Ka Nupepa Kuokoa, Volume XXXV, Number 20, 15 May 1896 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

            II.  9.  Mei 31.  Ka Iesu wanana e pili ana i ko Ierusalema kukuia ana.  Luka 21:20-36.

            A I ka wa e ike ai oukou ia Ierusalema e hoopuniia e na kaua, alaila e ike oukou, ua kokoke mai kona neoneo ana.

            21  Alaila o ka poe ma Iudea, e holo lakou i na mauna; a o ka poe maloko ona, e holo lakou mawaho; a o ka poe ma na aina, mai komo lakou iloko ona.

            22  Na ka mea, o na la ia e hoopaaia'i, a e ko ai hoi na mea a pau i palapalaia.

            23  Auwe hoi ka poe wahine hapai, a me ka poe hanai waiu ia mau la! no ka mea, e nui ana ka poino maluna o ka aina a me ka huhu i keia lahuikanaka.

            24  A e haule no lakou i ka pahi kau@, a e lawe pio ia'ku lakou i na aina a pau; a e hehiia auanei o Ierusalema ila@o e na kanaka e, a pau aku na manawa o ko na aina e.

            25   A e ikeia'ku hoi na hoailona ma ka la, a ma ka mahina, a ma na hoku; a maluna o ka honua hoi ka pilikia ana o na lahuikanaka, me ka pilihua; e haalulu ana ke kai a me ke kupikipikio.

            26  E maule no hoi na kanaka, i ka makau a me ka manao ana i na mea e hiki mai ana maluna iho o ka honua; no ka mea, e hoonaueueia ana na mea mana o ka lani.

            27  Alaila e ike ai lakou i ke Keiki a ke kanaka e hele mai ana maluna iho o kekahi ao, me ka mana, a me ka nani nui.

            28  A i ka hoomakaia'a@ o ua mau mea la, alaila e nana ae oukou e ea ae hoi i ko oukou mau poo; no ka mea, ua kokoke mai ko oukou ola.

            29  A olelo mai la ia i ka olelo nane ia lakou; E hoomanao oukou i ka laau fiku, a me na laau a pau.

            30  I ka wa e ike ai oukou i ko lakou muo ana ae, alaila ike no oukou ua kokoke mai ka makalii.

            31  Pela hoi oukou, i ka wa e ike ai oukou i ka hiki ana mai o ia mau mea, e manaoio oukou ua kokoke mai no ke aupuni o ke Akua.

            32  He oiaio ka'u e olelo aku nei ia oukou, aole e hala keia hanauna mamua o ka hooko ana o ia mau mea a pau.

            33  E lilo no ka lani, a me ka ho nua; aka, o ka'u mau olelo, aole loa ia e lilo.

            34  E malama hoi oukou ia oukou iho, o kaumaha auanei ko oukou mau naau i ka uhauha ana, a me ka ona ana, a me ka manao ana ma keia ao, o kau mai hoi ua la 'la maluna iho o oukou, me ka manao ole ia aku.

            35  No ka mea, e kau mai ana ia me he pahele la maluna o ka poe a pau e noho ana maluna o ka honua a pau.

            36  Nolaila e kiai oukou me ka pule i kela manawa a i keia manawa, i manaoia mai oukou e pono ke pakele ia mau mea a pau e kau mai ana, a e ku hoi imua o ke Keiki a ke kanaka.

            Pauku Gula.  Luka 21:33.  E lilo no ka lani a me ka honua, aka, o ka'u mau olelo, aole loa ia e lilo.

            Manao Nui.  E pono no ke kiai mau, o haule koke kakou i ka poino o ka hewa.

