Ka Nupepa Kuokoa, Volume XXV, Number 37, 11 September 1886 — Pau i ke Ahi a Make loa. [ARTICLE]

Pau i ke Ahi a Make loa.

• Ku ka po Poakolu nei aao ae Sept. 2, pau iho la o Panihakahaka (k) he makapo i ke ahi a make loa, ma Waia-wa-uka Ewa nei. Eia ka moolelo o keia make mainoino: Oiai o Panihakahaka a me Kahakui kana wahine e moe ana me ko ike ole ae eia ka make a >.e ahi ke hookokoke loa aku nei, a na ka wela o ke ahi i hoopuiwa ae ia laua a puoho ae la. I nana ae ka hana o ka wahine, eia laua iloko o ke okooko ahi, a me ka hoonianawanui ku ae la o Kahakui a holo aku la no kona ola, a koe iho la o e hookui hele ana me kona makapo iloko oka hale. Me ia poino iloko o ke nhi a hiki ī kona make anA aku me ka mainoino Aloha, aloha no

Oke ahi i pau ai, heahi kupa ai na laua, mamua nae o ko laua moe ana, aole i kinai ia ke alu, oiai he mea mau no ia i ka poe noho kuahiwi, he hoomau ike ahi i ahi puhi paka. Eia kekahi; mahepe iho o keia poino, kauo mai la o Kahakui i ke koena kino o Panihakahaka a kaawale mai kahi mai oke ahi, a iho loa mai la i kai nei o Waunea, a loaa o Kekuawahaole, pii pu aku lae kokua i ka wahine kane make ma ka eli ana i lua a me ka hoonalo ana ike kino mainoino. Eia ka uiea apiki aole i hoikeia keia mea i ka hope makai nui o Ewa nei. S. P. K. Nawaa,-