Ka Nupepa Kuokoa, Volume XXXIV, Number 28, 13 July 1895 — Page 1
| This text was transcribed by: | Richard Tavares |
| This work is dedicated to: | In memory of Fernando Marcelo Valdez |
Ka Nupepa Kuokoa
KE KILOHANA POOKELA NO KA LAHUI HAWAII.
ME KO HAWAII PAEAINA I HUIIA.
BUKE XXXIV. HELU 28. HONOLULU, POAONO, IULAI 13, 1895. NA HELU A PAU, 2554
Hoolaha Loio.
H.R.HITCHCOCK.
Notari no ka Lehulehu.
Apana Hookolokolo Kaapuni Elua,
Kalua@, Molokai.
2514-@
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA.
2@70
ANTONE ROSA,
(AKONI.)
Loio a he Kokua ma ke Kanawai.
LUNA HOOIAIO PALAPALA.
Keena Hana ma Alanui, Kaahumanu.
2370-@
ALLEN & RONINSON,
NA MEA KUAI PAPA O NA ANO A PAU E loaa no ma ka Uwapo o Pakaka, Honolulu, make kumukuai makepono loa, no ka pomaikai o ka lehulehu e makemake ana e ku kulu hale. E kipa mai a e ike kumaka.
2398-q
WILDER & CO., (WAILA MA.
Mea Kuai Papa a me na Lako kukulu o na ano a pau, a me na mea e ae a pau @ pono ai o ka hale.
Ki@i o Alanui Moiwahine me nPapu.
396-q
JAMES M. MONSARRAT,
(MAUNAKEA)
Loio a he Kokua ma ke Kanawai
HE LUNA HOOIAIO PALAPALA.
E hana ia no na Palapala Kuai, Palapala Hoolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai Paa.
Keena Hana: Hale Pohaku hou ma ka aoao ma Waikiki o ka H@i, alanui Kalepa. 2370
OLELO HOOLAHA.
O na poe lawelawe hana ole a pau me ka Hui Hanai Hipa Humuula, ke papa loa ia aku nei lakou aole e hele maluna o na alanui a ala liilii o na aina e noho mana ia nei e ua Hui la ke loa a ole ka ae ia mamua.
O na ilio e loaa aku ana maluna o ka aina, e pepehiia no; aole loa e ae ia ka ho’a pua ana ma alanui.
HUMUULA SHEEP STATION COMPANY.
Lalaieha, Apr. 20, 1895. 2544-1y
PAPA! PAPA!
AIA MA KAHI O
LEWERS & COOKE
(LUI MA)
Ma ke kahua hema o Ahahui Papu me Moi.
E LOAA NO NA
PAPA NOUAIKI
O kela a me keia ano.
Na Pani Puka, na Puka Aniani,
Na Olepelepe, na Pou, na O’a,
Na Papa Hele,na Papu Ku,
Me na Papa Moe he nui loa
NV PILI HALE O NA ANO A PAU
A me na
WAI HOOHINUHINU NANI
O na ano a pau loa.
Na Balaki o na Ano he Nui Wa
Ke hai ia aku nei oukou e no makamaka a pau, ua makaukau keia mau makamaka o oukou @ hoolawa aku ma na mea a pau @
ili ana ma ka lana oihana no ka Uku Haahaa Loa, E like me ka mea e holo ana mawaena o @ a m ka Mea Kuai.
Hele Mai e Wao no Oukou @
@-q
KA AHAOLELO.
Ka Aha Senate.
La Hana 17, Iulai 2, 1895.
Akoakoa ke Senate ma ka hora 10 kakahiaka e like me ka maa.
Hoike mai ke komite e pili ana i na huila kaa, ua hookomo lakou he hoololi. Aponoia.
Noi mai ke komite no ka bila e pili ana i na bila haawina, e haawi hou aku i Manawa. Aeia.
Hoike apono mai ke komite wae e pili ana i ka bila Hui Kukui Uwila o Hilo. Waiho ia a noonoo pu me ka bila.
Hoolaha mai ke Kuhina o ko na Aina e he bila e kukulu ai i ku Pualikoa Kiai Lahui Hawaii. Ma ke kapae ia ana o na rula, ua heluhelu mua ia ana ke poo a haawiia i ke komite pai.
