Ka Nupepa Kuokoa, Volume XXVIII, Number 50, 14 December 1889 — Page 1
| This text was transcribed by: | ?Ekekela Aiona |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVIII, HELU 50. HONOLULU, POAONO, DEKEMABA 14, 1889. NA HELU A PAU, 2263
HOOLAHA LOIO-
N@ M. LOWREY
Notari no ka lehulehu
Imua Hooiaia Palapala a me nā Palapala ala Hoohiki
Keena Hana me W. R. Kakela Loio ma ka aoao makai o ka Hale Leta, Honolulu 2241@3y.
CECIL BROWN.
Loio @ HR Kokua ma ke Kanawa?
he Agena Hooiaio Palapala no ka mokupuni o Oahu
KEENA HANA: Ma alanui Kalepa.
tf.
E G HITCHCOCK
(AIKUE HIKIKOKI)
LOIO A KOKUA MA KE KANAWAI.
PILI ANA MA KE KANAWAI.
E ohi ia no na Bila Ale, me ka @,
HILO, HAWAII.
2114. 1YR.
A. ROSA.
[AKONI]
Loio a he Kokua ma ke Kanawai.
Luna Hooiaio Palapala.
Keena hana, ma alanui Kaahumanu.
GEORGE P. KAMAUOHA.
He Loio a he Kokua ma ke Kanawai.
-A HK MEA-
ANA AINA.
E loaa no ka Kohala Akau, Hawaii.
2001 IV
ENOCH JOHNSON,
(Enoka)
He Loio a Kokua ma ke Kanawai,
@ @ na Ahahookolokolo a pau o keia Aupuni.
Luna Hooiaia Palapala Kope no ka apana o Kona, mokupuni o Oahu.
Keena hana me Mr. P. Numana. Helu 44 Alanui Kalepa.
2263 @
W R. KAKELA.
LOIO A HE KOKUA MA KE KANWAI
HE LUNA HOOIAIO PALAPALA
@
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao
Alanui Pa@ Honolulu
WILDER & CO. (WAILA MA.)
Me kuai papa a me na lako kukulu @ o n ano a pau, a me na @ @, a pau o ka hale.
Kihi Akanu Moiwahine me Papu
JAMES M. MONSARRAT.
( MAUNAKEA.)
LOIO A HE KOKUA MA KE KANAWAI
He Luna Hooiaio Palapala
E hana ia no nā palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka @ ma moraki ma na waiwai paa.
KEENA HANA: Hale Pohaku hou ma ka aoao ma Waikiki o ka Halewai Alanui Kalepa.
HALEKUAI BIB. HONOLULU
(Hope o Wa McCandles.)
HELU 6 ALNAUI MOIWAHINE, MAKIKI
MA ULAKO @.
Na Bibi momona, Hipa, Puaa me la, na la @ ulu & co.
O na kauoha a na ohana a me na moku mai hooko koke ia no me ka eleu a me ka hiki wawe.
O na holoholona ola no na moku e hiki no ke hooko koke ia.
Telepone Helu 21@ @
WILLIAM C. ACHI.
Loio a he Kokua ma ke kanawai imua o na Aha a pau o keia Aupuni
He Notari no ka Lehulehu a Boroka no na waiwai paa.
Keena Oihana, Helu 36, Alanui Kalepa, Honolulu, Oahu.
@
KE KII PAHAOHAO
@
Ipo Aloha o Parisa
@
Ahi Lalapa o na La Inea o Farani.
Au Uluku o Europa.
Farani: I loko o na polikia a me ka ehaeha kuhohonu!! Parisa! I loko ona uluku manaonao o na kipona o ka poino!!
I loko o Parisa e hookahua ia ai ka kakou moolelo
MOKUNA IV.
NA POWA.
Puliki maila o Eduina i ka lima o Osalina a pane ae la:
"O kela leo, me he la ua pu-a mai nei a kahi kokoke loa ia kaua. He leo paha no kekahi mea kaalo ae ana, e kamailio ana me kona hoa hele, aka, aole loa au i lohe aku nei i kekahi kapuai wawae. E hoi kaua i ko makuakane maikai, e kuu Osalina. E haawi aku ana au iaia i koʻu aloha a hele aku au."
