Ka Nupepa Kuokoa, Volume XXVII, Number 32, 11 August 1888 — KE KOHO BALOTA ALII. [ARTICLE]

KE KOHO BALOTA ALII.

He elua Poakolu mai keia pule ae, ma ka la 22 o Augate, e malama ia ai ke koho balota a uuni ka mokupuni o Oahu nei, ma kahi o ka noho Alii 1 hakahaka ma o ka make ana o ka Hon. S. G. Waila. Aole makou ma ke kulana e hooikaika ana i ka moho a kekahi aoao a me kahi, koe wale iho no ko makou kamailio ana ma ke ano laula, a me ka wae pu ae hoi i na kanaka kupono e hoopiha ia ai ka maka)ua i hakahaka. Mawaena 0 na inoa a makou i lohe ai, 0 Mr. W. C. Waila a me Mr. H. W. S<:hmidt, ua ae laua i ko laua mau inoa e waiho ia aku imua oka Aha Eiele nui no ke koho la i keia ahiahi. Nolaila he elua moho e hakoko nei no ka noho, a ma ke koho balota a na Elele e hoike mai i ke kanaka o laua e lilo ai o ka hanohano i moho holo halota Alii no ka noho i hakahaka' o ka mokupuni o Oahu nei. Ma ke "Alakai " o ka Poaha nei, ua hoopuka ia ae ka inoa o J. L. Kaulukou, Esq., oia ka moho aka aoao hoohaukae aupuni e onou aku ana no ka noho Aln. Aohe u makon mau kamailio e ae e pili ana i kona kulana keonimana a me kona makaukau kamailio ma ke kanawai, koo wale iho no ko makou mau manao oke kanalua, ua nele loa anei kakou i na kanaka naauao e ae o ka aina nei, a o keia wale iho ta no ka mea hiki i ko kakou ikaika ke auamo ? Aole anei i lawa ke kahua o ka hoikeike ana i kona iwikuamoo i ka manawa i hala, a i elua ona alanui e hele ai e pii iluna a e iho ma kekahi aoao ?

He n>inamina ko makou i ka inoa 0 ke keiki lalawai o Waimanalo Keoni Kamaki, oia kekahi o na kanaka ku[>ono loa e hiki ai ke loaa i ka aina nei, ma kona ano kulana keonimana a me kona mikiala hana, aohe ona elua mawaena o na Hawaii a ke kana ka e hoowahawaha ai i kona inoa, a he mau hoike auanei ia e palua ia ai o ke ohohia nui o ka makemake ma kona alahele o ka hana.