Ka Nupepa Kuokoa, Volume XXI, Number 49, 9 December 1882 — Page 2
| This text was transcribed by: | Kelly Murray |
| This work is dedicated to: | Great Grannie |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA ME KE AU OKOA I HUIIA.
No ka Makahiki, $2. Eono Mahina, $1. Dala Kuike ka Rula.
POAONO DEKEMABA 9, 1882.
O D W. Aiwohi wale no ka i aeia e kakau inoa no na dala i hookaaia mai ma ke keena o ka Nupepa Kuokoa.
MAHAI@.
Maluna mai o kekahi o na mokuahi hope iho nei o Kaleponi i loaa mai ai he lono no na keiki Hawaii i hele aku nei no ka hoonaauaoia ma Iapana a me Kina. I ka hiki ana aku nei o Kapena me Kaulukou i Kaleponi me na keiki i waihona malalo o ko laua malu a me ko laua alakai ana. ua moapopo ole kahi kupono no na keiki e noho ai. no na la pokole a ko lakou huakai e noho ai ma ia wahi, mamua o ka holo ana no Ia@ona. A mamuli nae o ke alakai ana o ko kakou Kanikela i laweia ai lakou e ike ia Limaikaika makua e noho mai la ma ke kulanakauhale o Kapalakiko. A na noiia o Limaikaika, e kalokalo aku oia i ka mea nona ka hale hookipa e aeia mai na keiki Hawaii e noho ma ia hale, malalo o na nana ana a Limaikaika a hiki i ka wa a lakou e holo ai. ma ka lakou huakai hele moana. Ua aeia mai, a ua hoonohoia na keiki ma@la, malalo o ko Limaikaika mau maka makuahine.
Ma ka noho mua ana o ua poe keiki nei ma ka papaaina o ua hotele nei, ua nana ano e ia mai lakou, a ano hookae kekahi poe haole, nolaila ua kii o Limaikaika ia lakou a hoonoho pu ia lakou ma kona aoao o ka pakaukau ke hiki i na wa paina, a o Limaikaika ka hoa olelo. Ua lilo ia i mea kahaha no ka poe e noho pu ana ma ia hale, ke ike aku i ko Limaikaika launa oluolu ana me keia mau keiki Hawaii, me ko lakou kamailio ana ma ka olelo i lohe pono ole ia. A mahope iho ninau mai la lakou i ua makuahine nei o na Hawaii, "Owai keia poe ili ulaula e noho pu mau nei me oe, a e launa nei hoi oukou ma na olelo i lohe ole ia?" Pane aku la kela, "he poe keia no ka lahui Hawaii. a e laweia ana i Iapana a me Kina e hoonaauao ai, e kali ana lakou he mau la a holo aku, a owau ko lakou makua no keia mau la." Mahope iho laweia na keiki e Limaikaika i kona rumi, a ilaila kahi i himeni ai he mau leo mele Hawaii, hookipaia mai la he mau makamaka haole, a he nui ko lakou mahalo. Pau loa ae la ke ano hookae o ko laila poe, a ua aloha nui ia na keiki o kakou.
He mea i ku i ka mahalo nui ia ka noho aloha ana o na haole me na kanaka maoli ma keia paeaina. Hem ea hauoli a he mea mahaloia no hoi ka loaa ana aku i keia mau keiki Hawaii ma Kaleponi he makuahine e like me Limaikaika. Aloha na kumu kahiko, aloha ko lakou koena uuku e noho nei. A e mahaloia a mau loa aku na hua o ka lakou mau hana e ulu nei. E mahaloia no hoi ka Lokomaikai Lani na na i kokua ia Hawaii a me kana poe keiki ma na kau i hala a me keia wa, ma ka aina makuahine a ma na aina malihini kekahi.
OO HEWA KA MOA.
Aole paha i poina i ka lehulehu na olelo haanui, hooia, a me ka hoomalimali a kekahi kanaka iwaena o kakou. no na makahiki pokole i kunewa hope aku nei, e akena ana no kona aloha nui i ka lahui Hawaii, a e hoahewa ana i ka poe a pau i hiki mai mamua iho ona, no ko lakou aloha ole, a me ko lakou malama ole i ka ola o ka lahui.
Ikaika loa kana mau olelo hoahewa i na kumuao o ka lahui, a me kona hoino loa no hoi i na luna aupuni, no ko lakou malama ole i ke ola o kanaka.
Ua hana oia i buke ola kino no ka nui loa o kona aloha i ko Hawaii nei. [He iwakalua nae makahiki o kona noho ana maluna o ke one Hawaii, alaila puka mai la keia aloha nui, hakalia no hoi ka ulu ana o ke aloha.]
Maloko o na kau ahaolelo a elua hala ae nei, a maloko no hoi o kana nupepa oia i kalai olelo ai no ka nui o kona aloha i ka Hawaii nei, a no ka nui o na hewa a me na hemahema o na alakai mai mua mai.
Ua noho ihe nei o Kipukona ma e hookele i ke aupuni he eono mahina, a auhea ka hua a ke aloha? Auhea na hale lapaau ma na mokupuni i oleloia e hoalaia ana? Auhea kona ola nui a na i hoomakaukau ai no ka lahui? Auhea na pomaikai i hoike mua ia e ia e ukali ana mahope o kona hookele ana? Ke waiho huikau nei ka poe mai lepera me ka poe ola, a he poino koikoi loa keia maluna o ka aina. Aole i hoalaia na hale mai ma na apana. Aole i hoemiia na auhau o na makaainana, aka, ua imiia he poe luna helu elike me Kekoa nana e hookoikoi i ka poe ilihune, a e pa kolu, a pa ha, pa lima, pa ono a oi ka auhau i ko na wa i hala! he aha kau pomaikai e ka makaaianana, ma ka lima o keia poe? He neo. Ina no na manu o ka lewa ka olelo ana, ua maopopo, ke kanuia nei na laau i wahi no na p@nana a lakou. Ina no ka holoholona ka olelo ana. ua hanaia ke kanawai e papa ana i ka laweia mai o ka holoholona mai iloko o keia aina. Aka, heaha la kau, ka ka makaainana Hawaii?