"E hooikaika ana au e makepono ke aloha ia ana mai o kekahi mau mea maikai e like la me olua, " wahi a Eduina.
"Ahea oe huli hoi mai mai Vesalia mai? wahia Osalina.
"Malia aole e liuliu loa. O kaʻu hana huna e hele nei no ka aoao I me periala, e hilinai mai oe,aole ia he kumu nana e hookaawale mai oe, aole ia he kumu nana e hookaawale loihi iaʻu mai ia oe mai e kuu aloha."
Hiki aku la laua nei ika ipuka o ke keena o Dolana Re, e ku hamama ana no; nana aku la laua a ike aku la i ua makuakane nei e kau ana i na kahakahana pena hope loa maluna o kekahi kii ana e hoopau ana no ka hoihoi ana aku i kekahi la ae, i ka ea nana ke kii.
Hoalu iho la ka lima o ua Dolana Ke nei, e nana pono ana i au kii nei, a kulu iho la he omaka waimaka mai kona mau lihilihi iho.
" Ka wai o kou ola ana, ke hiki ole nei iaʻu ke auʻa aku. Ina paha e hooliloia i mea nana e hookou mau no ka wa pau ole i kuu Osalina, auwe, ke kamahao," wahi a ua Dolana Re nei i pane ae ai iaia iho.
"E kuu papa aloha; ke uwe nei oe, " wahi a Osalina me ka holo ana aku a ku iho la ma ka aoao o kona makua.
"Uoki, mai kuhihewa oe," wahi a Dolana Re, me he la ua hilahila oia no kona loaa pono ana aku iloko o ia haawina. "Pehea keia e kuu Osalina? Aole au i ike eia koke oe. Ke hopohopo nei au ua hoololiiahili loa oe ia Eduina. Na ke aloha nae o keia ano i hoololohi i kekahi poe koa lehulehu E Farani Eduina, ua hai mai oe e haa: lele iho ana oe ia Parisa i ka wa a ke ano ahiahi e uhi mai ai i ka aina, aka, ano, he elua a oi ou hora mahope. E haawi aku iaia i ke aloha, e Osalina o ia, e pono iaia e hele aku no kana hana."
"E kuu Farani, aole oe i ike i ka ehaeha mai a oe mai," wahi a Osalina me ke apo ana aku i ka a-i o kana ipo."
"E kali, e kuu aloha; e hele au, a e kaawale kaua. O ka hooko i ka hana mua alaila, o ke aloha mai. Aloha, e Dolana Re, wahi a Farani Eduina.
Paiki ae la na lima o keia mau kanaka me ka pumehana a i ka hui ana ae o na ike a ko laua mau maka, ua hoike ia ae ke aloha ikaika ma waena o laua no kahi a me kahi.
"E kuu keiki, aloha, a na na Lani e kiai ia oe. Hookahi huaolelo hope. Ina i kou wa e hoi mai ai, aole au e loaa ana ia oe ianei, alaila, ke kauoha paa nei au e malama oe i kuu kaikamahine. He mea nui ke kau nei ma luna o koʻu noonoo, aka, ua haiki kou manawa; he mau ano hoohalua no kekahi pilikia. E hoomanao, ina e kau mai ana ka pilikia maluna o Osalina a maluna paha oʻu, a laila, o ke kumu o ia mau pilikia, mamuli o kekahi kanaka, a o ka inoa o ua kanaka la o Vitoa Beremota."
"Vitoa Beremota, kela inoa lapuwale!" wahi a Osalina me na maka hulili o ka inaina.
"Vitoa Beremota!" wahi a Eduina. "E hilinai, aole loa au e poina."
"Ano, aloha!" Lulu lima hou ae la laua a hala aku la o Farani Eduina; mahope hoi o kona hoopa ana aku i kona mau lehelehe palupalu i ko Osalina.
