Ka Nupepa Kuokoa, Volume XXIII, Number 10, 8 March 1884 — Page 4
| This text was transcribed by: | Kathleen Kaleimomi Ballesteros |
| This work is dedicated to: | ko'u makuakane, 'o Patrick Thomas Guild Sullivan |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki………$2.00
No Eono Mahina………1.00.
KUIKE KA RULA
Poaono………..Maraki. 8. 1884.
ME E KE ALOHA.
(It passeth knowledge.)
Gospel Hymn No. 73.
1
Me e ke aloha @, e Iesu e!
Ke aloha nui nani e ola ʽ i,
A@ me hiki ke ikea ʽ e
Ke kiekie a hohonu e.
Aloha e!
2
Ho mai i olelo e hai ai au
I kou aloha lai mai o a o,
I lohe no na lawehala a pau
He aloha no nei e ola ʽ i lakou Aloha e!
3
Ho mai i leo @u e mele ai
Ia aloha nui ou mai luna mai,
I ko mai ia ʽ u a kai aloha no
I ou a i loaa ke Ola mau.
Aloha e!
4
Aloha lani a kupanaha e!
Aole hiki ia ʽ u ke hai piha ʽ e.
Ke kumu paa ia o kou mele mau
Ke aloha e ola ʽ i ko keia ao.
Aloha e!
HAWAII.
Haawina Kula Sabati.
Helu 12, Sabati, Mar. 23.
Kumuhana. Ka hana mau ana, Pauku
Baibela, 2 Tes. 3: 1-18.
No na mea i koe, e pule oukou i na hoahanau. no makou, i hololea ai ka olelo a ka Haku a i ka Haku. a i hoonani i@i hoi, elike me ia iwaena o oukou.
2 A i hoopakeleia ʽ e ai hoi makou i ka @a haihaia a me ka hana hewa : no ka mea, aole pau na kanaka i ka mana oio.
3 Aka, he oiaio ka Haku, nana oukou e hookupaa mai, a e hoopakele hoi i ka mea hewa.
4 He manao ko makou iloko o ka Haku ia oukou, e, ke hana mai nei no oukou, a e hana no i na mea a makou e kauoha aku nei ia oukou.
5 Na ka Haku hoi e alakai i ko oukou naau iloko o ke aloha o ke Akua, a me ke ahonui o Kristo.
6 Ke kauoha aku nei hoi makou ia oukou, e na hoahanau, ma ka inoa o ko kakou Haku, o Iesu Kristo, e hookaawale ia oukou iho, mai kela hoahanau a me keia hoahanau e hele hokai ana, aole mamuli o ka haawina i kauohaia @ku ai e makou.
7 Ua ike no hoi oukou, e pono oukou e hoohalike me mkou: no ka mea, aole makou i hele hokai iwaena o oukou.
8 Aole hoi makou i ai i ka berena a kekahi me ka uku ole aku: aka, ua hooikaika no makou ma ka hana, a me ka luhi i ka po a me ke ao, i ole ai makou e lilo i mea e luhi ai kekahi o oukou.
9 Aole no ka pono ole ia makou, aka, no ka hoolilo ana ia makou iho i kumu hoohalike, i hahai mai ai oukou mamuli o makou.
10 No ka mea hoi, ia makou i noho ai me oukou , ua olelo aku makou ia oukou peneia : Ina aole e hana kekahi, a @e hoi ia e pono ke ai.
11 Ua lohe hoi makou, e, aia hoi iwaena o oukou kekahi poe e hele hokai ana, aole e hana maoli ana, aka, he poe hana lapuwale.
12 A oia poe, o ka makou ia e kauoha aku nei me ka hooikaika aku, ma ko kakou Haku ma o Iesu Kristo la, e hana maoli lakou me ka noho malie, a e ai hoi i ka lakou ai ponoi iho.
13 O oukou hoi, e na hoahanau, mai hoonawaliwali i ka hana pono ana.
14 A ma hoolohe ole mai kekahi i ka makou olelo ma keia episetole, e hoailona oukou iaia, aole hoi e hoolauna pu me ia, i hilahila ia.
15 Mai kapa hoi oukou iaia he enemi : aka e ao aku iaia me he hoahanau la.
16 Na ka Haku nona ka malu e hoomalu mau mai ia oukou, i na mea a pau. O ka Haku pu kekahi me oukou a pau loa.
17 O ke aloha o ʽ u o Paulo na ko ʽ u @ma no ia, oia ka hoailona i na episetole a pau : pela wau e palapala aku nei.
18 A ia oukou a pau ke aloha o ko kakou Haku o Iesu Kristo. Amene.
Pauku Gula. P. 13.
