Ka Nupepa Kuokoa, Volume XXXI, Number 10, 5 March 1892 — Ike Alii ma Halealii Iolani! [ARTICLE]

Ike Alii ma Halealii Iolani!

I ke awakea Poaha iho nei, ua pahola ia mai e ke Alii ka Moiwahino he anaiua ike alii maioko o Halealii lolani, ia His Ex. John L Stevens, ko Araerica Huipuia Elele Kuhina a Kuhina Kuikawa ma ke aloalii o Hawaii, i loaa ai he wa nona e hoikeike aku ai ia Hope Adimarala George Bro\vn o na Aumoku Kaua Amenka nia ka Moana Pakipika. A ma keia unaina, i hoolauna ia aku.ai ke Kuhina Amerika His Kx. Jchn L Stevens e ke Kuhina o Ko na aina e Hls Ex. Samuel Parker, ana ke Kuhina Amenka aku hoi 1 hoikeike aku ia Hope Aelimanila Brown, alaila nana aku i kona mau ukali piliklno, na ukali oihana a me na alilmoku. Ua . ukali ia ka Moiwahine ma keia anaina ike e ke Keikialii Kawananakoa, Kiaaina A. S. Cleghorn o ka Mokupuni o Oahu, na Kuhina Samuel Parker, H. A. Widemann, C. N. Spencer a me W. A. Whitting, Lunakanawai Kiekie A. F. Judd, J. S. Walker, Peresidena o ka Ahaolelo, Puuku o ka Moi Mekia J. W. Robertson, na ukali o ka Moiwahine C. P. laukea, J. 11. Boyd, J. D. Holt a me J. Richardson, a me ka ukali o ke Kiaaina Mekia Samuel Nowlein a me na leke ukall Mrs. C. B. Wilson a me C. 11. Clark.