Ka Nupepa Kuokoa, Volume XXVII, Number 32, 11 August 1888 — Page 1
| This text was transcribed by: | Lanette Mahelona |
| This work is dedicated to: | Mahelona Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELU 32. HONOLULU, POAONO, AUGATE 11, 1888. NA HELU A PAU, 2193
GEORGE P. KAMAUOHA
He Loio a he Kokua ma ke Kanawai.
-A HE MEA-
ANA AINA.
@@@@ no ma Kohala Akau, Hawaii
2091 1y
-
SYDNEY VAILLANCOURT ASHFORD,
AKEPOKA.
He Loio, Hoakuka, Pale ma k Kanawai
Kokuuolelo, Lunahooponopono a me ka huna ana i na Palapala @@@@@
LAWELAWE ILOKO O NA AHA A PAU O KE AUPUNI.
E hana ia no na Palapala pili Kanawaia @@@
@@@Keena Hana Helu 21, Alanui Kalepa,
Honolulu Hale. (2150 1 y)
AROSA. (AKONI)
LOIO A HE KOKUA MA KE KANAWAI.
He Luna Hoolaio Palapala
KEENA HANA: Ma ko Keena Loio Kuhina.
Tf.
-
CECIL BROWN
LOIO A HE KOKUA MA KE KANAWAI?
He Agena Hoolale Palapala no ka Mokupuni o Oahu
KEENA HANA: Ma alanui Kalepa
Tf.
-
WILLIAM C. ACHI
Loio a he kokua ma ke kanawai imua o na Aha a pau o keia Aupuni.
He Mea Ana Aina a he Boroka ma na waiwai paa.
Keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y
JOHN MAHIAI KANEAKUA
LOIO A HE KOKUA MA KE KANAWAI. HE MEA UNUHIOLELO MA KA OLELO BERITANIA A ME KA OLELO HAWAII.
Keena Hana, maluna ae o ka Banako o Piihopa ma. 1yr.
JAMES M MONSARRAT
(MAUNAKEA.)
LOIO A HE KOKUA MA KE KANAWAI
He Luna Hoolaio Palapala.
E hana ia no na Palapala Kuai, Palapala Hoolimalima, a me na palapala pili kanawai e ke ma ka olelo Hawaii. Dala no ka hoale ma ka moraki ma na waiwai paa.
KENA HANA: Alanui Kalepa.
W. A. KINNEY, (Kini.)
LOIO
Keena hana ma ke Keena o J.A. Makuna
2168 Helu 4@ Alanui Kalepa. 1y
W. O. SMITH.
Loio ma ke Kanawai.
Helu 66, Alanui Papu, Honolulu ty 4-1y
W. R. KEKELA.
LOIO A HE KOKUA MA KE KANAWAI
He Luna Hoolaio Palapala.
Tf
WILDER & CO. (WAILA MA.)
Meakuai papa a me na laho huhulu haia na ano a pau, a me na me no pno a pau ao ke haia.
Kihi Alanui Moiwahin me Papu. Tf
PACIFIC HARDWARE COMPANY
-
Na hope o Dillingham Ma.
Mau Mea Kuai Lako Hao
Alanui Papu, Honolulu.
-
HOOLAHA.
G. W. A HAPAI
Ma Luna Hooko Mar@
-A He –
AGENA HOOIAIO PALAPALA
E loaa no ma Hilo-taona, Hawaii, ma na manawa a pau. 2152-ty
E G. HITCHCOCK
(AIKUE HIKIKOKI)
LOIO, A KOKUA MA NA MEA A PAU E PILI ANA MA KE KANAWAI.
E ohi ia me na @ila Aio, ma ka’awiwi
Hilo, Hawaii
2114 – 1yr.
SAMUEL K. KA-NE
Loio a he loaa ma ke Kanawai
Imua o na Aha Hookolokolo a pau o keia Aupuai. Keena hana i Kini o na alanui Moi a me Betela, pili pu me ka keena o ka nupepa ke Alakai o Hawaii. @@@@
HE MOOLELO
-NO KE –
Koa o Kanahele,
- A I OLE IA –
Ka Naita o ke Kapa
Kila Lahilahi.
