Ka Nupepa Kuokoa, Volume XXXIII, Number 25, 23 June 1894 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXIII.         HELU 25.       HONOLULU, POAONO, IUNE 23, 1894.  NA HELU A PAU, 2499

 

Hoolaha Loio.

 

J. S. SMITHIES (KAMILA,)

NOTALI no ka LEHULEHU

--A HE—

Agena Haawi Palapala Mare

Mahukona, Kohala, Hawaii.   2378-1y

 

W. R. KAKELA,

Loio a he Kokua ma ke Kanawai,

HE LUNA HOOIAIO PALAPALA.

2370

 

ANTONE ROSA, (AKONI.)

Loio a he Kokua ma ke Kanawai.

LUNA HOOIAIO PALAPALA.

Keena Hana ma Alan@ Kaahumanu.

2370--

 

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO o PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku  kulu hale.  E kipa mai a e ike kumaka.

2896-q

 

E. G. HITCHCOCK, (AIKUE HIKIKOKI.)

Loio  a Kokua ma na mea a pau e pili ana ma ke Kanawai.

@ O@A NO NA BILA AIE ME KA AWIWI

Hilo, Hawaii.   2370

 

WILDER & CO., (WAILA MA..

Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.

2396-Q

 

JAMES M. MONSARRAT, (MAUNAKEA.

Loio a he Kokua ma ke Kanawai

HE LUNA HOOIAIO PALAPALA.

            E hana ia no ua Palapala Kuai, Palapala Hoolimalima, a me na Palapala Pili Kanawai @ ae ma ka olelo Hawaii.  Dala no ka hoaie ma ka moraki ma na Waiwai Paa.

            Keena Hana:  Hale Pohaku hou ma ka aoao ma Waikiki o ka Halewai, alanui Kalepa.         2370

 

J. T. WATERHOUSE, (WALAKAHAUKI,)

Halekuai o na Lole Nani Panio!

LAKOHAO,

Na Lako Hana Mahiko,

A PELA AKU @E NUI WALE

Alanui Moiwahine,--Honolulu

2396-q

 

OLELO HOOLAHA.

MAI KEIA la a mahope aku, aole loa e uku ana ka mea nona ka inoa malalo iho i na aie i hoaie ia e kana wahine ma kona inoa.

249@  THORNE D'AGUIAR,

 

Hoolaha a ka Lunahooponopono Kauoha.

UA HOOKOHU IA MAI KA MEA NONA KA @ malalo iho e ka Aha Hookolokolo @ o ka Apana Ekahi i Lunahooko @ au@ ka palapala hooilina a ANNA J BLACKBURN @ make, nolaila ke hoolaha ia aku nei ka @ ka poe a pau a ka mea make i aie aku @ koke mai i ka lakou mau koina iaia ma@ mai o na malama eono mai keia la aku, @ e hoole mau loa ia aku no.

H. H. PARKER,

            Lunahooko Kauoha o ka Palapala Hooilina o Anna J. Blackburn i make.

Honolulu, Mei 16, 1894.         2494 5

 

KO BIHOPA MA,

BANAKO MALAMA DALA

E LAWE NO MAKOU I NA DALA HOOMOE ma ka hoaie ana ma ko makou BANAKO Malama Dala malalo o keia mau kumu:

            Ina e hoomoe ami ke kanaka hookahi i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a ua waihoia paha ke dala a haia na malama ekolu i ka wa e hooponopono la ai na helu.  Aole uku panee e helu ia maluna o na dala hakina no na la elua paha o ka mahina.

            Aole uku panee e uku ia i na dala e lawe ia ana maloko o ekolu mahina mai ka waaku o ka hoomoe ia ana mai.

            He @ la mamua ae o ka unuhi ana aku o kekahi kanaka i kana mau dala, e hoike o mai i ka BANAKO, a e lawe pu la mai ka buke dala i ka wa e kikoo ai.

