Ka Nupepa Kuokoa, Volume XXVIII, Number 36, 7 September 1889 — Page 1
| This text was transcribed by: | Andrew Kahalewai |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Buke XXVIII, Helu 36. Honolulu, Poaono, Sepatemaba 7, 1889. Na Helu Apau, 2249
Hoolaha Loio
N@ M. Lowre
Notari no ka lehulehu
IA HE
@ Hoolalo palapala a me na palapala hoohiki
Kona Hana me W. R. Kakela Loio @ @ makai o ka hale leta, ho@ 2241-3y
C@ Brown,
@ a he kokua ma ke kanawai? @ @ hoolalo palapala no ka mokupuni o Oahu @ hanai ma alanui kalepa, @
EG. Hitchcock. ( Aikue Hikikoki)
@ a kokua ma na mea a pau e pili ana ma ke kanawai. E ohi ia no na Bila Aie, me ka awiwi Hilo, Hawaii. 2114@1yr.
James M. Monsarrat. (Maunakea)
Loio a he kokua ma ke kanawai
He Luna Hoolalo Palapala.
E hana ia no na palapala kuai, palapala @malama, a me na palapala pili kanawai e @ ka olelo Hawaii. Dala no ka haole ma ka @aki ma na waiwai paa
Keena Hanai hale pohaku hou ma ka noao ma Waikiki o ka Halewai alanui kalepa.
Wilder & CO. ( Wailama)
Mea kuai papa a me na lako kukulu hale @ @ a pau, @ @ na @ @ pono a pau @ @ ka hale. Kihi alanui Moiwahin me papa.
George P. Kamauoha
Ho loio a he kokua ma ke kanawai
A HE MEA
Ana Aina
E L@ no ma kohala Akau, Hawaii. 2001-1y
William C. Achi
Loio a kakaoleo ma ke kanawai imua o na aha a pau o keia aupuni, a ha kokua ma na waiwai paa.
Keena oihana, helu 36, alanui kalepa, Honolulu, Oahu 2241-3m.
Olelo hoolaha
Ke hoolaha ia aku nei ma keia, e kuai kudala ia aku ana na lako noho lio kahiko o kahamoile i waiho ia mai ia’u i Iune 25, 1888, no ka hoomaemae hou ana, ma e uku ole ia mai iloko o na la he 30 ma keia la aku o keia hoolaha.
GEO. W. Yarick, Wailuku, Maui, Mei@, 1889. 2234-@f
Halekuai Bibi Honolulu (@ Wa. McCanll@)
Helu 6 alanui moiwahine, Makeki ma ulako eo.
Na bibi momona, hipa, puaa me la, na lako ai ulu & co.
O na kauoha a na ohana a me na moku mai e hookoke ia no me ka elua a me ka @ikiwawe.
O na holoholona ola no na moku e hiki @ ke hooko koke ia.
Telepone helu 212 218@-2
WR. Kakela
Loio a he kokua ma ke kanawai
Ho luna hool@ palapala
@
Umeke Poi! Umeke Poi!
Ua loaa mai he mau Bakeke Umeke Poi o ke ano hou, i hawele ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.
E kipa mai ma kahi o Kakela me kuke.
Alanui Moi. 3321-3m
He kaao
No
Hapaikala-
Hapaikamahina
Ka Huaohiaanin
I loaa ma ka
Piko Mauna o Farani
Ka ui nana i kakele ke aupuni o ka lihilihi o na manu
I kokua ia e @ kona pokii
Unuhi ia @ Moss ma,u
Ia wa ua apono mai la na mea a pau loa, a ua kauoha koke ia aku la ke kaa alii, a he Manawa ole ku ana, a hele aku la ka ohana alii a kau iluna a holo aku la no ka halepaahao.
He manawai ole ku ana ke kaa ma ka puka o ka halepaahao, a ninau aku la ka Moi i ka luna kiai:
Aole anei he pio i lawe ia mai a hoopaa ia Iloko nei o ko kakou halepaahao i k@ la?
Pane mai la ka luna kiai, aole au i ike i kekahi mea i lawe ia mai iloko nei o ka halepaahao i keia la.