-
KE ANA O NA POWA
-
MOKUNA IV.
-
O Iubika Iuro, i namunamu iho ai ke elemakule me ke kulou o kona poo ilalo, a liuliu iki, ea aia oia iluna a emi aku ia i hope, pane mai la, Ku malia mai oni oe, nana pono aku la keia me he mea ala e noonoo ana no kekahi mea poina, a liuliu pane mai la.
E Merina, ua ike kaua ia kaua, ua kamaaina wau i kou makuahine i kona wa opiopio. Nona a nou no hai e lilo ana wai i hoaloha nou. Owar o Legisomuno, ke kilokilo, ke kauka a me ke kumuao, A ua ike ia, e hai mai oe ia’u i na hana ia ana o Mmakipa i loko o ke ana, hahai aku la ke keikiilii i na hana ia ana.
A ia laua nei i eu holoholo ana a hiki i ka mole hulehu, huli hou aku laua nei no ka lumi aina.
I laila he iwakalua kanaka e akoakoa ana no ka paina ahiahi, o ke kau ene nui oia ma ke oo o ka pakaukau a o kona hope iho, oia ma ka aoao akau.
A o ke kilokilo oia ma ka aoao he ma, a pela aku a hiki i ka pau ana o lakou.
O ka elemakule nae, he hiki iaia ke ai nia na wahi a pau, i kekahi wa ai no ia maloko o kona lumi me kona mau hoa.
E na keonimana, i pane aku ai ka elemakule mamua o kona noho ana ilalo, oluolu iau ka hoolauna ana aku ia oukou i ka hoaloha maikai o ko kakou haku, oia o Merina he keiki maikai oia, a he oluolu, a pela hoi au i makemake ai e hoolauna aku oukou iaia me ke aloha. Kunou aku la o Merlin ia la kou, a noho i hola, a ole nae i oluolu keia, no ka mea he hookahi o lakou i nana pono mai ia ia nei me ke ano pahenehene.
He kanaka pahaahaa wale no ia, me ka lauoho ulaula me na maka kila, a malaila e ike ia kona ano, ua piha i ka hoohenehene, aole ia i pane nui mai aka ua hawanawana a ua nana pono mai iaia nei.
Pii ae la ko oa nei inaina, aole nae keia i pane aku, ua ike mai i a nae kela i ko ia nei ano, a na kekahi poe i hoonalonalo mai a pau wale Pau ae la ka paina a hoi aku la laua nei ma ka lumi ao, a pane ka elemakule.
E kuu keiki ua kaumaha paha kou manao ina olelo a ke ku ou kaka pahi.
I kau la keia he kumu kakapahi ka ke kanaka e nana pono ana iau a hoohenehene?
Ae he kanaka Bavaria ia, o Ioviana kona inoa, aole no hoi ia he kanaka ino, aka he wahi waha olelo kona, e ao ia nae oia e pono ai, e ina no hoi oe e hoomaopopo i kana mea e kamailio ai, alaila olelo wale mai la n o a molowa hoopau ae la.
Aole nae keia i pane aku, hoi aku la laua a komo i ka lumi, ike aku la keia ina puke a me na palapala aina, a me ka poepoe honua, a me na mea hana kilo, a me na mea hana kauka, o kela a me keia ano, papani akula ka elemakule i ka puka ki a paa, hoa ala i ke kukui a nana pono mai la ia ia nei a pane mai la, e Merin, a hoolohe mai oe i kau mau olelo, noka mea o wau kau kumu.
E hoomaka kaua ma ka nana ana i kou kino, e wehe ae i kou kapa, he makemake wau a nana pono i kou kino.