Ma ke noi, ua hapai hou ia ka noonoo, no ka pauku 2 o ke Kanawai Aina a haawina i ke komite wae o ua kanawai la.
Hapai ia ka noonoo no ke koena aku o ka bila aina, ma ka heluhelu aloa, e hoomaka ana mai ka pauku 13 aku a hiki i ka 20.
Hoomaha ke Senate a ka hora 1:30 auina la.
Hoomaka hou ka noonoo i ka hora 1:30 mai ka pauku 20 aku, a kiola ia na pauku 20, 21, 22 a me 23. Hiki i ka pauka 28, kiola ia kela pauku, a waiho mai o Lyman h pauku pani malaila a haawi ia i ke komite. I ka hiki ana i ka pauku 43----
Hoopanee ke Senate a noho hou i ka hora 10 kakahiaka apopo.
Hale Lunamakaainana.
La Hana 16, Iulai 2, 1895.
Hoomaka na hana o ka Hale e like me ka mau.
Kukala mai ka Loio Kuhina, ua makemake o Peresidena Dole e loaa na kope pai o na bila pau i lawe ia imua o ka Hale.
Heluhelu ia mai he elele palapala na ke Senate e hoike ana i ke koho ia ana o Jas. A. Kennedy i hoa no ka Ahakuka o ke Aupuni.
Noi mai o Bond, ma ka hoike a ke komite hoonaaoao i lawe ia mai ai, ua haule $7@0 no ka halekula ma Maui, a nolaila e hookomo ia ua huina la ma ia hoile.
Hoike mai o Richards o ke komite o na bila i hooholo ia, ua waiho ia aku i ka Peresidena ka bila no na lilo o ka ahaolelo.
Ma ke noi, ua heluhelu mua mai o Robertson i kana bila e pili ana i ka hookomo ana mai o ka alakohola a me wai ikaika no ka hana lapaau a waiho ia malalo o na rula.
Ma ke noi, ua heluhelu ekolu ia ka bila e hoohaiki ana i ke komo ana mai o na pake a hooholo loa ia.
No ka ninau i ko ka Lunahoomalu hiki e koho ma na ninau hooholo loa i na bila, ua haawiia i ke komite o na rula.
Hoopanee ka hele a noho hou i ka hora 10 kakahiaka apopo.
AhA Senate.
La Hana 17, Iulai 3,1895.
Hoomaka na hana e like me ka mau.
Heluhelu ia mai he elele palapala mai ka Hale mai, e hoike ana ua hooholo loa ia ma ka heluhelu ekolu ka bila e hoohaiki ana I ke komo ana mai o na pake.
Hoolaha mai o Wilcox e lawe mai ana oia he bila e pili ana i na Kula o ka Repubalika o Hawaii.
Hapai ia ka noonoo no ka Bila Aina mai ka pauku 44 aku a hooholo ia. Hoopaapaa nui ma ka pauku 45 a kiola ua, oia ka pauku e papa loa ana aole e kuai i ka waiona a me ka opiuma maluna o na aina hoolimalima.
Hoomaha ke Senate a ka hora 1:30.
Hoomaka hou ka noho i ka hora 1:30.
Ma ke kapae ia ana o na rula, ua hoike mai o Waterhouse o ke komie wae no ka olelo hooholo eli i ke alanui pali o Nuuanu, e hooholo ia i olelo hooholo hui no ke koho ana i ekolu mau komisina maamaalea anaaina no ka nana pono ana i na lilo a hoike mai i ke kau mau o ka ahaolelo.
Hoike mai no Schmidt o ke komite o na buke helu, ua waiho ia mai he bila aie no kekahi mau mea pai i hana ia mamua aku o ka noho ana o ka ahaolelo, a he mea pono e waiho aku i ka poe nana i kauoha, a@le e uku i na bila i kauoha ole ia e hana e ke Senate.
Hapai ia ka noonoo o ke koena aku o ka bila aina a pa i loa.
Hoopanee a noho hou i ka hora 10 kakahiaka Poalima.
HALE LUNAMAKAAINANA.
La Hana 17, Iulai 3, 1895.
Noho ka halawai a hoomaka elike me ka mau.
Hoolaha mai o Kmauoha e lawe mai ana ia hebila e hoololi ai i ke kanawai e pili ana i na kau Aha Kaapuni.