Manao nui. Mai hoopalaleha kakou i ka hana maikai.
Na anuu la. 1 Hoopaanaau 2 Tes. 3: 10. 2 hoopaa p. 11. 3 hoopaa 1 Tes. 4: 11. 4 hoopaa Rom. 12: 11. 5 hoopaa i ka pauku Gula. 6 hoopaa Iak. 5: 8, 7 hoopaa 2 Pet. 1 : 5 – 7.
Mele. “Hana no Iesu,” Hoku Ao Nani, p. 71.
Pule i mau ka hana no Jesu
KA WEHEWEHE ME KA NINAU ANA
Na m@au mua. Ehia leta a Paulo i ko Tesatonike? I ka manawa hea i kakau ai oia i ka leta elua? Mahope koke iho paha o ka leta mua. Owai ko Tesatonike poe? No ke aha keia leta elua a Paulo ia lakou? @ E hoopaa i ko lakou kuhihewa no ka hiki ana mai o ka Haku. Kuhi lakou e hiki koke mai ana oia: hoole Pualo, aole: he mau mea e mamua. Pela kekahi poe i keia @a. Kuhi lakou e hiki koke mai ana Iesu i ka honua nei e kukulu i kona noho alii ma Ierusalema. Aole paha pela. Aole no keia ao ko Iesu aupuni. He aupuni uhane kona.
NA MAHELE
I Kekahi mau olelo ao a Paulo. P. 1-6.
1 No na mea i koe, na mea i hai ole ia. E pule lakou nowai? I aha ka olelo? I holo, a i hoonaniia. A i hoopakeleia Paulo ma ia wai? Na haihaia, oia na hoomaloka me ka poe hana ino. No ka mea, aole i aha kekahi poe? Pela na kahunapule me na misionari i keia manawa. Ke nonoi nei lakou i na ekalesia e pule o lakou i hoio ka lakou hana, i hoopauia na mea keakea, na mea hoomaau, i hulu nui kapoe hewa, i hoonaniia ka olelo a ke Akua ma kona mana e huli ai ka poe hewa a nui.
Nui na hoomaloka. E mau ka pule no lakou.
3 Nawai oukou e hookupaa a e hoopakele? Io. 17: 15, 2 Pet. 2: o.
4 Heaha iloko o ko Paulo manao?
5 Na ka haku e aha i ko oukou manao? 1 Tes. 1; 3.
6 Heaha ke kauoha a Pualo ma keia pauku? Nana hoi Rom. 16; 17, 1 Tim. @: 5, 2 Io. 10. Ke hana nei anei oukou na hoahanau kupaa me keia i ka poe lalau?
11 Ke kumu hoohalike. P. 7-10.
7 8. E hoohalike me wai? Aole Paulo ma i aha? Ma ke aha e loaa ai ka ai? Heaha kana oihana? Oih. 18; 3. 20; 34, 2 Kor. 11; 9, 1 Tes. 2; 9.
9 10. Aole no ke aha ka hana ana pela No ke aha la? Heaha ka Paulo olelo ke hana ole kakou? 1 Tes. 4; 14. Pela anei kekahi poe kanaka Hawaii?
III Ka poe hele hokae, &c. P.
11-18.
11 12. Heaha ka Paulo i lohe ai no kekahi poe? Heaha kana kauoha no lakou?
13. Heaha ka @ papaia? Gal. 6; 9.
14 – 15. Pehea e hana aku ai i ka poe hoolohe ole i ka Paulo episetole? Nana hoi Mat. 18; 17, 1 Kor. 5; 9-11. Ea aha ana nae ia lakou? 1 Tes. 5; 14 Tit. 3; 10.
16 – 18 Hai like mai i keia mau pauku.
E ala a hooko i keia mau olelo ao.
Mele. “Pule au,” Hoku Ao Nani, p. 79.
Pule i mau ka pule me ka hana.
OWAU A ME IA;
A I OLE.
OIA NO ANEI?
HE MOOLELO KAMAHAO!
Huinai ae la o Adelaide ihope i ko Salatela manawa i puka aku ai iwaho a haalele mai la ia maua, me ka haikea a ano e o kona helehelena; a owau hoi, ku iho la au ma kona aoao, a na ka pahulu mamua pono o maua i huna ae ia maua mai na maka mai o ka lehulehu.
“Ua ike anei oie i ke ano o kela kanaka?” wahi a’u i ninau aku ai ia Adelaide, no ka mea, ua hoopiha loa ia au i ka huhu, a na ia mea i pale aku na manao aloha mailoko aku o’u.
