Ka Nupepa Kuokoa, Volume XXXII, Number 34, 26 August 1893 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

ME KO HAWAII PAEAINA I HUIIA.

 

BUKE XXXII.        HELU 34.        HONOLULU, POAONO, AUGATE 26, 1893.

 

Hoolaha Loio.

 

W. R. KAKELA,

Loio a he Kokua ma ke Kanawai.

HE LUNA HOOIAIO PALAPALA.

2370

 

NELLIE M. LOWREY,

NOTARI no ke LEHULEHU

- A HE -

LUNA HOOIAIO PALAPALA A ME NA PALAPALA HOOHIKI.

Keena Hana me W. R. Kakela, LOIO, ma ka

@ makai o ka Hale Leta, Honolulu.

2370

 

J. S. SMITHIES (KAMILA,)

NOTALI no ka LEHULEUH

- A HE -

Agena Haawi Palapala Mare

Mahukona, Kohala, Hawaii

2378-1y

 

ANTONE ROSA, (AKONI.)

Loio a he Kokua ma ke Kanawai.

LUNA HOOIAIO PALAPALA.

Keena Hana ma Alanu Kaahumanu.

2370 -

 

E. G. HITCHCOCK, (AIKUE HIKIKOKI.)

Loio a Kokua ma na mea a pau e pili ana ma ke Kanawai.

E OUA NO NA BILA AIE ME KA AWIWI

Hilo, Hawaii.

2370

 

ALLEN & ROBINSON,

NA MEA KUAI PAPA O NA ANO A PAU

E loaa no ma ka UWAPO O PAKAKA, Honolulu,

make kumukuai makepono loa, no ka pomaikai o ka

lehulehu e makemake ana e ku kulu hale.  E kipa mai a e ike kumaka.

2896-q

 

JAMES M. MONSARRAT, (MAUNAKEA,

Loio a he Kokua ma ke Kanawai

HE LUNA HOOIAIO PALAPALA.

E hana ia no na Palapala Kuai, Palapala Hoolimalima, a me na

Palapala Pili Kanawai e ae ma ka olelo Hawaii.  Dala no ka hoaie ma ka

moraki ma na Waiwai Paa.

Keena Hana:  Hele Pohaku hoa ma ka aoao ma Waikiki o ka Haleiwa,

alanui Kalepa.

2370

 

WILDER & CO., (WAILA MA>

Mea Kuai Papa a me na Lako kukulu hale o na ano a pau,

a me na mea e ae a pau e pono ai o ka hale.

Kihi o Alanui Moiwahine me Papu.

2396-q

 

J. T. WATERHOUSE, (WALAKAHAUKI.)

Halekuai o na Lole Nani Panio!

LAKOHAO.

Na Lako Hana Mahiko,

A PELA AKU HE NUI WALE.

Alanui Moiwahine, - Honolulu.

2396-q

 

KO BIHOPA MA,

BANAKO MALAMA DALA

     ELAWE NO MAKOU I NA DALA HOOMOE ma ka hoaie ana ma ko makou BANAKO Malama Dala malalo o koia mau kumu:

     Ina e hoomoe mai ke kanaka hookahi i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahiua, a ua waihoia paha ke dala a hala na malama ekolu i ka wa e hooponopono ia ai na helu.  Aole uku panee e helu ia maluna o na dala hakina uo na la elua paha o ka mahina.

     Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

     He 30 la mamua ae o ka unuhi ana aku o ke@ahi kanaka i kana mau dala, e hoike e mai i oa BANAKO, a e luwe pu ia mai ka buke ala i ka wa e kikoo ai.

     Aole dala e uku ia, aia wale no ma ke kikoo ka mea nana i hoomoe mai i ke dala me ka lawe pu mai i ka buke hoahu dala.

     I ka la mua o Sepatemaba o kela a me keia makaiki e hooponopono ia ai na helu o na mea a pau, a o na uku panee i uku ole ia maluna o na puu dala a pau e waiho ana me ke nikoo ole ia, e helu ia ma ka aoao o ka mea hoomoe dala mai i hala na malama ekolu, a ma la wa aku e hui ia me ke kumupaa mua

     O na puu dala haomoe mai maluna, elima haneri dala, e lawe ia no mamuli o o aelike ana.

     E hamama ana ka Banako ma na la a pau o ka hebedoma, koe na la Sabati a me na la Kulaia.

BIHOPA MA.

Honolulu, Ian.

2396-q

 

KAUKA LEONG KENG TONG.

(L. AKINA.)