Ma ke noi, ua hapai ia ma ka heluhelu elua ka noonoo o ka bila e pili ana i ka hookomo ana mai a me ke kuai ana Ii ka alakohola a me ka waiona.
Noi o Kamauoha e haawi i ka bila ke komite malama ola. Hoopaapaa ka hale a hooholo ia ke noi.
Ma ke kapae ia ana o na rula, ua heluhelu mai o Kamauoha he hoopii na ko Waimea, Hawaii, e hoemi ia ke kumukuai o ka aina o Puukapu i $1.00 o ka eka. Waiho ia ma ka papa a hoi mai ka bila aina.
Hoopanee a ka hora 10 kakahiaka Poalima.
Ka Aha Senate.
La Han a 18, Iulai 5, 1895.
Akoakoa ke Senate i ka hora 10 kakahiaka, Peresidena Wilder ma ka noho.
Hoolaha mai o Wilcox he bila e papa ana i ka opa ana a liilii na kapuai wawae.
Ma ke noi, ua heluhelu mua mai o Wilcox i kana bila e pili ana i na Kula o ka Repubalika. Waihoia malalo o na rula.
Na Waterhouse o ke komite waiwai i waiho ia aku ai ka hoike a ka Luna Hooia i hoike mai he olelo hooholo hui ka lakou e hoomana ana i ka Peresidena e koho i komisina ekolu lala e nana i kea no o ka lawelawe ia ana i keia wa, a e hoike mai i kau mau aenei i kea no kupono a lakou e manao ai he pono.
Ma ke noi, ua hapai ia ka heluhelu ekolu o ka bila e hoomana ana i na luna maikai a me ko lakou mau hope e lawelawe i ka oihana hoohiki a hooholo loa ia.
Hapai ia ka noonoo o ka olelo hooholo hui a ke komite wae no ke alanui pali o Nuuanu hoomana aua i ka Peresidena e koho i ekolu komisina a hooholo ia. Kauoha ia e kakau poepoe.
Hoopanee.
Hale Lunamakaainana.
La Hana 18, Iulai 5, 1895.
Hoomaka na hana e like me ka mau.
Hoike a pono mai o Kamauoha o ke komite hookolokolo no ka hoopii a ko Kona Hema e noi ana e hoololi i kahi e malama ia ai ke kau klure kaapuni. Waihoia a noonoo pu me ka bila.
Hoike mai o McBryde o ke komite waiwai no ka hoopii a Bihopa Willis, kumuluna o ke Kula o Iolani, e noi ana e uku ia aku ke koena he $450 i hookaawale ia no ke Kula Iolani i ka 1892, e kue ana i ke noi mamujli e kona hemahema maoli i ka wa i kauoha ia ai e ke Kuhina waiwai e kikoo mai ma a mamua ae o Maraki 31, 1894.
Na Winston o ke komite kalepa, he hoike e pili ana i ka bila no na agena piepiele kaahele. Waihoia a noonoo p me ka bila.
Ma ke noi, ua heluhelu mua mai o Kamauoha i kana ila e hoololi ana i ke kau kaapuni apana 4, kauoha ia e pai.
Heluhelu mua mai o Robertson i kana bila e pili ana i ka unuhi ana mai i ka aila mahu. Kauoha ia e pai.
Hoolaha mai o Winston, e lawe mai ana oia he bila e pili ana i na mai o na holoholona.
Hoopanee a ke hora 10 kakahiaka apopo.
Aha Senate.
La Hana 20, Iulai 8,1895.
Hoomaka na hana e like me ka mau.
Hoike mai o Brown o ke komite o na bila i hooholo loa ia i ka Poaono i hala, ua haawi ia aku ka bila helu 9 no ko ka Peresidena kakau inoa mai.
Na Rice o ke komite pai, na pau i ke paiia kekahi mau bila a ua makaukau no ke kaana aku.
Na Hocking he hoopii mai a S. F. Chillingworth mai e noi ana e uku ia aku oia he $80.25 no ka hana i hookauwa ia ai oia ma kea no komisina palena aina ma Molokai a me Lanai. Waiho ia a noonoo pu me ka bila.
Hapaiia ka noonoo no ka bila haawina pakui ma kona heluhelu alua ana.
