Ka Nupepa Kuokoa, Volume XXX, Number 52, 26 December 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

 

No ka Makahiki - - - $2 00

No Eono Mahina - - - 1 00

Kuike ka  Rula.

 

HOOPUKAIA E KA

HAWAIIAN GAZETTE CO.

M.M. WHITNEY, Luna Nui,

J.U. KAWAINUI, Luna Hooponopono.

 

POAONO, - -DEKEMABA 26, 1891

 

KULA SABATI.

 

Ian. 8. Ke sagami o Karisto. Isaia

11:1-10

E KUPA mai ao ka lala mailoko mai o ke kumu o Iesu,

            A e hea ma hoi kekahi oha o kana aa:

2.         Malama ona e kau ai Uhane o Iehova,

            Ka uhane akamai a me ka ike,

            Ka uhane kakaolelo, me ka mana,

            Ka uhane e ike ai, a e makau ai hoi la Iehova.

3.         Ma ka makaa ia Iehova kona olioli,

            Aole ia e hoopono ma ka nana ana o ke @a maka,

            Aole ka hoi hoopai ma ka lohe pepeiao.

4.         E hoopono oia i ka poe nawaliwali, me ka pololei.

            Ma ka pono no hoi ia e kokua ai i ka mea popilikia o ka honua;

            E kahea no oia i ka honua i ka laau o kona waha,

            A e lek@ no hoi ia i ka poe hewa, i ka ha ana o kona mau lohelohe.

5.         O ka pono no ke kaai o kona puhaka,

            A o ka oiaio hoi ke kakoo o kona kikala.

6.         Alaila, e noho pu no ka iliohae me ke keikihipa,

            A e moe pu no ka leopadi, me ke keikikao;

            O ke keikibipi, a me ka liona hou, a me ka bipi i kupalala,

            E kaikahi no lakou;

            A na ke keiki @ lakou e alakai.

7.         E ai pu no ka bipi wahine a me ka b@,

            E moe pu ka lakou mau keiki;

            A e ai no hoi ka liona i ka mauu maloo, me he bipi la.

8.         E paani no ke keiki ai waiu ma ka ina o ka moomake,

            A e kau no ke keiki i ukuhiia i kona lima ma ka lua moopepeiaohao.

9.         Aohe mea hana hewa, aohe mea luku ma ko'u mau kuahiwi hoano a pau;    

            No ka mea, e piha auanei ka honua i ka ike ia Iehova,

            E like me ka moana i uhia i ke kai.

10.       A hiki aku ia la,

            E puka mai no kekahi lala no Iesu,

            A e ku no ia i hao no na lahuikanaka,

            A e imi no ko na aina ma ona la;

            A he nani hoi kona wahi hoomaha.

 

PAUKU GULA. Halelu 72:8. E hoomalu aupuni ana oia mai ko kai a i ke kai, a mai ka muliwai mai hoi a i na welelau o ka honua.

OLELO HOAKAKA.

            O Isaia, ke kaula kaulana o ko Iuda, ua wanana oia ma na kau o Uzia, lotama Ahaza a me Hezekia, na moi o Iuda, mai ka makahiki 7@8 a hiki i ka makahiki 698. Ua kapaia oia "ke kau haieuanelio," No ka nui a me ka moakaka o kana mau wanana e pili ana la Iesu. Ma keia haawina Baibala, eia kekahi wanana e pili ana i ka pomaikai o ko Iesu aupuni o ka hoolaulea. Mamuli o ke kaao Iudaio, ua okioki ia me ka pahioio i ke kau o Manaae ka Hooekia keiki. I kona wa e ola ana, aia o Hoeia ke kaula no ka Iseraela o Nahuma a me Mika ma Mika ma Iudea.

