Ka Nupepa Kuokoa, Volume XXXV, Number 20, 15 May 1896 — Make i ke Kai. [ARTICLE]

Make i ke Kai.

Lunahooponopono u ke Kuokoa: Welina: —E oluolu oe e hookomo iho i keia mea hou maloko o ka wahaolelo a ka lahui, ka nupepa Kuokoa, no ka make ana o Mrs. Manohealii Kaipo o Naalehu, Kau, Hawaii, i ke kai Kau, i oleloia, a penei I ka moolelo o kona make ana:

Ma ka Poalua nei, Aperila 29, 1896, hora 6 a. m., oia kakahiaka, ua hoomakaukau iho la o Mr. N, P, Kunipo, he kupunakane no ke kaikamahine i oleloia e iho i kahakai aama ma Waikapuna, Kau, ua hoolaau ka moopuna e iho pu me ia, aka, ua hoole o Kunipo a no ka nui koi o ka moopuna, ua iho pu aku la laua. O keia mau la he mau la kai ino keia o Kau nei,a aohe hele ia ika lawaia ena ka.maaina. Ia laua ma kahakai o Waikapuna,ua hoomaka aku nei e alualu aama, hele laua ma ka aoao komohana o ia wahi a hiki ma Kiheaama, ua piha £a hapalua eke huluhulu i ka aama, leoi o Kunipo e hoi laua i kauhale, oiai, ua nui ka aama

i loaa ia laua ia wa, ua hoole ka moopuna, a hele hou laua e lawaia aama ma kahi hope i olelo. Ma keia wahi he luapuhi; o ke anapuni o luna loa, me he la he 5 a 6 paha anana ma ka aoao komohana; he lua kuhoho e moe ana i ke kai 7 8 paha anana mai ka luapuhi mai„ a mai ka poina-kai a ka luapuhi he ehiku a oi anana, ma ka aoao hikina he kaheka kai, he maikai nae ia wahi, malaila laua i naonao paiea ai mawaho aku o ka luapuhi kokoke i ka poina nalu, i ka pii ana mai o ka ohuku kai ua hoomaka laua e holo, uhi mai la k'e kai maluna o laua, ua holo pololei o Mrs, Manohealii Kaipo a poholo iloko o ka luasuhi, ia wa pokole, ua make iho la ia a u'a nalowale kona kino iloko o ka lua. O Kunipo hoi, ua hina oia ilalo a ua loaa no na palapu, o ke ola nae aole i poino. Ua nana ke kupunakane iaia aole ike hou ia, ua nalowale lee kino I iloko o ka lua, me he la o ka hoia 8 la. m. ponoi ia oka haule ana. Mai ia manawa mai ua huli ia kona kino aole nae i loaa a hiki i leeia la. He ola maikai kona kino mamua aku a hiki i kona loaa ana i keia ulia poino. Ua hanauia oia i ka la 7 o Dekemaha, | M. H. 1880, ma Keauhou, Kau, Hawaii, a hiki mai i keia la kokokē 16 makahiki, Ua mare oia ike kane ika la 7 o Sepatemaba o kela makahiki aku nei, he mau mahina wale no ko laua noho mare ana a make aku la oia. He kaikamahine ike ohana, oluolu, a heahea, lokomaikai a waipahe o Manohealii, O kana hana kaulana oiai oia e ola ana, he paniolo lio a hoohuli hipi o ke kula a ua oi aku kona maleaukau ma ia hana mamua o kalii poe kane, a o kona inoa kupono ma ka hoohepa ana ae, ke kaikamhaine o ke "Kipukaili." Ua haalele iho oia he kane, mau makua lehulehu me ka ohana nui e ■ paiauma aku me ke aloha paumako ma keia aoao nona. E hoomaikaiia ke Akua Kiekie. Nana no i hana mai a Nana no i lawe aku. D. K. WAILEHUA.