            Olelo Hoakaka.  Ua haalele o Iesu i ka luakini ma ka auina la Poalua.  Ua pii aku oia me kona poe haumana i ka mauna Oliveta.  Mai laila aku, ua nana pono oia i ka nani o Ierusalema.  Ma kahi a Iesu i noho ai, malaila no hoi i ka wa mahope ua hoomoana ka pualikoa Roma.  Ua hoomanao oia i kona mau hana ame kona mau haiolelo no ka pono o kona lahui.  Ua minimina oia i ko lakou mau manao paakiki, ame ko na Parisaio hoole ana iaia me ka iini nui e pau koke oia i ka make.  Ua noonoo pono oia i ka hopena o ko lakou mau hana e poino ai ko lakou Mesia.  Alaila, ua hoopuka oia imua o kona poe haumana i keia olelo wanana e pili ana i ko Ierusalema lukuia ana.  Ua pono no ia lakou ke hoomaopopo lea aole kona kaulia ana ma ke kea, ka hopena o ko lakou mau manaolana.  E hoi hou mai ana o Iesu me kona mana uui palena ole e mau ana a mau loa aku.

            20.  Kaua,--ua hoopuni mua ia o Iesu e na koa Roma, M. H. 66, he hoailona keia o ka luku @a ana i ka wa mahope, M. H. 70.  21  Holo—ua malama pono ka poe manaoio i keia mau kauoha, aole i pepehiia hookahi.  22  Hoopaiia—mamuli o na olelo ao hooweliweli o ke kauoha kahiko, Oihk. 26:14-33.  Kan. 28-15.  Dan. 9:26,27.  Zek. 11:14-17.  23  Auwe—he olelo menemene keia, aole he olelo hailiili.  24  Pio—97,-000 ka poe Iudaio i lawe pio ia.  1,100,100 i pepehiia a make i ka wa a Tito i hoopio ai ia Ierusalema.  Hehiia—oiai ua hookahuliia na hale apau loa, a hoopauia ka nanaina o ka wahi noho.  Ua mau ke alii ana o ko na aina e.  Aole hiki i ka poe Iudaio ke kuai mai i wahi kahua hale.  25  Hoku—ua pili maoli paha keia olelo wanana i @a mea lani, a i ole paha i na lii o keia ao.

            26  Hoonaue ia ana—e like me ka naue ia ana i o a ianei ma ka wa olai o ka honua.  27  Oia no ka olelo wanana o Iesu iho e pili ana i kona hoi hou a@a mai.  28  Kokoke—oia no ka mea e hoohauoli ai i ka poe manaoio, e pau ana na mea ino, e alii ana o Iesu ma kona nani uhane, 29  Laau—he olelo hoohalike keia mai ke kupulau mai.  30  Muo—e like me ka @u ana o ka muo, pela no keia mau hoailona hooweliweli.  31  Aupuni—mamuli o ko Iesu haiolelo mua, a e loaa ia lakou ke aupuni lani.  Hoole nae lakou.  I ka wa mahope e hoolaha koke ia ana keia aupuni o Iesu.  32  Hanauna—ua hookoia keia olelo wanana he mau makahiki he 40 mahope o ko Iesu haiolelo ana.  33  Olelo—aole nae i kakauia lakou ia wa.  O ka mea mana loa ma keia honua i keia wa, no ka olelo a ke Akua.  34  Kaumaha—aole keia mea e hookaumaha ai e like me ka hewa.  35  Pahele—no ka hopu ana a paa i ka wa emoole.  36  Kiai—o loohia oukou i ka poino.  Pule—o pio oukou ma na pahele a Satana@

            1  Ka makau nui, 20-28.  Mahea ko Iesu wahi noho i kona wa i hoopuka ai i keia mau olelo ao hooweliweli?  Heaha ka poino ano nui ana i makau ai no ka lahui Iudaio?  Ua komo pu anei ka poe manaoio, aole paha?  I ka makahiki hea ua lawe pio anei na koa Roma ia Ierusalema?  Ehia mau makahiki mahope o ko Iesu olelo wanana?  Heaha kekahi mau hoailona o ka poino e kokoke mai ana?  Heaha kekahi mau poino hooweliweli o ua wa ino la?  Ua pili anei ko Iesu olelo i na mea lani paha, i na mea koikoi paha o keia ao?  Ua hiki mai anei o Iesu i ka wa a Ierusalema i luku ia, aole paha  e hoi hou mai ana anei oia i ka wa koke?  Heaha na kumu e hoohauoli ai i ka poe manaoio ma ko lakou nana ana i na hoailona o ka hookokoke ana o ka wa poino?  Ua hiki anei i ka hoomana Iudaio ke hoomau ia?