            Lala, he oha, he pohuli ka pololei. Ua kamailio ka pauku mamua iho, 10: 30-34. E pili ana i ka okioki ana i wahi kumulaau. Aole no nae he oha, aka nae, aole pela ke aupuni Iudaio. Malaila mai e kupu hou ana kekahi oha okoa. Iesu, oia no na makua o Davida. Maloko mai o kona ohana ilihune e paha ana kekahi moi kaulana, oia hoi o Iesu. 2. Uhane-no ka mea, ke ole ka hana a ka Uhane Hemolele aole he wahi hoola no na kanaka. Akamai-e hoomakaukau ana iaia no kana oihana ano nui. 1 Ker. 1:30. Es. 1:17 Kol. 2:2.3 3. Nana-E like me ka hapa nui o na kanaka e lawe pio ia e ka nanaina maikai a me ka leo oluolu, 4. Hoopono-Ma ke ano he alii noho pono, e kaupaona like ana mawaena o ka poe pono a me ka poe hewa. Laau o kona waha kana mau olelo hoahewa. 5. Pono-oia no ka mea hookahi e kupaa ai kona noho alii. 6. Noho pu-e nui ana ka maluhia. E hoopu ia ana ka paonioni, ka paio, ke kana, me he mea la ua launa pu na holoholona ahiu me na holoholona laka- 7. Kuahiwi hoano-oia hoi ko Iesu aupuni o ka maluhia. Moomake-moopepeiaohao-he naheea  ka mua he naheea nui olenalena ka loa. e make koke ana ke kanaka a lako a e ake ai.

            Ke aupuni o ka pono, pp. 1-3. Owai ka moi e hiki mai ana mamuali o keia olelo wanana? No keaha la @ ma kapaia o Iesu ke oha mai ke kumu o Iesu? Pehea ke ano noho o ka ohana, ko Iesu poe mamo, i ka wa o Iesu i hanau ia ai? Pehea ka puni ana i ka Moi? Heaha ke kau ana o ka Uhane o Iehova? Pehea kona noho alii ana? Pehea kana oihana inuakanawai? Heaha kona mau ano maikai? Pehea i hooko ia ai keia olelo wanana? Luka 1: 26, 27, 32, 33, 48; 2: 11; Hoikeana 22: 16. Ua kupono anei keia ano o ko Iesu alii ana no na aupuni a pau loa? Pehea e hiki ai ia kakou ke hooholo i ko Iesu aupuni? E hiki ana anei i ke Akua ke hoopau i ke kuemi ana o ka lahui Hawaii a ulu hou, a ikaika hou? Ua hoike ia anei o Iesu ma na wanana ano like mamuli o keia ano he lala hoohua? Ieremia 23:5, 6; 33:16. Zekaria 3:8; 6: 12.

            Ke aupuni o ka maluhia, 6-9. Heaha ke ano noho o ko Iesu aupuni? Ma kekahi olelo hoohalike hea ua wanana ia kona maluhia? No keaha la keia ano noho? E hooko ia anei keia olelo wanana ma ke ano kulike me na huaolelo, a i ole paha ma ke ano kulike me ka manao kumu? Ua noho pu anei na holoholona ahiu a me na holoholona laka i ka wahi noho hookahi? Heaha ke ano o na kanaka i hoohalike la me na iliohae, liona a me naheea? Heaha ke ano like o na manao iloko o na naau o na kanaka? Ua lanakila anei ka pono Karikiano maluna o keia mau mea ino? Esekiela 11: 19-20-Oihana 26:18. Epeso 4: 22-24. Galatia 5: 22-28. Heaha ka hana ano nui e hoolaha ai i keia maluhia maluna o ka honua holookoa? 

            Ke aupuni o ka lanakila, p. 10. Heaha ka wanana hope loa ma keia pauku? Owai ka poe kamaaina ma ke aupuni o Iesu? Heaha ka manao o ko na aina e? Ua hooko loa ia anei keia wanana, aole paha? E hiki ana anei la kakou ke ikemaka i keia maluhia? Ua pili anei ka noho lako o kela a me keia lahui i ka lanahila o ka pono? Ua pili anei kekahi hapa o ka pomaikai o ka milenio i na holoholona? E hiki ana anei i ka poe kue ia Iesu ke loaa keia maluhia? Zepania 3: 16-17.

HE MAU MANAO PILI.

