Ka Nupepa Kuokoa, Volume XXV, Number 44, 30 October 1886 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa.

No ka Makahiki          $2.00

No Eono Mahina         1.00

KUIKE KA RULA.

Poaono            Okatoba 30, 1886

Ko Kakou Kulana.

 

            Ano ke mau nei @ na hopohopo ana no ka hookele pono ole ia o ko kakou aupuni, oiai ke kina nui e waiho nei iwaena o na hana hookele. Na keia kina i hoopalaho aku i na manao o na hookele aupuni mea a pau lakou i ka haule no ka palaoo o ko lakou kahua. Ua lana iki iho nei na manao e loaa a e ikea koke ia ana na kahua hana o na hookele aupuni ponoi o ka aina, a no na la mua ua omaka ae ka opuu mua o na manao kuokoa me ka manaoiana ia e mohala ae ana a ike ia kona nani ma na kaiaulu o Hawaii oia nae ua pa mai ka makani puaniohio, a kulai ae la i ke kumu a ua haule.

            Ua hoike mua makou i ka pule i hala no na manao hopohopo no ka ikea ole ia o ka hua a keia papa kuhina hou e hana ai a haule e iho ua kanalua makou no ka holopono ole o na lawelawe ana oiai ka pohaku akeakea ma ko lakou alahele nana i kulai na hoa kuhina mua. Kainoa hoi o ka pono he'e wale ana a hookui i na akeakea ma ke ala, oia ke kumu e hina ai ilalo; oia ka o ka ohiki ae i ua kumu iho la i laelae ai ke ala, a e waele ae hoi i ikea kahi o na keehina wawae e hele ai, aia hou ilaila kahi haule. Minamina makou i ka malamalama ole o ka lehulehu i ka hua maikai a ka papa kuhina koko Hawaii ponoi i ka poipoi wale ia iho no.

            Aole no e poina ia ana, o keia no ka mea maa maa iwaena o na @ hookele @a. Ua hoohaiki ia ko lakou noonoo, ua keakea ia, a ua lawe kekahi mea kino hookahi nana e kuhikuhi, penei a penei na hana. Ua konohia lakou iloko o ia kuhikuhi ana a lawelawe kiao maoli, a i ke kaakaa ana ae o na maka a ike ua hu wale mawaho o ka mea kupono, hoao ilio la e palekana, aka aole e hiki. Me he lima kanaka la ka hewa i lawelaweia e uimi ana i ko lakou mau pua-i a paa ka leo aohe puai.

            He aka no Hawaii ke ikea aku nei e ma@o@ ma na puu kiekie o ka aie n@ he pohihihi ke ala o kona palekana a he aka @ o ka hopena kaniuhu ke kau mai nei. Ua hoomau ia ko makou anoi nui e ike i ka hua waiwai no ka la@ mamuli o keia maa hookele aupuni hou, me k@ke e pakui ma kahi o ka apana kahiko he apana hou. Oia iho la ka mea nana e hoohihia a e hoohiolo i ke kuleana pono o na hoa a maopopo oie ko lakou waiwai. Me he la ke komo nei na manao pakaha wale e hooi loa aku i ka poino o ka aina, a e hookomo kukonukonu aku i ko kakou wahi aupuni iloko o ka pilikia, a hiki i ka wa oi loa aku ai mamua o ka mea hiki ia Hawaii ke paie ae. Alaila heaha la ka hopena?

            Ua maopono elike me na aupuni liilii o ka hikina e hou hele mai nei iloko o ka nenelu poho o ka poino hiki ole ka pale, a lilo aku na pono o ka aina ma ka lima o ka mea e, a pela auanei paha ka hopena o Hawaii ke hoohalike iho, ke ole e kaupaleia keia mau hana hoolapuwale. Nawai e hoopakele ia Hawaii aloha?

 

Mahalo Nui ia.

 

            Ua loaa mai ia makou he lono e hoike ana i ke kipakuia ana aku o kekahi hui pake o ke kulanakauhale nei e ke Kuhina Kalaiaina, ma ke aumoe o kekahi po, ma kona ho ae noho. Ua hiki aku keia poe pake ilaila me kekahi kaa i piha i na makana a noi aku la i ke Kuhina Kalaiaina e haawi mai no lakou ka laikini opiuma, i hookuuia iho nei malalo o ke kanawai hou,aka ua hoohoka ia ko lako i manaolana e loaa ia lakou ua laikini la ma ke kipakuia ana mai.

            Ina pela io ka hana ia ana o keia poe pake, alaila he mahalo nui ana ko makou i ke kuhina. Hauoli makou i ka hoomanao hou ana ae aole loa e nele ana ko Hawaii umauma me na noonoo hoopono a kuokoa, a no ke kupaa mau ana o ka nohoalii, oia ka Solome na ke liilii naauao i hoike mai ai, " Ma ka hoopono e hookupaa ai ke ahi i ka aina, a o ka mea lawe i ka makana, oia ke hoohiolo iho," Ke omamaka mai nei na hana i anoi nui ia e ka lahui iwaena o na lima la welawe aupuni. E ku kaokoa mai ko Iuda ano, ka mea i lawe i na apana dala kipe he kanakolu i kumakaia ai oia i kona Haku. A mahope iho hele aku la oia iwaho a kaawe iho la a make.

 

No ka Aie.

