Ka Nupepa Kuokoa, Volume XXVII, Number 5, 4 February 1888 — ALANUI O MANOA. [ARTICLE]

ALANUI O MANOA.

I ka nupepa KUOKOA Aloha oe. — Eia kahi mea hou o ka Uakuahine o Manoa nei, oia hoi ke hoomaemae ia nei na alanui elua o makou nei no hookahi mahina e hana ia nei. O ka uku hana ma ka hookahi pehu o ka la, ola no ka noho ana o nei uka. O na alanui e hana ia nei, oia ke alanui maluna a me ke alanui malalo, a mamuli no ia o na hana hoomeamea a keia aha kuhina hou, na alanui o ke kulanakauhale a me ko na kua nei. I kela poe kuhina mua hoi, he neo ia la, a o ka hulu nae ka makou e ike aku i ka puehu a komo i ka eke a Hakai, a kani iki ka lakou la aka. Ke hana ia nei keia alanui ma lalo o na hooponopono ana a kekahi ili puakea, a i kokua ia hoi e kekahi o na ilu ulaula oia o S. Kaanaana, a he kanaka maikai a hooikaika ma ka hana me ka pauaho ole, a o na kanaka no ka hewa he pakike a paakiki ke poo, i oi aku i ko ka ala, a uoki nae hoi oe e kipaku ia ana elua kanaka. a lolo ka ua mea o ka hookuli. Ua hoonaauao maikai ia keia S. Kaanaana, a ua loaa he wahi ike namu iaia a he kapeke maoli no ke kamailo mai me ke poo hana o makou Aohe no hoi he wa a make ae, loaa nei alanui hou o makou i keia au hoo meamea aupuni o Kalakaua 1. Ua manaoia e hana ia ana keia mau

alanui a elua a hui i uka o Kahoiwai. a mailaila aku a Waiakekua: a he eha paha o makou mahina i koe hui i ua wai kaulana nei, a auau i kona wai huihui ka wai hoi kanaia ka halealii o ka nanai e maule ai ka puuwai o ka mahiai i haiamu ia kona mau kae wai e na aala kupaoa o na lau iipo o ka wao. a he nanea maoli no ka nanea ana a i ona noi keia hooheno ana Aloha ia Waiakekua lipolipo i ka wehi palai Malalo au o kona malu I hooheno iho ai i kona ulu Ua inu au i kona wai A ua ono me he meli la Na ke dew i lawe mai Ke ala o kekupaoa A loaa mai au me kuna aloha E hoonipo ana iloko o ia wa Wai aloha a ke kamahele O ka uka o Manoa Ina e pau pono na hana, ua manao makou e hoala i ahaaina nui ma ua wai nei. He mau wahi mea hou ia, a ke huli hoi nei ko Manoa keiki, oiai ke kipu mai la ka Uakuahine i ka lau o ke kukui. Me ke aloha. N. LANIAWE Manoa, lanuari, 21, 1888.