Ka Nupepa Kuokoa, Volume XXXII, Number 44, 4 November 1893 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXII.  HELU 44.  HONOLULU, POAONO, NOVEMABA 4, 1893  NA HELU A PAU, 2466

 

Hoolaha Loio.

 

W.R. KAKELA,

            Lolo a he Kokua a me ke Kanawai. HE LUNA HOOIAIO PALAPALA.  2370

 

NELLIE M. LOWREY,

NOTARI no ka LEHULEHU

A HE

LUNA HOOIAIO PALAPALA A ME NA PALAPALA HOOHIKI.

 

Keena Hana me W.R. Kakela, LOIO, ma ka @ makai o ka Hale Leta, Honolulu, 237

 

J.S. SMITHIES (KAMILA,)

 

NOTALI no ka LEHULEHU

A HE

 

Agena Haawi Palapala Mare

Mahukona, Kohala, Hawaii. 2378-1v

 

ANTONE ROSA,

(AKONI.)

 

Loio a he Kokua ma ke Kanawai.

 

LUNA HOOIAIO PALAPALA.

 

Keena Hana ma Alanu Kaahumanu.

2370

 

ALLEN & ROBINSON,

 

NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku kulu hale. E kipa mai a e ike kumaka

2396-q

 

WILDER & COL, (WAILA MA.

 

Mea Kuai Papa a me na Lako kukulu hale o na ano a pau, a me na mea a ae a pau e pono ai o ka hale.

 

Kihi o Alanui Moiwahine me Papu.

2396-q

 

E. G. HITCHCOCK,

(AIKUE HIKIKOKI.)

 

Loio a Kokua ma na mea a pau e pili ana ma ke Kanawai

 

E OHIA NO NA RILA AIE ME KA AWIWI

Hilo, Hawaii. 2370

 

JAMES M. MONSARRAT,

(MAUNAKEA,

 

Loio a he Kokua ma ke Kanawai

 

HE LUNA HOOIAIO PALAPALA.

 

            E hana ia no na Palapala K@nai, Palapala Koolimalima, a me na Palapala Pili Kanawai e ae ma ka olelo Hawaii. Dala no ka hoiee ma ka moraki ma na Waiwai Paa.

 

            Keona Hana: Hale Pohaku hou ma ka noho ma Waikiki o ka Halewai, alanui Kalepa.  2370

 

J. HOPP & CO.,

 

Na Poe Hana ma na Lako Hale o na ano a pau!

 

            Hana Moe, Na Uluna Pulu, Etc.

 

            Noho no ka Hoolimalimn ana, ua Lako Hale me ko kumuhuai emi.

            Honolulu.  @

 

J. T. WATERHOUSE,

(WALAKAHAUKI.)

 

Halekuai o na Lole Nani Panio!

 

LAKOHAO,

 

Na Lako Hana Mahiko,

 

A PELA AKU UE NUI WALE

 

Alanui Moiwahine,--Honolulu. 2306-q

 

KAUKA LEONG KENG TONG,

(L. AKINA)

 

            E IKE AUANEI NA ANO LAHUI A PAU, E noho ana ma ke Aupuni Hawaii, mai ua kane, wahine a me na keiki; @ loaa i na ma`i o kela a me keia ano, e naue mai i ko`u keena hana, a ua`u e hoopau aku i na ehaeha a ka ma`i maluna o oukou e na makamaka. He hiki la`u ke lapaau i na ano ma`i a pau: ma`i hoko o ka opu, hu`i ke kino, aki Hoko o ka iwi eha o ke poo, ma`i wahine, a pela aku. Mai hoololohe aku e na hoa, a he hiki ia`u ke lapaau i ka ma i hookaawale ohana. Hele mai hookahi, hele mai elua, hele mai no a pau loa; he oluolu ka nuhau, ke hui me la wa na kukai olelo ana; na makuakau au e pulama mai W kono ana mai mai na Mokupuni mai, me ka eleu me ka hiki wawe loa, he makamaka a he hoaloha maikai

 

            Oukou e na Hawaii oiaio.

