Ka Nupepa Kuokoa, Volume XXXII, Number 10, 11 March 1893 — Page 6
| This text was transcribed by: | Deborah Takahashi-brady |
| This work is dedicated to: | Patrick Makuakane |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
(Mai ka Aoao Ekahi mai.)
PAUKU 12. Oiai e a ana kekahi ahi, ua ku no i ke Kanawai i ka Luna Nui na luna hoohana o na Puali Kinaiahi, ka Ilamuku o ke Aupuni a me kona mau hope, a i ole ia ke Kapena o ka Puali Makai Kinaiahi, e hookaawale aku a kauoha paha e hookaawaleia aku, a malama ia ma kahi kaawale mai kahi kokoke i kahi o ke ahi, me ka ikaika in a he kupono, i na mea nana ole a i hoohooi ia paha, a me na mea a pau a lakou i manao ai aole i kupono e hoohana ia, a i lawelawe maoli ma ke ano pomaikai ma ke kokua ana i ke kinai ana i ke ahi a me ka malama ana o na waiwai e kokoke malama ana o na waiwai e kokoke ana malaila.
PAUKU 13. O kekahi mea e oki ana, ai ole ia, e hoopoino ana i kekahi o na mea paahana kinaiahi me ka manao maoli e hana pela, e manaoia oia ua pili iaia ka hewa mikamina, a in a e ku ka hewa iaia no ia mea, e hoopai ia oia aole e oi aku mamua o elua haneri me kanalima dala.
PAUKU 14. Na ka poe nona na wahi, a e noho ana paha ma na wahi kokoke i kahi i a ia e ke ahi, e ae aku e komo ka oihana kinaiahi maloko o ia mau wahi ma ke kauoha o ka Luna Nui, a o kekahi paha o na Luna Hoohana, i mea e loaa ai ka wai a no ka lawelawe ana i ko lakou mau mea paahana no ke kinai ana i ke ahi; a in a ua hoole ia ko lakou komo ana pela, ua hiki no i ka Luna Nui a mea paha e lawelawe ana ma kona wahi e komo aku mamuli o ka ikaika no na hana i oleloia, a aole e hoole kekahi mea i ke komo ana pela, a keakea aku paha ma kekahi no i ke komo ana.
PAUKU 15. E loaa ke kuleana i oi ae i na kaa kinaiahi, na kaa a me na mea paahana e ae o, o ka Oihana Kinaiahi o Honolulu, ma ka hele ana ma na alanui, na ala liilii a me na alaloa, me na wahi a pau o ke kulanakuhale o Honolulu, a me na apana a mahele o ia kulanakauhale, i ka manawa e holo aku ana i kekahi wahi pauahi, a oia mau mea paahana a pau me na kaa e ae, koe na kaa alahao e lawe a e hele ma ka aoao akauo ke alanui, ina aole i keakea ia ua aoao ia, a o na kaa alahao a pau e kokoke aua i ua mea paahana la, e hele ana i kahi o ke ahi e hoemi mai, a i ole ia, e hooi aku paha i ko lakou holo e like me ka mea i makomako ia i mea e loaa ai i na mea paahana o ka oihana kinaiahi ka lawelawe ana i keakea ole ia o ke alanui no ia manawa.
PAUKU 16. Aole e ae kekahi mea iaia ka malama ana o kekahi kaa o keakea wale aku ia kaa me kona manao e hana pela i ka hele ana o na mea paahana o ka Oihana Kinaiahi o Honolulu i ka hele ana i ke ahi.
PAUKU 17. O kela a me keia mea nana i keakea a kue paha me ka manao ino, a manao maoli e hana pela, i kekahi kaa kinaiahi a mea paahana kinaiahi e ao o ka Oihana Kinaiahi, oiai e hele ana, a i ole ia, oiai ma kekahi ahi, e manaoia, ua pili iaia ka hewa mikamina, a in a e ku ka hewa iaia no ia mea, e hoopai ia oia o uku i kekahi hoopai aole e oi aku manua o hookahi haneri dala.
PAUKU 18. O na hale a pau i noho ia ma ke ano he hale noho, halekuai a hale hana mau paha ma Honolulu, e hooiakoia me na pakeke kinaiahi, aole i emi malalo o elua, a o malama mau ia me ka maikai a me ka makaukau no ka lawelawe ia, a e kau ia ma kahi e ike ia ai, me ka inoa o ka on a i pena ia maluna iho, oia nae e haawi mua ia aku ke kauoha e hana pela ma ka palapala i kakau ia a pa@ ia paha i ka poe e noho ana iloko o ia hale, e ka Luna Nui, a o ka poe a pau e noho ana ma ia hale i loaa aku ia lakou ke kauoha o ia ano e hoolako a hoomakaukau iloko o elima la mahope iho i na pakeke kinaiahi i olelo mua ia.
PAUKU 19. O ka mea a mau mea paha e noho ana iloko o kekahi hale i a ia e ke ahi a e aneane ana e a ia paha e ke ahi e kokoke ana, i hoahuia ai malaila kekahi mea pahu, e hoike koke aku mahope iho o ka hoomaka ana o ke ahi i ka Luna Nui, a i kekahi o na Luna Hoohana paha, o hooponopono ana ma ia wahi o ke ahi, i ke ano, ka nui, a mo kahi i waho ia ai o ia mea pahu, a e hoike pu aku no hoi ia ike i ka poe nona na hale a me na poe e noho kokoke mai ana.