Ma ka nana ana i na ouli o keia wahe auamo koikoi ka na makaaianana e halihali ai ma keia mua iho.
KA HUA O KA LAAU.
Ke mahuahua ae nei ka laau hua awaawa i hooulu ia iho nei i ko kakou poe lunamakaainana loea, iloko o ke Kau Ahaolelo kaulana o keia makahiki. Ke ulu nei ka waiona, a ke ohi nei ke Aupuni i kona hua.
Ma Waikiki, i ka la ekolu o keia mahina, ua pepehi iho la kekahi kanaka ona i kana wahine a aneane make. Ua mainoino loa keia pepehi ana, kahike koko ma ka waha a ma na pukaihu o keia wahine; a ua hoike ae no ke kane i kona manao e pepehi no iaia a make loa. Ua pakele nae ka wahine mamuli o kekahi mau lima kokua e noho ana.
Ma ka pali o Nuuanu, ma ia la ekolu no o keia mahina, haule aku la kekahi kanaka ona mai luna aku o kona lio a pa ka poo iluna o kekahi omole, a moku pu ka ihu, a kahi awai ke koko kanaka ma ke alanui. Loaa aku la nae keia kanaka pilikia i kekahi mau Samaria puuwai aloha, a laweia aku la oia e laua a hiki i kahi kupono.
Ma kekahi o na apana kuaaina o Oahu nei, iloko o ka pule i hala aku mahope, make iho la kekahi kanaka. Ona iho la kekahi hapa o ka ohana o keia kanaka, a hoomaka e hula a me ke kuamuamu i ke kino make o ka makua e waiho ana. A i ka i manele ia ai ka pahu kupapau a hiki i ka lua, ke ona nei no ia poe, a noka haiki o ka lua, ua pakiia ka pahu me na pohaku a nahaha, a haule ilalo.
Maloko o kekahi o na pa luakini o keia kulanakauhale, i kela pule aku nei, i ka wa a ke anaina maikai e halawai ana maloko o ka hale, he puulu kamalii ka i noho mawaho iho e inu ana i ka omole gini.
Ma kekahi o na apana kuaaina o keia mokupuni, iloko o na la pokole i hale ae nei, ikeia ai ka lunakanawai o ia apana e hele hikaka ana ma ke alanui, ua ona.
E na keonimana hanohano o ke Kau Ahaolelo o 1882, ke ulu hikiwawe nei ka laau i kanuia e oukou, a ke mahuahua ae nei kona hua, aka o ka hapanui aku koe. Ua loaa ka oukou uku, a ua kaulana oukou, aka, ke kahea nei ke koko o Abela i ka Lani e nana mai i ko Kaina hana lokoino; a e hiki mai auanei ka la e hookomoia ai keia mau hana a pau iloko o ka hookolokoloia.
E mahaloia a mau loa aku ka hapa uuku iloko o ia Kau Ahaolelo i kupaa me ka wiwo ole no ke ola a me ka pono o ko lakou lahui.
E HOIKE ANA ME KA OIAIO.
E.T.N. Puuohau, makani luna ke lele ino nei ke ao. Ua ike au i kau mau olelo a pau; nui kuu mahalo, i ka nana ana i na mea i hoahu ia ma kou hale papa o ka Elele Poakolu la6, o ke ahua o ka iwi ka i nui, he uuku nae ka io.
E ka makamaka naauao, ke kakalalo o na Kuhina, ua ku ka au i ka pua a Pikoiakaalaala, ae, ina hoi paha he pua io, aka, ne pua na ka mea a kahiakahi, pehea la e eha ai?
Eia ka ninau i kuu hoa naauao. I ko manawa e noho Kahu Ekalesia ana no Kauai, ua ao aku anei oe i na hoahanau o kou Ekalesia penei: E, o ka mea kapa aku i kona hoa he holoholona, he kanaka naauao ia, o ka mea e olelo aku i kona hoa he lapuwale, he kanaka akamai ia, alaila, ua like ole ko oukou manao ma keia huaolelo naauao; eia ka Solomona, o ka mea kapa aku i kona hoalauna he naaupo, aole ia he kanaka naauao. Eia hoi ka ka Haku, o ka mea kapa aku i kekahi he lapuwale, e lilo ia ika ahewa ia. I aku la ka Haku ia Petero, e hoihoi ae oe i kau pahi iloko o ka wahi, o ka mea paa i ka pahi kaua e moku oia i ka pahikaua.
Pela no oe e kuu hoa naauao, kapa mai nei oe ia'u he naaupo, aka, ke nuku ia mai nei oe e ke kanaka naauao, o oe o kaua ka i naaupo, ke i mai nei oe ia'u he lapuwale, ke huhu mai nei ka Haku ia oe ka mea iaia ka paa o ka piko o ko uhane, o oe o kaua ke ahewaia ana ma ka la hope, paa mai nei oe i ko pahikaua o ka huhu.
Ke i mai nei no ka Haku ia oe e Puuohau, moku oe i ko pahi, aole owau kai haule malalo o keia mau olelo o oe no.
He nui kuu mahalo ia oe, i na oe i hoopololei mai nei ma ka'u wahi i pane aku ai, aka, hele loa oe mawaho, no ka lauwili paha i ke ku no i ka pua ana i pana mai nei.
I mai nei oe e uku aku au i $50,00 no ko poho i ka lilo ma keia hana, ka, ua pau loa no ka na dala a ka poe o Waikiki au i oihi ai i mea kanu laiki a kuai aina, a ina ua pau ia mau dala, alaila, haawi aku au i wahi kenikeni inu ti nau.