"Vitoa Beremota," wahi a ua Eduina nei, oiai oia e hele ana ma ke ala i loko o ka pouli o ua po nei, me ke pihi ana ae i kona kuka koloka a paa pono. "Ae, e hoomanao mau ana au; mai hopohopo no ia mea, Heaha ia poino e hookokoke aku ana i kuu aloha ma o keia kanaka? E pokole io ana koʻu manawa ma Vaseila. Heaha no la hoi koʻu mea i kaulana ai ma ka oihana kiu. Vitoa Beremota, ae he inoa lapuwale io ia. Ano, mai keia manawa aku, he enemi ino loa o Vitoa Beremota noʻu, no ka mea, he enemi ino ia no kuu ipo, a no ka makua hoi o kuu ipo. E Vitoa Beremota, e akahele oe!" O keia na maao i holopuni ae iloko o ka umauma o Farani Eduina.
Aole i hala he mau sekona lehulehu mahope iho o ko Eduina puka ana aku a hoomaka akula e hele, aia hoi, ua puka mai la mai kekahi ipuka okoa aku ke kanaka i ku hoolohe ai i na ole lo a Osalina ma.
Kau ae la ia he wahi ulili i kona waha a puhi ae la no ekolu manawa, a ia manawa koke no i oili mai ai he elua mau kanaka mailoko ma o ka pauuli, e holo mai ana me ka nihi i like me na alopeka o ka po, no laua na kino nunui a me na helehelena weil e hiki ai ke kapa ia aku he mau leopaki hae o ka waoakua.
"E Hasima! E Migo! wahi a ke kanaka mua. "E nana i kela kanaka e hele la. No Vaseil kana huakaʻi. Mai hookau e hiki oia ilaila in a e hiki e ilaila, mai hookuu e hoi hou mai. Aia ma luna o kona manamana lima he komo me na onohi daimana. He makana nui ke loaa. Ano e wiki, o nalowale."
I keia manawa, ua mamao loa ko Farani Eduina mau kapuai hele, aka, aia nae ma hope aku nei ona na powa kahi i alualu aku ai me ka mama.
Mamua o ko ianei ala ma ke kihi o ke alanui he haunaele nui, no ka mea, e hoomanao ia, aia o Parisa iloko o na uluaoa haunaele nui, a me ka hookahe koko i loko o ia maula. Aia ko ianei ala e hele pololei ana i kahi o ua haunaele nei, me ka noonoo ole ae nona iho, hookahi wale no mea i loko o kona noonoo, oia kana aloha.
O keia haunaele, aia no ia iwaena o kekahi poe e koi ana e haawi pio ia @ku ke kino o kekahi kanaka ia lakou, ua huna ia ua kanaka nei, wahi a lakou. O keia poe, ua punia mau ia lakou i ka haunaele a me ke ake hookahe koko, a he hiki wale no ke alakai ia lakou e ka mea makemake haunaele.
Ua hoiliili ae la lakou he puulu nui o na apana laau iwaenakonu o ke alanui, a ua ho a ia i ke ahi , a e noke nui ana i ka lelele poai puni me na leo hooho i piha me na huaolelo awahua. A oiai keia ke hookoke aku la, ke mahuahua loa ae la ka uluaoa me ka ikaika o ka haunaele.
Eia no kela may kanaka ma hope mai kahi i ukali ai me ka nihi a me ka maalea, me ka makaukau i ka laua mau pahi e paa ana ma na pohaku.
O kela kanaka hoi nana ke kauoha, aia no oia ma kahi ana i puhi ai i ka ulili, a na ka malamalama o ke ahi i hoike moakaka aku iaia i na mea pau.
Ike aku la ia ia Farani Eduina ua anenae e komo i loko o ka huikau, a o kana mau elili powa aia no ke uk@ la ma hope me ka eleu a me ka maalea.
