Ka Nupepa Kuokoa, Volume XXVII, Number 32, 11 August 1888 — Page 4
| This text was transcribed by: | Kate Motoyama |
| This work is dedicated to: | sister lisa kakehashi |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
--
@e la Makahiki . . . . . $2.00
@e @@@@ Ma@ina . . . . 1.00
--KUIKE KA KULA.--
----
----
Poaono . . . . Augate 11, 1888.
--
Haawina Kula Sabati.
--
HAPAHA EKOLU.
--
HAAWINA XXVIII. Augate 26, 1888.
----
Ke kia ao a me ke kia ahi.
Nahelu 9:15-23.
--
15 I ka la i kukulu ia ka halelewa, uhi iho la ke ao maluna o ka halelewa, ma ke keena o ke kanawai, a ahiahi, ua ike ka mea me he ahi la maluna o ka halelewa a hiki i kakahiaka.
16 A pela mau no: uhi mai la ke ao ia ia, a i ka po, ua ike ia ka mea me he ahi la.
17 A i ka manawa i pii ai ke ao maluna ae o ka halelewa, ma ia hope iho, haele aku la na mamo o Iseraela: a ma kahi i ku malie ai ke ao, malaila na mamo a Iseraela i hoomoana ai.
18 Ma ke kauoha a Iehova i heleai@ a mamo a Iseraela, a ma ke kauoha a Iehova i hoomoana ai lakou: i na la a pau i ku malie ai ke ao maluna o ka halelewa, noho i hola lakou ma na halelole o lakou.
19 Aia ku liuliu iho la ke ao maluna o ka halelewa a nui na la, alaila malama na mamo a Iseraela i ka oihana a Iehova, aole no i hele aku.
20 A i ka wa i ku malie ai ke ao maluna o ka halelewa a uuku na la; e like me ke kaoha ana a Iehova i noho ai lakou ma ko lakou mau halelole, a e like me ka kauo ha ana mai a Iehova i haele ai lakou.
21 A i ka wa i noho ai ke ao ma ke ahiahi a hiki i kakahiaka, a pii ae la ke ao i kakahiaka, alaila, haele lakou: in a ma ke ao paha, ma ka po paha i pii ae ke ao, haele no lakou.
22 Ina hoi i noho ke ao maluna o ka halelewa i na la elua, i ka malama paha, a i ka makahiki paha, e kau ana malaila, uoho iho la na mamo a Iseraela iloko o ko lakoku mau halelole, aole lakou i hele: aia i ka wa i pii ae ai, hele lakou.
23 Ma ke kauoha a Iehova i noho ai lakou, iloko o ko lakou mau halelole a ma ka kauoha ana a Iehova i haele ia lakou: malama no lakou i ka oihana a Iehova ma ke kauoha a Iehova, i ka linia o Mose.
PAUKU GULA.
E hoopuka i kou malamalama a me
kou oiaio; e alakai ia mau mea
ia'u. Hal 43:3.
Poakahi Nah 1 45-54
Palua Nah 9 1-14
Poakolu Nah 9 15-23
Poaha Puk 13 17-22;
14 18-20
Poalima Kana 8 1-20
Poaono Io 1 1-17
Sabati Heb 1 1-14
No kakou Alakai.
I Ke ala hea o keia noho ana, mahea ka Iseraela? E hele ana ihea? Ahea hoomaka ka hele ana? Nah 10: 11. Ma ka aina hea e hele ai? He wahi maikai anei? Kana 8:15. Ua ike anei lakou i ke ala? Ua ike anei lakou i na mea e alakai mai ana ia lakou? Heaha ke ano o ke alakai kupono no lakou?
E hele ana kakou i ka aina hea? Heb 11:14-16. Ma hkeaha i like ai ko kakou hele ana me ka Iseraela? Ua ike anei kakou i na pilikia a me na hoowalewale e hiki mai ana?
He nui anei hoohauoli ma keia noho ana? Hiki anei ke helen, in a o kakou wale no? Heaha ko kakou alakai kupono?
II Ke kia ao, a me ke kia ahi, oia ke alakai, p 15-23. Heaha ko ke Akua aloha ana i ka Isearaela? Ina ka ike mua ana? Pnk 13:21, 22. Mahea ka noho ana mahope o ke kukulu ana i ka halelewa?