            Aole dala e uku ia, a@a wale no ma ke kikoo ka mea nana i hoomoe mai i ke dala me @ lawe pu mai i ka buke hoahu dala.

            I ka la mua o Sepatemaba o kela a me keia makahiki e hooponopono ia ai na helu o na mea a pau, a o na uku panee i uku ole ia maluna o na puu dala a pau e waiho ana me ke kikoo ole ia, e helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke  kumu paa mua.

            O na puu dala hoomoe mai maluna, elima haneri dala, e lawe ia ao mamuli o o ka aelike ana..

            E hamama ana ka Banako ma na la a pau o na hebedoma koe na la Sabati a me na la Kulaia.

BIHOPA MA.

Honolulu, @   2898—q

 

HE KAAO HOONAUE PUUWAI

--NO—

PUAKAOHELO

--KE—

Kaikamahine Alii.

--KA—

Ui Oi Kelakela o ka Nani a me ka Maikai.

--NANA—

I HEHI-KU NA KAPU O KUAIHELANI A ME NUUMEALANI.

--KA—

Ui i Hiolo ai ke Kapu a me ka Mana o ke Kiowai kupua-kahi e hiolo ai ka nani a me ka maikai o na mea kino kanaka o ka Honua nei.

 

KE KIOWAI KAPU A ME KA MANA KUPUA E KIAI IA ANA E NA HONU ALII HE UMIKUMAMALUA; UA LILO IA MANA I MEA OLE I KA NANI A ME KA UI O HAWAII.

 

MOKUNA II.

            O ka ilamuku no kou hoike ma kou aoao, oiai oia he mana he ike ma na mea a pa@ a oia no ka mea pale nou i na wa a pau, oia wale no ka mea nana e apono i ka olelo hooholo a ke alii a hewa paha, wahi a na kamaaina.

            Pehea ina @w@u ke hele ana a hiki mawano o ka pa o ka haku alii, heaha na rula e hiki ai ia'u ke komo iloko o ka pa o ke alii, oiai au he malihini i keia aina a ka poino i noho ai, wahi a na malihini.

            Elua wale no mea e hiki ai.  1  Ina he kamaaina kou o ka noho ana  i ka aina nei, a i makemake oe e hele i kahi o ke alii no kekahi mea nui au i makemake ai, ua hiki no i ke kamaaina ke lawe ia oe a hiki i ka puka pa kahi a na koa kiai e ku ana, a nana e noi aku i ke koa a me ka hoike pu aku i ke kumu o kou manao ana e komo iloko o ka paa@ii, a na ke kea e alakai ia oe i ka hale o ka puuku o ke alii.

            2  O kou hele maoli no a noi aku i ke koa ma ke kikeke ana i ka puka, a wehe mai ke koa i ka puka a i ninau mai ke koa i kou manao o ke komo ana iloko o ka paalii, a e hai aku oe mai ka mua a ka hope o manao, a nana e ae mai a nana e lawe ia oe i ka puuku o ke alii, a i ole ia i ka ilamuku nui o ke alii, oia ka moo nui Kihanuilulumoku, o laua a elua na mea mana e hele imua o ke alii.

            E hai aku au ia oe e kuu kaikamahine hookama, ina owau ka mea nana oe e lawe imua o ke alii, he mea ole ke kapuy oia pa ia'u, a ua like no ia me maua a i elua ke makemake oe i kekahi o maua, ua noa ia maua i a paal@i oia la i lohe oe e ka haku o maua o nei mau la aku, a e loaa ana ka pomaikai ia maua mai ia oe mai oia ka'u ike, i hoopau iho ai ka haku mea hale i kana kamailio ana.

            E na hoa heluhelu o keia moolelo, e hai aku au ia oukou o keia ka ninau hope loa a ka ui wikani o ka ua kaulana o Hilo.  Ua maopopo paha ia oukou ke kumu o kona ninau ana i na kamaaina i keia mau ninau, e hai aku au ia oukou o ke kumu o kona ninau ana i keia mau ninau, i loaa ke alahele nona e hiki ai i ka hale alii kahi ana i manao nui ai e hiki ilaila, e like me na kamailio a kona kupuna wahine i kona kahu hanai i ike ia ma na helu i haa aku la mahope.

