

 

Luna Hoolimalima no na Rumi, na Hale, a me

Luna Kuai me Hoolimalima o na Waiwai

Paa ma na wahi a pau o ka Paemoku.

Luna imi Hana no ka poe a pau i nele

i ka hana ole ma na wahi a pau i makemakeia

ma kekahi mokupuni o ka Paeaina.

 

   N.B. C Na Palapala Hoolimalima a hanaia me ka eleu: e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei.  O na Unuhiolelo a me na Maheleolelo ana, e hookoia me ka maikai.  O na kauoha a me na kamailio ano maloko o na leta no kekahi o na hana maluna ae, e hookoia me ka eleu loa.

 

KA MOOLELO

C O C

Onila Maka!

C O C

Ka Makai Kiu Kaulana

C O C

ENELANI!

C A O KA MEA C

POHIHIHI O KA 1868.

 

HALAWAI KA MAKAI KIU ME NA ME

KUPANAHA C KA MOOLELO O KAHI

PAE HEWA C HUI KA MAKAI KIU ME KA PUPULE HE ALO A HE ALO C NA

MEA I IKE IA MA KA MALAMALAMA O KA LA OIA AHIAHI C NA HANA

KUPAIANAHA A KA MAKAI KIU C HE HOOPAAPAA C KO KA MAKAI KIU MANAO NO NA MEA E PILI ANA I KA PEPEHI KANAKA MA KA ULULAAU.

 

   Ma ko Onila Maka hoomaopopo @ eia oia ke lawe ia nei e ke au a ke @@ haohao mai ia wahi aku a ia wahi @@.

   Nolaila, hoomaikai ae la oia i @ mamuli o kona lawe i ana @ ulia pomaikai o ka manawa a kahi @ manao nui ole ai e loaa iaia he pomaikai nana e hoohauoli i kona puuwai a e hoomama iki ae hoi i kona manao kaumaha.  Nolaila, ninau hou aku la oia i kona hoa kamailio:

   I ka wa hea ka loaa ana aku o ua kanaka la ia oe e lana ana me ka waapa?

   I ke kakahiaka nui.

   Aole o ka manawa hea o ka la ka # u i makemake ai, aka, pehea ka loihi o ka manawa mai kona loaa ana ia oe a hiki i keia wa?

   Me he mea la, ua alua anei malama.

   Alaila, ua hikiwawe loa kona ola mai ka palapu ui loaa iaia?

   Ae; no ka mea, he kanaka maikai o ke ola kino.

   He kauka paha kona mea nana i lapaau?

   Aohe.

   Kahaha, e pilikia ana oe no ke kulana o kela kanaka i keia wa.

   He oiaio kau; aka, o ka # u i hana ai iloko oia wa, no kona pomaikai wale no, aole no # u iho.  Oiai, ia # u i ike aku ai, ua oluolu ae oia mai kona eha, nolaila, aole au i manao e kii i kauka, a ina no hoi au i kii i kauka, ina ua laha keia mea ma o a maanei.  Aka, aole no paha au e hoole i ke kii ana i ke kauka ina wau i ike mua e ulia mai ana kekahi mai e ae.

   Ua maa mau no nae paha oe i ka lawelawe ana i na ano palapu o keia ano mamua?

   Ae, a ua hana no hoi au i ka mea kupono no kona pomaikai iho, aka, mai oi loa aku paha ka pono ina he kauka kona mea nana i lapauu ina aole la oia e pupule.  A eia hoi kekahi, He wahi makemake ano e loa no hoi kona.

   No na kii paha ea?

   E.

   Pehea i maopopo ai ia oe ia mea?

   No ka maopopo no hoi ia # u o kahi i loaa mai ai.

   Alaila, ua oi aku kou ike mamua o # u oiai, ua hoao mau au e loaa ia # u kahi ana i lawe mai ai ia mau kii, aohe nae he loaa iki.

   Ua lawe aihue ia mai e ia ua poe kii la mai ka hale mai o Pakekona.

   Haikea koke ae la ua wahi kanaka lawaia la, a pane mai la:

   I aihue ia mai eia?

   E.

   Alaila, aole oia e ahewaia, no ka mea, aohe maopopo iaia o kana mea e hana nei.

