Ka Nupepa Kuokoa, Volume XXVIII, Number 11, 16 March 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

            NO KA MAKAHIKI             $2.00

            NO EONO MAHINA            1.00

            KUIKE KA RULA

 

            Poaono Maraki 16, 1889

 

Haawina Kula Sabati

HAPAHA ELUA

HAAWINA I, Apr 7, 1889

Ke komo lanakila ana  Mar 11 1-11

            A KOKOI, mai la lakou i Ierusalema, au hi@ i Betepage, a me Betnia ma ka mauna o Oliveta, hoouna mai ia ia i na haumana ana elua.

            2 I mai la ia laua, e hele olua i kela kulanakauhale mamua o olua, a i ko olua komo ana iloko, e loaa koke no ia olua kekahi hoki keiki, ua nakinaki ia, aole i noho ia e ke kanaka, e kala ae olua, a e alakai mai.

            3 A i olelo mai kekahi ia olua, no ke aha olua e hana ai i keia meai? E olelo aku olua, no ka Haku keia e pono ai; a e hoouna koke mai kela iaia maanei.

            4 Hele aku la laua, a loaa iho la ia laua ka hoki keiki, ua nakinakiia ma ka ipuka mawaho, ma na huina alanui. Kala ae la laua iaia.

            5 Olelo mai la kekahi o lakou e ku ana malaila ia laua, No ke aha olua i kala ai i ka hoki keiki?

            6 I aku la laua ia lakou, e like me ka Iesu kauoha ana mai: a kuu mai la lakou ia laua.

            7 Alakai mai la laua i ua hoki keiki la i o Iesu la, hohola ae la lakou i ko lakou kapa maluna ona, a noho no o Iesu iluna iho ona.

            8 Nui na mea i hailiili ae i ko lakou kapa ma ke lanui; a o kekahi poe e hoi, ooki ae la lakou i na lala laau, a haliilii iho la ma ke alanui.

            9 Hookani aku la ka poe i hele mamua, a me lakou e hahai ana mahope, i aku la, Hosana; nani wale ka mea i h@ee mai ma ka inoa o ka Haku.

            10 Pamaikai ke aupuni o ko kakou kupunakanae, o Davida, e hele mai ana ma ka inoa o ka Haku: Hosana iluna lilo loa.

            11 A komo aku la o Iesu iloko o Ierusalema, a iloko o ka luakini, a nana ae la ia i na mea a pau loa; a ahiahi ae la, hele aku la ia me kana poe haumana i Betania.

PAUKU GULA.

            E hauoli nui e ke kaikamahine o Viona; e hooho olioli, e ke kaikamahi ne o Ierusalema: Aia hoi, e hele mai ana kou alii i ou la. Zek. 9: 9.

            Manao nui. O Iesu ke alii o ka ma lu, e lanakila ana maluna o ke ao nei.

            Poakahi ….. Mar. 11: 2-11

            Poalua ….. Mat. 21: 1-11

            Poakolu ….. Lu. 19: 29-44

            Poaha ….. Io. 12: 12-19

            Poalima ….. Zek. 9: 9-16

            Poanono ….. Hal. 24: 1-10

            Sabati ….. Hoik. 7: 9-17

O Iesu ke Alii o ka Malu.

            Owai kai hoola ia ma ka haawina hope? Owai kai lilo ia ma ka haawina hope? Owai kai lilo i haumana na Iesu ma Ieriko? Lu. 19: 1-10. Heaha ka olelo nane a Iesu ma ia wahi? Lu. 19: 11-28. I hea ko Iesu hele ana mai ia wahi aku? Io. 12: 1. Mat. 21: 1. Heaha kai hana ia malaila? Mat. 26: 6-13. Io. 12: 2-8.

            E hele aku ana o Iesu ihea? Ua kokoke anei o Betania i Ierusalema? Ihea ko Iesu hoouna ana aku i kekahi mau haumana? E aha laua? No ke aha keia kauoha? Pehea e pane aku ai na haumana i ka mea nona ka hoki? E pono anei e haawi oluolu aku i na mea a pau a Iesu i noi mai ai? Aole anei he wahi mea e waiho nei me kakou e pono ai ka Haku?