            O ka ninau maluna ae o keia ninau, oia no ka hewa i hopu ia ai o Puakoolaau e like me ka mea i ike ia ma ke poo o ka mokuna II, oia ka hewa i hui ai laua me kana hanai aia a hiki aku kakou ilaila.

            E na hoa ua olelo ia ma keia moolelo, elima haneri eka ka ili o ka palii, ae—aia no iloko nei o keia pa i noho ai na kuhina a pau o ke alii, aole mawaho aku o keia pa ua haawi ia ke@a a me kela kuhina he umi eka, o keia paalii ua hoopuni ia me na pohaku nani o ka aina a me ke kai, he pohaku mabala a me ka pohaku onita he nani a me ka maikai ke nana aku ka malihini, he maikai na mea a pau ke nana aku, o loko o na pa ua kanu ia me na pua ano like ole o ka aina o Kuaihelani, he nani ma na ano a pau o kela a me keia ano, o na mea e pilki ana i na mea hoonani o ka hale alii, aole ka mea kakau e hai koke aku ana ia oukou e na hoa hoinau o keia mmoolelo kaulana o Hawaii nei.

            E huli ae kakou i hope, oiai la hakoko ana maua me kekahi kanaka e noho ana i ka rumi hookipa i kela manawa; ma keia noho ana a lakou, aole no i pau na ninau a ka ui i ke kamaaina, oiai oia e imi ana i kona alahele no ka halealii, aole i manao na kamaaina he mea ano nui ka ka ui i manao ai e ninau i na kamaaina.

            Ia lakou e nanea ana ma ka umi hookipa, a mahope o ko lakou nanea ana, ua hoopau ia ko lakou manawa ma ka noho ana ma ka rumi hookipa i hoomaha aku ai lakou mawaho o ka hale ma ke ano holoholo ana maloko o ka malapua e honi ana i na ala like ole o ka malapua, ae he ala io no na pua aole o keia mau pua e ala mai nei i iwaena nei o ka aina nei, a ia o Puaokaohelo a me aliiwahine o ka loa e holoholo ana e honi ana i na ea aala o ka malapua, ua hoohala la e laua ia mau hora o ke kakahiaka.

            Ua kaapuniia e laua a puni ka pa a puka loa aku la laua i waho o ka pa hale a hele aku la ma ke ano holoholo, a hala loa aku la laua ma ka ae one.  Ua hele ia e laua ia mau hora loihi, a hala loa aku la laua ma ka aoao hema o ka aina, e h@ni ana i na ea aala o ke kula, e uhi pu ia ana ka aina e na laau like ole, ua hele wale ke ala a paoa i ke ala, aole he mau mea e ae a ka ui e honi ana i na ea oluolu.  I hoomanao ae ai ka mea kakau i keia mau lalani mele a ka poe loea o ka wa kahiko:

A Lihue i Malamanui

Honi  ke kamaaina i ke ala o ke kupukupu

E lu ia ana e ke kehau a Luhi a—

Luhi ke kino e ke aloha o kuu ipo hai e

E honi ae ana au i ke ala o na pua i Kukaniloko

E lu ia ana e ke kehau o Kaala—a—

He ala wale no kau e honi nei a—oia hoi ha e—

            Aia no laua ke hoomau ala i ka hele ana imua ma na ano a pau, ua hele ia e laua a hala no hora 4 a oi a ke hele ae la ka la e aui.