     EIKEAUANEI NA ANO LAUI A PAU, E noho ana ma ke Aupuni Hawaii, mai na kane, wahine a me na keiki; i loaa i ua ma'i o kela a me keia ano, e naue mai i ko'u keena hana, a na'u e hoopau aku i na ehaeha a ka ma'i maluna o oukou e na makamaka, ko hiki i a'u ke lapaau i na ano ma'i a pau:  ma'i iloko o ka opu, hu'i ke kino, aki iloko o ka iwi, eha o ke poo, ma'i wahine , a pela aku.  Mai hoololohe aku e na hoa, a he hiki ia'u ke lapaau i ka ma i hookaawale ohana.  Hele mai hookahi, hele mai elua, hele mai no a pau loa:  he oluolu ka auhau, ke hui me ia ma na kkai olelo ana;  na makuakau au e pulama mai i na kono ana mai mai na Mokupuni mai, me ka eleu me ka hikiwawe loa, he makamaka a he hoaloha maikai oukou e na Hawaii oiaio.

DR. L. AKINA.

Helu 40, Huina o na Alanui Kamika a me Hoiaio Honolulu.

2605-1*

 

J. HOPP & CO.,

Na Poe Hana ma na Lako Hale o na ano a pau!

Hana Moe, Na Uluna Pulu, Etc.,

Noho na ka Hoolimalima ana, ua Lako Hale

me ke kumuhuai emi.

Honolulu.

2396-q

 

KA EUEU WIWO OLE O

NU IOKA

A I OLE O KA

Makai Kiu Hale Niwela.

MOKUNA XII.

     E MAKAALA kakou, no ka mea, eia iwaena o kakou nei kekahi kiu e killo ana i ka kakou mau hana.

     "Heaha ke ano o kau mau olelo?"   Wahi a ua Pa 'la me ka huwila koke ana ae a kona mau maka me ke ano piha huhu.

     "Eia kela wahine Ema Kalene ke kukakuka pu nei me kekahi makai kiu i hoano e iaia iho, a ina oia ke kiu a'u e manao wale nei, alaila, he oi oia a ka enemi ino loa no kakou."

     Pupuku ino ano e ae ia na maka o Pa, a hoopuka mai la oia:

     "Ua maopopo anei ia oe, he pololei ka mea i koho wale ai?"

     "Pololei."

     "Alaila, he mau hana apuhi ino loa keia e Ema Kalena i hoolaha ai, oiai i hele mai nei au e halawai pu me ia no ka hoolauna ana aku ia'u me kekahi kanaka oi kelakela o ke ao nei ma ka hoohee dala apuka."

     "Ea:  pela io paha, aka, he keu nae a ko'u manao io he kiu kela kanaka," wahi a ua Badawela la.

     "E kuhi ana ka au ua maopopo loa ia oe he makai kiu kela," wahi a ua Pa la.

     "Ua koho wale no au, aka, he mea pono nae e akahele loa oe o paa oe iloko o ka umi."

     "Mai kamailio wale aku oe i kau mau mea i hai mai nei ia'u, aka, e hoomakakiu loa nae kaua, a ina he mea oiaio kela, alaila, he mea maalahi loa ka hooholo ai-a ana i kona pauku kino iloko o ka muliwai."  wahi a Pa.

     I ka wa, a Badawela i oili aku ai ma ke keena inawaho no ka hui pu ana me Pa, ua hele hou ae la ka wahine nona ka inoa o Ema Kalene, a hawanawaha aku la i kona kokoolua:

     "He mea pono e haaelele koke kaua i keia wahi, no ka mea, ua ike aku nei au, ua hoomaopopo loa ia oe, a aole e nele ko Pa lohe aku i kela kanaka mo Badawela."

     "Mai hopohopoho oe no ia mea, oiai, he manao koho wale no ko kela kanaka, aole loa, he kanaka ma keia ao e hiki ke ike pono ia'u iho."  wahi a ke kanaka malihini, a i ole, o ka mea heluhelu o Hale Niwela no i akakou makai kiu opio hookalakupua.

     "A, pehea auanei au e hana aku ai?"  i ninau mai ai ua wahine 'la, me ke ano maka'u, oiai, akahi no a hoike mai na hiohiona o ua wahine la i ke ano hopohopo.

     "E hana oe e like me kau i hoolala mua ai."

     "Pehea hoi, ina e kuhi mai ana o Pa ia'u he hoopunipuni ka'u mau olelo iaia?"

     "E hoole aku oe, a e paa ma ia ano me ka lulu ole, oiai, ua ahona au e make mua mamua o ko'u hoike ana i ka oiaio maoli o kou manao i kela poe."  wahi a ka makai kiu.