   Kaumaha iho la ua wahi kanaka la i kona hoolauna ana aku me keia kanaka malihini, a hoao iho la oia e okipu i ka laua kamailio ana, ma kona huli ana ae a hoomaka aku la e hele, aka, pa e hou mai la nae oia i kahea a ka Makai Kiu, me ka pane mai:

   He oiaio no paha ia, aole no e ahewaia ana oia, aka, ia makou e hoao ana e ike pono i ka nalowale kupaianaha o keia poe kii, ike iho la makou i ka mea nana i aihue ua mau kii la, a nolaila, e oluolu oe e hai mai ia # u, heaha la kana mau hana me ua mau kii la?

   Ka, ua huna ia eia malalo o kona moe, a he ano kupanaha no hoi kana mau hana e pili ana no ua mau kii la.

   Pehea ke ano o kana mau hana?

   Eia, aole oia e ae i kekahi mea e hookokoke aku malaila.

   Ma kou noonoo iho, pehea la i maopopo ai iaia he kii ka Pakekona o kona hale?

   Ua hiki loa ia # u ke hookaka aku ia oe no na mea e pili ana ina kii.  Ma kekahi la malie loa, lawe aku nei au me Pupule he mai ia i ka hale noho o Pakekona, e waiho hamama ana no hoi na puka aniani o ke keena hookipa.  Aka, ia # u nae e kamailio ana me Pakekona, nalowale iho la o Pupule no kekahi manawa, a mahope iho ike aku la au iaia ma ka puka aniani aku iloko o ke keena hookipa, a aohe no hoi he poe e ae i ike i kona komo ana iloko, nolaila, aohe au i hai aku i keia hana a ko # u hoahele i ka ona nona ka hale.

   Malia paha o kona la ia i lawe ai i kana kii mua?

   Pela paha.

   He makemake ko # u e kali a e kiai aku iaia me kona ike ole mai ia # u C he hiki no anei ia oe ke kokua mai ia # u?

   Aohe nae i pane ia aku ka ninau a ka Makai Kiu.

   Mai hopohopo oe no keia hana a # u no ka mea, ua ili pu mai maluna o # u na haawina o ka walohia ehaeha no na mea @ pili ana iaia, e like me na olino o ke @ i komohia iloko o kou puuwai no @@@ la o ka # u hana e ake nei e lawelawe aole ia no @ poino, aka, no kona pomaikai.

   Alaila, ke kono aku nei au i kou oluolu e komo mai, a e paina ahiahi pu me a # u C alaila, aole oia e hoomaopopo mai ia oe, wahi a ke kanaka lawaia.

   Aohe ona launa kamailio me oukou?

   Aohe.

   Aohe ka ona kamailio iki?

   He kamailio no, aka, aole nae he maopopo ia # u o kana mau mea e kamailio ai, aia wale no a e nana ana ina kii, alaila hoomaka oia e namunamu.

   Mahope iho o na kukai olelo ana i hoikeia ae la maluna, ua alakai ia aku la ka Makai Kiu iloko o ka hale.

   He keonimana malihini keia i hele mai nei e inu ti pu me kakou i keia ahiahi, wahi a kahi kanaka lawaia i kana wahine, me ka hai ole aku i kona makemake i hiki aku ai ilaila.

   Ia laua i komo aku ai, ua makaukau mua iho ka aina ahiahi i ka hoa kuwili a makaala hoi o ke kanaka lawaia.

   Ia lakou i hoomakaukau ai e paina, ua hoikeia mai ke akamai a me ka noeau o ka noonoo o kahi kanaka lawaia, ma ka hoonoho ana ae i ka Makai Kiu ma kekahi aoao o ke pakaukau e huli pono ana i ke alo o ua kanaka pupule la.

   O ke kulana o ka hale e ku ana, he kulana pono loa ia no ka Makai Kiu e hiki ai ke ike pono aku i kana mea i li # a ai, oiai e haliu ana ke alo o ka puka aniani ma kahi a ka malamalama o ka la e iho aku ai i ka ilikai, a i ka la hoi i hiki iho ai i ka huinaaouli o ka lani, ua pahola ia ae la kona malamalama olinolino a waiho wale na mea a pau oloko o ka hale.

   Ma keia wahi ua loaa i ka Makai Kiu he kulana kupono e hoopaanaau ai i na helehelena o ke kanaka e noho mai ana ma kekahi aoao mai ona.