            E na hoa, e waiho kakou ia laua e kuoe hele ana i ke ala me ka waimaka, a e huli ae kakou e nana ia laua la e noho mai la i ka hale e kali ana no ka hoi aku o na kamahele, oi kali a huli ka la, aole no he hoi iki mai, a kokoke ka la e nalowale, aole no he hoi aku.  E, wahi a ka olomana, eia aku nei la laua la ihea i hele aku nei, o Puakoolau hoi aole ona paukiki mai, oiai oia e kali malie ana no me ka manao pihoihoi no kana hanai alii, oiai laua e noho kali ana o ko laua hi mai.

            Oiai laua e noho kali ana, aia hoi maalo ana na malihini kaahele, olai ka hora 6 e hiki ae ana i kona manawa, hoea ana laua la ma ka puka o ka pa, a puana ae la ka olomana kane, eia ae laua la ke hoi mai nei, ua hele wale a ulumahiehie, ua lupea wale ia mai @a e ka la a eha loko, ae, ua ulumahiehie io ua ui nohea, la e hoi mai nei, e paa ana kona mau lima me na pua ala like ole o ke kula e hooipo ia ana e na kilihune a ka ua lelehuna.

            Ia laua i komo mai ai iloko o ka hale, ua pu ia laua i ke onaona, a hoomanao ae la ka mea kakau i keia mau lalani mele a ka poe loea o keia mau la e nee nei:

            Aia kuu hoa i ka lipo

            Hooipo me ka lau iliahi

            Hoa pili o ka lau hinahina

            Puia i ke ala ka nahele

            Honi au a hoomau

            I ke ala o ka pua Miulana

            Aole no e like aku

            Me kuu pua Roselani

                        Haina mai ana ka puana

                        Kuu ipo i ka lai o Manana.

(Aole i pau.)

 

HE MOOLELO KAULANA

--:NO—

LOLENA LAUAE

Ka Makai Kiu

A o ka mea i kapa mau ia, a i kaulena nui hoi ma ka waha o na kanaka o

LIMA KILA UMII

KA WELI A NA POE HAIHAI KANAWAI, A O KA PUUHONUA HOI A KA POE AKE NOHO MALUHIA.

 

F. M.

[Mea Kakau.]

MOKUNA I

            "E mama, ina ua make io ko'u makuakane iloko o kona wa e hoao ana e kinai i na hana hewa, alaila he mea kela a'u e hauoli mau ai nona, a e haaheo mau ai hoi i na la a pau o ko'u o@a ana ma keia ao.  Mai kaumaha oe e kuu makuahine aloha.  E hoomanao oe, ua hiki i ko'u mau makahiki i ka eiwa, a ke hele nei i ka umi, nolaila he wa pokole wale no koe, a ku aku no au ma ke kahua a ko'u lauai i hoopiha ai me ka hanohano nui.  He mea maopopo no hoi ia'u e malama mai ana no ke aupuni ia kaua, oiai ua make ko'u makuakane iloko o ka hanohano.  E hoolana i kou manao e kuu mama a hiki i ka wa e lohe pono mai ai kaua i ka mea olaio."

            Ua hiki ole i ka makuahine ke pane hou aku i kana keiki, oiai ua hoomaopopo iho la oia ua oi loa ae ka naauao a me ka naau koa o kana keiki imua ona iho.  Nolaila, ua eu koke ae la oia, me ka oili hou ana aku iwaho, me ke ake nui e loaa mai iaia kekahi lono e pili ana no kana kane.  Aole i liuliu kona kakali ana, aia hoi ua hoea mai la he kanaka o ka oihana makai, a he elele hoi i hoouna ia mai e ke kapena kiekie o ka oihana, e hele mai e hoike aku i ka wahine a ka makai i poino no ka poino o kana kane.

            Me ka houpo kapalili oia I hoolohe aku ai i na olelo a ka elele, aka ua hookanaho nui ia nae kona manao mamuli o ka hai ana mai o ka elele, aole i make loa kana kane, aka ua loohia ia me kekahi eha kukonukonu, mamuli no ia o ke ku ana i ka poka mai ka pu mai a kekahi o na powa.

