Ka Nupepa Kuokoa, Volume XXXIV, Number 2, 12 January 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO,

Mai a Mahope aku o Iune 1, 1893.

NA KAA AHI

 

Honouliuli

                                    B         B      A       D

                                    A.M.  P.M  P.M.  P.M.

Haalele ia Honolulu ...   8:46   1:45   4:35   5:10

Haalele ia Manana.....    9:30   2:30   5:10   5:54

Hiki i Honouliuli....          9:57   2:57   5:36   6:22

 

 

NO HONOLULU

 

                                    C         B      B       A

                                    A.M.  A.M  P.M.  P.M.

Haalele ia Honouliuli ...   6:22  10:43  3:43  5:42

Haalele ia Manana.....    6:55   11:15  4:15  6:10

Hiki i Honolulu....           7:30   11:56  4:55  6:45

 

A No na Poaono wale

B No kela a me keia la

C Koe na la Sabati

D Koe na Poaono

 

 

NU HOU HAWAII

 

Ua hookuu ia ka mokuahi Kinau

e holo no kona mau awa kipa mau

ma Hawaii a me Maui inehinei.

 

Ua Ku mai ka Alameda i ka la

inehinei mai na Panalau mai o ka

honua, a ua holo loa aku ne i Kapalakiko

i ke ahiahi nei.

 

Ua pau mai i Honolulu nei ma ka

Mikahala o ka la Sabati i hala, o

Luna Senate W. H. Rice a me ka

ohana.

 

O ka Poalima, Ianuari 25 aenei,

oia ka la konohi o na pake, a e maluhia

ana lakou ia la i ka hauoli

makahiki hou.

 

Ua kapala ka inoa o ka Hale

Uinihepa hou loa o Mr. E. S. Cunha

ma alanui Moi, a Repubalika. Heaha

la ia.

 

Ua banakarupe o J. A. Afonso o

Honokaa Hamakua Hawaii, a o ka

nui o ka aie, he $4,615.81.  Ua koho

ia o C. Bosse i lunahooponopono aie.

 

Oiai e mau ana ka  mana o ke kanawai

koa, e huli ia aku ana na

moku kuloko a me kuwaho mamua

o ko lakou ae ia @ aku e komo mai.

 

A kela Poaha aku, e ku mai ai

ka mokuahi Arawa ma Honolulu

nei mai Kapalakiko mai, ma kona

alanui e kikihi loa ana no na Panalaau

o ka Hema.

 

Ua panikuia ka holohele ana o na

kaa hapaumi i na la Poakahi, Poalua,

Poakolu, Poaha a me nehinei o

kela hebedoma mamuli o ke kauoha

a ka Ilamuku.

 

Iloko o na la kaua iho nei, ua

papa loa ia na mokuahi a me na

mokukuna holo pili aina aole e puka

aku mai ke awa o Honolulu a loaa

ka ae mai ke aupuni aku.

 

I ka hora 12 awakea o ka Poaono

i hala, ua huli hoi aku ka mokuahi

Australia no Kapalakiko, me ka

lawe pu aku ia 36 mau ohua kapena,

ua eke leta a me na waiwai Hawaii.

 

Ua wawa ia ma ke kulanakauhale

i ka Poaha nei, ua loaa aku ke kino

o Carl Widemann aka ua lele e ke

poo a ua nalowale.  Aole i hooiaio

ia keia lohe.

 

Ma ka Poakahi iho nei, ilalo o

@ wa o Lunakanawai Whiting a me

Kale Wilikina i ke ki manu, a ua

ahiahi hoea ana i ke kaona nei.

Akahi no laua a lohe i ke kani alapine

a na pu.

 

Ua lohe wale la o keia wahi pukuniahi

a na kipi i hoohana ai ma

Daimana Hila i ka Poakahi iho nei

mai Kahuku ka lawe ia ana mai, a

ma na alanui o Honolulu nei i lawe

ia ae ai a hoea i Waikiki.

 

Eia na alakai o na kipi ke hele

auwana mai nei i ka mahelehele o

Manoa a me Palolo, o R. W. Wilcox,

Sam Nowlein, W. H. Creigg, J. W.

Pipikane, Carl Widemann a me kekahi

mau haole Canada.

 

Ke huli wale ia nei ma kauhale o

na poe anea alii mahope mai o ka

@ la Poalua iho nei, oia hoi ka

@ ana o ka manawa i kauoha ia ai

na mea a apau o paa ana i na pu e

hoike mai i ka Ilamuku

 

Ma ka po Poakahi nei, ua hoao

kekahi poe e puhi i ka halekula

mauka aenei o Kauluwela, aka aole

i hookuu ia ke ahi e a loihi. Ua

kinai koke la e na lima kokua o ke

aupuni.

 

O Kapena R. P. Waipa o na Makai

Kumau o Honolulu nei ka hele

ekahi ma ka alualu peka a ua kipi.

Ua papahi mai o Peresidena Dole

iaia me ka mahalo kiekie.

 

O kela haole haku mele i hoea

hou mai nei, o Juaquin Miller kona

inoa, oia kekahi i hele aku e hoai

ka hohono o ka uwahi pauda, a e

lohe aku ana paha kakou i kana

mele i oi ae ka nanaea mamua o ke

mele o Koolau.

 

Ke holo nei na lohe ma o a maanei,

he elua tausani mau pu i hoohikihiki

ia mai e ka mokuahi Waimanalo

no ka poe anee alii mailuna

mai o kekahi mokukuna kuwaho.

 

Ua paa i ka hopuia ka malamamoku

a me kapena Davies o ka mokuahi

Waimanalo, a ua hoike ae nei

laua i na inoa o ka poe haole waiwai

i komo pu iloko o keia lialia kaua.