 

            Ua lawe mai makou i na huahelu malalo iho he mau hoakaka e pili ana i ka aie elua miliona, i ike ia malako o ka nupepa Hawaiian Gazette. He mau hoaiai i ke kamahao o na hana a ke Kuhina, he ui e nalu iho ai ka noonoo heaha ka mea e loaa mai i ka lahui mai loko ae o keia aie. He iki wale no aole i lawa no ka hapa miliona e koe iho no ka Waihona. E nana kakou penei:

            He $2,000.00 ka aie hoa: $1,235,000, ka aie kahiko e hookaa ia ana, $140,000, na Komisina uku pane a me ka mea nana e huli i ka aie h@u@ihu ia oia hoa maluna o 5 pakeneta me 2 pakeneta. Ke hui pu ia a houiawe mai noloki o ka $2,000,000 aie hou, koe he $625,000 wale no ne ka Waihona. Eia no hoi ke ike ia aku nei he $120,000 no na ukupanee o keia makahiki e hele nei, a na keia auanei e hoemi iho i ke koena ma ka Waihona a i ka elima haneri tausani dala a oi iki wale no.

            Ke imoimo mai nei na ipuka liilii e hele aku ai keia dala a o na mea i hoakaka ia ma ua kanawai aie la ma ia ano e hoohanuia ai ke dala, ke kanaiua nei makou ina pela io.

 

"Ka Moo iloko o ka Mauu."

 

            O na juaolelo maluna ae kekahi o na oleio oolea i pane ia e kekahi o na makamaka haole e pili ana i na hana a ke au kuhina i hala, na lakou i hoonee mai nei ko kakou wahi aina a kokoke ma ke kae o ka poino nui. ua paneia na olelo maluna ae me ka ikaika maluna o ke alakai nui nana i hoolala keia hana kumakaia i ka lahui, oia hoi na ouli e ikeia aku nei. Hoea mai la ua moo nei ma Hawaii a hoopumehana iho la ma ka poli o Hawaii, a i kona mehana ana, ea ae la kona poo a nahu iho la ia Hawaii. Ina aole kela moo iloko o ka mauu aole e ike ia Hawaii nei, ina eia kakou iloko o na noho ana hauoli aie ka oluolu.

 

Na Kanawai i Hooholoia.

 

            Eia malalo iho na kanawai hooholoia e ka ahaolelo a i aponoia ma ke kau inoa ana o ke 'lii ka Moi penei:

            E hoohoihoi ana i ka Poi Kalo Palaoa a me ka hoouna ana aku iwaho.

            E hoololi ana i ka pauku 117 o ka mokuna 15 o ke Kivila, e pili ana i na dute maluna o na waiona.

            E haawi ana i ka mana i ka Luna Date Nui e ae aku i ka unuhi ana i ka alekohoia mai ka Hale Dute aku, ma kekahi mau mea.

            E hookuu ana i na auhau pilikino o kekahi poe a me na auhau waiwai lewa o ko Kalawao a me ko Kalaupapa poe.

            E hooholo ana i ka mokuna 11 o na kanawai o 1885, e pili ana i na apana kula a me na apana hookolokolo.

            E hoololi ana i ka pauku 32 o ka mokuna 44 o na kanawai o 1882, e pili ana i ka hopu ana i na waiona.

            E huikala ana i ke Kuhina Waiwai o ke aupuni.

            E laikini ana i ka hoawaawa me ka hana i na waiona ma Honolulu.

            E hoomana ana i ke Kuhina Kalaiaina e hookuu i ka Bihopa o Olba i kekahi apana aina i paa ia e lakou.

            E nana ana i na keakea ia o na alanui o Honolulu, Lahaina, Wailuku, Kahului a me Hilo.

            E hooloki ana i ke kanawai i kapaia he kanawai e hoohuihui a e hoololi ai i ke kanawai e hoohuihui a e hoololi ai i ke kanawai e pili ana i na auhau kuloko, 1 aponoia i Augute 7, 1882.

            E hooponopono ai i ka hookemo a me ke kuai ana i ka piuma iloko o keia aupuni.

            Ua hoole ka Moi i ke kakau inoa ana i keia mau bila malalo iho.

            E hoololi ana i na pauku 1, 6, 8 a me 15 o ke Kivila, e pili ana i na banekarupe.

            E hoo'oli ana i ka pauku 218 o ke Kivila, e pili ana i na hale oaahao, na hale lawehala, a me na hale hoopololei.

            E hoololi ana i ka pauku 1058 o ke Kivila.

            E papa ana i na kope i kau ole ia ke ana kupono.

            E papa ana i ke Kuhina Waiwai aole e uku i na uku o na luna aupuni i kaawale aku mawaho aku o keia aupuni.

            E hooloihi aku ana i ka manawa o na Komisina Palena Aina.

            E kukulu ai i mau Papa o na Komisina Alanui a me ka hoakaka i ka lakou mau hana.

            E pili ana i ka waiwai o na wahine mare.

 

Ia "Huli i ka Oiaio."

 

                        I mau wahi hoaiai iki no na ninau a "Huli i ka Oiaio" e pili ana i na wahi pana o ko kakou lua pele kaulana, ke panai aku nei au i keia mau wahi haina me na ninau malalo iho penei:

            1-Owai ka inoa o ka mahele ma ka aoao akau o ka lua &c?--Haina; kekahi hapa ia o Kilauea-nui.

            2-Ua pololei anei ka inoa Kilaueaiki? Haina: ae.