No keaha? Pehea i maopopo ai i ka Iseraela ka wa e hele ai, a me kahi e hele aku ai? Pehea ka loihi o ka noho alakai ana o keia kia? Kana 8:2.
III Ke alakai kupanaha ana. E manao anei ka Iseraela e alakai mai ana ke Akua ia lakou ma na wahi maikai wale no? Mahea ke alakai ana ia lakou i kekahi manawa? Ruk. 15:2-4; 10-12; 15:23; 16:3; 17:3-8. Nah 13:32, 33; 22:4-6.
Ua hoopakele anei ke Akua ia lakou i na manawa a pau? He wahi maikai anei ka lakou i hele ai? Puk 15:27; 19: 1-3. Nah 13: 23, 27. No keaha ko lakou lawe ia ma na wahi e like me keia? Kana 8:2. He mau mea anei keia e hoomakaukau ai no lakou ma ka aina a lakou e hele aku ai?
IV Owai ko kakou alakai? Io 1:4, 5, 9, 17, 18. Ua like anei me ia keia ao? Hep 1:3. Heaha ka Iesu olelo nona iho? Io 14:6. Owai kana i hoouna mai ai i alakai mau? Io 14:16, 17; 16:7, 13. No keaha ka ae ana ia kakou e komo iloko o na pilikia? 2 Kor 4:17, 18. Iah 1:2, 3- I Pet 1:7, 8. Loaa anei ka pomaikai no loko o na ino Rom 3:8 1 Kor 10:14
--
I Ke hele nei kakou ma ka waonahele.
II Aole kakou i ike i ke ala.
III He nui na pilikia, na enemi, a he nawaliwali kakou.
IV O Iesu ke alakai kupono no kakou.
V O ka Baibala ke kia ao.
VI O ka Uhane Hemolele ke kia ahi.
VII O ko ke Akua alakai ana ia kakou maanei, ka mea e makaukau ai kona aupuni.
VII O ka poe i hahai i kona alakai ia ana, e hiki no lakou i ke Aupuni o ka Lani.
--
Hoole Waiona.
--
[Na ka Ahahui W. C. T. U.]
Ma Keleleonalani, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU"!!
--
[W. C. T. U.]
KE KEIKO WIWO OLE.
--
Haohao ke kapena o ka manuwa no ka pihoihoi ole o kahi Reiki lawelawe ana ma ka moku, he ano koa maoli no iloko o ke kaua ana.
Me ka makau ole i ka male, ua haawi i na poka no na koa kipu mai ana. AIa a pau ke kaua ana ua ninau ke kapena iaia "E Wiliama, aole anei ou makau i ka make, iloko o keia mau hora?"
"Aole," wahi ana.
"A no ke aha, wahi a ke Kapena.
No ka mea, mamua o ke kaua ana, ua launa pu no wau me kou Akua, a ua waiho no wau i kou uhane ma kona poho lima, nana e malama."
"Aole paha oe ma kahi mehameha me kou akua no ka mea, ua ike maka no wau ia oe ma ka oneki, iloko oia hora okoa," wahi a ke kapena.
"He oiaio no ia, aka, ua launa no wau me ia malaila. He hora okoa no, kou launa pu ana me kou Akua," wale no.
Aole o ka hele ana ma kahi mehameha e pule ai, aka, ua hiki no e hookaawale aku i na manao e ae, a e launa me Iesu ma ka naau, oiai e launa mai ana na hoa, a e huli ana i na haawina, a e lawelawe ana i na hana.
Pela wale no e pono ai: E nana mau i ka Makua, e nonoi aku iaia e kiai a e malama mai, E oi aku i ka ikaika e pale aku i na hoowalewale. Mai hoopoina i ke noi mau i loaa na pomaikai he nui.
--
KA PALAPALA HOOALOHA-
LOHA
A ka Ahahui o na Ekalesia o Kauai i
Ka Makua Misionari REV. J. W.
SMITH M. D. i make ma Kona wahi
noho ma Koloa, Kauai, Nov 30,
1887.