Kokua oihana koa $15,000. Noi ke Kuhina Hatch e hoomahuahua ia ka haawina a i ka $21,500. Hooholo ia ka hoololi.
No ke kokua a me ka malama ana i na paahao $14,000. Holo.
Noi ka Loio Kuhina, e hookomo ia i $5.000 mo ke kokua ana i na Kiai Makaainana. Hooholo ia ke noi a hookomo ia ka haawina.
No na lako kakau, buke a me na lilo o kela a me keia no ke keena a me na kula $5,000. Holo.
Hana hou ana i na Halekula $3,000. Holo.
No ua awapae a me na mouo, $5,000 no keia mau malama aku he umi. Holo.
Na alanui a me na alahaka ma Puna $5,000, ma Kau $2,000, ma Hana $1,500. Holo
No na lilo mau o ka pauma mahu oihana wai o Honolulu $5,000, oihana wai o Laupahoehoe $250 a me $2,000 oihana wai o Koloa. Hooholo pakahi ia.
Hale hookolokolo ma Kona $3,500 a me kokua telephone no ka hoohui ana ia Kona Akau, Kona Hema a me Kau $3,000. Holo.
Noi o Hocking, ehookomo ia ke $80.28 e uku ai ia Chillingworh maanei. Ae ia ke noi a hooholo ia haawina.
Noi ke Kuhina Waiwai e hookomo ia ka puu dala o $10,500 ma ka bila i hookaa ia ai ka uku kokua i ka Hui Alahao o Oahu ma o ka paa ana la o ke alahao a hiki i Waianae. Holo.
Noi mai ke Kuhina Waiwai e hookomo ia ma ka bila ka $450 i koe i ke Kula o Iolani. Holo.
Ma ke noi, ua kauoha ia ka bila e kakau poepoe.
Hoomaha a ka hora 1:30 auina la.
Akoakoa hou hora 1:30.
Heluhelu akolu ia ka bila Hui Kukui Uwila o Hilo, a mahope o ke kiola ia ana o ka pauku 6, ua hooholo loa ia.
Heluhelu akolu ia ka bila e papa ana i ka luku ia o na manu a hooholo loa ia.
Heluhelu alua ia ka bila a ka Hale mai e hoohaiki ana i ke komo ana mai o na pake a hooholo ia.
Heluhelu akolu ia ka bila e hookaa wale ana i mau haawina pakui hou no ke aupuni.
Noi o McCandless e hookomoia mahope koke iho o ka haawina o Kaiulani i $5,833.33 uku hoomau no ka ohana o Charles L. Carter mai Ianuari 17, 1895 a i Maraki 17, 1896. Waiho ia a Poah noonoo.
Hoolaha mai o McCandless e lawe mai ana ia i bila uku hoomau no O. Evans.
Hoopanee.
Hale Lunamakaainana.
La Hana 20, Iulai 8, 1895.
Hoomaka nah an e like me ka mau.
Hoike mai o Bond o ke komite malama ola, he mau hoololi ka lakou i ka bila alakohola. Waihoia a noonoo pu me ka bila.
Komite ka hale no ka noonoo ana i ka Bila Alahao Uwila. Halualani ma ka noho. Heluhelu ia ka hoike a ke komite no ka pauku 43 e ae ana i ke komo date ole mai o na lako o ka hui.
Nui ka hoopaapaa no ka pauku 43 a hooholo ia.
Ma ke noi, ua ae ia o Mr. Robertson e hookomo mai i pauku hou.
Noi o Richards e hapai hou i ka noonoo ana i ka pauku 19. Haule.
Hoopau ia ke komite a hooholo ia ka bila ma kona heluhelu alua.
Heluhelu mua ia ka bila e pale ai i na mai o na holoholona a waiho ia malalo o na rula.
Hoomaha ka hale a ka hora 1:30 auina la.
Noho hou i ka hora 1:30.
Heluhelu ia mai ka olelo hooholo hui a ka Aha Senate I hoouna mai ai, e hoomana ana i ka Peresidena e koho i komisina o ekolu mau anaaina e nana a hoike mai i ke kau Ahaolelo e hiki mai ana no ka hiki ke hana ia i alanui ma ka pali o Nuuanu. Haawiia i ke komite o na aina aupuni.
Ma ke noi a Pali, ua hapai hou ia ka noonoo o ka pauku 42 o ka bila alahao uwila.
