Ka Nupepa Kuokoa, Volume XXXIV, Number 11, 16 March 1895 — Page 1
| This text was transcribed by: | Nyla Fujii-babb |
| This work is dedicated to: | K.M. Kamalani Fujii, Ka'u mo'opuna wahine |
Ka Nupepa Kuokoa
KE KILOHANA POOKELA NO KA LAHUI HAWAII.
ME KO HAWAII PAEAINA
BUKE XXXIV. HELU 11. HONOLULU, POAONO, MARAKI 16, 1895
NA HELU A PAU, 2537
HOOLAHA @O@O.
H. R. HITCHCOCK,
Notari no ka Lehulehu.
Apana Hookolokolo Kaapuni Elua,
Kaluaaha, Molokai
2514-@@
W. R. KAKELA,
Loio a he Kokua ma ke Kanawai.
HE LUNA HOO@AIO PALAPALA
2870
ANTONE ROSA, (AKONI.)
Loio a he Kokua ma ke Kanawai.
LUNA HOO@AIO PALAPALA
K@ena Hana ma Alanu Kaahumanu
2370
ALLEN & ROBINSON,
NA MEA KUAI PAPA O NA ANO A PAU
E lo@@ no ma ka UWAPO O PAKAKA, Ho@@@@@@, make kumukuai makepono loa, no ka pomaikai o ka lehulehu e makemake ana e ku @@@@ h@le. @ kipa mai a e ike kumaka.
2@@6-@
WILDER & CO., (WAILA MA.
@ea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.
Kihi o Alanui Moiwahine me Pap@.
396-@
JAMES M. MONSARRAT,
(MAUNAKEA.
Loio a he Kokua ma ke Kanawai.
HE LUNA HOO@AIO PALAPALA
E @@@@ ia no @a Palapala kuai, Palapala @@@@@i@a@@@a, a me na Palapala Pili Kana@ai e @@ m@ ka olelo Hawaii. Dala no ka @@@@@ ma ka moraki ma na Waiwai Paa.
@@@@a Hana: Hale Pohaku hou ma ka @@@@ ma Waikiki o ka Halewai, alanui Ka@@@@. 2370
Ka Edison Mekini Uwila Kupanaha.
Ua HIKI MAI NEI KA MEKINI UILA
Kupanaha a EDISON @ Honolulu nei, a k@ hoikeik@ ia nei ma ka HALEAI HAUPAA ONO O HART & CO., ma Alanui Hotele. No 1 kenikeni wale no ike oe i na mea kupanaha a pau. Hamama mai ka 9 A.M. a i ka 9 P. M.
2532 @@
PAPA! PAPA
AIA MA KAHI O
Lewers & Cooke
(LUI MA).
Ma ke kahua he@@ o Alan@i P@p@ @e M@i.
E LOAA NO NA
PAPA NOUAIKI
O k@l a ma keia ano.
Na Pani Puka, na Puka Aniani,
na Olep@l@p@, na P@u, na O`a,
na Papa Hele, na Papu Ku,
me na Papa Moe he nui loa
@@ PILI HALE O NA ANO A PAU
@ me ua
WAI HOOHINUHINU NAN
@ @@ @no @ pau lo@.
N@ Balaki o na Ano he Nui Wa
Ke hai ia aku nei oukou e n@ makamaka a pau, ua makauka@ keia mau makamaka o oukou e hoolawa aku ma na mea a pau e @@@ @@@ @@ @@ laua oihana no ka
Uku Haahaa Loa,
@ @@@ @@ @@ mea @ holo ana maw@@@@ o L@@@ a me ka Mea Kuai.
Hele Mai @ Wae no Oukou Iho.
2@96-q
HE MOOLELO WALOHIA
NO NA UI
Makua Ole Elua.
LA FOSA,
Ka Makona,
A ME
Pia Fosa,
KA MEA I PIHA I KE ALOHA
DE WODISE,
Ka Naita Puuwai Piha
Hamama a me ka Olu Waipahe.
MOKUNA IV.
"Aole no hoi oe i hoopuka iki ae i kekahi mea iloko o kau leta?" i pane mai ai o Heneriata, iaia i nee aku ai i hope mai ka hopu ia ana mai e keia pu@i ino e ku aku nei mamua ona.