 

Ua panihakahakaia ke ola o Chas.

L. Carter no $20,000 iloko o ka Hui

Mutual o Nu Ioka.  Ua olelo ae ka

Agena oia hui ma Honolulu nei (C.

B. Rose), aole ona kanalua no ka

loaa ana mai o ia puu dala i ka ohana

o ka mea i make.

 

I ka la 7 iho nei o Ianuari, i piha

ai ke 57 o ko ka Lunakanawai Kiekie

Alapaki F. Kauka mau makahiki

o keia ola ana.  Ke kahoahoa

ae nei makou no kona ola loihi a me

ka oluolu, i kukai ia me kona ike

malama oia.

 

Eia ke oaka mai nei na kuli o na

haole kane a me wahine i komo i

ka hookupu dala ana e kuai i na pu

a me na lako kaua no na kipi, no

ka mea ua pau aenei i ka hai ia na

inoa o kekahi poe a ke paa ia nei e

ke Aupuni.

 

He oiaio ane ka lohe e laha nei,

e ko ka moiwahine holoholo kaa

ana i ka la Sabati aku nei i hala no

ka wa mua loa maluna o ke kaa o

Manuel Reis ma na alanui o ke

kulanakauhale nei, he hoailona ia

no ke kahea aku i na Anee Alii, e

ala e hele i Lae Ahi, e paa i na mea

kaua a e maki mai i ke kulanakauhale

nei a e hoihoi ae iaia ma ka

nohoalii?

 

Ua pau i ke ahi ka halekuai nui o

Wing Chong ma Wananalua Hana

nei i ka hora 8:30 wanaao o ka la

31 o Dekemaba i hala. Ua pau na

mea a pau loa, aole he waiwai i

lawe ia a pau pu me ka hale moe,

aole ukana lawe. O ka pahu hao

wale no koe, aole mea i poino oloko,

me na buke a me ke $31.

 

"E kipu no ka make," oia ke

kauoha i haawiia e ke aupuni i ka

poe a pau e hele ana i ke kaua ma

ka aoao o ka Ropubalika, i ka poe a

pau e hoao mai ana e kue i ko ke

aupuni mana a me na kauoha. Nolaila,

ua ike iho makou i kekahi

poe anee alii haole e haawi ana i na

kokua i ke aupuni.

 

Ua haalele aku he 90 a keu mau

paahana Iapana o Kahuku i ka Poaono

i hala, a ua hele wawae loa mai

i Honolulu nei, a ma ka wanaao Poakahi

aku nei i hoohiki mai ai ma

ke ala mai o ka pali o Nuuanu.  Ua

hooponoponoia e na luna Iapana o

Honolulu nei, a ma ka wanaao Poakahi

aku nei i hoohiki mai ai ma ke

ala mai o ka pali o Nuuanu.  Ua

hooponopono ia e na luna Iapana

o Honolulu nei a ua pau aku i ka

hoihoi la i Kahuku maluna o Kaala

i ka Poakahi nei.

 

"Hana, Jan. 4. - J. U. Kawainui.

--Ke houna aku nei au ia oe he

Elua Dala no ka'u nupepa KUOKOA

o keia makahiki 1895, oiai he ale

na ia nupepa makua o ka Pae Aina

holookoa.  Ke haawi nei au i ko'u

aloha Hape Nuia i kuu nupepa a'u i

aloha nui ai, ma ka hookaa pau ana

i kona ola no keia makahiki.  Aole

o'u makemake, e maalo ole mai oia

ma ka ipuka o ko'u hale.  Ua makemake

au e kipa mau mai oia i na la

a pau o ko'u ola ana."

 

O kela kanaka Hawaii nona ka

inoa S. Pua Mio i hoolilo iaia iho i

lelewa ma ke kukulu ana i kona

lauoho a loloa loa me ka hoohiki

"pau pele pau mano" aole oia e oki

ana i kona lauoho a hoihoi ia ka

moiwahine i kipakuia iluna o ka

nohoalii, ua hopu pio ia i ka po

Sabati aku nei ma ke kahua kaua o ka

poe anee alii ma ka pa noho o Henry

F. Bertelmann makai o Lae Ahi.

E ko ole ana ka hoohiki a Pua a

pau ke lauoho i ka poke ia.

 

I ka hora 9:20 kakahiaka Poalua

iho nei, ua hoounaia ka mokuahi

"Ke Au Hou" no Maui a me Hawaii

me Luna Senate H. P. Baldwin

maluna ona, mamuli o ka hoouna

a ke aupuni e nana a hoolohelohe

ma Maui a me Hawaii.  Ua ku

oia i Maalaea i ka hora 6:25 o ia

ahiahi no, lele iuka o Mr. Baldwin

me ke kapena a me na luina hoe

waapa.  Papa loa ia na luina aole e

kamailio a ninaninau ia ka mea malama

hale ukana o Maalaea.  Aole

wahi lohe ma Maui no ke kaua ma

Honolulu nei, a he maluhia wale no

ka noho ana.  Haalele ia Maalaea

holo loa a ku i Mahukona i ka hora

12:05 wanaao Poakolu, lele iuka a

halawai me ke kokua luna nui malaila.

Aole he wahi mahui a

hoohuoi o ko Hawaii poe no ka

haunaele ma Honolulu.  Ua hoi loa mai

a maluna ae o Maui mai a ku i ka

hora 6 ahiahi Poakolu nei.

 

Ua paa i ka hopu pio ia o W. H.

Daniels o Wailuku a me W. K.

Hutchison o Hana, Maui a me

Henry West o Hilo Hawaii, ko

Nawahi lutanela ma na mea

ohumuhumu malu, palapala a me kamailio.