     "E hoomanao oe, ke haawi nei kaua ia kaua iho iloko o ka make."

     "Mai maka'u oe - iI kou alahele wale no ia e pakele ai o ke kupaa, a i na oe e hoike aku ana i kou pihoihoi, a i ole, mihi aku paja oe i kela poe, o kou luakupapau oiaio loa ia, aole i ike keia poe ia mea he aloha.  Nolaila, ho aku imua a lanakila."  wahi a ka makai kiu.

     He mea oiaio, ina i hooholo ka wahine nona ka inoa o Ema kalene i kana mea e hooholo ai, aole loa he mea nana e hoohuli iaia.

     Ua hoohala oia i ka hapanui o kona mau ia iwaena o ka poe hana karaima, a he nui wale o na bana oki puu a hookahe koko weliweli loa a kona mau maka i ike ai.

     Haalele koke iho ia ia i ka aoao o ka makai kiu, a hele aku la ia me ke kali ana i ka manawa kupono e haawi aku ai i ka hoailona i hoomaupopo mua ia ia Pa, no ka hooko pono ana i kana mea i hoolala mua ai.

     I kela wa hoi, mahope iho o ko Badawela haalele ana aku ia Pa, ua hele aku la ua Pa "la, a ninau aku la i ka mea nona ka hale, ke kanaka hoi, a ka makai kiu i kipe mua ai, ihoike mua ia mamua ao nei:

     "E Pape, ua lohe mai nei au he kiu kekahi maloke nei o ko hale?"

     "Maloko nei o kuu hale?"  i pane mai ai ka mea hale, me kona haikea ana ae.

     "Ae," wahi a Pa.

     "Heaha kana e manao nei e hana?"

     "Ke hui pu nei oia me kela wahine me Ema Kalene."

     "Owai, kela kanaka anei me ka papale kapu hulu pea?"

     "Ae, oia no."

MOKUNA XIII.

     I ka manawa a Ema Kalene i haalele aku ai ia Hale, ua hele la, ua Badawela la, a kokoke i kahi a Hale e ku ana, ua hoopuka aku la oia i keia mau huaolelo:

     "E akahele e Hale Niwela, kou wa kupono keia e hopu ai i keia kanaka ino ia Pa."

     "I kamailio mai la anei oe iau?"  wahi a ka pane a ke kanaka kiu, me he la he mau huaolelo ano ole loa kela i hoopuka ia mai, a aole no hoi he ano pihoihoi o kona nauaina.

     "Ae, i kamailio aku la hoi au ia oe e ka makamaka, he akamai maoli io no oe i ka hoopuhili ana i kahi poe, aka, ua ano hapakue iki nae hoi kau paani ana ma kahi mau mea."  wahi hou a ua Badawela la.

     "Ea:  mai kuhihewa oe he mea paani au nau e kena kanaka, nolaila, ina oe e hoomau ana i kau mau hana hoohenehene ia'u e puu ana ko lae ia'u."  wahi a ke kanaka me he la aohe ona hoomaopopo i na olelo a Badawela.

     "Aole e hiki ia mau mea au e hoopunipuni nei."

     Mamua nae o ka pau pono loa ana o ia mau hopuna olelo hope a ua Badawela 'la, aia hoi, me ka hikiwawe loa ua ku-i mai la ua kanaka 'la ma ke kumu pepeiao o Badawela, a waiho ki-koola ana ke kino o ua Badawela 'la ilalo o ka papahele me ke kani ana o ke-u.  I ke ala hou ana ae o ua Badawela 'la mahope iki iho o ke ano pohala ana ae o kona poniuniu ua unuhi koke ae la ia i kaua pu panapana aka mamua nae o ka hiki ana laia ke kau pololei mai i kana pu i ka mea nana oia kui mai, mamua hoi o ka hiki ana iaia ke hoomaopopo, aia hoi, ua pa-I ia ae 'la ka pu mai kona lima ae a lele ana i kahi e, a aole hoi oia i hoomaopopo a hiki wale i kona ala hou ana ae mai lalo ae o ka papahele, oiai, ua loaa hou mai la ola i ke pai mahanahana ma kekumu pepeiao no i ku-i mua ia ai.

     Me ke ano pihoihoi ole, ua lalau iho la ke kanaka nana ke pai mahanahana i ka pu a Badawela, a hoopuka ae 'la i keia mau huaolelo me he 'la he hana paani wale no ka mea i hana ia:

     "He oi loa ka pono e haawi ae au i keia ilio hae (pu) i ka mea nona keia hale, no ka mea, aole i kupono keia ano mea paahaa i ke kanaka hehena o kou ano."