            3-O ka aoao hea o ka lua kahi i kapaia o Pali-o-keawe? Haina: O ka aoao komohana akau o Kilauea-iki, oia hoi ke alanui mua.

            4-Owai ka inoa o kahi lua uuku pili kokoke me Kilauea ma ka hikina hema? Haina: O Kawelelauokauwahi; o ka lua o ka inoa a Kaluakakoi; ouuo maluna.

            5-O kahi hea o ka lua ka i kapaia o Halema'uma'u, a heaha kona ano? Haina: aole he wahi o ka lua i kapaia o Halema'uma'u, a o kona ano nae he o-pu amau ia, a i oleloia he hale no Kamapuaa.

            Ma ko'u noonoo ana, aole i pololei loa ka ninau mua, he ano hemahema iki. E pili ana paha i na pali, a i ole i ke alanui paha. He nui na wahi pana o ia aoao e waiho nei.

            Oia ae la ka'u mau mea i lohe i ka olelo a ko'u makuahonowai kane. Me ka oiaio.

                        S.W. Kawai.

 

E ka makamaka ua akeia ka inoa o ia mahele holookoa ma ka aoao akau o ka lua, e like me ka ninau mua, oia hoi kahi o na kio lepo pele. A ina o na hoakaka ma kau haina, he hapa ia no Kilauea-nui, alaila ua pono ia.

 

Naueue o Europa.

 

            He mau lono o ka hoouka kaua wale no ko Europa e loheia mai nei; ke nee @a na pualikoa kaua he nui, ke liuliu la na lako kaua, ke hookahua pono la na moku kaua, ke hookahua pono la na moku kaua, a he hopena o ka hookahe koko weliweli ke hookoia keia mau liuliu. O ke aupuni o Rusia ka moho nui o ka hikina e hoonioni mai nei i na kapu maluhia o ia hapa poepoe honua. Kona na make e hulili e weli la i keia mau la; ke poai a puni la kona mau lima ia Bulegaria me ka manao nana e kau kanawai na palena o ia aupuni, a aia ka wela hahana o kona leo ke holopani lai ka umauma o na mana nui e ae o Europa. O Tureke kona hoa paonioni mau, a o Enelani ae no hoi a me Auseturia iho. O ke kulanakauhale alii o Konatinopela ke kahua e upu ia aku nei i keiw wa, aia a hehi kona mau wawae ia laila, alaila e loaa no he moe pono ana o na maka o ua bea akau la. A o kekahi hoi, he wahi ano hoonaueue keia i ko Enelani mana hoomalu ma na kapakai o ka moana Imana, a me na aupuni e ae malaila. Ke nee mai la no oia no na aupuni ma ke komohana me ka alawa pu ana o na maka ma ko Enelani mau panalaau: a me he la, ina no e hoeueu mai o Enelani, alaila e moe a make ana o Rusioa no na kapakai o ka moana Imana, -a pa ka hoi ka ili i ke kai, no ke kai ka hoi ua aina.

            He nui na alanui e upu ia la malaila e hoona ai na keehina wawae o Rusia, a i ole pela, heaha auanei la ka hopena. Aole nae i pauaho iho na hana uwao no na helehelena kaua o ka aina.

 

He Moenhane.

 

(Ka hopena o ka Piliwaiwai.)

            Malalo o ka malu a me ka anoano o na paia o kekahi hale, e noho ana he mau opio me ka hauoli iloko o na la mua o ke laua hipuu ia ana i ke apo gula o ka mare, a no laua hoi na hiohiona nohea e hoike mai ana, aohe ui kupaa iloko o ko laua imo hookahi ana. Aka, no ko kakou ake ana hoi e ike pehea la ke ano o ka moeuhane e kau ae la ma he poo mamua o ko kakou hoomahele loa ana aku i ko laua nei noho kulaia ana, ke hauoli nei ka mea kakau e hoike aku penei:

            O ka inoa o keia mau ipo elua, o Rinehama ka wahine, a o Milano ke kane - he mau ihuanu like laua. He kanaka puni lealea o Milano, a ua hoohalaia ka nui o kona manawa ma ka piliwaiwai. Mamuli o keia hana, ua loaa ia Milano ka waiwai; ua kuai he mau apana aina nui, kukulu na hale nani, a he noho'na kuonoono maoli a ua kapaia mai oia o Milano ka Milano ka Miliona-ea. Ua noho oia iloko o ka hanohano me ka hoomau ana no i ka puni lealea, a hiki i ka wa i eo ai i kona mau hoomahie ana ka puuwai o ka lede nohea opio Rinehama, a hoohuiia ae la laua he mau io hookahi.

            He malihini ia Rinehama ko Milano kulana ia wa, koe kona hoomaopopo wale ana i ka oleloia he kanaka waiwai a hanohano, me kona ike ole he kanaka puni lealea keia. Aka nona iho, ua hookahua kona anoi nui, e loaa iaia he noho'na oi paumi o ka hauoli iloko o ka maemae a me ka maalahi; a pela i kukuni paa ia ai ke aloha no Milano a e hiipoi iaia i hoa pilipaa nona. Oia hoi ka Rinehama i puana ae ai i kekahi la: "E Milano ka'u mea i aloha ai."