Eia lakou a pau ma ka halepaahao

o Kawa e moe mai nei.

 

Ua ku mai i ka Poaha nei ka

mokuahi kaua Ecuadora Esmeralda

mai Galapagos mai a e holo ana no

Kapalakiko.  No ke aupuni o Kili

keia manuwa mamua a ua nui na

lohe no kona kuai ia i ke aupuni o

Iapana.  Eia nae ke holo nei oia

malalo o ka hae Eduacora.

 

Nou Pohaku Hookala Kupua

 

I ka po Poalima o ka hebedonaa i

hala, ua hoomaka ia e nounou me

ka pohaku na hale noho e kekahi

mau Pukiki ma alanui Kula ma

Ewa iho o ka wapo o Waikahalulu

mauka nae o ke alanui.  Ma ka po

Poanono mai, ua hoomau mai ne

keia hana kolohe lapuwale launa

pono ole e wawahi ai i na puka aniani

o kekahi mau hale.  Ua pii maoli

ke Kapena maikai nui me na

makai ia po, a ua imi wale e nana

ai i kahi o ka pohaku e lele mai ai,

aole nae loaa iki.  I ka po Sabati

nei, ua hoomau mai no keia nounou

ia ana o keia mau hale maluna ae

me na pohaku. Ua hoouna ia o

Kapena Hookano a me eha mau

makai.  Ua imi na makai me na

ipu kukui aniani hele-po, aka aole

nae loaa iki, eia nae i ka wa a na

makai e hoomalamalama hele nei e

imi ai, ua hoomalolo iho la ka nou

ia ana mai i ka pohaku.  No ka loaa

ole o ka mea nana e nou nei, a o ka

olelo hoi a kekahi poe he akua ka

mea nana e hoopahaohao mai nei

keia mau pohaku, nolaila ua

hookauliilii ia na makai.  A i loko o

keia hana ia ana pela, ua paa aku

la i ka hopu ia e ka makai he keiki

Pukiki o Ioauuin Pimenta ka inoa

ma e ka loaa maoli ana aku e hoonou

ana i ka pohaku.  He keiki

keia he umikumailima makahiki a

ola no kekahi e hoimi pu nei i ka

mean nana e nounou nei me na

makai.  Aia  no keia keiki maloko o

kekahi hale e ku pu la me kela hale

e nou ia ia.  Ua hopu pu i ke

makuakane a ua hookuu ia ae no ma

ke bela, o ke keiki aia no ke paa

nei.  He keiki no ka keia nana i

puhipuhi i ka mihi@ o o Halawa

mamua, hoopaa ia i Keoneula a hemo

mai nei, a ke hana nei i keia mea

ino lapuwale haalele loa.

 

NA LETA

 

Aole o makou makemake e lawe i ke

koikoi o na hala no na manao i hoopuka ia

malalo o keia poo e ko makou poo mea kakau.

 

Ka La Happy New Year ma Waimea Hawaii.

 

Ma na hora poniponi o na kulu

kehau iniki ili o ka aina mauna,

oiai e lawe malie ana i na kui

houhou o ke anu maeele, a o ke kapa

aahu o ka wahine noho kuahiwi

iluna o Mauanakea, nana e pahola

mai i na ukulele i kahiko no na

kini o ia aina.

Ua pahola ia me la he mau papaaina

hauoli no ka makahiki hou,

imua o kekahi mau ohana lehulehu

no ke komo ana o na ola makamae

a ke Akua i haawi mai ai, aona

kela mele kaulana a na puali Anela,

  "Hoonani ia ke Akua,

  Ma na Lani Kiekie,

  He malu ma ka honua,

  He aloha i kanaka."

 

Ma ka hoea ana mai o ka malamalama

o ia kakahiaka, ua waiho kalae

na kuahiwi ua ike ia aku na

laulaau uliuli o ka uka waokele

a ua piha hauoli na manu o ka lewa

a e nunulu malie ana na pipi bulu o

ka Hui o Parker Ranch, a e holo

kainapu ana na lio i ke kula no ka

piha hauoli i ka makahiki hou.

 

Ma ia kakahiaka no ke pua mai la

ka uwahi o na imupuaa, he mohai

makana no ka makahiki hou, a i ka

hiki ana ae i na hora awakea, ua

pahola hou ia ae la ia mau papaaina

me na ono kuhinia a ka puu o

momoni ai, ua ai a lawa ua imu a

kena no ka hauoli makahiki hou.

 

HALAWAI HAPPY NEW YEAR.

 

Ma ka hora 12 awakea, ua wehe

ia he anaina halawai makahiki hou,

maloko o ke keena hoakolokolo o na

una aupuni o ke aupuni Repubalika

o Hawaii.  Ua hoomaka ia na hana

ma ka wehe ia ana o ka halawai o

ka mea mahalo ia D. S Kahoakano

me ka pule.

Na keia keonimana i wehe mai i

ka ipu makani a Laamaomao, he

haiolelo aole i kana mai ka piha i

ka momona o kana mau lawalu one,

ua hoonuu ka lehulehu o ia anaina

kamahao me na leo hoolele mailoko

mai o na paia o ia keena laahia,

nona ka heluna he mau pahaneli e

wawalo ana, eo me i ke keiki o ka

aina haaheo.  Ia O. M. Kekuewa

ka pane ma ka aono o na makai,

me na leo aloha e pahola mai ana

no ka hoomaha ana o S. M. Kekoa

i ka oihana, oiai o S. M. Kekoa ma

ke kahua o ka hana ua kuu pau mai

ia oia ina leo o ka pahuolelo kamahao,

a i ka lohe ana aku ia mau leo

aheahe malie @ ua hoike akaka o

ke ke Akua lokomaikai, ia wa ua

pa umi tausanai hou ia ae la na leo

hooho o ia anaina kamahao, a he ku

maoli no i ke eehia a me ka oiaio.

