Ka Nupepa Kuokoa, Volume XXII, Number 8, 24 February 1883 — KO KOHALA AKAU MAU HOONANEA. [ARTICLE]

KO KOHALA AKAU MAU HOONANEA.

E KA Nupepa Kuokoa e: Alohaoe\ A i na keiki hoonoho hua kepau ko'u Welina. No ka hale wiliko o NiuLii. Ua hoomaemae pono ia keia hale wiliko, ake hoomaka nei oia no ka wili ana ma ka I umikumamawalu ipuhao i ka la, aole pela mamua. No ka mea ua ano hou na paahana o keia hale, a he oi aku ka holo ma na hana mamua o na hale wili e ae o Kohala nei. Poakolu a me ka Prjaono,, oia na la o keia wahi e lau kanaka nui ai. No ka mea, ma ka Poakolu ahiahi oia ka wa a na kaaahi e hoi mai ai no Mahukona mai, me na ohua o ka mokuahi Likelike, me na nuhou o ke alo alii. O ke kakahiaka nui o ka Poaono, oia ka wa e laweia ai na ohua no ka hoio i Honolulu, oia hoi na kanaka e haiamu ana ma ka hale waiho ukana, ua like me na nalomeri. Huli ke kaaahi. Ma ka la 31 o lanuari ua huli iho la ke kaaahi Kapua aole nae he ola i poino, ua hoolele ia na ohua malaila, a ua hele lakou ma na lio o Akamu (hele wawae) a hiki ma ko lakou mau home, ma ka hora 12 o ka po ua hiki ma Niulii o Kinau oia ka lua o ke kaaahi, Akeahi ke kaa no na keia poino. I na o keia ulia poino i hana ia maluna 0 kekahi uapo, i na ua ike maka kakou i ka nui o na ola i poino, a me ke poho oka agena nona ia waiwai, he lohe pepeiao 1 na aina haole a ke ike maka nei kakou ma Hawaii nei. No ka ua. Ma keia mau la, ua haule nui mai na paka ua koikoi ma keia apana, a ua ike ia 'ku ka ulu maikai o na ko, mehe mea ala o keia ka makahiki i oi ae mamua o na wa kanu ko a j>au, a ke olioli nei na paahana no ka ohi ina hua ohaha o ka Honua. Ua oki au maanei. Owau no me ka haahaa. J. M. Kawelo. Niulii, Feb. 2, 1883.