            2 Ka huakai hele, 7: 10. Heaha ka hana a ka lehulehu no Iesu? Heaha kana olelo? Ua hoike anei kanaka i ka mahalo ia Iesu ma keia hana? No ka Halelu hea ia olelo? Hal. 118: 25, 26. No wai keia aupuni? Io. 9: 7, Lu. 1: 33. He alii o Iesu no wai? O kou alii anei ia? E lanakila ana anei kona aupuni? Hal. 45: 6, 7, 72: 8. Dan. 2: 44, 45. Hoik. 11: 15. Ma ke aha e lanakila ai? Hoik. 14: 6, 7. Io 18: 36. He mea pono anei ia kakou e hoolea i ke Akua? Owai ka poe e hoolea nui iaia? Hoik. 7: 11-17.

            Pehea e hoike ai i ka mahalo ia Iesu? Heaha ke kumu o keia huakai nui? Heaha ka wanana i hooko ia? Zek. 9: 9. Mat. 21: 4, 5. Mahope iho o keia hana, ua aha na kanaka? Lu. 23: 21. He mea pono anei e hana me ka hoihoi ia Iesu? Ua hoihoi ma na hana e ae, aole anei ma keia kekahi?

            3 Ka hauoli me ka u Heaha ka Iesu ma Oliveta? Lu. 19: 41-43. No ke aha kona kaumaha ano i ka ike ana i ke kulanakauhale? Mat. 23: 37-39, 24: 1, 2, 7, 21, 22. Kaumaha anei o Iesu no ka poe mihi ole? Heaha ka Iesu olelo i ka poe i papa i ka poe e hoolea ana. Lu. 19: 40.

            4 Ka hosana ana o kamalii, p. 11. Heaha ka Iesu hana ma Ierusalema? Heaha ma ka luakini? Mat. 21: 15-16. E kokua pu anei na keiki i ka hoolea ana i ke Akua? Aole anei e launa mai na keiki ma ka luakini a lawelawe pu ma oa hana?

 

            I O Iesu ke alii o ke ao nie

            II Ke hele lanakila nei o Iesu ma na wahi a pau.

            III A pau ka Iesu hana me ka mea ana i noi ai, ua hoihoi pono ia i ka ona.

            IV E haawi oluolu aku i na mea a pau e pono ai ka hana a ka Haku.

            V Ua hiki i na mea a pau e kokua ma ka Iesu hana, aole na ka poe kuonoono wale no.

            VI Ma na hana a ma ka olelo e hoike aku i ka mahalo no Iesu ke alii.

            VII Pomaikai ka poe a pau i komo ma ko Iesu aupuni.

            VII He mea maikai ka hoihoi ana ma ka hana a ka Haka

 

Hoole Waiona.

[Na ka Ahahui W. C. T. U.]

            Ma Kaielo nalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He hallawai Hoole Waiona, o ka Ahahui o ka Lipine Bolu o Honolulu.

            Ke k@no ia kau nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono. "No ke AKUA a me ka HOME, a me ka AINA HANAU."!!

 

HOOLAHA KU MAU.

            I ka Poaha auwina la, ma ka hora 2, 3 hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia "KA BANA O KA MANAOLANA," iwaena o na keiki o ke kulanakauhale o Honolulu nei. Ke kouo ia aku nei na keiki o ka aina makua, a me na keiki o na aina e, e hele mai. E malama ia ana he wahi paina meaono me kahi wai lemi i kela me keia Poaha hope o ka mahina.

 

"O KA'U OLELO, AOLE IA E LILO."

            Wahi a Voltaire, "aole e hala ana hookahi haneri makahiki, a e anaai ia ana ka pono Kristiano mai ka honua aku; e lohe ia ana ma na moolelo wale no."

            Keu ka hoomaloka ma Farani iloko o na makahiki he nui. Ua hala ke keneturia.

            Ua paa ka inoa o Voltaire ma na moolelo o ke aupuni, aka, o ka mea pai palapala, ua hoolilo ia no ka pai ana i na Baibala, ka ke Akua olelo.

            O ka hale kahi ana i noho ai ua lilo i hale hoahu Baibala no ka ahahui Baibala o Geneva "Aole e lilo ka'u olelo," wahi a Iesu.