 

Ia S. H. Mahuka ka panina o na

hana ana o kona waiho ana ae, he

palapala hookohu o ka oihana hope

makai nui o Kohala Akau, ma ka

lima o D. S. Kahookano lunakanawai

apana o Kohala Akau nei, a

nana i heluhelu ae i ke ano nui o

ua palapala nei me ke ohohia.  ua

haawi ia na lima akau o ke aloha

o ka oihana, ua hookahe ia na kulu

wai meli o ke aloha me kona mua

S. M. Kekoa, a i kana mau hoakaka

ana no ka oihana ua piha pu ke

koena me na leo wawale, he nakulu

ma ka papahele  a nona ka heluna i

koho ia he mau miliona, eia ka he

7 no hawae lauhue Kona.  Hookuu

ia na hana me ka pule a Rev. J.

Kalino.

 

D. K Pipi.

Waimea, Ianuari 3, 1895

 

 

Na Mea Hou Kona Akau Hawaii.

 

Happy New Year!

  Mr. Lunahooponopono,

 

He nui na mea ano hou o Kona

Akau nei.  Eia o Mr. Lukela, ka

haiolelo o Kealakekua ke haiolelo

nei, e iho  mai ana ka pele mai Kalahiki

ma Kona Hema, a Kailua ma

Kona Akau, a e pulumi pau loa ia

ana na kanaka a pau ma ia wahi.

Maihea mai keia ike i loaa mai nei

ia Lukela?  Na ka lehulehu ia e

nana mai.  He pololei paha, aole

paha?  Ma ka manao o ka mea

kakau, he hoopunipuni wale iho no ia

mea, a he mea pono e hookolokolo

ia o Lukela ma ia mea, e ole ai oia

e alakai hewa wale i na kanaka; he

pono e punuku ia ka ihu a me ka

maka o Mr. Lukela, i ole e kamailio

wale.

 

Ma Holualoa, Kona Akau, Dec.

26. -Ua kupee ia ma ke kaula kaakolu

o ka mare e ka Rev. W. M.

Kalaiwaa o Miss Hattie Haaheo me

Kaiama Seta, a mahope iho ua haawi

ia mai he papaaina i hele a

luhiehu i na ono like ole.  Ua ai

iho a hoha, a malaila ae ka puali

makai o Kona Akau; J. Kaelemakule,

W. Muller, na Miss Kelii a

me Madame Ane Aiu a me na poe

e ae a lehulehu.  Ma keia ke haawi

nei ka mea kakau i na hoomaikai

nui ia D. Kahao, keiki o ka wai

pauma o Paukini.

 

Waiona. - Ma ka po o ka la 25 o

Dekemaba, i hopu ia ai o Barnado

Pukiki no ke kuai waiona e ka

makai eleu J. Kealoha Maui, a ma

ka la 29 nei i hoopaiia ai he $100.

Nui kela, a eleu no hoi ka oihana

makai.

 

Ke anu. - He keu ke anu o keia

mau po, ke hele ia a pili na kuli i na

pepeiao.  Uwe ka uku i ke anu la,

nawai ole anu hoi, ke aahu mai ia o

Poliahu i kona kapa hau.

 

No ka la. - He oi aku ka wela o

keia mau la, ke hele la a nakeke

ka pae o ka imu, auwe!  Uwe paha

auanei o Kanepuniu i ka wela o

ka la.

 

Ua hiki mai la he palapala noi

dala na J. Nawahi ma, eia i Keauhou

nei ia J. W. K. me C. Kaiaiki,

ua pakike ia aku e H. Kawewehi,

hilahila wale, ahea pau ae ka hupo.

E pono e hoopau.

 

Holomua na hana mahi kope, a

ke holomua nei.

 

Happy! Happy New Year oe e

Mr L. H.

 

Kou no

Enekini o Paukini.

N. Kona, Hawaii, Dec 31, 1894.

 

Karisimaka

 

Mr. Lunahooponopono:

            Aloha oe;

 

E oluolu mai oe i kekahi wahi

kaawale o kau Kilohana no na wahi

hunahuna mea hou o ke kahua ma'i

nei.

Ma ka mokuahi Lehua mai o ka

la --o Dekemaba nei, i hoea mai ai

na lako mea ai i hoouna mahana ia

mai ai ma ka lokomaikai o Mr.

Wray Tayler, mai ka loaa mai o ka

hana ana i hoikaika ai,  e laa na

pahu pelena, apala, alani, huakukui,

na pahu ko kanake, na pahu lemi,

i kakau ia ma ka inoa o Wm Nottey,

ka lakou mea i hilinai mai ai,

me na dala pu hoi i manao ia no ka

puaa a me ka bipi, aka mamuli o

kekahi kumu ua hiki ole i ka ai ke

hoolawa i ka papaaina.  No ia kumu

ua hoohele ia e waiho i ka hoolilo

ana i kekahi mau dala no ka ai, e

hoolilo i na dala a pau no ka puaa,

a e haawi maka no i kela a me keia

mea pakahi.

Ua hooholo ia keia manao o na

komite i hookohu ia mai, no lakou

keia mau inoa, W. Notley, H. H.

Babcock, Miss Fanny Harper, Rev.

C M. Kealoha a me Father Wendelin.

