Ka Nupepa Kuokoa, Volume XXXII, Number 15, 15 April 1893 — He Kanaka Aloha Aina. [ARTICLE]

He Kanaka Aloha Aina.

Mawaena o na kanaka aloha aina oiaio lehulehu ma Hawaii nei, aole makou i ike i kekahi mea ikaika loa o na manao maikai e like la me L. A. Kakina. 0 kona one hanau keia. 0 Hawaii no hoi ke one lianau o kona makuakano a me kona makuahine. Ke waiho nei na iwi o kona mau kupuna a eha ma ka lepo o Hawaii. 0 Kakina ma, a o Anaru ma kekahi o na makua misionari kahiko i aloha loa ika lahui Haw T aii. Ua ili mai ko lakou aloha lahui i waiwai makamae 110 ka lakou moopuna kaulana o Lorina. Ma ka Lorina mau hana a me kana mau olelo lie lehulehu, ua kaulana kona makemake nui i ka pomaikai, ka hanohano, a me ka hooholo ana imua i kona aina hanau ia Hawaii nei, ka Paredaiso o ka Pakipika.

He kanaka wiwo ole keia keiki opio o kakou, he ikaika ka manao, he koa loa ika hoopuka ana ika olelo ame ka hapai ana i na hana e pono ai ka lahui. He enemi loa uo hoi o Lorina i na hana apuka ame ke kolohe e poino ai o Hawaii. Nolaila he nui ka poe kolohe e kue nei iaia.

Ia Kakina e noho kaawale ana ma ka aina inainao, ua huli mai kona naau i kona poe makamaka Hawaii a ua palapala mai i na huaolelo naauao me ke aloha i kekahi mau mea o lakou. Ua makemake loa makou e hoolaha Sau ia kela mau olelo a pau a [akina imua o ka lehulehu, aole o kekahi hapa e lawe kapakahi ia mai ai. aka ona huaolelo no a pau.