Ka Nupepa Kuokoa, Volume XXXII, Number 48, 2 December 1893 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXXII.    HELU 48.   HONOLULU, POAONO,            DEKEMABA 2, 1893.           NA HELU A PAU, 2470

 

Hoolaha Loio.

 

NELLIE M. LOWREY,

NOTARI no ka LEHULEHU

—A HE—

LUNA HOOIAIO PALAPALA A ME NA

PALAPALA HOOHIKI.

Keena Hana me W. R. Kakeia, LOIO, ma ka

@ makai o ka Hale Leta, Honolulu.   2370

 

J. S. SMITHIES (KAMILA,)

NOTALI  no ka LEHULEHU

—A HE—

Agena Haawi Palapala Mare

Mahukona, Kohala, Hawaii.               2378-1v

 

W. R. KAKELA,

Loio a he Kokua ma ke Kanawai.

HE LUNA HOOIAIO PALAPALA.

                        2370

 

ANTONE ROSA,

                        (AKONI.)

Loio a he Kokua ma ke Kanawai.

LUNA HOOIAIA PALAPALA.

Keena Hana ma Alanu Kaahumanu

                        2370-

 

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO O PAKAKA, Ho@ make kumukuai makepono loa, no ka @kai o ka lehulehu e makemake ana e ku @. E kipa mai a e ike kumaka

                        2396 q

 

WILDER & CO., (WAILA MA.

Mea Kuai Papa a me na Lako kukulu hule o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.

                                    2396-q

 

E. G. HITCHOCK,

(AIKUE HIKIKOKI.)

Loio a Kokua ma na mea a pau e pili ana ma ke Kanawai.

E OHIIA NO NA BILA AIE ME KA AWIWI

HILO, HAWAII.                   23770

 

JAMES M. MONSARRAT,

                        (maunakea,

Loio a he Kokua ma ke Kanawai

HE LUNA HOOIAIO PALAPALA.

            E hana ia no na Palapala Kuai, Palapala hoolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai Paa.

            Keena Hana: Hale Pohaku hou ma ka aoao ma Waikiki o ka Halewai, alanui Klepa.                        2370

 

J. HOPP & CO.,

Na Poe Hana ma na Lako

Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana, ua Lako Hale me ke kumuhuai emi.

Honolulu                     2396-q

 

J. T. WATERHOUSE,

                        (WALAKAHAUKI.)

Halekuai o na Lole Nani Panio!

LAKOHAO.

Na Lako Hana Mahiko,

A PELA AKU HE NUI WALE.

Alanui Moiwahine,     Honolulu.

                        2896-q

 

SING WO CO.

HELU 43 : : ALANUI NUUANU

            Aia ma keia Halekuai, e loaa ai no lo@e maikai o na lede a me na keonimana, a pela no ko na kamalii a me ko na wahiue mau mea hoohiehie.

            Ke ko@o aku nei makou ia oukou e kipa kilohi i ka nani o Aipo.

SING WO CO.

                        2456-3ms.

 

KO BIHOPA MA,

BANAKO MALAMA DALA

ELAWE NO MAKOU I NA DALA HOOMOE ma ka hoaie ana ma ko makou BANAKO Malama Dala malalo o keia mau kumu:

            Ina e hoomoe mai ke kauaka hookahi i na dala Elima Haneri, e uku no makou i ka ukupanee ma ka Klima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a ua waihoia paha ke dala a hala na malama ekolu i ka wa e hooponopono ia ai na helu. Aole uku panee e helu ia maluua o na dala ha@ma no na @a elua paha o ka mahina.

            Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

            He 30 @a mamua ao o ka unuhi ana aku o kekahi kanaka i kana mau dala, e hoike e mai i ka HANAKO, a e luwe pu ia mai ka buke dala i ka wa e kikoo ai.

            Aole dala e uku ia, aia wale no ma ke kikoo ka moa nana i hoomoe mai i ke dala me ka @we pu mai i ka buke hoahu dala.

            I ka la mua o Sepatemaba o kela a me keia makahiki e hooponopono ia ai a helu o na mea a pau, a o ua uku panee i uku ole ia ma@na o na puu dala a pau @ waiho ana me ke @koo ole ia, e helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumu paa mua

            O na puu dala haomoe mai maluna, elima haneri dala, e lawe ia no mamuli o o a@like ana.

            E hamama aua ka Banako ma na @a a pau o ka hebedoma koe na la Sabati a me na @a Kulaia.

BIHOPA MA

Honolulu, Iau              2@-q

 

KA EUEU WIWO OLE O

NU IOKA

A I OLE, O KA

Makai Kiu Hale Niwela,

MOKUNA XXII.