E ka makamaka naauao, loihi loa keia kamailio ana, aka, ua pono no, ke minamina nei au ia oe, ke i mai nei o Solomona, na ka naauao e hoohilahila i ke kanaka naauao, a na ke kuaaiana hoi e hoohoka i ka mea ma ke alo alii.
Hai ka oiaia, ke hai aku nei au i kuu noa, o A.P. Kalaukoa no ia, hai mai nei nei oe i ke kahua o kaua e hoopaapaa ai. Eia ka'u noi ia oe, ma ka pa o ka luakini kaua o Kawaiahao, a ma ka hora 12 o ka la au i hai mai nei, ke kauo nei ka naaupo i kou kahua e pono ai, oiai oia ke kahua o ka poe naauao, o ke kahua o ka mea naaupo, oia ko kahua i hai mai nei.
Owau no, A. P. KALAUKOA PAIONIA.
E HOOMANAO
He 24 na Misionari kuwaho a ka Papa Hawaii e malama nei no na Ekalesia Hawaii. Ke hoi mai nei kekahi o lakou e hoomaha, a ke hoi hou aku nei kekahi. A ke kahea mai nei no hoi ka poemoku Kilibati i mau msionari hou. Auhea la na mea makaukau pono, a piha i ke aloha i na uhane o kanaka, e ae ana e haawi lilo ia lakou iho no keia hana nui? O ka hapanui o na misionari e noho nei man a kihapai, ua hoomanawanui loihi lakou i ka hana, a ke kahea mai nei no hoi i mau mea ui e kokua i ka hana. Aole anei ma Hawaii nei kekahi mau hoa kupono, i hoonauaoia ma na oihana euanelio, e ae ana e hoolilo i ko lakou ikaika no ka hana a ka Haku ma na aina pouli?
Eia hoi kekahi. Ke paipai nei au i na Ekalesia Hawaii mai o a o, ua hoopomaikai nui mai ka Haku ia kakou Hawaii nei iloko o keia makahiki. Nolaila mai noho kakou a emi hope a hoonawaliwali i ka hana e hoolaha aku i keia pomaikai uhane ma na aina e.
Ua nui aku na lilo o keia makahiki e hele nei, mamua ae o na makahiki e ae, oiai no ka pilikia ana o ka Hokuao i ka liu, ua hoi e mai oia i ka malama o Feberuari iho nei me ka pau ole o kana hana. A nolaila, ua ili maluna o kakou na lilo kaulele he $625, e hoolimalima ai i ka moku Julia, e hoolawa aku i ka pilikia o ko kakou mau misionari Hawaii ma Maikonisia. Nolaila he kumu keia e ikaika like ai kakou a pau o Hawaii nei e hoolawa mai ai i na wahi kokua aloha iloko o ka waihona o ka Papa. He $2,600 a keu ka lilo mau no ke ola o ko kakou mau misionari. A i ka makahiki i hala aku nei, he 83 wale no na dala i koe iloko o ka waihona no loko mai o na kokua o na Ekalesia Hawaii o kela makahiki. E ike auanei oukou ma ka Hoike Makahiki a ka Papa Hawaii, e puka ana i keia mau pule aku. E ikaika ae kakou, i pau pono kela mau dala 625 i oleloia maluna.
Eia hoi kekahi. He mau hana nui e pono ai ko kakou mau oihana kuloko o Hawaii nei. Eia nae, he uuku loa na dala o ka waihona kuloko. Aole no e hiki, ke ole e hoomahuahua ia mai ko kakou mau haawina aloha no ka Haku.
Nolaila, e hoomanao oukou, e na hoahanau, a me na makamaka aloha, e like me ka ka Haku i hoopomaikai mai ai i kela a me keia pakahi. A.O.POLEPE, Kakau Leta.
Ma ke Kauoha.
Ma keia ke hoolahaia aku nei, mai keia la aku, ua hoopauia ko A. KAOLIKO noho ana ma ke ano agena no keia keena, no ka hooiaio ana i na palapala aelike, no ka apana o Waianae, mokupuni o Oahu.
THOMAS BROWN, Luna Hoona Aina. Hooiaioia: JNO. E. BUSH. Kuhina Kalaiaina.
Keena Aina, Dekemaba 4, 1882. 1097 3t
Ua hookohuia o A.K. HAPAI i keia la i agena no keia keena, no ka hooiaio ana i na palapala aelike no ka apana o Waianae, mokupuni o Oahu, ma kahi o A.Kaoliko i hoopauia. THOMAS BROWN, Luna Hoona Aina.
Ua hookohuia i keia la o MR. G.P. KAMAUOHA i Luna Ohi Auhau no ka apana o Kohala Akau, Hawaii, ma kahi o J.A.Nahaku i waiho mai. SIMON K. KAAI, Kuhina Waiwai. Keena Waiwai, Dekemaba 4, 1882. 1097 4t
KUAI KUDALA O NA LAIKINI KUAI AWA.
E kuai kudlaia aku ana ma ka POALIMA, DEKEMABA 1, 1882, na Laikini Kuai Awa malo iho nei no Hookahi Makahiki, mai Ianuari 1, 1883:
OAHU.
Honolulu 3, Ewa me Waianae 1, Waialua 1, Koolaupoko 1
MAUI.
Lahaina 2, Wailuku 2, Makawao 1, Hana 1, Molokai me Lanai 1
HAWAII.
Hilo 1, Kona Akau 1, Kona Hema 1, Kohala Hema 1, Hamakua 1, Puna 1
KAUAI
Lihue 1, Koloa 1, Hanalei 1
E kudalaia aku ana na laikini no Oahu ma ke alo o Aliiolani Hale, ma ka la i hoikeia maluna, i ka hora 12 awakea.
O na laikini no na mokupuni e ae e kuai ia no maloko o ko lakou mau apana iho, ma na wahi a na Makai Nui a o ko lakou mau Hope poha e kauoha ai.
