Ka Nupepa Kuokoa, Volume XXIII, Number 46, 15 November 1884 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

@  e THOS. G. THRUM ma ka Halepai o @  nupepa "SATURDAY PRESS."  Keena @  popo, ma na kini o Alanui Moi@  me Nuuanu.

@  na m@ai mai na Olelo Hoolaha ma  @  K @  Hooponopono mamua ae o ka hora  @  awakea o na Poaha a pau.  Aole e @  na olelo Hoolaha ke laweia mai  @  ka hora i hoikeia maluna.  E hooko  @  ana makou i keia rula maluna.

@  i na leta a pau a me na kauoha  @  pepa ia KA NUPEPA KUOKOA  @  Honolulu.  Ina e loaa pono ole aku keia  @  na poe lawe, e hai mai me ka hakalia @  a Keena.

 

NUHOU KULOKO.

@  nana e na makamaka i na hoolaha  @  a makou e puka aku nei.

@  O ka la Sabati, apopo, ka la hanau  @  Moi, aka, ua hoopaneeia na hana @  ma la hanau ma ka Poakahi iho.

@  D E Mahdi, kela kaula wahahee, ua @  hala oia i kona manawa moe ma  @  o a ma ka po hoi kona hana.

@  puka ae na kaawai ma ka Poao@  no ka hoohana ana i ko lakou  @  paha elike me ko lakou rula @

@  Ua haawi mua ae na keiki puhiohe o @  aupuni i ka lakou mau mea kani ma @ kuea o Ema i ka Poaono i hala, ma @ lakou hoomaha ana iho nei no ke@  mau pule, a ma ka Poakahi nei  @  alaila.

@  Ma ka Hotele hoi i hoonanea ae ai  @  keiki aukai o ka moku kaua Gere@  nia i ka lakou mau mea kani, he @  ea okoa no hoi ia la.

@  Ua hookohuia aku o kauka Parker @  e aupuni i kauka no ka apana o @  Waialua, Oahu ma kahi o ko laila kau@  mua.

@  Ke laulaha nui la ka mai taipoda fiva @  ke kulanakauhale o Parisa, iloko o @  a mau la, a ke kau la ka weli malu@  o na pualikoa kiai o ke kulanakauhale.

@  Ma ke kulanakauhale o Kikako, aia alaila he 6,000 kanaka i hoohui like @  lakou iho e koho lokahi ia James G. @ aine.

@  O ke Kula Nui o Kieff ma Rusia i @  opaaia mai nei e ia mana aupuni, ua @  i loa ka minaminaia e na haumana @  i hoopukaia.

@  Ua loaa aku la i na kanaka o na @ oiau kekahi mea hoolana o na mo@  ma kahakai, a ua kakauia ma ua mea @  ka inoa o ka moku Ophelia, aka nae @  ua moku ia iloko nei o ke awa.

@  Ua pau na hana hoomaemae mawa@  o ka Hale Aupuni hou Kapuaiwa, a @ a ke hana nei ia loko, ua paa na puka @  me na ipuka aniani, a ke hahau la ka @ pahele.  He kulana kilakila kona.

  Ma ka Poakahi nei i kudalaia ae ai  @a waiwai lole o ka Hui Hakafila ma e  @ a luna kudala Adamu, a ma ka Poa@  a nei ka la piha loa ia.  Pa no lilo.

  Ke loheia mau nei na leo e kukala @  a ua mauliawa wale ka nupepa "Ka @  a o Hawaii.  Aole makou i ike i na @  umu o keia mauliawa.  A wahi hoi a @  a leo ikuwa o ko makou alahele,  @  Maikai kulana hale-wili, aohe mea @  ama oloko."

  Ke manao wale ia nei e hoea mai @  na kekahi waapa me na kuru (hoe @ aa) mai Lanai mai.  He waapa huelo @  oti keia a e manao ia ana e komo @  oko o na hana heihei o ka la hanau o @  a Moi.

  Ma ke ku ana mai o ka mokuahi @  Mariposa ua huli hoi mai he heluna @  ko kakou mau makamaka kamaaina.  @  mawaena o ia mau poe ka Loio Ku @  ina P. Numana.  W. H. Rice, a me @  ekahi poe e iho.

  Ma ka Poaono o ka pule i hala, ua @ loaa iho la he poino i ka ipuhao mahu @  o ka Hale hana hao ma Ulakoheo; ua @ puka pu ae la ke paipu hookuu mahu, @ puai ae la ka mahu ma ia puka, a na @  a mea i hoopuiwa ae i na lio kauo kaa @  e kuku ana ma ke alanui Marine.  Mai @  mai loa ka poino.