            Ma ka ao ana ae ua hele koke aku la ka makai kiu e hoike i na mea a pau i ka loio o ka wawai o ka lede aoo i make, a me na lunakanawai a me ka loio o ke aupuni. Ua lawelawe koke oia no na mea e pili ana i ke kanaka opio Walaka Parama. Aole i kani ka hora 10 o ia kakahiaka ua hookuu laelae ia ae la ke kanaka opio mailoko mai o na paia kawa-u o ka halepaahao.

            Ua hookahaha nui ia ka naau o ka lehulehu i ka ike ana iho i keia mau mea maloko o na nupepa o ia la. He nui a lehulehu wale na poe i hele mai e panai i ko lakou mau hoomaikai i ka makai kiu opio, mai ka poe kulana kiekie a hiki aku i ka poe haahaa loa, oiai ua kapa mai kekahi o lakou iaia he pupule i na la i hala ae no ko ianei kue mau i ko lakou manao, a ua hilinai loa lakou o Walaka Parama io no ka mea nana i powa ke ola o kela luahine waiwai nui.

            Ia wa ua hookomo koke aku la o Hale i kekahi olelo hoolaha iloko o na nupepa e kahea ana i ka poe i ike ia Mele Andasona e hele mai e hoike iaia a e loaa no he uku makana kiekie, a i ole oia maoli no hoi ke hele mai e hoike iaia iho, ina nae eia oia ke ola nei.

            Ua kaumaha loa ko Hale manao, no ka mea, aia hoi i kona maopopo lea loa ana i keia mau mea a pau, a ua makaukau ka aha hookolokolo e haawi aku i na waiwai a pau o Mrs. Balauwina ia Mele, eia nae aohe ona wahi e loaa ai. Ua nalowale loa oia. Malina paha ua make io no. Hoomanao mai la oia no kela muliwai, kahi hoi ana i maopopo lea loa ai ua lele o Mele iloko o laila, no ka mea, akahi no oia a hoomaopopo ae o Aleka keia wahine ana i kuhihewa mau ai o Mele; nolaila ua luuluu loa kona naau no ke kaikamahine i hoauwana makehewa wale ia mamuli o na hana a kela Badawela, ke kanaka powa kaulana o Nu Ioka.

            He mau pule i hala ae mai ka make ana o ke kanaka powa kaulana, aia hoi, ma kekahi la oiai ka makai kiu e hele ana ma kekahi alanui o ke kulanakauhale o Bulukalana ma kekahi aoao mai o ke kulanakauhale o Nu Ioka, aia hoi ua hoopuiwa ia kona naau i ka ike ana aku o kona mau maka i kekahi lede opio e hele ana ma ke alanui, a ua hoomaopopo koke iho la oia aole kela he kaikamahine okoa, aka o ka mea no ana e huli hele nei i o a ianei a e ake nui loa nei e loaa. He mau wahi aahu weluwelu ma ke kino o ua kaikamahine la, a o kona mau papalina mohaha maikai hoi i haiamu ia e ka nani i na la i hala ae ua nalohia aku ia, a o na nanaina haikea ke hoalii ana ma ia wahi. No laila, me ke kakali hou ole iho ua hele pololei aku la o Hale a mamua o kona kokoke loa ana aku i ke kaikamahine ua hooho ae la oia:

            "E hoonani ia ke Akua! Akahi oe a loaa iau!"

            Huli ino mai la ke kaikamahine me kona mau nanaina haikea a puiwa hoi no keia leo ana i lohe ai a ike mai la i ka maki kiu, a oia kana i pane mai ai me keia mau huaolelo:

            "Heaha no hoi kou mea e alualu hoomano loa nei iau aole anei he aloha iloko o kou puuwai?"

            "Auwe! E ka lede opio, o oe no kai aloha ole ia oe iho; ke pee wale nei no oe me ka hoonele makehewa wale ana no ia oe iho, a ke pee wale nei hoi mai kou mau hoaloha oiaio aku."

            "O oukou anei kou mau hoaloha ka poe e akenui loa nei e hopu a kiola iau iloko o ka halepaahao me kou hala ole?"

            "E hoolohe mai oe lau e Mele Andasona; aole loa kekahi wahi hoohuoi nou ma kekahi @ihi o na hana hewa, ua maopopo loa kou maemae. Mamua o ka make ana o kela kanaka ino nana oe i hoauwana (Badawela), ua mihi pololei loa mai oia imua o makou a pau nana ponoi no i hana na karaima eleele a pau, a nana ponoi no hoi i hookonokono ia oe e hana i kela mea au i hoohiki mai ai aole oe e hana hou; a ke hauoli loa nei au i kou kupaa iloko o na hoowalewale he nui."