 

DR. L. AKINA,

Helu 40, Huina o na Alanui Kamika a me Hotele Honolulu. 2406-1

 

KO BIHOPA MA,

 

BANAKO MALAMA DALA

 

            E LAWE NO MAKOU I NA DALA HOOMOE  ma ka hoaie ana ma ko makou BANAKO Malama Dala malalo o keia mau kumu:

 

            Ina e hoomoe mai ke kanaka hookahi i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe la ana mai o ke dala, ke waiho la ke dala hoomoe i ekolu mahina, a ua waihoia paha de dala a hala na malama ekolu i ka waa e hooponopono ia ai na helu.  Aole uku panee e helu ia maluna o na dala hakina no na la elua paha o ka mahina.

 

            Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

 

            He 80 la mamua ae o ka unuhi ana aku o kekahi kanaka 1 kane mau dala, o hoike e mai 1 KA BANAKO, a e luwe pu ia mai ka buke dala i ka wa e kikoo ai.

 

            Aole dala e uku la, aia waie no ma ke kikoo ka mea nana i hoomoe mai i ke dala me ka lawe pu mai i ka buke hoahu dala.

 

            I ka la mua o @ o kela a me keia makahiki e hooponopono ia ai na helu o na mea a pau, a o na uku panee i uku @ ia maluna o na puu dala a pau e waiho ana me ke kikoo ole ia e helu la ma ka aoao o ka mea hoomoe dala mai i hala na malama ekolu a me ia wa aku e hui ia me ke kumupaa mua.

 

            O na puu dala haomoe mai maluna, elima haueri dala, e lawe ia no mamuli o o ae@ ana.

 

            E hamama ana ka Banako ma na ia a pan e ka hebedoma koo na la Babari a me na la Kulaia.

 

BIHOPA MA.

Honolulu, Ian  @

 

KA EUEU WIWO OLE O

 

NU IOKA

A I OLE, O KA

 

Makai Kiu Hale Niwela.

 

MOKUNA XX.

 

            MA KE  ahiahi o kela la a ka makai kiu i kamailio pu ai me Mr. Ralia, e ike ia no kekahi elemakule ooopa me kahi aahu weluwelu e hele hapakue ana o komo aku la iloko o ka pa o ka hale e noho ia ana e Mrs. Awera. I kona hiki ana ma ka puka, ua hookani aku la oia i ka bele o waho o ka puka. Ia wa me ka hookaulua ole, ua hoea mai la he wahine kino puipui opiopio.

 

            “Heaha kou makemake e keia elemakule?” i ninau mai ai ka wahine opio.

 

            “He makemake au e ike i ka haku o keia hale,” wahi a ka elemakule.

 

            “Aohe haku o keia hale.”

 

            “Ka haha! He mea hou hoi ha kena. Ea! Mai hoopunipuni mai oe ia`u, e hele koke aku oe a hoike aku i ko haku he malihini e makemake ana e ike iaia?”

 

            “Hele oe ma kahi e, e ka elemakule lapuwale!”

 

            “Aole loa au e hele ana ke ole au e ike mua i ka mea nona keia hale.”

 

            Ia wa, ua pa`i mai la ua wahine opio la i ka waha o kahi elemakule, aka, aole nae i pa mai ka waha o ka elemakule, aia hoi, ua paa e ia mai la ka lima ao ua wahine la Hoko o ka poho lima o ka elemakule; a ua like me he la aia kona lima iloko o kekahi umii hao. Uwe kapalili ae la ua wahine la me ka leo nui. Ia wa ua holo-kiki mai la ka lede mea hale me na helehelena haikea a pihoihoi, a ninau mai la:

 

            “Ea! Heaha keia?”

 

            “He wahi elemakule pupule e ninau nei ia oe,” wahi a ke kauwa wahine.