Ea ae la ko Adelaide mau maka iluna a nana mai la ia’u me ka luuluu a me na waimaka e helelei mai ana, a pane mai la: “Oia kekahi kanaka i hookaumaha nui loa ia.” Hoomanao koke ae la au i kana mau mea i olelo mai ai ia’u he mahina i hala aku, ua kohoia oiai mea hoola ia Salatela.
“Ua haawi aku oe i ka manaolana iaia no kona hopena i keia po,” wahi a’u. “Aole anei oe i ike oia no ka Iudaio Auwana?”
“E Roiala, kuu kaikunane,” wahi ana. He noi no ke aloha, mai iaia mai, no Salatela: a he wahi kaikunane wale iho @ no ka wau. Ua phia au i ka huhu, a ua hooi ia aku ko’u okalakala mamua o na mea kupono.
“E hoike ia na oia e a’u,” wahi a’u. “E kukala ia ana oia e a’u imua o ke ao holookoa: E hoolaha ia ana oia e a’u iloko o na nupepa a pau ma keia aina! Ua kumakaia ia oia!”
Ina paha he wahine e ae a aole o Adelaide ka’u i kamailio aku ai, ina paha ua henehene ia au, ina la paha ua mea ia mai au e imi i kumu hooiaio no kela olelo ana aku la a’u, a kapa ia mai paha au he pupule. Aka, aole pela. O kona mau noonoo a pau aia wale no ia maluna o Salatela, ka mea hoehe eha ia ana ma kahi malu mailoko mai o na hoao ia ana e hoomaikeike i kona ano, a ku ae la oia iluna a nana moakaka mai la ia’u, me ka pane mauleule ana mai: “E noho malie oe, ua aloha au iaia a e aloha aku ana hoi au iaia a hiki i kuu make ana!” a hina iho la oia iluna o ka papa hele a maule aku la.
Mahope iho o ko Adelaide pohala hou ana ae, a mamua ae hoi o kona hoomaopopo hou ana mai ia’u, waiho aku la au iaia me kona makuakane a me kekahi mau lede aikane, a haalele aku la au i ka hale keaka. Ia’u i oili aku ai i waho a pa mai la ka makani huihui maluna o kuu lae, wehe loa ae la au i kuu papale no ka hooluolu loa ana, a ia’u i hana ai pela, lohe aku la au i kuu inoa e puana ia ae ana, a ia’u i huli ae ai ike aku la au i kuu hoalauna aloha a aikane elemakule hoi, ke Count D’Everina, e ku hookahi ana malalo o ke alapii e kali ana i kona kaa. No ko’u piha loa i ka pio-o ua hikilele ole ae la au i ko’u ike ana aku iaia, oia he mea maa mau ole iaia ka haalele ana i kana mau buke a me kona rumi, a haawi aku la au iaia i ko’u lima. Hilinai kaumaha mai la oia maluna o’u ia maua e ku ana malaila, a hoomaopopo iho la au mahope, oiai aole au i ike iho iloko o keia manawa, ua nawaliwali loa oia mamua o kuu halawai mua ana aku me ia mamua aku.
“E kuu aikane opio,” wahi ana, “na keia po i ulaa mai i na mea huna o ko’u mau la o ke ola ana, ua kape ae la au i ko’u mau manao puni ole, a e kulou aku ana au imua o na luahine a pau e hoomaka’uka’u ana i na keiki liilii mamuli o ka lakou mau hoomanamana akua ana, no ka mea, ua ike aku nei au he akua!”
“A,” wahi a’u, me ka maopopo koke ana iho la ia’u, no ka mea, ua hoomanao koke ae la au i ka moolelo ana i hahai mai ai ia’u a me Tairela, “o Salatusa?”
“O Salatusa maoli no-ua ike anei oe iaia?” wahi ana.
“Ae, oia no o Iosepa Salatela,” wahi au.
“He akua paha, aole paha, aka, o ka mea e kapaia nei o Salatela i keia wa, oai no o Salatusa a’u i ike ai he kanalima makahiki i hala ae nei,” wahi ana.
“E kala mai ia’u, wahi a’u, “he kumu nui ko’u mea e ninau nei, ua kamailio aku nei anei oe iaia? a i ole, ua hoomanao anei oia, a i ole paha, ua ike hou mai nei anei oia ia oe?”