  Ke manao wale ia nei e hiki mai ana @  kekahi mokuahi hou no ko kakou mau @  awa mai Hawaii a Kauai, a o kana ha@  na wale no o hali i ka ohua ma kela me @  keia awa.  He 18 mile kona holo i ka @  hora.  a he 500 tona kona kaumaha.

  Aia ma ka huina o alanui Moi me Puowaina, ke ku nei kekahi halekuai pipi hou no Wala, a hoomaka ana paha ke kuai ke pau na hemahema iloko iho o keia mau la.  E hele ae e na makamaka malaila, aole hoi e koele wawae i ka loa o Monikahaae, a hoi kunewanewa mai i ka laula o Mililani.

  E hoike ana he lono mai Ladana mai penei:  Ua pa iho kekahi makani me ke kukulu komohana me ka ikaika a ulupa ae la i na hale, e hoohiolo ana a e hoopuehu liilii ana i na waiwai he nui.  Ooloku ae la ke kai me ka ino nui, a na ia mea i ulupa pu aku i na moku e pili ana ma na uwapo a ma ka moana no hoi.  Ua loaa pu aku kekahi mokuahi mai Lisebona no Cardiff i keia ino hookahi a pau iho la i ka nahaha.  Ua ili pu iho la no hoi kekahi manuwa Geremania Undine, a ua pakele nae na kanaka.

 

Nu Hou o ko na Aina E.

  Ma ke ku ana mai o ka mokuahi Mariposa i ka Poaono i hala, i loaa mai ai keia mau lono makamaka hou, a oia ka makou e pahola aku nei imua o ko makou mau tausani poe heluhelu.

  O ka Enelani mau hoolaha ana no ka loaa o ka noho'na kuikahi mawaena o Farani a me Kina, me ka ulia ole i na poino.  ua haule ka manaolana, oiai aohe kahu imua o keia mau aupuni enemi no ka lawe ana mai ia mau uwao ana; a oiai no hoi, ua kauoha aku nei  ke aupuni o Kina ia Enelani, Geremania, a me kekahi mau aupuni e ae no na mea kaua, e hoolakoia aku lakou me ka hookaulua ole, a ma keia iho la i manao wale ia ai ua pale ae keia aupuni i ka Enelani mau hoolala ana no ke kuikahi, a ma ka waha wale no o ka pu a me ka oi o na elau e hookumuia ai hoi ke kuikahi a me na launa aloha ana me Farani; a nolaila, ke haka pono la na maka o ua mau aupuni la kahi me kekahi, a ke awiwi la no ka hooko ana aku i keia kauoha a Kina.

  Ke hoohahani la na aumoku kaua o na Farani ma na kapakai o kahi mokupuni Formosa me ka makaukau no ka hoolei poka pahu aku maluna o ke kulanakauhale.  He ehiku ka nui o nana manuwa e ku la ma ia kulana, a he hookahi hapalua o na aumoku kaua o Generala Coubets e ku kiai la ma Kelana a me Tamsui.

  Ua loaa ae na kauoha i na pualikoa o na pake a me ko lakou mau alakai ma Tonaquin e kukulu lakou i mau papu malaila, ua hookoia keia kauoha me ka hikiwawe a ua paa pono me ka lako pu i na mea kaua, a ua loaa pu mai no hoi me na koa kokua, na pono kino, a ke nee mua la no hoi na pualikoa pake no ka hue ana me na enemi.

  E hoike ana kekahi lono penei:  Iloko o keia mau kaua hahana mawaena o na Farani me na Pake, a he nui hoi o na koko i hookaheia o na pake iwaena o ke kahua kaua, aole loa lakou i hoohemahema ma kekahi wahi o ka aina no ke paniku ana aku i na Farani, oiai ua hoopapau aku la lakou i ka nuku o ka muliwai Wusana, a he 260 wale no kapuai ke akea kahi e komo aku ai o na moku kalepa o na aupuni e ae.  Ua manao lakou, o keia no kekahi o na puka nui e loaa koke ai i na Farani ka lanakila ke ole e kiai makaala loa ia, nolaila, ua kukulu ae lakou he mau papu ma ia wahi, no ke pale ana aku i na enemi.

 

NA NIHILA MA SANA PETEROBORO.