 

            “E ka elemakule, heaha kou manao?” wahi a ua Mrs. Awera la, me ka haka pono ana aku a kona mau maka maluna o ka elemakule.

 

            “I hele mai nei au e kamailio pu me oe.”

 

            “Heaha kou manao i makemake ai e kamailio pu me a`u?”

 

            “Ina oe e hookipa aku ana ia`u maloko o kou hale, alaila, hoike aku @ i ko`u manao.”

 

            Haka pono loa aku la ko Mrs. Awera mau maka maluna o ka elemakule, a me ke ano maalea oia i pane aku ai, me ka leo mali i ka aoo malihini.

 

            “E komo e ka aoo maikai, a noho iho maluna o ka noho i oluolu ai kou mau lala maluhiluhi, alaila hoike mai i kou manao.”

 

            “E kuu haku, e ae ana anei oe i kela wahi aea haukae e komo mai iloko nei o kou hale?” wahi a ke kauwa wahine i kona haku wahine.

 

            “Heaha no hoi ke kumu e hookipa ole ai au i ka aoo e like me keia?”

 

            Mahope iho o ka nukunuku ana iho o ua kauwa wahine la iaia iho ua huli hoi aku la ia no kona wahi iloko o ke keena kuke.

 

            Mahope hoi o ka noho ana iho o ua wahi elemakule la maluna o kekahi noho pulu oluolu maloko o ke keena hookipa nani ma kahi koke loa i ko Mrs. Awera wahi i noho iho ai, ua pane koke mai la ka lede mea hale:

 

            “E ka elemakule maikai, heaha kau mea i makemake ai e kuka pu me a`u?”

 

            Unuhi ae la ua elemakule la he maka-aniani mailoko ae o kona pakeke me ka lima haalulu, a kau ae la ma kona mau maka, a iloko no nae oia wa, ua pane aku la ia:

 

            “Ua lohe mai au mai kekahi poe mai he nui wale, he oi ka oe a ka lede oluolu a me ka kokomaikai palenaole.”

 

            “Ahe! A oia ka paha kou kumu i ake nui ai e komo mai iloko nei o kuu hale no ka makilo wale ana no?”

 

            “Ua hiki no, aia a pau ae ia mau olelo a`u alaila, hoike aku au i ko`u kumu i hele mai nei ia oe.”

 

            “E wikiwiki hoi ha, oiai, ua hookipa mai nei au ia oe me ka oluolu, nolaila, mai hoao mai oe e hehi iho maluna o ko`u kulana e kuu makamaka aoo.”

 

            I keia ninau a ka lede mea hale, ua hookamailio hoolalau wale aku la no ka elemakule, a no ia mea, ua ane kuaki loa ua lede la.

 

            “Aole o`u makemake e hoolohe wale no i kau mau olelo ano ole e ka elemakule, aka, he makemake au e lohe i kou manao maoli i hele mai nei ia`u? wahi a ka lede.

 

            “Eia ka`u i hele mai nei. I hele mai nei au e hoike aku ia oe e ka lede hanohano, ua powa ia ke ola o kela kanaka opio i kela mau la aku nei e kekahi wahine,” wahi a ua wahi elemakule la.

 

            Ua haikea koke ae la ka helehelena o ka lede, a me ke ano hoomalae, ua hoikaika mai la oia e kamailio mai me ke ano hoopahenehene.

 

            “Heaha iho la auanei ko`u kuleana no ka powa malu ia ana o ke ola o kela opio?”

 

            Haka pono loa aku la na maka o ka elemakule maluna o ka lede. No la mea, ua oi loa ke ino o ka manao o ua washine la mamua o na olelo hou okoa a ka elemakule.

 

            “Mai nea mai oe i hele mai ai e ka elemakule maikai?” i ninau hou mai ai ka lede me ka loli ano e hou ana ae o kona helehelena.

 

            “He wahi loihi ko`u o ka hele ana mai.”

