Ka Nupepa Kuokoa, Volume XXIII, Number 9, 1 March 1884 — Kela me keia. [ARTICLE]

Kela me keia.

Ekolu pepehi kanaka iloko o ka mahina o Feberuari i hala, hookahi ma Waimea, Kauai, hookahi ma Hamakua i Hawaii, a hookahi ma Kohala. E

noonoo auanei ka poe noonoo, a ninau nohea mai keia mahuahua ana o na karaima iloke o keia mau makahiki ? No ka mea, ua akaka no ka ulu ana ona hihia hewa ma keia paeaina iloko o na makahiki elima i hala ae nei, ua maopopo keia ma na moolelo 0 na aha hookolokolo oke aupuni. Ke noi nei keia pepa i kona poe heluhelu e nana i keia mau mea, a e imi no lakou iho i ka haina oka ninau maluna ae. He mea ole na oihana makai a me na aha hookookoiokolo, a he mea liilii wale no hoi na hoopai koikoi maluna o na lawehala, ke ole e loaa na manao maikai ikaika e kaana like ana iwaena o ka lehulehu mai kela a hiki i keia pea oka aina, e kokua ana mamuli o ka hoopono a me malama kanawai. Oka hooikaika ana e hooulu ia mau manao, oia ka keia pepa e hapai nei, a ke noi nei oia i kona poe heluhelu e kokua pu ma ia mea hookahi; no ka mea, oia ko Hawaii pomaikai nui.

Mamuli o ka loohia ana o ke kahu o ka ekalesia ma Wailuku, Maui, i ka mai, ua ili mai ke kaumaha ano koikoi maluna o ia ekalesia. Ua loheia mai he ake nui ko ka ekalesia e imi i kahu hou no lakou, aole nae i kaawale ke alanui oiai aole i waiho aku ke kahu i kana oihana; aua loheia no hoi ua hoole oia, aole e hookuu aku i ka ekalesia. Ina pela, he mea hookaumaha paha ia i ke kihaipai o Wailuku, no ka mea ua hooneleia lakou i ke kahu nana e lawelawe na hana mamuli o ka mai o Keaweamahi, a ke paniia nei no hoi ka puka e imi ai lakou 1 kahu hou. O ka manao o keia pepa oia keia, he mea pono i ke kahu e noi aku i ka ekalesia e hookuu ae īaia mai ka noho kahu ana mamuli o na kumu kupono i ike maopopoia, a e kaawale ia kihapai no ka imi ana i kahu hou. A ina e ola ka mai o Keaweamahi, ua akea no ke alanui e loaa ona kihapai hou.

Aole i manao keia pepa e hoahewa aku Ina hana a Kapena Tela ma ka hoomarc ana i na makai a me ke alakai ana ia lakou i ka luakini, i kamailioia iloko o na manao i panaiia mahope o ka manao a Kahikina Kelekona i boo]>ukaia maloko o keia mau kolamu i kela mau pule aku nei. Aole loa pela; aka ua mahalo keia pepa ia mau hana a Capt. Tell; ina pela na kapena makai a ]>au e hana ai ma keia mau moku, a me na luna e ae no hoi, pomaikai ka lahui ma ia mau alakai ana. Ua hoohanohano o Capt. Tell i kana oihana, a ua hooiaio mai i kona makee no ke kulana maemae o ka oihana makal Aka, oka manao o keia pepa ma kela kamailio ana, a he manao oluolu no hoi, oia keia, e hooi aku ka oihana makai i kona makaala a me kona akamai raa ke kinai ana i na karaima e ulu nei maluna o ka aina i keia wa, a e hoakamai ma ka imi ana i na hihia karaima ]>ohihihi e waiho wale nei no ka lo aa ole ona hooiaio maopopo e hiki ai ke hoopiiia. No kahi poe makai o keia kulanakauhale aohe wahi hoohalahala iki a keia pe]>a, ua hana pono a pololei me ka makaukau a pau i loaa ia lakou. Hoo-1 kahi wale manao no lakou, he poe kauwa hoomanawanui a hana pono. He pono ke hoomauia, a e hoolawa ponoia ka uku oka paahana. Aka, aole hiki ke haawiia keia mau mahalo ana i kekahi ]we i ikeia. Malia paha o ike lakou ia lakou iho a honponopono hou.