Ka Nupepa Kuokoa, Volume XXVII, Number 32, 11 August 1888 — KE KANAWAI. [ARTICLE]

KE KANAWAI.

Ma ko kakou pepa o keia la, e ike ia ai keia mau Kanawai elua i kakau inoa ia e ke Ali» ka Moi, M He Kana wai e hoakaka ana no ka Hoemi ana i na wa Hoopaahao o na Lawehala ma kekahi mau Hihia," a me ke " Kanawai e pili ana i ka Waiwai a me na Pono o na Wahme i Mareia." O kekahi keia o na Kanawai ano hou i hoala ia iloko oko kakou Hale Kaukanawai, a he haawi ana hoi i ka lawehala he hoemi o kekahi mau ia o kona hihia hoopaahao ke malama pono ia na mla. Pela pu me ka pono o na wahine i mareia i ke kane, he hoopakele ana i ko lakou mau waīwai ma ke Kanawai.