"Ano," wahi ana, me ka leo hauoli, "maloko o ela puulu, aohe ona wahi e pakele ai, a a make kona hopena. Aha, ano e Frani Eduina, e loaa ana iaʻu ka hanohano o ka hoihoi ana aku i kela komo i ke kaikamahine opio! Ha! Heaha hoi kela? me ka hiki lele oia i pane ae ai i kela mau huaolelo hope loa.
No ka mea, aia iloko o ia manawa ana e hanoli ana, au ike aku al ia i ke kahi ahi lalapa nui e pii ana i ka lewa a e lele ana hoi i o a ianei, mawaena o Farani Eduina a me na ukali powa, a lele mai la ua ahi nei me ka ikaika ma kahi a ua mau kanaka nei e hele nihi aku nei, a ia laua i hooho ae ai me na leo uwe a holo aku la me ka mama i hope i wahi e pakele ai ko laua mau ola.
(Aole i pau.)
HE KAAO
NO
HAPAIKALA-
Hapaikamahina
-
KA HUA OHIA NANI
I LOAA MA KA
Piko Mauna o Farani
_____
Ka Ui nana i Kakele ke
Aupuni o ka Lihilihi
o na Manu.
______
I Kokua ia e HULUPAINA kona Pokii.
______
Unuhi ia e Moss Maʻu
Iloko o keia manawa a ianei e hoomakaukau ana no ka hele aku ma kana huakai, ua ike e aku la oia i kekahi mau mai e maaloalo ae ana iloko o na ao o ka lewa, a oia kana i huli ae ai a pane aku la i kona kupunakane.
E, he mau mea ka'u e ike nei i ka maaloalo i loko o na ao o ka lewa, a owai la ia mau mea?
Pane aku la kona kupunakane, o na mea au e ike la i ka lewa o na kauwa no ia a ko kaikuaana e huli ana iaia, no ka mea, aole laua i ike i kona wahi i hele aku ai.
Aole i liuliu iho mahope o keia mau kukai olelo ana a laua nei, halulu ana ka ilio a me ka lio a ku ana imua o laua nei.
Iloko o keia wa ua ninau aku la o Ka Ui o ka Lewa, pehea ka haku o olua, ua loaa anei?
Pane aku la ka lio, o a maua ia e noke nei i ka huli, eia nae aole he wahi mea a loaa iki.
Pane hou aku la o Ka Ui o ka Lewa, aia ka haku o olua la i ke aupuni Mafira@ kahi i paa ai, a ihea ko olua mau maka nunui i ike ole ai?
I ka lohe ana o ka lio a me ka ilio i keia mau olelo a ka elemakule, ua ike ia aku la ka pii ana ae o na na@aina inaina ma luna o ka lio, a pela pu no hoi me ka ili ma ia haawina hookahi.
Ia manawa i pane ae ai ke koa opio, ka muli hoi o ka kakou koa ka mea nona keia nanea, ano, i keia manawa, hele kakou ma ka kakou huakai hele.
I keia wa ua haawi ae la na aloha hope a hoomaka aku la lakou nei e hele no ke aupuni Ma@ ka pahu hopu
A i ko lakou hiki ana aku mawaho o au aupuni nei, ua pane aku la ka opio i na holoholona i ka i ana aku :
Eia ka kahu o olua i loko o keia aupuni kahi i paa ai, a ano, e hoike olua i ko olua ikaika i pakele ai ko olua haku.
Ia manawa i hoomaka aku ai ka lio e haawi i kekahi o kana mau peku helu ekahi, a i loko nae o keia mau peku mahanahana a ua lio nei, he ole nae ka mohole aku o ua aupuni nei. A oia paha keia a ka mea kakau e hooheno ae nei -
O ka paa ia a Makalii
Kakia kui nao a ke akamai
A iloko o ia wa ike mai ai o Hulupaina aole e hemo ana ia laua, ia wa o hoolilo ae ai ua eueu nei i kona kino hipa i kino kanaka a hoomaka aku la e hoohana i ka lima gula, ka mea hoi i lolii no na makahiki he lehulehu, a hoomaka iho la keia e kaukau me na huaolelo a kona kupunakane i hai mai ai iaia, e like hoi me na mea i hoike ia ma ka helu i hala, a ia wa no oia i unu mai a hoomaka aku la e kui ua aupuni nei, a he @ ana o ke pani o ua aupuni nei ka lakou mea i lohe, a i nana aku ka hana ua nahaha ke pani o ua aupuni nei.