--
Ma ka manao o na lala o ka Aha he mea poina ole ka ka Makua mau hana maloko o ka ahahui, no na nwa i hala, a nolaila. Ua oluolu i ka Haku ka lawe ana aku i ka makua a lala mau o keia Ahahui, a kauwa hana pono i kiai mau i na hana o ke Aupuni, o ka Haku, mawaena o ka lahui Hawaii ana i aloha mai ai.
A ke minamina nui nei ka aha iaia me ka uwe o na lala o ka hoonele ia ana mai o ko lakou Aha, i ka makua ole. A hoi aku la oia ma ke alo o ka noho alii o ka Makua mau loa.
"He mea i manao nui i mua o Iehova, ka make ana o kona poe hai pule. E nonoi i ke kanaka hemolele, E hana hoi i ka mea pono, no ka mea, o ka hope o ua kanaka la, he pomaikai noia.
Ke hui pu aku nei keia. Aha me ka makuahine misionari e noho mehameha ana ame na keiki, ame na moopuna me ka walohi ame ke aloha pau ole.
J. H. MAHOE}
L. U. KAPAHI} Komite
A. W. MAIOHO.}
PALAPALA HOOALOHALOHA
A ka Hha Hui Libine Boluo, AInakea.
Kohala, Hawaii, i ka Hon. S. G.
Wilder
HON. A. F. JUDD.
Lunakanawai Kiekie.
Aloha oe.--
--
Mamuli o na lono kaumaha i hiki mai i o makou nei: uaoiuolu i ke Akua Mana Loa, ka lawe ana aku i ka hanu hope loa o ka Hon. S. G. Wilder, kuu kaikoeke i aloha nui ia, nolaila, o makou o na lala o ka Aha Hui Libine Bolu o Ainakea, Kohana, Hawaii, "ma ko makou komitela, ke hui pu aku nei makou me oe, ma ke kumakena like ana iloko o ke kaumana luuluu a me ka walohia.
L. M. KEAUNUI.
M. K. KUEWA.
P. K. KAUKEANO.
Kapaau, N. Kohala Aug. 4, 1887.
--
KA PALAPALA HOOALOHA-
LOHA
A ka Ekalesia o Koloa no REV. S. U.
KAPAHI, ko lakou Kahu i make ma
Koloa, Kauai. Mei, 13, 1888.
--
Ua oluolu i ka Makua Mana Loa ka lawe ana aku i ko makou Kahu Ekalesia, i aloha ia i noho pu me makou, no na makahiki i aneane e piha ka ewalu makahiki, ana i hooikaika ai i ka hai Euanelio no ka Haku.
A ke uew hou nei makou iaia. Ua hookuu maila oia i kona noho kahu ana, a hala aku la ma kela aoao. Ua pau kona hana ua kuu ka luhi, ma ko makou komite la ka luhi, ma ko makou komite la ke hui pu aku nei makou me Luisa Kapahi, i hoonele ia i ka hoa ole, ame na keiki makua ole, a me na makamaka o ka mea i make me ka paumoku iaia,
"A no ka mea hoi, aole no kakou kulanakauhale e mau loa ana maanei, aka, ke imi aku nei kakou ia mea ma keia hope aku."
J. K. SMITH.}
CHAS. KAIO.} Komite
WM. M. KEKOA.}
--
PALAPALA HOOALOHALOHA
A ka Aha Hui Libine Bolu, o Aina-
kea, Kohala Akau, Hawaii, i ka REV.
A. O. FORBES.
REV. J. BICKNELL.
Kakauolelo o ka Papa Hawaii,
Aloha oe:--
--
Mamuli o na lono kaumaha i hiki mai i o makou nei; ua oluolu i ke Akua Mana Loa ka lawe ana aku i ka hanu hope loa o ka Rev. A. O. Forbes, i aloha nui ia kuu mua ma ka hana, nolaila, o makoua o ka Aha Hui Libine Bolu, o Ainakea Kohala Akau, Hawaii ma ko makou komite la, ke hui pu aku nei makou me oe, ma ke kumakena like ana iloko o ke kaumana luuluu a me ka walohia.
L. M. KEAUNUI.
S. W. KEKUEWA.
P. K. KAUKEANO.
Kapaau, N Kohala, Aug. 1888.