“E hahai aku no au ia oe,” wahi ana. “Hoolohe, a noai o huai ia e kaua keia mea huna nana e hoopahaohao nei ia’u. A, he kahiko au! Aole e hiki ia’u ke noonoo moakaka e like me mamua. Aka, i hele mai nei au i keia poe hoolohe ia Manfred, no ka mea, he moolelo keia nana e hoomanao mau mai ana ia’u no keia Salatusa. Ua hele mai ne au, ua lohe, a ua hoohialaai; ua opipio hou ae la au; o ko’u koko, ua hakuhaku, aka, i kuu lohe hou ana, ua hoholo ae la ia iloko o ko’u mau aa; ike hou aku la au i na hihio o ke au i hala; nalohia aku la ka hale keaka mai o’u aku; ike aku la au ia Napoliona, na kia hoomanao, a me Salatusa, a o Salatusa ka hapa nui; iloko o na hanehane o ka walohia lohe aku la la au ai kona leo; ka mea hookahai mawaena o na kuahiwi Alepe aole o Manfred, aole no hoi o Bairona; aohe poe Alepe mamua o’u; o ka’u mea wale no i ike aku ai oia no ke one o ka waoakua, a he kanaka kukahi e alaki ana i na uhane o kanaka. A mahohpe, ua nalohia aku la, ua pau ka heluhelu ia ana, a ua pau kuu moeuhane ana. A hoi hou ae la au a kanahiku makahiki. Houlolohi aku la au mahope e nana ai mao a maanei, a hoomaopopo iho la au he malihini au iwaena o keia au kanaka hou, a hoelemakule loa ia iho la ua. A no ia me, puka mai nei au. Ia’u i puka mai nei iwaho ike aku la au i kekahi mea e hele mai ana mamua o’u me na keehina lohi a hiehie, a e kulou ana ke poo ilalo me he la he noonoo nui kai liko ona. Ku iho la au me ka hikilele a me ke pahaohao. Ua manao iho la au eia no wau ke moeuhane nei. He haneri o na manawa a’u i ike ai i kela kino hiehie hookahi e holoholo ana mamua o kona hale pea malao o ke konane a ka mahina ma ka Hikina. Iaia i kokoke loa mai ai ia’u puana ae la au i ka inoa, ‘Salatusa.’ Ku iki iho la ia i ka lohe ana i ua inoa nei, kaikai ae la i kona mau maka luuluu, a’u i ike a hoomaopopo pono ai, a pahola mai la maluna o’u me na hoailona ole o ka ike a hoomaopopo ana mai a hoomau aku la oia i ka hele malie ana. Iloko o ia manawa, ua ano hoka iho la ua, aka, hoomanao hou ae la au i ko’u lauoho keokeo, ko’u ili i hoalualuia, a me na hiona ole maluna o’u o ke keiki opio ana i ike mua ai; a hahai aku la au mahope a ku mamua ona, me ka hilinai ana maluna o kuu kookoo. Ike mai la oia ia’u, me kona hoao ana e hoohala mai ia’u, aka, ku iho la oia makuu kau ana aku i kuu lima maluna o kona. ‘E Salatusa,’ wahi au’u ma ka olelo Farani, ‘owau no o D’Everina, ka me ai hele pu me oe i Aigupita; e kuu kiekie, ke olioli ne au no ke aloha hou ana aku ia oe.’
Iloko o na nanaina puanuanu ana i@ pahola mai ai maluna o’a aohe hoailona o ke kahaha, a aohe no hoi no ka hoomanao ana. Wehe ae la oia i kona papale no ke aloha ana mai, i ko’u elemakule ana, a pane mai la ma ka olelo haole: “O Salatela ko’u inoa, a kunou mai la oia me ka hikiwawe. @ haalele mai la ia’u e nalu wale ana no iloko o’u. OIa no kela. Aole e hiki i kekahi mau kanaka elua iloko o ke keneturia hookahi ke like loa na ano, a ke hoopahaohao like hoi. A pehea iho la hoi ka Manawa i waiho malie ai iaia me ke kahinu ole ia, a hoohalike mai la ia’u me he mea poina la? Aole paha he mea hiki ke helelei nei ko’u mau noonoo, no ka mea, ua maopopo loa ko’u mau hoomanao ana no na mea e ae a pau.” (Aole i pau.)
KA MOOLELO O
Kihapiilani,
KA MEA NANA KIPAPA KANAHELE
O OOPULOA, A ME KE ALA PUPU
I MOLOKAI.
[KAKAUIA NO KE KUOKOA.]
HELU 9.
I ke alii i noho ai ma kahi mamao mai, aia hoi, ninau aku la oia i kona kamaaina i hele pu aku ai. He mau waaa aha keia a na kanaka e liuliu mai nei? Hai mai ke kamaaina, he mau waa hoi paha e holo ana i ka wanaao iho o keia po i Hana, i ka nana i ka heenalu a ke kaikamahine a Hoolaemakua o Koleamoku ka mea nona ka nalu o Puhele a me ka wai o Kumaka, a noa hoi i ua kaikamahine la i ka la apoppo, alaila hee iho na makaainana mahope, a o ka noa no hoi ia o ua nalu la.
