Ka Nupepa Kuokoa, Volume XXVI, Number 12, 19 March 1887 — Page 1
| This text was transcribed by: | Rosemary Mccune |
| This work is dedicated to: | Kaelene Ahu Rey |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVI, HELU 12. HONOLULU, POAONO,MARAKI 19, 1887. NA HELU A PAU, 2120
________________________________________________________________________________
HOOLAHA KUMAU
@@@@@@ @@@@@@ @@@@@ VIALLANCOURT
ASHFORD ASHFORD
ASHFORD & ASHFORD. NA HOAHANAU AKIPOKA.)
@@ ma@ @o@o, Hoakuka, Pale ma ke K@n@@@ @@@@@@@@@, Luna Hooponopono a me @@@@@@@@@@ ana i na Palapala Hoolilo.
@@@ @@@ @@@KO O NA AHA A PAU O KE AUPUNI.
@@@@@@@@@@@ PALAPALA PILIKAKAWAIA PAU.
@@@@@@@@ Helu 21, Alanui Kealpa, Honolulu Hale. 2082-@@
________________________________________________________________________________
@@@@@@@@@ Helu 348. Pahu Leta Helu 415.
Chas. T. Gulick.
Notari, a he Agena Hooiaio Palapala Kepa no na Paahana. He Agena @@ haawi Laikini Mare
@@@@@@ @@AWE @@HANA-@@@-AGENA KOMI@INA
He mea Hooponopono Waiwai Paa.
A @@@ ka Hale Pohaku o Kimo Kamahele, @@@ maluna e pili koke ana me ko ke Kani@@ Amerika, alanui Kalepa, Honolulu, H.I. 2110-@
____________________________________________________________________________
A ROSA. (AKONI.)
@@@ A HE KOKUA MA KE KANAWAI
He Luna Hooiaio Palapala
@@ENA HANA: Ma ke Keena Loio Kuhina tf.
________________________________________________________________________________
CECIL BROWN.
@@@ A HE KOKUA MA KE KANAWAI?
@ he @@@@@ Hooiaia Palapala no ka Mokapuni o Oahu
@@ENA HANA: Ma alanui Kalepa. tf.
________________________________________________________________________________
GEORGE P. KAMAUOHA.
He Loio a he Kokua ma ke Kanawai.
-A HE MEA-
ANA AINA.
@@@@@@@@ ma Kohala Aka@. Hawaii 2091-1y
________________________________________________________________________________
JOSEPH WILLIAM KELIIKOA
@@ l@ia, a he kokua, a he pale, a he koo m@ ke Ka@@@@@@. @ loaa no au ma ke Keena o J M Poepoe, kihi o na Alanui Alii a @@@@, Honolulu. Ua hiki no hoi ke hana @ na Palapala pili Kana@@@ o kela ma kela ano 1yr.
______________________________________________________________________________
J. A MAGOON, (Makuna.)
LOIO A HE KOKUA MA KE KANAWAI
Keena Hana, Helu 42 Alanui Kalepa kokoke ikeKeena o Pekekona. tf
_______________________________________________________________________________
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELE O MA KA OLELO
BERITANIA A ME KA OLELO HAWAII.
Keena Hana ma he Keena o ke Loio Kuhina. 1 yr.
________________________________________________________________________________
JAMES M. MONSARRAT. (MAUNAKEA.)
LOIO A HE KOKUA MA KE KANAWAI
He Luna Hooiaio Palapala.
H@h@na ia no na Palapala Kuai, Palapala H@@ malima, a me na palapala pili kanawai e ae me ka olelo Hawaii. Dala no ka hoaie ma ka moraki ma na waiwai paa.
KEENA HANA: Alanui Kalepa.
________________________________________________________________________________
KINNEY & PETERSON
LOIO, LOIO, LOIO.
KEENA HANA: Helu 15 Alanui Kaahumanu, Honolulu. tf.
_______________________________________________________________________________
S. B. DOLE.
LOIO. LOIO. LOIO.
He Luna Hooioio Palapala.
KEENA HANA: Helu 15 alanui Kaahumanu 2079-1y
_______________________________________________________________________________
W R. KAKELA
LOIO A HE KOKUA MA KE KANAWAI
H2 Luna Hooiaio Palapala tf
_______________________________________________________________________________
E. HITCHCOCK (AIKUE HIKIKOKI)
LOIO A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, me ka awiwi.
KOHALA HAWAII. 2114.1yr.