Me ko lakou hooholo pu ana

hoi e haawi ia keia mau mea apau i

ka Poakahi mamua o ka la Karisimaka,

ma ia awakea Poakahi i'o i

hoakoakoa ae ai na ma'i a ma ke

kahua ma'i, i kii mai i ka haawina

o ka lakou mau ma'i, a ma ke ku

ana o ka la i ka lolo, i hoomaka mai

ai ka lunahoomalu o ke komite e

kahea i ka inoa o kela a me keia

mea e kii aku i ka haawina i

hookaawale ia no kela a me keia mea,

nona paha ka waiwai io he 1 dala a

emi mai paha, e mahelehele ia ana

penei: 1 hua apala, 1 hua alani, 1

hua lemi, 1 haona lima piha keneke,

1 haona lima piha berena, 1 paona

io puaa maka.  I hana ia hoi pela

i hiki i kela a me keia e hauoli no

ka la e hiki mai ana, eia ke Karisimaka.

 

Nolaila ua hana ia kela hana me

ka holopono a me ka maikai. Ma

ka hoea ana mai hoi o ka la i kau

nui ia ai, ua maikai ka la a uhi

wale mai na eheu anoano o ka po.

Ma ia wanaao ua malama ae ka

hoomana Roma i ko lakou anaina hoomana,

pela me na hoaloha J. Haole

a me J. Kamanu i malami pu ai

he anaina hoomanao ma i wa hookahi.

Ma ia paia anoano o ka hale

o ka Hui Opiopio, ma ka hora 10

hoomaka ko Rev. Kealoha Luainui

malama i ko lakou anaina hoomanao

me ka Kealoha papa kuhikuhi o na

hana i haawi ia i na luna o na ekalesia

o Solomona a me Kanaana

Hou, penei hoi na mea i komo

kuhohonu mai iloko o ko'u noonoo, J.

K. Kainuwai, e wehewehe i ko Iesu

wa hanau, K. M. Kahoohiki, e

wehewehe i na hoailona o Iwikauikana,

oia ke kukui "a" i ke awakea,

W. Notley e wehewehe i na Wanaua

i pili ia ia Iesu, S. H. P. Kalawaiaopuna,

pehea i kukulu paa ai i

ko Iesu aupuni, M. K. Makaena,

ka hoowalewale ia ana o Iesu, J.

Halai, i na mea keakea ia Iesu, J.

Kekuewa, i na wahi i hanai ia ai o

Iesu, C. Kapahee, ko Iesu Babetizo

ia ana, K. Peahi, heaha na hoike e

maopopo ai ua pomaikai kakou ia

Iesu, J. Kahaulelia, i na ua pomaikai

kakaou ia Iesu, heaha ka kakou

e hana ai, Laukekila, na hana mua loa

 a Iesu i hana ai, aka no kona

hiki ole ana mai ua haule kana.

 

Ua hana ia me ka maikai a hookuu

mahope o ka hora 12, he ano

hou keia ma na paia o Kauaana

Hou.

  A. Kalauli,

Kalaupapa, Dec. 27, 1894.

 

"O ka oi ma ke ao holookoa.'

Oia ka W. D. Woodring o Bordly

Kenetuke, e hookaulana nei no ka

Chamberlain's Cough Remedy (Laau

Kunu).  Ke kamailio nei oia ma

kona ike ponoi iho i ka inu ana, oiai

o kona a me ko kona ohana ola ana

mai nei no ia mai ka loaa ana i ke

kunu koikoi loa a me ke anu, a ua

hooholo oia o keia laau lapaau ka

oi ma ka honua nei.  E kuai ia

no ma na Halekuai Laau Lapaau

 pau.  O Benson, Smith & Co.,

na Agena ma ko Hawaii Pae

Aina.      tf

 

            Hoolaha Hou.

 

AHA HOOKOLOKOLO KAAPUNI APANA

Elua o ko Hawaii Pae Aina.  Ma ka Aha

Hooponopono Waiwai.  Ma ka hana o ka

waiwai o J. MANUKEOKEO i make o Wailuku

Maui.

 No ka mea, ua waiho ia mai ma ka la 3 o

Ianuari A. D. 1895 kekahi palapala i oleloia oia

no ka palapala hope loa a J. Manukeokeo me

kekahi palapala e noi ana e hoopuka ia ona

palapala lunahooponopono waiwai ia Kaipo

Manukeokeo i waiho ia mai e ua Kaipo

Manukeokeo la.

  Ke kauoha ia nei o ka POALUA, la 5 o

FEBERUARI A. D. 1895, hora 10 A. M. o ia la, ma

ke Keena Hookolokolo o ia Aha ma Wailuku

Maui, oia kahi a me ka manawa i kohoia no ka

hoolohe ana i ua palapala kauoha la a me ia

palapala noi, a ma ia wa a ma ia wahi e hele

mai ai na poe a pau i kuleana a e kue i ua

palapala kauoha la a me ka hoopuka ana i ka

palapala lunahooponopono waiwai.

  Kakauia ma Wailuku K. M. P. A. Ianuari 3,

1895.

                        GOODALE ARMSTRONG,

  Kakauolelo Aha Hookolokolo Kaapuni Apana

Elua.                         2527-@

 

            Hoolaha a ka Hui.

 

Ke HOOLAHA IA AKU NEI KA LOHE I

na mea a pau, o ka Hui o CASTLE &

COOKE i kaupalena ia, he hui i kukulu ia

malalo o na Kanawai o Hawaii no ka lawelawe ana

i na hana kalepa a me noho Agena hana ana e

like me mamua i lawelawe ia ai o Castle &

Cooke, a i lilo mai i ua hui la.  Ma ka halawai

o ua hui la i malama ia ma ka la 26 o Dekemaba,

1894, ua kakau ia na mea a pau o ka Hui a

hooholo lokahi ia na luna malalo iho:

  J. B. ATHERTON..........Peresidena.

  K. D. TENNY................Kakauolelo.

  W. A. BOWEN..............Puuku.

                K. D. TENNY,

  Kakauolelo o ka Hui o Casle & Cooke i

kaupalenaia.                   2527-1

 

            HOOLAHA HOOHUI.