"Aole," wahi a La@@u me ka hikiwawe. "Aole au i hahai aku no ka ka-no ka mea, oia hoi, aole au @ ike e haalele ana au ia wahi, a ina aole oe e hilinai ia'u, aia ma o kekahi o ko'u mau hoa kanaka, poe maikai, hoopono hoi a na lakou e hooiaio mai ia'u."
Iaia i olelo ae ai, a ia manawa pu no hoi @ haawi ae ai oia i kekahi hoailona a i ike ole ia hoi e Heneriata, a i kela manawa koke no i puka koke mai ai he ekolu kanaka ma kahi a La@@u i puka mai ai, a hele loa la lakou imua o lakou nei.
"He mea pohihihi loa ke @ooiaio ia no ka hoopono o keia mau hoa kanaka o L@@@, aka ma kekahi olelo ana, o ko lakou ano a me ko lakou kulana, he poe kanaka no kekahi mau wahi keniknei uuku wale no, aole lakou e hoohakalia ana i ka hana ana, ina paha ia he hana pelapela ino loa.
Ina aole i hele ke keiki kina hoopono Pia i kela manawa o ke kupilikii, ina aole he pohihihi iaia ka hoomaopopo ana ia lakou he poe punikoko, oki puu, a i ike ia hoi e apono koke ana i na hana ino a pau, i mea e loaa ai ke dala ia lakou.
Ia Heneriata i ike aku ai i na kanaka e hele mai ana imua ona, nana aku la oia i ko lakou mau helehelena, a iloko o ka manawa pokole ua ahuwale iaia ko lakou ano, e like ka maopopo me ka heluhelu ana i kekahi buke.
Ua komo aku la ke anu maeele iloko o Luisa, ua hiki mai kekahi pilikia nui i hiki ole ke alo ia ae, nolaila, hope aku la oia i ka lima o kona kaikuaa@a a puana ae la: "E Heneriata, mai haalele mai hoi oe ia'u!"
Aole i loaa ia Heneriata he manawa e pane aku ai i kona kaikaina no ka mea o na kanaka a La@u i kahea aku ai ua hiki mai a ua kokoke loa me ia, a o kekahi ua komo koke ae la oia mawaena ona a me Luisa.
"Heaha la ke ano o keia mea e hana ia nei?" i ninau aku ai oia me ke kapalili o ke pana i kau a mea o ka makau.
Aole i loaa mai ka pane no kana ninau; aka huli ae la o La@u me ka hikiwawe loa i kona mau kanaka a kahea aku la:
"Ea- e wiki, ua nui loa ka manawa i hoomaunauna wale ia. E lawe ike kaa!"
I ka manawa i haawila ai o ka hoailona a ua poe manaoino nei; e kali hoomanawanui ana o ka lohe, ia manawa pu no i lele aku ai lakou maluna o Heneriata a hopu aku la iaia me ka paa pono.
Iloko o kona wili a oni hoomanawanui ana iloko o ka lakou umii ana, ua hemo ae la kona poo no kekahi manawa e hiki ai iaia ke kahea.
"Aole, aole- e kokua, e kokua! a me ka hoao ana e pale i ke kau ana mai a ua poe nei i ka hainaka maluna o kona helehelena i hoopulu ia me kekahi laau hoohiamoe.
Ua ikaika no keia kupaka ana ana, a iloko o kanakolu sekona he pio oia, a ua pau ka hana lapuwale i ka hana ia, a ua lawe ia aku la o Heneriata me ka hikiwawe loa, me ka haalele iho i kona pokii aloha Luisa iloko o ka pilikia nui, aloha oia.
MOKUNA V.
KA MAKAPO ME KE KOKOOLUA OLE.
No kekahi mau minute pokole wale no ko ke kaikamahine makapo o ke ku ana me ke pihoihoi nui, e hooloke pono ana hoi o ka lohe hou aku i ka leo o kona kaikuaana aloha, aka, aole ka leo i maa iaia i pae hou mai i kona mau pepeiao, o ka mea wale no ana e lohe ana, o ka halulu o kai wai, a o ka nakeke o na kapuai wawae o ka poe e hele ae ana ma kahi mamao.
Iloko o Parisa me ke kokoolua ole. Makapo me ke kokoolua ole, me ka ohana a hoaloha ole. Ia wai la oia e hele aku ai, koe wale iho no iaia ka moa e malama ana i na manu liilii, a o kona nani aole i loaa i na kanaka.