            "Ua maka @o anei o Badawela?"

            "Ae. Aole ka paha oe i heluhelu i kona moolelo iloko o na nupepa ma ka la mahope koke iho o kona make ana?"

            "Aole loa au i aa e heluhelu i kekahi nupepa no kehahi mau mahina loihi i hala ae nei, o@a hoi mai kela po mai au i lele ai iloko o kela muliwai."

            " A ua lelo io no oe iloko o ka muliwai?"

            "Ae, ua oi aku kou minimina i kou inoa mamua o kou ola."

            "He nui kau mau mea e makemake nei e hoike aku ia oe, nolaila e ae mai oe e hoolohe pono mai, a e hilinai mai hoi i kau mau mea e hahai aku ai," wahi a Hale.

            "Ua maopopo iau he kanaka hoopono a wiwi ole oe, aole au mea e kanalua ai nou."

            Ia wa ua hahai aku la o Hale i na mea a pau mai ka mua a hiki i ka hopena, a i ka pau ana ua nonoi aku la oia i ka lede opio e ae mai e hoi pu me ia no ka home o ka luahine i make (Mrs. Balauwina), ka home hou hoi o ua kaikamahine la. Ua ae mai la ua lede opio la a huli hoi aku la laua, a he manawa pokole ua hoea maalahi aku la laua i ka hale nui oluolu i lako pono me na mea a pau e oluolu ai.

            I ko laua hoea ana aku ua hookipa ia aku la ka lede opio a haku hou hoi o ua hale la, e kekahi lede aoo maikai. He wahine hou keia i hoolimalima ia e ka loio e noho malaila no ka malama pono ana i na mea a pau o ka hale a hiki i ka wa e loaa ai o ka mea noua ka hale.

            Mahope o ko Hale haalele ana aku i ka lede opio, ua hele pololei aku la oia no kahi o ka loia, a me ka piha hauoli oia i hoike aku ai i na mea a pau.

            Me ke kali ole, ua hele pololei aku la ka loio e ike i kona haku waiwai hou. Ua hoolako aku la hoi oia i ka lede opio me na dala a pau e lawa ai o kona mau makemake; a ua hoike pu aku la no hoi o@a o ka nui o kona waiwai aia ma kahi o ka ekolu hapaha miliona dala.

            He elua pule mahope iho o ko Mele Andasona noho ana iloko o ka oluolu a me ka hauoli, aia hoi iloko no nae o ia mau lako a pau aia nae kekahi mea e haehae ana ia loko o kona puuwai, a ano lilo maoli hoi ia mea i mea nona e mai ai.

            Mai ka la mai a Hale i hoihoi ai i ka lede opio a noho ma kona home a maluna hoi o kona waiwai, aole loa oia i hele hou aku e ike iaia, a aole no hoi oia i hele hou e ike i ka loio.

            Ua haohao nui ka loio i keia hana a ka makai kiu opio, oiai ua makuakau oia e uku aku i ka uku no ko Hale luhi, aka aole nae ona hoea iki aku. No keia haohao o ka loio, nolaila ua hele aku oia e ninau ia Mele Andasona ina paha he hoea aku o Hahe ilaila, aka ua hoonele pu ia no ia manao ona, no ka mea aole no he ike iki ia ak o ka makai kiu i ko Mele hale.

            Ia Mele Andasona nae e nanea ana maloko o kona keena i kekahi la, aia hoi ua hoea mai la kona kahu hanai wahine a hoike mai la ua makemake kekahi keonimana e ike iaia maloko o ke keena hookipa. Puiwa ae ia o Mele me kona manao o Hale, aka i kona hoea ana aku aia hoi he kanaka e. Iaia no a komo aku, oia no ka manawa a ua kanaka la i lele mai ai a kulai iho la i ke kaikamahine ilalo o ka papahele me kona unuhi ana ae e pahu iho i kana pahi ma ke umauma o ke kaika mahine. Aole nae i hololea kana hana, no ka mea ia wa koke no ua loaa mai la ke kumu pepeiao o ua kanaka la i kekahi puupuu oolea a kunewa aku @a oia a waiho ana ma kahi kaawale mai ko Mele wahi aku e waiho ana, a me ka eleu ua hoopaa koke ia ae la na lima o ua kanaka ia me na kupee hao. Ala koke ae a o Mele a me kona hikilele ino ua hooho ae la oia:

            "E kuu Hale aloha ! He oiaio, o oe io no kou aneia hoola !"