            Ua manao o Tom Paine ua kinai oia i ka Baibala. Eia nae, mahope o kona make ana, i ka makahiki 1809, ua pa iwakalua na Baibala i hoolaha ia i ko ka wa mamua. Mamua o 1800 ua pai ia paha 6,000,000 Baibala, ma na olelo he kanakolu.

            I ka makahiki 1880 ua hoike ia, he 80 ahahui hoolaha Baibala, 165,000,000 Baibala me na Kauoha Hou i hoolaha ia.

            He nui wale aku na Baibala i pai ia e na aha e ae.

            "O ka'u olelo, aole ia e lilo"

 

Na Ekalesia.

            Maialo o keia poe, e hoopuka mau aku ai makou i ka moolelo e piu ana i na Ekalesia a puni ka Pae Aina. E kakau ma na mea ano nui, a e hoopuka ia aku no.

            I ka la 13 o keia malama i ku mai ai o Hoku Ao mai kana huakai holo iwaena o na poe aina o Maikonisia. Aohe mea hou ano nui o na kihapai misiona. He maikai no ke ola o na kumu a pau a ke hoomau ia aku nei ka hana. I ka la Sabati iho nei ua kamailio mai o Mr. Wakapu ma Kawaiahao no na hana ma na kihapai o ia pae aina a pela ao hoi o Mr, Rand ma Kaumakapili, a i ke ahiahi o ia la o Mr. Rieiber ma Waikiki. He mau kumu keia i hoi mai nei maluna o Hoku Ao, a ua holo loa aku nei no na home o lakou e hoomaha ai no kekahi mau mahina. Hookahi ano nui o ka leo e pae mai nei mai na kihapai misiona mai, oia hoi, o ka nui o ke kihapai a he uuku hoi na paahana. Ua makaukau ka mahina ai, aka ua hapa ka poe ohe, auhea ka poe paahana o na l@kalesia Hawaii? Owai ke hoolohe i ka leo kahea e he e mai nei maluna o na a@e o ke kai mai na mokupuni lulu o o Maikensia?

            Eia malalo iho he leia na Mr. Lutera.

 

Apaiang. Gilibati, Iulai, 1888

            Eia no maua ke hoomanawanui ae nei i ka hana a ka Haku o kakou, ke nee malie nei no ka hana a ka Haku ma ke kihapai o Apaiana nei.

            O ka nui i o ka poe hele mai i ka la Sabati, 100 a oi aku na kane, na wahine a me na keiki pu, he kula Sabati no ko makou, he hoike hui no o na Kula Sabati i ka makahiki hou, a me ka hoike hapaha iloko o ka mahina o Iulai e like me Hawaii o kakou, he halawai Poakolu no ko makou e malama ia nei maanei, hoomanao ae au i ka halawai Poakolu a Kawaiahao, aole i pau ko'u hoomanao ana no na halawai ma Kawaiahao, a ke pule nei no au i ka Haku no ia mau halawai a me na hoahanau ma Kawaiahao a me ka ahahui opiopio o Kawaiahao.

            Eia no maua ma kekahi poo o ka ai na kahi i hoomaka ai i na hana, aole maua i hele ma kekahi poo o ka aina, aia a pau na hana e pili ana i kahi e hoopunana iho ai kahi poo, oia hoi ke kukulu ana i kahi hale o maua mai Honolulu mai, a pau ia, kukulu aku ka hale e hoonaauao ia ai na keiki i ka ike o ke ao nei, no ka hale ole e kula ai, nolaila, aole maua i hoomaka no ke kula, aia paha a paa ka halekula a me ke kukulu hou ana i halepule no makou a mahope o keia, e hoomaka ai maua e kaahele ma na apana a puni ka mokupuni.

            He halawai Poaha ko makou iwaena o na wahine, na Mrs. Lutera e malama ia hana iwaena o na wahine, he ekolu mahina a oi aku kona imi ikaika ana i ka olelo o keia lahui, a ua hiki iaia ke hai aku i ka olelo a ke Akua iwaena o na kanaka ma ka olelo Kilibati.

            Ua holo aku maua ma ka mokupuni o Tarawa e malama ai i ka ahaaina a ka Haku, a me ka hai aku i ka olelo a ke Akua malaila.