Aole keia a kanaua iho, wehe koke ae la keia i kona kapa, a hoomaka mai la ka elemakule e nana i ke kua a pau huli ma ke alo, a pau ia olelo mai la iaia nei e komo i ke kapa, aole keia i pane iki aku no ko ia nei hopohopo o i mai kela aole pololei hou ana ko ia nei kua.
Lutanela Roge
-KE-
Liu o ke Kaikuono
O MOBILE
-
Ke Kiu a Adimarala Faragata i hoouna ai e Ana a e huli i na Topido ma ka Palaku o ke Kaikuono o Mobile.
-
He Moolelo iloko o ke Kaua Kuloko o ka Akau me ka Hema.
-
O ke kauoha a Adimarala Bunanana i haawi aku ai no ka hoouka ana i keia kaua a hiki i ka make ana, oia ka mea i ike ia ma ka oneki o ka moku kaua Tenesi, ua uina nakolokolo hou ae la ka lewa me ko lakou mau leo weliweli, e ko halulu ana ke alahele o na poka pukuniahi a puni ke kaikuono, a e kahe ana hoi ke koko o na koa me he muliwai la ma ka papahele, a o ka leo o na koa e mauliawa ana no ka maka, e kahea ana lakou i na huaolelo – E ola loihi ka hae o na Mokuaina Kuikahi Hui o ka Kema.
No ka hiki ole i ka moku hao kipi ke hoohuli iaia iho ma kahi i makemake ia , ua like ia me ka hoike ana aku ia Faragata, he kiahoailona nui maikai ia no ke kiki ia aku e kona mau aumoku. Ua holo poai puni ae la na moku laau i na manawa a pau, a o ka lakou mau poka e ki ai i ka enemi, he mea oiaio ke ku mau aku i na wa a pau, a o na koa e hoonana ana i na pukuniahi o ka moku Tenesi, ua haalele aku la lakou i ke ku ana ma ka aoao a emi mai la ihope.
I keia wa i hoomaopopo iho ai o Bukanana, ua hiki ole ke hoohuli ae i ka moku ma kahi i kauoha ia, a nolaila o ka mea hiki wale no ke hana ia no ka hoopakele ana i ka moku, e holo aku malalo o papu Mogana, i pakele ai lakou i ke au ia aku e na aumoku o Faragata.
O ka haalele ana o na koa i ko lakou mau kulana ma na pukuniahi, he haawi ana aku ia no Faragata i ka lanakila o ka la, a oia ka Roge i noonoo iho ai iaia iho, e lawe i ke kulana o ka hoohana hou ana i na koa ma ka aoao o na pukuniahi, i kumu nona e hui hou aku ai me Bukanana ge alo a he alo, ke kanaka hoi i olelo mai iaia nei, e hoopapa i ka hao.
O na koa e auhee nei mai ka lakou mau pukuniahi mai, a me ka nele i na aliikoa ole ua pau loa i ka make, a me Bukanana hoi e waiho eha ana ma ka oneki, oia ka Roge e hopuhopu nei: na koa e puhee nie ihope a pane aku la me keia mau olelo –
“E hookanaka ia oukou, a mai hoolilo i poe hohe wale! No ka hanohano o na mokuaina o ka Hema, e hakaka aku i keia poe Amerika a hiki i ka make ana.”
“Ua kauoha au e hoopaa ia kela kanaka i ka hao he mau minute pokole i hala ae nie,” wahi a Bukanana i pane ae ai i kona Kapena no keia hana a Roge. “Aka, ke ike nei nae au i kana mau hana o ka wiwo ole ma ka hoihoi hou ana mai i na koa i puhee mai ka lakou mau pukuniahi aku.”
I ka wa a Roge i alawa aku ai ia Bukanana a e nana mai ana oia iaia me na helehelena o ke kahaha nui, ua pane hou aku la oia i na koa-
“E hoi ma ka aoao o ka oukou mau pukuniahi a ku a hiki i ka make ana. Ua ahona e make iloko o ka hauoli no kou aina.”