"Aole a'u mea e lohe nei." wahi a Luisa iloko o la leo hawanawana iaia i kulou hou mai ai i kona poo no ka hoolohe hou ana. A iloko o ka leo i piha i ka haalulu a me ha makau, i puana aku ai oia, " E Heneriata e, auhea kela kanaka! E kuaana hoi, heaha la kou mea e pane ole mai nei ia'u?"
Aka, aole he leo pane i hiki aku imua o kana mau kahea kumakena ana.
"E Heneriata! E Heneriata hoi! Heaha la kou mea o ke kamailio ole ana mai ia'u, e kamailio mai ia'u i hookahi huaolelo. E pane mai ia`u e Heneriata!" aole pane aole haina. A i keia manawa i lohe aku oia i kahi mamao loa i kekahi leo kahea a hoomaopopo aku la oia i ka mea nona ia leo.
"Luisa," oia ka leo kahea, a ia manawa ke kaikamahine makapo i ike iho ai, ua mamao loa kona kaikuaana mai iaia aku, a he pio na kela poe kanaka ino i ike ole ia mea he aloha.
"Auwe! Oia kela." Ua aihue aku lakou iaia mai a'u aku nei, wahi a Luisa iloko o ka leo e ehaeha ai ka naau a me ke ku i ke aloha o ka poe e lohe ana. "Auwe! Pehea la au e hana ai. Owau wale iho no aole l@a! Pahea la au e pono ai!"
A na ka panina o kela mau leo kumakena i lawe aku iloko o kona lolo me ka ikaika nui no kona kulana e ku nei, a oia ka mea nana i hookahe mai kona mau waimaka e hele makawalu ka iho ana mai.
"Heaha la ka mea e hiki mai ana maluna o'u?" wahi ana me ka uwe haaloulou ana. Aole lua iloko o keia kulanakauhale nui, iloko o ka hemahema nui a me ka makapo -- "E kuu Akua! Heaha ka'u mea e hana ai? Ihea la au e hele aku ai? Aole hoi au i ike ma ka aoao hea la au e huli ai?"
Ua maopopo ke keiki pilikia, aia oia ma ke alanui kahi e ku nei, a iloko o ka pilikia nui o ka hookuiia aku e ka poe e hele ae ana, ua hele oia a kunahihi, no ka mea, o kona lolo kohu mea e kaa ana, a oia ka mea nana i hoano e i kona noonoo a hiki ole ke hoomaopopo a hele aku la oia e imi i kahi e hookui ole ia aku ai e ka poe hele.
I kona manawa e hele nei, aia imua kona mau lima kahi i kuhi ai, aka iloko o keia mau kuhikuhi ana aole i halawai aku kona mau lima me kekahi mea, a me ka maopopo ole iaia, i hiki aku ai oia ma kahi o ke kaola a i ole o ka paepae o ka paepae o ka uwapo, ka mea nana i pale alu i ka haule ana aku iloko o ka muliwai.
Ma hai o keia paepae oia i hookolo aku ai i kona alan@i a hiki i ka pau ana o ka pa ana o kona lima i ka paepae. O ka palena ia o ka uwapo a ma ia wahi aku he alanui pii pohaku e iho ana ilalo i ka muliwai, a me ka ike ole ae i keia pililia nui mamua ana hoi e hele aku nei.
Hookahi ana keehina wawae i koe a o kona haule no ia ilalo maluna o na puu aa o ka muliwai, a me ka lohe ole ae i ka halulu, i hoomaopopo iho ai oia aia oia iloko o ka poli o ka lima o kekahi kanaka.
O Pia no ia, a i ka piha ana o kana mau kini wai, a me ka maluhiluhi oia i pii mai ai a kau iluna i ke poo o ke alanui pii, i ka manawa maikai e hoopakele ai i ke ola o ka mea makapo, a iaia hoi he wahi kapeke uuku wale no malalo iho.
"E na lani kiekie!!" wahi ana, iaia i lawe aku ai i kana ukana no waena o kahi kuea uuku, "heaha kau mea e hoao nei e hana?"
"Aole, aole au i ike- heaha ia mea?" wahi a Luisa iloko o ke pahaohao nui, a me ka haalulu a mae hoi o ka helehelena, a e hoohalikelike ana hoi ia mau mea a pau.