  Ua hopuia mai nei o Laoutina, ke alakai o na Nihila ma Sana Peteroboro, Rusia; ua kaua hahana aku oia a hiki i kona paa ana.  Ua kukala leo nui ae oia imua o na kanaka e hai aku i kona mau hoa'loha.  eia oia he pio na na makai.  O kela no ke kanaka i imi ia ai e na makai no eha makahiki ma o kona pepehi ana ia Generala Wesenzeff.  Ua hopuia mai nei no hoi he 20 haumana o kekahi kula, a me kekahi mau kaikamahine o kekahi ohana ma Warsaw, i manao wale ia ua komo ma keia hana a ka poe Nihila.  Ua loaa pu no hoi he mau mea hoopahu.

  CAIRO. - Ua hoea aku he pualikoa kaua lio ma Sousana a hoike aku la, ua haule o Katouma ma ka lime o na kipi.

  He lono weliweli ka i pahola ae ma ke kulanakauhale o Jessey penei:  Ua laweia ae kekahi haole imua o ko laila Aha hookolokolo no kekahi karaima ana i hana aku ai maluna o kana wahine, ma o kona ho a ana i ka lole o kana wahine e komo ana i hoopuluia me ka aila mahu.  Ua lawe pu ia mai kekahi kahuna Katolika imua o ua Aha hookolokolo la ma ke ano he hoike ma ka aoao o ka wahine, a ua hoike oia i na mea a pau a keia wahine i hai aku ai iaia e pili ana no na hana a kana kane, oia hoi, ma kekahi manawa a laua e noho ana maloko o ka rumi, a oiai kona kua e huli ana i kana kane, ua hoao aku la kana kane e kuni i kona lole i kopipiia hoi me ka aila mahu, a he ulia laki wale no kona pakele ana ma ia hoao mua ia ana e make.  Ma na hoike ana a keia kahuna Katolika, ua loaa na hoopai ana a ka Aha maluna o keia haole.  Ua make loa keia wahine mamua o kona hoea ana aku i ka Halemai.

  Ua hoea aku ma ke awa kumoku o Nu Ioka ka mokuahi Geremania Rhein ma ka ia 31 o Okatoba i hala, a ma ona la i loheia ai kekahi lona no ka poino ma ka moana penei:

  Ma ke ahiahi o ka la 24 o ia mahina a o ka hora 7 paha ia, ua loaa aku la i ka moku i oleloia ae la maluna, ka mokuahi  Maasdam mai Rotterdam e holo ana no Nu Ioka, ua a ia e ke ahi.  Ua hoopakele ae keia moku i na sela a me na ohua he 186 ka nui ke hui ia.  He elua haneri tausani dala ke kumu lilo o keia moku, a e lawe ana oia i na waiwai o kela a me keia ano no ke awa o Nu Ioka.

  Ua hiki ae he lono ma Nu Ioka mai Nassau mai e hoike ana no ka poino ma kekahi hapa o ka apana aina o Bahama ma o ka pa ana ae o kekahi makani ikaika loa.  Ua mau ka pa lauwili ana o ka makani ma ia wahi no na la eono, a ua hoopoinaoia kekahi mau waiwai o ka aina, ua ulupaia na moku ma ka moana, a ma na uwapo hoi, he nui na ola i poino.

  He elua mau moku kaua nunui a me elima mau moku hoopahu ke manaoia nei e hoea ae ana ma Kina i keia mau la iho.

 

POINO NA MOKU OKOHOLA.

  Ua hoea aku la ma Kapalakiko ka moku Okohoia Fleetwing iloko o na la holo me ka mahunehuue he 16 mai na mokupuni Alopeka aku.  Ua hali aku oia he eiwa haneri baleia aila, 10,500 paona iwi.  Ua kaalo ae ma ka Lae Hau ma ka la a o ka mahina i hala.  e ma ka hoike a ke kapena, ua hoopuni ia ae na moku Okohola Gazelle a me Mabel e ka hau paa, ma ka la i hoikeia ae la.  Ua loaa nae he wahi palekana iki i ka moku nona ka inoa mua, a o ka lua iho ua loaa iaia loa ia ana e ka hau.  Ua haalele iho na kanaka i ka moku poino a kau aku la maluna o ke kahi mau moku e aku.  O ke kumu o ka pakele ana o ka moku Fleetwing oia no kona loaa ana i kekahi makani ikaika, nana oia i hooholo hikiwawe aku, a o ka hope paha o keia kikina ke oi loa aku ana o ka ino.