            "Lake maoli kou hoea ana mai nei i keia wa," wahi a Hale.

            I kela wa ua kahea aku la o Hale i kekahi makai e ku kokoke ana ma ia wahi o ke alanui, a lawe ia aku la ke kanaka powa no ka halapaahao; a ike ia iho la oia no kekahi o na kanaka powa a na kiu i hookolo loihi ai. Ma ia hope mai ua lilo o Hale i hoaloha pilipaa loa no ka lede opio waiwai.

            Aia hoi, i kekahi la ua hoea aku la o Hale i kahi o kona hoaloha ka loio aoo a kahu waiwai hoi o Mele. Me ka hauoli palena ole, ua hookipa mai la ke kanaka aoo iaia.

            "Ea! Ihea oe iloko o keia mau la loihi i hala ae nei?" wahi a ka loio.

            "Ua piha loa ia kou manawa me ka hana, nolaila au i kipa mua ole mai ai," wahi a ka makai kiu opio.

            "He kup@ naha maoli kou hele ole mai e kii i kou uku, no ka mea nau kela mau dala makana, a me kou uku maoli o ka hookolo akahele ana i kela hihia pepehikanakaka."

            Minoaka iho la ka makai kiu a pane aku la:

            "Aole au e lawe ana i kekahi keneta o ia mau dala."

            "No ke aha hoi." wahi a ka loio ma kona kahaha nui,

            "Ua nonoi au i kou aku, a he hookahi pule mai keia ia aku e hooko ia ai kou makemake, ke ae mai hoi na lani."

            "Heaha ia uku ou?"

            "He hookahi pule mai kela ia aku e lilo ana o Mele Andersona i wahini mare nau," wahi a ka makai kiu.

            Mai ka hookuu ia ana o Walaka Parama, ua lilo oia he aikane pilipaa loa no Hale Niwela, a mai ia wa mai hoi ua lilo oia kekahi o na makai kiu eleu loa malalo o ka Hale ao ana, a ua haalele hoi i na hana waiwai ole o ko keia ao. A o kona kaikoeke a me kona kaikuahine ua lilo laua i ma mea kuonoono mamuli o ka Hale alakai ana, a i keia la o Hale Niwela kekahi o na kanaka waiwai loa o Nu Ioka; a oia no hoi ka makai kiu oi kelakela ma ka wiwo ole.

            "O ka makau wale ke alanui pokole e hoea ai i ka luakupapau, a o ka wiwo ole ka moto o ke kanaka pono."

KA HOPENA.

 

He Moolelo Hawaii

            Holo aku la kekahi moku ona ma ka aoao akau o Oahu, a holo aku hoi no Vanekouwa ma ka hema, a ku i Kauai, a ike oia ia Kaimualiii ia wa he kamalii wale no.

            Hoike oia malaila i ke ahi kaolele a mahalo nui loa na kanaka me ka makau no nae. A mai laila aku oia no ka aoao komohana-akau o Amerika.

            Ma keia huakai mua a Vanekouwa, aole laua i halawai me Kamehameha; aole no hoi me Kahekili a me Kalanikupulu. Ma Lahaina o Kahekili, a ma Koolau o Kalanikupule.

            He elua mau mea a Vanekouwa i loaa mai ma keia ku ana, he mau lole ula elua. A ua mahalo nui ia keia mau lole e ko Hawaii nei.

            Ua kapaia kekahi lole o Kekupuoki; a o Kekualapu kekahi, no ka ula o ka lole         kela kapa ana ia mau inoa.

            Olelo o Vanekouwa ma ia ku ana mai ona, ua emi loa na kanaka a me na alii, aole nui e like me ka wa i hiki mai ai o Kapena Kuke.

KA PEPEHI IA ANA O KEKAHI MAU

HAOLE O KEKAHI MOKU O

VANEKOUWA, MA

WAIMEA, OAHU.

            O Chatham, oia ka lua o ka moku o Vanekouwa i holo aku ai ma ka akau o Oahu, i kona holo ana aku, ike aku la na kanaka i ka holo ae o keia mea nui ma ka moana, a he mea kupanaha loa ia ia lakou, a makahehi loa lakou i ka ike ana.

            Kahea ae la na kanaka kekahi i kekahi, "Ka pukoa nui e nee ae nei—e!"

            Holo no ka moku makai, hele no kanaka mauka, e hooho hele ai, "Ka@ mea nui—e! Ka pukoa nui—e" a pela wale aku.

            A pela no ka nee ana o ka moku a hiki i Waimea; aia ia wahi ma ka akau o Waialua, Koolau, o ka la 7 ia o ia malama no.