"Hookahi au keehina wawae i koe o kou haule no ia iloko o ka muliwai!" i pane aku ai o Pia iloko o ka leo i piha i ka makau ke noonoo i ke ano o ka hopena e ili ai maluna ona.
"Ea, e hoopakele ia'u - e hoopakele hoi ia'u!" wahi a Luisa i hopu pono aku ai oia i na lima o Pia, no ka makau o haalele ia oia ka mea hiki ke kokua iaia.
A ia manawa pu no hoi i haalele aku ai ka makuahine o Pia i ka inu ana me ke keiki nani ana o Keaku, i uku ia hoi e na wahi loaa uuku a ke keiki kina i hoomanawanui ai. A iaia i puka mai ai mailoko mai o ka hale inu lama, ua hoopuiwa ia kona lunaikehala i ka ike ana aku i kana keiki e kuikui hele mai ana me kekahi kaikamahine opiopio ui.
He rula maa mau i ka makuahine Fosa i ka puiwa ke ike i na mea ano e, aka iloko o keia manawa, ua hoo@ paumi ia aku kona kunahihi i kana mea e ike nei, a ina paha o Keaku keia, ina ua kani kana aka, a he mea oiaio ia; aka no Pia, ua pupule ia paha kela kaikamahine, wahi a kona mau noonoo mua; a me kona kulana hiehie i piha i ka hookano i hele aku ai oia imua o laua a me na maka kokoe i halo aku ai oia i ka helehelena o Luisa i hoalii ia e ka makau nui a mae hoi.
"Ea, heaha ka pilikia?" wahi ana i ninau aku ai. "Heaha kau hana malaila e Pia?"
A no ka nui loa o ko Pia eehia, aole oia i pane aku, a ia manawa pu o La Fosa i hope mai ai ia Luisa ma ka lima me ka hooponopono ole, a ninau mai la me ka leo i piha i ka makona:
"E ka wahine opio, ua haule anei oe?"
O keia leo keke a aaka, ua apo ia aku ia me ke aloha e ko Luisa lunaikehala, no ka mea ua lohe aku la oia he leo ia no kekahi mea o kona aoao i kamailio aku ai.
Hopu aku la oia i na lima oolea lepo, a no ka lima wahine ana o ka mea ana i hoopa aku ai, ua hiki iaia ke honi.
"E ka wahine maikai," wahi ana iloko o ka leo hoomalimali. "Mai haalele oe ia'u, e oluolu hoi. Ke noi aku nei au ia oe mai haalele mai ia'u maanei owau wale no."
Aole ka makuahine Fosa i hoike aku no kona kulana, aka, e hoike ana oia he kulana nawaliwali ole kona, aole oia haawi i kekahi manao aloha no ka Luisa mau leo pule. A na Pia i pane aku no kana mau leo pule.
"E hoomama ia oe iho, e madimosele, aole pilikia i koe," wahi ana me ka hooiaio ana, iaia e kilohi ana i na helehelena nani o ke kaikamahine makapo.
"Heaha ia?" i ninau aku ai kahi luahine me ke ano okakala. "Ua nalowale anei kou poo?"
A iloko o kela ninau hope, i hele pu mai ai ka leo i piha i ka awaawa a e hooi mau ia ana i kela a me keia minute.
"Ae, ae," i pane aku ai o Luisa me ka hoomaopopo ole na mea i olelo ai. " Ke hooma nei au e pupule ana au. Auwe! E ka wahine mai, he mau minute wale no i hala ae nei o kuu kaikuaana me a'u iho nei no maanei a ua aihue ia aku oia mai a'u aku."
Aole i pau.
HE MOOLELO KAAO
NO
NAMAKAOKAPAOO
KE AHIKANANA WI WO OLE O KULA I MAUI.
KE KOA KAULANA I KE AU O IMAIKALANI KA MOI O KAUAI
KA MEA NANA I PULUMI
PAU NA KAEAEA O KAUAI A@PUNI.
KA OLALI AU MOANA O NA KAI
EWALU O HAWAII NEI. -- KA
HIAPAIOLE O NA LA I
AU WALE AKU LA.
(Hoopukaia e John K. Ilihia, Lihue, Kauai.)