A he la nui ka la apopo, e pau mai ana na kanaka o Koolau a pela no hoi me Kaupo ae nei.
I ka lohe ana o ke alii i keia mau olelo a ke kamaaina, olelo hou aku la oia, makemake ino ka ike ana i ka la nui o ke kaikamahine a Hoolaemakua, pane hou mai ke kamaaina.
Ina no hoi paha he manao e hele i Hana, hele no hoi, eia hoi paha na waa ia’u, he mau waa kaulua, aole e piha ia kakou. Elua wale no hoi olua, ae aku ia o Kihapiilani i keia mau olelo a ke kamaaina, a nahea iho la ke alii ma ia wahi, a hiki i ka hoi ana i ka hale, (ma keia wahi o ka moolelo e ku iki iho e ka mea heluhelu no ke alii Kihapiilani, a e kamailio pokole kakou no ke kanaka e kamailio pu nei me ia ke kane hoi, a ka wahine nana i hookipa ia laua i ke awakea o ia la ma Kipahulu.) O ua kanaka la e olelo pu nei me ke alii, oia no ke kahuna i kuhikuhi ia mai ai e ke kahuna o Kaupo, aia nae i keia la, aole he mau ou@ a me na kahoaka o ka ike i ka oiha na kahuna i loaa iaia i kela la no ke’lii Kihapiilani e kamailio pu nei me ia.
Elike pu hoi me na ike a na kahuna ekolu i kaa hope ae nei, aole no i ike iki ua kahuna nei ia la a po, a hiki wale no i ke kau ana o Kihapiilani me kana wahine maluna o na waa, a i ka holo ana a hiki mawaho o kuaau o ka nalu o Puhele ma Hamoa i Hana, akahi no a loaa ka ike i ua kahuna la no ke alii.
Nolaila e hele kakou imua. I ka pau ana o na olelo a@ua kahuna ike ole nei me ke alii, a nanea wale iho la no hoi no ia manawa a hiki i ke ahiahi, ua hoi aku la lakou nei no ka hale, a pau ka paina na o ka haule aku la no ia o na kamaaina moe, a o ke alii hoi me kana wahine, ala aku la no laua nei e kamailio liilii ai, no ka maopopo ole ia laua o ke kahuna o Kipahulu, pela wale no laua i hiaa ai a hiki wale i ko laua moe ana. I ke kani ana o ka moa mua ua ala mua ae la ke kamaaina a ho-a i ke kuikui a hoala aku la i na malihini a me ka poe e holo pu ana maluna o na waa ia po, ala ae la ke alii me kana wahine, a pane mai la ke kamaaina, e ai kakou a maona, alaila holo aku kakou, ae wahi a ke alii a pau ka paina ana, o ka makaukau no ia a ke awa, kahi o na woa e kau nei, a pau na lawelawe ana, kii hou aku la ua kamaaina nei i ka papa heenalu ana i kalai ai he olo kekahi inoa, oia hoi no papa heenalu nui, ua hana oia i keia papa olo a hoohiki a na ke alii Kihapiilani e hee ua olo nei, oiai, ua lohe oia he alii akamai o Kihapiilani i ke heenalu elike me ka mea i hoikeia ma na helu mua ka mea hoi nana i ulele iho kanala o Ua ma Lahaina.
Ua hanaia keia Oloa maikai, a paa i ka paele ia, he elima anana ka loa, aole no i upuupu iho, ua lawe ia ma i la ua Olo nei a kau ia iho la maluna o na Olokea o na waa kaulua, me ka hoopaaia i ke kaula he Kakolea , eia ke ano o keia hauhoa ana a ka poe kahiko. Ina e hoopaaia kahi mea i makemakeia, - a manao ia e huki, alaila e hemo ana ka mea i hoopaaia. Pela no ke ano o ka hoopaa ia ana o ua Olo nei.
I ka makaukau ana o na poe a pau e kau ana maluna o na @ pane@ ke kai aole no hoi o keia mau waa @ wale no k@ e holo ana no Hamoa, @a nu@ wale na auwaa e holo ana e makaikai i ka la nui o ko kaikamahine @ Hoolaemakua.
I ka puka ana o ka Hoku hookele waa a he hoku kau Opae kek@hi in@ oia ka hoomaka ana o na waa me na kanaka e haalele ia Kipahulu, ua like ia ka nui o na waa ma ka wan@ o keia po e holo nei no Hana “ana ua lani haahaa” kahi hoi nona keia mau hoomanao ana’e i na haku mele a ka poe i hala aku nei.