            Aole nae i kuu ka heleuma, kalewa wale no ka moku. Hoomakaukau ae la lakou e holo i uka i wai no lakou, a me na mea eha kekahi, na pahi loloa a me na pu; a hookuu iho la i ka waapa pelupelu o lakou ke kai.

            A holo mai la lakou a pae i uka o ka aina, a paapu mai la na kanaka; hoao iho la lakou i ka wai ma ka nuku o ka muliwai, a no ka awaawa ua hookoni hele aku la lakou pela e ake ana e loaa aku kahi e ono ai ka wai.

            Ho-au hele aku la lakou pela i na pahu, a pela no ko lakou hele ana a hala loa i uka o ka muliwai; ukuhi iho la lakou a piha na pahu i ka wai; ho-au ae la kekahi poe haole ma ka muliwai i na pahu wai o lakou, a haele ae la hoi kekahi poe o lakou mauka o kapa o ka muliwai.

            I ua mau haole la i hiki ae ai ma kahi paapu o na kanaka, alaila manao iho la lakou e pepehi i ua mau haole nei; hilikau ae ia na kanaka i ka pohaku, aole nae i pa mai ia wa. Aia hoi kekahi kanaka, o Kapaleaiku kona inoa, nana i nou mai i ka pohaku a pa ma ka auwae o kekahi haole, a hina ia ilalo

            A ike na kanaka o keia kapa i ka hina ana o ka haole, naholo mai la lakou ma keia kapa e pepehi i na haole i koe. A hoao na haole e holo, aka puni ae la i na kanaka he nui loa; pakele hookahi, a holo aku ia a loaa na haole e hoau ana i ua pahu wai, a haaele iho ia i na pahu a holo aku ia ma kela kapa o ka muliwai, a hiki i ka waapa pelupelu o lakou, a panee aku la i kai. A ee ae la lakou a pau iluna, a hoomamao iki aku la, a ki nui mai la i na pu a lakou; aole hoe aku, lana malie mai la no makai aku.

            I na kanaka hoi e pepehi ana i na haole, uwe ae la lana no ka eha. I ae la kekahi kanaka, "E! ke uwe ae nei la! He kanaka nu ka paha, kai no he akua, i ke alohilohi hoi o na maka."

            I mai la hoi kekahi, "E! e akahele oukou e pepehi mai nei i na akua; o Lonoikaoualii ma na la, ua make o Lono i Hawaii, koe mai o Lo@oikao@alii. O Peleku nui ikaika ma na la, he akua."

            A make loa iho la ua mau haole la; o Lutanela Hergeat a me McGooch, he ao hoku.

            Nana mai la kela poe o luna o ka moku a ike mai la ua make kekahi poe o lakou, alaila hoololi pono mai la i ka moku i uka o Waimea, a ki mai la na pu o ka moku i uka o ka aina."

            Hooho ae la na kanaka, "Heaha la hoi keia mea e oeoe ae nei maluna o kakou?" I mai la kekahi, "Kai no hoi he one a ia, he mea make; o ka a mai hoi paha ia la, a pau loa ka aina. Pakele paha kakou i ka make e ana iho nei o keia mau akua; ina paha la o ko laua nei noho mai la ia i uka nei, pau loa kakou i ka make."

            Hoomau mai la no ka moku i ke ke ana i ka pu a po ia la, a nolowale aku la.

HOEA HOU MAI O VANEKOUWA.

            I ka malama o Feberuari, la 14, 1793, hiki hou mai o Vanekouwa i Hawaii nei, mai ka aoao komohana akau mai o Amerika, a ku ma Kawaihae.

            Noi ikaika aku la kanaka iaia i pu, a i pauda ma ke kuai. Hoole aku o Vanekouwa aole e kuai ia mau mea ia lakou. Ua nui ka makemake o na kanaka o Hawaii nei ia mau mea ia mau la, oiai he manawa kaua no ia, a e nai ana noo Kamehameha i ke aupuni ia wa, Oahu a me Kauai koe.

            A mailaila aku, ku o Vanekouwa ma Kealakekau, i ka la 22 ae oia malama no a hui oia me Kamehameha.

            Ia wa, ua haawi makana aku la oia ia Kamehameha he elna mau pipi, he pipi kane a me ka pipi wahine. No Moneterei mai keia mau pipi a Vanekouwa i lawe mai ai, he aina ia aia ma Amerika.