     Iloko no hoi oia wa, ua holo ino mai la ka mea nona ka hale iloko o kahi o ka haunaele, a olelo koke mai la oia ia Badawela, ina i hoomau hou oia i kela mau hana alaila, e kiola koke ia no oia iwaho o ke alanui.

     I kela wa, ua ano ku-i he iho la ka manao o ua Badawela 'la, oiai, ua hoomaopopo iho la ia, ua kuhihewa io paha oia no keia kanaka, aole io no paha ia he makai kiu.

     "Ua kuhi io au he kiu keia kanaka, aka ke hoopaopopo nei nae au iua he makai kiu io oia, aole loa ia e hakaka maoli mai me au e like me keia ano, oiai o ke ano o ke kiu aole loa e kali e like me keia no ka mea ma he kiu oia e hookaulua i ke puhi ana i kana ulili."  wahi a ua Badawela 'la.

     "He keu no paha oe a ka hupo nui wale, aia o Pa ke noho mai la ma ka pau o ke ku-i i kau mau hana."  wahi a ka mea hale.

     I hana wale no hoi au i mea e maopopo loa ai," a hele pipika wale aku la no oia no ke keena inu rama.

     Oiai kela hakaka e hana ia ana, ke ike nei hoi o Pa i na mea a pau i hana ia, a mahope iho o ko Badawela nalo ana aku no ke keena inu rama, ua ike aku la ua Pa 'la i  ka wahine i kapa ia o Ema Kalene, a hele koke aku ia ia a ninau aku la i ua wahine 'la:

     "Owai kela kanaka kohu peku hoki kana puupuu?"

     O ka mea hoi kela au i hele mai nei e halawai, oia hoi o Ruka," wahi a ka wahine.

     "E akahele oe e ka wahine, ua hawanawana ia ae nei, he mau hana apuhi keia au!"  I kamailio aku ai ua wahine 'la me ke ano haahaa o kona leo.

     "He hoopunipuni ia olelo."  i pane koke mai ai ka wahine me ka hoopupuku ana iho a kona mau ku-e maka me he la, ua hoonaukiuki oia i keia mau olelo.

     "Aole no o'u hoomanao io i kela mau olelo aka ke hai e aku nei nae au ia oe, ina he oia io kela mau olelo alaila, o kou wa wale no keia a pakele ai, a mihi mai hoi hoi oe ia'u, aka i paakiki loa nae oe, a ike au he mau hana apuhi keia au e ka wahine, alaila, e like me ka oiaio o ko'u inoa o Pa, pela ka oiaio e waiho ai o ko kino make maloko o kahi hoikeike poe make mamua o ka hoea hou ana mei o na kukuna o ka la ma ka hikina."

     Aole i pau.

 

He Moolelo Hawaii

MOKUNA X.

     O ka palena o Leiolono, o Kapapa kolea ka palena hikina, aia malaila he peelua nui kiai ma Koleans, a o Napeha ka palena komohaua, he moo ko laila kiai, a ua makau no na uhane ia laua a hoi hou i hope, a i loaa mai i na aumakua kokua, hoi hou, a alakai ia i ke ao aumakua.

     O ke kula o Kaupea ma ke kaha o Puuloa, e hele ai na uhane auwana e poipoi pulelehua a nananana ai mai ka wiliwili o Kaupea e hoopakele ia no ma ke ao aumakua.

     He Leina a ka uhane no, a me ka ulu o Leiwalo ma Hawaii, Maui, Molokai, Lanai, Kauaa a me Niihau, a he like no nae na moolelo.

     O ko Maui ao auwana, o Kamaomao, o Uehana ko Lanai, o Maohelaia ko Molokai, o Mana ko Hawaii, o Halalii ko Niihau; maanei e auwana ai na uhane kanaka ole.

O ke ao Aumakua.

     He ao nui akea palahalaha keia a he nui loa na wahi e noho ai, "Ma ka hale o ko'u makua, he nui loa na wahi e noho ai."  O kekahi mau inoa e ae o ka lanikuaaka, ka lanikuakini ka lanikuamoamano, kalewalani, ka lewanuu, Mapaiaku-a Kane, na Kukuluokalani, a nui aku; na kapaia o ke ao aumakua:

     O kanenuiakea ke akua nui i ka manao ia e ka poe kahiko, nana i hana i ke kanaka, ka lanikuaaka, ka honua a pela aku; ua kapaia ka aumakua nui.

     He nui na puka e komo ai i ke ao aumakua ma o ka pili ana i na aumakua, ina pili i ka wai, i ka moaana, i ka lua o Pele, i ke ao papa nuu, i ke ao papa lani a pela aku, e komo ana lakou a pau i ke ao aumakua, a o keia na wahi noho maluhia  na uhane ma ua ao aumakua nei.