--
O KA OIHANA KA HUNA
--
Mamuli o ke ano kanaka ua make make nui ia he mea manamana e mihi aku ai ka mea hewa. Ua hoolako ke Akua i kahi e pule ai, i mea mana e huikala ai. Aka ua hoomanaonao o Satana i ke Akua a me ke kanaka me kona hoolako ana i ke keena penikenia a me ke kahuna e hooluolu ai. O Iesu KRisto wale no ke kahuna nui, ke kahuna alii ke kahuna maoli. Oia no ka mea uwao hookahi mawaena o ke Akua a me ke kanaka. Owai ka mea e kaili mai ana nona iho i ka oihana kahuna o Iesu? Oia no ke Anikaristo e hoike ana iaia iho: ke Akua. E heluhelu i 2 Kor. 11:3, 4, 13, 14, 15. Ma ka mihi ana a me ka hoike an ai na hewa, ua hoomoakaka na kanaka i ko lakou ulia poino ke ola he kahuna e noa ai a kala ai. Ma ka pule ana me ka paulele ana ia Iesu ke kalahala ua loaa ia kakou ke kahuna maoli a pau ko kakou ano hewa.
K. H.
--
KE KULA O MAUNA OLU.
--
Ua oi aku ka inoa maikai o keia kula hanai kaikamahine no ka oluolu kino o na haumana a me ko lakou holo mua mana haawina hoonaauao me na haawina hana. E na makua e hookomo i ka oukou mau kaikamahine i na kula o keia ano. Ua loaa i keia kula he mau kumu kula hou a he akamai ma ka olelo. E malama pono ia ana na haumana, a loaa ia lakou ke akamai ma na hana kupono. Ua emi loa ka uku makahiki he $50. dala wale no. Ina makemake kekahi poe e ike pono i na mea e ae, e kakau leta ia Miss W. E. Carpenter Makawao Maui mamua o ka la 29 o Augate, oia hoi ka la e hoomaka hou ai ke kula.
HOOLAHA HOU
--
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o S. R. Kaapua, o Waimea, Kauai, i make.
Ma ke Keena, imua o ka Lunakanaai Kaapuni.
Ma ka heluhelu a me ka waiho ia ana mai o ka Palapala Noi a me ka Papa Hoike o John Kaki@a Lunahooponopono o ka waiwai o S. R. K@@@@@@ no Waimea, i make, e noi ana, e apo@@@a na hoolilo he $110.$4. e hoike ana o na mea i loaa ma@ iaia he $171.24, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookau ana imia a me kona mau hope mai ko lakou noho ana ma ia ano.
Ua kauoha ia, o ka POAONO, ka la 4 o AUGUST, M. H. 1888, ma ka hora 10 kakahiaka, imua o ua Lanakanawai la ma kona keena, ma ka Hale Hookolokolo ma Koloa, oia kahi a me ka manawa i koho ia no ka hoolohe ana i na noi la, a me na Papa Hoike i olelo ia, a o ka poe a pau i pili malaila, e he le mai a e hoike i ke kumu, in a he kumu io ko lakou, e ae ole ia ai o na noi la, a malaila e hoike mai ai na hoike o na mea i kuleana maloko o ka waiwai o oleloia.
A o keia kauoha, e hoolaha ia ma ka olelo Hawaii i ekolu pule maloko o ka NUPEPA KUOKOA, nupepa ma Honolulu.
Kakau ia ma Koloa, Kauai, ko Hawaii Pae Aina, Iulai 5, M. H. 1888.
JACOB HARDY,
Lunakanawai Kaapuni Apana Eha.
2189-3t
--
HOOLAHA HOOKO MORAKI
--
Ke hoolaha ia akunei, i mea e kulike ai me kekahi mana kuai i hoikeia ma ka Palapala Moraki i hanaia ma ka la 12 o Augate, 1885, mawaena o Haaheo w a me Kaaihue kana kane mare, no Laie, Koolauloa, mokupuni o Oahu, ia James R Holt, Jr. no Honolulu, Oahu, a i kakau kope ia ma ke keena o ka Luna Kakau Kope, ma ka Buke 94, aoao 395 me 396, a no ka uhai ia ana o na kumu aelike i hoikeia ma ua moraki la, oia hoi ka uku ole ia ana o ke kumupaa a me ka ukupanee, nolaila, e kuai kukala akea ia aku an amahope iho o ka pau ana o ka manawa i hoikeia ma ke Kanawai, ma kekahi manawa e hoike ia aku ana mahope, na aina, na hale a me na mea a pau i hoike ia ma ua moraki la, no na kumu i koike mau ia ae la.