______________________________________________________________________________
WILLIAM AULD,
Luna Hooioio Palapala Kepa Pa@@@@ no he Apana o Kona.
KEENA HANA: Ma ke Keena o ke Kuokoa. tf
______________________________________________________________________
W. C. AKANA (KALAUKI.)
@@ Mahele a Unu@i-elele ma ka olelo P@@@ ma ka olelo Hawaii. Ua makaukau no @@@ @@@ i na Palapala Kuai a Hoolimalima pala aku m@@@@@ o na P@@ E me na @@@@@ Hawaii. E ;@@@ no au me ke
Ke@@@ Helu 7 Al@@@ M@, ma @@@ e @@@@@@ @@@ @@ a @@@poo K@@@@@@@@@@. 2010-1y
EDISEPA FERIDO
-
KE HIENA KAULANA O BAGALIA
-
KA OLALI O NA ME HUNA POHIHIHI
-
Ka Aina Lewa Pahaohao i Ma@@@ @eria.
-
Ke kuhikuhi Puuene Poupou Kamahao, a o ka Liona Hanu Meheu Pololei.
-
He Moolelo Enelani i unuhi iano ke Kuokoa.
-
PANE aku la ua kauwa wahine la, no luna o ka mauu i loaa mai nei ia u, a ua kakauia hoi me keia mau huaolelo oia keia, he 'Manu Ulaula."
Pane aku la ua alii wahine la, aole o'u makemake i kau manu, no ka mea. he mea nui ia'u ia mea.
No keia mau olelo a ke alii wahine ua hauoli koke ae la kana haia wahine a hoihoi aku la oia i kana pahu maloko o kona rumi a malaila oia i waiho aku ai.
Lalau aku la oia i kana pahikaua oilua, a wehe iho la oia i ua wahi pahu la me kona manao e hemo ana iaia, aka, i kona hoao ana iho e wehe, aole he hemo iki, nolaila pane ae la ua wahine la, aole au i ike i ka pahu kupanaha e like me keia, a ke noke nei au i ka wehe, aohe nae wahi a mohole ae.
No ka hemo ole a na pahu kupanaha nei, nolaila, waiho malie aku la oia a hele aku la oia no ka hoopau ana @ i kana mau hana like me ke ano mau o na kauwa malalo o na Haku.
I ua wahine ne e hele ana iwaho no kana apana hana a iaia i huli hoi mai ai mai kana apana hana mai, aia hoi, ua puiwa oia i kona ike ana aku i kekahi lio eleele nui i ku ana iloko o ka rumi me kona mau pono a pau.
I ka ike ana o ua wahine la, ua holo awiwi aku la oia a hoike aku la ia Ademiana ua komo @'o loko o kona rumi e ka lio eleele kamahao, a he oi aku ka nani o kona kulana mamua o na lio a pau i ike ia ma aupuni Oolinolino.
I ka lohe ana o ke alii wahine Ademiana i keia mau olelo kaene a kana kauwa, a me ke kupanaha maopopo lea hoi i keia lio o kona komo hewa ana iloko a ka halealii na@i, kahi hoi i manao ia aohe kupua nui nana e hehihehi-ku aku iloko, aka, i keia lio kupanaha hoi, ua hele wale ia no e ia me he mea la ua kamaaina mua ioa a i ole o kona home ponoi paha ia.
I ua nohea Ademiana nei i hiki aku ai aia hoi, aole ka lio kamahao, aka, he manu ulaula ke kau ana, nona hoi ka hulu i like me ka ula helohelo o ke koko, a o kona nui ua like no ia me ka nui o ka manu Nunu a kakou e ike nei.
I ka ike ana o ke alii wahine i ka manu, huli ae la oia a pane aku la i ka haiawahine penei: E, nani no hoi kou hoopunipuni, olelo mai nei hoi oe ia'u he lio eleele ko loko nei; eia ka hoi he manu Nunu ulaula.
E kuu haku wahine maikai, ua ike oe ia he wahine hoopunipuni ole au ia oe ma na mea a pau mai ko'u la i noho mai ai me oe a hiki iloko o keia hora, aole au i hoao iki e hoopunipuni aku ia oe, a o ka makamua no hoi keia o kou olelo ana mai ia'u he hoopunipuni au.
Pane houaku la no ua wahine la, e hoike au ia oe me ka oiaio, ua ike iho nei no au i kekahi lio eleele nona hoi ka hulu pahee eleele poni elike me ka hulu o ka kakou Manu Pouli, a o kona kulana maka nana aku he hiehie maoli aka, i keia wa a kaua e ike nei, ua loli ano e aku an mea a pau.