“E hoopii ana au ia oe mai kou kulana ikeia manawa no kekahi kulana hou,” wahi hou a Bukanana i pane ae ai no keia mau hana haapunipuni a Roge. “E mihi aku ana au iaia no keia hana wiwo ole ana mahope iho o keia kaua ana.”
I keia manawa i holo poai puni ae ai na aumoku kaua Hakapoka, Monekahila,Lakawana, Opaka, a me na moku hao monito, a na keia papapu hou o lakou i pulumi aku na mea a pau maluna o ka moku Tenesi a oloheiohe, a o kekahi mau poka, ua komo aku la i ka rumi o lalo, a hoeha hou ia na koa ma ka aoao o na pukukuniahi, a pakele mahunehune iho la o Roge mai poino i ka lakou mau poka ponoi.
Ike hou mai la o Bikanana i keia poino hou i loaa i kona mau koa, a me ka hiki ole hoi i ka moku ke hookele poloki aku malalo o papu Mogana, ua haawi mai la oia i kana kauoha haawi pio penei-
“E hoopau ia ke kaua ano.”
“Pela kuu manao,” wahi a ke Kapena i pane mai ai.
Ua maalo ae la o Roge ma kahi a Bukanana e waiho nei ma ka oneki, a ua hlo nae ke kamailio hou ana aku ma ka aoao o ke Kapena ia Bukanana me keia mau olelo –
“E ae anei oe e haawi mai i ka mana o ka moku, a na’u e hakaka ae me ka enemi no umi minute?”
“No, sir!” wahi a Bukanana i pane mai ai i kona Kapena, “E haawi pio ana au i ka moku i keia manawa. E huki ae i ka hae keokeo e Kapena Johnston.”
O keia na olelo hope loa a Bukanana i hoopuka ae ai, a he uni minute mahope mai o ke kau ia ana o kela hae keokeo haawi pio, ua pau ke kipu ana mai o na moku o Faragata, a pii aku la na koa ina ka oneki o ka moku kipi a lilo pio aku la ke Tenesi, ka moku hao ikaika loa o ka aoao. Hema i hana ai iloko o na makahiki elua i ke ao me ka po@ a me ka puu dala nui hewahewa he elua m@iona ma ke gula. O Adimarala Faragata, oia iho la ka haku maluna o keia moku i keia manawa a me ke kaikuono akea o Mobile, a na keia kaua i hoakea loa ai i kona inoa ma ka haule pio ana mai o na pakaua pale a me ke paniku ana i ke kulanakauhale o Nu Olina, a hiki i ka wa i ai ai na kanaka i ka io o ka holoholona no ka pololi. O keia Adimarala wiwo ole a kakou e heluhelu nei i keia moolelo, eia no oia ke ola n ei ma Amerika i keia la.
I keia wa i hoike ae ai a Lutanela Roge iaia aho imua o Bukanana, ke kanaka ana i hookipa ai ma ka oneki o kona moku he ekolu mahina i hala ae, a i hoolilo aku hoi i pailata no ka hoo ili kaua o keia la. O na hoomaikai ana he nui wale oia ka Faragata i pahola aku ai ia Lutanela Roge, no kana mau hana koa o ka wiwo ole iloko o kana kiu ana i na poopoo o ka enemi ma ko lakou ipuka ponoi i ka wa i ma kemake ia ai o kana mau kokua.
-
MOKUNA IV.
KA PAA PIO ANA MA KA PAKAUA.
O keia lanakila i loaa iho la ia Faragata me kona mau aumoku, ua lawe ia aku la ia ma na mokuaina hikina a me ke komohana, a ma ke kulanakauhale o Wasinetona kahi o ke kahua o ke aupuni, aia ilaila na hookahakaha o ka hauoli kahi i malama ia ai, a o ka inoa o Faragata me kona mau aumoku laau o ka wiwo ole, ka hauolelo hookahi e kamailio ia ana e ka lehelehe o na haneri tausani kanaka.