            I ka nana ana o na kauka, ua hooholo iho lakou, aole e pilikia ana ka makai kiu, nolaila, ua lawe ia oia ma ka halemai, a malaila oia e lapaau ia ai a hiki i kona ola loa ana, a no ia mea, ua hoouna ia kekahi elele mai ka hale oihana makai aku, e hai aku i ka wahine a ka makai i poino, me ke kauoha pu aku o ke alii makai nui i ka wahine kane i poino, e hele mau aku ma ka halewai i na hebedoma a pau, a e loaa mai no iaia na dala no ka malama ana i ko laua mau ola.

            I ka lohe ana o ka wahine i na olelo a pau o ka elele, ua hookanaaho nui ia kona manao.  Huli ae la oia a komo aku la iloko o ko laua hale, mahope hoi o ka huli hoi ana o ka elele, a i kona ike ana aku i na helehelena mohaha maikai o kana keiki, he mea e ka hauoli o kona naau.  Mamua o ka hiki ana iaia ke pane aku, ua kamailio e mai la no ke keiki; "ke lana wale mai nei no ko'u manao, aole i poino loa o papa."

            "E kuu keiki—he mea e ke kahaha o ko'u naau nou, oiai ua oi aku ke akahele a me kea ko o kou naau mamua o ko kekahi poe kanaka makua e ae.  Nolaila, e hoike aku ana au ia oe i ka lono maikai e pili ana no kou luaui makuakane, wahi hoi a ke kanaka elele i hai mai nei ia'u.  Aole i poino ko papa ola, aka ua ku io no nae oia i ka poka a kekahi o na powa ana i hopu ai; a ma ka ike a na kauka, aole oia e pilikia ana, aka he wa pokole wale no a ola hou mai oia me ka maalahi.  Aia oia ma ka halemai kahi i waiho ai," wahi a ka makuahine, me na helehelena pihoihoi.

            "Pehea, ua paa anei na poe powa?" i ninau koke mai ai ke keiki.

            "Ae," wahi a ka makuahine.

            "Ina pela, ke haaheo nui loa nei au no ko'u papa aloha.  He mea maikai, e haele koke kaua e ike iaia ma ka halemai, oiai ua maopopo e wale mai la no ia'u aia kona mau maka ke kau mai la no kaua, me ke ake e ike koke i ko kaua mau helehelena," wahi a ke keiki.

            I keia mau olelo a ke keiki, ua hele koke aku la ka makuahine e hoomakaukau i mau aahu no laua, a mahope o ko laua paina ana i ko laua paina ahiahi, ua kamoe pololei aku la ko laua mau kapuai wawae no ka halemai.

            He mau mahina pokole ami kela manawa mai, ua hoi hou mai kela manawa mai, ua hoi hou mai la ke ola o ka makuakane o ka kakou hiwahiwa, a ma ia wa, ua pipili nui loa kela keiki i kona makuakane a me na onohimaka i piha hauoli oia e kamailio mau aku ai i kona mau makua.  "Ina au e nui koke ae ana, he makemake nui loa au e ao malalo ou e kuu papa i kena oihana, oiai ua manao au o kena kekahi o na oihana hanohano loa ma keia ao."

            "E kuu keiki ke manao nei au, he mea pono ia oe ke ao i ka oihana loio, a i ole i ka oihana lapaau, no ka mea, he oihana mama keia i kou ola, a he nui na poino mai ka poe hana karaima mai, aole o'u make make @a oe e hahai mai mahope o ka'u hana e hana nei," wahi a ka makuakane.