Pane aku la ua alii wahine la penei: Ke kala aku nei au ia oe no keia mau hana au a pau, a o ka manu e hookuke aku, oiai, aole o'u makemake ia mau me a pau.
Ae aku la ua wahine la, a hoao aku la oia e hookuke i ka manu kamahao.
E hoomanao kaua e ka me heluhelu aole keia he manu okoa, o ka lio Uwepa Eleele no.
I kela wa a ka luahine kauwa e hoemu la, ia wa i kani mai ai ua manu la me he leo ia no ke Kolohala i ka po lai e hea mai ana:
"E ku au e hele-e
E ku au e hele-e
O ka poe ino o lakou nei-e
He mana ka ia'u e hele-a."
Na keia leo nanahe lua ole o ka manu maalea e kani la, nana i hoopau wale i ka manao hookuke o ka wahine kauwa, oiai ua hooluoluia kona naau huhu e ka leo o ka manu, a huli ae la oia a pane aku la i kona haku wahine penei:
E kuu haku aole kaua e hookuke i na manu, no ka mea he maikai ka manu, a he nanahe hoi kona leo: aole paha kaua i lohe i kekahi manu e kani ana e like me keia ka nanahe o ka leo, nolaila, au e noi aku nei aole make hookuke o ka manu.
Ia wa pane aku la o Ademiana: E kuu kauwa maikai, o ka manu au e olelo nei he manu maikai aohe ona maikai, oiai, hahalia wale mai la no ia'u na hana a Manu Pouli mamua a me Edisepa nolaila o kena manu he manu kupua, e hookuke ka manu, no ka mea o ka manu, he manu kupua.
Pane aku la na luahine kauwa la, ae, ia wa hookuke hou aku la oia i ka manu no ka elua o ka manawa a e like no me ka hana mau a ka manu, pela no oia i hana mai ai no ka elua o ka manawa.
I kela wa hapai ae la ua Ademiana la i kana kookoo mana a o aku la imua o ka manu me ka pane ana aku penei: "E make kuu enemi."
I kela wa koke no i anapu aku ai ka uwila mamua pono o ua kookoo la a e like me ka imo ana a ka maka, nalo aku la ua kamaeu nei a kaua (Uwepa Eleele) ua like oia me he opala la imua o ke kaikamahine Ademiana, aka, mai hopohopo ko kaua naau e ka mea heluhelu no ka make o ua manu la a kaua, no ka mea i kela wa a ke kookoo ku pua i anapu aku ai mamua ona, aole oia i make, aohe no hoi i ano pilikia iho, aka, na ka mana o ua kookoo la i hoolilo iho i ka mana o ua manu la a kaua i mea ole, a puehu liilii ae la kona hulu i o a ianei a o kona kino hoi, haule aku la iwaho o ka malapua, a ia wa koke no, ulu ae la kekahi kumu laau Porada, a mohala koke ae la kona mau lau, a opuu pu ae la kona mau pua.
Manao kuhihewa iho la o Ademiana ua make ka manu kamahao,nolaila huli ae la oia a hele aku la no ka rumi a kana ipo e noho mai ana.
E hoomanao kaua e ka mea heluhelu, ua hemo o Uwepa Eleele mai loko ae o kona wahi pahu huinaha i hoopaa ia ai, a ua ike ae la hoi kaua ua lilo oia i kumu laau Porads.
O ke ana o keia kumu laau, he kumu laau aala loa, maikai pu hoi me kona mau lau, ka pua, a me kona hua, aole i ike ia keia an laau ulu ma ko kakou mokupuni nei, aia ma Amerika Hema e loaa ai i kei wa.
Maanei e waiho kaua e ka mea heluhelu i ke kamailio ana no Uwepa Eleele a me kana mau hana, oiai aia oia iloko o ka malapua kahi i noho ai me kona maalea nui, a e nana aku kaua i na hana a ke kupau Manu Pouli a me kona haku. Oiai ua ike maopopo mai la ua Manu Pouli nei i kahi i pee ai o Uwepa Eleele, a oia kana i pane ae ai penei:
Aole oe'e pakele e kena manu ia'u, no ka mea ua ike maopopo aku la no au ia oe, a me kau mau hana.
I kele wa koke no i lele mai ai ua Manu Pouli la a ma kahi a ua kumu laau la e ulu ana, kani ae la oia me kona leo kapalili a kiko iho la i ka pua.
