Ka Nupepa Kuokoa, Volume XXV, Number 31, 31 July 1886 — Hanau Kupanaha. [ARTICLE]

Hanau Kupanaha.

Ua hanau mai kekahi wahine no Laupahoehoe, Hilo, i kekahi mau keiki mahoe i ka wa hookahi. O kekahi o keia mau keiki he moo—na ano no a pa@ o ka moo, a o kekahi hoi he keiki kanaka. I ka puka ana mai o keia mau keiki, aole i hooloihi hou ia aku ko laua hanu ana i na ea o keia honua, aka, ua kaili koke la ae la ko laua ola. Ua ma ke like laua. Eia ka makuanine ke waiho nei i ka nawaliwali. Pela na lono i hoikeia mai.