 

Hoopau ana i ka Hanalei Sugar

Mill Company, he Hui Hawaii

  i Hoohuiia.

 

Oiai o ka Hanalei Sugar Mill company,

he Hui i kukuluia malalo o na

kanawai o ko Hawaii Pae Aina, ua hooko

pono i na kuhikuhi ana a ke kanawai

no ia mau mea, a ua hookomo mai ma ke

Keena o ke Kuhina Kalaiaina he noi e

hoopau ana i ua Hui la, me kekahi palapalahoike

e hoopili ia nie e like me ke

kauoha a ke kanawai.

 

  A no ia mea ke hoolaha ia aku nie ka

lohe i na poe a pau he luleana ko lakou

i keia Hui i olelo ia i ka wa i hala a i

keia wa paha, e hookomo mai lakou i ka

lakou mau keakea no ka ae ia ana aku o keia

noi hoopau ma ke keena o ka mea nona

ka inao malalo iho ma a mamua ae o ka

Poaono, la 19 o Ianuari, 1895, a o kekahi

mau mea paha i makemake e lohe ponoi

ia, e hele mai lakou ma ko'u keena ma ka

Hale Mana Hooko, Honolulu, ma ka

hora 10 kakahiaka o ia la, a e hoike mai

ke kumu i manao ia aole e ae ia ke noi

         J. A. King,

         Kuhina Kalaiaina.

Keena Kalaiaina, Nov. 12, 1894.

           2520-10

 

            Hoolaha Hou.

 

I LOKO O KA AHA HOOKOLOKOLO KAAPUNI

Apana Ekahi o ko Hawaii Pae Aina.

F. AUGUST BUCK @ BALBINI BUCK. Ka

Repubalika o Hawaii.  I ka Ilamuku o ko Hawaii

Pae Aina a i kona Hope paha.  Aloha.

  Ke kauoha ia nei oe e kii aku ia Balbini Buck

ka mea pale, a i ka manawa e hana ai oia i pane

maloko mai o iwakalua la mahope o ka hooko

ia ana o ka palapala kii, e hele mai oia imua o

ka Aha Hookolokolo Kaapuni Kau o Novemaba,

e noho ana ma Honolulu i ka POAKAHI la 5 o

NOVEMABA ae nei, hora 10 A. M. e hoike mai

ina he kumu kekahi e ae ole ia ai ke noi a F.

August Buck, ka mea hoopii e like me ka manao

o ka palapala noi i hoopili ia.

  A malaila a ma ia wahi e hooko aku i keia

kauoha a hoihoi mai me ka hoike piha i kau

hana.

            Ikea o Hon. W. A. WHITTING,

            Lunakanawai Mua o ka Aha

[Sila)    Hookolokolo Kaapuni Apana Ekahi

            ma Honolulu, i keia la 19 o

            Okatoba 1984.

              GEORGE LUCAS,

                     Kakauolelo.

Ke hooia nei au, o keia mamua ae, oia ke

kope kumu oiaio o na palapala kii ma ua hihia

la a o ua Aha la ua kauoha e hoolaha ia mea a

e hoomau aku ia hihia no ke Kau of Feberuari

o keia Aha.

                        GEORGE LUCAS,

                          Kakauoloelo,

Honolulu, Nov. 20, 1894.                   @-6

 

Hoolaha Hooko o ka Moraki a

me ke Kuai.

I KULIKE AI ME NA HOOKO ANA O KEKAHI

moraki i hana ia e S. KAPELA o Waipio

Hamakua Mokupuni o Hawaii ia W. H.

Bickard, Kahu o ka Maile Lodge no. 4, Knights

o Pythias o ua Hamakua la, ma ka la 2 o Okatoba

A. D. 1891, kope ia ma ke Keena Kakau

Kope Buke 131 ma na aoao 344,345 a me 346, ke

hoolaha ia aku nei ka lohe ke makemake nei o

M. V. Holmes o ua Hamakua la, ka Hope o

W. H. Rickard, e hooko aku i ua moraki ia no

ka uhaki ia o ka aelike oia ka hookaa ole ia o

ke kumupaa a me ka ukupanee i ka wa e hookaa

ai.

 

 Ke hoolaha hou ia aku nei ka lohe i na mea a

pau, o ka waiwai a pau i paa maloko o ua

moraki la, e kuai ia aku ana ma ke kudala akea

ma ka Hale Kudala o Chas. Williams ma

Honokaa Hamakua ma ka Poaono IANUARI 26, 1895,

hora 12 awakea o ia la.

  O ka waiwai i paa maloko o ua moraki la, penei

ke kuhikuhi ana malalo iho:

  Ka akahi hapa iwa (1-9) kuleana i mahele ole

ia o ua S. Kapela la iloko o na aina malalo iho

i haawi ia ia Kekahekahe ka makuakane o ua

S. Kapela nei.

1. O kela apana aina a pau e waiho la ma

Kukuihaele ma Hamakua, i kuhikuhi ia iloko

o ka Palapala Sila Nui Helu 921 nona ka ili he

17 75-100 mau eka.

2. O kela apana aina a pau e waiho ia ma

Kukuihaele ma ua Hamakua la a oia ka akahi

hapakolu o ka aina i kuhikuhi ia iloko o ka

Palapala Sila Nui Helu 980, nona ka ili he 52

16-1,000 mau eka.

            M. V. Holmes.

  Kahu Waiwai i ka Maile Lodge No 4, Knights

of Pythias.

                 Mea e Paa nei i ka Moraki.