PAUKA 20. Aole e kukala hewa wale ae me ka manao kolohe kekahi mea i ke ahi ma Honolulu.
PAUKU 21. O kela mea keia mea nana i lawe malu, hoolilo nona iho, halihali aku a huna paha i kekahi lako hale, waiwai, lole aahu, waiwai kalepa a mea a waiwai paha, o ka poe nona ka hale, a mau hale paha, a waiwai peha e a ia ana a e aneane e pau i ke ahi, a i hoihoi ole ae ia mea iloko o iwakalua kumamaha hora, a i ole ia hoolaha ae aia iaia ia mea i ka on a o ia mea, in a ua ike ia a ma aole i ike ia i ka Luna Nui a i ole ia, i ka Hamuku o ke Aupuni a me kona mau hope, e manao ia oia ua pili iaia ka hewa, a in a e ku ka hewa iaia no ia mea e hoopai ia oia e like me ke kanawai.
PAUKU 221. O kela a me keia mea e kue ana i kekahi o na mea i hoakakaia maloko o keia Kanawai e manao ia ua pili iaia ka hewa mikamina, a in a ku ka hewa iaia no ia mea, e hoopai ia oia in a aole i hoakakaia ma kekahi ano okoa, e uku i kekahi hoopai aole e oi aku mamua o elua heneri me kanalima dala.
PAUKU 23. Ua kauohaia ka Lunanui o ka Oihana Kinaiahi, na Lunahoohana a me ka Hamuku o ke Aupuni, me kona mau hope, e hoopii aku no na kue ia ana o na mea i hoakakaia maioko o keia Kanawai.
PAUKU 24. E loaa ka mana i ka Lunakanawai Apana e hookolokolo a hooholo i na hihia mikamina a pau e ulu ae ana malalo o keia Kanawai, a me na hoopii a pau e ulu ae ana no ke kueia o kekahi o na mea i hoakakaia malalo o keia Kanawai, a e kau aku i kekahi o na hoopai i hoakakaia maloko nei.
PAUKU 25. O ka Papa Komisina, ke Lunanui a me ka Lunahoohana o kela a me keia puali, a me na lala i ukuia e ka Oihana kinaiahi e lawelawe maoli ana i ka hana, e hookuu ia lakou mai ke koho ia ana a hoihoi ia ana ma kekahi jure a koronelo paha, a e kakauia na inoa o ia poe a e waiho ia aku me ke Kakauolelo o ka Aha Hookolokolo Kiekie, a me ka Hamuku e ka Lunanui.
PAUKU 26. O ke kulanakauhale o Honolulu, no na hana o keia Kanawai, e hookomo no ia i na wahi a pau maloko iho o kekahi poai ma kahi e ku nei ka hale bele o ka Oihana Kinaiahi o Honolulu, a he elua mile ka loihi mai laila aku.
PAUKU 27. O ka uku o ka Lunanui a me na uku e ae a pau a me na uku hana o na puali kinaiahi ukuia, e hooholoia no ia e ka Papa Komisina, me ka ae ana o ka Aha Hooko.
PAUKU 28. O ka Mokuna 45 o na Kanawai o 1888, a me na kanawai a hapa kanawai paha e kue ana i na hoakaka ana o keia Kanawai, me keia ua hoopau loa ia.
PAUKU 29. E mana keia Kanawai mai kona hoolahaia ana aku.
Aponoia i keia la 21 o Feberuari, M.H. 1893.
(Kakauinoia) SANFORD B. DOLE, Peresidena o ke Aupuni Kuikawa o ko Hawaii Pae Aina.
(Kakauinoaia) J.A. KING, Kuhina Kaiaiaina. 23-3 2431-3
KANAWAI 18.
HE KANAWAI E HOOLOLI AI I KA MOKUNA XI O NA KANAWAI O KE KAU O 1876 E PILI ANA I KE OLA O KA LEHULEHU.
E hooholoia e ka Aha Hooko a me ka Ahu Kuka o ke Aupuni Kuikawa o ko Hawaii Pae Aina.