   A iloko hoi oia wa pokole, haka pono loa aku la oia maluna ona me ka hauoli palena ole.

   No kona piha hauoli loa, aole oia i ai iho i kana ai, aka, waiho malie iho la no oia i na ono a ka lawakua i panee aku ai imua o kona alo.

   Iloko oia wa ana e noho ana nanao iho la kona lima iloko o ka eke o kona lolewawae, a unuhi ae la i kekahi kii hooleleaka o kekahi kanaka opio a awihi iki iho la iluna o ke kii a nana hou aku la i na helehelena o ke kanaka pupule.

   Iaia i nana aku ai maluna o ua kanaka la, hooho ae la oia me ka leo nui o ke kahaha i awiliia me ke aloha kulupolipo o kona puuwai, a haalele iho la oia i ke pakaukau a puka aku la.

   No keia mau hana kupaianaha a ka Makai Kiu, ua pihoihoi ae la ka manao o na mea a pau e noho ana ma ke pakaukau ia wa a koe ka mea i hooneleia i kona ike maoli.

   Ia wa ku ae la ka ona nona ka hale a hahai aku la mahope o ka Makai Kiu, a ninau aku la:

   Heaha keia ou?

   No ko # u hauoli loa i ka ike ana i kela kanaka, nolaila, aole e hiki ia # u ke ai.

   Oia no hoi ka # u i hoomaopopo aku, aka, aole i kono ia mai kou puuwai e hauoli no kou ike wale ana no iaia, aka, no kekahi kumu e ae i maopopo ole ia # u.

   He oiaio, he wahi kanaka naauao no kahi kanaka lawaia, nolaila kona kumu o ka olelo ana pela.

   I ka wa i pane mai ai kahi kanaka lawaia, hooholo koke iho la ka Makai Kiu, aole e hewa ia ke hoike hapa aku iaia i kona manao, nolaila, pane aku la oia:

   Ua pololei oe, oiai, ua ike aku nei au ma na helehelena o kela kanaka, a hoa noho hoi nou, ma ke ano, he hoaaloha oiaio loa oia no # u a # u i hele huli ai no na la he lehulehu wale.

   Ia wa pane mai la kahi kanaka lawaia:

   Naaupo maoli au i ae aku nei ia oe e hele e ike i kela kanaka!

   Aole loa e hiki ia oe ke hoole i ka ae ana mai ia # u e ike iaia.

   Mahope o kou ike ana iho la i ko hoaaloha, heaha kau hana nona?

   Ke manao nei au e lawe iaia i Nu Ioka.

   Aole, aole loa.

   No keaha hoi?  A heaha hoi kou kuleana o ke keakea ana mai ia # u?

   Pehea la e hiki ai ia # u ke hooia aku i kau mau olelo, malia paha o oe no kekahi o na enemi ana i pepehi iaia, a ma kou ike ana iho nei eia no oia ke ola nei, nolaila ua ake oe e paa hou oia iloko o ko oukou mau lima i hiki ai ia oukou ke hooko pono i kona hopena?

   Ua hiki loa ia # u ke hooiaio aku aole oia ko # u iini.

   Alaila e hoike mai oe i na hooiaio kupono imua o # u i keia wa, mamua o kou ike hou ana aku iaia; no ka mea, e ku aku ana au e pale no kona pono a hiki i ka hopena o ko # u hanu; nolaila, i keia la, nona kuu kino a me kuu ola, a mamuli hoi o kona pono au e makee nei, a e mauna aku ai i ko # u ola makamae.  Aka, iloko o keia la ua lilo ke ola makamae o kuu kino palekaua nona a haulehia imua o kona mau enemi.

   He makemake ko # u e lawe iaia a waiho aku malalo o na lapaau ana a kekahi kauka akamai loa, i hiki ai ke hoihoi hou ia mai kona noonoo kanaka.

   E lawe mai no oe i ko kauka ianei. 

   Aole e hiki ia # u.

   Alaila, aole e hiki ia oe ke lawe aku iaia e lapaau ia mai; a aole no hoi oia e haalele ana i ka malumalu o ko # u hale a hiki i ko # u wa e kauoha ia mai ai e kekahi aha e hana pela.

   He keu oe a kahi kanaka paakiki launa ole.