            II.  Ka makaukau kupono, 29-33.  Heaha kekahi kumu hoohalike a Iesu i kuhikuhi ai?  Ua makaukau anei ka lahui Iudaio no ko lakou mau hoopai?  Ua hookoia anei ko Iesu olelo wanana i ka wa o keia hanauna hookahi?  Heaha ka hoailona ma keia pae aina o ka pau ana o ka wa hooilo?  Ua pono i na kanaka ke hoomakaukau mua i na mea kupono no ka wa hou, ka hooilo paha, ke kau paha?  E mau ana anei na mea kino i ike maka ia, a i ole paha, ua hoololi mau ia anei lakou?  Heaha na mea e mau loa ai?  E hiki anei i na kanaka ke hoopau loa ai i ka Bailbala?  Ina e mau loa ana ka oiaio o ka Palapala Hemolele, he haawina ia o ke ano hea o keia olelo ao, no hea mai keia olelo?  Heaha kekahi mau olelo oiae pili ana i ko Iesu aupuni?

            III.  Ka makaala e pono ai, 34 36.  Heaha ko Iesu olelo ao i kona poe haumana e pili ana i ko lakou ano noho, ano hana?  Heaha na kumu no ko lakou kiai mau ana?  Heaha na kumu no ko lakou pule mau ana?  E mau ana anei ko Iesu aupuni?  Ua pili paa anei oe i keia aupuni?  Ua pili anei na poino i ke kukulu ana i ko Iesu aupuni hou? ua maule anei kekahi poe i ko lakou wa e ike ai i keia mau poino imua o lakou?  He pomaikai kumau anei no ka poe manaoio pau koke keia mau poino?  Ua manaolana anei oe e komo pu i ka pomaikai lani me ko Iesu poe i hoola ia?  E hiki ana anei i ke aupuni o Iesu ke lanakila ke ole ka hooikaika ana o ka poe manaoio?

            Manao Pili.  1  Hea kou hana ina paha e hoi hou mai ana o Iesu i keia hora?  2  Owai ka mea manaoio hiki ke noho nanea wale i keia mau la?  3  Ua pule anei oe i ke Akua e malama pono ia oe, oiai ua malama ole oe i ka olelo a ke Akua?  4.  I mai anei ko Iesu oihana uwao he mea e hookaumaha ai?  5  Ua poho anei kou manaolana e pili ana i ka lanakila o ka euanelio?

 

Moolelo o ka Ahahui Kula Sabati o ka Mokupuni o Kauai.

            Halawai ka Ahahui Kula Sabati o ka Mokupuni o Kauai ma ka Luakini o Lihue, Aperila 7, 1896, hora 10 a. m.

            O J. Kanoho ma ka noho.  Himeni ame ka pule O. H. Kulika, ame E. S. Timoteo.

            Kohoia o G. L. Kopa i kakauolelo no ka manawa, hooholoia.  Hoomaopopoia na lala o ka Aha i hiki mai, eia na lala:  Waimea, Saml Ekaula, Kahukula Sabati.  Kauiaa ka elele.  Lihue Willie bati.  Wileaileki ka elele.  Koolau, John Aluli, Kahukula Sabati.  J. Koani ka elele.  Hanalei, Mrs. E. Lono ka elele.  Na Kahukula Sabati Nui:  J. Kanoho, G. B. Meheula, na lala mau, na Kahu Ekalesia, O. H. Kulika, E. S. Timoteo.

            Noi mai o J. B. Kahleole e lilo o S. Kaili ame na hoa e ae i mau hoa kukakuka, hooholoia.

            Kohoia ke Komite Imi Kumuhana, Iakoba Kauiaa, Willie. Wileaileki.  Eia na kumuhana:

            1.  Hapalua hora haipule.  2.  Hoike a na Kahukula Sabati nui.  3.  Hoike a na Kahukula Sabati apanaame na elele.  4.  I komite hoeueu iwaena o na Kula Sabati apana.  5.  Lulu dala no ka waihona o ka buke Hoahana.  6.  Koho hou ana i na Kahukula Sabati nui.  7.  Koho ana i na elele.  8.  Koho i na Komite no ka Aha nui ma Honolulu.  9.  Kahi e noho hou ai keia Aha.