O ke kulanakauhale o Nu Olina, aia ia malalo o ke kulana kaua makaukau i na wa a pau, a ua hoouna ia na kiu lehulehu ma o a maanei o ke kulanakauhale e hoolohelohe ia no ka Faragata hana eluam, a he hookahi o lakou he kiu wahine i hiki iluna o ka moku Hakapoka, a nana i hai aku na lono ia Mekia Kevieta, ka Alihikaua Nui o Mobile, he kiu o Roge i noho hoomakakiu i ke kulanakauhale no eono mahina i hala ae, a nana i hai aku ia Faragata ka ikaika kaua piha o Mobile.
“E huli i keia kanaka ma ka inoa o Roge a loaa, na’u e haawi aku kona hoopai ma ka li ana iaia maloko o ka papu paahao,” wahi a ua Alihikaua la i haawi aku ai i ke kauoha ia Kapena Davikekona, ke alii alakai o na kiu.
Ma ka hora 10 o ua po la, oia hoi ka wa e aaki paa ana ka pouli ma ke kaikuono, ua lohe ia aku la ka leo o Faragata i ka pane ana mai-
“E Roge, e holo ana oe i uka i keia po, a huli i kela kiu wahine i hiki ai i ko kakou mau aumoku nei. Ke loaa ia oe ma ke kulana hiki ke lawe pio, e lawe mai; ina o kou ola kai loko o ka pilikia, e kipu aku i kona poo; a i loaa ole, e huli hoi mai i keia po. Nolaila, e lawe a hooko i ke kauoha.”
O keia kauoha a Faragata i haawi aku ai ia Roge no kahuli ana i ua kiu wahine la o Mobile, oia ka mei hiki ke olelo ae, ke kaupaona ia nei ke ola o Roge mawaena o ka make a me ke ola, oia kana i puana ae ai i keia mau olelo-
“O ka hooko kauoha, oia ka’u e hana ai i keia minnte; ina ua hoomakaukau mua ia ke ana i ko’u aola no kekahi kumukuai, aole no ia he mea no’u e uhaki ai i ke kauoha e kau nei maluna o’u no ka hooko aku.”
Ua iho aku la oia ilalo a komo mai la i ka lole koa o na koa kipi o ka Hema, pii hou aku la i ka oneki a ma ka aoao hope o ka moku, hooku’i iho la keia i kahi waapa uuku iluna o ka ilikai, iho iho la keia a kau ana iluna, pane ae la i keia mau olelo-
“E like me ka loihi o ka noho ana o na aumoku Amerika ma ke kaikuono nei, pela ka nui o ka makaala ia o na kapakai a me na uwapo no kekahi kanaka e holo aku ana iuka mai keia mau aumoku aku.”
He oiaio, e like me ka loihi a na aumoku o faragata e ku ai iloko o ke kaikuono, pela na lono o ka pihoihoi mui e pahola ana a puni ke kulana kauhale. Ua haawi ia ke kauoha i na koa a me na kiu lehulehu, e makaala loa ia na kahakai a me na uwapo no ke kahi waapa e holo mai ana mai na moku Amerika mai, e honu ia ma ke ano he kiu a lawe aku imua o Mekia Levieta, me ka nana ole ia o kana mau kumu pale.
He hookahi mea i ikaika loa ai o ko Roge manao e hiki kino aku iloko o ua po ala, oia no kona aloha ana ia Edita Taila, ke kaikamahine opio nana i hookipa oluolu aku iaia iloko o na mahina eono i hala ae na kona home, oia kana i puana hou ae ai i keia mau olelo-
“A, e kuu Edita, i kekahi o na minute o keia po, e hui launa hou ana kaua he alo a he alo. Ua manaoio loa kuu wahi hoakula Venona, ua make ia wai i ke pahu ana o ke topido i kela po. Ha, ha, ha. Pehea aku nei la kahi kanaka kiai waapa i ka hoi hoi ole ia aku o ka waapa ona?”