PAUKU 1. O ka Pauku 2 o ka Mokuna XI, o na Kanawai o ke Kau o 1876, e hoololiia a ma keia ke hooloilia nei heluheluia ai penei:
"PAUKU 2. O ka Pauku 1 o ka Mokuna LIX o ke Kanawai Karaima i aponoia ma ka la 7 e Iulai 1870, e hoololiia a ma keia ke hoololiia nei i heluhelu ia ai peneia iho:
PAUKU 1. E hoonoho ia i Papa Ola no ko Hawaii Pae Aina nona na lala he ehiku, ekolu o lakou he poe aole he mau kauka, ekolu mau kauka a me ka Loio Kuhina ma o kana oihana ia (ex-officio). E hoonohoia na iaia o ka Papa i oleloia e ka Peresidena me ka ae ana o ka Aha Hooko, a e hookohuia no elua makahiki: eia nae, ua hiki no i ke Kuhina Kalaiaina me ka ae pu ana o ka Aha Hooko e hoopau i kakahi lala o ka Papa i oleloia, a ua hiki no i ke Kuhina Kalaiaina o hoopiha i na hakahaka ma ia Papa i oleloia me ka ae ia ana mai i oleloia. E hana na lala a pau o ka Papa i olelo ia me ka uku ole. Na ka Papa no e koho i kona lunahoomalu a e kapa ia oia ka Peresidena o ka Papa Ola, a in a ua kaawale oia ma kahi e ua hiki no e kohoia kekahi lala e ae o ka Papa o noho hoomalu i na halawai o ka Papa. Na ka Papa no e hoonolo i kona Luna Hooko, Kakauolelo, na Ageua a me na Kauka, a e loaa ia lakou na uku no ka lakou mau bana i hoohoioia e ka hapanui o na lala o ka Papa ma kekahi halewai i kahea ponoia no ka hana o ia Papa, o ia mau uku e hookaaia mailoko ae o na dala i hookaawale ia no oa hana o ka Papa. Na ka Papa ka malama ana me ka hooponopono ana o ke oia o ka lehulehu, a e hana ma o kona Peresidena i hoike makahiki i ke Kuhina Kalaiaina e hoike piha ana i kona mau hoolilo dala ana a me na hana e ae a pau a me na mea e ae e pili ana i ke oia o ka lehulehy a ka Papa i manao ai ua kupono e noonooia."
PAUKU 2. O ka Mokuna VII o na Kanawai o ke Kau o 1887 i kapaia "He Kanawai e Hoololi ai i ka Mokuna XI o na Kanawai o ke Kau o 1876, e pili ana i ke Ola o ka Lehulehu," a me na kanawai e ae a pau a me na hapa kanawai a pau e kue ana i keia me keia ke hoopau loa ia nei.
Aponoia i keia la 24 o Feberuari M.H. 1893.
(Kakauinoaia) SANFORD B. DOLE, Peresidena o ke Aupuni Kuikawa o ko Hawaii Pae Aina.
(Kakauinoaia) J.A. King, Kuhina Kalaiaina. 24-3 2431-1
KANAWAI 19
HE KANAWAI E HOOPAU LOA AI I KE KANAWAI I KAPAIA "HE KANAWAI E HOONOHO AI I KIAAINA NO KELA A ME KEIA O NA MOKUPUNI O OAHU, MAUI, HAWAII A ME KAUAI."
E hooholoia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina:
PAUKU 1. O ka Mokuna 76 o na Kanawai o ke Kau o 1890, oia hoi he Kanawai i kapaia "He Kanawai e hoonoho ai i Kiaaina no kela a me keia o na Mokupuni o Oahu, Maui, Hawaii a me Kauai," e hoopau ia a ma keia ua hoopau loa ia no.
PAUKU 2. E mna keia Kanawai mai kona ia aku i hoolahaia ai.
Aponoia i keia la 27 o Feberuari M.H. 1893.
(Kakauinoia) SANFORD B. DOLE, Peresidena o ke Aupuni Kuikawa o ko Hawaii Pae Aina.
(Kakauinoaia) J.A. KING, Kuhina Kaiaiaina. 23-3 2431-3
KANAWAI 20.
HE KANAWAI E HOOPONOPONO AI I KA HALIHALI ANA I NA OHUA NO KA UKU MA KE AWA O HONOLULU.
E hooholoia e ka Aha Hooko a me ka Aha Kuka o ke Aupuni Kuikawa o ko Hawaii Pae Aina.
PAUKU 1. Mawaho ae o na mea i kauohaia ma na Pauku 101 a hiki aku i ka Pauku 109, i hui ia me ua mau pauku la o ke Kanawai Kivila e pili ana i na waapa hoolimalima ma ke Awa o Honolulu, ma keia ke hoakakaia nei aole e lawelawe kekahi kanaka i ka hana waapa me ka loaa mua ole iaia he laikini ma ke ano i hoakakaia mahope ae nei.
PAUKU 2. Ua hiki no i ke Kuhina Kalaiaina e haawi i kekahi mea kupono i laikini no ka hana waapa, e ukuia he hookahi dala no ia laikini, a e mana ia laikini no hookahi makahiki, aole nae he hiki e haawi ia aku ia hai.
PAUKU 3. E hoolako kela a me keia kanaka hana waapa i laikiniia iaia iho me kekahi pihi a maluna iho olaila e kau moakakaia he helu, a o ia pihi e kauia me ka moakaka loa i na manawa a pau e hana ana ia kanaka hana waapa. E hoolako ia aku no ia mau pihi e ke Kuhina Kalaiaina no ke kumukuai i loaa mai ai o ia mea.
PAUKU 4. O kekahi mea e lawelawe ana i ka hana waapa maluna o kekahi waapa e hooholo ia ana ma ke Awa o Honolulu me ka laikini ole, a i oleia o kekahi kanaka hana waapa nana i uhaki i i kekahi o na mea i hoakaka ia ma na Pauku 102, 103, 104, 105 o ke Kanawai Kivila, a o kekahi o na hoololi paha o ia kanawai, a i keia Kanawai papa, e kauia maluna on a ka hoopai o elima dala.