O ka aina i hoikeia ma ka moraki, oia no kela aina e waiho la ma Laie, a i hoakakaia na palena penei:
1 Kela mau apana aina a pau nona ka ili 1 7-100 eka, a i hoakaka loa ia ma ka palapala Sila Nui Helu 929, Kuleana Helu 3809 ia Laielohelohe.
2 Kela mau apana aina a pau nona ka ili 2 33-100 eka, a i hoakaka loa ia ma ka Palapala Sila Nui Helu 1302, Kuleana Helu 4270 ia Keao, a oia no na aina i hoolilo ia mai ia Haaheo i oleloia e Manaia ma ka palapala kuai i hanaia ma ka la 10 Ianuari, 1884, a i kope ia ma ka Buke 94, aoao 394 me 395.
JAS. R. HOLT, Jr.
Mea Moraki,
J. M. MONSARRAT,
Loio o ka Mea Moraki.
Honolulu, Aug 4, 1888. 2192-4t
--
HOOLAHA HOOKO MORAKI
--
Ke hoolaha ia aku nei i mea e kulike ai me kekahi mana kuai i hoike ia ma kekahi Palapala Moraki i hanaia ma ka la 18 o Mei, 1886, i hana ia e S Napahukapu no Honolulu mokupuni o Oahu, ia A J Cartwright, no Honolulu i olelo ia, a i kakau kope ia ma ke keena o ka Luna Kakau Kope ma ka Buke 101, aoao 80-2, a no ka uhai ia ana o na kumu aelike i hoikeia ma ua moraki la, oia hoi no ka uku ole ia o ke kumupaa ma ka uku panee, nolaila, e kuai kudala ia aku ana mahope iho o ka pau ana o ka manawa i hoikeia ma ke Kanawai, na aina, na hale, a me na mea a pau i hoike ia ma ua moraki la.
O ka aina i hoike ia ma ka moraki, oia no kela e waiho la ma Kapalama, mokupuni o Oahu, i hoakaka ia penei:
Kela apana aina a pau nona ka ili 6 kaulahao kuea (6-10 eka), a oia no ka apana aina i hoakaka ia ma ka Palapala Sila Nui Helu 6639, kuleana Helu 1241, apana 1, a i hoolilo ia ia S Napahukapu i oleloia e D Manaku a me M Moanauli, na Lunahooponopono o ka waiwai o J Moanauli, ma ka palapala kuai i hanaia ma ka la 7 o Mei, 1886, a i kopeia ma ka Buke 101, aoao 78-80.
A. J. CARTWRIGHT,
Mea Moraki.
J. M. MONSARRAT,
Loio o ka Mea Moraki.
Honolulu, Aug 4, 1888. 2192-4t.
--
AHA HOOKOLOKOLO KAAPUNI Apana Elua o ko Hawaii Pae Aina. Ma ka hooponopono waiwai. Ma ka hana o ka waiwai o J L Kapakahi, no Lahaina, Maui, i make kauoha ole.
Ma ka heluhelu a me ka waiho ia ana mai o ka palapala noi a Hana Kapakahi w, wahine mare a ka mea i make, e hoike ana ua make kauoha ole o J L Kapakahi no Lahaina, Maui, ma Kanaula, Lahaina, i ka la 17 o Iulai, 1888, a e noi ana e hoopuka ia ka Palapala Hookohu Luna Hooponopono Waiwai iaia.
Ua kauohaia, o ka POakolu, ka la 5 o Sept 1888, ma ka hora 1 p.m. oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Lahaina, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he kumu oiaio ko lakou, e ae ola ia ai ua noi la.
A o keia kauoha, e hoolaha ia ma ka olelo Hawaii i ekolu pule maloko o ke Kuokoa, he nupepa ma Honolulu.
Kakauia ma Wailuku, ko Hawaii Paeaina, Augate 2, 1888.
GEO. E. RICHARDSON,
Lunakanwai Kaapuni Apana Elua.