“A Hana i Kualanakila
Ka makani ua lau awa
Ke honi la i ka lau o ka hala
Me he moa-lawakea la
Ka ua i ke kai
Ka ulu-pa i ke kai o
Nanualele,
Hanua-e-a i ka uka o na
Honokalani.”
Ke iki nei oe e ka mea heluhelu, ua kau aku la ke alii nona keia moolelo me kana wahine maluna o na waa kaulua, aia oia ke huli nei i kona mau nanaina iuka o ka aina, aole no hoi o kana mai o na waa e holo nei ia wanaao, ua lohe ia na leo o na kanaka e walaau ana mamua a mahope, ai a lakou e holo ana a hiki ma ka lae o Pa-a ma Maola kahi e ku nein a hale o ka Moi Kalakaua, o ka malamalama loam ai la no ia Kahi hoi o ka limu make e ulu nei a hiki i keia wa, a hala ua lae la mahope, ua hiki aku la lakou nei ma Kawaloa a kupono na waa mawaho o Pukuilua a me Kapohue, ua puka ae la ka ia i ka ili o ke kai, aia mamua iho o keia mau aina o Puuiki, kahi e ku nei o ka hale pule Katorika. O keia ka aina e lilo ai na kanaka o Hana he poe aloo wale no, he aina ae ku keia no ko laila poe kamaaina i ka wa mamua. I na waa i hiki pono aku ai mawaho o Waio’aonu a me Makaalae, ua ike ponoia na hiona o Hana. I keia wa i ninau ae ai o Kihapiilani i ka poe nona na waa a laua e kau nei.
Aia ihea ka nalu o Puhele a kakou e holo nei? Hai mai la ke kamaaina, aia i kela wahi moku e ku mai la la iloko o ke kai a mahope mai, kahi o ke kuaau e hai la ka nalu, oia ka nalu o Pahele, a i ka hiki pono ana o na waa mawaho o ka nalu o Puhele, ua olelo aku la ke’lii i ka haku mea waa. He pono no e hekau ko kakou mau waa i kai nei, ua ae mai ka mea nona na waa, ma keia manao o ke’lii, ua hoopouka ae la kekahi mau kanaka i ka laua olelo, kainoa he pae ko kakou mau waa i uka, i ike pono ia mai ka heenalu ana a ke kaikamahine a Hoolaemakua i ka nalu o Puhele. (Aole i pau.)
He Kaao Geremania.
I ka wa i hana ai ke Akua i ke ao nei, a nana a ike ua maikai na mea a pau, hoouna oia i na holoholona a pau i o Adamu la i haawi oia i inoa i kela a me keia. Waiho nae oia i na pua a pau ma kona alo iho a hele oia i kela a i keia pua a haawi aku i inoa kupono nona, i ike kela a me keia i kona inoa iho.
Hookahi nae pua liilii, no ka lilo ana o kona maka uliuli i ka nana @ku i ke Akua me ka mahalo nui i ka maikai o kona helehelena, hoopoina ia iaia iho, a nolowale kona inoa. Hilahila oia, a kulou kona poo pua nani, a olelo: E kuu Haku makamae, mai huhu mai oe ia’u. No kuu lilo ana i ka nana aku ia oe, hoopoina au i na mea a pau; hoopoina i ka inoa au i haawi mai ai no’u. E oluolu e hai hou mai ia inoa, alaila, aole au e hoopoina hou. Nana oluolu mai ke Akua i ka pua liilii ma kona wawae, a pane: Aole au i huhu ia oe, o kou hoopoina ana ia oe iho, aole ia he hewa, eia wale no, “Mai hoopoina mai ia‘u.” Ka nalo no ia o ke Akua i kana hana nui, aka, o ua pua liilii nei, nani kona olioli a ua mau no kona olioli a hiki i keia la.
E na keiki, he mau pua oukou ma ka mala o ke Akua. Owai ka inoa a ke Akua i haawai mai ai no oukou? U a hoopoina anei ia? Ina pela, e kukuli iho ma kona wawae i haawi mai ai oia i inoa oi aku i na inoa a pua, ka inoa o ko oukou Hoola Iesu.
E huna ia oukou iho iloko o Iesu Kristo. E hoopoina ia oukou iho, a e paanaau keia. “Mai hoopoina ia’u.”
UNUHIIA E HAWAII.
He keaka lio a keaka iho i ka po Poalua o keia pule ae.
Ke hoomaopopo loaia mai nei i keia mau la na hoolala ana o ka hoakea ana i ke alanui Kalepa.