Iloko o keia wa, kauoha iho la ka kakou eueu i kona lima gula e kii i kona haku a lawe mai imua o lakou, a he manawa ole ku ana o Hapaikala Hapaikamahina imua o ko lakou alo.
Iloko o ia manawa i noi aku ai o Hulupaina i kona kaikuaana e hoi laua no ka home o na makua, aka, ua hoole aku la kona kaikuaana me ka pane ana aku :
Aole au e hoi a hiki i ka wa e loaa ai ia'u ka mea a kuu puuwai e li'a mau nei, nolaila, e hele ana no au ma ka'u huakai hele.
I ka pau ana o ka laua mau kuka, olelo ana, au huli mai la o Hulupaina hoi no kona aupuni, ke aupuni hoi o Ka Ui o ka Lewa.
Maanei e ka mea heluhelu, e waiho kaua i ke kamailio ana no Hulupaina, ka hoola hoi o ka mea nona keia nanea, a e huli ae kaua a nana aku i ke koa opio
I ka hala ana mai o Hulupaina, au ninau aku la ke koa opio i kona lio i ka pane ana aku :
Owai ka Inoa o kela keiki, ka mea nana au i hoopakele mailoko mai o keia pilikia?
Pane aku la kona lio, o kela keiki nana oe i hoopakele mailoko mai o keia pilikia nui, oia no kou hanau muli o Hulupaina kona inoa, ka moopuna a Ka Ui o ka Lewa.
I ka lohe ana o ke koa opio i keia mau olelo a kona lio, ua hu mai la kona aloha no kona mau makua, e hoopulu ana hoi na kulu waimaka i kona mau lihilihi, a oia keia mau wahi lalani mele a ka mea kakau e nuu ae nei -
O ka bana iho la no ia a ke aloha,
He kuewa i ke ala me ka waimaka.
A i ka mao ana ae o keia mau haawina luuluu maluna o ka kakou koa opio, ua hoomaka iho la lakou e hoomakaukau no ka hele ana ma ka lakou huakai hele.
I ka makaukau pono ana o na mea a pau, ua kau ae la ke koa opio maluna o kona lio, a hoomaka aku la lakou nei e hele no ka huli ana i ka enemi, e hele huli ana ma o a maanei o ka lewa, eia nae he neo ka mea i loaa.
Oiai, ua paa o Kinikula ma i ka mana o e aupuni @iku, oia hoi ke aupuni hulu o Aeko Ahi, ka mea hoi nana i hoowalewale i ke koa opio a komo ana iloko o ka pilikia, a oia iho la ke kumu i loaa ole ai o Kinikula ma i ke koa opio.
No keia nele, nolaila, ua hele aku la ke koa opio a me kana mau holoholona no ke aupuni Daimana, ke aupuni hoi o kona lio, a malaila lakou i hoohala ai i kekahi mau la.
A i kekahi po kalae o a Makalii, au loaa iho la i ka kakou kou ka moe uhane, oia hoi,ua ike aku al oia i kekahi kaikamahine e noho ana mawaena o ka la a me ka mahina, a ua hoopuni ia me na onohi melemele o na opuu pua rose a me kekahi pila hookani mau ana a puni ka makahiki; a puoho ae la keia eia ka he moeuhane.
No keia mea, ua nalu iho la keia iloko iho ona, a no ia mea ua pane mai la kona lio, i ka i ana mai :
Heaha ka hana nui a kuu haku i ano e ai kou mau helehelena?
No keia ninau a kona lio, ua pane aku la keia, he moeuhane hoi paha ka'u.