            Ua mahalo nui ia keia mau holoholona e ko Hawaii nei no ke ano e a ua kapaia ka inoa, he puaa pipi. Oia mau pipi na kumu hoolaha o na bipi e holo hihiu nei i nela nanaawa ma Waimea a me Maunakea, a me na kuahiwi e ae a pau o Hawaii.

            A hana lokomaikai no hoi o Kamehameha ia Vanekouwa, pilikia iho la o Vanekouwa i ka wai ole a lawe mai oia i kona mau pahu wai iuka, a ua kena ae la o Kamehameha i ua kanaka e auamo hele i na pahu, a e hoopiha i ka wai.

            A ua lawe ia na pahu wai e na kanaka ma keia wahi keia wahi, a hoopiha ia i ka wai ono, a hoihoi ia aku i ka moku, a makana aku la hoi o Vanekouwa i na kanaka he mau wahi iniha hao pakahi.

            Ao aku o Vanekouwa ia Kamehameha e hoopau i ke kaua ana, a e noho launa pu me na alii o Maui, Oahu a me Kauai,; aka aole no i ae maopopo aku o Kamehameha Haawi mai o Vanekouwa ia Kamehameha he mau paa-lole maikai; a haawi aku no hoi o Kamehameha i aahu (ahuula) hulu manu no ke alii o Beretania.

            Ma ka la 8 ae o Maraki, haalele o Vanekouwa ia Kealakekua, a i ka la 12 oia maluma no, ku oia ma Lahaina a hui oia me Kahekili. Ua elemakule oia. Ao aku o Vanekouwa iaia e hooki i ke kaua ana me Kamehamea, a e launa pu me ia ka mea pono; aka, ua makehewa ia olelo ao ana, no ka mea, ua hoole mai o Kahekili.

            Ua makemake no oia e kaua me Kamehameha no kona luku wale ana i na kanaka o Maui me ke kaua pani wai o Iao, a mai make kana keiki. A i hoi hou no hoi o Maui iaia a no kana keiki. Aka, aole no nae i paa ia manao ana, i ka wa i kii mai ai o Kamehameha e kaua iaia i ka malama mai o Sepatemaba oia makahiki no, i ike ia mamua ae nei.

            A ma ka 19, haalele o Vanekouwa ia Lahaina a holo aku no Oahu, a ku ma Waikiki i ka la 20 ae; a halawai oia me Kalanikupule ke alii o Oahu ia manawa.

            Ninau o Vanekouwa iaia no ka poe nana i pepehi ka Lutaneia a me ka mea ao hoku o kekahi moku ona ma Waimea ma ka akau o Wailua.

            A kena ae la ke alii e ki@ ia ua poe nei a lawe mai imua ona. A i ka hoea ana mai, he nui no lakou.

            Alaila, kena ae ia ke alii e ha@uku ia lakou a pau loa i ko pohaku. A ua hana ia keia mea imua o na maka o Vanekouwa, a pau loa lakou i ka make mainoino.

            A mahope iho o keia, holo aku la o Vanekouwa mai Oahu aku a ku ma Kauai, a mai ilaila aku no ka a@ao komohana akau o Amerika.

KO VANEKOUWA HIKI EKOLU ANA MAI.

            I ka la 9 o Ianuari, 1794, i hiki hou mai ai oia i Hawaii nei, mai ka a@ao komohana mai o Amerika, a hoea mai la iwaho pono o Hilo. Aole nae i komo iloko, no ka mea, e pa ana ko laila makani kamaaina (Kauhaa he Ulua@nui), he makani pono o@e ia ke ku ka moku.

            E noho ana o Kamehameha ma Hilo ia manawa. Holo aku @a o Kamehamea, a e@ aku @a iluna o ka moku, a halawai laua me ka hauoli nui. Holo pu aku la laua ma ka moku ma Puna aku, a ma Kau, a ku ka moku ma Kealakekua i ka la 12 ae oia malama no.

            Haawi hou o Vanekouwa ia Kamehameha i mau bipi hou a i mau hipa no hoi, ua mahalo nui oia la mau mea i haawi ia mai me ka makemake nui, no ka mea, ua manao no oia he mau mea ia e waiwai ai kona aina.

                         Aole i pau.

 

NAPOLIONA MA LODI

KA HOOILA KAUA MA KE ALAHAKA

MA LODI, AUSETURIA.

Ka La@akila Ana-Ka Hoolala Wiwo ole hoi o na Wiwo ole

            UA HOOLALA O Napoliona e hoouna kamoko aku i kona puali holookoa maluna o keia alahaka a ua hookoia. O kahi mea pilikia wale no ke kowa e maki aku ai a hiki i ke alahaka, a ke kau pono iluna o ke alahaka a kaa ma kela aoao, o ka loaa no ia o ka lanakila.