E halawai ana ka Ahahui Euanelio o Hawaii Hikina ke hiki aku ma ka la 25 o Maraki, Poalua hope 1884. No laila, e eleu mai e na lala a pau me ka makaukau, a me na elele.
J.S. KALANA.
Na kekahi makamaka o makou o Hilo i hoike mai i keia malalo iho: Ma ke ahiahi Poakolu la 28 o Feberuari, hora 5 ahiahia, ua pepe iho la na wawae elua o kekahi haole luna o ka ma hiko o Paukaa i ka nau wiliko; ke waiho nei oia ma kona wahi moe, e ola ana paha aole paha.
NA HOOLAHA KUMAU.
KA HALEKUAI EMI O KE KULA
MAKAUHALE NEI
Chas. J. Fishel.
He lono hauoli i ke Akea.
Ua loaa ma@ nei @ keia mau la koke i o @ he @ p@ lole @me @a ke kuka, lole wawae, puliki, a e kuaiia aku ana no
5.00 Dala
Wale no o ka Paa hookahi. Heaha la ia!
KUAI HOEMI HOPE LOA!
UA KUAIIA MAU WAIWAI MA NA HALEKUAI NUNUI KA HIKINA NO KE KUMUKUAI
HE $1000.
Ka Halekuai emi hookahi o ke Kulanakauhale nei.
16 I-a Kalakoa no 1.00 wale no!
HE MAU ANA KALAKOA MAIKAI A PAA KEIA,
AOLE HE HEHEE A MAE HE OIA MAU.
2400 papale lede,
E KU AHA AKU ANA NO KE KUMUKUAI HAAHAA LOA, I KE@ LOAA AI HE K@WA KUPONO NO NA WAIWAI H@ IA AKU NEI A HOEA MAI MA NA MOKU A KU MAI I KEIA MAU LA KOKE IHO.
E kipa mai e na makamaka a e hooiaio no oukou iho, he emi ka makou mau mea kuai. CHAS. J. FISHEL. Kihi o Alanui Papu me Hotele me ke kihi o Alanui Nuuanu me [Hae ulaula] Kalena. [Hae ulaula.]
NU HOU! NU HOU!
Na Waiwai Hou Loa!
NA PAIKINI O KEIA AU.
E Loaa no ma ka h@ Halekuai o
DILLINGHAMA MA,
Ma Alanui Papa.
Oia na waiwai malalo iho nei:
Na Palau, Kaa Huilopalala, Kupala,
Piki, Oo, Koi, Koilipi, Na Hama-
re Kamana o na ano a pau,
Na mea Hana a na Ka-
mana, Poe Hamo
Puna, na Am-
ara a me
na mea
hana o ka
Poe Akeakamai
a pau. Pena Aila,
Vaniki a me na Palaki,
Pauda, Poku a me na Kukae-
pele, Palaki Hamo Puna, Pulumi,
Pakeke, Kapu Holoi Lole a ma na Papa
Holoi Lole, na @ pa@,
Na Pa Palai, na Ma
kau Lawaia, Na
Aho Lawaia o na
ano a pau, na Kaula
o na nao a pau, na
Puhi, O, a me na
Puna, a he nui aku
no na mea i koe.
I KUPONO NO KA HOOHIWAHIWA ANA I
NA HALE
I hiki ole ia makou ke huai pau aku aka, na oukou no e hele mai a e hoonuu iho. O keia maluna ae, e loaa no ma ka halekuai o
Dilinahama Ma,
1036-3m]Ma ka helu 37. Alanui Papu.
MAKEMAKE IA.
Ke hoike ia aku nei na me a pau e makemake ana e loaa na PAI AI ma ka PAKEKE a me ka PAHU paha, e kauoha mai ia’u ma ka keia leta @wa ana aku i na kauoha Ai a puni keia mau paemoku; o na kauoha no ke kalanakauhale, e lawe ia aku no e like me ka makemake o ka mea kauoha ma ka ipuka o ko oukou mau hale, no ke kumukuai haahaa loa. E waiho ae i ka oukou mau kauoha ma na leta ma ka Haie Leta.
ALBERT K. KUNUIAKEA
Honolulu, Mei 12, 1883. 1119 if.
NA HOOLAHA KUMAU.
ASA KAULIA.
LOIO A HE KOKUA MA KE K@
tf.
W@. SMITH
LOIO. LOIO. LOIO.
KEENA HANA: Helu @0 Alanui K@
tf.
WA. KINI.
LOIO. LOIO. LOIO.
KEENA HANA: Helu 1@ Alanui @anu. Honolulu.
WR. KAKELA.