Pane aku la kona lio, e hoike mai imua oʻu e kuu haku, a he mea nou e kanalua ole ai ka hiki ole iaʻu ke wehewehe aku i ke ano o ua moeuhane la.
( Aole i pau )
Gaberiela Lenoa
o ka
Puali Kahiko Imeperiela
o Farani.
Koa Opio iloko o a
Ulia o ka Laki.
Kukala Kaua a Perusia
no kekahi wahine
He Moolelo no ke Au-Weliweli
Nui o Europa.
KE KOMO ANA ILOKO O KA PUALI.
UA KAPAIA kekahi puali i loko o ka mahele Imeperiala o na koa kahiko o Farani, - he Puali Kuresia, a no lakou ka inoa hanohano e pa-e ana a puni ka aina, --- o ka wiwo ole ia o na wiwo ole,
O ko lakou mau helehelena. aole he keokeo loa e like me na haeleele kohu kanaka kuaaina hele wale iho no i ka la.
O ko lakou mau lako kaua, ua kino hinohi ia me na hoailona eleele, he hoailona ano e mai ko na puali e ae a pela iho la e hoomaopopo ia ai keia puali maluna o na kahua kaua i ka wa e nee ana ma o a maanei o ka aina malalo o ka malamalama o ka la.
He hookahi rula paa mau iloko o keia puali, aole loa e ae ia kekahi kanaka keokeo e loaa ka hanohano iaia ma o kona lilo ana i koa no keia puali, ke ole oia e lilo i kanaka eleele a ike ia kana mau hana wiwo ole maluna o na kahua kaua. O ka wa e paa ana ka mana o keia rula a e hooko pololei ia ana na kauoha, oia no ka manawa like i hiki mai ai kakou i ka mea nona keia moolelo.
O ka malama ia o Augate, 1805, ua paa aku ma ka papa inoa o na koa hou i komo no ka puali Kuresia, he lehulehu o na koa o kekahi mau puali okoa i hookiekie ia i loko o keia puali, a ua hoomaka ia mai la ko lakou mau inoa e kahea no ka hoike aku i ko lakou mau helehelena a me ko lakou kulana imua o ke aliikoa nui o ka la.
Mai loko mai o keia heluna o na koa hou e komo aku ana no ka puali Imeperiala Kuresia, ua like wale no ko lakou mau helehelena ma ke ano haeleele uliuli, a koe hookahi ka mea nona keia moolelo, ma ka inoa o Gaberiela Lenoa, oia wale no kahi koa helehelena keokeo e ku ana iloko o ka laina no ka wae ia mai.
O ke aliikoa nui o keia puali, oia no o Konela Lenoa, he inoa like me ko kahi koa helehelena keokeo Gaberiela Lenoa, a koe wale iho no ma ko laua mau helehelena ke ano e.
I ka wa a Konela Lenoa e wae pono nei i na koa komo hou imua ona, au hiki mai la oia imua o ka mea nona keia moolelo, oia kana i nana pono mai ai i na helehelena ano e, a pane mai la me keia mau olelo koikoi ----
"Ma o ke diabolo la, -- owai oe e keia kanaka opio?"
"Gaberiela Lenoa, e kuu Konela malalo o kau mau kauoha no ka hanohano o Farani."
Ua hoopuiwa nui ia ke Konela i ka lohe ana mai la i ke koa malihini, ua like pu ko laua inoa o Lenoa a malalo o kona manao iho, he hoohaahaa ana paha keia i kona kulana a me kana oihana, o ke kahea ia ana o kekahi koa ma kona inoa iloko o ka puali.
Ua nana aku la o Konela Lenoa ia Lenoa koa malihini me ka maka oolea, a no ka hapalua minute, ua poha aku la kona leo me keia mau olelo---
"Ua haawi ia kou inoa me ke kapakahi loa. O ka inoa pololei e kapaia nou o Kanaka Keokeo, --- aole o Lenoa Ke ao aku nei au ia oe no ka mea pono au e hana ai, --- e haalele koke oe i keia puali no kekahi no kekahi pua'i okoa aku, no ka mea, aole loa e loaa ia oe @ @ @ ke noho pu oe me makou, @ @ ano e oe ma ka helehelena, a he hoohaahaa maopopo hoi i ke kulana kaua a me ka hanohano o ka puali Imeperiela Kahiko o Farani nei."