            "Aole o'u makemake e ao i ka oi hana loio, no ka mea, he oihana palaualelo ia, a he oihana palaualelo ia, a he oihana ano hoohewale, no ka mea, aia a loaa mua ka hihia i ka makai kiu alaila loaa iho la kana.  Aka, o ka oihana makai kiu nae, ua manao au oia ka oihana hanohano loa ma keia ao, oiai aia maluna o kela oihana na koikoi o ka noi@ akahele ana ma na papa konane pohihihi a ka poe piha maalea, a pina kolohe hoi, nolaila mai hoole oe e kuu papa maikai, aka he mea pono e hoomaka koke mai no oe e ao ia'u ma ka oihana a ko'u uhane i ake nui loa ai"

            Mamuli o keia mau olelo a ke keiki, ua hiki hou ole i kona makuakane ke kama@lio hou aku, oiai ua maopopo iho la iaia, ua paa loaa ka manao o kana keiki no kela oihana hoomaunauna ola.

            Iloko o ekolu a eha paha makahiki ma ia hope mai, ua komo aku la he kanaka aoo lauoho hina maloko o kekahi o na keena oihana maemae o ke alanui Broadway o Nu Ioka, a mawaho o ka ipuka e kau ana ka hoailona a me na inoa o na haku nona ia keena, i kahakaha ia me na huapalapala wai gula:  "Keena Oihana Makai Kiu o Lolena Lau ae."

            Mahope iho o ke komo ana aku o ua kanaka aoo la iloko o ke keena, ua ike aku la oia he elua mau mea e noho ana ma kekahi pakaukau nui akea, a e kulou like ana no laua me ke kakau ana, a no ka nakeke o na kapuai wawae o ke kanaka malihini, ua e-a ae la ke poo @ ke kanaka ano aoo o na mea e kakau ana a me kona haalele koke ana iho i kana peni, ua pane koke mai la ola, "aloha kakahiaka oe @ Mr. Kalani, heaha la ka mea hiki ia'u ke hana nou i keia kakahiaka maikai?" i ninau aku ai ke kauaka ano aoo.

            "He makemake au e kamailio pu me oe no kekahi mea ano nui lea, nolaila ina he oluolu oe e pono e kuka kaua ma kekahi wahi mehameha, me ka lohe ole ia e kekahi mea e aku," wahi a ke kanaka aoo malihini, me ke kaulona ana o kona mau maka maluna o ke kanaka opiopio, oiai no kela e kulou ana no me ke e-a ole ae iluna.  "E kala mai oe ia'u e Mr. Kalani, o keia kanaka, @ia no ko'u hoahui ma ka'u oihana, a oia no hoi ko'u keiki ponoi, nolaila mai hopohopo oe nona oiai oia ka mea nana aku ana kau hana, ke ike hoi maua i ke ano o kau hana.  Eia no hoi kekahi, ua holoi au i ko'u inoa mai ka oihana ae, a o kela inoa e kau nei ma keia keena, oia no ka inoa o ka'u keiki, "Lolena," aole hoi o Keoni e like me ka mea maa mau," wahi a ka makai kiu.

(Aole i pau)

 

He Moolelo Hawaii

Papa Hoike Manawa o na mea Ano nui o Hawaii nei.

            E kala mai e na hoa heluhelu, no na ulia liilii o ko kakou papa hoike manawa.  Ma kahi wahi, ua pohai loa paha na lima o na keiki o@u hua kepau, a ma kekahi hoi, ua nanea loa, a alakai hewa la paha hoi au, eia na wahi i hemahema, a i hewa.

            1782.—"O Hauikalani;" aolo o "Hanikalani."

            1827, Oct.—Mare o Kinau me M. Kekua@aoa; ke kaikamahine a Kaoleioku ka Kamehameha I hiapo o na la opiopio me Kaneikapolei.  A ole i make o Kinau, aole no hoi ma Kamehameha I me Kaheimalie.

            1828.—Noho ka aha alii e noonoo i ka hewa o Likelike.  Aole i ka 1838.

            1836.—Ka hookupu ana ia Kaauwai, aole o ka hookapu.

            1836, Feb. 4.—Mare o Kanikeoli, aole i make.

            1839, Apr. 4.—Make o Kinau ke Kuhina nui, ka wahine a M. Kekuanaoa ke Kiaaina o Oahu.  O ka Kaoleioku kaikamahine ia Keoua (w.)  A lilo o Kekaulohi 1 Kuhina nui.

