Ka Nupepa Kuokoa, Volume XXII, Number 35, 1 September 1883 — ELUA ALA E HIKI AI. [ARTICLE]

ELUA ALA E HIKI AI.

Aia oe ma ka puuoa o ka luakini Elua ala e hil« ai oe ilalo, o ka lele a o ka iho malie ma na anūu. Elua ala e hiki ai ke kanaka ilalo i Oehena, o ke komo ana iloko me ke kaakaa ana o na maka, a iho malu ana ma na anuu, oia na hewa liilii. Hookahi hewa i hana e ia mamua. Ka wehe ana ia o ka puka no na hewa he nui wale mahope iho. Hookahi aihue ana. Makau iki oe mamua. Aihue hou, emi ka makau. Aihue hou, pau ka makau. Mahope iho lilo oe i kanaka aihue wale me ka hilahila ole, makau ole. Lilo ka aihue i mea ono, i mea i makemake ia, Hookahi kiaha rama i inu ia. Kanalua no oe mamua, pono paha e inu, pono oie paha. Inu no nae. Ke komo ana no ia o ke kakia. Ua wehe ia ka puka. Inu liilii oe mamua. Mahope, inu nui, a, aole liuliu, a ike ia oe e hele hikaka ana, a haule iho iloko o ka lua ona, e pili ana ia i ka lua o Oeliena. E \v\ ui. e makau i na hewa liilii, na anuu ia e iho ai oukou ilalo ika po. Mai paani me ke ahi. Mai hookipa i na hewa liilii. H.