   He paakiki io no au, no ka mea, ina e hoao ana oe e hoeha i kela kanaka, alaila, e ike auanei oe ia # u, aole au he paakiki wale no, aka, he meia i weli ia!

   Aka, e hono ia ana oe e haawi mai iaia iloko o ko # u malu.

   Ina au e kono ia mai e haawi aku iaia, aole mai ia oe mai, aka, mai kekahi aha hookolokolo i hoomanaia, alaiala au ae aku.

   E hoao ana au e kokua iaia no kona pono a me kona pomaikai pilkino.

   Aohe a # u kue no ia, aka, he makemake ko # u e maopopo; a eia hoi kekahi, ina ua ake nui oe i ke ola o kela kanaka, o ka mea pono wale no ko kii aku i ke kauka a hele mai ianei e lapaau ai; oiai, ua maa oia i ke ano o kona noho ana o keia wa, a aohe hoi he hana ino, a ina e lawe ia oia i kahi e, e oi aku auanei kana mau hana ino me ka paa ole mai.

   He oiaio keia mau mea a pau a ke kanaka lawaia i olelo mai ai, nolaila, mahope iho o ko ka Makai Kiu noonoo akahele ana, ua ae iho la kona lunaikehala e hooko i na olelo a kona hoa kamailio.

   Alaila e hoohiki mai oe ia # u, aole oe e lawe aku iaia ma kahi e ina e ae aku ana au i kau mau olelo, wahi a ka Makai Kiu i ninau aku ai.

   Aohe o # u manao e ae o ka ike wale aku no i ka maluhia o ke kanaka i hoonele ia i kona noonoo.  Oiai, ua like no hoi kou ake nui no ke ola o keia kanaka me ko # u manao, me ka iini ole e haawi ia mai ia # u he makana, no ka mea, he kanaka hoopono au.

   Alaila, apopo au hele mai e ike ia oe wahi a ka Makai Kiu.

   Mamua o ka haalele ana aku o ka Makai Kiu i kona hoa kamailio, haawi aku la oia iaia he mau dala, aka, haalele mai la nae oia i kana mohai aloha.

   Mai haalele oe i ka mea i manawalea ia aku imua ou, no ka mea, ua kupono oe ke uku ia no kou malama pono ana i kuu makamaka, wahi a Onila Maka.

   Aole, e hiki mai ana ka manawa nana e hoihoi ko # u mau lilo o ka luhi ana.

   I ka Makai Kiu e hoi ana i ka hale o Pakekona, puana ae la oia:

   O kekahi keia o na mea kamahao loa i loaa ia # u iloko o ka # u mau lawelawe ana a pau ma keia oihana.  He ulia pomaikai keia C a mamuli hoi o ka ulia o ka manawa ua kono ia mai au e hele mai ianei e imi ai i kekahi aihue akamai.  Aka, ma ko # u inoa o Ohila Maka, o Hale Keleneka no keia kanaka a aihue akamai hoi.

   Hoao iho la ka Makai Kiu e wehewehe nona iho i ke ala o ka hiki ana i ka mea i pepehi ia ke kau iluna o ka waapa me ka aahu o na luina e lana ana iluna o ka ili hualala o ka moana.

   Oiai o ka loa mai kahi hookio aku o na kaa ahi ma H C a hiki i Ulu Paina Iuiu he eha wale no mile, a o ka mamao hoi mai ka waha mai o ka muliwai a hiki i ka moana he elima mile.

   I ka Makai Kiu e noonoo nei, hooholo iho la oia i kona manao penei: I ka wa i pepehi ia ai oia, a laweia aku la a hiki i ka muliwai, weheia ae la kona mau aahu mai kona kino aku a hoaahu ia iho la oia me ka aahu o na luina a hookau ia aku la iluna o ka waapa a hookuu ia aku la na ka ikaika o ka wai e lawe aku iaia iwaho o ka moana.

   No ka mea, o kona hoaahu ia ana me ka aahu o na luina he hana akamai a maalea no ia o ka noonoo ana.

   Oiai ua maopopo no i ka poe nana i hana keia karaima kahi a ke au o ka moana e ko ai, a ina hoi e loaa aku ana kona kino, aole e lilo i mea kamailio ia e ka lehulehu, no ka mea, he wahi luina wale no oia, alaila e kanu ia ana kona kino e like me ka hapa nui oia poe, a na ka lua kupapau e huna iho iaia no ka manawa pau ole.