Iaia i kiko iho ai, aia hoi, e like me ka imo ana a ka maka, kahuli ae la kona hulu a lilo i manu ulaula, e like me ka hulu o Uwepa Eleele i kona wa ma kona kino manu.
I ka ike ana o Manu Pouli ua ulaula kona hulu, hooikaika ae la oia e kahuli hou ae kona hulu a lilo i eleele e like me kinohi aka, aole e hiki oiai; ua loaa mai la oia i ka mana o Uwepa Eleele, no keia kumu huli ae la oia a hoi aku la iloko o kona home.
Iaia e hoi ana, ike mai la o Ademiana a me ke kauwa wahine, a pane like ae la laua penei: Auwe! Nani ka manu ulaula a ka make ole, eia ae no oia ke hoi hou mai nei.
I kela wa, pane aku la o Manu Pouli aole owau o Manu Ulaula, aka owau no keia o Manu Pouli ka olua manu maikai.
Hele pela oe e kena manu hoopunipuni, manao oe e he ulaula ka hulu o ka maua manu (Manu Pouli), he eleele paha kona hulu aole e he uleula e like me kou.
I kela wa, uwe aku la o Manu Pouli me ka leo nui me ka hea ana aku: Aole au he manu enemi, aka, owau no keia o Manu Pouli, a ma kekahi ulia, ua lilo mai nei au i manu ulaula.
Iloko o na olelo ana a Manu pouli a pau aole i maliu ia mai, no ia mea, hapai ae la o Ademiana i kana pehikaua a me koaa kookoo mana, a o mai la imua o Manu Pouli a make iho ia o Manu Pouli, me ia puehu liilii ana o kona hulu i o a ianei.
Ke ike nei kaua e ka mea heluhelu i ke akamai lua ole o Uwepa Eleele kona hoolilo ana i ka mahu punahele a Setiwa a me Ademiana @ enemi, a me kona pepehi ia ana a make.
I ka ike ana o Uwepa Eleele ua make o Manu Pouli, nolaila, pane ai la oia me na mino aka ana penei:
A, loaa kuu haku ia, aole wahi e pakele ai, no ka mea, ua hei keia poe a pau iloko o kuu mana, aole hoi e hiki i kekahi ke hoopakele ae mai loko ae o kuu mana; o keia poe a pau ua like lakou me he bebe la oiai i ka hapaumi wale no o ka'u mau hana hookalakupua, ua lilo e ko lakou mana i mea ole, aole hoi e hiki i kekahi o lakou ke manao e hiki ke hookaheli ia'u.
Me keia mau olelo @aena ae la ua Uwepa Eleelela i pane@e ai, a e like me ka imo ana a kamaka, ua lilo ae la oia i manu eleele loa, i like hoi kona ano me Manu Pouli, a kaua no paha e puana ae ai; O Manu Pouli maoli no keia aohe mea e aku.
Nana ae la ua Uwepa Eleele la a ua like oia me Manu Pouli, pane ae la oia: O Manu Pouli no au, aohe mea e ae.
Lele ae la ua Manu Pouli (Uwepa Eleele) la a komo aku la iloko o ka hale nani o Ademiana e kilohi ana hoi i na mea nani o kela a me keia ano me ka hauoli o ka naau, a e nana ana hoi i ka noho mai a kona haku Heneri; a oia kana i pane iho ai iaia iho penei:
A, o oe e kuu haku Heneri hookuli ka mea i puni malalo o na pelo ana a ka aoao palupalu; he mea oiaio, he mea oiaio, aole no o oe ke kanaka e manaoio ia ai he kupaa, oiai, ua hoike mai no kou mau helehelena i kou kulana.
I ka ike ana inai o ke kauwa i ka manu Pouli, pane aku la oiai kona haku Ademiana penei: Aia no hoi ha o Manu Pouli la, hoopunipuni maoli no kela manu imake aku nei.
Pane aku la ua haku Ademiana la, ike mua au ia mau mea a pau a ua maopopo no ia'u, no ka mea o kela manu, he ulaula kona hulu, a o ka kakou hoi he eleele, oia keia a kahea aku la oia: E Manu Pouli - e.
Keukeu mai la ka leo o ka manu Uwepa Eleele me he mea la no o ka leo o Manu Pouli.
Pane hou aku la o Ademiana:
Heaha kau mea i ike ai maluna o ka aina o kakou nei?
(Aole i pau.)
_____________________________________________________________________
Mr Lunahooponopono.