Hoopaapaa ka Hale a hooholo ia i elua makahiki e hookuu wale ia ai ka auhau aupuni.
Ma ke noi a Kamauoha, ua hoohooholo loa ua ka bila e like me ia i hoololi ia. Kauoha ia e kakau poepoe, a e heluhelu ekolu ia ma ka Poaha.
Ma ke noi a Robertson, ua hapai ia ka noonoo pakahi ana i na pauku o ka bila alakohola ma ka heluhelu alua a hooholo ia me kekahi mau hoololi. Kauoha ia e kakau poepoe a e heluhelu akolu ia ma ka Poaha.
Heluhelu alua ia ka bila helu 11 a haawiia i ke komite hookolokolo.
Heluhelu alua ia ka bila helu 12 a haawiia i ke komite kalepa.
Heluhelu alua ia ka bila piepiele kaahele a hoopanee loa la.
Heluhelu alua ia ka bila helu 13 a haawi ia i ke komite hookolokolo. Hoopanee.
HE KANAWAI E HOOPONOPONO AI I KE DALA.
Eia imua noka Ahaolelo ke kanawai nona ke poo maluna ae i waiho ia mai e ke Aupuni no ka hooponopono ana i ked ala. E heluhelu ia penei.
Pauku 1. Ua ku no i ke kanawai i ke Kuhina Waiwai e hookaa i na palapala kikoo o ka waiho ia ana o na dala i hoopuka ia malalo o na hoakaka ana o ka Mokuna 35 o na Kanawai o ke Kau o 1886 a me na hoololi oia kanawai, i hookaa ole ia i keia manawa ma ko lakou waiwai maoli ke koi ia mai, a o na palapala hoike a pau i hookaa ia pela e unuhi koke ia a e hoopuu loa ia e ka Luna Buke Helu no ke Aupuni ma kea no i kauoha ia e ka Aha Hooko.
Pauku 2. Ua hiki no i ke Kuhina Waiwai e hoopuka a i ole ia e kauoha e hoopuka ia i kela manawa keia na palapala kikoo o ka waiho ia ana mai o na Dala Gula a me ke Dala Keokeo, e uku ia i ka mea nana e paa ana i ka Manawa e koi ia mai ai me ka ukupanee ole, ma kona hookaawale ana ma kea no he waihona kuikawa i kekahi huina i like ka nui o ke Dala Gula o Amerika Huipuia a me ke Dala Keokeo o ko Hawaii Paeaina a i ole ia o Amerika Huipuia ma kea no hoopaa no ka hookaaia oia mau kikoo o ka waiho ia ana.
Pauku 3. O na kikoo dala i hoopukaia mamuli o ka hoahu Dala Gula ana e hana ia me ka like o ka waihooluu a no na huina pakahi o elima, umi, iwakalua, kanalima a me hookah haneri dala. O na kikoo dala i hoopukaia mamuli o ka hoahu Dala Keokeo ana e hana ia ma kekahi waihooluu okoa i like ke ano a no na huina pakahi o elima, umi, iwakalua, kanalima a me hookah haneri dala.
Pauku 4. O na palapala hoike kikoo a pau oia ano e kakauinoa ia e ke Kuhina Waiwai a e kakau pakuiia e ka Luna Buke Helu o Ke Aupuni, a o na waihona Dala Gula a me Keokeo iloko o ka Waihona no ko lakou hookaa ia ana e lawelawe ia no ka hookaa ana i ua mau kikoo nei wale no, a e malamaia ma kea no he mau puu dala hoahu kuikawa no ia hana, aole no kekahi mea e ae.
Pauku 5. E mana keia Kanawai mai a mahope aku e kona aponoia ana, a o na kanawai a me na hapa kanawai a pau i ku like ole me kela nei ma keia ke hoopaa loa ia nei.
Wehewehe o ka Ninau Baibala a D. H. Aukai.
Mr. Lunahooponopono.
Aloha Oe:----
E oluolu oe e hookomo iho ma kahi kaawale o ka nupepa Kuokoa e whe ae oe i ka malamalama o ke pihi o ka uwila o ka Repubalika o Hawaii i ike mai ai o’u mau hoa loea huli Baibalai mai Hawaii a Niihau no ka’u mau wehewehe no ka ninau baibala a D. H. Aukai i hoopuka la ma ka helu 24, Iune 15, oia iho keia.