Ia wa, puka mai nei ua keiki nei mailoko mai o kona wahi papai pohaku, me ka hii pu no i ua wahi puaa nei a noho pu lakou nei iwaho, a ike aku nei ua keiki la i kahi koa e noho pu mai ana me na kahuna, a aloha aku nei keia a aloha mai nei no hoi ua wahi koa nei, a eia ka hana a ua mau kahuna nei, ke hawanawana aku nei kekahi kahuna i kahi kahuna o kilou ai na lima o laua ia laua iho. Ea, keela io no a ke keiki kanaka maikai o keia, ui aole o kana mai, a eia hoi ka olelo a kahi elemakule, ea, ei nei, ola ko kaua mau iwi a o ka haku keia; ke kulolou la hoi ua mau elemakule nei ilalo, no ka mea aole e hiki i ua mau elemakule nei ke nana aku i ua keiki nei, ke hele ala a powehiwehi na maka i ka ui palena ole o ua keiki nei.
Pane mai nei ua keiki nei, heaha la hoi, e hele aku au, a akahi no a waiwai ka huakai o ka hiki ana mai la, a e hele hoi paha au e ike i ke alii o oukou, i ke alii puni koko o oukou. A pane hou mai nei no ua keiki nei, e auhea oukou, aole no i pau ka manao hoohuoi o ke alii o oukou ia'u, no ka mea hala mai nei no oukou, kau ia mai la o Aha Ula, ka aha kapu, a e hele aku hoi paha au e pii i ka aha o ke alii.
Ia wa, i mai nei ua keiki nei, e hele hoi ha kakou, a hoeu aenei ua mau kahuna nei a me kahi koa no ka hoi, ia wa komo hou aku nei ua keiki la iloko o kahi papai pohaku ona, a lalau aku nei i kahi kuina apeu ona a kau i ke kua, a puka hou mai la iwaho, a o ko lakou kaha mai la no ia hele ana. O ua wahi keiki nei mawaena a o na kahuna no hoi ma na aoao, a o kahi koa aia ia mamua o lakou nei e hele la.
I na kapuai wawae no o ua keiki nei a kai mai, o ka wa no ia o Kanehekili, Kaneikapohakaa, Kaneluhonua, Kauilanuimakehaikaiani i hoomaka iho ai i ka lakou hana, ke olai, a ke olapa nei ka uila, i hele kela a malamalama Puna i ke ahi a ka wahine.
O keia mau pohaku e kui nei, he pamalo wale iho no aohe ua, ala no ka ua iuka o Waialeale kahi i noho ai, a o ka wai ke hele la i kai o Wailua, a i keia wa a lakou e hele nei, eia no ke ku nei ka punohu ula, ke ua nei ka ua koko, ke pipio nei ke anuenue ma kela a me keia aoao o lakou nei, a ke kau pono iho nei no ka onohi ula maluna o ua keiki nei, a eia ke hele pu nei keia mau mea a pau loa me lakou nei, a oia ka ua mau kahuna nei i huli ae ai a nana i ka lewa-lani, ua hele hoi ke ao a hakumakuma a eia hoi ka omaka wai ke puka nei i kai o Wailua,
a hoopuka ae la i ka olelo. Kahaha - ka maikai ka hoi o ka hele ana mai nei eia ka e ino ana, a pane ae nei ua keiki la. Heaha hoi ka ino, he malie wale no hoi ia a kakou e hele nei. Pane mai nei kekahi elemakule, kahaha - nawai hoi ka malie, eia na'lii la ke hele pu nei me kakou, a eia ka huelo o ka wai la ke haki a nalu ae nei, eia paha la o na haoao nunui o mua ku nei. Pane mai nei ua keiki la, i ke aha hoi? I mai nei ua mau kahuna nei i ka inoino hoi paha o kahi e hiki aku ai. Pane ae nei ua keiki la, aohe inoino, haele aku paha kakou.
O ka hele ia o lakou nei a kau pono iluna o Kuamoo, i nana iho ka hana o lakou nei ia lalo o kahawai o Kaluahole, aole o kana mai o ua mea he wai. Aia hoi paha la, wahi a ua mau kahuna nei i pane ae ai. @ ae nei ua keiki la, aohe hoi ha he wai, iho aku kakou.
Iho aku nei lakou nei a hapalua paha koe alaila hiki aku i kahawai, a ku iho nei lakou nei ilaila, a i ae nei ua keila la, e ku malie iho hoi oukou maanei a e hele iki ae hoi au ma o a hoi mai, ia wa hele aku nei keia a mamao iki mai a lakou nei aku, o ka wa ia o ua keiki nei i kahea ae ai i kona mau aumakua a pau, a nana aku la keia e holo kapakahi ana ka wai ma kela aoao, a ia wa hoi mai nei ua keiki nei a olelo aku nei ia lakou la, oia ina kakou, owau no auanei mamua a o oukou mai no mahope o'u.