            E nonoi aku oukou i ka Haku i ka mea nona ke kihapai i loaa mai ona mau paahana Hawaii no neia kihapai o ka Haku e waiho wale nei aole he paahana Hawaii, he haiolelo Kilibati wale no ia e noho nei ma keia kihapai, ua lana ko'u manao e hele mau ilaila e kanu ai i ka olelo a ke Akua, aka, aole he alanui e hiki ai ia'u ke hele ilaila, ina e loaa ia'u he waapa alaila, ua hiki ia'u ke hele ilaila e hana ai i ko ke Akua makemake ma ia kihapai, manao wau ina e loaa hou mai he mau paahana hou no laila, alaila, e holomua ana paha ka hana o ka Haku malaila, he poe manaoio kakaikahi no ko laila e noho haipule ana i ke Akua, a o ke kaua ma Apaiana nei me ka mokupuni o Tarawa, ua pau wale aole i kaua, a ua noho malu ka aina i keia wa, aole hoi e like me ka wa a makou i hiki mai ai ka hoonene kaua, i ka wa i haalele iho ai o Hoku Ao ianei, a holo aku no na mokupuni o ke komohana a mahope iho, ua maluhia ka aina.

            O ke alii o Apaiana nei, oia o Kaiea ua komo mua oia i ka ekalesia, a no kela hoeueu kaua a ua haalele oia i ka pahikaua o ka uhane, a ua lalau oia i na mea kaua o ke ao nei, a i keia wa, ua hoi hou mai oia i ka mihi, a ke kokua mai nei no hoi oia i na hana pono a ke papa loa nei oia i ka laha ana o ka ona maluna o ka mokupuni o Apaiana nei, ina e ike ia ke kanaka e ona ana maluna o ka aina, alaila, e kipaku ia oia e auwana hele ma ka moana a kahi e make ai, a i ole ia, pae aku paha i ka aina okoa, a ina aole oia e ae mai i ke kauoha a ke alii, alaila, e kipu ia oia a make loa , o ka papalua ana o ke kanaka ielua wahine, e kipaku ia oia ke hoopaakiki oia i elua ana wahine, a e hoolei ia oia i ka aina okoa, ao le no he hiki ke kau ia na kanawai Hawaii o kakou maanei, no ka mea, aole like na makaainana me ka moi, aole he mana o ka leo o ke alii ma keia mau aina, o ke alii o keia aina, ua noho malu oia malalo o ka leo o kona mau makaainana, ina e hookiekie ae ke alii ma kona ano he alii, o ka ohumu ia mai la no ia e make a o ka hoala mai la no ia i na puali kaua, hookahi wale no paha pono o keia mau aina e noho hoomalu ia mai e kekahi mau aupuni e aku, oia ka maluhia o na kanawai o ka aina, o na kanawai a ka mo ku manuwa i kau ai ua pau ia mau kanawai i ka hoohiolo ia, a ua lilo ka mana o ka manuwa i mea ole i ko lakou manao, nui no ka poe pegana ma keia mokupuni e noho nei.

            Kahiko no ke ku ana o ka pono ma Apaiana mei, aole i pau loa i ka huli i ka pono o ke Akua, nui na kumu Hawaii a me na kumu haole i noho ai maanei e ao ai, mau no nae na hana pegana, ke hula mai ne i no kahi poe, o kekahi poe no ua naauao, ua ao ia e Mr. Binamu ma, a ua hoi hou i ka aoao pegana, ke holomua nei ka hana a ka Haku ma Nonouti a me Malake, ke ku nei na kanawai o laila, a ke ku nei ma Mokai ma na alanui, aole he alii o ia mokupuni, o na elemakule o laila na kau kanawai a o lakou iho la na lii o ia aina, o lakou no ka mea hooholo a me ka hoopai ana.

            He maikai no holu ola kino, a o Mrs. Lutera no o maua ka mea loaa mau i ka nawaliwali ma ke kino, no ka nui o ka weia o keia aina, he aina ua mau keia, oia ka mea i loaa iki mai ai kahi oluolu i kahi wa.