     He lehulehu wale o na makamaka, na hoaloha a me na hoalauna malaila, lokahi ko lakou manao, oia kahi e hui ai o na mea a pau loa mai ko ka lewalani, ka lewanuu, na kukulu, ua paia-ku-akane a pela aku.  A e ike ia ko ka lani mo na eheu makani a me ko na kukulu maluna o ka honua a me ko ka moana anaina ma na kai popolo hua mea a Kane, a pela like ko ka honua nei, ke hui lokahi like nei lakou.

Ke Ao o Milu.

     Ka po pau ole, ka po ia o Milu, ka po kinikini, ka po manomano, ka papaiaowa, ka papaiakahaoa a ni wale ka inoa o ke ao o Milu ma ka olelo Hawaii.  Ua olelo ia, he ao ino loa kea, he ao hoaloha ole, a makamaka ole; he ao makau, eha, hoomanawanui, pilikia a hoomainoino ia.  He ahi no ma ia ao, aia no i ke alii oia ao, ke ahia a me ka po a me ka hoomainoino weliweli.

     Ua olelo ia, na kii aku o Mokulehua i ka uhane o Pueo kana wahine ilalo o keia wahi; i kaawe o Pueo iaia iho a make.  A iho aku kona uhane ilalo io Milu, la i ka po pau ole a hoopaahao ia e Milu, la i ka po pau ole a hoopaahao ia e Milu, a ma ka maua o Kanikaniaula ko Mokulehua akua, ua iho aku laua a hiki ilalo lilo o Manua iloko o ke okooko enaena o ke ahi o ka po a loaa o Pueo a pakele mahunehune mai laua me ka mainoino.

     Ma ka moolelo Hawaii no Maluae ua kii aku no hoi oia i ka uhane o Kaalii kana keiki a loaa ilalo o ua wahi nei.

     O ke kumu i make ai o Kaalii, i ai e i ka maia, aole i ai mua ia e na akua o Maluae kona makuakane, oia o Kane ma Kanaloa, a i ka ai ana ua hoopuua ia a make iho la, a hoolei ia kona uhane e ua mau akua nei iloko o ka ko pau ole.

     A hoi mai o Maluae mai ka mahiai mai, ua make ke keiki, e kau ana no ka maia i ka waha, a maopopo ae la no iaia, ua hookae na akua ona no ka ai ana i ka maia.  He kanaka mahiai o Maluae, no Manoa, nona ka aina o Kanaloahookau.

     O ka maia a me na ai e ae ho nui wale, na ua akua ka maia, a o na ai e ae hoi, nana a me ka wahine a me ke keiki.  Aloha nui oia me ka minamina no kana keiki, a hoike mai no hoi ua makua nei ua kiola ia ka uhane o ko keiki e maua aia ilalo lilo o Manua i ka po pau ole.

     A lohe o Maluae no ka make loa o ka make loa o kana keiki, mihi nai aku oia imua o laua me na mohai kuhoahoa he nui wale, aole nae i-na mai ko laua huhu.  "Ka; kai no paha he huhu ko ke akua a maliu mai i ka mihi aku, aole ka!  Heaha ia hoi, e make no au me kuu keiki."

     A hala he umi la a me umi po, aole he lohe o ua mau akua nei he wahi pule kaumaha ai no laua a hala he iwakalua la, oia ana no, a hala he kanakolu mau la, oia ana no.

     I aku la o Kanaloa ia Kane, "E make paha auanei o Maluae, ua hewa io no kaua, he wikiwiki i ka huhu, a hoopai i ka iala keiki, a ua nui loa kona aloha i kana keiki, a o ko kaua kanaka hoi keia nana e malama i ka awa, a e hoolulu i ka maia, a e kaumaha mau ai ia na ahiahi a pau a me na wa e ae, a he mahi awa, maia, ko na kaua, a heaha anei ka kaua uku ia Maluae?"

     I aku o Kaue, "e kii kaua e hoola ia Maluae, a nana no e kii i ka uhaue o ke keiki ilalo ia Mamua."

     O Mamua ke alii o ka po pau ole, he hou aku o Milu, no kona ino ka, pilau a me kona kiola ia ana i ka po pau ole.  Oia uo hoi ka inoa o kekahi alii ma Waipio i Hawaii, o Milu ka inoa.

     A piha na la he kauaha a keu, ua kau ka nanaiea punawelewele i na maka o Moluae, a aneane no i ka make.