O ko lakou nei hele aku la no ia a iho i kahawai, o ua keiki nei no mamua, a o lakou nei no mahope, a kau lakou nei ma kela aoao, ke pii ala lakou nei o ia pali nui a kau iluna, a iho i kahawai o Kawelowai a kau mao, ilaila wehe aku la o uahi i kahi koa, nana aku ia @a nee ka holo, nee ka lele aole o kana mai i ke ua mea o ka piha i ka hauoli o nei wahi kanaka, a oia kau e ka mea heluhelu e ninau iho ai, o kahi koa hea la keia e nee nei ka holo nee ka lele, haina, kai no hoi o kahi koa no keia i hookolokolo ia ai imua o ua 'lii nei o Imaikalani, no kona hewa he hookuli i ka olelo kauoha a malama ole i ke kanawai o ke'lii, a mai pau i kalua paa ia i ka imu e ka pukaua nui o Imaikalani, e ole ka akamai piha o kona mau loio o ka pale ana (oia na kahuna) pakele ai, a i hui pu ia hoi me ka mana o na huaolelo a ka kakou koa opio.
Ae, pupuu a hoolei loa, noho aku ana ua wahi koa nei i Kolea, a ku ana keia mawaho o ka pa auki o ke alii, ua hele hoi owaho o ka pa o ua 'lii nei a piha i na kanaka, e laa na kane, wahine a me na keiki, hewa i kai wai ua mea he nui o na kanaka aole o kana mai, a eia hoi na koa o ua 'lii nei ke holoholo nei mawaho o ka pa, me ka lako i na mea kaua oloko o ia au.
Aole hoi e hiki ia ianei ke komo aku iloko, oiai aia ke kau mai la ka aha kapu, oia o Aha Ula, a eia no keia mawaho o ka pa auki kahi i holoholo ai, e lelele ana io a ianei, a i ka nana ia mai nae o ia nei e kanaka, he kohu pupule ke ano, e ko'u wale ana no ka waha ia mea aku ia mea aku, aka o ka pololei nae, he piha hauoli ma kekahi ano, a ma kekahi ano hoi, he piha inaina i ke alii, i kona pukaua a me na koa i hele pu ai lakou i kai o Wailua, a oia na huaolelo a ua wahi koa nei e kukahalake nei me ka nui o ka leo.
Kahaha - ke nana mai nei na maka o oukou e neia kanaka lapuwale kauwa makawela iki a kau hana, o oukou no hoi e keia poe koa lapuwale a ka hoopunipuni i ke alii ia'u nei i ko oukou hoakanaka, me ko oukou olelo ae i ke alii he hoopunipuni au, a e make au, a @ kalua paa aku ia'u i ka imu; e, auhea oukou, me kuu hookamani ole au e kamailio aku nei ia oukou, ina iho kuu haku a hiki mai, kuu alii a me kuu lani, a o kuu hoopakele hoi, a oia ka'u e olelo aku nei ia oukou i keia wa ano, me ka wiwo ole, he ahi au i keia la, he enaena au i keia la, aoho poiwai nui e pio ai keia ahi a me keia enaena.
I keia la e wehe ana ka piko o Iouli, e haalele ana koa waa i koa kanaka, aohe hoaloha, aohe alii, aohe kahuna i ka ia o kuu inaina, i kuu waha nei no la a owaka aku i kuu lani e hele mai nei, ke like nae hoi kona manao me ko'u, alaila e @ aku au ia oukou pau pulu oukou aohe opala koe i kalua paa ia i ka imu i keia la, mai a oukou a i ka pukaua o oukou, a i ke alii puni koko o oukou a me kela mau kahuna hoopunipuni ike ole o oukou, e make oukou a pau loa e pono ai, aia wale no ko oukou pakele a ho aloha o ke keiki ia oukou, alaila pakele oukou a pau loa i keia mau olelo a'u e hoike aku nei ia oukou.