   Aka, malalo o ka lokomaikai o na Lani, ua lilo ko lakou manaolana i mea ole.

   Oiai, ua koia aku ka waapa e ke au o ka pomaikai a mua o kekahi kanaka lawaia hoopono a pakele ino la oia mamua o ka uhi ana mai o na ale kupikipikio o ka hohonu e ale aku iaia a nalo iho na hana lokoino a ka poe pakaha wale, e imia ana i ko lakou pomaikai malalo o na hana ino weliweli.

[Aole i pau.]

 

HEMOOLELO KAAO

NO

KEANINIULAOKALANI!

 

KA NANI LUA OLE

C O NA C

MOKU O KUAIHELANI

 

Ka mea nana I Hoonaueue

 

KUKULO O KAHIKI

 

A O Ke Pukonakona

 

O NA LA I AU WALE AKU LA.

 

MAHELE II.

 

   A malaila kona wahi i noho ai a hiki i kona loaa ana i ke Kane.

   Ke nana aku ma ko Laeiikawai moolelo, e hoi hou aku kakou i ke kahua nona keia mahele.

   Ia Lonokaiolohia e hele la, he like me ka holo ana o ka uila a hiki i kona pae ana i uka o Kuaihelani.  I kona pae ana i uka, waiho iho la oia i kona wahi waa iloko o ke pohuehue, a hele loa aku la a komo iloko o ka heaiu, kahi o ke kino o kona kupunakane e waiho ana; nana iho la keia ma o a maanei aohe wahi mea a ike ia o kahi o ka uhane i hele ai.  Aka, o ke kino, he oia mau no o ka maikai, o kahi nae hoi o ka uhane i puka ai, aohe ike ia.

   Nana iho la keai ma na wahi a pau, aohe ike ia.  Ia manawa, hoomaka iho la keia e hou i kana laau i ka honua, a ma kahi o ka laau ana i hou ai, malaila i hamama ae ai ka honua, a i kona nana ana i lalo ike aku la ia i ko lalo poe kanaka e holoholo ana i o ia nei.

   Alaila, hoomanao ae la kei malaila no kona kupunakane o ka iho ana.  Ia wa hoomaka aku la ia e iho, oia iho no koianei a hiki ana i lalo, nana ae la keia ma o a maanei aohe ana mea i ike, o kauhale wale no ke ku ana, aohe nae he kanaka; hele aku la no keia a hoea ana i keia hale nana aku la keia e hamama mai ana no ka puka, hele loa aku la no keia a ku ana i ka puka, i nana aku ka hana e ai ana kamaaina.

   Ike mai la hoi kamaaina iaia nei, aloha mai la no hoi a aloha aku la no hoi keia; ninau no hoi kamaaina.  mahea mai nei oe?  Maanei mai nei no wahi a kamahele.  Aohe kanaka o keia wahi aku e like me oe, ua kaapuni ia e makou keia wahi a pau aole makou i ike i kekahi kanaka e like me oe, maluna mai nei paha oe?  Ae aku la keia.

   Ae, wahi a kamaaina, maluna mai nei oe, a o ke alanui no na hoi aku mai hele aku oe ma keia wahi aku o make oe na ka mea, i na e ike ia mai ana oe e ke lii o makou make oe.

   Owai ko oukou alii, wahi a Lonokaiolohia?  O Milu.  Heaha kana hana wahi hou a Lonokaiolohia?  He hula na na lii o makou na Popoalaea me Keaniniulaokalani.  Ka aia hoi ha kahi o ka lealea, a heaha hoi ka # u o ka hoi ana kai no hoi he hele ko kakou i ka nana lealea?  Ae wahi a kamaaina, aka ke minamina nei au ia oe no kou kupono ole ke hele, i na oe e ike ia mai e ke lii o makou, o ko wa koke no ia e make ai.

   Kai no hoi huna no hoi olua ia u o ko # u ike aku ka hoi la ku ae no hoi kakou hoi ana.  Ka huna paha auanei maua ia oe a ike ia iho mahope o ko maua make no ia, nolaila, e hoi no oe a o maua no ke hele.

   No ka paakiki loa o Lonokaiolohia i ka hele, ia wa, ae mai la na kamaaina iaia nei e hele pu me laua.  Ia wa koke no o ko lakou nei hele iho la no ia; ia lakou nei e hele nei i ke alanui, ninau pono mai la na kamaaina i ke kumu o kona hele ana mai i ko lakou wahi.