     A ike ua mau akua nei i ka paa o ko Maluaea manao no ka make pu me ke keiki, a nui ko laua aloha nona a kii iho la laua e hoola iaia, a ola ae la Maluae e like no me kona ano mau, alaila olelo aku la ke akua ia Maluae.  "He aloha oe ia Kaalii kau keiki?"  "Ae! naua wau i manao nui ai e make pu," wahi a Maluae.

     "E loaa no anei ia oe la ke kii ilalo ia Manua?"

     "Aole! aka, ina e hawii mai olua i mana no'u, hiki ia''u ke kii i ka uhane o kuu keiki."

     "Ae, ua hiki ia maua ke hooko i kou makemake, o ka maua pono ia ka ke akua e uku aku ai ia oe, a e ike hoi oe he mana ko ke akua e kokua ia oe, a o maua pu kekahi iloko ou, a na maua no e hoopakele ia oe i kou koma ana iloko o ke ahi a me ka pouli o ka p pau ole."

     Noonoo iho la o Kane, aole pono ia Maluae ke iho kino kanaka i ka po pau ole, nolaila, hoomalule ia o Maluae, a ma ke ano kino lani oia i kii ai i ka uhane o kana keiki, a na hiki iaia he nui o ka po pau ole ia Mamua.

     I ko Maluae iho aua, haawi mai la o Kane i kona kookoo nona ka inoa o Makuukao, he kookoo mana ia, aia iloko ona ka ai a me ka ia, na momona a pau o ka honua, na mea kaua, ke ahi a me ka luai pele, ke kai a me na moana wai, ke ola a me ka make.  O keia kookoo no hoi ka laua i o ai ma kekahi mau wahi o keia mau nae moku, a puka mai ka wai, pela ke kaao ia.

     Aia ma Leiolono i Moanalua ka puka i olelo ia a me ulu o Leiwalo, malaila o Maluae i iho aku ai i o Mamua la.  Ua nui na pilikia i halawai me ia ma kona alahele, aka, he mea ole wale no ia i ka mana o Makuukao, me he makani hele uluulu la, puehu liilii ka lehu o kapuahi o ka po pau ole.

     A hoea keia i ka papaiaowa ia, o iho la oia i kona kookoo. a naha ae la a iho aku la a iho aku la a hiki hou i kekahi papaku, o ka papaiakahaoa ia, a naha hou ia papa, a aia ilalo i hoopaa ia ai ka uhane o kana keiki; he wa oi loa aku keia o ke ino mamua o ka po kuakini.

     Ma ka po kuakini o Pueo i hoopaa ia ai, a he hpupue nae ka loaa ana ia Mokulehua, aka, o ko Maluae kii ana ia Kaalii iloko o ka ino loa, he maua loa pela ke keaka ia.

     A loaa ia Maluae ka uhane o kaua keiki, hoi aku la oia mai ka po pau ole a ku me ka olioli, a ua hookomo ia hoi ka uhane o ke keiki ioko o ka puniu.  Ia Maluao i puoho ae ai mai kona waiho maluie ana, ike iho la oia i a mea a kona ano kino lani i kii ai.  A lapaau iho la oia i ke keiki me ke kuhikuhi a ke akua, a ola io ae la o Kaalii.

     O Kawelu kekahi wahine kaulana ma ka moolelo kaao o Hawaii.  I kona make ana, ua komo oi i ka po pau ole a ua kii kino kanaka aku o Hiku i ka uhane o Kawelu a loaa i o Manu la a hoihoi ia mai, a uakipolapolaia, me ka hoolulu ana i ka awapuihi, maile, ka pala, a me na wehi e ae apau o ke kuahiwi; i oluolu paha ka uhane a hiki ke komo hou i ke kino, a ola hou io o Kawelu.

     He lehulehu wale o na moolelo Hawaii a me na kaao no na uhane a me na kino o ka poe olu, a ua hoomalule ia kekahi i iho aku i ka po pau ole, no ka hoola ana i ka poe i make maoli; a pela no hoi me na uhane e hele auwana ana iloko o ke ao kuewa, i hoola ia ma ka hoowalewale ana i na uhane ma ka hoolulu ana i ka hale me na mea ala apau o ke kuahiwi, kahi i waiho la'i ke kino make, a i ole, ma ka hoihoi ana mai a na aumakua.

     Ma ka moolelo Hawaii no Hamanalau, ka hanai o Hawea, ua hoola ia oia e kona wahi pokii kaikunana Kaulanaikipokii.  Ua hele auwana wale kona uhane iloko o ke ao kuewa a lilo i ano kino manu; a oiai, he kia manu ka hana walea a kona wahi muli pokii.  I kekahi la, oiai kona wahi pokii e walea ana i ke kia manu, ua hei iho la kona uhane i ke kipuka a ua wahi pokii kia manu nei ona, a kipolapola ia eia a ola hou.