Kuike ke dala.  Na uku hana palapala i ka

mea e lilo ai.

No na mea i koe, e ninau ia CHAS. WILLIAMS,

Loio no ka Moraki.

  Kakau ia i Honokaa Hamakua Dec. 22, 1894.

                2526-ii

 

He Hoolaha no ka Manao e Lawe

 i ka Aina.

 

I KA POE A PAU E IKE MAI ANA:

 

E HOOLOHE, O KA HUI ALAHAO

O OAHU A ME AINA, Mamuli o

na mana i haawiia iaia a iloko e kona Palapala

Hoohui a me ke Kanawai i aponoia

ma ka la umikumamakahi o Sepatemaba

A. D. 1888 i kapaia, "He Kanawai e haawi

ana i ka mana a e hooholomua ana i

ke kukulu ana i na Alanui Kaa

Mahu ma ka Mokupuni o Oahu"

a me na mana e ae ma na ano a pau e

hiki ai iaia ma keia mea, ke manao nei e

lawe a hana no ka pono o ke Alahao i

hoomana ia ai e hoomoe a me na hana i

pili ilaila, i na apana aina i kuhikuhi ia

malalo nei:

  E hoomaka ana ma ka palena o ke ala

i keia wa o ke Alahao o Oahu e kokoke

la i ka Wiliko o Ewa, alaila holo mawaena

o ka laina i ana ia o ua alahao la e

like penei:  Holo komohana 42800 kapuai

mawaena aku o Honouliuli e ona ia nei e

James Campbell a i hoolimalima ia i ka

Hui Alahao o Oahu a me Aina a me ka

Hui Mahiko o Ewa; alaila holo komohana

akau 34650 kapuai mawaena aku o na

Aina Leialii o Nanakuli a me Lualualei,

i hoolimalima ia ia James.I Dowsett;

alaila holo komohana akua 8850 kapuai

mawaena aku o na Aina Leialii o Waianae,

i hoolimalima ia ia H. A. Widemann

a mawaena aku o Pahoa, hapa o ke

Kuleana Hoona Aina Helu 7713, Kuleana

Hoona Aina Helu 10585 Ap. 1, Kuleana

Hoona Aina Helu 9479, a me Kuleana

Hoono Aina Helu 9486 C. Ap. 2 i ona ia e

H. A. Widemann, mawaena aku o ke

Kuleana Hoona Aina 9489 B. ia Holi Ap. 1,

i ona ia e Punohu, a mawaena aku o ke

Kuleana Hoona Aina Helu 9580, Ap. 5 ia

Ohule;

komohana akau 12160 kapauai mawaena

aku o Makaha, hapa o ka waiwai o

R. W. Holt, he hapa i hoolimalima ia i

ka Hui Mahiko o Waianae; alaila holo

akau 8000 kapuai mawaena aku o ka Aina

Leialii o Keaau, i hoolimalima ia ia L. L.

McCandless; alaila holo akau 5400 kapuai

mawawaena aku o Ohikilolo., i ona ia e

Samual Andrews; alaila holo akau 16100

 

kapuai mawaena aku o na Aina Aupuni

o Makua, Kahanahaiki a me Keawaula, i

hoolimalima ia ia Samual Andrews, a

mawaena aku o ke Kuleana Hoona Aina

Helu 9709 Ap. 1 ia Kuli, i ona ia e John

Holt; alaila holo komohana akau 1100

kapuai mawaena aku o Keawaula, Palapala

Sila Nui Helu 4522, i ona ia e

Samual Andrews; alaila holo hikina 3800

kapuai mawaena aku o ka Mahele 1665 ia

Kaaila a me Keino, i ona ia e B. B. Maile;

 

alaila holo hikina 2700 kapuai mawaena

aku o ka Mahele 1805 ia Opunui, i ona ia

e Kamealani (w); alaila holo hikina 2100

kapuai mawaena aku o ka Mahele 1807

ia Kauwa, i ona ia e Samual Andrews;

alaila holo hikina 2800 kapuai mawaena

aku o ka Mahele 1806 ia Kahuhu, i ona

ia e Kamealani (w); alaila holo hikina

 

1400 kapuai mawaena aku o ka Mahele

1804 ia Kahunalii, alaila holo hikika 2000

kapuai mawaena aku o ka Mahele 247 ia

Nuuanu a me Kahili, i ona ia e Kamealani (w);

Pea, Kahau (w) a me Kanewahine (w);

alaila holo hikina 2000 Kapuai

mawaena aku o ka Mahele 248 ia Opunui,

i ona ia e Gaspar Silva, Kamealani (w) a

me Ikalia; e komo pu ana ke akea o 40

kapuai, 20 kapuai ma kela a me keia aoao

o ka Laina, a me na akea pakui e kupono

ai no ka hoomoe a me ka hoomau akui i

ka malama ana i na alahao la.

 

Oahu Railway and Land Company

 

Ma o JOHN H. PATY la kona Peresidena

  a me W. G. ASHLEY kona Kakauolelo

Honolulu, Dec 19, 1894  2525-4

 

 

E Haawi i na keiki Ai Waiu

A ME NA POE OMAIMAI

 

MELLIN'S

for                   and

INFANTS       INVALIDS.

TRADE MARK.

FOOD

I ka Mea Ai

 

He Ai Hoou'u Oi Loa

No ka hooulu Kamalii

Ka Hoopohala mai an

Na Mai Ake Pau

Na Opu Ai wali ole.

a me na lelemakule loaa i na

Nawaliwali

 

HE

AI MAIKAI LOA

No na Pakii Hanai Lima ia

 

BENSON, SMITH & CO.

Na Awena wale no ma ke Hawaii Pae Aina

 

 

Hoolaha hou.