  He lono poino hou no ka i pahola ae oia hoi:  Ma ka la 11 o ka mahina o Augate, ua paa iho la ka mokuahi Okohola Bowhead i ka hau a nui loa ka poino.  Ua haalele iho na kanaka a me ke kapena pu i ua moku poino la a kau aku la maluna o na waapa no na moku kokoke mai, a penei kahi moolelo:  Ua haalele iho keia moku ia Kapalakiko i na la hope o Dekemaba, 1883, a aole he mau lono i loaa nona ma ia hope mai a hiki wale i ka la i loaa ai na lono no kona poina.  Ma ia la, he malie ke kai a he pohu pu no hoi, a o keia pilikia ua ike kahi poino ma ka ipuhao mahu.  Ua hoopaa koke ia ka moku maluna o kekahi puu hau, a hoomaka iho la ka hana no kahi poino,  Iloko o keia wa i uhi paa loa mai ai ka hau, a hoomaopopo koke iho la ke kapena ke nee mai nei ka hau me ka hikiwawe.  Nolaila haawi koke ae la oia i ke kauoha e hookuuia ka moku mai kahi e paa ana, a aole nae i pau pono ae keia kauoha i ka hookoia halulu ana na apana hau ma ka aoao o ka moku, a paa iho la i ka pulikiia.  Ua hooikaika na luina i ka hoopakele ana i ka moku, aole nae he hiki; a iloko o ia manawa, aole he mau manaolana e ae iloko o lakou no ka pakele o ka moku, aka, no ka hoopakele wale no i ko lakou mau ola a pau.

 

NA LONO HUIKAU.

  Ma ka apana aina o Catania, Italia, ua pau iho la he 30 poe i ka make ma o kekahi makani ikaika i pa lauwili ae ma ia wahi iloko o na pule elua, a ua nui no hoi ka poino o kekahi mau wahi a me na waiwai pu.

  Oiai kekahi mokuahi Norewai nona ka inoa Victoria, e ku ana ma kekahi awa a e hoao ana hoi e hoolele i kona ukana lanahu, ua pahu ae la ke ahi mailoko mai o ka lanahu oiai ka puka ukana i hemo mai ai.  Ua loaa he poino ma ka moku, a ua hoehaia hoi he ekolu kanaka.

  Aia ma kekahi hale ma Berelina, Geremania, e noho ana he 130 poe ohana, a o ko lakou huina nui, he 1,025.

  Ma Geremania, ke hoopukaia nei ma ia aupuni he 1,600 nupepa ma ka lakou olelo ponoi iho.

  Ma ke kau mai korela mai nei o Europa, ua hiki aku  ka huina o ka poe i make i ka 13, 132, a me he la o ka hapalua o keia huina, oia ka poe i make ma ke kulanakauhale o Napela, Italia.  O ka loihi o ka manawa o ka laulaha ana o ka mai a hiki i ka wa i houluulu ia ai keia mau puulu huahelu, he eha mahina.

  Ma na wahi a pau a puni o Italia, ke noho alii la weli maluna o na kanaka no ka mai korela e laha la, a no ia mea, ua hookauluaia na hana kalepa, a ua paniia ae na ipuka o na hale hana a pau.

  O ka mokupuni i ikeia ai iloko o kekahi manawa loihi i hala ae nei ma na kapakai o Ainahau, ua nalowale hou mai nei ia i keia manawa e like me ka hikiwawe o kona hoea ana ae.

  E malama iu ana ka "Fea o ka Honua," (World's Fair.) ma Sana Louisa, Amerika, iloko o ka makahiki 1892 e hiki mai ana, no ka hoomanao ana ia Columebusa ka mea nana i imi mua a loaa o Amerika.

  Ua hoao hou ia mai nei kela lio wahine holo kiaaua kaulana "Maud S. ma Hatafoda, Amerika, a ua ikeia kona mama loa i ka holo i keia manawa mamua o na manawa mua ona i hoaoia ai.  O ka holo loa ma ka puni mua, he 2.09 3/4, puni elua, 2.12 3/4.  O kona manawa holo loa keia.

  Ma ke kulanakauhale no hoi o Jersey.  ua pepehiia kekahi kanaka a make loa e ka poe powa, no kona hoole ana e haawi a uku aku ia lakou ehiku no ka inu ana i ka bia.