2192-3t
--
AHA HOOKOLOKOLO KAAPUNI Apana Elua o ko Hawaii Pae AIna. Ma ka hana o ka waiwai o JOHN BAKER no Lahaina, Maui, i make.
Ma ka heluhelu a me ka waiho ia ana mai o ka Palapala Noi a Kahuku Baker (w.), no Lahaina, Maui, e hoike ana ua make kauoha ole o John Baker, no Lahaina, Maui, ma Lahaina, Maui, i ka la 3 o Aperila, 1888, a e noi ana e hoopuka ia ka Palapala Hookohu Lunahooponopono Waiwai ia William O. Smith.
Ua kaoha ia, o ka POAKOLU, ka la 5 o SEPATEMABA, M. H. 1888, ma ka hora 10 kakahiaka, oia ka manawa i koho ia no ka hoolohe ana i na noi la imua o ua Lunakanawai la ma kona keena, ma ka Hale Hookolokolo ma Lahaina, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he kumu oiaio ko lakou, e ae ole ia ai ua noi la.
A o keia kauoha e hoolaha ia ma ka olelo Hawaii, i ekolu pule maloko o ka NUPEPA KUOKOA, nupepa ma Honolulu.
Kakau ia ma Wailuku ko Hawaii Pae Aina, Augate 2, M. H. 1888.
GEO. E. RICHARDSON,
Lunakanawai Kaapuni Apana Elua.
2192-3t
--
OLELO HOOLAHA NO KA O
LIMA
--
E ike auanei na mea a pau, ua makaukau ka Papa Ola e haawi i ka @ lima ana me ka uku ole i na mea a pau i @ ole ia, a ke k@@eha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanewai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na hora hana o ke Kauka Aupuni i halia malalo iho nei:
Hora Hana {Mai ka hora 8
{a " " 10
{kakahiaka.
N. E. EMERSON,
Pelekikena o ka Papa Ola. jn 6-6@
HOOLAHA LUNA HOOKO.
--
Ua hookohu pono ia ka mea nona ka inoa mahalo i Luna Hooko no ka waiwai o Maria King, o Honolulu nei i make, nolaila, ke hoolaha ia aka nei na poe a pau he mau koi ka lakou i na waiwai nei in a paha malalo o ka moraki a ma kekahi ano e ae paha, e hoike koke mai maloko o na mahina eono mai keia la aku me na hooiaio kupono, a i ole, e hoole mau loa ia aku no.
A o na poe a pau he mau aie ko lakou, ke kauoha ia aku nei lakou e hookaa koke mai ma ko'u keena Helu 3, alanui Kaahumanu, Honolulu.
A. J. CARTWRIGHT,
Luna Hooko Waiwai @
Maria King.
Honolulu, Iulai 31, 1888. 2192-3t
--
HALEKUAI BIBI HONOLULU.
(Hope o Wm. McCandles.)
HELU 6, ALANUI MOIWAHINE, MAKEKE
MA ULAKOHEO.
Na Bipi momona, Hipa, Puaa me Ia, na lako ai ulu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2185-tf
--
UA LOAA MAI NEI HE MAU
PAHU SAMANO HOU
Ano no ia i hiki mai nei, a e kuai ia aku me ka
Makepono Loa
na makamaka ono i na Samano ono. E wiki mai o hala ka wa pono.
2286-@m KAKELA me KUKE
--
AINA WAIWAI NO KE KUAI
--
He pahale nui a me na hale maikai ma ke kanua e kokoke nei iwaena o ke kulanakauhale, he 145 kapuai ke akea, 105 kapuai ma ke alo, a he 208 me 119 ka hohonu ma na aoao. He eiwa ka nui o na hale, a ua hoolimalimaia no ke $75 o ka mahina. O keia pahale, ke waiho hamama ia aku nei i na mea a pau e ma kemake ana.
E ninau i ka
HUI OIHANA AGENA HAWAII,
Kihi o Alanui Papu me Kalepa.
2184.
--
HOOLAHA HUI.