            Ua hoolaha o Napoliona e hoouna kamoko aku i kona puali holokoa maluna o keia alahaka a ua hookoia. O kahi pilikia wale no, oia no ke kowa a maki aku ai a hiki i ke alahaka, a ke kau pono iluna o ke alahaka a ke kaa ma keia aoao o ka loaa no ia o ka lanakila.

            Aka, pehea hoi na koa Auseturia he 6000 i hookahua paa ia ma kela aoao? Ina a ko io keia hoolala a Napoliona a kau kona puali maluna o ke alahaka, aole anei e keakea hahana iamai ana oia ma kela aoao? Ua ike o Napoliona i keia, aka, ua hoonou aku no nae oia i ka hoaka pihaia ana o kana papakuhikuhi. Ua makaukau na mea a pau, a e kali wale ia ana no o ka hiki koke aku o Augereau a me kona puali no ke kokua ana i ka mahele mua e manao ia ana o lakou ke lele mua.

            Hoouna awiwi ia aku la he 40,000 koa helewawae no ke poo o ke alahaka a me 300 bataliona koa pukaa liilii mamua loa o ka laina kaua. O ke akea o kela lainakoa kaua ua like no ia me ke akea o ke alahaka a ua hoonohonoho ia ke hiki i ka wa e puka ai o ka huaolelo "Imua Hele!" Ua hiki i ka mahele mua ke maki hele poepoe ae mai ko lakou wahi e hoolulu ana a hala mai ka ipuka ma ke lele hookahi ana, alaila, holo mama aku maluna o ke alahaka a hiki ma kela aoao me ka nui ole o ka poino. Ua hele maoli aku o Napoliona iwaena o kona mau koa a kamailio aku la imua o lakou me na olelo holana.

            Mawaena paha o ka hora 6 a me 7 o ke ahiahi, lohe ia aku la ka halulu o na pukuniahi a ka mahele koa i hoounaia ai malaio o Bumona, a ia wa i ike ia aku ai ke ano pioloke o na koa Auseturia. I keia manawa no hoi i kauoha awiwi aku ai o Napoliona e haawi kokeia ka hoailona no ka maki ana o na pualikoa like ole imua o ke alahaka. Ua kani kapalili ae la na pahu i ka hoailona no ka maki ana, a ia manawa i hoomaka aku ai ka mahele mua loa e haalele i ko lakou mau wahi hoolulu a maki aku la no ke alahaka a hoao aku la e ae. Aole nae i hiki. Ua loaa mai la ka mahele pukaa liilii me na poka pukuniahi a pau iho la ka mahele mua loa i ka make a kuemi hope mai la hoi ka mahele elua. No keia popilikia, ua kuemi hope mai la ka mahele mua o na koa helewawae a ano kuihe iho la ko lakou manao. Ua ike mua no o Napoliona i keia. Ua ike mua no oia i ka hopena o keia hoolala hookalakupua, a he laau lapaau no nae kana i hoomakaukau mua ai. Oia hoi, i ka manawa i hoike mua loa ai na pahu i ka hoailona no ka maki lele kaua ana, aia i keia manawa he mahelekoa ki pololei ke make kokolo ae la ma ka pili pa pohaku o ke alahaka. Aole lakou i ike ia. Ua au a ua hele ku aku lakou a hiki i ke kau ana maluna o kekahi wahi ahua pohaku iwaenakonu o ka muliwai, a hoomaka aku la lakou e ki pololei i na koa Austuria me na pukuniahi. I ka ike ana o ka mahele mua o na koa helewawae i ke@a mea, ua hookupaa iho la lakou ma ke kuiana i loaa a hoomaka hou aku i ka nee ana imua, ua lele maoli aku la o Napoliona a mamua pono o lakou a alakai kino maoli aku la, a i ka ike ana o kona mau kenela i keia oia o Cervoni, Dallemagne, Berithier, Masena a me La@nes, ua holo aku @a lakou @ hoopuni ae la @aia a hookahi ka hoeueu a alakai like ana.

            Imua! Imua! lakou a pau e hele mai. I keia manawa nae aole ilu@a o ka lepo hoaua, aka, maluna o na kino make o ko lakou mau hoa ponoi i hele hoi a ku ke ahua ma ke alo o ke alahaka. He holo mama ana maluna o keia mau ahua kino make,—he mau sekona wale no ia no ke pio a me ka lauakila,—alaila, ua kau malaelae aku la ka mahele mua o no koa Farani malu@a pono o ke alahaka a ua palekana hoi mai na poka pinapinai a na koa Auseturia.