            Ua hooholaia e laua he manawa loihi o ka hauoli ma ko laua home, a ma ka moe ana i ka po, ua moe kaawale laua ma na rumi pakahi. I na po a pau a laua e makaukau ai no ka hiamoe, e haawi mua ana laua he mau honi aloha ana me ka hoomau, a ia wa laua e kaawale ae ai no ko, laua mau rumi moe. Aole nae o Milano e moe ana, aka e kolo malu ana oia a helu aku no ka hale piliwaiwai me ka ike ole o Rinehama. Hana mua oia i kekahi kii maluna o kona moe a uhi aku la i ke kapa, a i ka nana aku o Milano no a e ao.

            Ua hoomau ia keia hana a Milano no kekahi manawa loihi me ka malu loa, aka, i kekahi wanaao, oiai o Milano e kulaia pu ana me knoa mau hoa piliwaiwai, aia kana Rinehama ke moe la i kekahi moeuhane weliweli. Ike aku la oia i kana Milano aloha iloko o ka uhane e alakai ia ana e na koa no ka paepae laau oke poo, me na lima i hoopaa ia i na kaulaa, (ko Enelani hoopai mainoino keia) me kona poe i hoopulo'u ia me kekahi kihei moe. Ku iho la o Milano ma ke kahua oki poo a peahi mai la kona lima i kana rinehama aloha e hele aku. Hele aku la oia a kukuli iho la mamua ona me na waimaka. Apo mai la oia ia Rinehama a honi iho la me ka pane leo ole, (me he honi ana la i ko laua wa e liuliu ai e moe.) Mahope iho, aia kahoi o Milano ma ka paepae laau oki poo a me kekahi halulu nui., haule iho la ke koi ma kona kani a-i a kaawale ae la kona poo. No keia hiona weliweli uwe ae la o Rinehama me ka leo nui a puoho ino ae la oia. Eia ka he moeuhane wale no keia.

            Oiai o Rinehama i puoho ae ai mai kana moeuhane ae, ua anoninoni iho la kona noonoo a ake iho la e ike i kana Milano, a me ka noonoo pu ana ho maila ua lawe io ia kana kane me kona ike ole. Nolaila ku ae la oia a hele aku la no ka rumi o kana kane; kiei aku la, aia hoi e moe ana no kana kane: (o ke kii keia) aneha mai lo oia e hoi no kona rumi, aka. kupu hou ae la ka mamao iaia, e hele aku e hoala i kana kane a hahai aku i kana moeuhane weliweli. Me ka palanehe oia i hele aku ai a noho iho la me ke kae o ka moe. Apo aku la oia ma ke poo me ka hoala malie: aka nae, iloko o kona hikilele nui, hemo mai la ke poo kii a kakaa aku la ilalo o ka moe, a ia wa no hoi i holopani ae ai kona umauma a pili iho la kona hanu a haule aku la ilalo he kino maule.

            Hoi mai la o Milano i kona manawa maa mau, a ike iho la i ka hiohiona o kana wahine maloko o kona rumi moe. Me na hooikaika ana, pohala ae la o Rinehama aloha a hoike aku la i na mea a pau. Kukuli iho la o Milano ilalo, a me ka leo mihi oia i pane aku ai, a hoohiki iho la aole e hele hou i ka piliwaiwai.   KIMO.

 

Pau ole na Hana Peganu.

 

Aloha nui oe e ke KILOHANA POOKELA a ka lahui: he wahi nuhou ka'u penei: Ma ka Poalima iho nei la 22, hora 9 P. M. make aku la o Laamaikahiki (k) o Manana, Ewa nei. Ua loaa oia i ka mai piva ma ka Poaha: he makua keia kanaa no ka poe ona inu rama, a o ka makeke o Ulakoheo ka hoike no keia kanaka: o kana hana ia o ka ona mau i na la a pau, a moe ma ke ala. Oia a me kana wahine.

            Nolaila akahi no a ha'o ua make. Ma ka po i make ai, malaila ae ka Hon. A. Kauhi a me ka hope makai nui kahi i hana ai ia palapala kauoha, aole nae i kaku inoa ka mea i make - haule wale ia luhi. I ka make ana ulu mai nei ka manao o ka poe nana ke kupapau, ua make ua anaana ia e Holau (w) me kona ohana. Ma ka po Poaono, kii nio aku la i ke kahuna kuni no Waikele a kuni iho la. Ua paweo na maka o ua poe la i ka ohana o ka poe i kuhi i ana lakou i anaana.

            Ma ke Sabati ua hookomoia ke kino make iloko o ka pahu me kja puapuahulu: uuku loa kahi pahu. O Popolo, he wahine ke alakai o keia mau hana kuhihewa, a o ka hana nui iho la ia e lewa ai na papalina o ka la, e kuhi wale ana i make ia mea - aohe olelo ae i make i ka inu rama, ka oaau e make ai keia lahui.

            Pela iho la kahi nuhou i lohe oe e ke KILOHANA.   J. KALEIMAEOLE.

 

Pakele ke ola.

 

            Ma ke kakahiaka Poaha o kela pule aku nei, ma ka hora 5 a oi ma ka hale pupule ae nei, hele aku la kekahi makai kiai, o Papa kona inoa, e hoala i kekahi mau pupule ino i hoopaa ia ma kekahi hale pohaku a ke aupuni i hoomakaukau ai no na pupule hana ino, a oiai oia e wili ana i ke ki a e kulai ana i na hao mawaho aku o ke pani ua peku mai la ke wawae o ka pupule mai o ke pani a hemo aku la. Pa aku la nae ke pani ma ke poo o ka makai a me kona kino a haule pahu ana i ka honua; pa aku la kona kuemaka i ka pohaku a puu ae la, a ia wa no i hue pau iho ai na ikaika o o laua a hiki i ka paa pio ana o ke kiai i ke kanaka i uluhia ia i na uhane ino.