            1. Ke noho alii nei anei o Iesu ma ko'u naau?

            2. Ke imi nei anei au i na ano maikai no'u iho e like me ko Iesu mau ano e nani ai?

            3. Ke noho nei anei au me ka manao aloha i na kanaka a pau loa?

            4. Ua makemake anei au i ka lanakila o ka pono, ina paha ua loaa ia'u kekahi waiwai ino, lealea Ino.

            Ua kokua anaei au i ke ano uuku wale no i ka hoolaha ana io ia nei i ka Euanelio o Iesu?

 

Hookahuli no ke Kumukanawai.

            Mr. Luna Hooponopono;

            Ua ike au iloko o ka Nupepa "Daily Advertiser" he haiolelo na C.W. Ashford, e olelo ana ua loaa ko kakou kumukanawai ma ka apiki a me ka lima ikaika.

            Ke manao nei au au loaa no ma ka lima ikaika i hui pu ia me ka naauao.

            Ma ko kakou kumukanawai he oi aku na pono i haawiia i kanaka mamua o ke kumukanawai i hala. He mau kina no iloko; oia ko kakou mea e hoopau aku ai me ke akahele a me ka noonoo i na mea kaulike apau e pili ana.

            Ina e hoopau hopuhopuahulu kakou i keia kumukanawai, me ka maopopo ole o ka oi aku o ka maikai a me ke kaulike maoli i na mea apau o ke kumukanawai hou, ua like me ka lele ana mai ka paparai aku a komo i ke ahi.

            Aole o na haole wale no ke pilikia ke hookahuliia ke aupuni e like me ka makemake o kekahi poe, o kakou no kekahi, na kupa o ka aina. Ke manao nei au he pono ke hele akahele ma ka hookahuli aupuni. He pono no hoi e akahele ma ke kukulu ana i waihona dala a me ka banako aupuni e like me ka manao o ke komite o ka Hui Kalaiaina. Ina e waiho ana kakou i ko kakou mau dala iloko o kekahi banako aupuni, a e lilo loa ana ua mau dala la ano ke aupuni, a e lilo ana ka uku panee no ka pomaikai o ka lahui, mahea ka pomaikai o ka mea waiho aku i kana mau dala? He manu hulu ole wale no ka i koe; ua okiia na hulu, a o ka olohelohe wale no koe.

            Aole e ae ana na kanaka noonoo maikai e hookomo i ko lakou mau a-i iloko o kekahi kipuka o ia ano.      

            He pono no ia la kakou e hele imua me ka naauao a me ke kalaiaina kaulike, aole me ka naaupo a me ka powa wale i na pono a hai.

            Olai he mau kina iloko o ko kakou mau kanawai, e imi kakou e hooponopono maluna o ke kahua o ka pono maoli, i pohaku naue ole.

            Alaila e hiki ia kakou ke hauoli iloko o ka malu a me ka lako a me ke kuonoonoo maoli o ka noho ana.

Kou Oiaio. E.

 

            Nui na pake mahuka o keia puuia o ka moku Paetolus i lawe ae ai i Kohala. Ua pau mai no nae ka hapanui i ka loaa a ke paa ia.

 

KE MOOLELO HOOHIVA PUUWAI

-NO KA-

Ui Nohea Berela.

 

Ke Kamehai hoopono-Ke kupaa

me ka luli ole-He wahine

na ke kana hookahi-Ke au popilikia

a me ka huli ana o ka pomai-

kai mahope o ka wahine.

 

MOKUNA IV.

            E olelo mai ana anei oe na make kuu kane?" i ninau aku ai o Berela me ka huila ano e ana ae a kona mau maka a me ka haikea ana ae o kona helehelena me he pohaku mabala keokeo 'la, a ma ka nana aku la Berela i keia wa o kona ehaeha ua like loa ua u-i ia me he anela la a ua hoike mai hoi he wahine u-i io no o Berela i hiki ole ke loaa koua lua iwaena o na wahine. Ua hiki ole ia Hapalika ke pane koke aku, a ua aneane no oia e hoike maoli aku i ka mea oiaio loa, oiai, ua ike koke iho ia oia i ke ino o kana hana e hoao aku nei e uhi aku i kela mau maka u-i nohea me na huaolelo makona o ka hoopuipuni ino loa aka ua ku koke mai la no o Satana a i mai la iaia ina oe e hana ana pela alaila e noho mau ana no oe iloko o kou ilihune a me kou ano he kauwa. He mea maikai ole kela nolaila, ua ea ae la ia iluna a pane aku la i ka lede e ku maloeloe mai ana imua o kona alo me kona kilakila iloko i keia minute o ka ehaeha:

            "Ae, ua make ia kau kane.