PAUKU 5. Ua hiki no i ke Kuhina Kalaiaina i kela a me keia manawa e hana i na rula a me na hooponopono ana e malamaia e na kanaka hana waapa i laikini ia, a o ia mau hooponopono aua e paiiamaloko o kekahi nupepa ma Honolulu a ma ia manawa ua like ko laua mana me ko ke kanawai.
PAUKU 6. E mana keia Kanawai mai kona hoolahaia ana aku.
Aponoia i keia la 2 o Malaki, M.H. 1893.
(Kakauinoia) SANFORD B. DOLE, Peresidena o ke Aupuni Kuikawa o ko Hawaii Pae Aina.
(Kakauinoaia) J.A. KING, Kuhina Kaiaiaina. 2432-3 25-3
E like me na mea i hoakaka ia ma ka Pauku 5 o ke Kanawai i kapaia "He Kanawai e Hooponopono ai i ka Halihali aua i na Ohua no ka uku ma ke Awa o Honolulu" i apono ia ma ka la 2 o Malaki M.H. 1893, ma keia ke kauoha ia aku nei, o na mea a pau e noi ana i mau laikiui no ka hana waapa e loaa mua ia lakou he Palapala Hoike mai ka Hamuku a i ole ia mai kona Hope mai e hoike ana he mea kupono oia e hana i ka hana hoehoe waapa. I ka hoike ia ana o ia Palapala Hoike ma ke Keena Kaiaiaina e haawi ia no he Laikini i ka mea nona ia palapala no hookahi makahiki. E kau ia ana maloko o ka laikini he helu no ke pihi i na manawa a pau e hana ana ke kanaka hana waapa me kona waapa; e loaa no na pihi ma ka Halewai no na dala he $2.50.
J.A. KING, Kuhina Kaiaiaina. Keena Kalaialua, Malaki 4, 1893. 2332-3 25-3
Ua hookohuia o GEORGE C. HEWITT, Esq. i keia la, i lala no ka Papa Alanui no ka Apana Auhau o Kau, mokupuni o Hawaii, no ka manawa i koe i hoohakahakaia ma ka waiho ana mai o Keoki Kimokeo.
J.A. KING, Kuhina Kaiaiaina. Keena Kalaialua, Maraki 2, 1893. 2431-3
Malalo o ke Kanawai i kapaia "He Kanawai e kukulu ai i ka Oihana Kinaiahi o ke Kulanakauhale o Honolulu," i aponoia ma ka la 21 o Feberuari, 1893, ua hookohuia na keonimana malalo iho i Papa Komisina Kinaiahi:
Samuel B. Rose, Lunahoomalu, Andrew Rborn, James II. Boyd.
J.A. KING, Kuhina Kaiaiaina. Keena Kalaialua, Feb. 24, 1893. 2431-3
Ua hookohuia o ANDREW BROWN, ESQ. i Lunanui no ka Oihana Wai o Honolulu a me Kakauolelo o ka Makeke ma kahi o J.C. White i waiho mai. E hoomaka kona hookohu mai ka la 1 aku o Maraki aenei.
J.A. KING, Kuhina Kaiaiaina. Keena Kalaialua, Feb. 25, 1893. 2431-3
Ua hookohuia aku o R.C. SEARLE, ESQ. i keia la, i lala no ka Papa Alanui o ka Apana Auhau o Lahaina, Maui, no ka manawa pau ole i koe i hoohakahakaia mamuli o ka waiho ana mai o R.H. Makekau.
J.A. KING, Kuhina Kaiaiaina. Keena Kalaialua, Feb. 22, 1893. 2430-3
Ua hookohuia aku o R.W. MEYER ESQ. i keia la, i Notari no ka Lehulehu no ka Apana Hookolokolo Kaapuni Elua o ko Hawaii Pae Aina.
J.A. KING, Kuhina Kaiaiaina. Keena Kalaialua, Feb. 21, 1893. 2430-3
Ua hookohuia aku o J.K. KEALO, ESQ. i keia la, i Komisina no na Pa no Koolaupoko Mokupuni o Oahu, ma kahi o John Awa i waiho mai.
Eia ka Papa i keia wa: Wm. H. Lowell, Wm. Henry, J.K. Kealo.
J.A. KING, Kuhina Kaiaiaina. Keena Kalaialua, Feb. 21, 1893. 2430-3
Ua hookohuia aku o D. KAHAULELIO, ESQ. i keia la, i lala no ka Papa Alanui o ka Apana Auhau o Lahaina, Maui, no ka manawa pau ole i koe i hoohakahaka ia mamuli o ka waiho ana mai o. Geo. Kauhi.
J.A. KING, Kuhina Kaiaiaina. Keena Kalaialua, Feb. 21, 1893. 240-3
KUAI HOOLILO ANA AKU I NA AINA AUPUNI MA KA APANA O HILO AKAU, HAWAII.
Ma ke awakoa o ka POAHA, Maraki 30, 1893, horn 12, ma ke alo iho o Aliiolani Hale e hoolilo ia aku ai ma ko kuai kudala akea he ekolu mau apana aina aupuni, e waiho ia ma Mauluaiki, Hilo Akau, Hawaii, penei:
Apana Helu 1 - Nona ka ili 21 67-100 na eka koho mua $108.