Maemae ka apana o Kohala Hema mamuli o ka maiau a me ka makaala o ke kiu aupuni Jas. Bright Esq. ka Ilamuku. O ka hana ana paha ia la o ke hoa kanaka, i ke kiekie i kahi manawa, a i ka olu lana malie i kahi wa, a nou auanei ka hale kipa ia e ke aloha, a me oe auanei keia hooheno ana a ka Naulu,
Ka penu ana o ka ia maikai,
Halale, halale mao ke kai,
Ilaila no oe e haupa iho ai,
Ma ka piko ma kahi lihaliha.
I na wa i hala mua ae nei, o ka rama a me ka uala kekahi mea nui ma kekahi mau wahi o keia apana, aka, i keia manawa ua malu ke kula aohe lele manu, a ua maemae ke kai i ka pua o ka hala. Mahalo.
He mau la malie keia o anie nei, a ke hoi mai nei ka wela hahana a nanali i ke kumu pepeiao. Aloha wale kini o Hoolulu; ua hiki, he pumehana nae hoi ia.
Mahalo piha makou i ka Hale Leta a me kona Luna Leta John Stupplebeen. Malama pono ia na leta hoouna ia aku, a pela na leta hoounaia mai me na nupepa, a loaa pono aku no i ka ona nona ia waiwai, a he makaala loa ia ka poe lawe wale me ke kuleana ole.
Nui ko'u mahalo i ka poe hoopono ma ka hana, a malama pono hoi i ka waiwai o ka lehulehu, a nou auanei na hoomaikai he nui.
Maraki 8 make o Miss Mereana Kahookano ma Makela i ka ohu o ka Ua Naulu, he kaikamahine i aloha nui ia e na makua, na loaloha a me ka ohana, a he opio i hahai mamuli o na meheu o ka hoopono a me ka maikai, aka, ua hala ia me kona nani. E hoomaikaiia na Lani. ULELEWAIMUI
LAUDILA.
KA NAITA HOOPAHAOHAO O NA
KAKAI MAUNA ME NA KAEI PALI O ITALIA
Ka Olali oke Kahua Kaua.
-
Ka Eueu nana i hookunihi ka Onohi malamalama o ka
La: ka Ui kekukela i malamaia mawaena o na kea.
hiwi me na kualono; ka @aninana i hoomalule
ka puuwai o na aliiwahine a pau o Europa
a i e@a ka eha lima ole a ke aloha.
Ka Makani Puahiohio Wiliau o ka Hikina.
-
A o keKupueu Iwikani o ka Makakila
A MAANEI noau a hele aku. O ko oukou moi, oia keia elemakule a me kana kaikamahine, a e noho oukou me ka hooko pono i ka laua mau kauoha a hiki i ko'u wa e huli hoi mai ai mai ka'u huakai mai. Hui hope ae la ke alii opio me kona mau hoahele a me na makaainana, a hoomaka aku la ua opio nei e hele ma kana huakai.
Oiai ua opio nei a kaua e kuoe hele ana ma ke alanui, a i kona komo ana aku iloko a ka ululaau, lohe aku la oia i ke kani kapalili mai o ka leo o kekahi manu, a he leo hoi ana i lohe ole ai i ka nani mai kona hanau ana mai, a oia kana e hoolono ana me ka alo-alo ana o kona mau maka mao a maanei o ke alanui me ke ake e ike aku. Hoomau aku la no oia i ka nee ana imua, a i kokoke ana aku i kahi a ua wahi manu nei e kani mai la, he mea e ka hoohihi o kona naau a me kona makemake i kona ike ana aku he gula ka waihooluu o ua wahi manu nei, a o ka mea nona ka leo kani kapalili ana e lohe nei.
I keia wa oia i kamailio ae ai: Akahi no au a ike i kekahi manu hulu nani, a o kona kani ana ua oi aku ia i ko ka hapa a me ko na mea kani e ae. A ke manao nei au e hopu ia oe, aka, pehea la e loaa ai. Ina hoi au e ki ia oe e make ana oe, aka, e pono no oe e noho iloko o keia ululaau a hiki i ko'u huli hoi ana mai.
Iloko o ka wa a ke koa opio e kamailio ne iaia iho, ua hooi loa ae la ua wahi manu nei i ke kani kapalili o kona leo, a ke hoolono la hoi ua kamahele nei a kaua me ka hauoli o kona manao ina e loaa ana iaia ua wahi manu nei, a i ke kuu ana iho o kona kani ana, kuehuehu ae la oia i kona mau eheu, aia hoi haule iho la kekahi puolo, a he mea kahaha loa ia i ka manao o ke koa opio. Lele iho la ua opio nei a hopu iho la i ka puolo, a i kona wehe ana ae puiwa ae la oia i kona ike ana iho i kekahi leta i kakau ia ma kona inoa.