 

            “Ina pela, e kii ae au i kiaha waina a me ona mea ai nau.”

 

            Me ia mau huaolelo, ua ko koke ae la ua lede la a oili hikiwawe aku la.

 

            I kona hala ana aku, ua puana ae la ka elemakule, aole nae me kona leo ano haalulu e like me mamua iho, aka, me ka leo o ke kanaka opio wale no.

 

            “Ea! He oi keia a ka wahine maalea, ke ike nei au, o oe io no kuu mea e akenui nei e loaa!”

 

            I ka hoe hou ana mai o ka lede me ke pa mea ai e hii ana ma kona alo; ua ike mai la oia ua hiamoe ka eiemakule maluna o kona noho ee nono ana. A i kona komo ana mai iloko o ke keena, ua owaka malie ae la na maka o ka elemakule, me he la ua ano puiwa oia mailoko ae o ka hiamoe kulipolipo.

 

            “Auwe! Eia ka ua hiamoe iho nei au? No kuu ano maluhiluhi no kekahi i ka hele ana mai nei mai kahi mamo mai,” wahi a ka elemakule.

 

            “He oiaio kela, a ke kaumaha loa ne ko`u naau nou e ka aoo maikai-Eia ka mea kupono ia oe, e ai a e inu i keia waina maikai.”

 

            “Ua lohe nui au mai kanaka mai he lede lokomaikai io no oe, a ua lohe pu mai no hoi au, ua aihue ia ka kekahi mau mea gula o kekahi ledge waiwai, nona ka inoa o Mrs. Balia,” wahi a ka elemakule.

 

            Pupuku ino ae la na maka o ka lede, a pane mai la.

 

            “Ea! E kuu makamaka aoo maikai, heaha auanei ko`u kuleana no ia inau mea au e hoike mai nei ia`u? Ke hana aku nei au i na hana maikai lua ole ia oe, aka, ke hoao mau mai nei nae oe e kiola i ka lepo i kuu mau maka.”

 

            “Aole loa ka pha ou makemake e lohe no ia mau mea?”

 

            “Ua lohe pinepine loa au i keia mea mamu a loa aku nei, a aohe o`u lealea e lohe mau, no ka mea, he aikane aloha loa o Mrs. Ralia na`u, a no ia kumu aohe o`u makemake e lohe mau no kekahi mea a kona naau i kaumaha ai.”

 

            “Ka haha! He keu hoi ha oe a ke aikane ano e loa. Ina owau oe, he oi loa ko`u makemake e lohe i na mea a pau, a ma ia mea hoi e loaa ai paha ia oe ka mea nana i aihue na waiwai makamae o ko aikane. Oia aka hana aloha a ke aikane. Oia ka hana aloha a ke aikane e hana ai.”

 

            “O! Ma ia ano, he oiaio kela, he hiki nae ia oe ke hoike mai ia`a i ka mea nana i hana kela aihue ino?”

 

            “Ua lohe wale au mai kanaka mai, he lede u-i ka ka mea nana i aihue,” wahi a kahi elemakule me ka haka pono ana ae o kona mau maka i ka lede. Homaopopo koke aku la no ia i kona hikilele ana ao i keia mau huaolelo ana i hoopuka aku ai.

 

Aole i pau.

 

VIGILANT KE PALE O KE KIAHA.

 

            O ke kiakahi heihei Vigilant, i wae ia e pale aku i ke kiaha Amerika kue i ke kiakahi heihei Beritania Walkyrie i ona ia e Haku Duuraven, oia no ka waiwai o ka poe Hui Heihei Moku o Nu Ioka, a i hoolilo aku i $100,000 ma ka manawa e pau ai ka heihei. O na inoa o ka poe hui, ke alakai ia nei e E.D. Morgan a me C.O. Iselin.