            1841, Mei—Make o Kapiolani nui ka wahine Naike, o ka Keawemauhili kaikamahine ia.  Na ia nei i a'e ku na kapu o ka lua o Pe@e.

            1841, Mei.—Hiki mai ka huakai eiwa o na misionari; oia o G. B. Rowela a me J. W. Smith.

            1841.—Hoomaka ia ke kulanui o Kapunahou.

            1842.—O na kumu o Lahainalua ia wa, o E. W. Kalaka, S. Dibela a me J. L. Emekona.

            1842.—Make o Hoapili wahine.

            1842.—Holo o Haali@o a me Rikeke e @i i ke kuokoa o keia aupuni Hawaii me na aupuni o Fara @i, Beritania, Amerika a me na aupuni e ae.

            1842.  Iulai.—Hoonoho ia o Dr. G. P. Judd i Kuhina Kalaiaina ma kahi o Likeke i hoouna ia.

            1842, Iulai 21.—Paa ka halepule pohaku Kawaiahao.

            1842, Sept.—Hoi ke Kanikela Pelekane Charlton i Eenelani, a hoonono ia mai o Alexander Simpson i hope nona, me ka ae ole o Kauikeouli; a ia Charlton ma Mazatlan, loaa iaia he palapala mai Beritania mai, ua hoopau ia oia.

            1842, Sept. 21.—Hiki mai ka huakai umi o na misionari, o C. B. Aneru, T. D. Hunt, E. Whitt@esey J. F. @gue.

            1843, Jan. 18.—Pai ia ka helu mua o ka nupepa Friend.

            1843, Jan. 20.—Puka ka pele ma Maunaloa.

            1843, Feb. 10.—Kau mai o Carysfort mai Beritania mai, kapena Haku George Paulet.

            1843, Feb. 17.—Waiho mai o Haku George Paulet i kana koi i ke aupuni Hawaii.

            1843, Feb. 25.—Lawe ia ka ea o Hawaii nei e Haku George Paulet a me Simpson ke kanikela Pelekane, a huki ia ka hae Pelekane ma ka Papu o Honolulu.

            1843, Mar. 14.—Holo o Simpson i elele i Pelekane ma ko Haku Geo. Paulet aoao, a me J. F. B. Marshall ma ko ke Alii aoao, ma ia moku hookahi no.

            1843, Iulai 6.—Ku mai he moku Amerika ma Honolulu nei, o Constellation, no Comodoa Kearmey.

            1843, Iulai 26.—Ku mai he moku Pelekane ma Honolulu nei, o "Dublin," no Rear Adimarala Thomas, mai Beritania mai.

            1843, Iulai 31—Hoihoi mai o Real Adimarala Thomas i ke ea o Hawaii nei, a huki hou oia i ka hae Hawaii iluna, ma kahi @ kapa la nei o Kamaki Kuea.

            1843, Aug. 25.—Hookohu ia o W. Miller i Kanikela no Enelani ma Hawaii nei.

            1843, Sept.—Make o B. Puaaiki.

            1843.—O. S. Dibela, Emekona a me W. P. Alekanekero na kumu o ke kula o Lahainaluna.

            1844.—Ae mai o Beleguma i ke kuokoa o Hawaii nei.

            1844, Iulai.—Pai ia ka nupepa Polunesia ma Honolulu nei.

            1844, Iulai 15.—Hoea mai ka huakai umikumamakahi o na misionari, oia o S. G. Dwight a me Mr. & Mrs. Henry Kinney.

            1844.—Hana mua ia ke silika ma Hawaii nei, he 197 mau paona.

            1844.—Make o Haalilio i kona hoi ana mai no Hawaii nei.

            1845.—Pae mai o Wm. Likeke me ke kino kupapau o Haalilio.