LOIO A HE KOKUA MA KE KAN@
He Luna Hooiaio Palapala.
Tf.
WL. HOLOKAHIKI.
LOIO A HE KOKUA MA KE KAN@
He Luna Hooiaio Palapala.
KEENA HANA: Wehekeala @a @
tf.
A ROSA. (AKONE.)
LOIO A HE KOKUA MA KE KAN@
He Luna Hooiaio Palapala.
KEENA HANA: Ma ke Keena Loio K@
tf.
S B. DOLE.
LOIO. LOIO. LOIO.
He Luna Hooiaio Palapala.
KEENA HANA: Ma Alanui Kaahumanu
tf.
CECIL BROWN.
LOIO A HE KOKU MA KE KAN@
A he Agena Hooiaio Palapala @
Kupuni o Oahu
KEENA HANA: Helu 8 alanui Kaahumanu
tf.
JAMES M. MONSARRAT.
(MAUNAKEA.)
LOIO A HE KOKU MA KE KAN@
He Luna Hooiaio Palapala.
KEENA HANA: alanui Ka@pa.
RICHARD F. BICKERTON
(PEKEKONA.)
LOIO A HE KOKUA MA KE K@
KEENA HANA : Helu 27 alanui Ka@
tf.
SAM’L @L. KAWELO.
LOIO, LOIO, LOIO.
KEENA HANA, Puakalehua, alanui Maunakea, Honolulu.
J M DAVIDSON.
LOIO! LOIO!!
KEENA HANA : Helu 13 Alanui Kaahumanu
1147-3ms.
KALE KULIKA.
Luna Hooiaio Palapala Moraki a me Palapala o ia ano, Luna Hooiaio palapala Aelike mawaena a ka H@ me ke Kauwa, Luna haawi Pa@ Mare.
KEENA HANA : Kihi o alanui M@ me Kaahumanu.
C C. COLEMAN.
Amara a he mea hana Me@
Kapili Kapuai hao @
A ME KA
Hana Kaa Lio ana, e:@
Hale Hana ma Alanui Alii.
@3-tf E kokoke la @
S H. MEEKAPU.
Tela humuhumu lole.
HALE HANA: Helu 11 alanui N@
F PAHIA, SAM,L. M. KAN@
Ana aina!! Ana aina!!
KEENA HANA: Aia ma alanui M@
ke loa i ka Uwapo o Hooliliaman@
C BREWER & CO. (B@K@)
Ua makemake ia ka poe mea 11.1 @ MALOO a me na ILI BIBI, a p@a @ na ILI MILO o na ano a pau, e kou @ lakou mau 11.1 me makou, a e haawi @ kou i ke KUMUKUAI KIEKIE LOA kakou Makeke.
WILLIAM AULD.
Luna Hooiaio Palapala Kepa Paa@
no ka Apana o Kona.
KEENA HANA: Ma ke Keena Wa@ Honolulu.
WILLIAM WOND.
Luna Hooiaio Palapala Kepa
KEENA HANA Ma ka Halewai
S N. EMERSON. (EMEKONA
LUNA Hooiaio Palapala Kepa Paa@ no ka apana o Waialua, Oahu. @ no ka Hooiaio ana i na Palapala no mokupuni o Oahu.
Ua makaukau no hoi oia e ANA O ma na wahi a pau i makemakeia
Waialua, Oahu, Nov. 10, ʼ S3. 114@.
AONA [PAKE.]
HALEKUAI UPENA MA ALANUI M@
HELU 8, HONOLULU
Malaila e loaa ai na upena o na ano @ mai ka maka kahi a hiki i ka maka @ malaila e loaa ai na aho o na ano @ kono aku nei au i ka poe a pau mai H@ Kauai e hele mai ma ko’u halekuai @ makepono aku no au.
@
OLELO HOOLAHA.
E ike auanei na kanaka a pau ke nana @ keia Olelo Hoolaha, owau o Apoe @ kaina ponoi o Iakoka (Pake) ua hook@
noia mai au i hope malama a hooponopono kona mau waiwai a pau, oiai ua hoi @ oia i Kina. Ma keia ke hoolahaia aku @ ka poe a pau i aie iaia, e hookaa koke @ kou i ko lakou mau aie ia’u iloko o na @ e ua mai ka la e puka aku nei keia Olelo @ha, a i ole, e hoopiiia no lakou ma ke waiwai. Eia kekahi, aole loa au e ae e h@ kekahi aie i hoaie ia ma ko’u inoa, ke @ aa aku na hoapono ana mai ia’u aku. E @ keia i kanawai mai keia la aku.
Hanalei, Kauai, June 11, ’83. 1124 @