 

            Penei ke ano o ka moku heihei kiakahi Amerika Vigilant, he 124 kapuai kona loa mai mua a hope, o kona loa hoi maluna ae o ka ilikai, he 86 kapuai 3 iniha, ke akea he 26 kapua, ka hohonu, he 14 kapuai, a o kona nui he kokoke 140 mau tona.

 

VALKYRIE, KA MOKU AA E LILO KE KIAHA.

 

            He moku heihei hou loa keia i kapili ia ma Enelani no Haku Dunraven, ma o ko ka ona moku iini loa la e aa heihei aku i na moku heihei o Nu Ioka no kela makana kau nui ia ke Kiaha kala Amerika, me ka manao e hulaa a hali i Enelani e paa ia ai.

 

            O ka moku heihei kiakahi Beretania Valkyrie, penei kona ano: he 126 kapuai kona loa mai mua a hope, kona loa hoi maluna ae o ka ilikai,  he 85.50 kapuai, kona laula he 20.6 kapuai, a o ka hohonu he 16.6 kapuai.

 

            He elima ka nui o na holo heihei ana i hooholo ia no keia mau moku, a o ka moku nana na eo ana ekolu mailoko mai o elima holo ana, alaila nana ka eo. Aka mamuli o ka eo nee papa ana o na holo mua ana ekolu i ka moku Amerika, nolaila na kukala ia nana ka eo, a haule iho la hoi ka hoa heihei Beritania.

 

            Eia na manawa oi o ka moku Amerika i mua o ko Beritania ma na holo heihei mua ana ekolu i na la like ole:

 

            Oct. 7—He 5 minue 48 sekona oi o Vigilant i mua o ka Valkyrie.

 

            Oct 9—He 10 minute 35 sekona oi o Vigilant i mua o Valkyrie.

 

            Oct. 13—He 40 sekona oi wale no o Vigilant i mua o Valkyrie.

 

Ka Hihia Apuka,

 

            I ka Poalima i hala, ua hoolohe ia imua o Lunakanawai Cooper ka hihia a ka Moiwahine Kanemake Kapiolani kue ia S.W.Mahelona, e noi ana e hoole ia kekahi palapala kuai mai ka Moi Kalakaua mai a ia S.W. Mahelona, no ke kumu he apuka. O kela palapala kuai, e hoolilo ana i kekahi aina nui makai o Kalihi no ke kumukuai he $5,000. Ke lawe mai nei hoi ka aoao pale e hoikeike i ka palapala kua a me ka palapala hookaa o ka $5,000 i kakau inoa ia e Kalakaua, me ka olelo o na kakau lima he oiaio no ia. O ka oiaio o keia mau kakau ino a me ka ole, oia ka mea i makemake ia e ike ma keia hoopii. No ka pau ole o na oleloike ma ka Poalima a me ka Poaono mai i hala, ua hoomau ia mai a noho hou i keia Poakahi aku.

 

Ka Auamo a na Anee Alii.

 

            Wailuku, Oct. 28:--JU. Kawainui—Aloha oe.—Eia ka mea hou o na wai eha nei, o ka hui imi dala a ka poe anee alii e kukulu ai a ke kaahele nei: I ka Poaono aku nei, i ka Hale Holohau o Wailuku; Poakahi i Waihee; Poalua, i Waiehu; Poakolu, i Waikapu; Poaha, i Honuauia. He hui keia e hoahu ana i mau dala e hoihoi ae ai paha i ka Moiwahine i kipaku ia. E ole hoi ka hoi ae! O.W. B. Keanu, Thos. Clark, S. E. Kaiue, Kahookele a me Keoni Likini, na alakai. E manao ia ana e hoolaha i keia hui a puni ka Pae Aina mawaena o na mea a pau o ia aoao.

 

NAWAIEHA.

 

He Moolelo Hawaii

 

            Mahope iho, ulu ae la kona manao e holo i Maui e kaua ai me Kamehameha nui ke alii o Maui, a e hoopalahalaha aku i kona mana aupuni malaila.