Apana Helu 2 - Nona ka ili he 18 80-1000 na eka, koho mua $91.50.
Apana Helu 3 - Nona ka ili he 13 99-100 na eka, koho mua $69.95.
Ua hooholo ia na ka mea kuai mai e uku na lilo o ke ana ana a me ko kaha ana oia nau aina. E loaa no na hoakaka piha ana ma ka ninau ana ma ke Keena Aina o ka Oihana Kalaiaina.
J.A. KING, Kuhina Kaiaiaina. Keena Kalaialua, Feb. 24, 1893. 2430-3
HOOLAHA I NA ONA O NA HAO KUNI.
O na hao kuni a pau, ma ke Kanawai, e hoopaa hou ia mamua ae o Iulai 1, 1893, a i ole ia, e hoole loa ia, a aole loa o pono ke hoohana ia o kekahi.
O ka hoopaa ana ma Oahu, o hana ia ma ke Keena Kalaiaina.
Ma na mokupuni o ao o hana ia ma ko keena o na Makai Nui lehulehu.
G.N. WILCOX, Kuhina Kaiaiaina. Keena Kalaialua, Dekemaba 2, 1892. 2419-tf
Ka Nupepa Kuoka
ME
Ko Hawaii Paeaina i Huiia
No ka Makahiki. $2.00
No Eono Mahina. $1.00
Kuik@ ka Rula.
HOOPUKAIA E KA
HAWAIIAN GAZETTE CO.
H.M. WHITNEY, Luna Nui, J.U. KAWAINUI, Luna Hooponopono.
POAONO, MARAKI 11, 1893.
KULA SABATI.
I. 13. Mar. 23, Hoike Hapaha.
Pauku Gula. Helelu 119:105. He kukui no kau elelo no kuu mau wawae.
Kumyhana no ka hapaha. O ka Iseraela mahope o ka noho pio ana.
Heaha ka olelo kuahaua a Kuro i ka Iseraela? Heaha kana olelo paipai ia lakou? Ehia na Iudaio i hoi hou aku ia Ierusalema? Heaha ka lakou hana mua ma ua kulanakauhale la? Heaha ka lakou mau hana i ko lakou wa i kukulu ai i na kumy o ka luakinini? Heaha ka wanana a Hagai e pili ana i ka pomaikai o ka luakini kou? Heaha ka wanana a Zekaria i hoolana ai i ka manao? Heaha ke ano hana o na Iudaio i ka wa o na kaula elua? Heaha na hana a ka lahui Iudaio i ka wa o na luakini i paa? Heaha ka ahaaina a lakou i malama ai? Heaha ke kauoha a ka moi Antasesela ia Nehemia? Owai ka poe kue i kana hana? Heaha ka hana a Nehemia e pale aku ai i kona poe enemi? Ehia mau la no ka hooko ana i kana mau hana? Heaha ka hana a Ezera? Heaha ko Nehemia mau hana e hoopau ai i ka hehi ana i ke ano laa o ke Sabati? Heaha ka hana o Esetera imua o ka Moi? Owai ka mea nana i paipai ai ia Eaetera e hapai i ka oihana uwao no kona lahui? Heaha ke kumy no ka lawe pio ana i na Iudaio? Ehia mau makahiki no ko lakou noho pio ana? Heaha ko kakou hana? E hoi hou aku i ke Akua, Isaia 55:6,7? Heaha ko kakou ano hana kupono e malama pono ai i ke Sabati? Heaha ka pomaikai i hoopaa ia ma ko ke Akua olelo mua i ka poe i malama pono i ke Sabati? Heaha kekahi mau ino o ka hoomanakii? Heaha na hana kupono e hoopa ai i ka hoomanakii o keia lahui Hawaii?
II. 1. Apr. 2. Na popillik ia o Ioba, 2:1 - 19.
AI KEKAHI la hoi i hele na keiki a ke Akua e hoike ia lakou iho imua o lehova, o Satana hoi kekahi i hele mai iwaena o lakou e hoike ia ia iho imua o Iehova.
2 Olelo mai la o Iehova ia Satana, Nohea oe i hele mai nei? Olelo aku la o Satana, i aku la, Mai ka anwana ana ma ka honua, a mai ka hele ana io ia nei malaila.
3 Olelo mai la o Iehova ia Satana, Ua noonoo pono anei oe i ka'u kauwa ia Ioba, aohe one like ma ka honua, he kanaka pono a me ka pololei, ua makau i ke Akua, a ua hookaokoa i ka hewa? A i keia wa ke hoopaa iho nei ma kona pono, aka, ua koi mai oe ia'u e kue iaia, a e pepehi hala ole iaia.
4 A olelo aku la o Satana ia Iehova, i aku la, He ili no ka ili, o ka mea a pau a ke kanaka, oia kana e haawi aku ai no kona ola.
5 Ala, e kikoo aku oe i kou lima ano, a e hoopa ak@ i kona iwi a me kona io, a e hoino no oia ia oe imua o kou maka.
6 Olelo mai la o Iohova ia Satana, Aia no ia iloko o kou lima: e malama no nae oe i kona ola.
7 A hele aku la o Satana mai ke alo aku o Iehova, a hahau aku la oia ia Ioba i na mai hehe abaeba, mai ka poho o kona wawae a kona piko poo.