            Eia nae ka mea kupanaha ua nahu aku ke kiai i ka manamana lima o ka pupule a moku, a pela no hoi oia i na manamana lima ekolu o ke kiai a moku, a eia ke kau nei na alina maluna o laua, E ole kekahi pupule okoa nana i hai aku i na lima kokua, oiai na kokua i hoea mai ai aia hoi, ua ike ia aia ke kiai iloko o ka pilikia; puu na maka, pii mai ka eleele a aneane no e make, a uwao ia ae la. A pakele ke ola ma ka apua. O ke kumu i loaa mai ai keia ulia oia no ka noho me ka hemahema palaka ka naau a pela aku.

            Nolaila, ke ui nei keia maka peni o ka maka mua paha keia o na makai kiai o Kalaepohaku i paa pio malalo o na umii oolea ana o na lima wikani o ka pupule aole no paha i poina kekahi poe no keia kanaka o Keola ka inoa he makai kylanakayhale oia.

                        J. IKEPONO.

 

            Ma ka Poakolu nei i ikeia iho ai ka hookohuia ana o ke Kuhina Kalaiaina i Loio Kuhina no ka manawa ma kahi o ka mea mahaloia Hon. J. L. Kaulukou i waiho aku. E kala no keia mau wawa i ka Poaono i hala, a mai ia wa mai a hiki i ka Poakolu iho nei, akahi no a hooiaio loa ia. Aole i maopopo loa ke ano nui o keia hoololi hou ana i ka papa kuhina; aka, hookahi lono nui e wawa wale ia nei, oia no ke kue ia ana o na koi a ka Ona Miliona no kana mau dala i hoaie mai ai i ke aupuni iloko o ka halawai ana iho nei a ka aha kuhina.

 

Aha Kuhina Hoomakeaka

 

            Hee wahi moolelo kai kaao ia ae no kekahi hapa o o ka aiana o Geremania i ka wa kahiko pah@, haki e noho Duke ia nei e kela keiki alii ui o Germania nana i ako ae i kekahi o na pua alii a ka Moiwahine Victoria i pili aoao nona, a o ke keiki alii i hoowahawaha ia no ka ilihune e na makaainaa: a penei kahi moolelo.

            Hookokohu ia aku nei he hookahi kanaka wale no i papa kuhina, a ua kau ia maluna ona na oihana a pau o ka papa Kuhina. Oia hoi he Kuhina o ko na aina e, Kuhina Kalaiaina. Kuhina Waiwai. Loio Kuhina a me Kuhina Kaua; a penei hoi e maopopo ai ka lawelawe ia ana o na hana aupuni e keia kanaka hookahi.

            I ka wa e makemake ia ai ke Kuhina o ko na aina e, e komo mai no oia me kekahi paa lole i hjoomakaukau ia no ka oihana Kuhina o ko na aina e a maopopo iho la o ke Kuhina aina e keia. A ina hoi e makemakeia ke Kuhina kaua, he paa lole okoa no ia, ina hoi o ke Kuhina Kalaiaina, he paa lole oka ho kona; a pela aku a hiki i ka Loio Kuhina. Nolaila he hookahi kino kanaka nana e lawelawe na hana aupuni, a i ano e hoi ma na paa lole.

            Aia no hoi malalo o keia kanaka hookahi ma ke ano ke Kuhina kaua, ka lawelawe ana no na koa. Malalo ona e noho ana he 1500 koa, a i ka manawa e hele ai na koa i ka paikau, na keia Kuhina kaua no e alakai ia lakou, nana no e ao, a e hooponopono i na mea a pau e pili ana i ka oihana koa, a oia hookahi wale no ka mana. He poe alii koa no malalo ona, aka he poe kokua wale no lakou.

            Ma na oihana a pau malalo o kela a me keia oihana kuhina, na keia kanaka no e lawelawe, a ma o na paa lole oia e kahea ia ai ma na inoa Kuhina. A o kona uku he haahaa loa.

            He wahi hana ano like no hoi keia me kekahi i hoikeia mamu penei: E noho ana he papa Kuhina ma kekahi wahi, o hea la ia wahi. He paa lole no hoi ko kela a me keia Kuhina i hoolakoia e ke aupuni. He ano lole mimi ki keia e like paha me ka laholio.

            I kela me keia wa e hoopau ia ai kekahi Aha Kuhina, ua koe iho la no ka paa lole no kela poe hou mai. A nolaila ua pili kupono ka lole i ke kino o ke kanaka, ina he kanaka nui, loihi, opu nui oia; no ka mea he lole hele keia iloko a waho. Nolaila he hookahi no lilo ana o ke aupuni i ka lole no ka poe kuhina, a he komo wale no, aia ka lilo hou a nahaehae.

            O ka mea hu o ka aka, ina e makemake ia kela wahi Kuhina hookahi e ka Moi e noho kino mai lakou a pau imua ona. Pehea la oia e hana ai a noho kino aku lakou a pau? Oia ka ko makou wahi Kimo inpane hoomakeaka mai ai: "E lawe ia mai i hookahi lole o kela me keia Kuhina a komo iho." Pane hoi nei wahi eu: "e hapa Kuhina auanei.":

 

Ka Panalaau o Kalawao.

