Ka Nupepa Kuokoa, Volume XXXII, Number 45, 11 November 1893 — Na Keiki Hawaii ma Kikako. [ARTICLE]

Na Keiki Hawaii ma Kikako.

! Aia he eiwa mau keiki Hawaii himeni puukani ma ka Hoikeike kii o ka lua o Pele o Kilauea ma Kikako, a me he mea la eia lakou ma kealanui e hoi mai nei no ke one oiwi me Moeheau ma ka mokuahi Monowai, a i ole maluna mai ana paha o ka Australia. Ua ike a halawai o Mr. Whitney me lakou ma Kikako he mau pule kakaikahi wale aenei no i hala. Ola maikai lakou a pau, a e mele ana no hoi e hke me ke kani o na manu aloha a ua makahehi nui ka poe a pau i komo makaikai ae i ka hoikeike o ke kii o ka lua o Pele o Kilauea. Eia na inoa o keia poe kamaiii: John Maipinepine, John Eluene, Wm. Aeko, East Kahulu, John Moke, J. K. Kanepuu, D. K. Ilae. D. Kahanamoku a me Wm. Olepau.