Ka Nupepa Kuokoa, Volume XXIV, Number 23, 6 June 1885 — Malalo iho nei na Lalani. [ARTICLE]

Malalo iho nei na Lalani.

Mele Hoalohaloha a ka Rev. W N T Lono oiai oia maluna o ka oneki o ka mokuahi Hoku Ao Hou, a haalele mai ia ika ama nei no na paeaina o hema. ALOHA, ALOHA NUI. E ka Nupepa Kokoa e, Alohaoe:— E oluolu oe no'u ke kauwahi ou. E lawe aku oe i ke aloha o keia mau puuwai i na makamaka mai ka hikina a ka la i Haehae, a ka hi o ana makai o Pokii. Aloha nui oukou.

Eia au maluna o ka oneki o keia halelana i ke kai, a he mau minute wale no koe a hemo mai ke kaula hoopaa a au aku maua i ke kai loa e huki hou likahaeo ka euānalio inaluna o na -aina haahaa. Uii ilihia au i keia hora, aohe mau manao e ae i oi aku i keia, o ke aloha wale no. Nolaila au i puana ae nei i kela mau hua malalo iho : E na Lani Moi i ka wekiu o ke Kalaunu o Hawaii. Aloha, aloha nui. Ena pua'lii hoi o aina. Aloha, aloha nui. E na hoa makaainana o kuu lahui hookahi no ka ili a'u e aahu nei. Aloha, aloha nui. E kuu mau hoa o ka oihana hookahi. Aloha, aloha nui E na Kula Sabati mai Hawaii a Niihau. Aloha, aloha nui. E na Ahahui Imipono Karisiano. Aloha, aloha nui. E na Ahahui hooie waiona. Aloha no oukou. Ke hooki nei au maanei, ke lu mai nei na pe-a, ku'e mai nei ka huila, o South West ka ihu e hoi ai. Me ke aloha. W. N. Lono.