 

E ke KUOKOA e, Aloha Oe:

            Ma ko'u ano he kiu imi mea hou no keia panalaau nei, nolaila, ke hoonee aku nei au i keia mau hunahuna mea hou.

            Haule i ka lio. Ma ka la 7 o keia mahina, ma ka hora 4 auwina la, oiai kekahi waine e kakele pololei ana i kona lio no ke awa ku moku o Kalaupapa, ua ahai ia aku la oia e ka lio a hiki i kona haule ana, a ke waiho nei oia me ka nawaliwali i keia mau la.

            Make emoole. Ma Kalaupapa, Mo lokai, ua make emoole o Kukahuna k, he hope haawi laau no na mai.

            Mokolii. Ua ike ia aku kahi mokuahi Mokolii e kulana mai ana na kia; aole no hoi i liu iho, halakau ana i ke awa.

            Moku kunma. Ma keia pule iho nei, he wahi moku kuna kai kipa mai i o makou nei; a he mau pahu kamano kana i lawe mai nei i ia na na mai, i mea hoomanalo i ka laau a Kauka Goto. Minamina iho la paha o Kipikona i na hipa ana o Lanai.

            Ua lawa au maanei.

                        J. P. KAWAIKOLU.

 

KA HOALOHALOHA.

MRS. LAIANA:

            O makou ke komite i kohoia e ka Ahahui Kula Sabati o Maui Komohana. Ma ka oluolu ana i ka Makua ke Akua mana loa, ma ka lawe ana aku i ka hanu hope loa a Rev. L. Laiana no kela Home Lani.

            Nolaila ma ka inoa o ka Ahahui Kula Sabati o Maui Komohana, ke komo pu aku nei makou me oe, a me ka ohana i hooneleia i ka makua ole iloko o ke kanikau a me ka u aua me ke aloha nui.

            A ke nonoi ae nei makou i ka Mana Lani, e hoomama mai i kou naau luuluu.

            He oiaio ka mea i oleloia e ka Buke Nui: "E ake au e make i ka make ana o ke kanaka pono, i like ai ko'u hope me ia. Na ke Akua no i haawi mai, a nana no i lawe aku. E hoonani ia ke Akua."

                        D. KAHAULELIO

                        A. PALI          Komite.

            Lahaina, Maui, Okatoba, 18, 1886.

 

Abigaila Kalola.

 

            Ua hanau ia o Abigaila Kalola ma Waimea i ka makahiki 1810, mai ka puhaka mai o kekahi alii nui a koikoi o ka aina, na Kalaniulumoku (k) a me Kapaakihe (w.)

            Iloko o ia makahiki ka haawi wale ana mai o Kaumualii ke 'lii i kona aina ia Kamehameha I., a hui ae la na mokupuni a pau o Hawaii nei, a pau malalo ona. A no ia lono hauoli o ka aina mai o a o nolaila lawe ae la ke alii Kalaniulumoku a me kana wahine i ke keiki ma ko laua poli a holo mai la i Oahu nei e ike i ke 'lii nui ia Kamehameha.

            Noho ma Oahu nei no kekahi mau makahiki lehulehu me ke 'lii Naahienena a nui, a hoi pu no Lahaina, Maui.

            I ka makahiki 1828 i paa ai ka luakini o Wainee ma Lahaina, a mahope mai o ia manawa ua komo oia iloko o ka Ekalesia i hoolaa pu ia me ko ke Akua poe kanaka, a bapetizo ia malalo o ka makua Rikeke, a ma ia aoao oia i ku ai he hoahanau kahiko a he makua no ka pono.

            I ka makahiki 1835, ua mareia oia me ka mea kiekie ke Keiki Alii Abenela Luluhiwalani ma Honolulu nei na ka makua Binamu, a ua hanau mai he mau keiki na laua, a o Kahekili ka inoa o kekahi. A ma ka makahiki 1856, ua make iho la kana kane oia o Luluhiwalani.

            O Abigaila Kalola, ke hoomaopopo ia kona kuauhau ma ka lalani alii o Hawaii nei, oia kekahi o na koko alii kiekie loa; a he alii hanau o ka aina i ikeia e na mea a pau.

            He hoahanau kahiko o Abigaila Kalola no ka ekalesia o Wainee i Lahaina, i huli pu i ka pono me na 'lii Naahienaena ma i ka makahiki 1828, a e like me ke kahiko o ua luakini la a hiki i kona make ana aku la, pela ka hookumu ana o ka pono a paa ia Abigaila Kalola.

            He aliiwahine oluolu oia, lokomaikai, hoopono, kupaa a he inoa aala. A o ka luahine alii hookahi keia i koe e pani aku ana i ka palena hope o kela au kahiko o na 'lii mua i hala e aku. O kona kino kupapau i keia la, eia ka hooponopono ana iloko o ka lima o na Moi. Me ka mahalo.

 

MOOLEO O KA AHAHUI EEUANELIO O KA MOKUPUNI OAHU.

 

            Halawai ka ahahui Euanelio o Oahu, ma Kaumakapili, Oct. 6, 6, 1886, hora 10, A. M.

            Weheia na hana me ka Haiao a Rev. J. N. Paikuli, ma Pilipi 3:10.

            Hoomaopopo ia na Lala.

            EKALESIA.   KAHU.           ELELE.

            Kawaiahao.     Paleka.             Lapaki.

            Kaumakapili.   Waiamau.