            Aka, me ka ehaeha nae au e hai aku nei i keia mea ia oe mai oi loa kou hauoli ina la na hai e hoike aku ia oe i keia mea hoehaehae naau aka mamuli nae o kou noonoo akahele ana, ua hooholo iho la au na'u ponoi no e hoike aku ia oe ua lawe mai nei au i na pono kino a pau o kuu haku, a me na wahi dala ana e waiho ana ma kona waihona aeia ia mau mea a pau. Eia kekahi mea a'u e hoike aku ia oe e kuu haku lede o ka inoa pololei o kuu o Vane Koni a aole loa au i ike ma ke kumu hea la oia i hoololi ai i kona inoa a mare ai oia ia oe ma keia inoa kapakapa oiai aole loa ia o kona inoa pololei."   

            "He oiaio anei keia au e hai mai nei ia'u?

            "Ae o ka oiaio keia."

            "Alaila e lawe aku oe i na mea a pau ona a me na dala ana au i lawe mai nei, aole o'u makemake e ike i kekahi o kona mau mea, ina ua lawe oia ia'u imua o ke kuahu laa o ke Akua kiekie loa malalo o ke koloka o ka hoopunipuni. E hoi oe e Hapalika no kou wahi ponoi, a e waiho mai ia'u me ko'u kaumaha."

            I keia wa, ua hina iho la o Berela iluna o ka papahele me he la a lele ae la kona hanu. Hapai koke ae la o Hapalika i ke kino lahilahi o ka lede ehaeha a hookau aku la iaia maluna o kona waihi moe a kii koke aku la oia i ka lede mea hale a i ko ka lede mea hale holo kiki ana no ke keena o Berela, na holo koke aku ia o Hapalika no kahi o ke kauka.

            Iloko o ka hapalua hora ua hoea mai la ke kahuna lapaau i o Berela la a mamuli o kona eleu ua loaa iho la ia Berela he wahi maha, aka ua waiho aku la nae ia iloko o kekahi ma'i biva koikoi loa oiai ua aneane elua pule ua ike ole oia i kana mea e hana ai, a aole hoi i komo iaia kekahi wahi mea ai.

            I ka piha ana o na pule ekolu mai ka la i loohia mua ai o Berela i kela mai, ua ano oluolu loa ae la ola a ua hiki ke noho maluna o kekahi noho hooluolu, ua hiki pu hoi iaia ke ai i ka ai.

            Iloko o ka wa e ma'i ana o Berela, ua noho o Hapalika no ke kokua ana i ka wahine mea hale a me ka hookaa ana i na lilo a pau. Ua hookaa aku la o Hapalika i ka ale i ke kauka, a haawi aku la i na hoomaikai ana iaia no kona akamai a me kona ahonui i ka malama ana i ka lede opio.

            Mahope iho o ia manawa ua haalele mai la o Hapalika i ka hale a Berela e noho ana, me ka ike ole ae o Berela eia no o Hapalika ilaila kahi i noho ai oiai oia e waiho ana iloko o ka ma'i.

            I kekahi la, ua ninau aku la o Berela i ka wahine mea hale:

            "He manawa loihi loa ko'u hooluhi ana ia oe e ka lede maikai, nolaila, heaha la ko'u ale ia oe?"

            "E kau kaikamahine, mai noonoo oe no keia mea, oiai aole i kupono i kou nawaliwali e hoouluhua ia no ia mea."

            Na kela mau mamala olelo oluolu i hapai ae i na waimaka a hanini mai la ma ko Bereal mau lihilihi maka. A liuliu iki ua pane aku la o Berela:

            "He aie nui loa ko'u ia oe e kuu hoaloha oiaio. Nani wale no hoi ina he mea hiki ia'u ke hea aku ia oe me kekahi inoa a'u i aloha ai a'u hoi e hiki ole loa ai ke kapa ma keia ao, a oia keia 'kuu mama aloha.' Nolaila aole au e poina ana a hiki i ka uhi ana o ka lepo maluna o'u."