8 A lawe aku la ia i ka apana ipu lepo a wauwau iaia iho me ia; a noho iho ia ia iloko o ka lehuahi.
9 Alaila olelo mai la kana wahine, Ke hoopaa nei anei oe ma kou pono? E hoino aku i ke Akua a make iho.
10 Aka, i aku la oia iaia, Ke olelo mai nei oe e like me ka olelo a kekahi wahine naaupo. Eia, e loaa anei ia kakou ka maikai mai ke Akua mai, aole anei e loaa ia kakou ka ino kekahi? Ma keia mau mea a pau, aole o Ioba i hewa me kona mau lehelehe.
Manao Nui. E pono i ka mea pilikia ke paulele mau i ke Akua.
Pauka Gula.
Ioba 1:21. Na Iehova i haawi mai, na Iehova hoi i lawe aku, e hoomaikaiia ka inoa o Iehova.
Olelo Hoakaka.
O ka puke a Ioba, he mele inoa ia o na wa hahiko loa. O Ioba ke alii haipule; o kona wahi noho, aia ma ka aoao hikina o Ioredane, kupono i Galilaia. Ma na mokuna mua a me ka mokuna hope, ua oleloia ka moolelo e moakaka ai ke kumuhana o ko Ioba paio ana me kona mau makamaka eha. Ua hoikeia ko ke Akua ae ana aku i ko Ioba hoehaeha ia ana. Aole nae i ike o Ioba i keia mea huna; o ka mea heluhelu wale no ka mea ike, oiai, ua hoao ia ke ano maoli a me ka puni ole o ko Ioba ano haipule. Ua hoomanawanui oia a lanakila; ua paulele mau oia i ke Akua Hemolele, oiai, aole moakaka kekahi kumy kupono no kona mau pilikia; aole e ae aku ana o Ioba i ka manao hoohuoi o kona mau makamaka; ua manao lakou o kekahi mau hewa huna oia no ke kumy o ko Ioba pilikia. Nolaila, na paipai lakou ia Ioba e mihi akea, e like me ke ano hana o na kahuna Hawaii imua o ka mea popilikia, aole nae i mihi o Ioba, ua hoole oia i ka manao kuhihewa, o ka hewa, oia no ke kumu hookahi o na pilikia o na kanaka. O ka hooikaika ana i ka mea imi pono oia no kekahi kumu kupono mamuli o ka Ioba manao. Aole nae i moakaka ia Ioba kona ano nawaliwali imua o ke Akua. Aka, i kona wa i pule ai no ka pono o kona mau makamaka hoonaukiuki me ka hoopau ana i kona paio ana aku ia lakou a me kona ninaninau ana i ke Akua, ia wa hookahi, ua hoopau loa ke Akua i ko Ioba mau pilikia. Ua waiwai loa keia buke no ka hoopau ana i ka manao lalau o na kanaka Hawaii, e like me ko Ioba mau makamaka. Ua lalau ka manao, o ka hewa oia no ke kumu hookahi no na pilikia o na kanaka. Pehea e pono ai ke Akua ke hoopilikia i ke kanaka imipono? Eia ma keia buke ka olelo pane kupono. Eia ma o Iesu Kristo la ka oiaio e wehewehe loa ai i keia pohihihi.
1. Satana - o ke ano maoli o keia inoa, oia no "ka mea hoomauhala," oiai o Iesu, oia no "ka mea kalahala." Ua hoikeia oia he anela i haule ai, aole nae i paahao io. O kona oihana mau, oia no ka imi ana i na mea e haule ai na kanaka. Oiai, he mau auela lehulehu e lawe lawe ana no ka pono o na kanaka, oia nae kekahi hoopilikia mau ana ia lakou, e hoowalewale ana e hoonaukiuki ana, aka nae, ua kaupalena ke Akua i kona oihana hoopilikia. Ua koi ia e hoike aku ai imua o ke Akua a me na ano anela noho pono i kona ano ino a me kona mau manao hoino.
2. Auwana - he mea uluku o Satana, a me ka poe hewa a pau loa, aole hiki ia lakou ke noho malie; aka nae, o kekahi naawina ano nui o ko Iesu pomaikai, oia no ka maluhia o na manao o ka poe haipule.
3. Pono - pela ka manao o ke Akua, oiai ua nui na olelo imihala o na kanaka ino e like me ko Satana olelo, e kapa ana i ka poe misionari he poe kaili wale, makee waiwai, hoopunipuni, a pela aku. Hoopaaua hauoli ke Akua no ko Ioba kupaa ana ma ka pono. Ua hoapono o Ieheva i kona poe lawelawe in a paha ua nui na mea kue ia lakou, oiai nae ua hooholo mau lakou i ka pono a me ke aloha a me ka oiaio.
4. Ili - me he mea la he kua kaulike wale no ka berita o ka poe pono me ke Akua. Ke haawi aku nei lakou i na hana hoomana: Ke loaa nei ia lakou ka pomaikai uhane a me ke kuonoono. Ola - me he mea la, aole nui ko Ioba popilikia mamuli o ko Satana manao, aka nae, wahi ana, e hoopilikia hou iaia aneane make, alaila, e hoohiki iuo ana o Ioba i kona Akua hookaumaha. Mamuli o keia ano kamailio, ua hoohenehene pu o Satana i ka mea imi pono a me ke Akua hemolele.