Kalihi & Moanalua.     Paaluhi.           Kaialoa.

            Ewa.                Nawaa.            Keone.

            Waiakae.         Kekahuna.

            Waialua.          Timoteo.          Kamau.

            Kahuku.                                  Samoa.

            Hauula & Kahana.                  Hale.

            Waikane.         Paikuli,            Konaaihele.

            Kaneohe.                                 Kauhikoa.

Waimanalo.     Waiwaiole.      Naholowaa.

Hoa mau C. M. Hyde.

            Koho ka aha ia Nawaa i Lunahoomalu, S. Paaluhi, Kakauolelo.

            Koho ka Lunahoomalu i na komite mau, Komite Imihana, Hyde, Timoteo, Konaaihele.

            Komite Imi Haawina, Paikuli, Keone, Kekahuna, Komite Pai Moolelo, S. Paaluhi.

            Koho ka Aha, ia D. Keaweamahi, S Kapu, J. W. Naukana, B. W. Kaaua, me na lala o ke Kula Sabati, oi mau hoa Kuka.

            Hoike a ke Komite Imihana.

            1 E wehe ia na hana o ka la; me ka hapalua hora haipule. 2 Na Hoike Kihapai. 3 Na hoike o na Komite. 4 Na Palapala Hoopii. 5 Na Ekalesia Kahu ole. 6 Ke Ola o na Kahu. 7 Na Hope Kahu. 8 Na Oihana Ku waho. 9 Ke Kula Kahunapule. 10 Ke Kula Kaikamahine o Kawaiahao. 11 Na Ahahui Imiponoi. 12 Ka Heluhelu Baibala. 13 Na Misiona Kuloko. 14 Heluhelu Haawina. 15 Ka Opiuma. 16 Ka Hoomana Poaono. 17 Kahi e halawai hou ai keia Aha. Heluhelu mai o Waiamau, Paaluhi i ka hoike o ka laua Ekalesia.

            Hoopanee ka ia Aha, a hui hou i ka hora 1 A. M. Pule o Hyde.

            Halawai ka Aha i ka hora i hoopanee ia. Pule o Nawaa.

            Koho ia o J. Bikanele i hoa Kuka. Heluhelu mai o Nawaa, Kekahona, Timoteo, i ka hoike o ko lakou mau Ekalesia.

            Na Paaluhi i heluhelu mai i ko Kahuku, Hauula & Kahana, a me Kaneohe. Na Paikuli i heluhelu mai i ko Waikane.

            Kumuhana 3 Na Hoike o na Komite.

            Na Paikuli i heluhelu mai i kana hoike, e pili ana i ka Ekalesia o Kaneohe, a me ka Haiolelo Hoike Komite.

            O ko oukou komite i hooholoia e keia aha, a hoouna aku e hele aku i ka ekalesia o Kaneohe e hui pu me ia poe haipule e kuka, e hooponopono i na mea i loaa mai imua o keia aha.

            Ma ka halawai ana o keia aha i ka malama o Aperila, 1886. Ma ka hoike elua i hiki mai imua a keia Aha Hui. Oia hoi ka hoike a ka Haiolelo oia Ekalesia i ae ia e keia aha a me ka hoike a ka elele oia Ekalesia, mai laila mai. Nolaila, ua noonoo keia aha no ia mau hoike elua, nolaila, ua koho keia aha i komite. Ua waiho ia keia mau hoike elua ma ka lima o ia komite.

            (Aole i pau.)

 

            Ua hopu ia he mau pake puhi opiuma ma ka hale holoi o Haaliliamanu i ke ahiahi Poaha nei, a ua halai @ ae i ka halewai.

            Mai hoopau ia kekahi kapena mak@ no ka hookuu e ana i ka laina makai kiai o ka wanaao Poaha nei me ka hiki ole mai o na kapena o ia wau. A @ ke ano hea la ua paa honoia.

            I keia la e ku mai ai ka mokuahi Alameda mai Kapalakiko me na nu@ kaua paha o ka hikina. E @ aku ana oia no Kikane.

 

NA HOOLAHA NHOU.

 

            AHA KIEKIE O KO HAWAII @ Aina. Ma ka @

Ma ka hana o ka waiwai o ALINA ma Honolulu, Oahu i make. Olelo kauoha @ i la e hooiaio ia ai ka Palapala @ ka hoolaha ana.

            No ka mea, ma ka ia 27, Oka@ ua waihoia mai imua o ka Ah@ pala i oleloia, oia no ke K@ ALINA (pake) i make a @a la: a me ka @ pala Hoopii e noi ana e @ ia @ pala Kauoha a e hoopuka a @a @ Hooko ia HUNG POI, ua waih@ POI.

            Noi ila, ua Lauohaia o ke POAKAHI ka la 22 o NOVEMABA, 1880, @ 10 kakahiaka ma ka Ro@ Hooko@ Aha, ma Aliiolani Hale, Honolulu, @ me ka hora e hooiaio ia'i ia Palapala ka oha, a e hoolohe ia ai ia noi ana mai, a me ka poe a pau i pili, e kue ana ia Palapala K@ oha, a me ka hoopuka ana i ka Palapala @ Hooko.

            A ua kauoha hou ia e hoolaha @ na pule eha iloko o ke KUOKOA h@ pai ia a i hoolahaia ma Honolulu.

            Kakauia ma Honolulu, Okatober, 27, 188@

                        EDWARD PRESTON.