I kona wehe ana ae, he mea e ka walania o kona naau ike aloha, no ka mea, aole keia he leta na ka mea okoa, aka, na ka mea no ana e imi nei, a o kana ipo moouhane hoi. I ka pau ana o kana nana ana i ka leta a kana wahine, kahea aku la oia i kahi manu ma kona inoa i hoike ia mai maloko o ka leta, oia o Leigulanani, e hele mai a haawi mai i kona aloha i ke koa opio. pela oia i hooko mai ai i ke kono a ua opio nei, a oiai no hoi o ke kaikaina ponoi no keia wahi manu no ka mea nana ka leta a ke koa opio i heluhelu iho ai.
Mahope iho o ko laua hui aloha ana ua hoomaka koke aku la no ua wahi manu nei e lele no ka huli hoi loa aku i ko laua aupuni, a ia wa hookahi no i lele aku ai ke koa opio mahope o ua wahi manu nei, a no ka manawa pokole, ua haalele loa ia aku la ua wahi manu nei e ke koa opio e mau tausani mile ka mamao. Kaohi mai ia oia i ka holo paukiki a kona lio, a he hookahi hora a oi kona kali ana, hoea aku la ua wahi manu nei a hoomaka aku la lakou e lele.
No elua po elua ao o ko laua lele ana, hiki aku la laua nei i kekahi mauna a malaila ka kakou kamahele imi aloha i hoomaha iho ai, a akahi no hoi a komo kahi ai. O keia kuahiwi, ua hoonohoia me na kiai, oia hoi ka uwila ka hekili, ka ua, a me ka makani ino i oi aku kona ino manua o ka ea o ka mea make, a aoli ho@ e hiki i kekahi mea kino ola ke hanu i na ea ke komo aku ma na palena o ua kuahiwi la. A e hoomanao e ka hoa heluhelu, o keia ka puka e komo ai a hiki i ke aupuni Aniani, kahi hoi o ke aloha e kali mai la o ke hoea aku o kana ipo.
Oiai laua e hoopau wale i ka manawa ma ke kamailio ana, ua pane aku la ke alii opio i kahi manu. E ka pokii manu o kuu aloha, ina e mau ana ka pa ana o keia makani, alaila, aole paha au e hiki ana ke lele aku, no ka mea, aole loa e hiki aku ia'u ke hanu aku i na ea oluolu mamuli o ka inoino o keia makani, ia manawa i lulu ae ai kahi manu i kona hulu a haule iho la kekehi hainaka silika nani lua ole, a me ia hainaka i holoi ae ai ke koa poio i kona mau pukaihu, aia hoi, ua pau kona honi ana i na ea inoino, a o ke ala kupaoa o ka hainaka kupua ka mea e inoani la ma ka ihu o ke koa opoi.
Ma keia wahi i lohe pono aku ai ka kaua kamahele alo anu i ka leo kanaka o kahi manu, a e hai mai ana oia i ke kiai o ua kuahiwi la, oia hoi he pipi, a o kekahi kiai hoi a ke akua Poowalu i hoonoho ai malaila, a ua hooluolu ino la laua ma ia wahi a po a ao hou ae.
Pau ka paina ana, hoomakaukau iho la laua no ka laua huakai, a i ke kokoke ana aku i kekahi kuahiwi kahi hoi a kahi manu i hai mai ai oia ke kino o ua pipi hookalakupua nei, aole no hoi i kana mai ka nui.
Iloko o na hiohiona hoomakaukau o ua pipi nei, i hui ae ai ke koa opip me ua pipi nei ma ke kahua kaua, a no ka manawa pokole ua make aku la ua pipi nei, a he kino puu lehu kona e waiho mai ana, a he mea hauoli loa hoi keia no kahi manu no ka lanakila ana o ka laua kane aloha maluna o keia kupua.
Hoomau aku la no laua i ka hele ana imua, a i ko laua wa e hele nei e haawi mau ana kahi manu i ke kani kapalili o kona leo, a he kapalulu ana nakeke mai la na kaulanao, a ike aku la ke koa opio i ka emi ana iho o ka papa pohaku a hamama mai la kekahi puka hohonu, a oia hoi ko laua puka e komo aku ai iloko a hiki i ke aupuni Aniani.