5. Hoino - oia no ka manao uahoa, huahua, akiaki o Satana a me ka poe hoohalahala wale. Aole hiki ia lakou ke hoomaopopo iki i ka nui o ko ke Akua lokomaikai a me ka loihi o ke ahonui o ka mea haipule maoli.
6. Malama - ua kaupalena ia ka mana o Satana. Malalo o ke Akua kana mau hana a pau loa.
7. Mai - lepera keia, a me ka ma'i hookaawale ohana o keia lahui Hawaii. Puka na iwi, hu'i ke kino, palahehe ka ili, pelapela ka palahehe, ano e na helehelena.
8. Lehu - i mea e lapaau ai paha e like me na kanaka Hawaii ma ke ano kumakena paha, e like me ka hana maa mau ma na aina hikina, Iona 3:6.
9. Wahine - ma kona maalea, aole i lawe aku o Satana iaia; aka nae, ua hoonui oia i ko Ioba popili kia ma kona hoonaukiuki mau ana iaia.
10. Naaupo - oiai ua hookaawale o Ioba i kana wahine, me he mea la ua manao oia iaia he wahine naauao Hewa - Aole ohumu, aole hookuli, aole hoino.
He mau niele.
1. Ka olelo kakana a Satana, 1,5. Owai ka poe i hoakoakoa ia imua o ke Akua? No ke aha la? Owai kekahi? Heaha ka olelo ninau o Iehova ia Satana? Heaha ko Satana olelo pane hoohenehene? Heaha ka olelo hoike a Iehova e pili ana ia Ioba? Heaha ko Satana olelo pano loiloi? He mea hana mau anei o Satana? He mea mana loa anei oia? Owai o Ioba? Mahea kona wahi noho? I ke keneturia hea kona wa ola? Heaha kona kulana? Pehea i pau ai kona pomaikai? Heaha ke ano o kona mau poho okoa? Ua mau anei kona ano haipule i kona wa popilikia? He hoailona anei na popilikia o ke ano huhu o kekahi Akua?
11. Ka olelo kaupalena o Iehova, 6,8. Heaha ko ke Akua i olelo ai i ko Satana olelo hewa? Heaha ka hana a Satana ia Ioba? Heaha ka inoa o ka moi i hooili ia ia Ioba? Ua hooili anei ke Akua i mau mai o kela ano keia ano ma ke ano he uku hoopai no kekahi hewa? Puk. 12:23. Nahelu 11:33. 2 Sam. 12:15. 2 Nalii 19:35. He hoailona o kekahi hewa anei na pilikia o na kanaka?
III. Ka olelo pilipaa o Ioba, 9,10. Heaha ka olelo paipai o ko Ioba wahine? Heaha kona manao? Ua pau anei ka mana hoola o ke Akua, a no keia kumu, ua kupono anei ko Ioba hoino ana i kona Akua nawaliwali? Ua hoomaikai aku anei o Ioba i ke Akua i ka wa mamua iho, a loaa nae keia pilikia hou, a no keia kumu, ua kupono anei ia Ioba e hoino aku i ke Akua, a pau koke kona pilikia hope loa? Ua hoopai anei ke Akua i ko Ioba wahine no kona olelo naaupo, a i ole paha, ua hoopomaikai hou oia iaia ma ke ano kulike me ko Ioba? Ua kupono anei ko kakou mahalo ana aku i ke Akua no kona mau haawina e hoopomaikai ai, a haalele iaia in a paha ua hooili oia i mau haawina e luuluu ai kakou? Owai ka mea hiki ole ke paulele loa i ke Akua naauao loa, lokomaikai palena ole, aloha me ke ana ole ana? Heaha ke ano waiwai o na hana hoomana, ka hoonani ana i ke Akua, a i ole paha, ka imi ana i mau haawina maikai mai on a mai? Ua hoikeia anei ko Ioba ano onipaa ma kona olelo pane i kana wahine?
Manao Pili.
1. Ua pau anei ko Satana oihana hoomauhala?
2. Ua kaupalena ole ia anei ko Satana mana?
3. Heaha ko Satana ano maalea ma kona hoowalewale ana i na kanaka?
4. Ina waiho ke Akua i kona kau wa i ko Satana mau lima, ua hookuu anei ke Akua i kona lima ponoi?
5. Heaha kekahi manaoio kupono e hooikaika ai i ka manaolana o ka poe luuluu?
NA LETA
@ Aole o makou makemake e lawe i ke k@k@i o na hala no na manao i hoopuka ia maia@ o keia poo@e ko makou poe mea kakau.
Kupauaha ka Ninau mau.
E MR. LUNAHOOPONOPONO:
Aloha oe: - Ua ike au ma ka Holomua e ninau hou ana no owai la o Kuikawa? Kupanaha ka ninau mau, heaha la ka ka Nupepa Holomua ia "Kuikawa." Ina ua manao ka Holomua e kamailio ma na mea a Kuikawa i hoopuka ai ma ke akea, e hana lakou a e hoolaha e like me ka manao maikai i loaa ia lakou, no na mea a kuikawa i hoopuka ai; aole o ka ninau a hoino wale mai no ia ho a kanaka me ka ike ole i ko Kuikawa mau poopoo. Ua kapa mai o Holomua ia Kuikawa he aea haukae.