            Hapaiia ke kumuhana 2.  Hoike a na Kahukula Sabati nui.  Na J. Kanoho i kana hoike.  Aponoia.  Na Saml Ekaula i ko Waimea i kokuaia e ka elele.  Na ke Kakauolelo i ko Hanapepe hoike.  Na ke Kakauolelo i ko Koloa i kokuaia mai e ka elele.  Na W. H. Rice i kana hoike i kokuaia mai e ka elele.  Na J. Aluli i kana hoike i kouaia e ka elele.

            Kamuhana 4.  I komite hoeueu i na Kula Sabati.  Na J. B. Kahaleole i hoike mai i na hana hoeneu o ke Kula Sabati o Hanapepe.  Lawe mai o G. B. Meheula he olelo hooholo, e noho hou ke komite hoeueu e hana hou i na hana hoeueu ma Kauai nei.  Noi mai o E. S. Timoteo e hoopanee i keia aha a noho mai i ka hora 1 me ka hapa, hooholoia.  Hoopaneeia me ka pule a S. Kaili

            Hoomaka hou na hana a ka Aha e like me ia i hoopaneeia.  Himeni ame ka pule a J. B. Kahaleole.  Hapai hou ia ke koena o ke kumuhana hoeueu.  Ma ke noi a E. S. Timoteo e hapai hou ia ka olelo hooholo a G. B. Meheula, hooholoia.  He nui na manao hoolana i hoikeia e na lala o ka Aha no na hana hoeueu.  Noi mai o H. R. Hapuku e kapae loa i ka olelo hooholo, hooholoia.  Noi mai o H. R. Hapuku e kapae loa i ka olelo hooholo, hooholoia.  Noi mai o J. M. Naeole e hoike mai ke komite hoeneu E. S. Timoteo, pehea la oia ehana ai a lilo ai na opio ona e hele pu nei me ia i mau keiki kokua nui mai iaia ma ka hana hoeueu ana e hapai nei hooholoia ke noi.  Eia na mea ano nui i hoikeia.  1.  Me ka noho haipule imua o ke Akua.  2.  Ua alakaiia lakou e ike i ko ke Akua oiaio.  3.  He mau aha mele hoolauna a hoolaulea malaila e loaa ai.  4.  Aohe wae i ka aoao hoomana ma na hana Kula Sabati.

            Kumuhana 5.  Lulu dala no ka waihona nui no ka buke Hoahana.  Kamailio mai o E. S. Timoteo no keia hana lulu dala, noi mai e apono loa ia keia kumuhana a ua hooholoia.

            Kumuhana 6.  Koho ana i na Kahukula Sabati nui.  Waiho mai o J. B. Kahaleole i ka inoa o G. B. Mehula e hoomauia aku oia i Kahukula Sabati nui no Kauai Hikina a o J. Kanoho no Kauai Komohana, hooholoia.

            Kumuhana 7.  Koho ana i na elele no ka aha nui ma Honolulu J. Koani, ka mua, Mrs. E. L@no, kona hope.  Wileaileki, ka mua, S. K. Haae, kona hope.  Iakoba Kauiaa, ka mua, Aiu kona hope.  Willie, ka mua, Saml Ekaula, kona hope.

            Noi mai o G. B. Meheula e noonooia ka uku o na elele.  Hooholoia.  Ua hapai koke na lala o ka Aha i lulu no keia hana a na loaa na dala he $3.75.  Waihoia ma ka lima o J. Kanoho.  Noi mai o H. R. Hapuku ukuia na elele i umi dala pakahi, hooholoia.

            Kumuhana 8.  Na komite a keia Aha, Iakoba Kaulaa, komite o na palapala.  Willie, komite a ka Aha.

            Kumuhana 9.  Kahi e noho hou ai keia Aha.  Ua hooholoia ma kahi e noho ai ka Ekalesia malaila no e noho ai keia Aha.  Heluheluia ka moolelo, aponia.

            Noi mai o J. B. Kahaleole e hookomoia keia moolelo ma ka nupepa Kuokoa, hooholoia.