   Olelo aku la o Lonokaiolohia i ke kumu o kona hiki ana mai ilaila mai ka mua a ka hope a maopopo ia laua ke kumu o kona hiki ana mai, ia wa olelo mai la na kamaaina iaia penei:

   I na o kau huakai ia, alaila, ke hai aku nei au ia oe a maua kekahi au e lawe pu aku ai.  Olelo aku la o Lonokaiolohia, e hoi pu ana kakou ke huna nae olua ia # u a nalo, alaila, kakali aku kakou o ka loaa o kuu kupunakane ia # u, alaila o ko olua manawa koke no ia e puka ai iwaho a holo me ka mama loa, a na maua no hoi ia e imi aku ia olua a o ko kakou hoi no hoi ia, a na olua no hoi ia e imi aku i ko olua wahi e noho ai.

   A pela lakou i kukai olelo ai a hiki wale i ko lakou hoea ana i ka hale lealea, a i nana aku ka hana he oi aku no hoi o ka hale maikai, ua hele no hoi oloko a piha pono.

   O ko lakou nei komo aku la no ia a ma kekahi hio o ka hale noho, ke lealea mai nei na # lii nana ka lealea, a o ka lealea nae a laua e hana ana oia no ke kilu, a ma ia lealea lakou i nanea ai a hiki i ko Lonokaiolohia hoike ana iaia iho, a no ka lilo mau o ke eo o ke kilu ia Popoalaea, nolaila, hapai hou ae la o Keaniniulaokalani i keie mele penei:

   Ke welina mai nei ke kini o lalo.

   Na hoa i ka uka nahele o Puna

   E kei ka noho ua e kaua kahi.

   Ka noho a kane i ka papalohi

   Ka lau lani pua e kauahoa

   Ka lau a ka lohelani e Piilani.

   Ia Kaeniniulaokalani no hoomaha iho, o ko Lonokaiolohia wa no ia i oli aku ai e like no me ka Keaniniulaokalani.  Ia wa, meha iho la ko ka hale a pau, ia wa olelo ae la o Milu penei:

   E, owai hoi keia kipi oloko nei?  E pono e huli aku a i na e loaa e pepehi.

   Ia manawa, hoomaka mai la ko ka hale e huli, aole nae i loaa, a pau ka huli ana, hoomaka hou iho la na lealea, o ka lealea mua no, ia wa, hoomaka mai la o Popoalaea e oli penei:

   Hoihoina wai ko # u hoa,

   E keaka nui o Waimea

   Ka milo ku i ke aheahe,

   Ka ohai C e ike wale oe.

   A pau ka Popoalaea, ia wa oli mai la o Keaniniulaokalani ma ia mele hookahi no, a pau ka Keaniniula oli ana, ia wa, oli mai la o Lonokaiolohia ia mele hookahi no, a i ka ke anaina hoolohe aku, o ka leo o ka malihini ka oi o ka maikai.  Ia manawa, kauoha hou ae la o Milu e imi ia keia mea nona ka leo, a i ka imi ia ana aole no he loaa iki, no ka mea ua huna loa ia no e kona mau kamaaina iloko o ka pou kihi o ka hale.

   Ia wa no, hoopau hou ae la ko ka hale i ka huli ana a hoomaka iho la ka lealea; ia wa olelo mai la o Milu penei:

   O ka lealea mua a kakou ua pau, a o ka lealea o keia manawa, oia ka alaapapa, ia manawa makaukau ae la na hoopaa ma ka lakou hana, a o ka hula o luna oia no o Keaniniulaokalani.  Ku ae la no hoi o Keaniniulaokalani iluna, a hoomaka aku la e oli i keai mele penei:

   Aloha na hale o makou i makamaka ole

   Ke ala hele mauka nei o Papalakamo

   E komo mai oe ma loko nei

   Ina ku pu nui o waho la he ua

   He anu C e

   Hapai like ae la na hoopaa i ka lakou mau pahu, a pai iho la, ia wa koke no i hoomaka mai ai o Lonokaiolohia e oli penei:

   Kukulu kaulana e Keanininiulaokalani

   I kau aku ai i Kealohilani.

(Aole i pau.)