E Mr. Lunahooponopono, ua hiki loa ia'u ke hooia aku he nohona ulakolako ko ia hoa kanaka a ua ike au, na ka ike o ka makua i hoolei - i na kula, i loaa mai ai iaia ka makaukau e hana i na hana o ka oihana ana e lawelawe nei, a maia lawelawe ana na holomua ia a kuonoono no hoi ka noho ana. Ina o na hookele ana o ka nupepa Holomua e lawe i ke kahua hoike o ko lakou manao me ka manao maikai, manao au, he mea ku ia i ka hanohano, aka, aole na'u e a'o aku ia lakou, o ka loina iho la no ia i loaa ia mau pailaka. O kuu hoike ana anei i ka mea i hana maoli ia ko ka nupepa Holomua mea e hoino nei ia'u, o kuu pai ole aku i ka lakou mau haanui a ia nupepa ke kumy e ninau mau nei? Aole anei oia ke kuleana o ka nupepa o ka hoike ole i ka inoa ponoi o ka mea kakau, aole anei no ia kuleana ke kumy o ka Holomua e paio nei imua o ka aha hookolokolo, in a e hoike ka haole nona na manao i hopo ia ai ka lunahooponopono o ka "Holomua," he mea mao popo, oia haole no ke hopu ia, aole o ka lunahooponopono.
E Mr. Lunahooponopono o ke KUOKOA a me Pae Aina i Huiia, lawe aku i ko'u hoomaikai ana no kou ae ana mai ia'u e hoike i ko'u manao ma kau nupepa, in a paha ma ka "Holomua" kuu hoopuka ana, aole paha lakou e ae ana e hoopuka i na manao keha a'u no L.A. Thurston, ka Bekonatila o ka moana Pakipika.
Me ka mahalo. KUIKAWA.
He mao Manao Palapala i waoia mai
Ke hoolaha aku nei makou i keia mau manao i wae ia mai kekahi mau palapala mai, a na oukou ia e kaana no oukou iho:
"Wailuku, Mar. 2.-Ua ike pono lakou (na poe puni wale), a ke ao kanaka mai nei ko lakou mau manao kuhihewa o ke ao ia ana e ka poe nana i alakai hewa ke Lii Liliuokalani, aka no'u iho ke paio nei au ma ko'u waha no ka pono o ka hooponopono aupuni o keia wa, a aole au e hoi hope, aole hoi e hopohopo i na mana o ka poe lili i ke ano hooponopono aupuni o keia wa. He mea ole ko lakou manao kalai kii ia'u."
Waimea, Mar. 2. - Mamuli o kou hoouna ana mai nei i na helu mua ia'u o ka nupepa Puka La Kuoko@, ke mahalo aku nei au. E hoomau i ka hoouna ana mai a e hookaa ia aku no ka uku pepa. Ke ike ia nei na hiona holomua o ke aupuni hou maloko o keia mau pepa Puka La, he mau mea hou makamaka wale no. Aloha no ke au o na Moi o kakou a hiki i ke au o Liliuokalani, hulihia ke aupuui Hawaii, Kahuii ka waa Hawaii a au ana i ka moana. Ae, he oiaio ka olelo, @o ka mea eli i ka lua, e haule oia ilaila; o ka mea wawahi i ka pa e nahu mai ka nahesa iaia." Aloha wale o Hawaii i ka nui o ka hookuli a me ka paakiki!"
Kuiai ia o ka Ma'i
I ke kakahiaka Sabati nei, ua loaa mai o Mr. Chas. N. Spencer i kekahi kanaka Hawaii ma ke alanui o Waikiki iluna o ke kaa lio, ua loohia i ka ma'i huki. Ua hoihoi mai keia Hawaii iaia me keia pilikia a i kona wahi ma Kulaokahua. Ua hoouna ia ke Kauka Farani, a i kona hikiana mai a lawelawe i kona ike lapaau, ua ike oia ua loohia i ka ma'i lolokaa. Aole i hoi hou mai kona noonoo mai ka wa mua mai i loaa ai i ka Hawaii a hiki wale i ka poeleele ana, a ua hopohopo ia kona palekana. Ua iho mai oia i ke kakahiaka nui wale me ka mana@ e halawai ana me kana wahine maluna o ka mokuahi Waila, oiai aia ola i Waihee a e hoi mai ana ma keia mokuahi mai la. Eia nae, aole i hoi mai, a nolaila ua huli hoi no o Kale. Iaia nae ma ke alanui, loaa oia i keia ma'i.
Waikaho Nui ma Kauai
Lihue, Mar. 3. - Nui ka waikane i ka Poaha nei, ua lilo ke kao o ka muliwai o Wailua, aole i ike hou ia ka uapo hou loa o Halenanahu ua lilo loa i ka wai. A'ua uui na poino o ko makou mau alanui a me na alahaka. Pakele mai kekahi mau haole mai lilo i ka wai.