            Hoopaneeia, keia Aha me ka himeni ame ka pule a E. S. Timoteo.

G. L. KOPA.

Kakauolelo.

 

Moolelo o ka Aha Ekalesia o ka Mokupuni o Kauai.

LA HANA 1.

            Halawai ka Aha Ekalesia o ka Mokupuni o Kauai ma ka luakini o Lihue Aperila 8, 1896, hora 10 kakahiaka.  Kakauolelo mau ma ka noho.  Weheia na hana a ka Aha me na leo mele hoonani a me na pule hoomaikai i ke Akua, a pualu like na lala o ka Aha i ka Pule a ka Haku.  Hoomaopopoia na lala o ka Aha i hiki mai.  Eia na lala:  Waioli, D. Puhi ka elele; Koolau, J. K. Apolo ka elele; Kapaa, J. Kanoho ke komite, S. K. Haae ka elele; Koloa, Joseph Aiu haiolelo, Jacob Kauiaa ka elele; Hanapepe, J. B. Kahaleole misiona; Waimea, G. L. Kopa misiona.  Saml Ekaula ka elele.  Lala mau:  O. H. Kulika, J. M. Kealoha, R. Puuki, H. R. Hapuku, E. S. Timoteo hoa no keia Aha.

            Waihoia mai ka inoa o J. B. Hanaike i lunahoomalu; hooholoia.  Noho ka lunahoomalu ma ka noho me na olelo hoomaikai i na lala o ka Aha.  Koho ka lunahoomalu i na komite penei:  Komite Imi Kumuhana—O. H. Kulika, J. M. Kealoha, S. K. Haae; Komite Imi Haawina—R. Puuki, J. B. Kahaleole, D. Puhi; Komite Halawai—E. S. Timoteo, G. L. Kopa.

            Hoike a ke Komite Imi Kumuhana, eia na kumuhana:  1.  Hapalua hora haipule; 2.  Hoike kihapai; 3.  Hoike a na komite a ka Aha; 4.  Na palapala hoopii; 5.  Oihana Kuwaho, (a) na misiona i hoi mai, (e) na misiona e hoouna aku ai; 6.  Oihana Kuloko, (a) la kahu, (e) na luakini, (i) na hale kahu, (o) Ekalesia kahu ole; 7.  Heluhelu Haawina; 8.  Koho ana i na komite a me na elele no ka Aha Nui ma Honolulu; 9.  Olelo Hoalohaloha; 10.  na Keiki a ka Aha; 12.  Kahi e noho hou ai keia Aha.  Aponoia ka hoike a ke Komite Imi Kumuhana.

            Hapaiia ke kumuhana 2.  Na J. K. Apolo i ka hoike kihapai o Koolau; na J. B. Hanaike i ka hoike o Lihue i kokuaia mai e ka elele.  Noi mai o R. Puuki, o na mea i hanaia e ke Komite Hoeueu i hanaia ma ka Ekalesia o Lihue nei, e pakui pu mai ia me ka hoike kihapai o Lihue; hooholoia.  Na J. B. Kahaleole, komite papa ahaaina a ka Haku, i kokuaia mai e Aiu a me ka elele.  Na J. B. Kahaleole i ka hoike kihapai o Hanapepe; G. L. Kopa i ka hoike kihapai o Waimea, i kokua pu ia mai e ka elele.

            Noi mai o R. Pauki e hoopanee i i keia Aha a noho hou mai ma ka hora 2 o ka auwina la; hooholoia.  Pule o G. L. Kopa.

           

            Hoomaka hou na hana a ka Aha e like me ia i hoopaneeia.  Pule o H. R. Hapuku.

            Kumuhana 3.  Hoolaha mai ke Komite Halawai, e malamaia ana ka halawai ma Nawiliwili.  Na O. H. Kulika e malamaia ia halawai ma ka hora 7 me hapa o keia ahiahi.  Lawe mai o G. B. Meheula he olelo hooholo, hooholoia:  E hoomaha keia Aha a noho hou mai i ke kakahiaka o ka la apopo no ka hele ana o na lala o ka Aha no ke Kula o Malumalu; hooholoia.