O ke Kumukuai e hoomaka aku ai ke koho ana-no Honolulu he $500 no kela me keia Laikini: a no Hilo, Lahaina a me Wailuku, $300 no ka laikini hookahi; a no na apana e ae aku a pau $100 pakahi.
HOAKAKA.-E hookaa mua ia i 25 pa keneta i ka manawa e haule ai ka hamare, a e lilo loa ia uku mua ke hookaa pau ole ia ka huina pau o ke kumukuai o ka laikini iloko o na la he 10 mai ka la aku o ke kudala ana.
JNO. E. BUSH, Kuhina Kalaiaina. Keena Kalaiaina, Nov. 13, 1882. 1095 2t
I kulike ai me ka mana i hookauia maluna o'u, ua kauoha aku au e hanaia i Pa Aupuni no na holoholona hele hewa ma Paalaa-uka, ma ka Apana o Waialua, Oahu. JNO. E. BUSH, Kuhina Kalaiaina. Keena Kalaiaina, Nov. 18, 1882. 1095 3t.
KUAI AINA AUPUNI.
Ma ka POAKOLU, LA 27 O DEKEMABA, 1882, ma ke alo o Aliiolani Hale, ma ka hora 12 o ke awakea, e kuai kudalaia aku ana kela mau apana aina Aupuni i ikeia ma ka inoa o LELEPAUA a me KAIHIKAPU, e waiho la ma Kona, Oahu, a i hoolimalimaia i ka la 1 o Sepatemaba, 1877, ma ka $200 o ka makahiki.
Manawa-Dala Kuike. Uku koho, $500 a pu aku no na apana a elua. JNO.E.BUSH, Kahina Kalaiaina.
Keena Kalaiaina, Nov. 2, 1882. 1095 3t
HOOLAHA KULA AUPUNI.
E hoomaha ma na Kula Aupuni a pau, mai o a o, mai ke Poalima, la 12 o keia malama o Dekemaba e hele nei, a hiki i ka Poakahi, la 8 o Ianuari, 1883, a ma ia la e hoomaka hoe ai ke kula ana.
W. JAS. KAMIKA, K.P.H. Keena Hoonaauao, Dekemaba 1, 1882. 1096 3t
Aie Aupuni.
Ke hoolahaia aku nei ma keia, o na noi a pau no kekahi mau Aie Aupuni hou a hiki i ka $500,000, e waiho mai ma ka Waihona o ke Aupuni.
O ka ukupane he eono pu keneta no ka makahiki a e hookaaia ma kela a me keia hapalua makahiki.
Aole no hoi he hiki ke heluia na bona e na Luna Helu ma ke ano he waiwai maoli, no ka mea ua hookuaia na auhau o ke Aupuni maluna o keia mau bona. SIMON KOLOA KAAI. Kuhina Waiwai. 1083 tf
Ua hookohuia o Mr. J.H. Kapuniai a me Holi i keia la i mau Komisina no na Alanui Liilii a me na Pono Wai, no ka apana o waimea, mokupuni o Kauai, ma kahi o V.Knudsen a me Kahoa i waiho mai. Eia ka papa o ua apana la: Rev. Goo. Rowell, J.H. Kapuniai, P.R. Holi. JNO.E.BUSH, Kuhina Kalaiaina. Keena, Kalaiaina. Nov.23, 1882. 1096 3t
Na Mea Paani no na Keiki a me na Pokii.
NA MAKANA O KELA A ME KEIA ANO, NO KA POE A PAU. HE NUI WALE. E LOAA NO MAKA HALEKUAI O KARAMU, MA ALANUI PAPU.
E hemo ana na puka o ia halekuai iloko o keia mau pule elua e hiki mai ana. 1097 2t
NA KOINA O KA MOKU ALABAMA.
O ka poe no lakou na inoa malalo, ke hoikeia aku nei ka lohe ia lakou, o ko lakou koina kuleana poho i ka moku pakaha Alabama ma kela puu dala, e hele ae lakou a e hoike no lakou iho ma ke keena o ka mea nona ka inoa malalo me ke kaulua ole.
O na kuleana a pau ina ua hoike a hoike oleia malalo, e hoounaia aku ana ma ka mokuahi Sueza ma ka la 22 o Dekemaba, 1882, o hala auanei ka manawa kupono: Kimo Kekipi, Puhau Kalue, Kekaha Domingo Lopez, Keoni Ikaaka, Honu Oi, Kalua Hoaiki, Kahanui Moeino, Kimo Nuole G. Washington, Kanehelua William Moses, Kamaka Manohaka, Kumealani John Keawe, Kamai Jack Hou, Kahumokuliilii Louis Montay, Keliilelepa Pika, (Peter Nowlein), Honokahua Kalulu, Kamakaokai.
ALFRED S. HARTWELL. Helu 15, Alanui Kaahumanu.Honolulu, December 4, 1882. 1097 2t
Hoolaha Lunahooponopono Waiwai.
E ike auanei na kanaka a pau ma keia, owau o ka mea nona ka inoa malalo nei, ua koho ia i Lunahooponopono Waiwai no ka Waiwai o D. Kauahi i make ma Kalaepohaku, Kona, Oahu. Ke hoolaha ia aku nei i na poe a pau loa he mau koina ko lakou i ka waiwai i haiia maluna, e waiho koke mai i ko lakou mau bila kupono maloko o kuu Keena Oihana ma Aliiolani Hale, iloko o na malama eono mai keia la aku, a i ole, e nele loa lakou. O na poe hoi he mau aie ko lakou ia D. Kauahi i haiia maluna, ke noi ia aku nei lakou e hookaa koke mai. Ke kauoha pu ia aku nei ka poe a pau he mau koi ka lakou no ka aina o Keuwiwi, nona ka Palapala Sila Nui Helu 3500, Kuleana Helu 3178, e waiho la ma Kalihi, Oahu, a me ka aina o Ninau, nona ka Palapala Hooko Helu 6113, e waiho la ma Kailua, Koolaupoko, Oahu, e waiho mai i ka moo ohana i ka Lunahooponopono Waiwai i haiia malalo nei.