     O lonoapamano kekahi, a he nui aku.  O kekahi mea i olelo ia, o loko o ke kino make o ke kanaka, ua like me kakahi lua nui i piha i na mea hooweliweli.  Ma ka maka i ka kekahi poe, a malalo mai hoi o na wawae i ka kekahi poe ke kaao mai, e hookomo ia mai ai ka uhane iloko o ke kino e waiho make ana; a i ke komo ana a na kuli, hoi hou ka uhane iwaho, a uo ka paa mai o na wawae i ke pani ia, komo hou no; a hiki ka uhane i ka puhaka, nana aku oia ia loko o ka opu, ua like me ka lua ahi; o loko o ka umauma he haea a awawa me he pali nui e hiolo mai ana, a he nui aku na mea e weliweli ai ka uhane,  Ma ia wahi, ua pupu loa i ka uhane ka hiki ana e komo hou aku, a no ka ikiiki loa no ka nui o ka makau, na hou hewa io ianei, ilalo, iluna, a no ka paa loa e na wawae i ke pani io, ua komo loa aku iloko o ka opu, a i ka umauma a komo iloko o ka lua uhane, ma na maka, a he wahi maikai loa ia o kahi e luakaha ai o ka uhane, oia ke ola hou ana.

     Aole he oiaio na mea i olelo ia no ke kii ia ana o na uhane a hoola hou ia mai, aka no na mea i olelo ia no ka po Kuakini, a he po pau ole a he lua ahi mau loa kahi hoi e hoopaa ia ai ka poe hana ino, e ahona paha ia, a ina e hui ia keia ao me kela mau ao ekolu, alaila, eha ao.  1  Keia ao; 2  Ke ao kuewa; 3  Ke ao aumakua; 4  Ke ao o ka po pau oel.

     (Aole i pau.)

 

NA LETA

     (Aole o makou makemake e lawe i ke koikoi o na hala no na manao i hoopuka ia malalo o keia poo e ko makoa mea kakau.)

     Pau Kuhihewa ia I.P.Kua.

     MR. LUNAHOOPONOPONO;

     Aoloha oe:

     E oluolu oe e hookomo iho ma kahi kaawale o ka kaua Hiwahiwa i kela mau hua e kau ae la maluna, a oia ka'u e panee aku nei i kou pakaukau, a nau ia e hele i ka loa a me ka laula.  Ua ike au i kau pane hou ana e I. P. K. ma ka Helu 28 o kuu milimili, no ko'u wahahee nui, a oia ka'u e hoike ae nei ma ke akea.  Aole au i hana i ka wahahee, aka, o ka oiaio ka'u i hana a haule mai na lani.

     I mea nou e ike pono ai i kou lalau a me kau mau hana ino, e ia iho malalo na papa hoonohonoho o kou, kuhihewa.  1.  Ua hoike ae oe o J. W. K. Leleiwi kai mohai ia Mose, paa i aka puawa, a oia ka'u e ku nei maluna o ka oiaio, aole i hawahawa keia mau lima e like me kou  kuhihewa.  2.  Ua hai hou iho no oe e kai loloa o na wawae i ka hele i Keauhou e paa ipukuha ai, nolaila, e kue nei au ia oe no ka wa mau loa, aole au i hele malalo oia hana, o ka hana a ka Haku ko'u kuleana, malalo o ke kena a S. Kailipua, e hele au e malama ia halawai.

     I hoike no ka oiaio, e ninau ia D. N. nakea a me I. N. Puhipuhi, a e ku auanei au maluna o ka oiaio i na wa a pau.  Noleila, ke minamina nei au i na tausani uhane a ke Akua i hana ai, i ke alakai hewa ia e oe malalo o kau hana hoopunipuni. Nolaila, ke i mai nei ka Buke Nui ia oe.  "E kaohi i kou alelo mai ka hewa ae a me kou mau lehelehe, i ole e olelo ino."  Pehea iho hoi keia ninau:  Owai ke kanaka i helu pono i kona lalau ana?  Haina, I. P. Kua, loaa pono.

     E kuu hoa o na makani huli lua o ka aina, mahalo au ia S. W. Kawewehi, i kona malama ana i ka hana, o kuu hoa kuilima ia o ka pono, aole e like me oe ka walaau wale iho no o ka waha i ka makani, he ohi nae i ka puahiohio ka mea loaa, no kou ano eepa no paha ke kumu o kou lalau ana, ina o kou mai ia, e pono e hoi oe i Waolani, i kahi nui o ia lahui, a o kou home kupono ia, keha ae oe o ko wahi hua nioi alualu ka mea e pii ai ka manene i ka nui kino.