            "He makuahine au nou e like me kou makemake e noho malalo o ko'u malumalu hale nei, a ua noa ia oe na mea a pau oloko o keia hale, a o ka mea e loaa ana ia'u, oia kau e kuu kaikamahine," wahi a ka wahine mea hale.

            Hoomaikai aku la o Berela a mahope iho o ka hala ana aku o ka lede mea hale e hoomakaukau i wahi mea paina na Berela ua kukuli iho la o Berela a haawi aku la i kona hoomaikai i na lani. I ka pau ana o kana hoonani ana i kona makua lani, ua haule aku la ka ike a kona mau maka maluna o kekahi aahu e kau ana iluna o ke kui mahope o ke pani puka o kona keena, ia wa, ua lele aku la ia e hoomaopopo pono a ma kona hoea ana aku ma kahi a ua aahu la e kau mai ana, ua ike iho la ia o kekahi no o na kuka o kana kane, nolaila ua lalau aku la oia, a hooholo iho la i kona lima iloko o na pakeke, a loaa iho la iaia kekahi wahi buke uuku i uhi ia me kekahi ili maloko maikai la, a o kona mau kaekae ua kinohinohi ia me ka wai gula, a ua apo ia hoi me na apo kohu gula, a he wahi buke nani maoli no ke nana iho.

            Wehe ae la o Berela i ua wahi buke la, a haule koke iho la no ka ike a kona mau maka i kekahi mau huapalapala i kakau ia me ka penikala, a i kona hoomaopopo lea ana iho, ua ike iho la no oia i ka lima kakau o kana kane. I ke iho la o Berela, nona wale no na olelo o loko o ua wahi buke la, a ua kakau ia e Konia mahope iho o kona kaawale ana mai iaia mai nolaila, ua lilo kela i mea pahaohao i kona noonoo pehea la i hiki ai kela kuka a me kela buke iloko o kona keena moe aka, e haohao pu ana kaua e ka mea heluhelu i keia mea nolaila oiai o Berela e waiho ana iloko o ka ma'i kulipolipo loa, ala hoi, ua komo palanehe mai la o Hapalika ma kekahi la me ka ike ole o ka lede mea hale, a pela no hoi me Berela, a kau ae la i ua kuka la ma laila, i mea no Berela e ike pono ai i na manao o kana kane iaia mahope iho o ka ike ana o ua kane naau awahua la he wahi kaikamahine makua ole keia ana i mare ai.

            He oiaio, ua hoehoeha nui ia ka naau o Berela i kona manawa i heluhelu pono ai i na mea i kakau ia maloko o ua wahi buke la, a ma ia wa no hoi, ua komo mai la kekahi aweawae iloko o kona noonoo, me he la e i okoa mai ana noiaia, aole i make kana kane, aka ua hoao nae ua kane la ana e apuhi iaia , a ua holo e pee malalo o kekahi mau hoonalonoio ana olai, i kona heluhelu pono ana ua hoomapopo loa oia i keia mau olelo a Konia i kakau ai.

            Aole i pau.

 

Pane ia "Koloa" oiaio ole.

            Ma kau hoolaha e Koloa ano ole a'u e kuhihewa ole ai ke koho ae o J.P. Pahulama kou inoa, kakau olalau (olelo) o ka Hui Kalaiaina o Koloa nei.

            I ko'u hiki mua ana iloko o ia hui e nana, ua ike au i na hana a ia mau wahi kauna kanaka e kapa nei he hui, he ku maoli no i ke aoha. Aole au e huai aku ana i ke ano o ka malama ana a ia poe.

            Mamuli o kekahi leta kona ia'u e hui aku me lakou, a e alakai i na lawelawe ana mawaena o lakou, ua lilo io iho la ia'u ke alakai ana malalo o ke kumuhana i huai ia ai maloko o ka nupepa Elele, e ninau ana i ka lahui "i aha na mea ano nui e hookomo ai iloko o ke kumukanawai hou?" Ua lawe ka hale a noonoo a ua hooholo loa ia na mea a pau au i hoolaha ai, a he okomo wale no kekahi au ma ke KUOKOA.