Ninau aku la ke keikialii o India, he olalo anei kena mau olelo au e kamailio mai nei ia makou?
Ua ae mai la ka luna kiai me ka i ana mai: Ina ua manao oukou he hoopunipuni ka’u mau olelo, alaila, eia mai ka huihui ki o ka halepaahao, ae komo no hoi oukou e nana maloko o na rumi a pau o ka halepaahao nei, a i loaa ia oukou, alaila, e lawe aku oukou i ka oihana mai a’u aku, oiai, ua hoopunipuni aku au imua o oukou.
Aka hoi, i pane hou aku ai ua wahi luna kiai nei, ina aole e loaa ia oukou kekahi kanaka i hoopaa ia maloko o ka halepaahao nei, alaila, e manaoio iho oukou i na olelo a ka kauwa hoopono nei, ka mea i noho loihi ma keia oihana iloko o na makahiki he 40.
Iloko o ia wa i lele iho ai ke keikialii o India me kona kaikoeke mailuna iho o ke kaa a hele aku la a ku ma ka puka a lalau aku la i ka huihui ki i ka luna kiai, oiai, ua makemake loa laua e ike i ka oiaio o na olelo a ke koa opio ia laua oiai lakou maloko o ka luahuna powa o Vabine, a nolaila ua makemake loa laua e i@e i ka oiaio a me ka oiaio ole o na olelo a ke koa opio.
Hoomaka aku la laua e ki i ke panipuka o ka halepaahao a hemo aku la, a komo aku la laua e nana ma na @ i a pau o loko, a ua ki aku la laua nei mai ka rumi helu i aku a hiki i ka rumi helu 60.
I ka wa i hemo mai ai o ke panipuka ua ike koke aku la laua i ke keikialii powa Vabine ua paa kona kino i na kaulahao keleawe he 5@, a iloko o ia wa i huli @e ai ke keikialii o Roma a pano aku la i ke keikialii o l@ia, i ka i ana aku:
He mea oiaio, ua pololei na olelo a ke koa opio i kamailio mai ai ia kakou i keia la, a iloko oia wa he mea ana nui nana e nune ana ia@a iho, pehea la hoi hiki mai ai keia keikialii powa iloko o ka halepaahao, a nawai la i hoopaa @aia.
Iloko o ka hapaha hora keia nune ana o laua, ua olelo aku la kekeikialii o India i kona kaikoeke: Aole ka hoi oe i ike a hoomaopopo iho, na ka kaua aikane i hoopaa iaia nei iloko nei, ka mea hoi i paha i ka mana a me ka ikaika, a aole he mea hookahi nana e hoop@p@ aku i kona ikaika a me kona mana.
Iloko oia wa i ku ae ai ua mau keikialii nei a ha@lele iho la i kahi a laua e noho ana, a huli hoi aku la ma kahi a laua i hele mai ai, a i ko laua wa i puka loa aku ai mawaho o ke panio@ka nui o ka halepaahao, ua halawai aku ia laua me ka luna kiai, a iloko oia wai pane aku ai kek keikialii o India i ka luna kiai puka:
Ua loaa aku nei ia maua ua keikialii powa nei maloko o ka rumi helu 60 o ka halepaahao nei.
Iloko oia wa i pane mai ai ka luna kiai puka me ke ano kahaha o kona manao, i ka i ana mai:
Pehea la oia i hiki ai ke hele mai a komo iloko nei o keia halepaahao oiai wau e ku mau ana ma ko’u kulana he kiai puka i na wa a pau loa?
Iloko oia wa i pane mai ai ke keikialii o India i ka luna kiai, i ka i ana mai:
E hele oe e nana i ua keikialii powa la, a e ike no oe iaia iloko o keia hora a’u e kamailio nei ia oe, a iloko oia wa i huli aku ai ua luna kiai la a hele aku la no kahi o ke keikialii powa i hoopaa ia ai.
I ka hiki ana ku o ka luna kiai i kahi o ke panipuka nui o ka halepaahao, ua wehe aku la oia i ka puka a hemo, a hele loa aku la oia a hiki ma ka rumi helu 60. Kahi hoi o ke keikialii powa Vabine i hoopaa ia ai.