 

            I ka 1759 paha, ua holo oia a kaua ma Maui Kikiua, a lanakila oia, lilo mai o Koolau, Hana a me Kipahulu i mau panalaau no Hawaii.

 

            Ma ia wa mai, kipi mai la o Keeaumoku iaia, a kaua ma Pohakuomaneo, a auhee o Keeaumoku, a pae i Maui. A Malaila no, mahope iho o ka make ana o Kamehameha Nui, kipi hou o Kalaeililii i Waihee, a auhee hou, a pae i Molokai, loaa hou no ia kahekili i Molokai, a auhee hou oia no ke kolu o ka amanawa, a pae olulo i Hana, oia ku 1767 paha. O ka lau o na kukui ia kaua. A malaila, i ka 1768 ae i hanau ai o Kaahumanu na Keeaumoku me Namahana ma Ponahakeone, Hana Maui.

 

            He mau kaua e ae no ka Kalaniopuu ia Kehekili, aole nae he lanakila, e auhee mau ana ia Kahekili, e Kahahana ka Moi o Oahu, ma kahi o Kumahana i wailan ia no ke pi, i ka 1773.  Me kahahana no hoi o Keaulumoku ia wa, he haku mele kaulana, a me Kaopulupulu ke kahuna. I ka 1775 holo hou mai o Kalaniopuu a kaua me Kaneolaelae ma Kaupo, aole oia i lanakila, ua auhee aku ma na waa. Ma ia kaua ana i komo ai o Kamehameha a me ke Kuhaupio iloko o ke aluka o na hanei i he laumeki e lele makawalu mai ana imua o laua me he @ pakaua la, aole olaua mea i manuhue; a ua like hoi ke kanaka i ko laua lima ke loaa aku me he auhau la ka paapaaina. Ilaila i mahalo aku ai o Kalaniopuu i ka ikaika o Kamehameha.

 

            I kekahi makohiki ae, holo hou mai no o Kalaiopuu a me Kiwalao kana keiki e kaua me Kahekili ma Wailuku; ilaila i hoouka kaua ai na Alapa, a luku nui ia lakou e na koa o Kehekili, a make kekahi mau alii ma ia kaua ana. O Inaina, o Kewehano, a me Kanehailua. Ma ia kaua i kaulana loa ai o Pulu ko Kahekili koa maa ala hala ole. E ole o Kiwalao, nana i kii i ko lakou ola, a pakele. O kakanilua ka inoa o ua kaua la; o Kamokuilimaka kahi inoa. I ka 1777, holo hou o Kalaniopuu ma i ke kaua, a pae ma Kaupo, a kuua malaila; ua kapa iaia kaua, o Kalaehoahoa. A mai laila aku a Lahaina, a kaua hou, a ilaila i ku ai o Kekuhaupio i ka pololu a Pua ma ka opiopu, a uhai ia ka pololu e Kamehameha, a paa no ku maka o ka pololu pela, a ola no; a hiki mai i ke au o Kamehameha I i noho alii ai.

 

            Mai laila aku a Lanai, kaua hou, a hee ka puukaua o Hookio, a ua lukuia na alii kaua olaila, o Keliiaa ma.  O kamokuuhi ka inoa oia kaua. O ka Kalaniopuu kaua hope loa oia no ke kaua i kapa ia o Kamakamimi. Ma ia kaua i aloha ai o Kahekili i na makaainana, a hele mai oia e kaua ia Kalaniopuu ma Hamakuloa, a hoouka kaua nui malaila, a ma ia kaua ana i ku mai ai o Kapena Kuke, a e noho ana o Kalaniopuu ma i Wailua Koolau, Maui, i ka 1778.

 

            He nui no ko Kalaniopuu makemake e hui na moku a pau malalo ona, aole nae i hooko ia, olelo ia no kona paakiki loa ma kona manao iho, aole hoolohe i ke ao a ku papa kuhikuhi a na kakaolelo a me na kuhikuhi puuone ona.

 

            No ka make ana o Kalaniopuu.