W.C. PARKE, Lunahooponopono Waiwai o D. Kauahi. Honolulu, Dek. 5, 1882. 1097 4t.
Olelo Hoolaha.
O ka poe a pau i kuai i na aina ma ke kuai kudala o na waiwai o W.L. Moehonua i ka la 21 o Novemaba iho nei, ke hoikeia aku nei, ka lohe ia lakou, ua makaukau ko lakou mau palapala, a e ukuia mai na dala mamua ae o ka la 9 o Dekemaba, 1882, a i ole e hookaaia iloko o ia wa i hoikeia maluna o ka ae, alaila, e pakui hou ia ana he 9 pa-keneta uku panee maluna o ka heluna dala mua, e hoomaka ana mai ka la i kuaiia ai na aina.
D.K.FYFE, Komisina Kuai. Honohilu, December, 1; 1882. 1097 rt
Aha Hookolokolo Kiekie o ko Hawaii Pae Aina. Ma ka hooponopono waiwai. Ma ka hana o ka Waiwai o S. DAVID BURROS o Honolulu i make. Ma ke Keena, imua o ka Lunakanawai Nui. Kauoha e hoolaha i noi e apono i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike a A.J. Cart Lunahooponopono o ka Waiwai o S. DAVID BURROWS no Honolulu i make, e noi ana e aponoia na hoolilo he $15,047.93 a e hoike ana o na mea i loaa mai iaia he $21,013.12, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka POALUA, ka la 9 o IANUARI, 1883, ma ka hora 10 o kakahiaka, imua o ua Luanakanawai la, ma ke Keena ma ka Hale Hookolokolo ma Aliiolani Hale, Honolulu, oia kahi a me ka manawa i koho ia no ka hoolohe ana i ua noi la, a me ka papa hoike i oleloia, a o ka poe a pau i pili malaila, e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii me Enelani, e paiia maloko o ka NUPEPA KUOKOA me Saturday Press, he mau nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii Pae Aina, i keia la 2 o Dekemaba, M.H. 1882.
A. FRANCIS JUDD, Ikea: Lunakanawai Nui o ka aha Kiekie. Jno. E. Bernard Kakauolelo o ka Aha Kiekie. 1097 3t
Aha Kiekie o ko Hawaii Pai Aina. Mokukupuni o Oahu, Hawaii Pae Aina, ss. Ma ka hooponopono waiwai. Ma ka waiwai o KAMEHOAKALANI NAHINU w, o Honolulu i make. Olelo kauoha e koho ana i la e hooiaio ai ka Palapala Kauoha, a no ka hoolaha ana.
No ka mea, ma ka la 4 o DEKEMABA, M.H. 1882, UA waihoia mai imua o ka Aha, kekahi Palapala, i oleloia, oia no ke Kauoha Hope Loa o KAMEHOAKALANI NAHINU w, i make aku la; ame ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no Junius Kaae, ua waihoia mai e ia.
Nolaila, ua kauohaia, o ka POAKOLU, oia ka la 27 o DEKEMABA, M.H. 1882, ma kahora 10 A.M., ma ka rumi hookolokolo o ia Aha, ma Aliiolani Hale, ma Honolulu, oia ka la me ka hora, e hooiaio ia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ka NUPEPA KUOKOA, he nupepa i paiia a i hoolahaia ma Honolulu.
Kakauia ma Honolulu, ko Hawaii Pae Aina, Dekemaba 4, 1882.
A. Rosa, Loio ka mea noi. L. McCULLY, Ikea: Lunakanawai o ka Aha Kiekie. Jno. E. Bernard. 1097 3t
HOOLAHA HOU.
HOOLAHA PA AUPUNI.
E kuai kulalaia ana i Pipi me 3 Lio, ke hiki aku i ka la 16 o Dekemaba, hora 12 awakea Poaono, ma ka Pa Aupuni o Koholaloa, Honolulu. Pipi k. ulaula moo, i pepeiao muumuu, ak. FS, uha mua ak. FS, powehiwehi ke kuni. Lio k, kalekoa, ak. hao ano e. Lio k, eleele, hapala ke kuni. A.B. KAAUKUU, Luna Pa Aupuni o Koholaloa.
Koholaloa, Dek. 1882. 1097 1t*
Alabama Claims.
POE PIO I KA ALABAMA.
Eia iho malalo nei ka poe luina Hawaii i loaa ia lakou ke kuleana iloko o na koina no kela puu dala a ka moku Alabama i powa ai i na moku ma na Kai o Arika.
MOKU-JOHN HOWLAND-KEONI HAULANI.
In@. Kaki noho.
Hoopii, Pa o Pika Kaeo,
Napuu, Manamana,
Maele, Makiki,
Hopu, Kikihale,
Paahao, Kapalama
Hanike, Auwaiolimu,
Kauai, Kikihale.
MOKU-COVINGTON-KAWIKONA.
Leimakani, Kaopuaua,
Kalua, Moanalua,
Puhau, Halealii,
Kekahea, Halealii,
Keoni Ohaio Haliimaile,
Kolohai, Kepahoni.
MOKU-EUPHRATES-IUPEKISI.
Mahiai, Kaumakapili,
Kauhikoa, Makiki,
Mana, Pelekane,
Mahoe, Kikihale,
Waihalulu, Kikihale,
Kahanu, Kapuukolo,
Kaoni Kaopuaua,
Kamai, Waikiki,
Kumoanahulu, Waikahalulu.
MOKU-NASSAU-NAKAU.
Opunui, Kaopuaua,
Kaiawe, Auwaiolimu,
Kanikaula, Honokaupu,
Kanoho, Niolopa.