Ua lalau iho keia i na hoe, a hoomaka aku la ko ia nei wahi waapa e holo imua. Aole keia i holo aku no ka uwapo kahi ana i holo mai ai i kela po mua, aka, ma kahi a ka negero Josh i holo mai ai, malaila ko ia nei pae ana aku i ka aekai, a me na pu panapana elua ma kona mau lima, ua pii aku la keia ma ke alanui e hele mau ia ai.
He mea hiki ole i kekahi kanaka ke koho hewa maiiaia nei me kona kapa koa like me ko lakou, mai na aumoku mai oia o Faragata. Ina wale no o Roge i huli ae ihope ika wa ana i pii mai ai, ina ua ike aku oia i ke kiu wahine o Mobile, e kokolo ae ana na lima me na wawae ma kahi o ka waapa o Roge e lana ana. Ua hoomau aku keia i ka pii ana ma ke alanui meka ukali pu ia aku e ke kiu wahine maho pe, a hiki i ko ia nei komo ana iloko o kahale o Edita, huli ae la ua kiu la a holo i kai o ka uwapo e hai ia Kapena Davikekona o nakoa kiai kiu kahakai, no ka pae ana mai o keia waapa kiu mai na moku Amerika mai o Faragata.
I ka wa i lohe ai o ua Kapena ia o na kiu, ua pii koke mai la oia me hookahi puali koa no ka hale o Edita, malalo o na kuhikuhi ana a ka wahine kiu.
Ua hiki aku o Roge ma ka ipuka o ka hale o Edita, a kikeke aku la ma kana mau hoailona i maa i ke kaikamahine, oia kona wa i hikilele mai ai a holo koke mai la e wehe i ka ipuka, a aia hoi ma kona mau helehelena na hiohiona o ke pahaohao nui i ka ike ana mai ia Roge me ka paa lole o na koa kipi, oia ka laua elua i puliki ae ai me ka hooma-u ana iho i ke kuhinia o na lehelehe o ka honi, oia ka Edita i pane mai ai-
“Ma ka lokomaikai o na Lani, eia oe ua hiki hou mai nei i Mobile nei, a malalo hoi o ka aahu o na koa kipi o ka Hema?”
“Ae, e Miss Edita,” wahi a Roge i pane aku ai. “Aole anei au o kekahi mea like o lakou au e ike mai la i keia manawa?”
“Ae, aka, o kou ola, aia iloko o ka poino nui i keia minute. O Mobile holookoa nei, eia iloko o ka pihoihoi nui no ke kaua, a e li ia no oe iluna o ka pou ipukukui ina e loaa. E haimai i ke kumu nui o kou hiki ana mai nei i keia mau hora o ke aumoe?”
“Eia au malalo o ke kauoha no ka huli ana i kekahi kiu wahine o ke kulanakauhale nei.”
“Ahe,” wahi hou a ua kaikamahine la i pane mai ai. “Eia oe ke huli nei i ka liona oiai oia iloko o kona lua ponoi. E waiho malie i kela kiu a hoopau oe i kou manao, no ka mea, o na poop o a pau o Mobile nei, ua piha wale no i na koa a me na kiu lehulehu e makaala loa ana i na manawa a pau. Eia pu iloko o ke kulanakauhale nei o Kapena Venona i keia po, kela kanaka ino i hoouna ai ia oe e holo ma ke kuwa i piha me na topido.”
“O Kapena Venona?” wahi a Roge i pane ae ai me kona heleheleha o ka mino aka. “Eia anei oia iloko nei o ke kulanakauhale? Ua manaoio ua wahi hoakula la o’u, ua make ia wai i ke pahu ana o ke topido i kela po. Ua makemake loa au e hoike aku iaia, he hiki no i kekahi kanaka ke holo iwaena o na tausani topido me ka make ole.”
“Aole no laila wale, aka ua pule pu au i ke kokua ana mai o na Mana Lani, e hoopakele ae iua oe me ka hui ana me na topido ma kou alahele. Ke ano hopohopo nei au nou, ina ua i e ia mai nei oe a ukali ia mai mahope.”
