Ka Nupepa Kuokoa, Volume XXXV, Number 32, 7 August 1896 — Ka Huakai a ka Peresidena o ka Papa Ola no na Kaiaulu o Iapana ame Kina. [ARTICLE]

Ka Huakai a ka Peresidena o ka Papa Ola no na Kaiaulu o Iapana ame Kina.

HUAKAI IMI OLA KINO. I hopena no ka maua noii ponoi ana ame na olelo hoaleaka i loaa mai na kauka mai, na luna Aupuni ame kekahi poe e ae, ua hoopau ia ko maua manao, he mea pono loa ka nana akahele loa ia ana 0 na ohua ame ka hoomaemae ia ana o na aahu o na eemoku maluna o na moku e holo mai ana i ko Hawaii Pae Aina nei, mai na awa kumoku mai o Kina ame lapana; o ka oi aku nae, mai na awa mai o Kina. O ka nana ana i lawelaweia e na luna Aupuni' lapana ma Nagasaki, Kobe ame lokohama, ma na moku mai Kina mai, he maikai oiai e mau ana. Aka, i keia wa, ua malama wale ia no keia ano nana ana, ma ka wa e laulaha ana ka mai lele ma Kina. I ko maua huli hoi ana mai, mai Kina mai, ua kukakuka pu iho la maua me na luna Aupuni ma Tokio ame lokohama, no keia mea, a koi ikaika aku la e hoomauia keia kulana nana ana. Ke ole e nana ia a hoomaemaeia (na ohua ame na lole) ma Hongkong e ikea mau ana no ka loohia ana o ka pilikia, mamuli o ka ikeia ana o na ma'i lele mawaena ona eemoku mai laila mai. Ona keehina hana a maua i lawelawe ai ma Hongkong ame Amoy, ma o ka hookohu ana ia Dr. Gregory P. Jordan ame Dr. Hugh Mae Dougall i mau Luna Nana Ola, ame na rula hooponopono a laua e hooko aku ai, he mau mea waiwai nui ia; aka nae, aia a hookohu ia na luna nana malalo o ko Amerika Huiia Marine Hospital Service, e lilo ana keia kulana kaupale ola i mea hololea hapa wale no—nokamea, o ka hapa nui o na mokuahi e holo ana mai na awa mai o Kina.no Honolulu, he mau ohua no kekahi no Kapalakiko. e hiki ole ai lakou ke nana ia, a e puhi hoomaemae ia hoi ko lakou mau lole ame na ukana. O ka ma'i kolera ame ka mai puupuu lii ma Kina ame lapana, a o ka ma'i luku (plague) ma Kina, he poe ma'i kamaaina lakou no ia mau wahi (endemic), o na kanaka e holo ana mai keia mau awa mai, o ka mea mau, he poe lakou mai na kauhale mai o loko lilo o ka aina, na wahi hoi i oolea ole ai ka hookoia o na rula malama ola, elike la me ko na kulanakauhale. Aole he hana maa i keia ano kanaka ka puhi ana i na lole i pili ia e ka ma'i, 1 ke ahi,. a he pinepine loa hoi, aole noe puhi hoomaemaeia ana ia ano lole. Oiai nae, e laulaha wale ana no ke kolera ame ka ma'i luku (plague), ma ka mea maa mau, ma na malama wela, e puka ana no ka ma'i puupuu liilii i kela wa ame keia wa. Aole makau nui loa na Pake, a pela nohoi me na lapana i ka ma'i puupuu liilii. A ina e ikea ka puka ana o ka ma'i puupuu liilii mawaena o na ohua o mua (steerage passengers) e hunaia ana, ina e hiki. Ma keia holo hope ana aku nei a ka mokuahi Kina, oiai maua maluna ona, ua puka ae la ka ma'i puupuu liilii, a i hunaia no eha la. Ua ikeia ua ma'i la ma lokohama, ma ka wa a Dr. Eldredge e nana ana i na ohua. Ua oleloia, mamuli o ka o pinepine ana o na Pake ame na lapana i lahilahi ai ko lakou loohia ana i ka ma'i. Me he mea la, he kahua paha ko ka olelo ana pela, aka nae, ma ka huakai a ka Belgic mai lokohama mai, aia maluna ona he poe Pake eemoku i oi aku mamua o 500, i pau i ka o ia e ke kauka 0 ka moku, he 93 hapa-haneri o lakou 1 loohia i ka ma'i. A mai loko mai 0 23 poe eemoku lapana, he 9 o lakou 1 loaa i 'ka ma'i. No ka uuku loa oka makau ia ana o nei mea he ma'i puupuu liilii ma Kina a ma lapana. o kona ikeia ana ua puka ae maluna o kekahi moku, aole ia he kumu e hoomaluia ai ka moku, ua hookaawaleia aku ka poe i ma'i, a hana aku no ka moku i kana hana. (Aole i pau).