MOKU-MILO-MAILO.
Keaupuni, Moanalua,
Namauu, Haimoeipo,
Kamaole, Pukalale,
Luhilea, Kapamoo,
Kimo Kaiwi, Kapalama.
MOKU-CONGRESS-KONOLISA.
kekuaihehia, Puunui,
Nakaneihele, Kaopuaua,
Kekoa, Kaopuaua,
Hale Liilii, Keoneula,
Kamaa, Lepekaholo,
Kalanihookahu, Kakaako,
Hakuole, Pauoa,
Keliilelepa, Kaopuaua,
Manakaeha, Pa o Pika Kaeo,
Kalulu, Halealii,
Kolona, Kaakopua,
Kaunu, Aala,
Kahumoku liilii, Kikihale,
Kemaha, Kaakopua,
Kapuniai, Kauluwela,
Kaihe, Kauanonoula.
MOKU-FAVORITE-FEWALAIKI.
David, Kapuukolo,
Maihui, Kapuukolo,
Kanoa, Kapuukolo,
Kahula, Kaopuaua,
Kaai, Kikihale,
Kaapa, Kapuukolo,
Kaneihalau, Kapauhi,
Mauaa, Kaakopua,
MOKU-MARTHA-MALEKA.
Kainaina, Kaopuaua,
Pika, Kaumakapili,
Manuhoa, Lepekaholo,
Ikaaka, Niupaipai,
Kalama, Apua,
Ii, Kapuukolo,
Keliaa, Kaopuaua,
Kalawaia, Apua,
Honu, Kikihale,
Kekipi, Apua,
Kilauea, Kapuukolo,
Pao, Moanalua,
Alapai, Koapuaua,
Kaawaloa, Kapalama,
Aiamanu, Apua,
Hoomana, Peleula,
Kapela, Apua,
Kapou, Honokaupu,
Kealonui, Apua,
Kalue, Lepekaholo,
William Thompson, Uilama Kamikana,
Kahunapau Keala,
Kahananui, Kaumakapili
Kaailaau, Kapuukolo,
Kumakauila, Kapuukolo,
Mahoe, Kapuukolo,
Kauhailama, Pukalale,
Kaumaka,
MOKU-NILE-NAILA.
Naihelua, Kepahoni,
Kuakolu, Kepahone,
Kanalu, Pauoa,
Kamaka, Peleula,
Hoaiki, Kapamoo,
Moeino, Kepahoni,
Kauhane, Kikihale,
Palakiko, Palolo,
Kaia, Paeaki,
Kaumealani, Kaumakapili,
Kalimahelehonua, Honokaupu,
Kanuha, Kikihale,
Pau, Kaopuaua,
Kekahea, Halealii,
Kalua, Kapalama,
MOKU-CATHERINE-KAKALINA.
Samuel, Kaopuaua,
Piko, Kaopuaua,
Kealoha, Niolopa,
Epela Waahia, Kawaiahao,
Simona Nuole, Kaakopua,
Poaeae, Niupaipai,
Keawe, Kapuukolo,
Haololio, Kapuukolo,
Kanuha, Kikihale,
Peniamina, Kapalama.
O keia mau inoa maluna, oia na luina moku kanaka Hawaii maluna, o na moku i haiia, i powaia e moku Shenandoah ma ka makahiki 1865.
O ka poe ua loaa na dala mamua iho nei, aole lakou e hele hou mai-a o na poe i loaa ole ke dala, e hele koke mai lakou ma ko'u keena ma Honolulu.
Ina ua make kekahi o keia poe, alaila, ona pilikoko a hooilina ke hele mai.
A.S. HARTWELL. Honolulu, Dek. 1, 1882. 1097 2t
Aha Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o PAIEIE w, o Koloa, Kauai, i make. Imua o ka Lunakanawai Kaapuni ma ke Keena.
Ma ka heluhelu a me ka waiho ana mai o ka palapala noi a me ka papa hoike o A.K. Mika, Lunahooponopono o ka Waiwai o PAIKIE e, no Koloa, i make, e noi ana e apono ia na hoolilo he $13.75, a e hoike ana o na mea i loaa mai iaia he $---, a e noi ana e nana a aponoia kela mau mea. a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia o ka POAONO, ka la 30 o DEKEMABA, M.H. 1882, ma ka hora umi o kakahiaka, imua o na Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi l, a me napapa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ka NUPEPA KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana. Kakauia ma Koloa, ko Hawaii Pae Aina, i keia la 18 o Novemaba, M.H. 1882. JACOB HARDY, Lunakanawai Kaapuni Apana 4.
HOOLAHA HOU.
Ma ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o KUPIHE k, no Hilo, Hawaii, i make.
Ua heluheluia a ua waihoia ka palapala noi a Kaainaawaho, e noi ana e hoonohoia o J.Kupihe i lunahooponopono no na waiwai o Kupihe k., no Puueo, Hilo, Hawaii. i make, a e hoomaopopoia na hooilina o ka mea i make.
Nolaila, ua kauohaia na mea puu i pili, o ka POALIMA, oia ka La 22 o DEKEMABA, M.H. 1882, ka hora 10 o kakahiaka, ma ka Hale Hookolokolo ma Hilo, oia ka manawai a me kahi i kohoia no ka hoolohe ana i ua noi la, me na mea kue ke hoikeia.
F.S. LYMAN, Lunakanawai Kaapuni. Hilo, Hawaii, Nov. 22, 1882. 1090 3t.
Ma ke Keena o ka Lunakanawai Kaapuni Apana Ekolu o ko Hawaii Paeaina. Ma ka waiwai o Kaie k., no Hilo, Hawaii, i make
Ua heluheluia a ua waihoia ka palapala noi a D. Kaawa k, e noi ana e hoonohoia oia i Lunahooponopono Waiwai no na waiwai o Kaie k, no Kuhua, Hilo, Hawaii, i make, a e hoonoho aku iaia i Kahu Malama no na hooilina oo ole.
