Ka Nupepa Kuokoa, Volume XXXIII, Number 1, 6 January 1894 — Mehalo i ka Lokomaikai Piha o ka Agena o ka Papa Ola. [ARTICLE]

Mehalo i ka Lokomaikai Piha o ka Agena o ka Papa Ola.

I ka meai mahaloia, J. U. Kawainui, Lunahooponopono 0 ka Nupepa Kuokoa a me Ko Hawaii Paeaina i Huiia; Aloha oe.— 0 makou o na mai i loaa 1 na haawina o ke kaumaha aka mai lepera, nona ka heluna lie 16 e noho nei maka pa mai o Kaiihi a mao ko makou Komite la, ke hoike aku nei ma ke akea i ike mai ko makou mau hoa kanaka i loaa i na haawina o keia ano, e noho mai la mai Hawaii a Niihau i na hana lokomaikai a ku i ke aloha ame ka oluolu a ka Agena o ka Papa Ola. Ma ke awakea Poakahi, la Karisimaka, ua paliola mai o C. B. Reynolds ka Agena o ka Papa 01 a a me W. L. Beku ka luna malama pa-mai imua o makou, he papaaina i hoolawa pi?[aia me na ano mea ai Hawaii, aua pahola pu mai no hoi na wahine viligina he mau mea ai mama. Mamua ae o ko makou hoomaka ana e haupa i na mea ai i hoomakaukau ia, ua wehe mai o Mr. E. L.Paholei keiki o na pali Koolau, he haiolelo e pili ana i ka la hanau o ka Mesia; he ku i ka mahalo ame ka maemae kana haiolelo, mahope iho ua hookuu mai la na kaikamahine i ko lakou mnu kileo kani, malalo o ke alakai ana a Mr. E. Lawaia. He ku ika nani ke hoolohe aku i ko lakou mau leo nanahe. Ika pau ana o na hana himeni, ua haawi hou mai la o Paholei he pule hoomaikai no ka mea nona ka la, a mahope 0 ka amama ana ua haule īho la makou a pau iluna ō ka papahele a hoonuu iho la ina mea ai, a oiai makou e nuu ana ina mea ai, hookahi a makou olelo nui, o ka īnahalo 1 ka lokomaikai piha o ka agena. Ua ai makou aua lawa a oi *aku no hoi mamua oka mea kupono, aua paina hou iho no ma ke ahiahi a hoopau aku ke koena o na mea" ai ma ke kakahiakanui o ka Poalua ae, a he nui ko makou mahalo. Ka noho ana a me ka malama ia ana o na mai ma ka pa mai.—He maikai ko makou I noho ana e noho nei, he nui ka poi, pipi, ko, palena, laiki, ua ai a lawa pono, malalo oka lawelawe maikai ana a ko makou luna W. L. Beku, hekanaka oluolu oia ma na mea a pau a eia uiakou iluna o na pela a, me na moe uwea hao kahi i hiolani ai me he poe keonimana la ka hanohano maoli no. Nolaila, ke kauleo aku nei makou i ka poe a pau i loaa i na haawina kaumaha o keia ano, e ku mai oukou a pau a hele mai eia ka home kahi e loaa ai na kokua oluolu ana, a mai holo pee. Ke haawi aku nei makou a pau na mai e noho nei ma Kalihi, iko makou hoomaikai piha i ka agena a me ka luna malama o ka pa mai. Henry Kaauwai, Pa Mai o Kalihi, Dek 28, '93.