            Kumuhana 4.  Aole.  Na ke Kakauolelo i heluhelu mai i ka hoike kihapai o Waioli.

            Kumuhana 5.  (a) Na D. Puhi a R. Puuki i hoakaka mai i ke ola kahu o Waioli.  Noi mai J. M. Makaimoku e waihoia keia hana o ke ola kahu o Waioli ma ka lima o ke Komite Hoeueu; hooholoia.  Lawe mai o E. S. Timoteo he olelo hooholo, hooholoia:  Mamua ae o ka lawe ana mai o na hoike kiha pai imua o keia Aha, e pono no e ka Ekalesia ma ke kakauinoa ana o ke kakauolelo o ka Ekalesia: hooholoia.  (e) Ua kamailio nui ia ka luakini o Waimea e na lala o ka Aha, a ua hooholo ka Aha i ko lakou ae e komo mai o Waimea e noi dala no ko lakou luakini ma na Ekalesia o keia mokupuni.  Koho ka lunahoomalu i ke Komite Hoolaa Luakini o Kapaa, oia o J. B. Hanaike, J. M. Kealoha, J. Kanoho, J. B. Kahaleole a me G. L. Kopa.  Lawe mai o O. H. Kulika he olelo hooholo, hooholoia:  Ke hauoli nei keia Aha e haawi aku i ko lakou ae e hana aku ke Komite i kohoia e ka Aha Pae Aina e imi aku i kahi e loaa ai na kahua luakini a kakou e noho hemahema nei me ka maopopo ole o ke kuleana, kahua luakini.  Hooholoia ka olelo hooholo.  (i) O J. Kanoho ke komite o Hanalei, J. M. Kealoha ke komite o Koolau a me Kapaa, J. B. Hanaike ke komite o Lihue, J. B. Hanaike ke komite o Lihue, J. B. Kahaleole ke komite o Koloa; hooholoia.  Hoopaneeia keia Aha in@a ka olelo hooholo a G. B. Meheula a noho hou mai ma ka hora 9 kakahiaka o ka la apopo.  Ua hooholoia e hele aku na lala o keia Aha ma ke kula o Malumalu.  Hoopaneeia me ka pule a O. H. Kulika.

 

LA HANA 2.

            Hoomaka hou na hana a ka Aha e like me ia i hoopaneeia.  Malama ia ka hora haipule, a heluheluia ka moolelo ka halawai i hala a aponoia.  Hoolaha mai o O. H. Kulika ua hooholo ka Papa Hawaii o J. K. Smith, M. D., i hoa kukakuka me na Kahu Ekalesia o ka Mokupuni o Kauai.  Hapaiia ke kumuhana 9.  Eia ke Komite Hoalohaloha no ko kakou hoa paahana W. B. Ka@ Kahu Ekalesia o Waioli:  R. Puuki, D. Puhi a me J. M. Kealoha.

            Kumuhana 5 .(a) Ua hoike mai o O. H. Kulika i na misiona o Kilipaki i hoi mai, oia o Nua a me Kaai; (e) aole i maopopo pono.

            Kumuhana 11.  O Willie ke keiki a ka Aha; hooholoia.  Koho ka lunahoomalu i Komite Ninaninau, eia ke komite:  J. M. Kealoha, R. Puuki, O. H. Kulika me J. Kanoho.  Kumuhana S. Komite Kihapai, G. L. Kopa; Komite a ka Aha, J. B. Hanaike.  Na elele:  Saml Ekaula ka mua, Willie kona hope; S. K. Haae ka mua, Wileailiki kona hope; J. K. Apolo ka mua, G. B. Meheula kona hope; D. Puhi ka mua, R. Puuki kona hope.  Lawe mai o J. K. Apolo he olelo hooholo, hooholoia:  Na kela a me keia Ekalesia e kokua i ka uku moku o na komite a me na elele no ka holo ana i Honolulu; hooholoia.  Kumuhana 7.  Aole mea i hanaia.  Kumuhana 12.  Lawe mai o Saml Ekaula he olelo hooholo, hooholoia:  E noho keia Aha ma ka Poakolu elua o Okatoba, 1896, ma ka luakini o Waimea.  Hooholoia.