Nolaila, ua kauohaia na mea a pau ke pili, o ka POALIMA, oia ka la 22 o DEKEMABA, 1882, ma ka hora 10 A.M., ma ka Hale Hookolokolo ma Hilo, oia ka manawa a me kahi i kohoia no ka hoolohe ana i ua noi la a me na mea kue ke hoikeia.
F.S.LYMAN, Lunakanawai Kaapuni. Hilo, Hawaii, Nov. 22, 1882. 1096 3t
Ma ke Keena o ke Lunakanawai Kaapuni Apana Ekolu o ko Hawai Paeaina. Ma ka waiwai o Pahukoa w., me Hoee w., no Hilo, Hawaii, i make.
Ua heluheluia a ua waihoia ka palapala noi D. Kaawa k, e noi ana e hoonoohoia oia i lunahooponopono no na waiwai o Pahukoa w, me hoee w, no Kahua, Hilo, Hawaii, i make.
Nolaila, ua kauohaia na me a a pau ke pili, o ka POALIMA, oia ka la 22 o DEKEMABA, 1882, ma ka hora 10 A.M. ma ka Hale Hookolokolo ma Hilo, oia ka manawa a me kahi i kohoia no ka hoolohe ana i ua noi la a me na mea kue ke hoikeia.
F.S. LYMAN, Lunakanawai Kaapuni. Hilo, Hawaii, Nov. 22, 1882. 1096 3t.
Aha Hookolokolo Kaapuni Apana Eha o ko Hawaii Pae Aina, ma ka hooponopono waiwai. Ma ka hana o ka waiwai o KUAANA k., o Koloa, Kauai, i make. Ma ke keena, imua o ka Lunakanawai Kaapuni, ma ke keena.
Ma ka heluhelu a me ka waiho ana mai o ka palapala noi a me ka papa hoike o A.K. Mika, Lunahooponopono o ka Waiwai o KUAANA, no Koloa, i make, e noi ana e aponoia no hoolilo he $15.00, a e hoike ana o na mea i loaa mai iaia he $___, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka POAONO, ka la 30 o DEKEMABA, M.H. 1882, ma ka hora 10 A.M., imua o ua lunakanawai la, ma ke keena ma ka Hale Hookolokolo, ma Koloa, oia kahi a me ka manwa i kohoia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai a e ho ke i ke kumu, ina he kumu io ko lakou, e ae oleia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 18 o Novemaba, M.H. 1882.
JACOB HARDY, Lunakanawai Kaapuni Apana Eha. 1096 3t
Aha Kiekie o ko Hawaii Pae Aina, ma ka hooponopono waiwai. Mokupuni o Oahu, ko Hawaii Pae Aina, ss. Ma ka waiwai o KAAUA CUMMINGS o Napoopoo, Hawaii, i make. Olelo kauoha e koho ana i la e hooiaio ai i ka Palapala Kauoha, a no ka hoolaha ana.
No ka mea, ma ka la 25 o Novemaba, M. H. 1882, ua waihoia mai imua o ka Aha, kekahi palapala i oleloia, oia no ke Kauoha Hope Loa o KAAUA CUMMINGS i make aku la; a me ka Palapala Hoopuu e noi ana e hooiaioia kela Palapala Kauoha a e hoopuka hoi ka Palapala Luna Hooko no L. Loka ua waihoia mai e L. Loka.
Nolaila, ua kauohaia o ka Poalima oia ka la 22 o Dekemaba, M.H. 1882, ma ka hora 10 A.M. ma ka Rumi Hookolokolo o ia Aha, ma Honolulu, oia ka la a me ka hora, e hooiaioia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ka nupepa KUOKOA, he he nupepa i paiia a i hoolahaia ma Honolulu.
Kakauia ma Honolulu, ko Hawaii Pae Aina, Novemaba 25, 1882.
A. FRANCIS JUDD, Lunakanawai o ka Aha Kiekie. Ikea: D.K. Fyfe, Hope Kakauolelo. 1096 3t
Aha Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o NAKAIEWALU k, o Koloa, Kauai, i make.
Ma ka heluhelu a me ka waiho ana mai o ka palapala noi a me ka papa hoike o A.K. Mika, Luna Hooko Kauoha o ka waiwai o NAKAIEWALU k, no Koloa, Kauai, i make. e noi ana e aponoia na hoolilo he $____, a e hoike ana o na mea i loaa mai iaia he $20.00, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka POAONO, ka la 30 o DEKEMABA, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ka NUPEPA KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 18 o Novemaba, M.H. 1882.
JACOB HARDY, Lunakanawai Kaapuni Apana 4. 1096 3t
Aha Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o KIEKIE k, o Koloa, Kauai, i make. Imua o ka Lunakanawai Kaapuni ma ke Keena.
Ma ka heluhelu a me ka waiho ana mai o ka palapala noi a me ka papa hoike o A.K. Mika, Lunahooponopono o ka waiwai o KEKELE k, no Koloa, i make, e noi ana e aponoia na hoolilo he $2.75, a e hoike ana o na mea i loaa mai iaia he $____, a e noi ana e nana a aponoia kela mau mea, a e kauohaia e mahele i na waiwai e waiho, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka POAONO, ka la 30 DEKEMABA, M.H. 1882, ma ka hora umi o kakahiaka, imua o ua Lunakanawai la, ma ke Keena Hookolokolo ma Koloa, oia kahi a me ka manawai i kohoia no ka hoolohe ana i ua noi la, a me na papa hoike i oeloia, a o ka pue a pau i pili malaila e hele mai a e hoike i ke kumu, ina he kumu io ko lakou, e ae ole ia ai na noi ia, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ka NUPEPA KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pai Aina, keia la 18 o Novemaba, M.H. 1882.
JACOB HARDY, Lunakanawai Kaapuni Apana 4 1096 3t
OLELO HOOLAHA.