  Ma kekahi halawai o na paele i malamaia ma Marion Ga, ua pule iho la kekahi haole mai ke ahiahi Poaono a hiki i ka hora 4 o ka wanaao Sabati, a make aku la oia.  Ua pule oia e make.

  Ua make mai nei kekahi kanaka i nahuia e ka Iole, a penei kona wahi moolelo:  Ua loaa i keia kanaka ke kahi wahi Iole uuku maloko o kekahi lua mine, a lawe ae la oia e hoolakalaka.  Ma kekahi la, oiai oia e paani pu ana me ua wahi Iole nei.  ua wahu ae la ka Iole i kona manamana lima a pea loa iho loa.  No kekahi wa loihi ka paa ana.  ua hemo ae la ka Iole; a ma ia hope mai.  ua hoolawehala loa keia eha ma kona manamana a hala he mau la make aku la oia.  Ua manaoia oia ni kekahi wai awa elike me ko ka moo ma ka niho o ka Iole, a o ka mea mua loa keia i make ma ke nahuia ana e ka Iole.

 

Poino ma ka Moana. - Hoopakele

ia na ola e ke Kuna Malolo.

  Ma ke ku ana aku a ka mokuahi Mariposa ma Kapalakiko, ua loaa pu aku malaila ka lono no ka ili ana o ka moku Premier.  Oiai oia i haalele aku ai ia Newcastle no New South Wales ma ka la 25 o Ianuari o keia makahiki, a e hali ana oia ia 350 tona lanahu.  Haalele oia i ke awa hope ana i ku ai iloko o Oct. me ka ukana papa no ke awa mua i hoikeia ae la maluna a ma ia holo ana ona, ua pau kona ike ia ana a hiki wale mai i ka manawa i poino ai.  Iaia mawaho ae o na mokupuni Fiji, ua loaa iho la iaia ka poino ma ka puka ana o lalo ae, a aole no hoi i hoi hou ka moku i hope no ka hana hou ana, aka, ua kuea ia ae la kona mau pea a kia pololei ia aku la no ka akau ka ihu, a ua kuapaa iho la na sela ma ka pauma ana i ka po me ke ao.  A hiki oia ma na mokupuni o Fanina, ua ikeia iho la aohe he pono i koe no ka moku, oiai ua komo mai ka wai me ka lanakila; nolaila, ua hookomoia 'ku la ka moku na kekahi awa i kapaia English Harbor, he wahi ano kai kuono iloko o ka aina, a ili aku la.  Ua hooikaika na sela a me kekahi poe kokua mai o ka aina ma ka hoao ana e hemo hou, a e hoopakele i na ola a me na waiwai, aka mae ua poho koke ka moku.  Aia keia wahi ma ka hema aku o Hawaii nei he hookahi tausani mile paha a oi mai ianei aku.  Ua noho na luina a me ke kapena pu malaila a hiki i ka hoea ana aku o ke kuna Malolo, a kau aku la maluna ona no ka home.  Ua haalele iho la ke kuna Malolo ia Laupahoehoe kona awa hope loa ma ka la 5 o Aperila, a ku aku la ma ke awa kahi o ka poino iloko no o ia mahina.  He eono makahiki ka holoholo ana o keia moku ma ka moana a hiki wale i kona poina ana.  O ke kumu lilo o keia moku he 18,000 dala, a ua pani hakahaka ia no 13,000 dala  He 290 tona kona kaumaha, a ua noho ona ia e Capt. Jensen a me kekahi poe e iho ma ke ano hui.

 

Ka hou pahi ma Hana.

  Ma ke kakahiaka o ka la 7 o keia mahina e nee nei, ua hou ia i ka pahi o Wiliama Tamaki, ka luna nui o ka Mahiko o Hana.

  O ke kumu o keia, ma ke kakahiaka o ka lai hoikeia ae la maluna, ua kii aku la o Willam Tamaki i kekahi kanaka Tilibati e hehe i ka hana, oiai ua Tilibati nei ua noho mamuli o ka mai, aka nae, aole pela ka manao o ka haku.  Ua hili aku la ua haku nei i ke kauwa me ka uwepa, a no keia hili ana pela, ua ku ae la ke kauwa a hele aku la e hoopii, ua alualu hou aku ka haku me ka hoopoino hou aku.  A ma keia hana ana, ua ala mai la na manao pono ole o ke kauwa, a unuhi ae la i kana pahi a lumai aku la ma kekahi lima o kona haku, aneane 2 iniha ka hohonu o ka makalua pahi.  Ua hopuia a ua laweia aku ka mea hou pahi ma ka halepaahao.