“Mai hoopilikia i kou noonoo no @a mea,” wahi hou a Roge i pane aku ai i ke kaikamahine no kona manao pihoihoi. “Ua lele mai ne au a pii pololei a hiki i ka hale nei me ka ike ole ia i kekahi mea.”
Ua hooki koke ia ka laua nei makailio ana mamuli o ka hehi ana mai o kekahi kapuai wawae ma ka lanai o ka hale a kikeke mai la i ka ipuka.
(Aole i pau)
-
KAU AHAOLELO O 1888.
-
LA HANA 56, AUGATE 3.
-
Wehe ia ka Hale ma ka hora 10 a.m., o ka Peresidena ma ka Noho, Hoomaka ia na hana mau, kahea ia na inoa a hoomaopopoia na hoa i hiki ole mai.
PALAPALA HOOPII.
Ma ke kapae ia ana o na rula ua heluhelu ia mai na palapala hoopii malalo iho:
Waiho mai o Mr Laiki he palapala hoopii, e hoi ana i haawina o $2,500 ma ke ano uku makahiki no Ka@ka Koch e lawelawe lapaau ai ma kaia Aupuni. Haawi ia i ke Komite Malama Ola.
Na Mr. c. Balaunu, hoopii mai ia B. Norton mai, e hoi ana e hoihoi hou ia aku ka huina o $5 auhau i hookaa makehewa ia. Haawi ia i ke Komite Hookolokolo.
Na Mr Paehaeole i waiho mai he palapala hoopii, e noi ana i mau haawina o $5,000 no ke kauoha ana aku ia Kauka Mohabia o Kikane, a me Kauka Koch o Geremania no ka holo ana mai ianei e lawelawe lapaau ai i ka ma’i lapera. Haawi ia i ke Komite Malama Ola.
Na Mr. A. S. Wilikoki, mai Kauai mai, he palapala hoopii e noi ana e hookaawale ia o Kalalau i wahi no na poe ma’i lepera o Kauai. Haawi ia i ke Komite Malama Ola.
HOIKE A NA KOMITE.
Hoike mai o Mr. F. Balaunu, mai ke Komite Pa’i mai, ua pau ka hoike a ke Komite Waiwai i ka pa’i ia a ua makaukau. Ua haawi a hoolawa ia i na hoa.
Na Mr. C. Balanau, no ke Komite Hookolokolo, no ke kanawai e papa ana i ka hookomo ana mai a me ke kuai ia ana ka opiuma, e hoike mai ana ua manao lakou e hoololi ia ae ke poo, a me ia hoololi e hooholo ia ai ke kanawai. Waiho ia ma ka papa no ka noonoo pu ana me ke kanawai.
Nana no, mai ia Komite mai no, e pili ana i ke kanawai e hooponopono ai i ka pepehi ana a me ka kuai ia ana o ka bip@ e hoike ana i hooholo loa ia. Ap@n@ia. Hooholoia ka bila no ke kakaupoepoe ana a e heluhelu ekolu ia e keia Poalua ae.
A nana no, mai ia komite mai no, e pili ana i ke kanawai e hoopaaele ana i ka lawaia ia o na i’a liilii, e hoike ana e hooholo loa ia. Ua waiho ia ka hoike ina ka papa a noonoo pu ia me ke kanawai.
Na Mr. Laiki mai ke ko@@ wai i haawi ia ai na it@@ nona oi ana wai o Koloa me Wailuku, e h@@@@ hookomo ia he haawina o $4,000 @@ ka Bita Haawina no ka @@@@ Koloa, Kauai, a i $2@@@@ ia ma ia bila hookani no ka @@@@ wai ma Wailuku a me @@@@. Ua lawe ia mai ka hoike a @@@@ ka papa no ka noonoo @@@@ Bita Haawina.
Hoike mai ke Alii Hikikoki @@@@@ komite wae i haawi @@@@@ hoopii e noi ana i na kanaka Hawaii hoopii no e kuai ia @@@ @@@ manao lakou e @@@ ma @@@ Aponoia.