            Me he hekili la i poha iho a mao ae, pela iho la ka hikiwawe o keia alakai ana a Napoliona i kona pualikoa a kau maluna o ke alahaka, a i ka ike ana o na koa pukaa. Auseturia ua pau aku la lakou i ka naholo a haalele iho la i na pukuniahi.

            A e Like me ka Napoliona i ike mua ai aole he hiki i ka mahele hope o na koa Auseturia ke helo koke mai e kokua i ka mahele mua iloko o ka manawa kupono, nolaila, ua hoonou ikaika aku la oia i ka mahelekoa mua o ka poe Auseturia a hoopuehu liilii aku la, a me ke kali ole iho i hookahi manawa kupono e hoomaha ai o na koa, ua hoonou hou aku la oia ia lakou o hele aku imua a e lele kaua aku i ka mahele elua. A e like me ka haawina i loaa i ka mahelo mua, pela iho la no ka haawina i kau iho maluna o keia mahele. Ua kuemi liilii aku lakou i hope a pela ka nee liilii ana a hiki i ko lakou auhee loa ana.

            Ua huli mai no kekahi poe koa Auseturia a ki mai i ua koa Farani i kumu paha e pau ole ai lakou i ka hopuia—he hakaka lua iho la paha keia—a ma keia ano hakaka ua oleloia, ua nui na hana koa i hanaia e na koa o Napoliona. Ua pau ke kauna ana. Ua lanakila o Napoliona. Ua ninau ola i ka inoa o ka poe koa i lawelawe i na hana wiwo ole imua o ke kahua kaua, a ua hoikeia aku la ka papainoa holookoa o ka mahelekoa pukaa liilii a o ka hapakolu nae o lakou ua pau i ka make.

            Ua o aku keia lanakila o Napoliona maluna o keia wahi alahaka o Lodi ma kela a me keia pea o ka honua, a iaia o noho pio ana ma ka mokupuni o Helena ua lohe oia i ka heluhelu ia o keia moolelo o ke kahua kaua ma Lodi, a me ka olelo pu ana o Napoliona ka mea mua loa i a-e aku maluna o ke alahaka. Ua hoole oia. "O Kenela Lannes ka mea mua loa i a-e a he uhai wale aku no kau mahope."

            Ia Napoliona i waiho aku ai i kana hoike no keia hooilikaua imua o kona aupuni ua haawi oia i na mahalo a me ke kumu o ka lanakila ana maluna o kona mau koa. "He ku maoli no i ka weliweli na poka pukuniahi a na koa Auseturia e lele makawalu nei maluna o kou mau koa," wahi ana i hoike aku ai. "Eia kou mahele mua ke hookokoke aku nei i ke alahaka—loaa mai la lakou i na poka pukuniahi—pau i ka make kekahi, ka nana kekahi mahele a aneaue hoi kekahi mahelo e kuemi hope. He mau minute keia o ka

NAPOLEON WENT AMONG THE TROOPS

popilikia. Ike au i keia a me kuu mau keneia a @ele aku la makou a alakai kino aku la. Iloko o ka imo ana a ka maka aia makou ke hele la i ka lua o ke alahaka." Ma kekahi wahi, ua olelo o Napoliona, ua like keia lele makawalu ana a na koa farani maluna o ke alahaka me he anapa ana @a na ka uwila ka hiki wawe.

            Ua olelo o Napoliona he 200 wale no koa i make o kona puali, a ma ka aoao hoi o na koa Auseturia, he 1,200 poe i make, 1,000 i lawe pio ia, 235 lio i make, 14 pukuniahi me 30 kaa pukaa i lawe pio ia.

            O ka hopena o keia kaua oia no ka lawe pio ia ana o ke kulanakauhale o Milana e na koa Farani a me ko lakou noho mana ana ma Lomobadia. Aole i pio ma kela kaua ana kekahi mahelekoa iho o ka poe Austuria, ua pio nae ma kekahi hoolii kaua ana iho, aka, ma ke taona nei o Lodi ma Italia i loaa ai ka honohano o ka inoa kenela a me ka lanakila mua ana.

                        GEORGE L. KILMER.

 

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERLAINS COLIC, CHOLERA a me DIAI ROEA REMEDY laau lapaau a e oi aku noa kou mahalo ke ike oe i kona hop@na. He oluolu, palekana a puhili ole. He oluolu, palekana a puhili ole, He 25 a me 50 keneta o ka omole, a e kuai ia no ma ua halekuai lapaau a pau. BENSON SMITH & CO., na Agena ma ko Hawaii Pae Aina. tf.