O na me nona na inoa malalo nai, ke hoolaha aku nei i na inoa o na hoa a me ka hana a ka hui, penei:
1. Na inoa a me na wahi noho o na hoa--F. Gay, A. Robinson, E. Sinclair, J. R. Gay me H. Robinson, no Makaweli, Kauai.
2. O ke ano o ka hana, he mahiai me ka hanai holoholona.
3. O ka inoa o ka hui, o Gay & Robinson.
4. O kahi o ka hana, aia ma Makaweli, Kauai.
GAY & ROBINSON.
Iulai 17, 1888. 2190-2t
--
Pahu Hale Leta 351. Bele Telepone 274.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H. I.
HE AGENA OIHANA, A ME AGENA OHI DALA NO NA DALA A PAU.
KEENA OIHANA.
Na Waiwai paa--kuai a hoolilo aku, a me auhau uku ana.
Na Hale hoolimalima, Rumi, Keena, AIna e hoolimalima, a aelike e ohi i na uku hoolimalima o na ano a-pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Pani hakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Dute e pili ana i na waiwai mai ko na'aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
O na hana a pau a na makamak e haawi mai ana no ka hooko aku i ke kauoha, e hooko ia no me ka eleu a me ka mikiala.
Agena Oihana Hawaii.
2170 1yr. Mar.
--
FRANK GERTZ,
103 Alanui Papu
BOOTS & SHOES
UA WEHE AE NEI AU I NA KAHIKO AULII O NA
Kamaa o na Ano a Pau
No na Wahine, na Kane a me na Kaiki i wae pono ia e Mr. Gertz iloko o Amerika.
--o--
HE OLUOLU KE KUMUKUAI MA KE KU IKE
--o--
E loaa mau mai ana na waiwai ma na mokuahi a pau.
mr 31-tfn
--
B. F. EHLERS & CO.,
PAINAPA.
--
Poe Kuai i na Ano Lole a Pau.
Helu 99 alanui Papu. - Honolulu.
--
E loaa mau ana na lole hou o na ano a pau maluna o kela a me keia moku.
Kakela a me K@@
HALEKUAI NUI O NA WAIW@@
E laa na pahiolo, hoi hole,
hamale, kui nui a me liilii, kila,
wili puaa, rula, apuapu, hui o na @@
iau, kala kaa, hao hoopaa @@
pohaku hoana, kepa, lei ilio, kau-
la hao ilio, pahi, upa, pahi umiumi,
kalapu, kope hulu pulupulu, oep@@
lakala, lina hao, ami, keehi, @ @@@
--KAULA OPU--
Palao o na ano a pau,
Oo, ho, koala, pe, kipi-
kua, hao kope, au ho a @@
a aku, kua bipi, lei bi-
pi, kaula hao bipi, uwea
pa, uwea keleawe, hao @@
piula, kaa palala, ipuhao, ipu@@@
PA-PALAI MAKAU MEKE @@
--
Ili wai, papa holoi, kopa ala, @@
@uaina, hu'akai, ehi wawae
hula pena, a pela aku.
Pena wali, kini nui a me @@il@@@
ano a pau, me ka pepa ku@
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMA-
LOO
--a me aniani hale--
AILA MAHU, AILA MIKINI, AILA HA@@
AILA KAA, INIKA KAMAA
PAUDA, KUKAEPELE, KIA@@@
PAUDA, UIKI IPUKUKUIO@@
ANO HE NUI A LEHULEHU
LOLE MAKEPONO
-E aa na-
AHINAHINA, KALAKOA, K@@@
KEO, LEPONALO HULUMAN@
UWE-WAHINE, KUI HUMU@@@
MU A ME KA LOPI
Ke Kuiko a loaa no ia ma kuhi
Kakela & Kuke
--
NA MEA PIULA
--
Mikini Humuhumu
M@kini a WHEELER a me WILS@@
MIKINI A WILCOX ME GIBB
NA MIKINA A
--REMINGTON--
He nui loa na mea hao me na ukana
ae o na ano a pau, aole biki he bai p@
ia aku, hewa i ka wai na maka ke @@
--
Laau Lapaau Kaulana Lo@@
A DR. JAYNE,
LAAU HOOMAEMAE KOKO
LAAU HOOPAU NAIO, LAA@
KUNU, PENIKALA HUAAL@@
PAAKAI, lAAU HOOPAA HI.
No na Laau Hamo a Pela 'ku.
Kakela me Kuke