Mamuli o na kuhikuhi a kahi manu, pela no laua i kokoke aku ai i ka ipuka o ke ana, kahi hoi e kiai ia ana e na nunui he 60,000 a i ko laua komo ana aku, ua hooili ia kekahi kaua hahana mawaena o ka kakou kamaeu a me ma nunui kaia, a oiai oia loe kona hooloko o keia pilikia nui, ua unuhi ae la ke koa opio i kana uwepa kupua, a hoommaka aku ia e luku i na enemi, a no ka wa pokole ua pau loa iho la lakou i ka make.
Alawa ae la ua opio nei ma na paia pohaku o ua kakela la, he mea e ka nani, e alohi mai ana na mea nani he nui wale. Hoomau aku la no hoi laua i ka hele ana imua a iloko o ka hapalua hora, hoea aku la lakou i ke aupuni moo a ua hoouka hou ia he kaua hahana mawaena o ke koa opio a me na moo he mau tausani, aka, he mea ole loa lakou imua o ke kamahele kaahele lewa.
Hala hope ae la ke aupuni moo, a hoea aku la laua i ke aupuni hao, kekahi o na aupuni paa loa a ke akua Poowalu i hana ai, a e kaia ia ana hoi e na elepani kupua he 12 a me na kamelo kupua he 12, eia ka mea apiki aole he puka e komo aku ai iloko a ua aupuni la. A mamul io na kuhikuhi a kahi manu, ua loaa iho la he puka, oia hoi ke kumulaau.
Unuhi koke ae la ke koa opio i kona kookoo aniani, a o aku la i kahi a ke kumulaau e ku mai la, aia hoi ua lilo ke kumulaau i mea ole i ka mana o ua kookoo nei, ke hele la a paapaaina ka lewa i ka leo o ka hekili, a e olapa ana hoi ke alelo o ka uwila i ka mana o ua kookoo la.
Iloko o ka manawa pekole, aia hoi hamama mai la ka puka, a ia wa no lakou nei i komo aku ai iloko o aupuni hao, a me ka pihoihoi nui ke koa opio no keia mea e hauhili mai nei i o lakou nei, eia ka o ka ihu o ua poe elepani kupaianaha nei.
Ua hoouka hou ia he kaua hahana mawaena o ke koa opio Laudila a me na elepani he 12, a no ka manawa hope loa o ko lakou paio ana uwo ae la ua poe liona nei me ka leo nui, e kahea ana hoi i ko lakou mau hoa hohoholona na ke kokua ana ia lakou, a haule aku la lakou he luahi na ka make.
I ka lohe ana hoi o na kamelo i keia leo pilikia o elepani ma, holo mai la lakou e kokua, aka i ko lakou holo ana mai, ike mai la ke alii o na kamelo i ka waiho mokaki mai o elepani ma, ua pau loa i ka make, haupu ae la oia iloko ona aole keia he mea okoa, aka o ka hanai no a ka lakou keiki, Ke Laudila, ka makua hanai hoi o ke koa opio, a ua haupu mai keia manao ona, mamuli o ka hoike ana aku o kana keiki i ua kamelo alii la ma ka moeuhane.
Nolaila ku laina koke ae lana kamelo a pau ma ka laina, a o ua alii kamelo la hoi hele mai la oia imua o ke koa opio, a me kaloe oluolu oia i pane mai ei: E ke koa lanakila, e kala mai i kau kauwa nei ina he huhihewa ko'u i ke koho ana aku ia oe, aole anei o oe o Laudila ka hanai a kuu keiki Ke Laudila o na kakai mauna o Italia?
Owau no wahi a ke koa opio. Me na kukai olelo ana mawaena o ua poe kamelo la a me ke koa opio, ua hele lanakila aku la ka kaua kamahele. A e hoomanao e ka mea heluhelu, ua hanau ia keia poe ma ke ano kino eepa a o ka makua hanai hoi o ka kaua koa he kino kanaka kona, aka, he oi nae o kona mana a o kana mana hoi ia i haawi mai ai i ka kaua kamaeu.
Pau ka lakou kamailio ana, ua hoeu koke aku la no kahi manu i ka laua kane no ka hele ana no ka mea ua kokoke mai ka wa e lilo aku ai kau mea i imi mai ai i ke akua Poowalu, a ua hoomaka aku la laua e hele, a mamuli hoi a na olelo hoalohaloha a ua wahi manu nei imua o ke koa opio, ua hookuu aku la oia i kahi pokii manu o kana aloha e hoi e mamua, a e hai aku iaia, e kali iaia iloko o na la he 17 mai keia la aku, a hoea aku au imua ona, a he mea maikai hoi keia i ka manao o ua wahi manu nei.