                        Lunakanawai o ka Ma Kie@

            Ikea:    HENRY SMITH,

                        Hope Kakauolelo,

                        2100-3t

 

HOOLAHA PA AUPUNI

 

E KUAI KUDALA IA ANA - @ ke hiki aku i ka la o Novemaba ma @ hora 12 awakea, POAONO ma ka @ Aupuni o Koholaloa ma Honolulu. Lio w. eleele a @ Lio w. eleele aole kuni. Lio w. ulaula @ anoe. Lio k. puakea a i akau PD. uha @ ak. PD. Lio k. eleele hapala ke kini @ ulaula lae kea nui 4 wawae keokeo ak. @ keokeo ak. KH. 2 Lio Kalep6ni maikai @

                        A. B. KAAUKUU, OCT. 29, 1886

 

Laau Mai Lepera Helu 1

A

S. H. MEEKAPU

LAAU MAI LEPERA HELU:

 

            E loaa no na kuka'i olelo an@ a @

Home noho ma Hikimua, Kaakopua, @ Papu, ke loaa mua ke kauoha ma ko@u @ Oihana Tela Humuhumulole ma Alanui N@ anu, Helu 11.

                        S. H. MEEKAPU

Helu 1, Alanui Nuuanu           Ho@

2086-1yt

 

AHA KIEKIE O KO HAWAII PA@ AINA. Ma ka Hooponopono Waiw@. Ma ka hana oka Waiwai o ISRAEL @ o Honolulu, Oahu, i make.

            Olelo Kauoha e koho ana i la e hoo@ ka Palapala Kauoha, a no ka hoolaha ana.

            No ka mea, ma keia la 18 o Okatoba, 1886 ua waihoia mai imua o ka Ah@ kekahi Palapala i olelo ia, oia no ke Kauoha Hop@ ISREAL FISHER i make aku la ia me ka Palapala Kauoha a e hoopukaia na Palapala @ Hooko a me Kahu malama waiwaina a @ mai e DAVID DAYTON.

            Nolaila, ua Kauoha ia a La POALIMA @ ka la 12 o Novemaba, 1886, ma ka ho@ kahiaka, ma ka Rumi Hookolokolo o@. A@ ma Aliiolani Hale, Honolulu, oia ka @ hora, e hooiaio ia'i ia Palapala Kauoha, @ hoolohe ia ai ia noi ana mai, a me ka @ pau i pili, e kue ana ia Palapala Kauoha me ka hoopuka ana i na Palapala Luna @ ko me ke koho ana i Kahu malama wawai i na keiki oo ole.

 

            A ua Kauoha hou ia, e hoolaha ia @ na pule ekolu iloko o ke KUOKOA, me Ha@ Gazette he mau nupepa i pai ia a i hool@ Honolulu.

            Kakauia ma Honolulu, Okatoba 18, 1886.

                        A. F. JUDD

                        Lunakanawai Nui o ka Aha Kiekie.

Ikea:    HENRY SMITH,

Hope Kakauolelo.       2099-@.

 

AHA KAAPUNI APANA @KU@ ko Hawaii Pae Aina, ma ka hooponopono waiwai. Ma ka waiwai o KANALUA (k) no Honokaa, Hamakua, Hawaii i make.

            Ua heluheluia a ua waihoia ka Palapala @ a KAPUA (w) e noi ana e hooponoponoia @ waiwai o KANALUA (k) no Honokaa. He makua, Hawaii i make kauoha ole, a @ noho aku ia AKAMU (k) no Hilo, Hawaii, Lunahooponopono no ia waiwai.

            Nolaila, ua kauohaia na mea a pau i @ ka POAONO oia ka la 30 o OKATOBA, @i ka hora umi kakahiaka, ma ka Hale Hookolokolo ma Honokaa, Hamakua, Hawaii. @ kahi a me ka manawa i kohoia no ka @ i ua noi la me na mea @ue ke hoikeia.

                        F. S. LYMAN.

                        Lunakanawai Ka@

Hilo, Hawaii, Sept. 16, 1886. 2099 @.

 

HOOLAHA A KA LUNAHOOPONOPONO WAIWAI.

 

OIAI UA HOOKOHU PONOIA KA mea nona ka inoa malalo iho @ hooponopono no ka waiwai o J. LUA @ hala Akau, mokupuni o Hawaii, i make@ laila, ke hoolaha aku nei i ka poe a pau he mau ko na ko lakou i ua waiwai @, ma @ hoopaaia a hoopaa ole ia paha, e waiho k@ mai i ua mau koina la me na hoo@ iloko o na malama eono mai keia la aku, @ kahi noho o ka mea nona ka inoa mala@ Iole, o hoole loa ia auanei lakou. A keiki ohaia aku nei ka poe a pau i ale i ua waiwa@ la e uku koke mai.    E. C. BOND.

            Lunahooponopono waiwai o @ LUA.

Kohala, Okatoba 9, 1886.       2008 @

 

OLELO HOOLAHA.

 

OIAI AU E KAAWALE AKU ANA mai keia aupuni aku, o MR. THOS. W. EVERETT o Wailuku, Maui, ko'u Hope me ka Palapala Hookohu Hope piha, a aole maluna o'u na aie a pau, e hoaieia ana ma ko'u inoa, koe wale no na mea i nanaia e ua hope nei o'u.            CHARLES SILVA

Wailuku, Maui, Ot@. 11, 1886.         2098-t