                                                                            Me ka mahalo.

                                                                               JOHN. A-1.

 

HAINA & NANE.

  O kau haina e G. R. Keomaka o Honouliuli, Ewa, Oahu;  W. E. Nawai o Honolulu Oahu no ka nane a Kaleimamo, ua kupono me ka haina e waiho nei ia makou, oia hoi "Hokuloa, " kau hoi e Issac Kihe no ka nane a Kekake nuha, ua pololei no oia hoi "Kawaipuolo," o na wehewehe ana ua kulike me ka ewaewa ole. - O kau haina hoi e G. K. Rain Kuahine no ia nane hookahi no, aole ia i kapae ae, aka, e hoomanao e ka makamaka no kahi wa aku, e hoomau mai i kau mau mea a pau no ka pepa me kou inoa ponoi, a i ole ia e kapae loa ia no.

  Haina o ka nane a Kalauokealoha i hoopukaia ma ka nupepa "Ka La o Hawaii," Nov. 3, o "Kalaealohinei."

  Haina o ka nane a Kaukeano i hoopukaia ma ia nupepa hookahi no, o "Kahonuanei."

JOS. KALEIMAMO.

 

HAINA NO KA MANU KAPALULU.

  Ua ikeia kau manu Kapalulu e lele ana i ka lewa a komo i ke aupuni nani "Ko Hawaii Pae Aina, ma ka oke aniani hoonui ike a ka mea nana keia peni, a ua kakauia ma kekahi apana pepa ka inoa o na hua o ko manu a ke ka inoa ponoi o manu oiai oia e lele ana, a oia keia:  O ka inoa o na hua o ko manu, oia hoi na hua he elima kauna me ekolu, "Kauliluaikeanuwaialeale."  A na na hua ewalu hio i puana mai ka inoa ponoi o ka manu, oia o "Kalakaua."

J. H. MOELIPOIKEANU.

  O kau nane hoi e ka makamaka J. N. Uahinui o ka aekai o Kalamaula, e e oluolu oe e hoouna mai i kau makana e like me ia i hoikeia maloko o kau kope nane i o makou nei,  oiai aole keia o ka makamua @   aawi ia ka makana i ka mea e hoike pololei aku ana i ka haina.  aka. ua hoohoka mua ia makou:  nolaila, ke kaulua iki nei ka nane a loaa mai kau makana a paa ia makou. a mai a makou aku a i ka mea nana ka haina pololei o ka nane.  E hoomanao pu e na makamaka e hoouna mai ana i na name makana, e hoouna mai i na makana, alaila hoopuka ia ka nane.

 

EIA MAI KA UINA O KA LAE O KEKAKE-NUHA.

  O ko'u i, aia iloko o ka ehaeha, aole iloko o ke kaumaha; Ko'u 2, Ko'u 3.  aia ua ai ia, aole nae i nahuia; Ko'u 4, oia ka'u e huna nei a nalowale, a nau ia e huli mai a loaa: Ko'u 5, aia iloko o ao, aole iloko o po.  Ke hoouluulu ia na hua a pau, e loaa no au ia oe i ka uka anu Olaa, i ka lipo o Aipo, i ka Naele loku o Alakai, i ka piko olu o Waialeale, i na Lehua o Mokaulele.  O ka'u mau Home ia a luakaha Mau ai, a e walea ai i ka olu a ke Kehau, aka, aole au i ka, heleuluulu, aole i ka ikaika, aka, aia au iloko o ka mahumu o ke aheahe lai malie e nanea ana me ka huina o na lau laau o ka wao.

  I nui ke aho a loaa kuu lei, a e hoike mai i ka haina me na wehewehe noeau ana

ISSAC KIHE.

 

Kona Akau , Hawaii .

  He 6 huapalapala o ko'u inoa, a ua mahele ia keia huina iwaena o na mahele elua ma ke ano ratio like, elike me 1: 2.

  O ka mahele mua, e hai ana ia i ka heluna nui o kekahi o na lala o kona kino, ke nele keia lala ma kona kino, alaila, aohe kumu o ke ola iloko ona.

  O ka mahele hope o kona inoa, oia no ka inoa o ka lala o kona kino i manao ia.

  Ke huiia na mahele e elua o ko'u inoa, alaila e loaa no ka inoa o kekahi holoholona, a ua hookumuia kona inoa maluna o kekahi lala o kona kino, a me ka heluna nui o keia lala.  Eia ka ninau, owai la kona inoa?

