Ka Nupepa Kuokoa, Volume XXIII, Number 19, 10 May 1884 — He Nupepa Puka La Hawaii. [ARTICLE]

He Nupepa Puka La Hawaii.

Ma ka Poakahi o kela pule aku nei i j hoolaha a hoopukaia ma ke kulanakau-! hale nei e na Hoahanau Kawainui, he nupepa Hawaii puka la ma ka inoa | Nupepa Puka La Ko Hawaii Paeaina. He kumu hana kahiko loa keia i noonooia e na Hoahanau Kawainui no ka hoala a hoolaha ana i nupep? puka la ma ke kulanakauhale nei oiai ke kau 1 ahaolelo e noho nei, a i kela pule aku nei ka hookoia ana o ia manao i lolii a kuekaa loihiia. Ma ko makou noonoo ana, he hana nui keia mea he hoolaha nupepa puka la, a he pono wale no keia hana i ka poe hoomanawanui a paupauaho ole, pela makou e manao nei ua kupono loa keia hana nui na na Hoahanau Kawainui e lawelawe ai. A o keia nupepa puka la e laha nei, ua lohe makou e hoolaha waleia ana no j oiai ke kau ahaolelo e noho nei, a pau ae ka ahaolelo pu no ka inaalo ana o keia nupepa. He emi ka auhau, he kenikeni wale no a ma ke kuike wale no e loaa ai. No ka panina hope o ka makou, ke paipai nei makou i ko makou poe heluhelu e lawe nui i keia nupepa hou, a ke pahola pu aku nei keia pepa i na mahalo ana. E holomua ka lawe nuiia o ka Nupepa puka la Ko Hawaii Paeaina !