I kona ike ana i ka mea hewa i hoopaa ia maloko o ka halepaahao, ua mihi iho la oia no kana mau olelo i hoopuka ai imua o ka ohana alii, a ia wa i huli mai ai oia a hoi mai la e ike i kona mau haku opio, a hele mai la oia a mihi aku la imua o ka Moi a me ka ohana alii, i ka i ana aku:
Ua hewa wau imua o ko oukou alo, oiai, aole wau i ike i kona lawe ia ana mai e hoopaa iloko nei o ka halepaahao, mamuli o ko’u ike ole ana i kela keiki e paa mai la i na kaulahao he 52 a me ka mea nana i lawe mai e hoopaa iaia; oia ke kumu o ko’u hoole ana aku ia oukou i ka wa a oukou i ninau mai ai ia’u.
Iloko oia wa i pane mai ai ke keikialii o India, mai maka’u oe no keia mea, oiai, o ka mea nana i lawe mai kela keiki e paa mai la maloko o ka rumi helu 60, he mea kino ole oia, oia hoi kekahi o na kauwa hoolohe a ka’u aikane nolaila, e noho oe e malama i kau oihana, mai hopohopo oe, oiai ua loihi na makahiki o kou noho ana ma ka oihana me ka hoopono.
Iloko oia wa i kau ae ai na keikialii maluna o ko laua kaa a pela pu no hoi me ka Moi a me ka ohana alii, a hoohuli pono aku la ko lakou alahele no ka hale pa’i nupepa.
I ka hiki ana aku o ka Moi a me ka ohana alii ma ka puka o ka hale pa’i nupepa, ua ike maila oia iwaho a haawi mai la i kona aloha i ka ohana alii, a pela no hoi ka ohana alii i panai aku ai i ko lakou aloha iaia.
Iloko o keia wa i pane aku ai ka Moi, ia oe e kekahi o ko’u mau makainana, ka mea nona keia hale pa’i nupepa, e hoolaha aku oe i ka’u mea nui i manao ai.
Ia manawa i pane mai ai ka mea non aka hale pa’I nupepa, heaha kou makemake e kuu haku alii e hana aku ai kau kauwa nei?
Pane aku la ka Moi, e hoolaha aku oe ma na pi-pa alanui a pau o ke kulanakaubale nei i keia olelo hoolaha. A penei kea no nui o ua olelo hoolaha la:
Olelo Hoolaha
“Ia oukou a pau loa e ka poe koikoi o ka aina a me na makaainana o’u, ke kauoha aku nei au ia oukou ma keia olelo hoolaha, e @ ae oukou a pau loa maloko o ka pa alii mamua o ke kani ana o ka hora ia o ka la apopo e biki mai ana, a oia ka wa a oukou e ike ai i ma helehele@ o ka mea nana i lawe aihue aku i ka’u kaikamahine mai ko’u alo aku, a e waiho aku ana wau na oukou e hookolokolo iaia. Loa oukou e ahewa iaia ma ke kanawai o ka aina, alaiala, e li ia oia maluna o ka amana li kanaka o Roma nei, a ina aole oukou e ahewa iaia ma ke kanawai o ka aina, alaila, e hookuu ia aku kona kino e hele me ka laelae. Nolaila, o keia hoolaha, e lilo oia i kana wai mai kona la e puka aku nei, i apopo ia e a’u i keia la 10 o Sept. M. H. 900. Hale-Dakara, Moi o Roma.”
Ikea: Honehonea Batala, Haku Puuku o Roma.
Ka Nanea Kamahao
O Ka Ui:
Nohea Gula
(He Kano Bulegaria)
Mokuna III.