            W.A. KIHA.

            Koloa, Kauai.

 

            Ma ka hukihuki kaula ma ka Hale Paikau o "Manamana i ka po Poakahi nei mawaena o na puali Amerika me Beritania, ua lilo pu ka puali Amerika i ka huki la e ka puali Beritania iloko o elua hora a eo aku la ia lakou, mawaena o na leo hauoli a me na uwa ana a ko ka hale. Ma ka hookuku hoi mawaena o na puali Hawaii a me Pukiki mahope iho o ka pau o ka huki ana a na poe maluna ae, ua lilo ka puali Pukiki i mea paani wale ia e na Hawaii iloko o ka hapalua hora wale no. Hookahi no hooho a ka Hawaii lawe a lilo.

 

NANEA KAMAHAO

O KE

KEIKIALII

ROMEALA;

-KA-

Ui Kila Mageneti

O PARAMERI.

Ka Nani e haule ai ka Honua:

Ka Mahina Meli o Salaredina:

Ka La Alohi o Muli@

Na Kulu Koko Kamahao Ekolu.

Na Ui Hookelakela

O KE AO HOLOOKOA.

NA NANI

Puuwai Uahoa o ka Honua nei,

-A O KE-

Kila Mageneti o ke Aloha-"O Parameri no ia."

            Na ka ui ka olelo pai, he oehu ka ke kila, a iloko o na sekona pokole, aia hoi e ka mea heluhelu, ua hui iho la ka mana huna kamahao o ka papale ooma kupaianaha, a nalo aku la ka momi me ke kila.

            I ka hookuu ana mai o ka papale ooma i kona mana huna, ma hoi ua ike ia ma ka mea kaupaona ua haule ke kupaa o Tilera a o ka manaoio lulu ole o Mauna Aniani, ua hina ia imua o ka loea o ke ao.

            Ua moku ke kaula gula haaheo o na pohaku momi ekolu o Tilera a o ka pakeko wai momi i hoomoamoa loihi ia ai, ua nohaha a weluwelu liilii ma kae o ka Muliwai Akea. Alaila e hoomanao iho kaua e ka mea heluhelu, alua ae la ui i lilo ka haaheo ma ko ke keikialii Romeala aoao a o ka ui hope i koe oia ka kaua e makaikai hope aku ai.

            Nolaila, i ka wa o ka ui momi elua i haule pio iho ai malalo o Romeala, a e like me na hana a na loea la i ka ui mua pela no keia, ku ae la ia maluna o kona mau @ puai a kamoe hope aku @ no kahi a ka ui momi ekolu, a o ka punana hope @ kana mau hana ma ke aupuni o Mauna Aulani. E like ma na hooko pauaho ole ana a kana kauwa kamahao elua, pela no keia ua ahai aku oia i kona haku no ke keena o ka ui hope, a e like me ka hiolo a haule ana o na mua elua pela iho la no hoi me keia ui, ua nahaha a weluwelu liilii oia imua o ka loea o ke ao, a o ka moto haaheo a ua loea la i papahi ae ai oia no ke eo ana o ka puuwai kupaa o na ui pohaku momi ekolu la o Tilera.

            Ina ui pohaku momi ekolu o Pitera i haule hia ai malalo o ke keikialii Romeala, ia wa lakou i hoao like mai ai e kaohi i ke kila i ipo na lakou a pau no na la o ke ola ana ma keia honua, me keia mau hoonanea olelo ana.

            Maliu mai e ke aloha

            Lilii mokihana i ka nua

            Aka, e ka makamaka, o ka pane a ua loea la o ke ao.

            Aole au e pono ke lilo i kapena 1 ona no ia moku. Pailaku no ia awa.

            Aole i pau

 

Aohe Laau e Oi ae.

            Ua lawe ae o Kauka R.L. St. John o Missouri a hoomaikeike mai i ka Chamberlain Laau Kunu, no ka mea ua ike oia i ke ola maoli.