A e ka makamaka, e hookolo aku kaua ma ka meheu o kahi manu e hoi la. No elua la me ekolu po o ka lele hoomanawanui ana o ua wahi manu nei, hiki aku la oia i ko laua home aloha, kahi hoi a kona hanau mua e kali mai la o ka hoi aku o kona pokii me ka mea a kona puuwai i aloha ai.
I ke kakahiakanui o kahi la ae, ua hoomaka ae la oia o kuu pau i ke kani kapalili o kona leo, a iloko o ka hiamoe nui o kona kaikuaana i lohe iki ae ai oia i ke kani a kekahi leo manu, hoomanao ae la oia o kona pokii no. Puoho ino ae la oia a kahea aku la me ka leo aloha, a hoi iho la no hoi ua wahi manu nei a kau ma ka uha o kona hanau mua, a hui aloha iho la laua. Hoike aku la ua wahi manu nei i ka moolelo piha o kana huakai imi aloha, a he mau la wale no koe hoea aku, a ua piha loa kona kaikauana i ka olioli, me ke ake no o ka ike koke aku i na maka o ke aloha, ola pono iho loko.
E na makamaka e hoomama ae kaua i ke kamailio ana o na ui, a pehea aku la ka kaua kamahele. I kahi manu i hoi ai no aupunt aniani, iho aku la ka ihu o ua opio nei no aupuni Keleawe.
I kona komo ana aku, ua hoouka koke iho la oia i ke kaua me na kiai o ua aupuni la oia hoi he mau manu kupua he 500 a oi ko lauou nui, aka, no ka mana o ka uwepa kupua a ke koa opio i hoopio aku i ko lakou mau kino a lilio i mau puu lehu. Hala hope ae la o aupuni keleawe komo aku la keia i aupuni Dala, a ia wa oia i lohe aku ai i ka halulu mai o na kapuai @@o, a emoole hoea mai la he mau tausani o na naita a i noho haku ia hoi e ka keiki a ke kaikuahine o ke aku Poowalu.
Me ka leo kanana a uahoa ua kaeaea nei i kamailio mai ai i ke koa opio, a he wa loihi ko laua papa leo ana, oia no ka wa i hoopuni ia ae ai ka kaua koa, aka, ua pau loa lakou i ka make mamuli o ka mana o ka uwepa kupua a ke koa opio. Ike mai la hoi ke alii o ua poe nei i ka pau o kona mau naita i ka make, holo mai la oia me kana koi kaua a hoomoe iho la maluna o ke koa opia, aka ai kona kino e waiho oni ole ana i ka honua aohe poo, a o ke koe na aku hoi a no naita, ua hookuu ia aku la ia e ka alii opio.
Haalele iho la ioia ia aupuni dala, a iloko a ka manawa pokole komo aku la oia iloko o aupuni Gula, hahaki mai la ua opio nei i kekahi lala laau gula a paa ma kona lima, a ia wa i lohe ai ke kaikuahine o ke akua Poowaulu a hoouna mai la oia i kona alihikaua me kona mau tausani naita kino pahaohao, a e kau ana oia maluna o kona lio moo, a he manawa pokole kapalulu ana ua kupueu la imua o ke alii opio. Ua hoouka koke ia he kaua hahana mawa ena o laua, aka aole loa lakou e lanakila imua o ke kamaeu Laudila. Ua hoolilo ia ke kino a ua alihikaua la i kia pohaku mabala, a he kiai hoi no ia aupuni no ka wa mau loa.
Haalele iho la oia ia aupuni gula a komo aku la oia i aupuni Daimana, kahi hoi a ke kaikuahine a ke akua Poowalu e noho alii ana me kona mana ku pua, a mamuli hoi o kona ike kilokilo, ua ike mai la oia ua pau i ka make kona mau kiai, ku ae la oia a komo iho la i kona mau aahu kaua a kaei ae la i kana mau mea kaua ma kona puhaka, hoomaka mai la oia e lele me kona mau kiai me ka mama nui, a ikoko o ka manawa pokole ku ana ua kupua wahine imua o ke alii opio, ua hoouka koke ia he kaua mawaena ona a me ke koa opio. aka ua hoolilo koke aku ke koa opio i kona kino i anuenue, a o kona mau kiai hoi i puu lehu.
(Aole i pau.)