“Heaha la auanei ka’ui mea e hana ai? E ka la olino e! Ua kau ia mai he kanawai maluna o’u aole loa au e mare i koolua no’u a i hoa kuka no keia noho ana, aia wale no a loaa ia’u he kaikamahine puupaa i hanau ole ia e ka wahine. Aole au i ike i kahi @ loaa ai ia’u he kaikamahine puupaa i hanau ole ia e ka wahine, a nolaila, ua hoouna mai nei ko’u makuahine ia’u e hele mai imua ou. Aia i kou nani malamalama kamahao e pii haaheo ana i i hiki i ka weleau panepoo o ke kiekie loa, a e ike ana hoi i na wahi mamae loa o na kukulu eha o ka poepoe honua, aole no paha e nele ana kou ike i kahi o keia kaikamahine i noho ai; a no ke noi haahaa ana aku imua @, e oluolu oe e hai @ ia’u i kii aku ai au iaia a mare i wai he na’u.”
Hahai aku la ia imua o ka la i na mea a pau, i kona kukulu ana i ke kiowai meli mapuna, a hiki i kona ku ana imua o kona alo. Kulou iho la ke poo o ka Lo, e noonoo ana, mino aka @ o la, a pane mai la:
“ E hele aku oe a mahope ae nei o la halealii a iloko o ka mahinaaipua a i waenakonu, e ike aku ana oe he wahi kumu ohia @uku nona na lala he ekolu, a aia maluna o ia mau lala e kau ana he ekolu mau hua ohia gula, ako mai i hookah, a o kau hua ohia no hoi e makemake ana mawaena o lakou, a e huli hoi aku. i kou hiki ana i kou home, e oki oe i ka hua ohia mawaenakonu, a e olii ae no auanei he kaikamahine gula, a o kana mau huaolelo mua loa e pane mai ana oia penei:
“E kunane, e haawi mai i barena me ona paakai na’u!”
E haawi koke aku oe ia mau mea iaia, a i kona ai ana me oe pu i ka be rena me ka paakaii,* alaila, ua lilo oia nau, mare aku iaia a lilo i wahine nau, a o ka loaa ana ia ia oe o kau mea e imi nei.
Mokuna IV.
Me na huaolelo o ka piha hauoli ke keikialii i hoomaikai aku ai i ka la, a me ka makuahine la, honi aku la i ko laua mau lima, a puka aku la mailoko aku o ka hale, a hele aku la a komo iloko o ka mahinaaipu, a ike aku la i ke kumu ohia a ka la i hai mai ai. Hele aku la ia a ku malolo, a me ka piha hoohihi o kona naau i hoonuu iho ai i ka nani o na hua ohia gula ekolu. Kau aku la kona mau maka maluna o keia mau mea nani a eha iho la, aohe ana mea wae, oiai, he nani like wale noa a pau, a hiki ole iaia kekoho aku o ka hua ohia hea la kana e ako ai. Ulu ae la na noonoo ano e iloko ona, a punia mai la o loko ona me na koko a me n alia, a o ka hopena, ua nohoalii iho la ka makaleho anuou maluna o kona lunaikehala. Hapai ae la kona mau lima iluna, a me ka awiwi, ako ae la i na hua ohia gula ekolu a hookomo iho la iloko o kona poli, huli ae la ia a kai aku la kona mau wawae no kea la loa e hiki aku ai i kona home alii.
Ma keia huakai huli hoi no ka home alii, ua nui na @ a me na noonoo i komo mai ilo o ko ke keikialii puniu a olelo iho la oia penei:
“Ano, ke hoomaopopo nei au me ka
“O ka wahine a me ke kane akahi no a mare ia ma na aina mamao o Bulegaria ma, mamua o ko laua @ ana iloko o lo laua home hou, e ai mua laua i ka berena me ka paakai. @ o ka @ iloko o @, aole @ i hoolohe i na olelo a ka la i @ @ @ @. Ua olelo mai keia, i hookah wale no a’u ohia @, aka, ua aku mai nei au a pau ekolu. Ua hewa au ma ia hana ana @, ina paha au e hoone e ia ana me ke kaikamahine @ la maloko ae o lakou a ekolu, alaila @ la auanei ka’u hana?”
A oiai oia e kamailio ana no keia mau mea, ua hoomaka ae la kona pihoihoi a me ka uluku a pane ae la:
“Ano’ e heao no au: e oki au i kekahi o lakou i maopopo ai ka puka mai o na kaikamahine gula a me ka ole.”