     Hilahila ole eia mai ka popo auhuhu a hoea aku e oleha ai ko maka i ka ilikai, me he i-a ala i make i ka hola.  No'u nei, e hoao wale no oe e kulai i ka pouhana o ka oiaio aole e hina, no ka mea, he pa na ka makani opiopio.  Mauao anei oe e hoi hope ana ka pahikaua a Saula, ae hoi nele ana hoi ke kakaka a Ionatana, aole e kanalua, aohe e kuihe ka mea hana i ka oiaio a me ka pololei.  Nou hoi e I. P. Kua huna inoa, e pee wale no oe aole e nalo, ua hana oe ma kahi malu, ua hoike mai ke Akua ia oe ma ke akea, i mea no ka lehulehu e ike pono ai i kau mau hana hookamani, i ka wa mua ua hai oe I. K. Kua, auhea ka mea like.

     Nolaila, ua hoomanao au i ka olelo a ka Haku imua o kona enemi, a penei kana:  "Ku hele pele oe e Satana, he mea hoohilahila oe no'u," nolaila, ua ike pono na haipule i kau mau hana kolohe, aole oe i hele malalo o ke auo keonimana, a ke noi akiu nei au i kou oluolu e huna inoa, ina oe e pane hou ana, ua makaukau au e paio me oe ma ke akea i na wa a pau, ina hoi e ma ka waha i ike pono ae hoi na kini o kaua o ka wai Pukaiki o Helani, ke haohao nei na keiki kupa o ka aina i keia inoa.

     Ke hooki nei au i ka hoonee ana i ka'u maka peni me na keiki oniu hua metala ko'iu welina.

                                                            J. W. K. LELEIWI.

                                                            Laaloa.  Kona A. Aug. 14 '93.

 

Ku ka Uwahi o ua Wahahee, Pakela loa aku Ka Leo i ka Alapahi.

     I ka nana iho i na manao o Ka Leo, ke hele loa aku la mawaho o na palena kupono o ka noonoo maikai o ke kanaka, ua olohewa na olela, ua piha me na manao inaina a nele i ka noonoo maikai ole, nolaila, noonoo iho la, penei makou e hana ae ai, e hapala ae i ka lepo i ike mai ai na kanaka he oiaio keia mau hoolaha lalau.

     Ke hoike mai nei ua Ka Leo nei, no ko makou komo i ka holoku a hele e hoohalua i ka Moiwahine, ma ka pa o ke kula hoomaamaa o Kapunahou.  No ka maa no o Ka Leo i ke komo i ka holoku a hele e hoomakakiu ia hai, manao iho la pela kekahi poe e hana aku ai.  Heaha ka makou manao nui ana no ia mea?  Aole a makou nooonoo no ka mea i hoopau ia.  Ua Isabota, ua hala ka nani mai ke aupuni Hawaii aku, he hiamoe lealea ko makou o ka po e noho nei, kau ke poo i ka uluna, o Kulu ka po, o Welehu ka malama.

     O oukou no ia e hui mau mai nei i kela a me keia po, na oukou e hoohalua la i ka Moi, aole e hiki ia oukou ke moe pono, no ka mea, "Ua ku kiai ia ka po ia Limaloa, ua oni wale i ke anu o Ainaike."  No ko oukou manao nui e hoihoi ia ae ana ka Moi ma ka noho ahi.

     Ke apakau hou aenei no ka hoohalua ia o ka ona o Ka Leo e ko makou poai, a holo aku la mahope o ko makou he kamalii e ike oe oia iho ai ke ano oia olelo.

     Heaha ka waiwai o ke Aupuni Kuikawa e hakilo ai i ka ona o Ka Leo?  Oia anei ke kanaka a ke Aupuni Kuikawa e makau aku ai?  A hiki ole ka hoi i ke Aupuni Kuikawa ke makau aku i ka Ona Miliona, a i ka ona ka hoi o ka nupepa Ka Leo makau iho la.  Ina makau ke aupuni, kukala ae ke kanawai koa pau ka hana, heaha aku ka mea i koe?

     Ke makau honua nei Ka Leo i kona aka iho no, a kuhihewa ke hoohalua ia nei, ke hoomalamalama nei i ke kukui iluna o ka ahui manana, a eia ilna o ka uwea telepone e kikii nei, e auhee ana na iole, mai ka pikoki ana ae i na iwi bipi e waiho la iloko o ka pa.