            Hoike a ke Komite Ninaninau i na keiki a ka Aha, penei:  O Willie oia ke keiki a ka Aha i aponoia e ke Komite no ke Kula Kahunapule, a o Kauiaa e mau no oia i keiki na keia Aha a no kahi manawa aku.  Noi mai ke Komite Imi Haawina, o na haawina mua oia no na haawina e imiia ai, a na ke kakauolelo e hoouna aku i kela mau kumumanao i na kahunapule; hooholoia.  He mau manao paipai mai ka haiolelo Iapana mai, oia no o Tuamasaki, S. Kaili, a me J. B. Hanaike.  Heluheluia ka moolelo a aponoia.  Na J. B. Kahaleole, e hookomo i keia moolelo iloko o ka nupepa "Kuokoa" a me "Aloha Aina," a na hooholo ia.  Nana mai no he oleo hooholo, hooholoia:  Ke haawi aku nei na lala o keia Aha i ka hoomaikai i na makamaka o keia Ekalesia o Lihue nei no ko lakou malama ana mai i na mea e oluolu ai ke ola kino.  Noi mai o J. K. Apolo e hoopanee i keia Aha a noho hou ma Waimea i ka Poakolu elua o Okatoba, 1896.  Hooholo ia.  Hoopaneeia me ka himeni a me ka pule a J. B. Hanaike.

G. L. KOPA,

Kakauolelo mau.

 

Hoo@aha Kumau.

            Aole loa e maikai a oluolu ke ola ana o kekahi mea kino uhane ola ina he aa@ole kona akepaa a hiki ole ke lawelawe i kana mau hana me ka hololea.  E hahai ana ka nalulu a me na nawaliwali e ae ma ka moali o ke ake ponalo.  He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na

HUALE A AYERS,

oia wale no ka LAAU HOOLA AKE maikai loa i ikeia.  E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe ona lua@e like ai.

            O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka.  E pepehi a ulupa ana i na PUHA, e hoo@a ana i na pohapoha hi o ke ola ana a e kipaku loa ai i na ano ma'i a pau.  O ka poe ma'i no ka wali pono oleo ka ai, ka nawaliwali mau a ano ma'i e ae i ulu ae mai ke koko ino mai, he mee pono e inu i ka laau

SASAPARILA A AYERS,

He laau e hooikaika ai i ka nawaliwali, a e hoopuipui mai ai i ke kino.  Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

            O ka Ayers Cherry Pectoral laau, aohe lua ma ka hoola awiwi ana i ma KUNU, ANU a me na PUU EHA.  E hoola ia na KUNU KALEA a me na ma'i pili i ke ake me ka hikiwawe loa.

            O na Huaale a Ayers, na Sasaparila a me ka Ayers cherry Pectoral, aia kahi e loaa ai ma ka Halekuai o ka

Hollister Drug Co. Lt.

Na Agena ma ka Paeaina Hawaii.

2514

 

KAKELA ME KUKE

Ka Halekuai Nui

--O NA—

WAIWAI LIKE OLE

NA MEA

HANA KAMANAA PAU

Na lako pili hao kukulu hale,

            Na kepa,

                        Na lei ilio,

                                    Na kaulahao ilio,

                                                Na Pahi,

                                                            Na Upa,

                                                                        Na kope hulu,

                                                                                    Na Pulupulu.

PALAU LIO

Na mea mahiai,

Na au ho,

Na au koi,

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea piula,

Na ipuhao.

Makau me Aho Lawaia

Na Iliwai

            Na kaula,

                        Na hulu pena,

                                    Na pulumi,

                                                Na pena, me ka aila,

                                                            Na kopa,

                                                                        Na aila mahu

                                                                                    Na pakeke

Na pakeke hao,

            Na kapu hao,

                        Na pauda,

                                    Na kukaepele,

                                                Na uwiki, a me

                                                            Na ipukukui.

Mikini Humuhumu au @

Wilcox, & Gibbs Hookahi Lopi

ka Remington, Elua Lopi.

            A me na ukana he nui loa, kela ano me keia ano.

Kakela me Kuke

3926 Q