Ia manawa’ unuhi ae la oia i kekahi o na hua ohia mailoko ae o kona @ a me kana pahi e paa ana ma kona puhaka, hoomaka iho la oia e oki a moku ka ohia. i ka Manawa ana i oki ai i ua apala nei, ua oili koke ae la he kaimahine @ a nohea lua ole, non aka nani e hiki ole ai na maka ke nana hoomau aku, o ai, ua olino e like me ka onohi o ka la. A o kana mau huaolelo mua loa i pane mai ai, oia no keia:
“E kunane, e haawi mai i barena me ona paakai na’u.”
“Aole a’u barena a aole hoi a’u paakai e haawi aku ai ia oe e ka ui nani loa ole,” wahi a ke keikialii, a ia Manawa koke no, ua nalohia iho la ua kai kamahine nei e like me kekahi aka i @ ae a nalo aku. Nui loa ae la ko ke ke kiahi kaumaha a luuluu, a ua hoomaka oia e naauaua, aka, ua hoomanao hou ae la oia, eia no iloko o kona poli ke koe nei he elua mau hooohia @, a ua hooluolu ia kona manao, a ua hoomaka hou aku la oia e hele ma kea la; aka nae, iaia no e hele nei, ua hoomaka hou mai la no na nou nou iloko @ a pane ae la:
“Loa paha o ka hua ohia wale no kela i noho ia e ke kaikamahine gola, @ hoi o loko o keia mau hua e koe nei, alaila, auwe, heaha la auanei ka’u nea e hana ai. He oiaio, ua hewa loa au i kuu lawe pau loa ana mai nei i na hua ohia ekolu.”
Pela kona noonoo e nalu ana iloko ona a e hoolauwili ana i kona manao a no ka noi loa o ka hopohopo iloko ona ohele io, pane ae la:
‘Ano, e oki no au i ka lua o na ohia a e hoomamopopo ina lo he kaikamahine gala iloko ona,” a @ iho la oia i kekahi o na apala, e like me kela Manawa mua, pela pu no me keia Manawa. Ua @ ae la he kaikamahine gula a ma kana hoomaopopo ana aku, ua pakela oi loa aku kona nani i ko kela kaikamahine mua. A e like no hoi me kela kaikamahine mua, ua noi mai la no i barena me ona paakai, a i ko ke keikialii hoi ana aku i kona hele ua nalo koke aku la iloko o ka imo ana a ka maka.
Nui a makena ko ke keokialii kaumaha, a ua palena olee no hoi kona minamina, a ua kulu iho la kona mau wai maka o ka ehaeha. Aohe ana hana i koe, hookah wale iho no o ka hoomau aku i ka hele ana ma kona alahele no ka home alii, a oiai oia e naue hele ana e hoomanao mau ana oia me ka nalu iho iloko ona:
“Ina paha o keia hua ohia gula e koe nei i oko o kuu poli kai nele i ka mea a’e e @ nei, alaila, heaha la auanei ka’u mea e hana ai? Pehea la auanei au ke hoea aku i ka home, a heaha la auanei ka’u mau olelo imua o kuu makuahine aloha, a i hea la au e @ aku ai no ke kaikamahine gula poopaa? Aole loa au e aa ana e hele aku imua o ka la.”
A oiai no nae kela mau mea e mau ana iloko o @ noonoo, ua hooholo iho la ia i kona manaopaa, aole loa @ e oki ana i ke kolu o kana mau hua ohia a hiki i ka loaa ana iaia o ka birena me ka paakai. Nolaila, ua hoomau aku la maloko o na palena o kona ukana aina, a ua hoomaka aku la oia e awiwi me kona mau kapuai mama, a komo aku la iloko o ke kulanakauhale alii, a hele pololei a komo iloko o kona pa mahinaai o na pua a me na ululaau nani.