N 1. Owai ka mea nana i lawe ka buke a haawi aku i na ekalesia ma Asia.
H. O Paulo ka mea nana i lawe.
N 2. Na na lau olive elua a me na ipukukui elua.
Ma keia wahi e hoakaka aku au no na lau olive a me na ipukukui e ku ana imua o kea lo o ka Haku, e like me ka kuu hoa i ninau palua mai nei. Ma keia, ke hui nei au i na lau olive elua a me na ipukukui, he hookah no ia, ina he hoohalahala ko kuu hoa no nkuu nhoohui ana i na ipukukui me na lau olive, alaila o ka ipukukui ka’u e hoihoi aku hana, a o ka lau olive ka’u e wehewehe aku, e hoike aku au no na lau olive.
Eia ka’u wehewehe no na lau olive elua, ka nane huna a ke Akua I huna ai, a ua kauoha ia mai kakou e huli aku, me neia e maopopo.
Oia ko ke Akua poni ana ia laua i mea hoike mawaena o ke kanaka a me ke Akua, a he mana hoi ko laua e hoolilo i ka wai i koko a e hoino i ka aina, Puk. 4:9; 7:19; 8:5; a he hiki hoi ia laua ke hoopuka mai i ke ahi ma ko laua e paa i ka ua i ua ole mai, 2 Nalii 1:10, 12; Iak. 5:17, O keia ae la ka’u wehewehe a me na pauku i pili i ka ninau, a na oukou ia e kaupaona a e noonoo iho a koho hoi i ka inoa o keia mau lau olive, e like me ke ano o ka ninau, he hihio nane a ke Akua i hoike ia ia Ioane ma ka mokupuni o Patemosa, nolaila, he hihio nane ka ninau, a he nane ka haina, a na oukou e koho ka inoa, ina he kanalua ko oukou i kela mau wehewehe a me keia mau pauku, ua makaukau au e hoemi iho i ka Poai Lewa, a maluna o ka ilikai au e hookuu aku ai i ka malamalama o ka uwila, i ike aku au i na olulo e pupue ana maluna o ka lapa papa, i hoi hai ae au a komo ma ka lumi mehana.
Me ka mahalo,
J. Kaipu Kiiwaiolehua.
Kihapaipua o Makanalua, Iune 27, 1895.
Ua hoouna ia aku kekahi mau pahu pu maluna o kekahi mau mokuahi kuloko i holo aku i ke ahiahi Poalua iho nei, no ka hoolako ana i na puali makaainana i kukuluia ma na apana kuaaina.
Ma ka la 4 o Iulai, ua malama ia kekahi ahaaina nuima Hana Maui, malalo o na hooponopono ana a ka wahine a ka lunakanawai o ka apana. He ahaaina ohuohu i na mea ai Hawaii, a ua eleu ka hookoia ana o na mea a pau I hoolala ia ai. Ua hookelakela loa ia keia ahaaina mamuli o ka hoomomoa i ka hoomanao no ka puni ana o ka makahiki aupuni o ka Repubalika.
Ua malamaia he anaina mare ma Waioli, Hanalei, Kauai, Iulai 4, 1895, no ka hoohuiia ana maloko o ke kaula gula o ka mare e ka Rev. John Mathew Kealoha o Peni Kaheleiki a me Miss @aanou Kaupena. “E hoohua olua a e hoolaha hoi, a e hoopiha i ka aina.” “He mea mahaloia ka mare no na mea a pau, aole e hoopaumaeleia kahi moe.” Ua hiki kino ae o Mrs. E. Hart, Miss Annie Kealoha, Peter Nowlein, Mr. Henry Peter, Mrs. Thomas Bratt, Jeo, Gardner. Mahope o ka mare ia ana, ua uhola ia mai la he papaaina i lulu i na kohi kelekele o ka puukolu. Ua ai a lawa ka poe i hiki ae, he nui aku no na makamaka hanohano e ae, aole i loaa na inoa i ka mea kakau. Ma Moloaa, Kauai no, Iulai 8, m1895, Ua hanauia mai mailoko mai o ka puhaka o Mrs. J. Opio, he keikikane mohaha ui nani. Pela ke Akua e hoopomaikai mai ai ia olua.