            1845, Aperila 2.—Koho mua ia na lunamakaainana malalo o ke Kumukanawai o Kauikeouli, i kukala ia i Okatoba 1840.

            1845, Iune 7.—Make o Kekauluohi ke Kuhina nui.

            1845 Iune.—Lilo o John Young ke keiki a John Young me Kaoanaeha i Kuhina nui.

            1845,--Ohi mua ia ke kope ma Hawaii nei, he 248 mau paona.

            1846, Feb. 11.—Hoonoho ia ka poe hoona kuleana aina.

            1846, Mar. 20.—Make o Mr. Wini ma Lahainaluna.

            1846, Mar. 26.—Hoihoi mai o Farani i na dala he 20,000 a Lapelake i lawe ai i ka 1839.

            1847, Iune 2.—Make o Keahikuni Kekauonohi ma Honolulu o ka Haalelea wahine ia, he kaikamahine ia na Kahoanokukinau me Kahakuhaakoi, a he moopuna na Kamehamaha.

            1847, Sept. 11.—Wehe mua ia he puali keaka, Tespian ma ke kihi o alanui Maunakea a me Moi, ma Honolulu nei.

            1847, Nov. 7.—Make o Wm. Lik@ke.

            1848.—Make o Wm. P. Leleiohoku, o Mose Kaikeoewa a me Kaiminaauao.

            1848.—Hoea mai ka huakai umikumamalua o na misionari; o C. H. Wetmore M. D.

            1848.—Lukuia ka lahui o ka ma'i puupuu ulalii.

            1848.—Hu ke gula ma Kaleponi; a i ka malama o Augate, ua holo ka huakai mua o na kanaka Hawaii i ka eli gula.

            1849.—Hana ino wale ia ka papu ma Honolulu nei e ka manuwa Farani, adimarala Foremarina.

            1849, Feb.—Poali nui ka la ma Hawaii nei.

            1949.—He bibi mua i lole ia mai na mokupuni mai, he 158 mau barela.

            1849.—Hoouna ia o Kuhina Kalaiaina G. P. Judd i Elele Kuhina misionari kukakuka me na aupuni o Amerika Huipuia, Enelani a me Farani; me ia pu na keikialii, L, Kapuaiwa a me A. Liholiho.

            1849, Dec. 20.—Ae mai o Amerika i ke kuikahi.

            1850.—Hoi mai o G. P. Judd a me na Keikialii Hawaii.

            1850, Iune 8,--Hookohu ia o W. C. Parke i Iamuku no ke aupuni.

            1850, Dec. 20.—Hookumu ia ka haleleta ma Honolulu nei.

            1851, Jan. 11.—Koho balota luna makaainana.

(Aole i pau.)

 

            O ka poe e makemake hou mai nei e lawe i ke KUOKOA, he pono @a lakou ke hoouna pu mai i ka uku nupepa ma ka bila kikoo hale leta, e like penei:  Ina mai Iune 1 aku a hiki i Dekemaba 31, 1894, he $1.20; a ina hoi mai Iulai 1 aku a Dekemaba 31, he $1.00.  A i ka hoi ana aku o ka moku e hoea aku ai ka pepa a me ka bila hookaa pu.       2498-1m

 

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERLAIN'S COLIC, CHOLERA a me DIA@ ROEA REMEDY laau lapaau a e oi ak@ ana kou mahalo ke ike oe i kona hop@na.  He oluolu, palekana a puhili @ e.  He oluolu, palekana a puhili ole, He 25 a me 50 keneta o ka omole, a e kuai ia no ma na halekuai lapaau a pau.  BENSON SMITH & CO., na Agena ma ko Hawaii Paeaina.        tf.

 

            "O ka oi ma ke ao holookoa."  Oia ka W. D. WOODRING o BORDLY RENETUKE, e hookaulana nei no ka Chamberlain's Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana o@a ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaau a pau.  O BENSON, SMITH & Co., na Agena ma ko Hawaii Pae Aina.          tf