 

            A mahope iho o ko Lono make ana, ike no oia i kona ano palupaluana; alaila, haawi oia i ke kauoha ia Kiwalaoa me Kamehameha kana mau keiki Penei: E! O ka nohoalii ka ia oe e Kiwalaoa ka`u keiki, a ia Kamehameha hoi kou kaikaina iaia “ka mo`a ana o ka aina.” E like ko olua noho ana, aole e iho mai ko luna e hana ino i ko lalo, aole hoi ko lalo ia luna. Mahope iho, i ka 1782, make o Kalaniopuu ma Waiohukini, Kau, he 3 mau makahiki mahope mai o Lono, a lilo ia Kiwalaoa ka nohoalii maluna o Hawaii Komohana, a o Keawemauhili kona kakaolelo a me ke alakai aupuni.

 

            O Keaweaheulu hoi ko Kamehameha. Mahope iho no, kipi iho la kekahi alii o Hilo, o Imakaloa ka inoa, a make oia. A ua makemake o Keawemauhili na Kiwalaoa e hai ke kino make o ua alii la i ke aku la Kukailimoku, a oia hoi ke ano o ka poni aua o na alii oia wa. Alaila hoouna ia na kanaka e kii i ke kupapau o Imakaloa, a lawe mai ma Pakini, na Kiwalaoa e hai. Al lohe hoi o Keaweaheulu, alaila houna ae la oia i kona kanaka nui o ke alo, e ukali uku mahope o kela huakai, a e hoohuli i ko lakou manao e lawe mua i uka o Kame@, kahi a Keaweaheulu e noho aka; a i na no ka ae ole mai, e lawe mai ma ka ikaika. A i ka halawW ana, ua ae mai lakou me ka oluolu, a ua hooko la ko Keaweaheulu makemake, na kona keikialii haku o hai mua ana i ke kino make. Aka, no ko Keaweaheulu makemake e hoao i ke koa a me ka wiwo ole o Kamehameha, he alii naauao no o Keaweahulu, kanoha aku la oia la Kamehameha hoi i ka mua, oia hoi ka heiau; @ ka lele e moe pu ai me ke kupapau ma ia po a ao.

 

            I ka wanaao ae komo aku la o Keaweaheulu i ka ua mo ano hakilo ia Kamehameha mo ka manao aia ola ma kahi kuono kaawale loa mai ke kino make mai kahi i haai ai, me ka makauhia la i ke kino laau koo-u o ka mea make. Aka, i ko Keaweaheulu komo ana aku, na hoopahaohao loa ia oia i kona ike ana aku e moe pu mai ana o Kamehameha me ua kino make nei, a ua hoouka aku oia i kona uha iluna o ka mea make. I @ la o Keaweaheulu, “O oe ka ka hanai e ola`i neia mau iwi.” A hoala aku oia ia Kamehame, a hai lana ia Imakaloa. A pau ka laua hai ana, alaila, hoihoi ia ke kino make ia Kiwalaoa, me ka manao ole ua Amama mua ia e kela mau kolohe, a pela i kapa ia ai o Amamalua.

 

            Mahope iho, paipai aku la o Keawemauhili a me na`lii a ame na puali la Kiwalao, e kii e kaua ia Kamehameha a me na alii a pau o Kona. No ka makemake nui o na alii o Hilo i ka pumehana o Kona, no ia mea i paipai ai o Keawemauhili a ame na`lii ia Kiwalao. A ia pu no hoi keia manao ona i ko Kona poe alii, makemake no lakou e koi aku ia Kamehameha o kaua i ko Hilo poe alii, no ka makemake i ka lei hulu Oo o Laa a me ka Ouholowai. Aka, ua kaa e nae ka lele mua i na`lii o Hilo; nolaila, holo mai la lakou a hiki i Kau, alaila lawe pu mai la lakou i ke kino kupapau o Kalaniopuu maluna o ka waa i loaa he kumu e hele ai i Kona.