A iloko o keia wa a ia nei e nui nei ka leo mawaho o ka pa auki, ia wa ninau ae nei ua Imaikalani nei, owai hoi keia e nui mai nei ka leo mawaho? Olelo aku nei kona pukaua, kai no hoi o Iouli no. O Iouli, wahi a ua 'lii nei i pane ae ai, mau nu@ ole ko waha i ka walaau e na wahi kanaka ina oe i pau i kalua paa ia i ka imu i nehinei.
No ka lohe ole o ua wahi koa nei i keia mau olelo a ka alii e kamailio nei, neenee mai nei kela a mawaho pono iho o ka puka pa, ua hele hoi na wahi lauoho o ia nei a okala, hele na wahi pepeiao a kihikihi, ke hoolei mai na mamala olelo a ua wahi kanaka nei he pupule maopopo ke ano, no ka piha mai nae i ka inaina ke kumu.
Ia wa, nana aku nei keia ia loko o ko pa auki a me ka hale o ua 'lii nei, a ike aku nei i na kahuna, oia hoi na makaula, na kilo a me na kuhikuhi puuone e noho pu mai ana me ua 'lii nei iloko o ka hale, a eia hoi o Namakaokai'a ke holoholo nei, a i aku nei ua wahi koa nei, @ i ala, he i'a oe na'u ua moa mua i ka lawalu, ke hooko ia kuu makemake e kuu lani a hoea iho, he lili au ia oe @ ku mai la, he oi oe a ke kanaka ino a ka lapuwale loa, hele hoi au a olelo aku ia o@ he wahi olelo ka'u a lohe aku ke alii, eia kau, heaha aku kau o laila, aia ia oe ka make a me ke ola.
Nolaila, aole au e olelo aku ana ia oe, owau kou mea nana e pahu i ka ihe, aka aole e moe keia maka a hulili ka maka o ka ihe ma ko kua. A pau ae nei ka nuku ana o ua wahi kanaka nei i ua pukaua nei o ke alii, huli aku nei a nuku i na kahuna. Kahaha - aia, o kela mau makaula lapuwale hoopunipuni ike ole e noho mai la, o ka hookeikei makaula wale iho no, e oleha ai na maka i ka lani, aohe nae he ike, olelo ia hoi ka makaula he ike, ia olua hoi e na mau elemakule lapuwale hookohukohu makaula wale iho no, he oki loa nae, e laua la, makehewa ke ola ana i keia ao aohe ike, aole e pomaikai ke alii, a aole no hoi e pomaikai ka aina o oukou na kahuna e noho ai o ke aupuni, he piha i ka epa, ka hoopunipuni a me ka hoopilimeaai, nolaila o oukou a pau loa a eono e noho mai la, he maikai loa e kalua paa ia oukou i ka imu e pono ai.
[HOOMAUIA.]
I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERLAIN'S COLIC, CHOLERA a me DIA@ROEA REMEDY laau lapaau a e oi aku ana kou mahalo ke ike oe i kona hop@na. He oluolu, palekana a puhili ole. He oluolu, palekana a puhihi @@e. He 25 a me 50 keneta o ka omole, a e kuai ia no ma na halekuai lapaau a pau.
BENSON SMITH & CO., na. Agena ma ko Hawaii Paeaina. tf
"O ka oi ma ke ao holookoa," Oia ka W.D. WOODRING o BORDLY KENETUKE, e hookaulana nei no ka Chamberlain's Cough Remedy (laau Kunu). Ke kamailio nei oia ma kona ike ponoi iho i ka inu ana, oiai o kona, a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei. E kuai ia no ma na Halekuai Laau Lapaau pau. O BENSON, SMOTH & CO., na Agena ma ko Hawaii Pae Aina. tf
NA KANAKA
DR. LIEBIG & CO.
Na Kauka no na mai
Kuluma Malu
a me Kuulala.
O ka Dr. Liebig laau hooikaika kino oia ka laau lapaau hoola maikai loa no ka nawaliwali ka emi o ke ano noonoo kanaka makua a me na mai malu, ka hoopio awiwi ia mai a me ka hoomakaukau no na hana o ka noho a@a ma@e, ka oluolu a me na koikoi. He hookahi omole @@ hoao e haawiia mai ai a e hoou@a ia aku paha me ka uku ole i kela a me keia mea e hoike mai ana i na hiohlona mai. E kipa a i ole e leta mai ma 409 Geary St., puka komo 405 Man@on St. San Francisco.
2507-@y