Ke papa ia aku nei ka poe a pau e ki ana i na manu ma@ o na aina ma Kaneohe, Kailua, Kolaupoko, Mokupuni o Oahu. O ka poe e kue ana i keia, e hoopii ia no ma ke Kanawai.
M.ROSE, Luna o ka Hui Mahiko o Kaneohe. Nov.1, 1882. 1094 4t
NA HOOLAHA. NA WAIWAIHO@
Maluna mai o ka moku kalepa @ @ Mai Livapulu Mai.
E loaa no ma ka halekuai e Din@ Gonzalves. Helu 57 Aina Hotele. Na @ @ kela a me keia ano @ muhumuhu lima ia me ke maiau, a i kumuhu @ pal@ oleia i ka mikini ma MADEIRA. He pomaikai nui keia no ka lehulehu ke kipa mau ma ko. MAUA HALEKUA
O na waiwai i kinohinohiu @ @ ma ko maua halekuai, a hemea @ @ lohi akahele ia ko lakou @ @ Eia na inoa a kekahi @ @
Na Noho kul@, Na Kaula Wati Hul@, Na Rula o keia @, Na Rula o keia ano keia ano, Na Pepa Kakau, Na Pohi o na ano a pau, Na Pahu waiho @, O na @ , ia ma na@ @ @. He mau waiwai ekini, iho n okekahi i oi ae, ka mami a me ka, maikai i ko na mua, i hanaia e na Kapuni, Na Hainaku., No lako Hoonani @. Etc., Etc…
O keia mau waiwai ai ai, e kuai iae ke @ ai haahaa waipahe. Na Kui o na ano a @.
Diaz me Gonzalves, Helu 57 Aia@ @
C.B.MAKEE.
MAKEE & COURTENE, HANA POI! HANA POI! MA WAIHEE, MAUI
O na Paiai aweawe, , ono, a @ @ no ma ko maua hale hana Paiai ma @ ikeia maluna. O ka poe a pau ma@ @ puni e ake ana i mau Paiai, e hiki @ ke hoolako aku a lawa pono ka @ E laweia no na Paiai ma Maalaea @ keneta o ka paona.
He 60 aina Kalo a oi e mah@ @ . Eia ka wa kupono a e hoouna @ @ n kauhoa.
Na kauoha ma na leta e hooko @ @.
CALIFORNIA. FURNITURE CO.
O KEIA HUI A HALEKUAI. Na Lako Hoonani o na Hale!
I ike mua ia iho nei ma kona ka@ @ iho neima ke Alanui Papa, ma kai iho o ka Halekuai o na Mea Kani o Geo F. @ . Ua Hooneeia ai Nei a i na Helu 56 me 58 Alanui Moiwahine.
He Hookahi Ipuka ka mama@ @
A malaila e loaa ai na Lako Hale @. Eia iho ka inoa o ia au @ @
Na Moe maikai loa, Noho o na ano a puu, Noho koki, Paka@, Noho huleihia.A HE NUI AKU. EIA PU NO HOI ME MAK@ Na Uluna, Na Bela Moe, Na Kihei Moe, A me na Pale @.
A oiai na makou iho no e hana keia mau @ @ nolaila, e kuaiia aku ana meke Kumukuai Haahau Loa.
E.P. ADAMU
ANA AINA! ANA AINA!
Frank Pahia a me Sameule M. Kaau@
KEENA HANA -Aia ma Alanui @ ke loa i ka Uwapo o Hooliliama@ 1096 tf
Aha Hookolokolo Kaapuni apana @ Hawaii Pae Aina, Ma ka hoop@ wai. Ma ka hana o ka Waiwai @ @ k, o Kamoaloa, Kauai, imake. M@ @ena, imua o ka Lunakanwai @ @ keena.
Ma ka heluhelu a me ka waiho @ @ palapala noi a me ka papa hoike @ Mika, Lunahooponopono o ka @ WAI, no Kamoaloa, i make, @ @ aponoia na hoolilo he $15.75, a e @ na mea i loaa mai iaia he $____ @ @ e nana a aponoia kela mau mea, a e @ e mahele i na waiwai e waiho ana ma @ lima i na mea i kuleana malaila, a e @ ana iaia a me kona mau hope mai @ noho ana ma ia ano.
Ua kauohaia o ka POAONO, ka la @ DEKEMABA, M.H. 1882, ma ka hora 10 A.M.imua o ua Lunakanawai la, ma ke @ ka Hale Hookolokolo ma Ko@ me ka manawa i kohoia no ka @ ua noi la, a me ka papa hoike @ poe a pau i pili malaila e hele @ @ ke kumu, ina he kumu io ko L@ @ ai ua noi la , a malaila e hoike @ @ o na mea i kuleana maloko o ka @ ia. A o keia kauoha ma ka @ @ paiia maloko o ke KUOKOA he @ hoolahaia ma Honolulu, i ekolu @.
Kakauia ma Koloa, ko Hawaii Pae Aina, keia la 18 o Novemaba, M.H. 1882.
JACOB HARDY, Lunakanawai Kaapuni, Apana @ 1096 3t
MAKEMAKEIA.
Ua makemake ia ka poe mea IL! @ MALOO a me na ILI BIBI, a pela @ na ILI MIKO o na ano a pau, e kuai @ lakou mau ILI me makou, a e haawi @ kou i ke KUMUKUAI KIEKIE LOA @ kakou Makeke.
C.BREWER & CO. (Burua@)
Olelo Hoolaha.
No ka mea, ua haalele mai o Kap@ ia'u a me ka maua keiki uuku loa, @ hoike aku nei au ma ke akea, mai @ oukou iaia, o poho oukou, aole au e @ ana i kona mau aie, ke ole na'u i kauoha @ ma ko'u kakauinoa ana.
ALO (@), Lahaina, Nov. 3, 1882. 1094 @