Ka Nupepa Kuokoa, Volume XXXIV, Number 39, 28 September 1895 — O KA MA'I AHULAU. [ARTICLE]

O KA MA'I AHULAU.

(Mai Kahoahaoa J(ai.> E pono i ka poe haipule ke heluhelu pinepine i ka Halelu 91 i keia mau la. Ua hoolahaia kekahi ma'i ahulau ma Honolulu, a make mailoko mai o 85 i loaa ai ia lakou keia ino. He poe malihini 7 wale no i uluhia i keia poino. Ua ai lakou i mau ia, a pela no ka poe Hawaii. Oia ma ka nana'ku ke kumu 0 keia ma'i aliulau. v Pau koke keola. ke ole kalapaau pono ana ika wa koke. Ua palekana 25 i keia la, Sept. 24. Ua papaia ka ai ana i na ia maka, aka nae ua hana keia poe mamuli o ko lakou makemake, a pau koke ke ola ame ka naaupo pu. Ua like keia me ka hewa a me kona hua oia no ka make. I kekahi mau hewa aole pili paa ka make koke. Aka nae ma ka ma'i kolera ua hoololiia ke ano o ke koko ika wa koke. Luai, haalulu, anu, nawaliwali, maule, oia no na anuu o keia ma'i ahulau. Pau koke ke ola iloko o na hora ekolu. oka hookomo ana i kekahii wai paakai oia no ka lapaau e lanakila ana. oka hookomo ana 1 na manao o lesu oia no ka lapaau no ka ma'i uhane o ka hewa.