Ka Nupepa Kuokoa, Volume XXXV, Number 32, 7 August 1896 — Ka Bisimaka Koke [Illegible] no Ene- lani. [ARTICLE]

Ka Bisimaka Koke [Illegible] no Enelani.

Ladana, lulai 21. —He lono kai loaa mai, mai Hamburg mai, a i ke Keena 0 ka nupepa Sun o Ladana nei, e hoike ana, o ka manao mahope ae nei. oia ka me.nao a ke Keikialii Bisimaka i hoopuka ai, a i apono ai hoi, no ka ;nea e pili ana i ko Europa kulana kupilikii: "Ke rula ia nei ka Enelani kulana kalai Aupuni. e kona pihoihoi, no ka hakoko a Enelani e koiia ai e paio aku e .Rusia ame Farani. Ke hooikaika nei o Farani no ke Soudana; o Rusia hoi no Inia. a oiai, o Enelani ko laua hoa paio like; nolaila. ua lilo laua i mau koolua pili like i kahi ame kahi. me ka hana ole ia ana o kekahi kuikahi. O Aigupita, he kahua pookela loa ia no ko Enel&ni kulana, ma ka mea e pili ana ia Soudana ame Inia. a nolaila, oia ke kikowaena o na kalai Aupuni ana a Enelani; aole nohoi i, hoemiia iho keia kulana pihoihoi o Enelani, mamuli o ko Rusia kulana hope loa iho nei ma ka ninau o Aigupita. Aole o Enelani e haalele wale aku ana ia Aigttpita, aka, aole nae i !oaa iaia ka manaoio maoli ua lawa ia 1 hoa paio hakaka maoli no Rusia ame Farani, a nolaila, eia oia ke kaa-pa nei ma o a maanei, e loaa ona hoa nana oia e kokua, mamua aku nei no—a e manaolana nohoi kakou, ma keia hope aku —aole no e loaa ana, ma o Geremania la. ame Auseturia ame Hunegaria nohoi.

"Aka, ke hoehaeha hou ia nei no ka poe Pelekane e kekahi manao hoopihoihoi liou. Aole lakou ke ku nei ma ka manao ana, aohe e hiki i ko lakou mokupuni poo Aupuni, ke hoomahinu ia e ko waho aku nei ikaika, oiai, iloko o na makahiki i kaa hope ae nei, he nui na hana hou i loli ae, aka, o ke kulana palekaua o ua mau no ia elike me ka wa mai o Welinetona. * ♦ ' * Ua oi aku paha kona mau moku ma na kapakahakai o ko na Aina e, mamua o ko Rusia ame Farani, aka, o ka mana a mau mana Aupuni nae nona na moku e oi aku ana, ma kahi e ikea ai ka lanakila o ke kaua—oia hoi ke kowa kai Beritania ame ke kai Akau —oia auanei ke lanakila ana.

"0 ke aumōkukaua wale no o Farani i keia wa ma ke kowa kai o Beritania, he hoa puikaika no ia no»Enelani, a o ka hui ana o keia aumoku kaua me na aumoku kaua o Rusia ma ke kai Baletika, oia lea mea nana e haawi aku i ka hanu hope loa i ko Enelani noho mana hou ana aku maluna o na kai, e hooukaia ai keia hakoko ana. Mawaho ae o keia, oia kona kulana mokupuni, a he kumu hoopoinoia ia Enelani, mamuli o ke paniku ia ana o na lako ai e komo aku ana ilaila e kona enemi, nolaila, e konoia ana oia e haawi pio, ina e hiki ana i kekahi aumoku kaua lanakila ke paniku i ke komo ana aku o ka ai iloko ona. Aole i nele ko Enelani ike ana i keia poino a popilikia hoi, a no ia kumu oia e hooikaika nei i ka hana ana a nui hewahewa kona mau aumoku kaua. A ina e mau kona noho mana ana ma ke kai, alaila, o ka enemi e paio ana me ia, he mea pono iaia ke hookahuli koke i ke kaua moana ana e hoonee ana a i ke kaua aina, a e imi koke i ka olelo hooholo no ia ninau ma kahi i hoakoakoaia ai ka ikaika o na aa-1010 hoohana oia Aupuni, oia lioi, o> Aaehma."