"Ma kekahi ano hoi o ka olelo ae @ me ka manaolana." wahi a Lenoa i pane aku ai ia Konela Lenoa, "ua makemake nui au ke loaa ole kekahi @ pilikino mai ia'u mai a oe mai, e noho au iloko o keia puali a hiki i kuu wa e lilo ai i Konela ma kou kulana."
Ua nana pololei mai la o Konela Lenoa i kahi koa Lenoa, e pane hou mai la i keia olelo me kona leo nui kokoke e nahu mai iaia ne
Lapuwale oe e kena wahi koa. Ma hea iho la oe i manao ai e ku au ma ko'u kulana?"
"E kau aku oe maluna o ke kulana kiekie me ka hookohu o ka @Hamakua ke kahua kaua," wahi a Lenoa keokeo i pane aku ai me ke ano hooio.
O na helehelena huhu o ua Konela nei, ua pau ae la ia mamuli o ke kumu pale kupono a Lnoa i hai aku la, a oia hou kana i pane aku ai,
"E kahi koa opio, --- e lilo ana oe i koa iloko o keia puali i kahi la, ke hoopaa iki mai oe i ka loihi loa o kou alelo i ke kamailio ana. Aole loa iloko o hookahi kaina like mawaena ke koa a me ke aliikoa nui o ka puali, kou mahaoi oi loa o ka hookiekie e like me ka hoki, ma na olelo o ke pakike a Lenoa o ka puali Kuresia Imeperiala."
Huli ae la ua Konela nei a hele aku la imua o kekahi mau koa e ae a pane mai la i kana mau olelo hope
"E hoi oe no ka puali o mua, a na Kakiana Korokesa e hoike mai i kou wahi a me kou kulana o ka puali no ke kiai."
Ua hookuu ia mai la o Lenoa keokeo e Konela Lenoa, a huli hoi aku la keia no ke kulana hoolulu o ka puali o mua.
O Kakiana Korokesa, oia kekahi o na aliikoa i makau nui ia no kana mau hana hooko pololei i ke kanawai o ke koa, a ua kapa ia aku ia ma kana mau hoopai o ka halepaahao, o "Kakiana Puhipuhiahi."
(Aole i pau)
Ka Waiwai o ka Hilina
---------
Saseparila Ayer
--------
A AYER, Laau Sasaparila, kai kaulana @ hilinai @ no ka hoomaemae koko, ma @ wahi a pau o ka honua, he aneane @ maka hiki i hala ae nei, a ua lawelawe nui ia @ iwaena o na oihana @. O keia
LAAU SASAPARILA, no loko ae la o ke aa Sasaparila Honedura maoli; ua loaa @ @ mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
LAAU e hoomaemae ia mau mea ino a pau a maikai. O na kauka lapaau a pau o Amerika ike ke ano o ka AYER SASAPARILA ua olelo lakou, aole he mea maikai e ae no ka hoomaemae koko ana mai na mai i @ pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano ma @ ikeia, o AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MAIKAI loa keia Laau, aole no ka hoomaemae wale ana no i ke koko, aka, no ka hookaawale pu ana kekahi i @ ma'i, hoomomona hou ana i ke koko ino, a me ka hooikaika pu i kona holo pono ana ma na @ He lehulehu wale na hooia ana mai na wahi a pau o ke ao nei i hoohana mua i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha waha @ wale ia malalo o na inoa @, aka, o na hilinai a me na hooia wale no a ke ao holookoa. maluna o ka
Ayer Laau Sasaparila.
I HOOMAKAUKAU IA
Kauka J. C. A@ & Co. Lowell Mass.
HOLLISTER & CO
Na A ena ma ka Paeaina Hawaii.
100. . . . . . Alao@ P@, Honolulu
2086