Ka Nupepa Kuokoa, Volume XXII, Number 34, 25 August 1883 — HE OLELO KIKE NO NA HOKU. [ARTICLE]

HE OLELO KIKE NO NA HOKU.

Imoimo ka hoku, Hoku liilii imo mau. Heaha oe ? e hai mai, Hoku liilii maluna'e. Me ia no ka mele ana o Ala, a olelo, lilelile na hoku. Nani wale ! oi ka naui i na daimana o kuu mama. Nee mai e Ala, i kahea aku ai kona kaikunane o Keo, a na'u e hai aku i ke ano o na hoku, na mea inoino au e mele oli nei. He mau la na hoku, liilii no ma ka nana'ku uo ka loihi aku mai ia kakou aku. Pehea ka loihi ? O loaa ole ia oe. Mai nei aku anei a i kahi o Su ? Ilaila au, a holo, holo, a holo, a holo, a pau na laau, na puu, na mala, i ka holo mai ia'u aku. Aole lakou i holo, o oe e Ala ka i holo, manao paha oe he mea holo ka la? Ae, ike au, holo ka la, pii ae mai ka moana a iluna pono, a iho a komo iloko o ka moana. A wikiwiki e holo maloko o ka moana, a hoea mai ma ka hikina. Aole pela e Ala, aole holo ka la, ka honua ka mea holo, 68,000 mile ma ka hora hookahi. . Aole i komo ka la iloko o ka moana. Pulu loa ke komo. Pio hoi kona malamalama. O, e Keo, he mea hou ia ia'u, ma pela ka holo ana o ka honua, e wela auanei i ka la a pau kakou i ke ahi. Kuhihewa oe e Ala, aole kakou e holo poloiei ana i ka la, e poai ana kakou i ka la me 96,000,000 mile mawaena o kakou me ka la. Auwe ! A pehea na hoku e Keo? Ua kokoke paha lakou, aole loihi loa aku. Hookahi tausani miliona mile anei ? Koho hou, hookahi haneri tausani miliona anei ? oi aku, koho hou, pau ko'u koho ana, e Keo. Eia ka oiaio, e Ala, 20 Teriliona mile mai nei a hiki i ka hoku e kokoke mai ana, 20 Teriliona mile, ua oi aku anei ia i ko'u koho ana e Keo ? Ae, ua pa elua haneri ka oi. E helu, na kahi, na umi, na haneri, na tausani, na miliona, na biliona, na teriliona, na umi teriliona, kakau oe i ma na huahelu 20 teriliona, ma ka pa pa i ike au, 20,000,000.000,000. O ! makena wale na ole. Hookahi no hua io o 2, 13 hua ole 20 teriliona ka ia. E Ala, ina holo oe ma ke kaa 30 mile ma ka hora hookahi, ane pau ka ma kahiki ke hiki aku oe i ka mahina. Auwe ! paupauaho e au. Alia oe e auwe. Ina mau ka holo ana pela, pau na makahiki he 352 ke hiki aku i ka la. Auwe ! auwe ! make kahiko au.

Alia, alia a auwe hou ae oe. Ehia makahiki a hiki aku oe i ka hoku paa e kokoke mai anā'e' Ala ?• 10 tausani paha: oi aku, koho hou; 50 tausani paha. Hewu hou oe, koho hou;, pau kuu koho ana, nalowale. poniuniu au. E Ala, ke hai nei au. a eia ia 70 miliona makahiki. Auwe e e ! Pau kuu aho. Owai la ia hoku ? o Alapa Cenetauri, a o kona lua e kokoke mai ana 061 Cigeni. Ua holo ke kaa a hiki ilaila. ua pau na makahiki 200 miliona. Pilipu, ekemu ole 0 Ala a liuliu, alaila hawanawana oia, "e ko makou makua iioko o ka lahi. " Nani ka makua nana i hana i na hoku, a nana hoī i malama ia'u, aloha au i ke Akua, aloha hoi au i na hoku. A koi aku oia ia Keo e hai hou mai i kekahi mau n:ea 110 na hoku. A kuhikuhi Keo ia Ala ika hoku i kapaia hoku Paa, hoku Ak(iu. Auhea ia? Nui wale na hoku, ane loaa ia hoku Paa. Ae, lehulehu wale na hoku» he hapa na hoku i ike maka ia, lehule hu na hoku i ike maka olei.a Haohao loa oe ina nana'ku oe ma ka ohe nana hoku. Aia la 0 Venusa, (hoku Loa) nani wale ia holeu. E Ala, aia he hoku, he palaneta ia. Heaha ka palaneta ? He hoku no, he hoku hele nae, aole oia he la,-elike me na hoku paa. He honua ia, elike me ko kakou honua, a ke poai la ia i ka la elike me ka honua, ano ka Ia mai kona malamalama, auwe ! he honua ka 0 Venusa ! Kuhi au he hoku maoli ia, a pela anei ko kakou honua, he hoku hele ia ? Ae, ina he mau kanaka ma Veiiusa, a nana mai lakou i ko kakou honua, he hoku ia ia lakou. E Keo, pehea la e maopopo ai na hoku honua me na hoku maoli, na hoku paa ? Ma ka imoimo ana ona hoku maoh, a imoimo .ole nahoku honua. Auhea nae o hoku Paa e Ala ? Aia la, ua loaa ia ia'u, ae oia no. A eia ka mea kamahao, ina hoomaka oia e hoopuka mai i kona malamalama e hala ana na makahiki he 20 a hiki ia iko kakou honua nei. Noho ekemu ole 0 Ala a loihi, a ninau, e Keo, e aha ana oe e Ala kuu kaikuahine i E nana ana au i na hoku, na maka paha iakou 0 na Anela. Pela io no ko lakou nani. Alaila, hai paanaau pu laua ika Halelu 148. "E halelu aku oukou ia lehova, " a pela aku. e Hawaii.