            E haawi oe i ko'u aloha i na heahanau a pau loa o Kawaiahao, a me ka Ahahui opiopio Imi Pono Kristiano o Kawaiahao. Ua lawa ka'u hoike ana i na mea hou o Kilibati nei, mai poina oukou i ka pule no makou, a na ke Akua e hoohui ia kakou ma keia hope aku, ina ma keia ao a ma kela ao aku paha. Owau iho no me ka haahaa, ke kauwa a ke Akua.

            M. LUTERA

 

HE MOOLELO

NO KE

Koa o Kanahele,

A I OLE IA

Ka Naita o ke Kapa Kila Lahilahi.

MOKUNA XIX.

            I ka wa a Karl i hoike ae nei he kuapuu oia mamua a o Merlin kona inoa aka, e kuu haku, ua komo mua mai ka manao hoohuoi iloko o'u i ko wa i hoo halike ai iaia me ke kii o Charlemagne a hoi hou aku la ko'u manao i hope i na hora mua o kona hanau ana, ua manao wau ua like na helehelena o kuu keiki me ua emepera kaulana la, a mahope mai o laila aole au i ike hou.

            A haule iho la keia, me ko ianei mau kuli a pane aku la:

            E kuu haku, e kala pu mai ana anei oe ia'u i kuu ike ana ua hana ia ka hewa a aole nae au i hai aku ia oe ia wa.

            E kuu haku, i pane hou mai ai o Osterburg, iaia i nana aku ai i ka einepera wahine.

            Na'u i hana ka hewa, ina he hoopai kekahi ona, e aho maluna o'u na'u ia i hooweliweli i mea nona e hai ole ai, wa hi hou a ke kauka.

            Nana pono aku la keia i ke kauka a huli ae la keia a lalau aku la i ka lima o kana wahine a huki ae la a ku iluna oiai no kela e kukuli ana a pane aku la:

            E kuu wahine, ua kala ia oe, ke ae aku nei au me kuu puuwai a pau.

            A huli ae la ia i ka naita a lalau aku la i kona lima , ka mea nona ke anaina i akoakoa mai ia auwina la a pu ili mai la i ka naita a pane aku la:

            E ka naita oiaio, i kinohi ua kapaia oe o Merlin, a mahope mai o Ulric, a i keia wa hoi a mau aku imua o ko kakou haku a imua hoi o keia anaina e kapaia aku ai oe ma kou inoa alii o Karl, ka hooilina oiaio o Lorraine, ke manaoio anei oe o oe kuu keiki?

            Hapai ae la keia i ka lima o ka emepera a honi iho la a pane aku la:

            E kuu haku, ke hai mai nei ko'u puu wai, ia oe au i aie nui ai i keia ola ana, a he oiaio o oe io no ko'u makuakane ke ae mai oe e lawe aku ia'u i keiki nau, alaila, aole au e lilo i mea hoouluhua aku ia oe. E hoomaikai no au ia oe i na la a pau o ko'u ola ana.

            Puili hou aku la o Lothaire i ke kanaka opiopio a paa ma kona poli kukala mai la ia me ka leo nui moakaka.

            E lohe na mea a pau i akoakoa mai maanei i keia la. Ua lohe ae nei kakou i na moolelo i hai ia ae nei, a eia imua o'u ka mea a'u e paa nei a ke hili nai io nei au o ke kekikialii io maoli no keia

            A hookahi a kakou mea i koe e ninau ae ai, oia hoi, e Iudith o Iura ia oe au e ninau aku ai:

            O ke keiki anei keia a Osterburg i waiho aku ai ma kou lima a lawe mai i kau keiki he iwakaluakumamalima makahiki mamua aku nei.

            Oia no e kuu naku, wahi a Iudith i pane aku ai.

            A e lohe na mea a pau ina he kane a wahine paha iwaena o ouku, i ike he kumu kekahi e hiki ai ke kapa ole ia aku ia he keikialii a hooilina no ke aupuni, e hai mai i keia wa, a mahope aku e hoole loa ia ia mea.

            A aole he mea i pane mai, aole ia wa, a aole no mahope mai.

            Aka, o ka mea i kuhihewa iaia iho he keikialii, ku ino ae la iluna a hailiili aku la i ke kauka me ka leo nui.

            Ina oe i makemake e hoopakele ia'u ina no ua hiki.

            Nana pono mai la ke kauka iaia nei a pane mai la.