Nana mai no, mai ke komite wae i haawi ia ai he mau palapala hoopii e pili ana i ka hoolimalima o na Aina Lei Alii a puni o lalo iho o Puowaina, e hoike ana ua lilo ka aina i ka hoolimalima ia i ka Moiwhine, a aohe kuleana o keia Hale e akeakea aku ai no na me pili i na uku hoolimalima. He manaolana nae ko lakou e hoea mai ana he wa e hoi noi ia aku ai o na Aina Lei Alii a pau malalo o ke Kuhina Ka@@@@, al@@@, e pau no na hana pono ole i noi ia mai. Nolaila, ua manao lakou e waiho ia ma palapala hoopii @@ ka papa. Apono ia.
Hoi@e mai ke Alii Wilimana mai ka hapanui mai o ke komite wae i haawi ia ai ke kanawai e papa ana i ke kaui maauaua a piepiele ia o na waiwai, ua manao lakou e hoopanee loa ia ke kanawai. Ua lawe ia mai ka hoike a waiho ia maka papa no ka noonoo pu ana n@e ka hoike a ka hapauuku.
Na ke Alii Kamika, mai ka hapauuku mai o ia komite wae ho kahi e pili ana i ke kanawai e papa ana i ke kuai piepiele ana o na waiwai, e hoike mai ini i ka manao e hooholo ia kekahi hoololi ma ke ano ke kanawai hou, a ua heluhelu ia. Ua lawe ia mai na hoike a i elua no ka noonoo po ana me ke kanawai.
NINAU I KA LOIO KUHINA.
Waiho mai ke Alii Wilimana @@@nau i ka loio Kuhina, peni:
No ka makahiki 1887 i haawi i ka aina nei i kekahi @@nca i io @aole @@@ oia hoi, he ekolu mau luna ohi @@@@ Hookahi i hookohu ia e ke Aupuni, a o na banako o Bihopa @@@@@@@@ Sepekela Ma.
A @e loa au i manao e @@@@@ kekahi mea maluna iho @@@@@@ iho he lun ohi@a @hau @@@@ mana ole ia e ke kanawai@@@ ka’u mau ninau ana i ka M@@@@ @@@ ke Kuhina Waiwai. E @@@@ haawi aku nei i ko’u @@@@@ keia mau manao @@na. @@@@@ mai a ke Kuhina ua@@@@ no na @@@@@ hau maluna inu o lakou @@@@ na lima o ka H@le na @@@@@ no ko lakou @@@@ ana i @@@@.
Ke kahea aku nei ao i @@@@@ Kuhina h@ol @@ hoolohe @@@ keia. A e ninau aku iaia ina e @@maopopo ana oia i ua mea la? A me ke kue ole ia paha e ae oia i kekahi poe e lawe ae ma ko lakou mau lima iho i no hoo@o oihana ana o ke Aupuni.
NA HANA O KA LA.
Noonoo ana i ka Bila Haawina. Ma ke noi a Mr. Kamauoha ua hoopanee ia ka noono ana a keia Poakahi ae.
Noonoo ana i ka bila e hoololi ai ia ke kanawai e pili ana i ka Banako Haohu Hawaii. Hoo@anee ia a hoea mai ke Alii Balauwina iloko o ka Hale.
Noonoo ana i ka bila e hoopau loa ana i ke kanawai e hookuu ana i kekahi, mau waiwai mai ka uku @ute ana. Hoopanee loa ia.
Noonoo ana i ke kanawai e hoohoihoi ana i ke kanu ia o ke kope, hookaulua ia a waiho ia malalo loa o na hana ma ka papa kuhikuhi hana.
Heluhelu elua ana i ke kanawai e pili ana i ke alanui alahao o Honolulu. Noonoo pakahi ia na pauku. A oiai hoi e kuka ia ana ka pauku i, ua noi ia mai e hoomaha.
Hoomaha ka Hale i ka awakea a ka hora 1, auwina la.