S. K. P. NAUEIKEKAI.

    Honolulu.

 

  Ke hana hou ia nei he hale hou ma kahi o na lio poahi o Kapena Kaluna, ua lohe wale ia mai he, hale hoohoholo hau.

  E holo ana ka Mariposa i keia la no Kapalakiko.

  Hui anu lua ka hoi keia mau po ke hele la a maeele na wahi au i kaua mea o ke anu.

  I ke ahiahi Poaha nei ua kupinai palena ole ae kekahi poe ma na alanui e kokoke ana ma kahi o na hale "meli wai ona-rama me na leo nunulu ano ahiu ia holoholona lele, e wi ana kahi a oloalu like ana no i kahi manawa.  E hoomanao e na makamaka, no ka ona mai no keia hu nalomeli.

 

OLELO HOOLAHA: - E ike auanei na mea a pau ma keia, owau o ka mea nona ka inoa malalo iho, ke hookapu aku nei au i na holoholona Lio, Bipi, Kao, Hoki, Miula, aole e hele wale maluna o kuu aina e waiho la ma Palama, Waikapu, Maui:  a ke hookohu aku nei au ia Mr. Kuahui, i Luna nana e hopu i na holoholona e hele wale ana maluna o ua aina la.  a oia no ka mana ma na mea a pau ma ke kanawai.

WM. K. HAKALAAU.

    Aala, Honolulu,  Nov. 6, 1884.                                                  1197  2m

 

W O SMITH.

LOIO, LOIO, LOIO.

KEENA HANA:  Helu 36 alanui Kalepa.

tf.

 

W A. KINI.

LOIO, LOIO, LOIO.

KEENA HANA:  Helu 15 Alanui Kaahumanu,

Honolulu .                             tf.

 

W R. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf.

 

A ROSA. (AKONI.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA:  Make Keena Loio Kuhina.

tf.

 

S B. DOLE.

LOIO, LOIO, LOIO.

He Luna Hooiaio Palapala.

KEENA HANA:  Ma Alanui Kaahumanu.

tf.

 

JOHN MAHIAI KANEAKUA.

LOIO A HE KOKUA MA KE KANAWAI

MA NA AHA HOOKOLOKOLO A PAU O

KEIA AUPUNI.

Keena Hana me Hon. P. Preston (loio Pelekane)

ma Alanui Kaahumanu, Honolulu

 

 

J. P. HANAAUMOE.

He Loio a he Kokua ma ke Kanawai ma na

Aha Hoomalu a Apana o keia Aupuni.

E loaa no au ma Puna, Hawaii.

 

DR. A. H. BAILEY.

KAHULUI, MAUI.

Ke hoike ia aku nei ma ke akea, ua

loaa hou iaia ka oluolu mai ke kaa mai

ana, a e hoomaka hou ana oia i ka la

welawe i ka hana ma kahi mua.

1196  1m

 

NA HOOLAHA KUMAU

 

KAKELA & KUKE.

E laa na pahiolo, koi bole,

hamale, koi mai a me liilii, kila.

wili puaa, rula, apuapu kai o na ano

a pau.  kala kaa. hao hoopaa puka.

pohaku hoana, kepa lei ilio, kaula

hao ilio, pahi, upa, pahi aminmi,

kalapa, kope hulu, palapala, oepa

kalakala, lina hao, ami, keehi, a me

ke

 

- KAULA OPU. -

Palau o na ano a pau,

Oo, ho, kopala, pe, kipikua,

hao kope, au ho a pela aku,

kua bipi, lei bipi, kaula

hao bipi, uwea pa.

uwea kekeawe.  hao pili

piula, kaa palala, ipuhao,

ipu ti

PA-PALAI MAKAU ME KE AHO.

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhikuhi,

pena keokeo, aila pena, aila

hoomaloo, vaniki kaa, a me

vaniki moe,

PENA HOOMALOO

- a me aniani hale -

AILA MAHU, AILA MIKINI, AILA

HAMO ILI, AILA KAA, INIKA

KAMAA.

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU.

 

LOLE MAKEPONO

-E laa na -

AHINAAHINA, KALAKOA. KEOKEO,

LEOPONALO, HULUMANU,

UWE-WAHINE, KUI HUMUHUMU,

A ME KA LOPI.

Ke Kuike e loaa no ia na kahi o

Kakela & Kuke!