            E ke keiki, he lima i oi ae ka mana mamua o kou, oia kekahi iloko o keia hana. Ua minamina au ia oe, aka, ua olioli nae au i kuu ola ana a hiki i keia la, e kokua i ka hooponopono ana i ka hewa a'u i hana ai.

            Aka, nou e ke keiki poo paakiki ua haule iho no oe i ka lua au i hoomakaukau ai no hai.

            Ku ae la ia a haalele iho la i ke anaina me kona ike ole i kana wahi e hele aku ai, no ka mea, aole ia i kapa aku i ke kanaka powa i makuakane nona.

            Ua makena ia aku nae iaia, he kulea na iloko o kekahi o na puali koa ana e koho ai a malaila ia e imi ai i kulana hanohano nona.

            Noho iho la ia malaila a hiki i ka wa i hoowahawaha mai ai kona miu hoa iaia.

            Nolaila haalele iho la oia ia lakou a imi aku la i kona makuakane ana i hoowahawaha ai mamua, a loaa hui aku la a lilo i powa.

            A e huli ae hoi kakou a nana i ke keiki oia@o iloko o na iima o kona makuahine, he mau nanaina e hiki ole ai ke hoopoina ia e ka poe e ike ana, aole me na kumakena ana, aka, me ke aloha oiaio, e puili ana ka makuahine i ke keiki a o ke keiki hoi i ka makuahine.

            A mahope iho o laila, ua olioli ke anaina holookoa i ka ike ana aku i ke keikialii oiaio e alakai ae ana i ke kaikamahinealii Constance o Geremania, e huinai ana iluna ona imua o na moi ekolu a hoomaikai aku la lakou ia laua a nie ke anaina holookoa. A pela iho la i hoopalau ia ai ke keikialii Karl o Lorraine me ke kaikamahinealii nani Constance o Geremania.

            KA HOPENA.

 

Umeke Poi! Umeki Poi!

            Ua loaa mai he mau Bakeke Umeke Poi o ke ano hou, i hawele ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.

            E kipa mai ma kahi o

            KAKELA ME KUKE.

            Alanui Moi.     2221-3m

 

Benson, Smith & Co.

Na Mea Laikini ia e kuai Kukaa a me Kuai Liilii aku.

Na Laau Lapaau

O NA ANO A PAU.

HELU 113 me 115, ALANUI PAPU

O LAUA NA AGENA NO NA

Laau Lapaau Kuluwai Liilii!

Boreicke & Schrecke, a me na

WAi Lukini OnAonA Waianuhea!

WAIALA MAILE

A ME KE

Onaona Lei Aloha!

            O na lako no ka Lauoho a me ka Ili, a me na mea hoonani o ka Home, e loaa no ia i na makamaka ke kipa mai ma keia hale.

            2204-tf

 

PAPA! PAPA!

AIA MA KAHI

LEWERS & COOKE

(O LUI MA)

            Ma ke kahua kali 'e@ ma alanui Papa a me @i

            E loai ai

            PAPA NOUAIKI

            o kel@ a me keia ano.

            PaniPuka, Na Puka Aniani, Na Olepelepe Na Pou, Na O-a, Na Papa Hele, Na Papu Ku, A me na Papa Moe nui loa

            Na Pili o na Hale o na Ano a Pau.

A ME NA

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

            A ke hai ia aku nei ka lono i na Makamak a pau, ua makaukau keia mau Makamaka o oukou e hoolawa aku ma ua mea a pau e pili ana ma ke laua oihana

NO KA

UKU HAAHAA KOA.

            E like me kamoa e nolo ana mawaena LAUA a me ka MEA KUAI.

            HELE MAI E WAE NO OUKOU.

 

Kakela a me Kuke

HALEKUAI NUI O NA WAIWAI

            E l@@ oa pahiolo, koi hole, hamale, koi nui a me liilii, kila, wili puaa, iula, apuapu, kui o na ano @au, kala kaa, hao hoopaa puke

            pohaku hoana, kepa, lei ilio, kanla hao ilio, pahi, upa, palu umiumi, kalapu, kope hulu, pulupulu, oepa k@lakala, lina hao, ami, keehi, ame

KAULA OPU.