            Ua haawi oia i na laau nei i kona wa e lawelawe lapaau ana no kekahi mau makahiki lehulehu, a ke olelo mai nei oia aohe laau oi e ae e like me keia. He laau waiwai loa no ke anu e ola a e pale aku ai a he hoola no ka mai kunu. Eia ke kuai ia nei keia laau lapaau waiwai loa ma ka Halekuai o Benson, Smith & Co., na Agena ma Hawaii nei.

 

He Loaa Mau Anei Kau Mau Kamalii i ke Kunu.

            Ma ke ano he ake aku, a he hoola no ka mai kunu, aohe lua o ka Laau Lapaau Kunu a Chamberlain. He mea oiaio, he laau keia e hilinai ia, a he oluolu a pelekana ka inu ana. Aohe wahi mea e hoohopohopo ai no ka haawi aku i na kamalii, no ka mea aohe mea hoopoino i hui ia ai. E loaa no ma ke 50 keneta o ka omole, ma ka Halekuai Laau Lapaau o Benson, Smith & Co., na Agena ma Hawaii nei.

 

Hoolaha Kumau.

 

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu me Moi.

 

E LOAA NO NA

PAPA NOUAKI

O kela a me keia ano,

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa.

NA PILI HALE O NA ANO A PAU

A me na

WAI HOOHINUHINU NANI

O na ano a pau loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena o Laua a me ka Mea Kuai.

Hele Mai e Wae no Oukou iho.

 

Ka Waiwai o ka Hilinai

 

Saseparila Ayer

AYER, Laau Saseparila kai kaulana i hilinai huiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

LAAU SASAPARILA, no loko ae ia o ke aa Sasaparila Honedura maoli;; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu. Na keia

LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no. No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer. He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila,

I HOOMAKAUKAUIA E

Kauka J.C. Ayer & Co., Lowell Mass.

HOLLISTER & CO.

Na Agena ma ka Paeaina Hawaii

2@@1-1y

 

KA- HALEKUAI - NUI

-O NA-

WAIWAI LIKE OLE.

 

NA LAKO KAMANA!

E laa na Pahiolo, Koi Hole, Hamale.

Koi nui a me lulu, K@ W@

Kula, Ap@p@, @

Kalaikaa, Hao H@

 

Pohaku Ho@, Kepa, Lei @, Kaula@

@, Pa@, Upa, Pa@, Kalai

Kopo-hulu, Palapala, Pepa @

kala, Lana Hao, A@, Kee@

Kaula Opu.

 

PALAU!

O @@ nui @

 

Oo, Ho, Kopala, Pe, Kipikua, Hao Kopa @

Ho, a pela kau, Kua Ripi, Lei Ri@

Kaulahao Bipi, Uwea Pa,

Uwea Keleawe, HAO PILI PIULA

Kaa Pal@, Ipu Hao, Ipu @ PA PALAU

 

Makau me Aho Lawaia

H@ Papa Holoi, Kopa Ala.

K@ K@, Hu'akai, Ebi Wawae

Hulu P@, Kop@ho@, a pela aku

Pena Wahi Kua mua me h! ua

@ a pau, me ka Papa kuhikuhi.

Pena Keokeo, Aila  @ Aila

Hoomaloo, Vaniki Kua @

Vaniki Moe.

 

Pena Hoomaloo

A ME ANIANI HALE

Aila Mahu, Aila Mikini, Aila Han@ Ili,

Aila Kaa, Inika Kamaa; Panda.

Kukaepele, Riano Panda, Uiki

Ipukukui o ua ano he nui a lehulehu

 

NA PAKEKE POI

O KE

ANO HOU LOA!

 

Na Mea Piula!

 

MIKINI HUMUHUMU,

MIINI A WILCOX ME GIBBS

Na Mikini a Remington.

He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai na maka ke ike.

 

LAAU LAPAAU KAULANA LOA A

DR. JAYNE

Laau Hoomaemae Koko

Laau Hoopau Naio,

Laau Kunu, Penikila,

Huaele, Paakai,

Laau Hoopaa Hi @

Na - Laau - Hamo,

A PELA AKU, A PELA AKU

 

KAKELA & KUKE.

@@44-t@