I kona komo @ aku malalo o ka malomalo o na laau a iwaena hoi o kea la o na pua, o kana hana mua loa, oia ke kii ana i barena a me ona paakai mai kona kauwa kiai mahinaai mai. (Aole i pau)
Kale Auwana
Ka
Lima Puuouu Hau- Kila o Vireginia:
A o ke
Kiu A Seridana
Ma Ke
Awawa Malu-make o ke Senedoa
He moolelo no ke kaua kuloko o ka akua me ka hema
Mokuna XIV.
Ke Apuka Lako Ai i Kekahi Negro
Wahine
I ka wa i poha iho ai o kela mau olelo mai luna mai o ka ipuka-aniani, ola ka wa o ke kiu. Ao @ i hoopuiwa nui loa ia ai no kana oleo malu i hai aku la i ka negro wahine.
Huli kokke ae la o kale Auwana iluna o ka ipuka-aniani, a ike i ka mea non aka leo i pane mai, he wahine e paa ana i ka pupanapana.
He wahine ano aoo ola, a na kona mau helehelena no e hoike maopopo mai i kona ano iho, aole he manao o ka @ wale iloko o kona puuwai no keia ninau o ke kukala kaua o na mokuaina o ka Hema.
O kona mau maka, me he mea la, ua piha oia i kea no huhu no na olelo ana i lohe mai ai i ke kamailio ana ae a ke kiu i kona kauwa wahine.
Aole loa iloko o ke ola ana o Kale Auwana ma kana mau huakai ma na wahi @ a ma na kahua kaua, ua hiki iaia ke hoomaopopo mua i kana @ e @ ai, ma he huakai ia no ka @ ana aku @ ka @ no ka make. Aka, ma koi @ @ @popo aku la i kona ano @ @ o ka aina @, @ @ @ @ ana i keia wahine, @ @ @, he pio maopopo oia i ke @.
Me ka @ oia i pale aku ai i kana kumu pale i ka wahine me keia mau olelo-
“ E ka Madame-he mau olelo oiaio ole kela a’u i hai aku nei i kau kauwa wahine, i kumu wake no nna e oluolu mai ai i ka’u noi. Ua pinepine ka’u hana ana pela ma ka’u mau huakai i ka lawe kauoha, o ka lawe ana i ka inoa o na koa o ka Akau, i kumu e hooluolu ia ai ka manao o na negro ma ke alahele o ka’u hana no na @ lako ai e like iho la me keia ke ano.”
Nana @ mai la ua wahine nei i ke kiu a pane ma la-
“Alaila, aohe no oe he kiu e like me kau i olelo iho nei?”
“Ae, he kiu au.-aole no ka aoao Akau; aka, no ka aoao Hema malalo o na kauohi a Kanela @. O ko’u mua, o Kapena @ R. ke.”
Aohe i pane mai ua wahine la no keia mau olelo, a me he mea la he manao kanaloa kai komo iho iloko ona i kela wa, oia ka ke kiu i pane hou aku ai-
‘O kou mau helehelena e hoike mai nei, me he mea la, o oe paha ka wahine a Konela Kata?”
“Ua poloki oe i koho mai la. O ko maua @ mare, ua wehe ia mai ia e ke Akua i kela pule aku nei. E kappa oiai oe ia’u o ka wahine kane make a Konela Kata.”
“Auwe! Ua make anei o Konela Kata? Inahea nei kona make ana?”
“Pela ka lono i kaa mai ia’u i kela pule aku nei. Ua make oia ma ke ka hua kaua hahana o Petersburg, i ka wa ana e alakai ana i kona mau koa o ka wiwo ole imua o ka enemi ino loa o ka Akau.”
Na keia mau olelo a ka wahine i hookaakaa aku i na maka o ke kio, @ iho la ka noho hauoli ana o na wahine o ka aoao Hema oiai ka lakou mau kane ma na kahua kaua e hooko ana i kela ninau o ka hookauwakuapaa.
“Auwe ka weliweli @ i ka wa hea la e hoopan ia ai keia kaua ana @ wahi hou a ke kiu i pane aku ai.
“Aole e hoopau ia keia kaua a hiki i ka wa e pulima pau loa ia aku al na pualikoa o ka aoao Akau i kea o mau loa mai ka lepo aku o Vegnia nei. Aole e hoopau ia a hiki i ka wa e ae mai ai i ka noho kuokoa ana o na mokuaina kuikahi hui o ka Hema nei.”
