Ka Nupepa Kuokoa, Volume XXXIII, Number 1, 6 January 1894 — Ka Pane Hoole a Peresidena Dole i ke Noi a Peresidena Kalivalana e Hoihoi i ka Moiwahine i pau. [ARTICLE]

Ka Pane Hoole a Peresidena Dole i ke Noi a Peresidena Kalivalana e Hoihoi i ka Moiwahine i pau.

Ua hoopuka ia raai nei ka pane a Peresidena Dole ike noi a Peresidena Kalivalana e hoihoi aku i ke aupuni ika Moiwahine i pau, i kakau ia ma ka Hale Mana Hooko ma Honolulu i ka la 23 o Dekemaba i hala. He palapala aupuni hanohano, noea, wikani a e eo ai ka mahalo mau loa ia o ke kanaka e ku nei ma ke poo o ke Aupuni Kuikawa.

Ua wehewehe ia ma ia pane ka moolelo piha, na kumu lehulehu a me ka hoole ia ana aku o ko ka Peresidenao Amerika Huipuia knleana ole e noho hookolokolo aha uwao mai, 110 ka mea, aole i hoomana ia oia e na aoao elua malalo o kekahi aelike i kakau like ia a me ka hoole pu hou ia ana aku o ko ka Peresidena o Amerika Huipuia mana ole e komo mai e hokai i na hana kulokoo Hawaii nei. Ua panipani ia ma ka pane na mea a pau e hookoe ole ia ai kekahi wahi puka no ka lunakanawai o ka aha uwao i koho ponoi ia e ia iho no. Nolaila, ma ka hoopokole ana, ua pau 110 ka pane iloko 0 keia mau huaolelo, penei: "Ua hoonaauao ia mai au e hoike aku ia oe, e Mr. Kuliina (Willis) ke hoole haahaa a pupuahuluoleaku nei ke Aupuni Kuikawa o ko Hawaii Pae Aina i ka hookipa ana mai e noonoo i ka hoolala manao a ka Peresidena o Ameika Huipuia e haawi pio aku i kona mana aupuni i ka Moiwahine 1 pau."