NA MEA PIULA,

Mikini Humuhumu

Mekini a WHEELER a me WILSON

MIKINI A WIILCOX ME GIBBS

NA MIKINI A

- REMINGTON. -

He nui loa na mea hao me na ukana e

ae o na ano a pau, aole hiki ke hai pau

ia aku, hewa i ka wai na maka ke ike.

 

Laau Lapaau Kaulana Loa

A DR. JAYNE ,

LAAU HOOMAEMAE KOKO

LAAU HOOPAU NAIO, LAAU

KUNU, PENIKILA, HUAALE,

PAAKAI, LAAU HOOPAA HI, A

Me na Laau Hamo, a Pela 'ku.

Kakela me Kuke.

1195  tf

 

NA HOOLAHA KUMAU.

 

J T. WATERHOUSE.

(Walakahaui.)

HALEKUAI KUKAA NUI ME LII@

Ua piha pono me na waiwai makamae

hewa ai na maka i ka nui o ka lehua.

Heaha no la hoi ia

- MALAILA -

 

Na Apa Kikika o na ano a pau.

Pahoehoe o na ano a pau.

Alapia o na ano a pau,

Huhihipa o na ano a pau,

Na Huluhulu holoku,

Na Keokeo Paina,

Lilina lau puu.

Wetoria,

Leponalo,

Lainakini,

Ahina pelekane,

Na Kihei o na ano a pau,

Na Koloka o na wahine,

Na Kihei Huluhulu,

Na Kalakoa o na ano a pau,

Na Kihei uhi moe,

Na Koloka o na wahine,

Na uni Kilika,

Na uhi Alapia,

Na Hainaka nunui a @

- Eia hou. -

HE HELUNA NUI ONA PAA LOLE

O NA KANE A ME NA KAMALII.

 

Na Apa paina maikai loa,

Polu manoanoa a lahilahi,

Huluhulu manoanoa a lahilahi,

Na Apa huluhulu a pahee,

Na paa lole huluhulu, kane, me kamalii,

Na Pililakeke loloa a pokopoko,

Na Palule kaula o na ano a pau,

Na Palule keokeo,

Na Palule kalakoa,

Na Paleili.

Na Papale wahine i kinohinohna me na pua

me na hulu nani, a he heluna nui o na

kine a me na kamalii o na ano a pau

HE HELUNA NUI O NA KAMAA.

Na Kamaa buti,

Na Kamaa pihi,

Na Kamaa huka,

Na Kamaa lahol@o,

Na Kamaa weleweka.

 

HE HELUNA NUI O NA NOHOLIO MAI@

Na Noho Italia,

Noho pulu mamua,

a mahope o kela a

me keia ano.

NA AILA O KELA A ME KEIA ANO.

Na Aila honua helu i he aiai me he wai,

Aila pena, aila hoomaloo, aila Oliva,

Aila inu, Aila lauoho.

Waiala maikai.

NA PENA WAIHOOLUU LIKE OLA.

Keokeo,

Eleele,

Polu

Melemele,

&c.,  &c.,  &c.,  &c.

 

Ina iho Ina iho.

Na ipuhao, na ipu @i,

Na koi nui a liilii,

Na pahi nui a liilii,

Na pahi olo, pakani

Na pahi olo palma

Na tabu nui a liilii,

Pakeke nui a liilii,

Na lako kamana,

Na lako amaia,

Na kamaa lio,

Na moe hao.

Na peia uwea

NA LAKO HAO, MA KA AINA A ME KA WAI

Na lako pa,

Pa nui a liilii,

Na bola,

Na kiaha aniani,

Na aniani kilohi,

N ipukukui o na ano a pau.

HE HELUNA NA MEA AI,

Palena poepoe,

Palena poepoe palupalu,

Palena huinaha,

Palaoa o na ano a pau.

Na kanao maikai loa ma ka pahu,

Na kamano tini,

Paakai o Livapulu,

Paakai inu,

Paakai hu,

Mauu Kaleponi,

Palani ai a ka @.

 

He heluna nui o keia mau waiwai ai waiwa

ko'u mau halekuai aole i pau i ka huaile aku

na oukou no e hele mai a kiloho no oukou

Ua waeia keia mau waiwai me ka maiau, ma

Pelekane, Farani, a me Amerika, no ka pono

a me ka pomaikai o na kanaka Hawaii. me

na kanoha mai na mokupuni e hookoia me

ka eleu loa,

                    J. T. WATERHOUSE

                    (WALAKA AUNI.)