I keia wa i kaalo mai ai ka negro kauwa wahine me kahi mea’ai a ke kiu, a oia ka ua wahine la i pane hou mai ai-
“E komo mai hoi ha iloko nei o ka hale, a e ai oe e like me ke Karistiano?”
E kala mai oe ia’u no ia mea e ka Madame. Ua maa makou i ka ai ana o na kahua kaua, o kela o keia, aia ka pono o ka maoni. E kala pu mai oe ia’u ma ko’u hoolohi ana aku nei i kau kauwa wahine me kou lohe mua ole.”
“He kauwa hoolohe loa oia a me ka oluolu. A e like me kea no mau o ka lahui negro, ua oi aku ko lakou aloha i na koa o ka aoao Akau mamua o ko lakou makuahine ponoi, a oia wale no kona wahi kina nui.”
“E hookuu mai oe ia’u i keia Manawa,” wahi a ua wahine la i pane mai ai i kana mau olelo hope me ka waiho pu ana iho i kona pupanapana ilalo. “Ke hui oe me Kenela @, e haawi aku oe, o ka wahinekanemake a Konela Kata, ua makaukau oia i na wa a pau e paa i ka pahikaua o kana kane i make no ke alakai i ka pualikoa o ka Hema, ina he Kaucha kekahi e haawi ia i na wahine no ke ku aku imua o ke kahua kaua a hakaka me ko lakou enemi ino loa.”
O keia mau olelo a ua wahine la i pane mai ai, oia ka ke kiu i puana make ae ai iaia iho me ka hoike ana i ka manao hopo ole o na wahine u ka aoao Hema no keia kaua penei:
“Ina i ke ano keia o na wahine o ka aoao Hema i hanau ia mai e kolakou makuahine, e ike lakou i kahi la e haulehia na mokuaina o Amerika i elua mahele, malalo o ko lakou manao @ he pamaikai a me ka hanohano ka hookauwakuapaa i kekahi lahui naaupo maluna o ka @, oia ka ke kumu i koa ai a i paulele ai ka lakou mau kane e hele imua o na kahua kaua, mamuli o ka hookokono a na wahine. O ka ikaika o ke kanaka, aia wale no ia ma ka ae oluolu ana mai o na wahine, a o ko lakou wiwo ole, oia ka mea nana i papahi aku ma ka puuwai o na wahine e like me Mrs. Kata.”
Lawe mai la keia i ka lako ai a le lauwa negro hoolohe me ka haawi pu ana aku ikona mahalo piha no kana kokua iaia iloko o kona pilikia pololi.
Aohe o ia nei Manawa no ka hoolohilohi iho ma keia wahi, oiai, he kanaloa ole ka maalo mai o kekahi poe ma ke alanui.
Ua puka aku la keia no waho o ka puka-pa, a iho aku la oia ma kekahi alanui okoa, a i kona kaawale loa ana aku, kikee hou ae la oia maloko o ka nahelehele a hiki i kahi o ko ianei ho e ku ana. He mau minute wale no ko ianei noho ana iho no ka ai i kana mau paa palaoa, ua hoopoiwa nui loa ia keia i ka ike ana aku i kekahi poolu loa lio i komo ae i ka pa o Mrs. Kata, a puka ae la ke kauwa negro iwaho no ke kamailio ana.
Ua hoomanao koke ae la no keia, aohe kela he poe koa e @ ana i ike aku la mawaho o na koa o Kapena Kawika i alualu mai iaia i ua po la, a nolaila, nana pono loa aku la keia me ka @ loa hoi no kahi a ua poe koa la e hele aku ai.
O kea o, oia kona Manawa e hoomaha iki ai, a nolaila, ua hooholo koke iho ia no oia e hooluulu iki oia i keia la a hiki i ka wa e @ hou mai ai o ka po, alaila, hoomakaukau hou kana huakai lawe kauoha i ka @ kaua o ke pela Kalani e ku mai la i kahi mamao no keia helu ae. (Aole i pau)