 

            A hiki lakou mawaho o Kapalilua i Kona holo mai la o Kameeiamoku mai Honokua Kapalilua mai, e ike i ke kupapau o Kalaniopuu malnna o ka waa; a uwe iho la lakou me ke kumakenae nui. Nana aku la ia i ke ano o na`lii a me ko ka poe a pau o ka waa kupapau, he ano-e, a ninau aku W oia ia lakou. I hea ke kupapau e waiho ai? I mai la laakou, 1 Kailua. A maopopo iaia ke ano o ko lakou manao, he kaua; he oiaio no, i manaoa lakou pela, i nui kahi o Kona e lilo ai la lakou, nolaila i hoakea ia ai ke kupapau i Kailua. A hoi la o Kameeiamoku, a holo aku la ka huakai; a no ka nui loa o ka u-a, pae ae lakou ma Honaunaua, a waiho ia ke kupapau o Kalaniopuu iloko o Haleokeawe.  

           

Ia no, holo o Kameeiamoku i Kohala i o Kamehameha la, no ka mea malaila oia ia wa, aka, hiki aku oia ua hala iho i kahi la i Kekaha, ua kii ia aku e Kekuhaupio iaia no, hiki o Kameeiamoku i Kekaha a hui me Kamehameha, a hai aku ia oia i na mea apau i ike ai.  A maopopo iho la ia lakou ke kaua. A kukakuka lakou no ke kaua; alaila holo aku la lakou a kokoko ma Kawaloa ma Napoopoo, a ma Kee@ kekahi poe, a hui mai la na`lii kaikaina a pau o Kamehameha me ia, o na Pukaua o Kamehameha o Keemoku, Keaweaheulu, Kameelamoku a me Kekuhapio.

 

A lohe o Kiwalao no Kamehameha, holo mai la oia mai Honaunau mai e halawni me Kamehameha, a hui iho la laua me ka uwe nui ana, a pau ka laua uwe ana, i mai la o Kiwalao ia Kamehameha, auhea oe! E mamamake ana kaua la! Eia no ka makuakane o kaua ia o Keawemauhili ke pue mai nei o e kaua kakou, elua wale ana no paha auanei kaua e make. Aloha ino kaua!

 

Ke au o Kamehameha I.

 

Kaua I Mokuohai.

 

A pau ka laua hui aloha ana, hoi aku la o Kiwalao a Hon@unau, okioki iho ia i ka aina me kona mau alii, a nele iho la kekahi alii o Keaoua II ka inoa, no kona hoonaukiuki a me ke kuamuama ana ia Kiwalao, no kona hele ana e ike ia Kamehameha. Alaila, hoeueu ae la na`lii o Hilo i ko lakou mau puali e hele i ka lele kawa; a hele loa aku la lakou a hiki i Keomo, kua iho la lakou i ka niu olaila, a pepehi wale ake la i ko Kamehameha poe kanaka a make, a make no hoi kekahi poe o lakou i ko Kamehameha; a o ka hoomaka iho la no ia o ke kaua, no na la ekalu, a i ka ha, ikaika loa ke kaua ana o na aoao elua oiai na aoao elua e huikau ana na ihe, aia o Keeaumoku kekahi pukaua o ko Kamehameha aoao e hoouka kaua mai ana me ka ikaika i ko Kiwalao aoao; a hihia iho la oia i ka pololu, a hina iho i lalo. A hopu iho la kekahi o ko Kiwalao poe kaua @, a moku kona kua i ka pahoa.

 

            A hou iho la hoi kekahi lala i ka ihe, a ku oia, a akaena iho la, “ku aku la ka`u laau i ka aama kua lenalena.” A iaia e auume ana @ na WaWanla o ka ehaeha, na maaio kokoke loa mai la o Kiwalao i ona ula me kona ike no o Keeaumoku ia, ma o ka niho paiao ia, a kahea ae i kahi o konamau koa.