            Palau o na ano a pau, oo, ho, kopala, pe, kipikua, hao kope, au ho a pe a aku, kua bipi, lei bipi, kaula hao bipi, uwea pa, uwea keleawe, aho pili piula, kaa palala, ipuhao, ipu ti

            PA-PALAI MAKAU MEKE AHO

            Ili N@ holoi, kopa ala, kaula @uaina, hu'akai, ehi wawae, hulu pena, a pela aku.

            Pena wali, kini nui a me liilii o na ano a pau, me ka pepa kuhi kuhi, pena keokeo, aila pena, aila hoomaloo, vaniki kaa, a me vaniki moe,

PENA HOOMALOO

a me aniani hale

            AILA MAU, AILA MIKINI, AILA HAMO AILA KAA, INIKA KAMAA.

            PAUDA, KUKAEPELE KIANA PAUDA, UIKI IPUKUKUI O NA ANO HE NUI A LEHULEHU

 

LELO MAKEPONO

E @a na

            AHINAHINA, KALAKOA, KEO KEO, LEPONAIO HULUMANU UWE-WAHINE, KUI KU@ UHU MU A ME KA LOPI.

            K@ Kuike e loaa @ ia ma kahi e

Kakela & Kuke

NA MEA PIULA

Mikini Humuhumu

Makini a WHEELER a me WILSON

MIKINI A WIILOX ME GIBBS

NA MIKINI A

REMINGTON

            He nui loa na mea hao me na uka@a ae o na ano a pau, aole hiki ke hai@ a, ia aku, hewa i ka wai na maka k@.

Laau Lapaau Kaulana Lo.

A DR. JAYNE.

            LAAU HOOMAEMAE KOKO LAAU HOOPAU NAIO, LAAU KUNU PENIKILA HUAAIE PAAKAI, LAAU HOOPAA III.

            Me na Laau Hamo a Pela 'ku.

KAKELA & KUKE

MEA HANA LOLE.

            Un wehe ae nei o Mrs. M B CAMPBELL i ka oihana hana a me ka helehele ana i na lole, ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke ku pono o ka lole e like me ka iini. 2203 @

 

Halo Hana Lole Nui

KE "PAIONIA O HONOLULU,"

Helu 17 Alanui Ema, Honolulu.

            O ka mea nona ka inoa malalo iho, ua makaukau oia e hoolawa aku @a@ lehulehu me na aahu i maiau ia. E loaa no ke kul@ kuhi no na ana loe@e ninau ae malaila.

            Papale Keokeo, Paleili, Aahu Moepo, &c

            E hana ia no na kauoha e like me ka makemake. A o na kauoha mai na mokupuni mai e hooko ia me ka eleu.

            A. M. MELLIS.

            Bele Telepone Helu 410          2202-1@

 

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu. - Honolulu

            E loaa mau ana na lole hou o na ano a pau maluna o kela a me keia moku.

            Pau Hale Leta 351.     Bele Telepone 274.

KA AGENA OIHANA HAWAII.

            No. 68 ALANUI PAPU KIHI O ALANUI KALEPA, HONOLULU, H.I. HE AGENA OIHANA, A ME AGENA OHI DALA NO NA BILA A PAU

KEENA OIHANA.

            Na Waiwai paa – kuai a hoolilo aku, a me auhau uku ana.

            Na Hale hoolimalima, Rumi, Keena, Aina e hoolimalima, a aelike e ohi: na uku hoolimalima o na ano a pau.

            Na Moraki e ae ia ma na ano waiwai a pau.

            Na Pepa kuleana aina, e kakau a hooponopono ia me na Pepa a pau e p@li ana ma ke kanawai.

            Kope a me ka Unuhiolelo ma na olelo a pau iloko o keia aupuni.

            Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

            Na Malama ana i na Buke a me ka hooponopono ana.

            E haawi ia no ka mikiala no na Ohi aie ana.

            Na Gula, Kala me na Bila kikoo dala, kuai a hoolilo.

            Na Hooponopono Hale Dute e pili ana i na waiwai mai ko na aina e mai.

            Na Ukana o kela a me keia ano, e kuai a hoolilo aku.

            Na Kauoha o na Mokupuni, e hooko ia no me ka eleu.

            O na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.

            Agena Oihana Hawaii

            2170 1yr. Mar.