 

AHA HOOKOLOKOLO KAAPUNI APANA

Eha o ko Hawaii Pae Aina.  Ma ka hooponopono

waiwai.  Ma ka hana o ka waiwai o

EKEKELA K. KAAWA (w) o Kalawao Molokai

i make.  He kauoha no ka hoolohe a me ka

hoolaha aku e hooiaio i ka palapala kauoha.

  No ka mea ua waiho ia mai ma ka la 2 o

Novemaba e Hillebruck a me Wilder he palapala i

oloelo ia oia no ka palapala kauoha hope loa a

Ekekela K Kaawa (w) o Kalawao Molokai i

make i keia Aha me kekani palapala noi no ka

hoolalo ana a me ka hoopuka ana i ka palapala

hookohu lunahooponopono waiwai ia G. K.

Wilder.

  Ke kauoha ia nei, o ka Poalima la 25 o

IANUARI A. D. 1895, ma ka hora 10 a. m. o ia la ma

ke Keena Hookolokolo o ia Aha ma Hilo Hawaii,

oia kahi a me ka manawa i koho ia no ka

hooiaio ana i ua palapala kauoha la a me ka

hoolohe ana i ua noi la.

  Kakau ia ma Hilo Hawaii Dekemaba 14, 1894.

  Na ka Aha

  DANIELA PORTER.

    Kakauolelo

 

Ma ka Aha Apana o Molokai.

 

C. H. Dickey ma o J. H. Mahoe la

Luna Auhau kue ia D. Kaopeahina

Hoopii Koi Aie

 

PALAPALA KII

 

I ka Ilamuku o ko Hawaii Pae Aina, kona

Hope a i kekahi makai paha o ka Apana o

Molokai, Mokupuni o Molokai.  Me ka Mahalo.

 

Ma keia ke kauohaia nei oe e kii aku ia D.

Kaopeahina ina oia e loaa ana ma keia Apana,

e hele mai imua o'u ma ko'u keena ma Puk@,

ma ka la 2 o OKATOBA 1894, ma ka hora 9

kakahiaka, a malaila e pane mai ia C. H. Dickey ma o

H. H. Mahoe la, ka Hope Lunahelu o ka Mahele

Auhau Elua o ko Hawaii Pae Aina, a ma ia @

pii ke olelo nei ka mea hoopii.

  O ka mea hoopiiia D. Kaopeahina, ua aie oia

i ka mea hoopii ma ke ano oihana i na dala he

Iwakalua no ka auhau i heluia maluna o ke

kino a me ka waiwai o ua mea hoopiiia la, ma

na Buke Auhau o ka Lunahelu o ka Apana o

Molokai, Mokupuni o Molokai no ka @.  A

oiai ua koi ia ka mea hoopiiia aole nae i uku

mai i ua auhau la a i kekahi hapa paha Nolaila,

ke noi nei ka mea hoopiiia no na Dala he

iwakalua me umi pa keneta hou aku e like me ke

Kanawai a me ke koina o ka Aha.

  E hai aku hoi ia D. Kopeahina in aole ia e

hiki mai ana ma kahi, ka la a me ka hora i

oleloia maluna, e haawiia ana kekahi olelo

hooholo e kue ana iaia no ka hikiole mai

  Haawiia malalo o ko'u lima i keia la 2 o

Okatoba, 1894.

  W. A. KUKAMA.

Lunakanawai Apana o Molokai

 

Ua huliia me ke akahele ka mean non ka inoa

i oleloia o D. Kaopeahina, aka, aole nae i loaa

ma Molokai.  Nolaila, ke hoihoi ia aku nei keia

palapala kii me ka hooko ole ia, no ka mea aole

loaa o D. Kaopeahina iloko o keia apana.

  H. R. HITCHCOCK,

Hope Makai nui o Moloka

 

Ua noi ka mea hoopii e hoolaha i na mea a

pau a e hoomau aku i ka noho ana o keia hihia

a hiki i ka la 12 o Dekemaba e hoolohe ai, a

mahope o ka noonoo akahele ana no ia noi a

me na olelo hoohiki i waihoia mai a me ka @

hoi ia ana mai o ka palapala kii e ka makai @

ka loaa ole, me he mea la, o ka mea hoopiiia e

oleloia nei aole e loaa maloko o keia Mahelo

Auhau la.

  Ke kauohaia nei e hoolaha aku i ke kope oiaio

o na palapala kii maloko o ke Kuokoa he

nupepa puka hebedoma e pai a hoolahaia nei

ma Honolulu no ekolu manawa, a o ka hoolaha

hope aole e emi mai malalo o 10 la mamua ae o

ka la e hooloheia ai, a e hoomauia keia hihia a

hiki i ka la 12 o Dekemaba 1894.

    W. A. Kukamana

Lunakauwai Apana o Molokai

   2526-3

 

PAPA!  PAPA!

 

AIA MA KAHI O

 

Lewers & Cooke

 

(LUI MA)

 

Ma ke kahua hema o Alanui Papu

  me Moi.

 

E LOAA NO NA

 

PAPA NOUAIKI

 

O kela a me keia ano.

 

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa

 

NA PILI HALE O NA ANO A PAU

 

a me na

 

WAI HOOHINUHINU NANI

  o na ano a pau loa.

 

Na Balaki o na Ano he Nui Wa

 

Ke hai ia aku nei oukou e na

makamaka a pau, ua makaukau

keia mau makamaka o oukou e

hoolawa aku ma na mea a pau e

ili ana ma ka laua oihana no ka

 

Uku Haahaa Loa,

 

E like me ka mea e holo ana mawaena

o Laua a me ka Mea Kuai.

 

Hele Mai e Wae no Oukou iho.

 

  2896-q